#Local_New
Published_ 22 September 2022

လာမယ့်သီတင်းကျွတ်ပိတ်ရက်(၃)ရက်မှာ ပုဂံဒေသကိုဘုရားဖူးလာရောက်မယ့်သူတွေများပြားနေပြီး ပုဂံဒေသရှိလိုင်စင်ရဟိုတယ်(၆၅)လုံးမှာ အခန်းတွေကြိုတင်ဘိုကင်ယူထားသူတွေများပြားနေတယ်လို သိရပါတယ်၊၊

#Yangon_Media_Group

#DailyNews
Published _ 22 September 2022

၁။ ကြက်သွန်ဈေး ကုန်စည်ဒိုင်အဖွင့်ဈေးအရ ကျပ် ၂၄၀၀ ဝန်းကျင်အထိ ပြန်လည်ကျဆင်းနေဟုဆို

၂။ YBS ယာဉ်လိုင်းအားလုံးတွင် အတက်၊ အဆင်း ၃၀၀ ကျပ်ပေးစီးနေရ

၃။ ပရော်ဂျက်တိုင်းကို အရင်ဈေးနှုန်းများအတိုင်း လုပ်ဆောင်ပေးနေရ၍ ဆောက်လုပ်ရေးလုပ်ငန်းများ အခက်ကြုံနေ

၄။ အီရတ်မှ တိုက်ဂရစ်မြစ်ကြီး မြစ်ရေခန်းခြောက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published-22 Setember 2022

မြန်မာနိုင်ငံရဲ့စီးပွားရေးဟာ မတ်လနောက်ပိုင်းမှာ အတန်အသင့်တိုးတက်ခဲ့တယ်လို အာရှဖွံ့ဖြိုးရေးဘဏ် (ADB) ရဲ့ စက်တင်ဘာ ၂၁ ရက်နေ့ထုတ် အစီရင်ခံစာမှာ ဖော်ပြထားပါတယ်။

#Yangon_Media_Group

#Point_Of_View
Published_21 Sept 2022

"အထည်ချုပ်လုပ်ငန်းရှင်တွေအတွက် ဒီဇယ်ခွဲတမ်းတင်သွင်းနိုင်ရေး ကူညီသွားမယ်"လို့ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေး ဝန်ကြီးဌာန ဒုဝန်ကြီး ဒေါက်တာဝါဝါမောင် က YMG ကို ပြောပါတယ်။

#Yangon_Media_Group

#Local_News
Published-22 Setember 2022

ဗဟိုဘဏ်မှ မိုဘိုင်းငွေပေးချေရေးအကောင့်များ၏ အချက်အလက်တွေကို တိုက်ဆိုင်စစ်ဆေးမည်ဟု ထုတ်ပြန်ပြီးနောက်ပိုင်းတွင် စီးပွားရေးလုပ်ကိုင်သူအများစုမှာ Kpay ၊ Wave money တို့ဖြင့် ငွေပေးချေမှုကို ရပ်နားထားကြောင်း အွန်လိုင်းရှော့လုပ်ငန်းလုပ်ကိုင်သူတွေထံမှ သိရသည်။

အချက်အလက် အပြည့်အစုံ မဖြည့်သွင်းထားသည့် ငွေပေးချေရေးအကောင့်တွေကို အပြီးဖျက်သိမ်းမည်ဟု ဗဟိုဘဏ်က ထုတ်ပြန်ခဲ့ခြင်းဖြစ်သည်။ အဆိုပါ ထုတ်ပြန်ချက်ထုတ်ပြီးနောက်ပိုင်းတွင် Kpay ၊ Wave money စသည့် အွန်လိုင်းငွေပေးချေမှု သုံးစွဲသူတွေ၏ အကောင့်အချိုဟာ အပြီးပိတ်သိမ်းခံရမှုတွေ ရှိလာကြောင်း သိရသည်။

အဆိုပါ အကောင့်ပိတ်သိမ်းခံရမှုတွေ ရှိလာခြင်းကြောင့် အွန်လိုင်းဈေးရောင်းချသူတွေအနေဖြင့် Kpay နှင့် Wave money တို့ကနေ ငွေပေးချေမှုတွေ မပြုလုပ်ရန် အသိပေးထားကြောင်း သိရသည်။

“ ခဏနားထားတယ်။ ဖေ့စ်ဘုတ်ပေါ်မှာလည်း သတင်းတွေက တက်နေတော့ ခဏနားထားလိုက်တယ်။ အကုန်လုံးအဆင်ပြေတယ်ဆိုရင် ပြန်သုံးမှာပေါ့”ဟု အွန်လိုင်းရှော့လုပ်ကိုင်နေသူတစ်ဦးက ပြောသည်။

ဗဟိုဘဏ်မှ မိုဘိုင်းငွေပေးချေမှုအသုံးပြုသူတွေအနေဖြင့် နီးစပ်ရာကိုယ်စားလှယ်များ၊ ဘဏ်တွေဆီသွားရောက်ပြီး မိမိတို့၏ ကိုယ်ရေးအချက်အလက်တွေကို အဆင့် (၂) သို့ အချိန်မီမြှင့်တင်ရန် လိုအပ်ပြီး အဆင့် (၂) ကို တိုးမြှင့်လိုခြင်းမရှိသည့် မိုဘိုင်းငွေကြေးစာရင်းပိုင်ရှင်တွေအနေဖြင့် မိမိတို့လက်ကျန်ငွေတွေကို အသုံးပြုနိုင်မည့် နည်းလမ်းများအား ဘဏ်၊ မိုဘိုင်းငွေရေးကြေးရေးဝန်ဆောင်မှုလုပ်ငန်းများနှင့် ဆက်သွယ်ဆောင်ရွက်ရန် အသိပေးထားကြောင်း သိရသည်။

#ymg/sth
#Yangon_Media_Group

#Local_News
Published _22 September 2022

အက္ခရာနှင့်ရှေ့ဂဏန်းတစ်လုံးတူ တစ်သောင်းဆု အစီအစဉ်ကို အောက်တိုဘာလ(၁)ရက်တွင် ဖွင့်လှစ်မည့် အောင်ဘာလေထီဖွင့်ပွဲကစတင်မည်ဖြစ်ကြောင်း ပြည်တွင်းအခွန်များဦးစီးဌာနက သိရသည်။

လက်ရှိ အောင်ဘာလေထီဆုများမှာ သိန်း၅၀၀၀၊ ကျပ်သိနမး ၁၀၀၀၊ ကျပ်သိန်း ၅၀၀၊ ကျပ် သိန်း၂၀၀ ဆုကြီးများ၊ အက္ခရာနှင့်ရှေ့ ငါးလုံးတူလျှင် ၃ သိန်းကျပ်၊ အက္ခရာနှင့်ရှေ့လေးလုံးတူ ၂သိန်းကျပ်၊ အက္ခရာနှင့်ရှေ့သုံးလုံးတူ ၁ သိန်းကျပ်၊ အက္ခရာနှင့်ရှေ့နှစ်လုံးတူငါးသောင်းကျပ် အသီးသီးချီးမြှင့်ပေးလျက် ရှိသည်။

ယခုလာမည့် ၄၃ ကြိမ်မြောက်အောင်ဘာလေ ထီပွင့်ပွဲကစ၍ အဆိုပါ အက္ခရာနှင့်ရှေ့ဂဏန်းတစ်လုံးတူ တစ်သောင်းဆု အစီအစဉ်ကို စတင်မည်ဖြစ်ကြောင်း သိရသည်။

#ymg/mt
#Yangon_Media_Group

#Local_News
Published _ 22 September 2022

တောင်ကိုရီးယား အလုပ်အကိုင် အရည်အချင်းစစ်စာမေးပွဲ (EPS-Topik)ကို လာမည့် စက်တင်ဘာ၂၉ ရက်တွင် စတင်ကျင်းပသွားမည်ဖြစ်ကြောင်း အစိုးရပြည်ပအလုပ်အကိုင်အေဂျင်စီ (POEA)မှ ထုတ်ပြန်ထားသည်။

ထုတ်ပြန်ချက်တွင် စာမေးပွဲများကို စိုက်ပျိုးရေးနှင့်မွေးမြူရေးလုပ်ငန်းများအတွက် စက်တင်ဘာ ၂၉ ရက်မှ အောက် တိုဘာ ၂၇ ရက်အထိ၊ ကုန်ထုတ်လုပ်ငန်း ပထမအသုတ်အတွက် အောက်တိုဘာ ၃၁ ရက်မှ ဒီဇင်ဘာ ၂၉ ရက်အထိ၊ ကုန်ထုတ်လုပ်ငန်း ဒုတိယအသုတ်အတွက် ၂၀၂၃ ခုနှစ် ဇန်နဝါရီ ၃ ရက်မှ ဧပြီ ၃ ရက်အထိနှင့် ဆောက်လုပ်ရေးလုပ်ငန်းအတွက် ၂၀၂၃ ခုနှစ် ဧပြီ ၁၇ ရက်မှ မေ ၁၅ ရက်အထိ သတ်မှတ်ထားကြောင်း သိရသည်။

စိုက်ပျိုးရေးနှင့် မွေးမြူရေးလုပ်ငန်းများအတွက် ဖြေဆိုရမည့်အချိန်နှင့် ခုံအမှတ်တိုကို ကြေညာသွားမည်ဖြစ်ပြီး ကုန်ထုတ်လုပ်ငန်း ပထမအသုတ်၊ ကုန်ထုတ်လုပ်ငန်း ဒုတိယအသုတ်နှင့် ဆောက်လုပ်ရေးလုပ်ငန်းတို၏ ကျင်းပမည့်နေ့ရက်များ အပြောင်းအလဲရှိနိုင်ကြောင်း သိရသည်။

မူလက စာမေးပွဲများကို ကုန်ထုတ်နှင့် ဆောက်လုပ်ရေးလုပ်သားများအတွက် ဩဂုတ်လ ၁၆ ရက်မှ အောက်တိုဘာလ ၁၅ ရက်အထိ စစ်ဆေးရန် ကြေညာခဲ့ပြီးနောက် စာမေးပွဲဖြေဆိုမည့်သူ များပြားနေခြင်းကြောင့် စိစစ်နေသည့်အတွက် သတ်မှတ်ရက်အတွင်း ကျင်းပနိုင်ခြင်း မရှိခဲ့ဘဲ ကြန့်ကြာနေခဲ့ကြောင်း ယခုနှစ် ဇူလိုင်လအတွင်း စာမေးပွဲကိုဖြေဆိုရန် လျှောက်ထားခဲ့ကြရာ လျှောက်ထားသူဦးရေမှာလည်း ၃၇၀၀၀ကျော်အထိ ရှိခဲ့ကြောင်း သိရသည်။

တောင်ကိုရီးယား အလုပ်အကိုင်စာမေးပွဲ အောင်မြင်သူတိုင်း တောင်ကိုရီးယားနိုင်ငံတွင် သွားရောက်အလုပ်လုပ်ကိုင်ရမည်မဟုတ်ဘဲ အလုပ်ရှင်၏ စိတ်ကြိုက်ရွေးချယ်ခံရသူများသာ သွားရောက်အလုပ်လုပ်ကိုင်ခွင့်ရမည်ဖြစ်ကြောင်းလည်း POEA မှ ထုတ်ပြန်ထားရှိသည်။

#ymg/NN
#Yangon_Media_Group

#Local_News
Published_ 22 September 2022

ကာတွန်းဝိဇ္ဇာအနေဖြင့် ပထမဦးဆုံးအကြိမ် တစ်ကိုယ်တော်ပန်းချီပြပွဲကိုပြသသွားမည်ဖြစ်ပြီး (၆)နှစ်ကျော်ကြာရပ်နားထားရသည့် တာယာပွကြီးဇာတ်ကောင်ကို Animation ဖြင့် ပြန်လည်အသက်သွင်းသွားရန် အစီအစဉ်ရှိသည်ဟု YMGကိုပြော သည်၊၊

ကာတွန်းဝိဇ္ဇာအနေဖြင့် စာအုပ်အငှားဈေးကွက်ပျက်သွားတာကတစ်ကြောင်း၊ ရေးဖော်ရေးဖက်အဖွဲ့ဝင်တွေ ဆုံးပါးသွားတာတစ်ကြောင်းကြောင့် တာရာပွကြီးဇာတ်ကောင်ဖြင့် ကာတွန်းရေးဆွဲခြင်းကိုရပ်နားထားရခြင်းဖြစ်သည်၊၊

"တာရာပွကြီးဇာတ်ကောင်နဲ့ ကာတွန်းမရေးဖြစ်တာကြာပြီ၊၊ ကိုဗစ်မဖြစ်ခင်၂၀၁၆လောက်ကတည်းက ရပ်နားခဲ့ရတာပါ၊၊ ဦးတို့လုပ်ဖော် ကိုင်ဖက် တွေနေမကောင်းဖြစ်တာ၊ ဆုံးပါးသွားတာတွေကြောင့်လည်းပါတယ်၊၊ အဓိကကတော့ စာအုပ်အငှားဈေးကွက်တွေပျက်တော့ ထုတ်ဝေသူတွေကလည်းမလုပ်ချင်တော့လို မလုပ်ဖြစ်တော့တာလည်းပါတယ်၊၊ လောလောဆယ်ကာတွန်းကတော့ ပြန်မရေးဖြစ်သေးဘူး၊၊တစ်ကိုယ်တော်ပန်းချီပြပွဲတော့ ပြသဖို့ရှိတယ်၊၊ တာရာပွကြီးဇာတ်ကောင်ကို ပြန်အသက်သွင်းဖို့ Animation လုပ်ဖိုတော့ စိတ်ကူးရှိတယ်၊၊ လုပ်ဖို့လည်း ကြိုးစားခဲ့ဖူးတယ်၊၊ တစ်ယောက်တည်းမလုပ်နိုင်တဲ့အတွက် လုပ်နိုင်မယ့်လူငယ်တွေရှိရင်တော့ ပူးပေါင်းပြီးလုပ်သွားဖို့ရှိပါတယ်"ဟု ကာတွန်းဝိဇ္ဇာ(ခေါ်)ဦးခိုင်ဝင်းက YMG ကို ပြောသည်၊၊

ကာတွန်းဝိဇ္ဇာ တစ်ကိုယ်တော်ပန်းချီပြပွဲကို ရန်ကုန်ကမာရွတ်မြို့နယ်ရှိArtist Gallery Café ပန်းချီပြခန်းတွင်စက်တင်ဘာလ(၂၃)မှ (၂၆)အထိ ပြသသွားမည်ဖြစ်သည်၊၊

ပြပွဲကို Dancing with Rainbow Vol 1 ဟု အမည် ပေးထားပြီးတာယာပွကြီးတို့ ဇာတ်ကောင်တစ်စု၏ ပန်းချီကားများကိုလဲ အမှတ်တရ ထည့်သွင်းပြသပေးသွားမည့်အပြင် မင်းသမီးပန်းချီကားများ၊ အောက်ဒိုးရေးဆွဲထားသည့် ရှုခင်းပန်းချီကားများလည်း ပြသသွားမည်ဖြစ်ကြောင်း သိရသည်၊၊

#ymg/tthl
#Yangon_Media_Group

#World_Technology
Published 22 September 2022

အဆင့်မြင့်နည်းပညာနဲ့ ထုတ်လုပ်ထားတဲ့ အနာကပ်ပလာစတာဟာ ခွာလိုက်တဲ့အခါ အမွှေးအမျှင်တွေမပါစေဘဲ ဒဏ်ရာသက်သာစေတဲ့အပြင် နာကျင်မှုလျော့နည်းအောင် ပြုလုပ်ပေးနိုင်မှာပါ။

ပန်ဆယ်လ်ဗေးနီးယားတက္ကသိုလ်မှ သိပ္ပံပညာရှင်များ စမ်းသပ်ထုတ်လုပ်နေတဲ့ ပလာစတာဟာ ရေထဲမှာ စက္ကန့်ပိုင်းအတွင်း စိုစေပြီးတာနဲ့ အရေပြားပေါ်ကနေ မနာမကျင်ဘဲ ခွာပစ်နိုင်ပါတယ်။

အရေပြားပေါ်ကပ်ထားတဲ့အခါမှာလည်း သာမန်ပလာစတာတွေထက် နှစ်ဆပိုမြဲမြံကာ အမှုန်အမွှားနဲ့ ဘက်တီးရီးယားဝင်ရောက်ခြင်းကို ကာကွယ်ပေးပြီး ထိခိုက်ပွန်းပဲ့ခြင်းနည်းအောင် ပြုလုပ်ပေးပါတယ်။

ဒီပလာစတာတွေကို အိမ်မှာပဲဖြစ်ဖြစ် ဆေးရုံမှာပဲဖြစ်ဖြစ် အသုံးပြုနိုင်အောင် ဖန်တီးပေးထားပါတယ်။

သာမန်အနာကပ်ပလာစတာတွေဟာ ဒဏ်ရာပေါ်ကခွာတဲ့အခါ နာကျင်ရပြီး အထူးသဖြင့် အမွှေးရှိတဲ့နေရာတွေနဲ့ ပျော့တဲ့နေရာတွေဆိုရင် ပိုနာကျင်ရပါတယ်။

ပလာစတာကို ခွာလိုက်တဲ့အခါ အရေပြားရဲ့အပေါ်ဆုံးအလွှာပါသွားတာကြောင့် အလွန်နာကျင်တာဖြစ်တဲ့အပြင် အမွှေးတွေလည်း အမြစ်ကနေပါသွားနိုင်ပါတယ်။

ပလာစတာကို တစ်ခါတည်းနဲ့ဆွဲခွာတာမျိုးနဲ့ ဖြည်းဖြည်းချင်းခွာတာမျိုးမှာ ဘယ်ဟာကပိုကောင်းသလဲဆိုတာကို ဩစတြေးလျဆေးရုံတစ်ခုမှာ လေ့လာခဲ့ကြပါတယ်။

ဖြည်းဖြည်းချင်းခွာတာက တစ်ခါတည်းဆွဲခွာတာထက် နှစ်ဆလောက်ပိုနာကျင်ရကြောင်း တွေ့ရှိခဲ့ကြပါတယ်။

အဆိုပါ ပလာစတာကို ထုတ်လုပ်တဲ့သူတွေက မခွာခင်မှာ ကပ်ထားတဲ့နေရာကို ရေနွေးနွေးလေးမှာ စိမ်ထားနိုင်ပြီး ဒါမှမဟုတ် ရေခဲနဲ့ မိနစ်အတော်ကြာအောင် အုပ်ထားကာ ကြွပ်ဆတ်လာတော့မှ ခွာရတာပိုလွယ်ကူကြောင်း အကြံပေးလိုက်ပါတယ်။

ပလာစတာအများစုက ကပ်အားကောင်းတဲ့ကော်အသုံးပြုကာ ခွာရခက်သလို အချို့ပလာစတာတွေက ခွာရလွယ်ပေမယ့် အလွယ်တကူကွာကျတတ်ပါတယ်။

အခုတီထွင်တဲ့ ပလာစတာက အထူးအယ်လ်ကိုဟောတစ်မျိုးဖြင့်ပြုလုပ်ကာ အလွန်ကပ်အားကောင်းသလို စက္ကန့် ၃၀ လောက်ရေစိမ်လိုက်ရင် ခွာရလွယ်ကူပါတယ်။

ကြွက်တွေနဲ့စမ်းသပ်ရာမှာ ပလာစတာခွာလိုက်တဲ့အခါ အမွှေးတွေက အကောင်းပကတိ နီးပါးအတိုင်း ကျန်နေခဲ့ပါတယ်။

ဒဏ်ရာသန့်စင်ရေးလုပ်တဲ့ပစ္စည်းတွေကို အဆင့်မြှင့်ထုတ်လုပ်ဖို့လည်း ဆက်လက်လေ့လာနေပါတယ်။

အရေပြားပေါ်မှာ အသာအယာလေး ခွာနိုင်တာက ကလေးတွေနဲ့ လူကြီးတွေအတွက် အဆင်ပြေစေမှာပါလို့ ရွိုင်ယယ်ဖရီးဆေးရုံမှ ပလတ်စတစ်ခွဲစိတ် ဆရာဝန်တစ်ဦးက ဆိုပါတယ်။

Source: Daily Mail
#Yangon_Media_Group

#Local_News
Published _22 September 2022

မန္တလေးမြို့၊ချမ်းမြသာစည်မြို့နယ်၊ (၄၅)လမ်းနှင့် (၄၉)လမ်းကြား၊ (၁၁၆)လမ်းနှင့် လမ်း(၁၂ဝ)ကြား၊ မြရည်နန္ဒာအိမ်ယာဝန်းထဲက (မမ/၁၆)၊ တိုက်အမှတ်(၉)ရှိ အခန်း(၂၀၆)တွင် စက်တင်ဘာလ၂၁ ရက်က ဒဏ်ရာများဖြင့် သေဆုံးပုပ်ပွနေသော အမျိုးသမီးတစ်ဦးရုပ်အလောင်းကို တွေ့ရှိခဲ့ရကြောင်း သိရသည်။

သေဆုံးသူမှာ ရန်ကုန်မြို့ကလာရောက်သူဖြစ်ပြီး အသက် ၃၈ နှစ်အရွယ် မသူဇာအောင်ဖြစ်ကြောင်းသိရသည်။

သေဆုံးသူ၏ ခင်ပွန်းဖြစ်သူမှာ စက်တင်ဘာလ ၁၉ ရက် နံနက် ၈ နာရီခန့်တွင် မန္တလာတက္ကသိုလ်၊ လုံခြုံရေးဝန်ထမ်း တာဝန်ဆောင်ရွက်ရန် နေအိမ်မှ ထွက်သွားခဲ့ပြီး စက်တင်ဘာလ ၂၁ ရက်မွန်းလွဲ ၂ နာရီတွင် နေအိမ်သို့ ပြန်လည်ရောက်ရှိလာခဲ့စဉ်ဇနီးဖြစ်သူ၏ မျက်နှာညို
ပုတ်ဖူးယောင်သွေးထွက် ဒဏ်ရာ၊ ယာလက်ကောက်ဝတ် ပြတ်ရှဒဏ်ရာ၂ ချက်၊ ဝဲလက်ကောက်ဝတ် ပြတ်ရှ ဒဏ်ရာ၃ ချက်တို့ဖြင့် သေဆုံးနေကြောင်း တွေ့ရှိရသောကြောင့် သက်ဆိုင်ရာကိုအကြောင်းကြားခဲ့ခြင်းဖြစ်ကြောင်းသိရသည်။

သေဆုံးသူအလောင်းကို ရဲဆေးစာရေးသား၍ မန္တလေးပြည်သူ့ဆေးရုံကြီးသို့ ပို့ဆောင်ခဲ့ကြောင်းနှင့် အောင်ပင်လယ်နယ်မြေရဲစခန်းတွင် (ပ)၂၆၈/၂၀၂၂၊ ရာဇသတ်ကြီး ပုဒ်မ-၃၀၂ဖြင့် အမှုဖွင့်ထားကြောင်း၊သေဆုံးသွားသည့် မသူဇာအောင်၏ ပတ်ဝန်းကျင်ရှိ အခန်းများတွင် နေထိုင်သူကြသူများ စုပေါင်း၍ မသူဇာအောင် ဘဝကူးကောင်းစေရန် အန္တရာယ်ကင်းပရိတ်တရားနာ အမျှပေးဝေခဲ့ကြောင်းလည်း သိရသည်။

#ymg/mt
#Yangon_Media_Group

#Local_News
Published _ 22 September 2022

ထိုင်းနိုင်ငံတွင် အလုပ်လုပ်ရန် တရားမဝင်လမ်းကြောင်းမှတဆင့် ဝင်ရောက်လာသည့် မြန်မာလုပ်သား ၃၄ ဦးကို စက်တင်ဘာလ ၂၀ ရက်က ကန်ကျနဘူရီခရိုင်မှာ ဖမ်းဆီးခဲ့ရကြောင်း ကန်ကျနဘူရီဒေသ သတင်းဌာနတွင် ဖော်ပြထားသည်။

နိုင်ငံအတွင်း တရားမဝင် ဝင်ရောက်မှုများကို တားဆီးနိုင်ရန် ထိုင်းအစိုးရအနေနှင့် မူဝါဒချမှတ်ထားသောကြောင့် ကန်ကျနဘူရီခရိုင်အခြေစိုက်စူရစီတပ်၊ လာ့တ်ရာ့အထူးတပ်ဖွဲ့ကဒေသအတွင်း ကင်းလှည့်စစ်ဆေးခြင်း၊ စစ်ဆေးရေးဂိတ်ဖွင့်ပြီး စစ်ဆေးခြင်း စသည်များကို တင်းတင်းကျပ်ကျပ် လုပ်ဆောင်နေလျက်ရှိသည်။

ကန်ကျနဘူရီခရိုင်မှာ စစ်ဆေးရေးဂိတ်ဖွင့် စစ်ဆေးခဲ့ရာမှ စက်တင်ဘာလ ၂၀ ရက်ညက တရားမဝင် မြန်မာလုပ်သား ၃၄ ဦး ဖမ်းဆီးခံခဲ့ရသည်။

ဖမ်းဆီးခံခဲ့ရသည့် မြန်မာလုပ်သား အမျိုးသား ၁၉ ဦး၊ အမျိုးသမီး ၁၅ ဦးဟာ မော်လမြိုင်၊ ရန်ကုန်၊ ပဲခူးနှင့် ရခိုင်ဒေသများမှ ဖြစ်ကြောင်းလည်း သိရသည်။

ထိုင်းတွင် အလုပ်ရရှိရန် အလုပ်သမားပွဲစားကို ဘတ်တစ်သောင်းမှ ဘတ်သုံးသောင်းအကြားပေး၍ လာရောက်ရခြင်းဖြစ်ကြောင်း ၎င်းတို့ထံမှ သိရသည်။

ဖမ်းဆီးခံရသူများကို အရေးယူရန် ဒေသရဲစခန်း၌ ထိန်းသိမ်းထားကြောင်း သိရှိရသည်။

#ymg/NN
#Yangon_Media_Group

#World_Military
Published 22 September 2022

ယူကရိန်းပဋိပက္ခစစ်ပွဲတွင် အမှုထမ်းရန် ရုရှားတစ်နိုင်ငံလုံးတပ်သားစုဆောင်းရေး အစီအစဉ်တစ်စိတ်တစ်ပိုင်းအနေဖြင့် အရန်တပ်သား ၃ သိန်း ခေါ်ယူသွားမယ်လို့ ရုရှားကာကွယ်ရေးဝန်ကြီး'ဆာဂျီရှိဂူ'က ဗုဒ္ဓဟူးနေ့က ကြေညာလိုက်ပါတယ်။

ဒါ့အပြင် ရုရှားဟာ စစ်သားအရေအတွက် လုံလောက်စွာရှိတယ်လို့လည်း ထပ်လောင်းပြောကြားခဲ့ပါတယ်။

ကာကွယ်ရေးဝန်ကြီးရဲ့ ပြောကြားချက်အရ တပ်သားခေါ်ယူရာမှာ တက္ကသိုလ်ကျောင်းသားတွေနဲ့ စစ်မှုထမ်းများမပါဝင်ဘူးလို့ သိရပါတယ်။

စစ်တပ်မှာ တာဝန်ထမ်းဆောင်ဖူးတဲ့သူတွေကိုသာ ခေါ်ယူသွားမှာဖြစ်ကြောင်း ဆိုပါတယ်။

"အခုခေါ်မယ့်သူတွေက စစ်တပ်အကြောင်း လုံးဝမသိတဲ့သူတွေမဟုတ်ပါဘူး။ ဦးစားပေးအနေနဲ့ စစ်မှုထမ်းကာလ ပြီးမြောက်ထားတဲ့သူတွေနဲ့ စစ်ရေးအထူးလေ့ကျင့်ထားသူတွေ၊ စစ်ရေးအတွေ့အကြုံရှိတဲ့သူတွေကို ခေါ်သွားမှာပါ"

ရုရှားဟာ တပ်သားအင်အားတောင့်တင်းပြီး စစ်ရေးအတွေ့အကြုံရှိသူ ၂၅ သန်းခန့် စုဆောင်းနိုင်တယ်လို့လည်း ပြောကြားခဲ့ပါတယ်။

ဒါကြောင့် အခုခေါ်ယူတဲ့ အင်အား ၃ သိန်းက တကယ်စစ်ရေးအတွေ့အကြုံရှိသူအားလုံးပေါင်းရဲ့ ၁ ရာခိုင်နှုန်းလောက်သာ ရှိပါသေးတယ်လို့ ဆိုပါတယ်။

ရုရှားနဲ့ ယူကရိန်းတပ်တွေကြား နယ်နိမိတ်ထိစပ်မှုက ကီလိုမီတာ ၁ ထောင်ကျော်ရှည်လျားတာကြောင့် ခေါ်ယူမယ့်တပ်သားတွေကို အဲဒီနေရာတွေမှာ ကာကွယ်ဖို့အတွက် နေရာချထားလို့ရပါတယ်။

ရုရှားထိန်းချုပ်ထားတဲ့နယ်မြေတွေကို စောင့်ကြည့်ဖို့အတွက် တပ်သားတွေလိုအပ်ပါတယ်။

ယူကရိန်းစစ်ပွဲအတွက် လိုအပ်နေတဲ့ တပ်သားခေါ်ယူခြင်းကို ရုရှားသမ္မတ'ဗလာဒီမာပူတင်'က တပ်သားစုဆောင်းရေးအစီအစဉ်တစ်စိတ်တစ်ပိုင်းအဖြစ် ကြေညာလိုက်ကာ ထပ်မယ့်ခေါ်ယူမယ့်တပ်သားများအတွက် စစ်ရေးလေ့ကျင့်မှုများအပြင် အပိုခံစားခွင့်များလည်း ပေးအပ်သွားမယ်လို့ ကြေညာခဲ့ပါတယ်။

ဖေဖော်ဝါရီလတုန်းက ယူကရိန်းနဲ့ရုရှားတို့ ညှိနှိုင်းမရခဲ့တာကြောင့် ၂၄ ရက်နေ့မှာ ရုရှားက ယူကရိန်းသို့ တပ်သားများ စေလွှတ်ကာကျူးကျော်ခဲ့ပါတယ်။

အရင်သမ္မတဟောင်းလက်ထက်ကလည်း ယူကရိန်းရဲ့အဓိကရည်ရွယ်ချက်ဟာ အပစ်အခတ်ရပ်စဲရင်း အင်အားကြီးလက်နက်ကိုင်တပ်ဖွဲဖြစ်လာဖို အချိန်ယူဖို့ပဲဖြစ်တယ်လို့ ဝန်ခံခဲ့ပါတယ်။

ယူကရိန်းဒေသအတွင်းက ဒိုနက်စ်နဲ့ လူဟန့်စ်ပြည်နယ်တို့ကို လွတ်လပ်ခွင့်ရနယ်မြေများအဖြစ် ရုရှားက အသိအမှတ်ပြုလိုက်ကာ ယူကရိန်းအနေနဲ့ အနောက်နိုင်ငံစစ်ရေးအဖွဲ့ထဲ မဝင်ဘဲ ကြားနေနိုင်ငံအဖြစ် ကြေညာပေးဖို့ ရုရှားက လိုချင်နေခဲ့ပါတယ်။

ရုရှားတို့ကျူးကျော်တာဟာ အကျိုးအကြောင်း လုံးဝမဆီလျော်ဘူးလို့ ယူကရိန်းဘက်က တုံ့ပြန်ထားပါတယ်။

Source: RT
#Yangon_Media_Group