#World_Animal
Published 30 December 2022

သတ်စားခံရတော့မယ့်ဘေးမှ သီသီလေးလွတ်လာတဲ့ မြင်း ၄ ကောင်ဟာ ဥရုဂွေးမြို့တော်မွန် တီဗီဒီယိုအပြင်ဘက်ရှိ ခြံတစ်ခြံမှာ အေးအေးချမ်းချမ်းကျက်စားနေပါတယ်။

#Yangon_Media_Group

#Local_News
Published_ 30 December 2022

ကရင်ပြည်နယ်၊ ကော့ကရိတ်မြို့၊ ဝင်းကြီး ဗလီအရှေ့ဘက်အခြမ်းတွင် နေထိုင်သည့် ၂နှစ်အရွယ် ကလေးငယ်တစ်ဦးမှာ ယနေ့ ဒီဇင်ဘာလ ၃၀ ရက် နံနက်ပိုင်းက နေအိမ်အုန်းပင်အောက်၌ ကစားနေစဉ် အုန်းသီးအစိမ်းအခိုင်လိုက်ကြွေကျခဲ့ရာ ဦးခေါင်းကိုထိ၍ ဆေးကုသမှုခံယူနေရကြောင်း ယင်းဒေသအခြေစိုက် ပုလဲဖြူလူမှုကူညီရေးအဖွဲ့ထံမှ သိရသည်။

လက်ရှိတွင် ကလေးငယ်အား ကော့ကရိတ်ပြည်သူဆေးရုံကြီးမှ တဆင့် ဘားအံပြည်သူ့ဆေးရုံကြီးသို့ လွှဲပြောင်းကုသရမည်ဖြစ်သဖြင့် ပုလဲဖြူလူမှုကူညီရေးအဖွဲ့က အခမဲ့လိုက်ပါ ပို့ဆောင်လျက်ရှိကြောင်း ၎င်းတို့၏ လူမှုကွန်ရက်စာမျက်နှာတွင် ရေးသားဖော်ပြထားသည်။

ကလေးငယ်နှင့် ပတ်သက်သည့်‌နောက်ဆက်တွဲ ဆေးဝါးကုသမှု အခြေအနေအား YMG မှ ဆက်လက်စုံစမ်းမေးမြန်းနေဆဲဖြစ်သည်။

#ymg/myn
#Yangon_Media_Group

#Local_News
Published_ 30 December 2022

မြန်မာနိုင်ငံဖွံ့ဖြိုးတိုးတက်ရေး ကြိုးပမ်းအားထုတ်မှုများတွင် တရုတ်နိုင်ငံက အပြုသဘော ဆက်လက်ကူညီ ဆောင်ရွက်ပေးသွားမည့် ကိစ္စရပ်များဆွေးနွေးခဲ့ကြောင်း သိရပါတယ်။

နိုင်ငံခြားရေးဝန်ကြီးဌာန၊ဝန်ကြီး ဦးဝဏ္ဏမောင်လွင်သည် တရုတ်နိုင်ငံ၊ နိုင်ငံခြားရေး ဝန်ကြီးဌာနမှ သံအမတ်ကြီး Mr. Deng Xijun အား ဒီဇင်ဘာ ၂၉ ရက်၊ နေ့လည် (၁) နာရီ တွင် နေပြည်တော်ရှိ နိုင်ငံခြားရေးဝန်ကြီးဌာန၌ လက်ခံတွေ့ဆုံစဉ် ဆွေးနွေးခဲ့တာ ဖြစ်ပါတယ်။

တွေ့ဆုံစဉ် ရှိရင်းစွဲ ဆွေမျိုးပေါက်ဖော်ဆက် ဆံရေးနှင့် ပူးပေါင်းဆောင်ရွက်မှုများကို ပိုမိုတိုးတက်ခိုင်မာရေး၊ မြန်မာ-တရုတ် နယ်စပ်ဒေသတစ်လျှောက် ငြိမ်းချမ်းရေးနှင့် တည်ငြိမ်ရေးကို ပိုမိုမြှင့် တင်ရန်အတွက် ဆက်လက်ပူးပေါင်းဆောင်ရွက်သွားရေး၊ ပြည်တွင်းငြိမ်းချမ်းရေးနှင့် အမျိုးသားပြန်လည်သင့်မြတ်ရေးလုပ်ငန်းစဉ်နှင့် ပတ်သက်၍ နောက်ဆုံးဖြစ်ပေါ်တိုးတက်မှု အခြေအနေများကို ဆွေးနွေးကြပါတယ်။

ထို့ပြင် ဒေသတွင်းနှင့်နိုင်ငံတကာမျက်နှာစာ အထူးသဖြင့် အာဆီယံနှင့် ကုလသမဂ္ဂ မျက်နှာစာတွင် နှစ်နိုင်ငံအကြား ပိုမိုနီးကပ်စွာ ပူးပေါင်းဆောင်ရွက်နိုင်ရေး ကိစ္စရပ်များ အပေါ် ရင်းနှီးပွင့်လင်းစွာ ဆွေးနွေးအမြင်ချင်းဖလှယ် ခဲ့ကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published_ 30 December 2022

ကမ္ဘာ့သာသနာပြုချမ်းမြေ့ဆရာတော်ဘုရားကြီး၏ ပူဇော်ပွဲကို ဒီဇင်ဘာလ(၃၁)ရက်မှဇန်နဝါရီလ(၂)ရက်အထိ သုံးရက်တိုင်တိုင် ကမ္ဘာအေးဘုရားလမ်းရှိချမ်းမြေ့ရိပ်သာကျောင်း(ရန်ကုန်)တွင် ကျင်းပပြုလုပ်သွားမည်ဖြစ်ကြောင်း ချမ်းမြေ့ရိပ်သာကျောင်းမှသိရသည်၊၊

သက်တော်(၉၅)နှစ်ရှိပြီဖြစ်သောကမ္ဘာ့သာသနာပြုချမ်းမြေ့ဆရာတော်ဘုရားကြီး၏ သီလဂုဏ်၊ သမာဓိဂုဏ်၊ ပညာဂုဏ်တော်များကို ပူဇော်သည့် အနေဖြင့် ဒဿမအကြိမ်မြောက်အဖြစ် စုပေါင်းပူဇော်ကြမည်ဖြစ်ပြီးပူဇော်ပွဲတွင် ဓမ္မမိတ်ဆွေအပေါင်းသူတော်ကောင်းများအနေဖြင့်ဆရာတော်၊သံဃာတော်များကိုဆရာတော်ကြီးနှင့်အတူပါဝင်လှူဒါန်းနိုင်မည်ဖြစ်သည်၊၊

ကိုဗစ်ကာလများတွင် ကိုဗစ်ဖြစ်ပွားမှုများကြောင့် ဆရာတော်ကြီး၏ ပူဇော်ပွဲကို မကျင်းပဖြစ်ဘဲ ယခု ၂၀၂၂ နှစ်သစ်ကူးချိန်မှ ပြန်လည်ကျင်းပနိုင်ခြင်း ဖြစ်သည်၊၊

ချမ်းမြေ့ဆရာတော်ဘုရားကြီး၏ ပူဇော်ပွဲအခမ်းအနားကို ဒီဇင်ဘာလ(၃၁)ရက် နံနက်(၈)နာရီတွင် စတင်မည်ဖြစ်ပြီး ပူဇော်ပွဲကို မလာရောက်နိုင်သည့် ကမ္ဘာအရပ်ရပ်က ဓမ္မမိတ်ဆွေများအနေဖြင့် Chammyae Meditation Center Pageတွင် liveထုတ်လွှင့်သွားမည်ဖြစ်သလို ပြည်ပကဓမ္မမိတ်ဆွေများအတွက်လည်း Zoom linkများ စီစဉ်ပေးထားမည်ဖြစ်ကြောင်း၊ Fortune TV ရုပ်သံလိုင်းနှင့် Fortune TV Pageများမှလည်း ဝင်ရောက်ကြည့်ရူ ပူဇော်နိုင်မည်ဖြစ်ကြောင်း သိရသည်၊၊

#ymg/tthl
#Yangon_Media_Group

#Local_News
Published_ 30 December 2022

၂၀၂၃ ခုနှစ် နှစ်သစ်ကို ကြိုဆိုသည့်အနေဖြင့် The Love Boat က ရန်ကုန်မြစ်တွင်း အခမဲ့ အပျော်စီးသင်္ဘောပြေးဆွဲပေးမည်ဖြစ်ကြောင်း သိရသည်။

ဗိုလ်တထောင်ညဈေးတန်း ဆိပ်ခံဗောတံတားအမှတ် ၅ တွင် ရှိသော The Love Boat သို့ လာရောက် စားသုံးသူများအား အပျော်စီးသင်္ဘောဖြင့် ခမဲ့ပို့ဆောင်ပေးရန် စီစဉ်ခြင်းဖြစ်ကြောင်း သိရသည်။

ဒီဇင်ဘာလ ၃၁ ရက် ညနေ ၃ နာရီမှ ၆ နာရီ ထိ သင်္ဘောဖြင့် ခမဲ့ပို့ဆောင်ပေးကာ ဆိပ်ကမ်းသို့ ပြန်ကပ်၍ The Love Boat ပေါ်၌ပင် Countdown show ၊ အကအလှဖျော်ဖြေမှုများ၊ DJ Show နှင့် အခြား ပျော်ရွင်စရာအစီအစဉ်များကို ပြုလုပ်သွားမည် ဖြစ်ကြောင်း သိရသည်။

#ymg/mt
#Yangon_Media_Group

#Local_News
Published_ 30 December 2022

အဆိုတော်မျိုးကြီး၏'မလာပါနဲ့'သီချင်း၊ အဆိုတော်လေးဖြူ၏ ''ငါ့ရဲ့လမင်း'သီချင်းစသည့် နာမည်ကျော်တေးသီချင်းများကို ရေးစပ်ဖန်တီးခဲ့သူ တေးရေး၊ တေးဆိုရယ်ဂျီ(ခေါ်)ဦးစန်းလွင်ဦး ကွယ်လွန်သွားကြောင်း သိရသည်၊၊

ဒီဇင်ဘာ ၃၀ ရက်မနက်ပိုင်းကကွယ်လွန်သွားခြင်း ဖြစ်ပြီးကွယ်လွန်ချိန်တွင် အသက်(၄၈)နှစ်အရွယ်ရှိပြီဖြစ်သည်၊၊

ဂီတလောကတွင် တေးသီချင်းကောင်းများကို ရေးစပ်ဖန်တီးခဲ့သည့် တေးရေး၊တေးဆိုရယ်ဂျီကွယ်လွန်သွားသည့်အတွက် ဂီတလောကသားများ၊ပရိတ်သတ်များက အထူးဝမ်းနည်းကြေကွဲကြောင်း လူမှုကွန်ရက် စာမျက်နှာထက်တွင်ဖော်ပြထားကြသည်၊၊

ကွယ်လွန်သွားပြီဖြစ်သည့် တေးရေး၊ တေးဆိုရယ်ဂျီ(ခေါ်)ဦးစန်းလွင်ဦးကို ဇန်နဝါရီ(၂)ရက်၊ နံနက်(၉)နာရီတွင် စိန်လာဇရူးဘုရားကျောင်း၌ ဝတ်ပြုရှိခိုးဆုတောင်းပြီး ထိန်ပင်သုဿန်တွင် သဂြိုဟ်သွားမည်ဖြစ်ကြောင်းသိရသည်၊၊

တေးရေး၊ တေးဆိုရယ်ဂျီသည်အဆိုတော်လေးဖြူသီဆိုထားသည့် "ငါ့ရဲ့လမင်း"၊ မျိုးကြီး သီဆိုထားသည့် "မလာပါနဲ့"၊ "လက်ခံပေးပါ"၊ "ဓါတ်ပြားဟောင်း"၊ "၃ နာရီ"၊ မဒီ သီဆိုထားတဲ့ "အချစ်ဖြင့်လွမ်းစေ" စသည့် နာမည်ကြီးသီချင်းများနှင့်အခြားသီချင်းပေါင်းများစွာကို ရေးစပ်ဖန်တီးခဲ့သူတစ်ဦးဖြစ်ကြောင်းလည်းသိရသည်၊၊

#ymg/tthl
#Yangon_Media_Group

#Local_News
Published _ 30 December 2022

ဦးဝင်းမြင့်နှင့်ဒေါ်အောင်ဆန်းစုကြည်တို့ကို ရဟတ်ယာဉ်အမှုများအတွက် ယနေ့ ဒီဇင်ဘာလ ၃၀ ရက်တွင် ထောင်ဒဏ် ၇ နှစ် စီ ချမှတ်လိုက်ကြောင်း တရားရုံးနှင့် နီးစပ်သူများထံမှ သိရသည်။

ပြီးခဲ့သည့် ဒီဇင်ဘာလ ၁၉ ရက် နှင့် ရက် ၂၀ တို့တွင် သက်သေများ အားလုံးစစ်ဆေးပြီး ဖြစ်သောကြောင့်ဒီဇင်ဘာလ ၂၆ ရက်က အပြီးသတ်လျှောက်လဲချက်ပေးခဲခြင်း ဖြစ်ပြီး ဒီဇင်ဘာလ ၃၀ ရက်တွင် အမိန့်ချရန် တရားရုံးက ရုံးချိန်းပေးထားခဲ့ခြင်းလည်း ဖြစ်သည်။

အမှု နံပါတ် ၄၆၊၄၇၊၄၈၊၅၀ တို့အတွက် ၃ နှစ်စီ တစ်ပေါင်းတည်း ကျခံရန်နှင့် အမှု အမှတ် ၄၉ အတွက် ၄ နှစ် စုစုပေါင်း ၇ နှစ် ဖြစ်ကြောင်း တရားရုံးနှင့် နီးစပ်သူကပြောသည်။

ဦးဝင်းမြင့်နှင့်ဒေါ်အောင်ဆန်းစုကြည်တို့ကိုအဂတိလိုက်စားမှု တိုက်ဖျက်ရေးဥပဒေ ပုဒ်မ ၅၅ အရ နေပြည်တော်၊ ဘုရားကုန်း မြို့မရဲစခန်းတွင် ၂၀၂၁ ခုနှစ် နိုဝင်ဘာလ ၃၀ ရက် ရက်စွဲဖြင့် ပထမသတင်းပေး တိုင်ကြားချက်ဖွင့်လှစ်ခဲ့ကာ ရဟတ်ယာဉ် နှင့်ပတ်သက်၍ ရာဇဝတ်ကြီးအမှုအမှတ် ၄၆ ၊ ၄၇ ၊ ၄၈ ၊ ၄၉ နှင့် ၅၀ တိုဖြင့် တရားစွဲဆိုခဲ့ခြင်းလည်း ဖြစ်သည်။

ယနေ့ ချမျတ်သော ပြစ်ဒဏ် ၇ နှစ်ဆိုပါက ဒေါ်အောင်ဆန်းစုကြည်အနေဖြင့် စုစုပေါင်း ထောင်ဒဏ် ၃၃ နှစ် ဖြစ်ပြီး ဦးဝင်းမြင့် အနေဖြင့် ထောင်ဒဏ် စုစုပေါင်း ၁၄ နှစ် ရှိပြီ ဖြစ်ကြောင်းလည်း သိရသည်။

#ymg/mt
#Yangon_Media_Group

#Local_News
Published_30 December 2022

မြန်မာနိုင်ငံတွင် နိုင်ငံရေးအခြေအနေနှင့် စီးပွားရေးအဆင်မပြေမှုတွေကြောင့် တစ်လလျှင် မြန်မာနိုင်ငံသား လေးသောင်ဝန်းကျင်ခန့်သည် ပြည်ပသို့ အကြောင်းအမျိုးမျိုးဖြင့် ထွက်ခွာနေရကြောင်း နိုင်ငံတကာ ရွှေ့ပြောင်းသွားလာသူများ လေ့လာစောင့်ကြည့်ရေးအဖွဲ့ IOM က ထုတ်ပြန်ခဲ့သည့် အစီရင်ခံစာတွင်ဖော်ပြထားသည်။

ပြီးခဲ့သည့် အောက်တိုဘာလမှစတင်ပြီး မြန်မာနိုင်ငံသား လေးသောင်းဝန်းကျင်ခန့်သည် လစဉ် ပြည်ပသို့ ထွက်ခွာနေကြပြီး အများစုသည် ထိုင်းနိုင်ငံကို သွားရောက်ခြင်းဖြစ်ကြောင်း အစီရင်ခံစာတွင် ဖော်ပြထားသည်။

ပြည်ပသို့ သွားရောက်လုပ်ကိုင်ရာတွင် အိမ်နီးချင်းနိုင်ငံဖြစ်သည့် ထိုင်းနိုင်ငံတွင် အများဆုံးဖြစ်ပြီး ဖော်ပြထားသည့်စာရင်းများအရ မြန်မာနိုင်ငံပြောင်းရွှေ့လုပ်သားပေါင်း ၃ ဒသမ ၇ သန်းရှိကြောင်း သိရသည်။ အဆိုပါ ရွှေ့ပြောင်းလုပ်သားများထဲမှ ၇၀ ရာခိုင်နှုန်းသည် ထိုင်းနိုင်ငံတွင် အလုပ်လုပ်ခြင်းဖြစ်ကြောင်းသိရသည်။

ယင်းအပြင် နိုင်ငံတကာအဖွဲ့(IOM )၏ ဖော်ပြထားသည့် စစ်တမ်းများအရ မြန်မာရွှေ့ပြောင်းအလုပ်သမားများ၏ နိုင်ငံတွင်းပြန်ပို့ငွေသည် ၂ ဒသမ ၈ ဘီလီယံရှိပြီး ယင်းသည် မြန်မာနိုင်ငံ၏ GDP ၄ ရာခိုင်နှုန်းရှိကြောင်းဖော်ပြထားသည်။

#ymg/sth
#Yangon_Media_Group

#Local_News
Published_30 December 2022

မြန်မာနိုင်ငံတွင် နိုင်ငံရေးအခြေအနေနှင့် စီးပွားရေးအဆင်မပြေမှုတွေကြောင့် တစ်လလျှင် မြန်မာနိုင်ငံသား လေးသောင်ဝန်းကျင်ခန့်သည် ပြည်ပသို့ အကြောင်းအမျိုးမျိုးဖြင့် ထွက်ခွာနေရကြောင်း နိုင်ငံတကာ ရွှေ့ပြောင်းသွားလာသူများ လေ့လာစောင့်ကြည့်ရေးအဖွဲ့ IOM က ထုတ်ပြန်ခဲ့သည့် အစီရင်ခံစာတွင်ဖော်ပြထားသည်။

ပြီးခဲ့သည့် အောက်တိုဘာလမှစတင်ပြီး မြန်မာနိုင်ငံသား လေးသောင်းဝန်းကျင်ခန့်သည် လစဉ် ပြည်ပသို့ ထွက်ခွာနေကြပြီး အများစုသည် ထိုင်းနိုင်ငံကို သွားရောက်ခြင်းဖြစ်ကြောင်း အစီရင်ခံစာတွင် ဖော်ပြထားသည်။

ပြည်ပသို့ သွားရောက်လုပ်ကိုင်ရာတွင် အိမ်နီးချင်းနိုင်ငံဖြစ်သည့် ထိုင်းနိုင်ငံတွင် အများဆုံးဖြစ်ပြီး ဖော်ပြထားသည့်စာရင်းများအရ မြန်မာနိုင်ငံပြောင်းရွှေ့လုပ်သားပေါင်း ၃ ဒသမ ၇ သန်းရှိကြောင်း သိရသည်။ အဆိုပါ ရွှေ့ပြောင်းလုပ်သားများထဲမှ ၇၀ ရာခိုင်နှုန်းသည် ထိုင်းနိုင်ငံတွင် အလုပ်လုပ်ခြင်းဖြစ်ကြောင်းသိရသည်။

ယင်းအပြင် နိုင်ငံတကာအဖွဲ့(IOM )၏ ဖော်ပြထားသည့် စစ်တမ်းများအရ မြန်မာရွှေ့ပြောင်းအလုပ်သမားများ၏ နိုင်ငံတွင်းပြန်ပို့ငွေသည် ၂ ဒသမ ၈ ဘီလီယံရှိပြီး ယင်းသည် မြန်မာနိုင်ငံ၏ GDP ၄ ရာခိုင်နှုန်းရှိကြောင်းဖော်ပြထားသည်။

#ymg/sth
#Yangon_Media_Group

#Local_News
Published_ 30 December 2022

လာအိုလက်ရွေးစင်အသင်းနှင့် ယှဉ်ပြိုင်ကစားမည့် မြန်မာ့ လက်ရွေးစင် ဘောလုံးအသင်းကို အကောင်းဆုံးပြင်ဆင်ထားကြောင်း မြန်မာ့လက်ရွေးစင်ဘောလုံးအသင်း နည်းပြချုပ် အန်တွမ်နီဟေးက ပွဲကြို သတင်းစာရှင်းလင်းပွဲ၌ ပြောသည်။

အသင်းရဲ့ အနာဂတ်နဲ့ပတ်သတ်ပြီး အကောင်းဆုံးအစီအစဉ်တွေ ရေးဆွဲထားပြီး ဖြစ်ပါတယ်။ ပြီးခဲ့တဲ့ပွဲတွေမှာ မြန်မာအသင်း ခြေစွမ်းတိုးတက်လာတာကို မြင်ရမှာဖြစ်ပါတယ်။ လာအိုနဲ့ ပွဲမှာ အနိုင်ရဖို့အကောင်းဆုံးပြင်ဆင်သွားမှာဖြစ်ပါတယ်" ဟု နည်းပြချုပ် အန်တွမ်နီဟေးကဆိုသည်။

ထို့အပြင် မြန်မာနည်းပြချုပ် အန်တွမ်နီဟေးက လက်ရှိကျင်းပြနေသော AFF Mitsubishi Electric Cup 2022 ပြိုင်ပွဲအပြီးတွင်လည်း အခြားပွဲစဉ်‌များအတွက် စနစ်တကျ ပြင်ဆင်သွားရန် စီစဉ်ထားပြီး၊ အတွေ့အကြုံရှိ ကစားသမားများနှင့် လူငယ်မျိုးဆက် ကစားသမားများကို အချိုးညီညီ တွဲဖက်ကစားနိုင်ရန် လုပ်ဆောင်သွားမည်ဖြစ်ကြောင်း ဆိုသည်။

မြန်မာ့လက်ရွေးစင်အသင်းနှင့် လာအိုအသင်းတို့သည် ယနေ့ညနေ ၄နာရီ မိနစ် ၃၀ အချိန်တွင် ရန်ကုန်မြို့သုဝဏ္ဏဘောလုံးအားကစားကွင်း၌ အကြိတ်အနယ် ယှဉ်ပြိုင်ကစားသွားကြမည်ဖြစ်သည်။

လက်ရှိတွင် မြန်မာ့လက်ရွေးစင် ဘောလုံးအသင်းသည် စင်ကာပူအသင်းအား ၃ ဂိုး ၂ဂိုးဖြင့်လည်းကောင်း၊ မလေးရှားအသင်းအား ၁ ဂိုး ဂိုးမရှိဖြင့်လည်းကောင်း ရှုံးနိမ့်ထားသည်။

"စင်္ကာပူနဲ့ ကစားတဲ့ပွဲအပြီးမှာ ဂိုးသမားအပါအ၀င်ကစားသမားတချို့ ဒဏ်ရာ ပြသာနာတွေရှိနေပါတယ်။ မလေးရှား၊ စင်္ကာပူနဲ့ ကစားခဲ့တဲ့ပွဲစဉ်တွေမှာ ရလဒ်ကောင်း မရယူနိုင်ခဲ့ပေမယ့် အသင်းရဲ့ ကစားပုံက ကောင်းမွန်ခဲ့ပါတယ်။ ကစားသမားတွေရဲ့ ကြိုးစားအားထုတ်မှုကိုလည်း ကျေနပ်ပါတယ်။" ဟု အန်တွမ်နီဟေးက ပြောသည်။

#ymg/myn
#Yangon_Media_Group

#Ukraine_Crisis
Published 30 December 2022

ယူကရိန်းမြို့တော်ကိဗ်မှာ သောကြာနေ့အစောပိုင်းက သတိပေးဥဩဆွဲခဲ့ရကာ အရပ်သားများကို လေကြောင်းတိုက်ခိုက်မှုရန်ခိုလှုံရာနေရာများသို့ ရွှေ့ပြောင်းဖို့ တိုက်တွန်းခဲ့ရပါတယ်။

ဖေဖော်ဝါရီလ စစ်ပွဲစတင်ပြီးကတည်းက ရုရှားတို့ဟာ အကြီးမားဆုံးလေကြောင်းတိုက်ခိုက်မှုကြီး ပြုလုပ်ပြီးနောက်တစ်နေ့မှာပဲ အခုလိုဖြစ်ပွားခဲ့တာဖြစ်ပါတယ်။

မနက်စောစော ၂ နာရီကျော်လောက်မှာ ကိဗ်မြို့တော်အစိုးရက သူတို့ရဲ့ တယ်လီဂရမ်ချန်နယ်မှာ လေကြောင်းတိုက်ခိုက်မှုသတိပေးချက်ထုတ်ပြန်ခဲ့ပြီး ပြည်သူများ အကာအကွယ်နေရာများထံ ပုန်းခိုဖို့ညွှန်ကြားခဲ့ပါတယ်။

ကိဗ်မြို့တော်အုပ်ချုပ်ရေးမှူး 'အိုလက်စကီကူလီဘာ'က တယ်လီဂရမ်မှာပြောကြားခဲ့ရာမှာ ဒရုန်းများဖြင့် တိုက်ခိုက်ရန်လာနေကြပြီလို့ ပြောကြားထားပါတယ်။

ရိုက်တာသတင်းဌာနမှ မျက်မြင်တစ်ဦးရဲ့အဆိုအရ ကိဗ်တောင်ဘက် ၁၂ မိုင်အကွာခန့်မှာ ပေါက်ကွဲသံအများအပြားနဲ့ လေကြောင်းခုခံရေးလက်နက်များ ပစ်ခွင်းသံတွေ ကြားနေရတယ်လို့ သိရပါတယ်။

ကြာသပတေးနေ့က ယူကရိန်းအလယ်ပိုင်း၊ တောင်ပိုင်း၊ အရှေ့ပိုင်း၊ အနောက်ပိုင်းတို့ရှိ လေကြောင်းစစ်ဌာနတွေက ရုရှားဒုံးကျည် ၅၄ စင်းနဲ့ ဒရုန်း ၁၁ စင်းတို့ကို ပစ်ချနိုင်ခဲ့ကြောင်း သမ္မတ'ဇယ်လန်စကီ'က ကြာသပတေးနေ့ညဗီဒီယိုမိန့်ခွန်းမှာ ပြောကြားခဲ့ပါတယ်။

ယူကရိန်းဒေသအများစုမှာ လျှပ်စစ်ဓာတ်အားပြတ်တောက်နေတာကိုလည်း သမ္မတက ပြောကြားခဲ့ပါတယ်။

ဓာတ်အားပြတ်တောက်ပြီး အခက်အခဲဖြစ်နေတဲ့ ဒေသတွေထဲမှာ မြို့တော်ကိဗ်၊ တောင်ပိုင်းနဲ့အနားတဝိုက်ရှိ ခါဆန်၊ အိုဒီဆာ၊ ပိုလန်အနောက်ပိုင်းနယ်စပ်နဲ့ နီးစပ်နေတဲ့ လဗိဗ်နားတဝိုက်ဒေသတို့ ပါဝင်ပါတယ်။

ဒါပေမဲ့ ဒါဟာ လေကြောင်းကာကွယ်ရေးနဲ့ တပ်ဖွဲ့တွေကသာ ရွပ်ရွပ်ချွံ မတိုက်ခိုက်ခဲ့ရင် ဖြစ်လာမယ့်အကျိုးဆက်တွေနဲ့ယှဉ်ရင်တော့ ဘာမှမဟုတ်ကြောင်း ပြောကြားခဲ့ပါတယ်။

ရိုက်တာကရိုက်ကူးထားတဲ့ ဗီဒီယိုထဲမှာ ကောင်းကင်မှာ ဒုံးကျည်မီးခိုးငွေ့တွေနဲ့ ပေါက်ကွဲမှုကြောင့် ပျက်စီးသွားတဲ့ ကိဗ်မြို့လူနေအိမ်အပျက်အစီးတွေကြားမှာ အရေးပေါ်ကယ်ဆယ်ရေးလုပ်သားများ ရှာဖွေနေကြပုံကို တွေ့မြင်ရပါတယ်။

ကြာသပတေးနေ့က တိုက်ခိုက်မှုမှာ ဒုံးကျည် ၁၂၀ ကျော်ပစ်ခတ်ခဲ့တယ်လို့ အရာရှိတွေက အစောပိုင်းမှာကြေညာခဲ့ပါတယ်။
အခုနောက်ဆုံးတိုက်ခိုက်မှုကြောင့် လူနေအဆောက်အအုံ ၁၈ လုံးနဲ့ အရေးကြီးအခြေခံအဆောက်အအုံ ၁၀ လုံး ပျက်စီးခဲ့ကြောင်း ကာကွယ်ရေးဝန်ကြီးဌာနက ထုတ်ပြန်ထားပါတယ်။

လတ်တလောလများအတွင်း ရုရှားတို့က ယူကရိန်းစွမ်းအင်အဆောက်အအုံများကို ပစ်မှတ်ထားပြီး လေကြောင်းတိုက်ခိုက်မှုများ အဆက်မပြတ်ဆောင်ရွက်ခဲ့ရာ လူသန်းပေါင်းစွာ ဓာတ်အားမရရှိဘဲဖြစ်နေပြီး ချမ်းအေးလှတဲ့ရာသီအတွင်း အပူပေးစနစ်မရရှိကြပါဘူး။

Source: Reuters
#Yangon_Media_Group

#World_Health
Published 30 December 2022

မိခင်ဝမ်းဗိုက်ထဲမှာ သန္ဓေသားကန်ရတဲ့အကြောင်းအရင်းကို နောက်ဆုံးမှာတော့ ဖြေရှင်းနိုင်ခဲ့ပြီဖြစ်ကြောင်း သိပ္ပံဂျာနယ်တစ်ခုမှာ ဖော်ပြထားပါတယ်။

ဗိုက်ထဲက ကလေးတွေဟာ ကိုယ်ဝန်သက်တမ်း ၁၆ ပတ်လောက်ကစပြီး လှုပ်လှုပ်ရွရွဖြစ်လာကာ လူးလှိမ့်ကန်ကြောက်တတ်ကြပါတယ်။

ဒီလိုလှုပ်ရှားမှုတွေက ဖြစ်ချင်သလို ဖြစ်နေတာလို့ ထင်ခဲ့ကြပေမယ့် ဒါဟာ ကလေးတွေရဲ့ခန္ဓာကိုယ်ကို လေ့ကျင့်ရာရောက်ကြောင်း သိလာကြပါတယ်။

ဝမ်းဗိုက်ထဲမှာ လှုပ်ရှားမှုက ကိုယ်လက်ထိန်းချုပ်လှုပ်ရှားခြင်းနဲ့ အစောပိုင်းဖွံ့ဖြိုးမှုတို့မှာ အရေးပါတဲ့အပိုင်းဖြစ်ကြောင်း တိုကျိုတက္ကသိုလ်မှ သိပ္ပံပညာရှင်များတွေ့ရှိခဲ့ကြပါတယ်။

ယခုလေ့လာမှုအသစ်မှာ သန္ဓေသားတွေရဲ့ လှုပ်ရှားမှုက ခန္ဓာကိုယ်ကိုဘယ်လိုထိန်းချုပ်ရမလဲဆိုတာကို လေ့လာသင်ယူနေတဲ့သဘောဖြစ်ကြောင်း ဖော်ပြထားပါတယ်။

အသက် ၁၀ ရက်အောက်ကလေး ၁၂ ယောက်နဲ့ ၃ လသားအရွယ် ကလေး ၁၀ ယောက်တို့မှာ လှုပ်ရှားမှုစောင့်ကြည့်ခြင်းနည်းပညာဖြင့် အဆစ်အမြစ်လှုပ်ရှားမှုတွေကို လေ့လာခဲ့ကြပါတယ်။

ကလေးတွေရဲ့ လှုပ်ရှားမှုပေါင်းစုံက နောက်ပိုင်းမှာ ဆက်တိုက်လှုပ်ရှားမှုများအဖြစ် ဆောင်ရွက်လာနိုင်အောင် အကူအညီဖြစ်စေပါတယ်။

အာရုံခံလှုပ်ရှားစောင့်ကြည့်ချက်များအရ လှုပ်ရှားမှုတစ်ခုကို အကြိမ်ရေများများလုပ်လေ ပိုပြီးတော့ မှတ်မိတတ်မြောက်လေဖြစ်ကြောင်း 'ကာနာဇာဝါ'က ရှင်းပြခဲ့ပါတယ်။

ဝမ်းဗိုက်ထဲမှာကတည်းက သန္ဓေသားရဲ့ခန္ဓာကိုယ်နဲ့ ဦးနှောက်ဘယ်လိုဖွံ့ဖြိုးလဲဆိုတာကို အခုနောက်ဆုံးတွေ့ရှိခဲ့ကြတာဖြစ်ပါတယ်။

နောက်ထပ်တွေ့ရှိမှုအရ ကိုယ်ဝန်ဆောင်ကာလအတွင်း မိခင်က အရက်သေစာသောက်သုံးပါက ကလေးရဲ့ဦးနှောက်ကိုထိခိုက်စေပါတယ်။

သန္ဓေသားတွေက အရက်ပမာဏအနည်းငယ်မျှနဲ့ ထိတွေ့မိရင်တောင် ဦးနှောက်ပုံသဏ္ဍာန်ပြောင်းလဲသွားပြီး ဦးနှောက်ဖွံ့ဖြိုးမှုနှေးကွေးသွားပါတယ်။

Source: NY Post
#Yangon_Media_Group