Published 24 June 2022

About 150,000 tonnes of rice will be exported from Myanmar to Europe and Africa, including Belgium and Spain, according to a statement from the Myanmar Port Authority.

At present, two 183-meter-long vessels are being berthed at Sule Port for rice export.

Two 186-meter vessels and one 200-meter vessel, a total of five vessels, have been docked.

A total of 143,400 tonnes of rice will be exported to these countries.

One was to Spain; The other will leave for Togo soon.

From April 2021 to March 2022, a total of 135,7202 tonnes of rice was exported from Myanmar through the Sule Port , with rice and rice products being exported annually by sea by bulk carrier vessels.

In the three months from April to June 2022, a total of 582,330 tonnes of rice was shipped by 27 ships. The biggest exporters  of Myanmar rice were Cameroon, China, Angola,  The Philippines and Polan during April, 2022. The biggest buyers of broken rice were China, Spain Netherlands and Poland during same month, according to the Myanmar Rice Association.

#HumanRights
Published 24 June 2022

ဗြိတိန်အစိုးရက ရဝမ်ဒါနိုင်ငံသို့ ဒုက္ခသည်များစေလွှတ်ရေးအစီအစဉ်ကို ဆက်လက်လုပ်ဆောင်ရန် ဥပဒေမူကြမ်းအသစ်ထုတ်ဖော်သွားမယ့် အစီအစဉ်ကို ဗုဒ္ဓဟူးနေ့က ထုတ်ဖော်ခဲ့ပါတယ်။

#Yangon_Media_Group

Published 24 June 2022

ကိုဗစ်-၁၉ ကူးစက်မှုတွေကျဆင်းလာပြီး  ခရီးသွားလုပ်ငန်းမှီခိုထားတဲ့ ထိုင်းစီးပွားရေးမှာ နိုင်ငံခြားသားတွေ ပြန်လည်ဆွဲဆောင်နိုင်ဖို့အတွက် ထိုင်းနိုင်ငံက masks တပ်ရမယ့်စည်းကမ်းတွေကို ဇွန်၂၄ရက် သောကြာနေ့ကစပြီး ဖြေလျော့ပေးလိုက်တယ်လို့ အစိုးရက ပြောပါတယ်။

Face masks ကို အများပြည်သူနေရာတွေမှာ မဖြစ်မနေတပ်ဆင်ကြဖို့ ထိုင်းနိုင်ငံဟာ  ဒယ်လ်တာကူးစက်မှုလှိုင်းဖြစ်နေတဲ့ ၂၀၂၁ နှစ်လည်ပိုင်းကတည်းက စည်းကမ်းလုပ်ခဲ့တာပါ။

ဒါပေမယ့် ထိုင်းဟာ စီးပွားရေးတွေပြန်ဖွင့်ဖို့ ကိုဗစ်-၁၉ ကန့်သတ်ချက်တွေကို ဖြေလျော့ပေးမှုတွေ ပြုလုပ်လာခဲ့ရာမှာ လာမယ့်လကစပြီး ပြည်ဝင်ခွင့်လိုအပ်ချက်အများစုကို ဖျက်သိမ်းပေးမှာလည်း ပါဝင်ပါတယ်။

“ ခွဲစိတ်ခန်းသုံးmask နှင့် ပိတ် mask တွေကို ဆန္ဒအလျောက်သာ တပ်ဆင်နိုင်ပြီဖြစ်ပါတယ်” လို့ ကြာသပတေးနေ့ နှောင်းပိုင်းမှာ ထိုင်းဝန်ကြီးချုပ် ပရာရွတ်ချန်အိုချာက တော်ဝင်ဂေဇက်ကြေညာချက်မှာ ပြောကြားခဲ့ပါတယ်။

လူတွေများပြားလွန်းတဲ့နေရာနှင့် လေဝင်လေထွက်မကောင်းတဲ့နေရာတွေမှာ face masks တွေဆက်လက်တပ်ဆင်တာကို ကျန်းမာရေးဝန်ကြီးဌာနက ထောက်ခံမှုပြုထားပါတယ်။ ဒါပေမယ့် အများပြည်သူသယ်ယူပို့ဆောင်ရေးလို့ အတိအကျညွှန်းဆို ခြင်းတော့မရှိပါဘူး။

ဘန်ကောက်က ပုဂ္ဂလိကပိုင် မက်ထရိုမြေအောက်ရထားလုပ်ငန်းကတော့ ယင်းရဲ့ရထားတွေအတွင်း masks တွေ ဆက်လက် တပ်ဆင်ဖို့လိုအပ်မယ်လို့ သီးခြားကြေညာချက်ထုတ်ပြန်ပါတယ်။

အပြောင်းအလဲကို ဘန်ကောက်လမ်းတွေပေါ်မှာ သိသိသာသာမမြင်ရသေးပေမယ့် မူဝါဒပြောင်းလဲတာကို ထောက်ခံတဲ့ အသံတွေတော့ကြားနေရပါတယ်။

ကန့်သတ်ချက်တွေရုပ်သိမ်းလိုက်တာ လူတွေကို ပုံမှန်ဘဝပြန်ရောက်စေတယ် လို့ အသ်က၂၆နှစ်အရွယ် အလုပ်သမား ဆူပန်ညာပါဂျာရီက ပြောပါတယ်။

အမေရိကန်ကမ္ဘာလှည့်ခရီးသည် ဂျက် လတ်ချီကလည်း ထောက်ခံလိုက်ပေမယ့် သူကတော့ mask ဆက်တပ်ထားမယ်လို့ ပြောပါတယ်။ “ ကျွန်တော်က တပ်လေ့မရှိပေမယ့် အခု လူအများစုက mask တွေတပ်ထားကြတော့ သူတို့ကိုလေးစားတဲ့ အနနှင့် ကျွန်တော်လည်းတပ်ရမှာပေါ့” လို့သူကပြောပါတယ်။

ဇူလိုင်၁ ရက်စပြီး ကမ္ဘာလှည့်ခရီးသည်တွေဟာ ကာကွယ်ဆေးထိုးလက်မှတ်ယူလာရင်ယူလာ ဒါမှမဟုတ်ဆိုက်ရောက်တဲ့ အခါ ကိုဗစ်ကာကွယ်ဆေးထိုးဖို့ပဲ လိုအပ်တော့မှာဖြစ်ပါတယ်။

ထိုင်းဟာ ၂၀၂၂ပထမခြောက်လမှာ နိုင်ငံခြားခရီးသွား ၁.၆သန်းလက်ခံခဲ့ပါတယ်။ ၂၀၁၉ တုန်းကတော့ ပထမခြောက်လမှာ ခရီးသည် သန်း၂၀ ရောက်ရှိခဲ့တာဖြစ်တယ်လို့ ကိန်းဂဏန်းတွေအရသိရပါတယ်။

Source AFP

Published 24 June 2022

စင်္ကာပူမှာရှိတဲ့ ရွှေ့ပြောင်းအလုပ်သမားတွေဟာ ဇွန်၂၄ ရက်သောကြာနေ့ကစပြီး သူတို့ရဲ့အဆောင်တွေကနေ ထွက်ခွာဖို့ အရင်လို အထူးခွင့်ပြုချက်တောင်းခံဖို့ မလိုတော့ဘူးလို့သိရပါတယ်။

(၂)နှစ်ကြာ ကိုရိုနာဗိုင်းရပ်စ် အထိန်းအချုပ်တွေပြုလုပ်ပြီးနောက် အစိုးရက ယခုလိုဖြေလျော့ပေးလိုက်တာဖြစ်ပါတယ်။

ဒါပေမယ့် အချို့သော ခွဲခြားဆက်ဆံတဲ့ ကန့်သတ်မှုတွေ ဆက်ရှိနေတာကိုတော့ လှုပ်ရှားဆောင်ရွက်နေသူတွေက ဝေဖန်နေကြပါတယ်။

စင်္ကာပူမှာ အားလုံးကို ကန့်သတ်မှုတွေ ရုပ်သိမ်းလိုက်တဲ့အခါ အဲဒီရွှေ့ပြောင်းအလုပ်သမားတွေဟာ စိတ်သောကတွေရောက်ခဲ့ကြရတာကို လူတော်တော်များများက မမြင်မတွေ့ကြဘူး။ ဥမင်အဆုံးက အလင်းရောင်ကို သူတို့ မမြင်ကြရဘူး။ သူတို့အတွက် အင်မတန်သောကရောက်စရာ စိတ်ပူစရာတွေပါ။ ခုတော့ ဒါတွေ အဆုံးသတ်ခဲ့ပြီမို့ အခြေအနေတွေတိုးတက်လာမယ်လို့ ကျွန်မမျှော်လင့်ပါတယ်လို့ ရွှေ့ပြောင်းစီးပွားရေးအတွက် လူသားချင်းစာနာထောက်ထားမှုဆိုင်ရာအဖွဲ့အစည်းက လူမှုဝန်ထမ်းမန်နေဂျာတစ်ဦးဖြစ်တဲ့ ဒီဆိုင်ရီလျောင်းက ပြောပါတယ်။

အခုလို (၂)နှစ်လောက်လုပ်ထားတဲ့ ကန့်သတ်မှုတွေရုပ်သိမ်းလိုက်တာကို သူမကကြိုဆိုတယ်လို့ပြောပါတယ်။ ဒါပေမယ့် ဆက်ရှိနေသေးတဲ့ကန့်သတ်မှုတွေဟာ အဆင့်အတန်းခွဲခြားမှုတွေလိုဖြစ်နေတယ်လို့ သူမကဆိုပါတယ်။

သတ်မှတ်ထားတဲ့နေရာအလို်က ကန့်သတ်မှုမရှိတော့ပေမယ့် ပွဲတွေအခမ်းအနားတွေအခြေခံတဲ့ ကန်သတ်မှုတွေ ဆက်ရှိနေနိုင်တယ်။ ကျွန်မတို့အတွက်တော့ သွားလာရတာ ဘာအကန့်အသတ်မှမရှိတော့ဘူး.. ကျွန်မတိုသွားလာမှုတွေ ခြေရာခံတာမရှိတော့ပေမယ့် သူတို့အတွက် ဘာဖြစ်လို့ရှိနေရသေးလဲလို့ သူမကဝေဖန်ပြောကြားလိုက်ပါတယ်။

စင်္ကာပူနိုင်ငံမှာ နိုင်ငံရပ်ခြားရွှေ့ပြောင်းအလုပ်သမား (၃)သိန်းခန့်ရှိပြီး အများစုဟာ တောင်အာရှက ဖြစ်ကြပါတယ်။ချမ်းသာကြွယ်ဝတဲ့ မြို့ပြနိုင်ငံမှာ သူတို့ဟာ အိပ်ဆောင်ကလေးတွေမှာသာ နေထိုင်ကြရပြီး အခြားသူတွေနှင့်ကြပ်ကြပ်တည်းတည်း တွဲပြီးအတူ နံရံကပ်ကုတင်တွေမှာ အိပ်စက်နေကြရပါတယ်။

Source AFP

#Singapore_Migrant_workers

#Singapore_Covid_rules_relax

#Singapore_Covid_economy

#Local_News
Published_ 24 June 2022

ဘယ်လ်ဂျီယံနှင့် စပိန်အပါအဝင် ဥရောပနိုင်ငံများနှင့် အာဖရိကတိုက်မှ တိုဂိုနိုင်ငံတိုသို့ မြန်မာနိုင်ငံမှ ဆန်တန်ချိန် ၁ သိန်းခွဲခန့် တင်ပို့သွားမည်ဖြစ်ကြောင်း မြန်မာ့ဆိပ်ကမ်းအာဏာပိုင်ရဲ့ ထုတ်ပြန်ချက်အရသိရပါတယ်။

ဆန်တင်ပို့ရန်အတွက် လက်ရှိအချိန်တွင် ဆူးလေဆိပ်ကမ်းတွင် အလျား (၁၈၃) မီတာရှိ သင်္ဘောကြီး (၂) စီး၊ (၁၈၆) မီတာရှိ သင်္ဘောကြီး (၂) စီးနှင့် (၂ဝဝ) မီတာရှိ သင်္ဘောကြီး (၁) စီး စုစုပေါင်း (၅) စီး တံတားနေရာပြည့် ဆိုက်ကပ်ထားကြောင်း သိရပါတယ်။

အဆိုပါနိုင်ငံများသို့ စုစုပေါင်း ဆန်တန်ချိန် ၁၄၃၄ဝဝ တန်တင်ပို့မည်ဖြစ်ပြီး သင်္ဘောသုံးစီးသည် ဘယ်လ်ဂျီယံနိုင်ငံသို့ လည်းကောင်း၊ တစ်စီးသည် စပိန်နိုင်ငံသို့ လည်းကောင်း၊ ကျန်တဲ့တစ်စီးဟာ တိုဂိုနိုင်ငံသို့လည်းကောင်း မကြာမီထွက်ခွာမယ်လို့ ဆိုပါတယ်။

မြန်မာနိုင်ငံမှ ဆန်နှင့်ဆန်ထွက်ပစ္စည်းများကို ပင်လယ်ရေကြောင်းမှ တစ်ဆင့် Bulk Carrier သင်္ဘောကြီးများ(ဝမ်းပုံစနစ်)ဖြင့် ပြည်ပသို့ နှစ်စဉ်တင်ပို့လျက်ရှိရာ ၂ဝ၂၁ ခုနှစ် ဧပြီလ မှ ၂ဝ၂၂ ခုနှစ် မတ်လအထိ ဆူးလေ ဆိပ်ကမ်းတံတားများမှ စုစုပေါင်းသင်္ဘော ၉ဝ စီးဖြင့် ဆန်တန်ချိန် ၁၃၅၇၂၀၂ တန် တင်ပို့ခဲ့တယ်လို့ ဆိုပါတယ်။

၂ဝ၂၂ ခုနှစ် ဧပြီလမှ ဇွန်လအထိ ၃ လ အတွင်း၌လည်း စုစုပေါင်း သင်္ဘော ၂၇ စီးဖြင့် ဆန်တန်ချိန် ၅၈၂၃၃ဝ ကို တင်ပို့ထားကြောင်း သိရသည်။

မြန်မာနိုင်ငံထံမှ ၂ဝ၂၂ ခုနှစ် ဧပြီလတွင် ဆန်အများဆုံးဝယ်ယူသည့်နိုင်ငံများ၌ ကင်မရွန်း၊ တရုတ်၊ အင်ဂိုလာ၊ ဖိလစ်ပိုင် နှင့် ပိုလန် နိုင်ငံတို့ပါဝင်ပြီး ဆန်ကွဲအများဆုံး ဝယ်ယူသည့်နိုင်ငံများ၌ ဘယ်လ်ဂျီယံ၊ တရုတ်၊ စပိန်၊ နယ်သာလန် နှင့် ပိုလန်နိုင်ငံ တို့ပါဝင်ကြောင်း မြန်မာနိုင်ငံဆန်စပါးအသင်း၏ ထုတ်ပြန်ချက်များအရ သိရပါတယ်။

ymg-mnn
#Yangon_Media_Group

#LocalNews
Published_24 June 2022

ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်အတွင်းရှိ သာယာကုန်း၊ ရေတွင်းကုန်း၊တောင်ညွန့်ကြီး၊ ကန်-ရှေ့၊ ကန်-နောက်၊ ကန်-တောင်၊ ကန်-မြောက်၊ သိမ်ဖြူမီးရထား၊ တောင်ညွန့်မီးရထား၊ ဖဆပလ၊ဖိုမြေ၊ လွတ်လပ်ရေး ရပ်ကွက်နေရာများတွင် မနက်ဖြန် ဇွန်လ ၂၅ ရက် စနေနေ့၌ လျှက်စစ်ဓာတ်အား ယာယီပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း (YESC)က ထုတ်ပြန်ထားသည်။

ယာယီပြတ်တောက်ရမည့်အကြောင်းရင်းမှာ အလုံ၊လှော်ကား၊ ရွာမ၊ သာကေတ မြို့နယ်များရှိ ဓာတ်အားခွဲရုံ ၄ ရုံတွင် ခွဲရုံအဆင့်မြှင့်တင်ခြင်းလုပ်ငန်း ဆောင်ရွက်ရာတွင် သာကေတဓာတ်အားခွဲရုံမှ ဓာတ်အားဖြန့်ဖြူးပေးထားသော 66kV သာကေတ-သီတာ(၁) ဓာတ်အားလိုင်းနှင့် 66kV သာကေတ-သီတာ(၂)ဓာတ်အားလိုင်းတို့ကို 66kV GIS Switch Bay ၌ တပ်ဆင်ဓာတ်အားပေးရန်အတွက် ကြိုတင်ပြင်ဆင်ခြင်းလုပ်ငန်းလုပ်ဆောင်မည်ဖြစ်သောကြောင့်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ပြင်ဆင်ခြင်းလုပ်ငန်းများကို နံနက် ၉ နာရီမှ ညနေ ၃ နာရီထိ ဆောင်ရွက်မည်ဖြစ်သောကြောင့် ယင်းအချိန်အတွင်း လျှပ်စစ်ယာယီပြတ်တောက်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း၏ ထုတ်ပြန်ချက်အရ သိရသည်။

ယင်းအပြင် ရန်ကုန်တိုင်းဒေသကြီး၊ 230KV ဝါးတရာပင်မဓာတ်အားခွဲရုံ၏ 230kV Bus ပေါ်သို့ ဓာတ်အားဆက်သွယ်သော Disconnection Switch အထွက်ရှိ လျှပ်စစ်ဓာတ်အားလိုင်းကြိုးများ ကြိုးလွန်းဖွာနေခြင်းကို ပြုပြင်ဆောင်ရွက်ရန်အတွက် ဝါးတစ်ရာပင်မ ဓာတ်အားခွဲရုံ၏ 230kV Bus ကို ဇွန်လ ၂၆ ရက် မွန်းတည့် ၁၂ နာရီမှ ညနေ ၄ နာရီထိ ပြုလုပ်မည် ဖြစ်၍ အဆိုပါအားခွဲရုံမှ ဓာတ်အားပေးထားသည့် ရွှေပြည်သာစက်မှုဇုန်( ၂-၃-၄ )တစ်ဝက်ခန့်၊ ဝါးတစ်ရာ စက်မှုဇုန်၊ သာဓုကန် စက်မှုဇုန်၊ ရွှေပြည်သာမြို့နယ်တစ်ဝက်ခန့်၊မှော်ဘီမြို့နယ်၏ နေရာအချို့တို့တွင် လျှက်စစ်ဓာတ်အားယာယီ ပြတ်တောက်နေမည်ဖြစ်ကြောင်းလည်း ထုတ်ပြန်ထားသေးသည်။

ymg/mt
#Yangon_Media_Group

#LocalNews
Published - 24 June 2022

မွန်ပြည်နယ်မှာ ဆင်းရဲနွမ်းပါးလို့ မကုသနိုင်တဲ့မျက်စိဝေဒနာရှင် (၁၂၃၉)ဦးရှိပြီး'မရှိ၍ မလင်းသူမရှိစေရ'အစီအစဉ်နဲ့ အခမဲ့ခွဲစိတ်ကုသပေးနေတယ်လို့ မွန်ပြည်နယ်၊ ပြည်သူ့ကျန်းမာရေးနှင့်ကုသရေးဦးစီးဌာနမှူးဒေါက်တာနန္ဒဝင်းက YMG ကို ပြောပါတယ်၊၊

#Yangon_Media_Group

#LocalNews
Published - 24 June 2022

စပါးလက်ကျန်နည်းနေပြီဖြစ်တဲ့အတွက် ဈေးနှုန်းများ ၂၀ ရာခိုင်နှုန်းကျော်အထိ မြင့်တက်လာနေတယ်လို့ ကုန်သည်တွေရဲ့ ပြောပြချက်အရ သိရပါတယ်။

#Yangon_Media_Group

#LocalNews
Published - 24 June 2022

ဧရာဝတီမြစ်ရေတက်လာပြီဖြစ်၍ ညောင်ဦးမြို့နယ်ရှိကမ်းနားရပ်ကွက်များက နေအိမ်အချို့၌မြစ်ရေများ စတင်ဝင်ရောက်လာပြီဖြစ်ကြောင်း ညောင်ဦးမြို့နယ် မီးသတ်တပ်ဖွဲ့မှတာဝန်ရှိသူတစ်ဦးက YMG ကို ပြောသည်၊၊

မြစ်ရေတက်လာပြီး ရေဘေးအန္တရာယ်ကြုံနိုင်သည့်အတွက် မြစ်ကြောင်းတစ်လျှောက်တွင် ဌာနကချထားပေးသည့် စပိဘုတ်ရေယာဥ်ဖြင့် တပ်ဖွဲ့ဝင်များဖြင့် လုံခြုံရေးတာဝန်ချထားပြီဖြစ်ကြောင်းသိရသည်၊၊

လတ်တလောတွင် ညောင်ဦးမြို့နယ်ရှိ ကမ်းနားနေအိမ်အချို့သို့ မြစ်ရေများ စတင်ဝင်ရောက်လာပြီဖြစ်သော်လည်း နေရာရွေ့ပြောင်းပေးရတဲ့အခြေ အနေမျိုးတော့ မရောက်သေးဘူးဟု ညောင်ဦးမြို့နယ် မီးသတ်တပ်ဖွဲ့၊ဦးစီးအရာရှိ ဦးကျော်မင်းသူကYMG ကို ပြောသည်၊၊

"မြစ်ရေတက်လာပြီး ရေဘေးအန္တရာယ်ကြုံနိုင်တဲ့အတွက် မြစ်ကြောင်းတစ်လျှောက်မှာ ဌာနကချထားပေးတဲ့ စပိဘုတ်ရေယာဥ်နဲ့ တပ်ဖွဲ့ဝင်တွေနဲ့ လုံခြုံရေးတာဝန်ချထားပြီဖြစ်ပါတယ်၊၊
မြစ်ရေကတော့ ကမ်းနားရပ်ကွက်တွေမှာ နေအိမ်အချို့မှာတော့ ခြံဝန်းထဲထိ နေအိမ်ထဲထိရေဝင်တာ တွေရှိပါတယ်၊၊ အိမ်အောက်ထပ်အထိ ဝင်ရောက်နေပြီ၊၊ နေရာရွေ့ပြောင်းပေးရတာမျိုးအန္တရာယ်တော့ မရှိသေးပါဘူး၊၊ စိုးရိမ်ရေမှတ်ရောက်ဖို့( ၄.၇၅)ပေလောက် လိုသေးတယ်၊၊ ကျွန်တော်တို့ ညောင်ဦးမြို့နယ်မီးသတ်တပ်ဖွဲ့အနေနဲ့ ကြိုတင်ပြင်ဆင်မှု အနေနဲ့ မြို့နယ်မှာ ရှာဖွေကယ်ဆယ်ရေး တပ်ဖွဲဝင် အင်အား (၃၅)ဦးနဲ့ ပြင်ဆင်ထားတာပါ၊၊ သဘာဝဘေးအတွက် ကြိုတင်ဇာတ်တိုက်လေ့ကျင့်မှုတွေနဲ့ ပစ္စည်းပစ္စယတွေလည်း ကြိုတင်စုဆောင်းထားပါတယ်၊၊
"ဟု ညောင်ဦးမြို့နယ် မီးသတ်တပ်ဖွဲ့ ၊ဦးစီးအရာရှိ ဦးကျော်မင်းသူက ပြောသည်၊၊

ဧရာဝတီမြစ်ရေ (၁၉၇၅)စင်တီမီတာရှိပြီးသည် ညောင်ဦးမြို့နယ်တွင် နောက်(၂၄)နာရီအတွင်း (၂၅)စင်တီမီတာတိုးကာ (၂၀၀၅)စင်တီမီတာထိရောက်ရှိမည်ဖြစ်ကာ ညောင်ဦးမြို့နယ်၏ စိုးရိမ်ရေအမှတ်(၂၁၂၀)စင်တီမီတာရောက်ရန် (၁၁၅)စင်တီမီတာသာလိုတော့မည်ဖြစ်ကြောင်း မိုး/ဇလက ဇွန်လ၂၄ရက်တွင် ထုတ်ပြန်ထားသည်၊၊

ymg/tthl
#Yangon_Media_Group

#Local_News
Published - 24 June 2022

ရေနံချက်စက်ရုံအမှတ်(၁)ရှိ ဆိပ်ခံဗော(Pontoon) ကို ပြင်ဆင်ပြီး တိုင်းရင်းသားကျေးရွာ(ရန်ကုန်)တွင် အသစ်တည်ဆောက်မည်ဖြစ်သော ဆိပ်ခံဗောတံတား (Jetty) တွင် အသုံးပြုမည့်ဆိပ်ခံဗော(Pontoon) အဖြစ် အသုံးပြုမည်ဖြစ်ကြောင်း တိုင်းရင်းသားလူမျိုးများရေးရာဝန်ကြီးဌာန၏ ထုတ်ပြန်ချက်အရသိရသည်၊၊

ဇွန်လ (၂၃) ရက်တွင် တိုင်းရင်းသားလူမျိုးများရေးရာ ဝန်ကြီးဌာန၊ ဒုတိယဝန်ကြီး ဦးဇော်အေးမောင်နှင့် ရန်ကုန်တိုင်းဒေသကြီး ညွှန်ကြားရေးမှူးရုံးမှ ညွှန်ကြားရေးမှူးနှင့် ပြည်ထောင်စုတိုင်းရင်းသားကျေးရွာ (ရန်ကုန်) တာဝန်ခံအရာရှိတို့ ပါဝင်သည့်အဖွဲ့များသည် သန်လျင်မြို့နယ်၊ရေနံချက်စက်ရုံရှိအမှတ်(၁)ဆိပ်ခံဗော (Pontoon) ကို သွားရောက်ကြည့်ရူ စစ်ဆေးခဲ့ကြောင်းသိရသည်၊၊

အဆိုပါ ဆိပ်ခံဗော (Pontoon)မှာ ပြည်ထောင်စုတိုင်းရင်းသားကျေးရွာ (ရန်ကုန်) တွင် အသစ်တည်ဆောက်မည်ဖြစ်သော ဆိပ်ခံဗောတံတား (Jetty) တွင် အသုံးပြုမည့် ဆိပ်ခံဗောဖြစ်ပြီး အရွယ်အစား ပေ(၈၀’x ၂၀’x၆’) ရှိပြီး လက်ရှိအခြေအနေတွင် ပြည်တွင်း ရေကြောင်းမှ ပြင်ဆင်ရမည့်လုပ်ငန်းများကို အသေးစိတ်တွက်ချက်၍ ပြည်တွင်းရေကြောင်းပိုင်သင်္ဘောကျင်းတွင် ဒေါက်တင်ပြင်ဆင်မည်ဖြစ်ပြီး ကောင်းမွန်သွားလျှင် တိုင်းရင်းသားလူမျိုးများရေးရာဝန်ကြီးဌာနသို့ လွှဲပြောင်းပေးအပ်သွားမည်ဖြစ်ကြောင်း တိုင်းရင်းသားလူမျိုးများရေးရာဝန်ကြီးဌာန၏ ထုတ်ပြန်ချက်တွင် ဖော်ပြထားသည်၊၊

ymg/tthl
#Yangon_Media_Group

#Local_News
Published - 24 June 2022

မန္တလေးတွင် ယာဉ်မောင်းနှင်ပါက ယာဉ်မောင်းလိုင်စင်အပြင် မှတ်ပုံတင်မူရင်းတို့ကိုပါ တပါတည်းယူဆောင်လာရမည်ဟု အမိန့်ထုတ်ပြန်ထားကြောင်း ဒေသခံများ၏ ပြောပြချက်အရ သိရသည်။

မော်တော်ယာဥ်အပါအဝင် မော်တော်ဆိုင်ကယ် မောင်းနှင်သူများအနေဖြင့် လိုင်စင်နှင့်အတူ မှတ်ပုံတင်မူရင်းကိုပါ ယူဆောင်ရမည်ဟု ယခုရက်ပိုင်းအတွင်း သက်ဆိုင်ရာအဖွဲ့အစည်းမှ လိုက်လံကြေညာထားကြောင်း သိရသည်။

" မန္တလေးမှာက ကားထက်ဆိုင်ကယ်ကို စီးတာများတယ်။ ဒီလိုမျိုးတွေကန့်သတ်တော့ အခက်အခဲတွေရှိတာပေါ့"ဟုမန္တလေးမြို့ဒေသခံတစ်ဦးက ပြောသည်။

ယင်းအပြင်ဆိုင်ကယ်စီးပါက နှစ်ယောက်စီးခွင့်မရှိကြောင်းနှင့် မော်တော်ယာဉ်မောင်းနှင်ရာတွင်လည်း ခါးပတ်ပတ်ထားရမည်ဟု ကြေညာချက်တွင်ပါရှိသည်။

လက်ရှိတွင် မန္တလေးမြို့၏ နေရာအနှံတွင် ဆိုင်ကယ်၊ ကားများကို စစ်ဆေးမှုများဆက်တိုက်ပြုလုပ်နေကြောင်း သိရသည်။

ymg/sth
#Yangon_Media_Group

#LocalNews
Published _ 24 June 2022

နွားနို့သောက်သုံးမှုများလာသည့် ရန်ကုန်မြို့တွင် နွားနို့ထုတ်လုပ်မှုကို အရည်အသွေး ပိုင်းဆိုင်ရာ ထိန်းချုပ်ထုတ်လုပ်မှုထက် အရေအတွက်ကို ဦးစားပေးထုတ်လုပ်လာမှုကြောင့် ရေရှည်တွင် နို့စားနွားမွေးမြူမှု၊ နွားနို့ထုတ်လုပ်မှုနှင့် သောက်သုံးမှုများတွင် အခက်အခဲရှိလာနိုင်သောကြောင့် အနာဂတ်ကို မျှော်မှန်းထုတ်လုပ်နိုင်ရန် ရန်ကုန်တိုင်းဒေသကြီး မွေးမြူရေးနှင့်ကုသရေးဦးစီးဌာနမှ ဆောင်ရွက်လျက်ရှိသည်။

မြန်မာနိုင်ငံတွင် ၁၉၇၈ ခုနှစ် မှစတင်၍ ကမ္ဘာ့ဘဏ်အကူအညီဖြင့် ပြင်သစ်၊ နယ်သာလန်၊ ဩစတြေးလျနိုင်ငံများမှ ဖရေရှန်၊ ဂျာစီ၊ ဂွမ်စီ၊ အေးရှားရား၊ နော်ဝေဂျင်ရွက်အပါအဝင် နို့စားနွား ၇ မျိုးကို မွေးမြူခဲ့ပြီး၊ အရည်အသွေးပိုင်းထက် နို့ထွက်ကောင်းသော ဖရေရှန်နှင့် ဂျာစီနှစ်မျိုး မွေးမြူခဲ့ရာမှ၊ ယခုအခါ ဂျာစီနို့စားနွားထက် နို့ထွက်ပိုကောင်းသော ဖရေရှန်နို့စားနွားကို အများဆုံးမွေးမြူလျက်ရှိကြောင်း သိရသည်။

နွားနို့အတွက် နို့စားနွားမွေးမြူတဲ့အခါမှာ အရည်အသွေးထက် အရေအတွက်ကို ဦးစားပေးထုတ်လုပ်လာကြတဲ့အတွက် နွားနို့အရည်အသွေး ကျလာတယ်လို့ဆိုရမယ်။ နိုင်ငံခြားမှာက နို့အရည်အသွေးကိုကြည့်ပြီး နွားကိုမွေးမြူတာ။ ဒီမှာက နွားနို့တစ်ပိဿာ ဘယ်လောက်ဈေးဆိုပြီး ထုတ်လုပ်နေကြတယ်။ ဖရေရှန်ရဲ့အားသာချက်က နို့ထွက်ကောင်းတယ်။ နွားနို့အရည်အသွေးက ၃ ဒသမ ၅ ရာခိုင်နှုန်းပဲပါတယ်။ ဖရေရှန်နို့စားနွား ၁၀ ပိဿာထွက်တဲ့အချိန်မှာ ဂျာစီနွားက ရှစ်ပိဿာပဲထွက်တယ်။ ဂျာစီနွားနို့အရည်အသွေးက ၅ ရာခိုင်နှုန်း ရှိတယ်။ အရသာလည်း ကွာတယ်။ ဒါကြောင့် ဒီမှာဖရေရှန်နွားပဲ မွေးတာများတယ်။ အစာကျွေးပုံတူပြီး နို့ထွက်အရည်အသွေး မတူတာဟာသူတို့ရဲ့မျိုးရိုးဗီဇကြောင့်ပါ။ ကျွန်တော်တို့နိုင်ငံမှာ ဖရေရှန် နို့စားနွားကို အများဆုံးမွေး မြူထုတ်လုပ်တာဟာ သောက်သုံးသူအတွက်အနာဂတ်ကို မျှော်မှန်းပြီး ထုတ်လုပ်ကြရန် လိုအပ်ပါတယ်ဟု ရန်ကုန်တိုင်းဒေသကြီး မွေးမြူရေးနှင့် ကုသရေးဦးစီးဌာန၊ ဒုတိယတိုင်းဦးစီးမှူး ဒေါက်တာမင်းညွန့်ဦးက ပြောသည်။

နို့စားနွားတစ်ကောင်လျှင် တစ်နှစ်တစ်သားကျဖြင့် နို့ထွက်အားကို ရက် ၃၀ဝ သတ်မှတ်လေ့ရှိပြီး၊ တစ်ရက်လျှင် နွားနိုငါးပိဿာ၊ ခြောက်ပိဿာမှ အမြင့်ဆုံးအချိန်၌ ၁၃ ပိဿာ ထိထွက်သောကြောင့်၊ ရန်ကုန်မြို့တွင် ဖရေရှန်နို့စားနွားကို အများဆုံးမွေးမြူ၍၊ အင်းစိန်နွားနို့ ဈေးကွက်နှင့် တာမွေနွားနို့ဈေးကွက်တို့က တစ်ဆင့် နေ့စဉ်ဖြန့်ချိ လျက်ရှိသည်။

နယူးဇီလန်နိုင်ငံတွင် ဖရှေရှန်နွားနှင့် ဂျာစီနွားကို မျိုးစပ်၍၊ အီဝီမျိုးစိတ်သစ်ကိုရရှိခဲ့ပြီး၊ နို့ထွက်အားအရည်အသွေးစွမ်းရည်ကိုမြှင့်တင်၍၊ နို့ထွက်ပစ္စည်းကို ထုတ်လုပ်လျက်ရှိသည်။

နို့စားနွားကို မွေးမြူရာ၌ မျိုးရိုးဗီဇနှင့် အစာစားသုံးမှုပေါ်တွင် မူတည်သောကြောင့်၊ မွေးမြူရေးကဏ္ဍဖွံ့ဖြိုးတိုးတက်မှုနှင့် အရည်အသွေးကောင်းရရှိမှုတွင်၊ သင့်တင့်မျှတသော နို့စားနွားများကိုမွေးမြူထုတ်လုပ်ရန် လိုအပ်လာသည်။

ရန်ကုန်တိုင်းဒေသကြီးတွင်၊ နို့စားနွားကောင်ရေ ၁၆၀ဝ၀ ခန့်မွေးမြူလျက်ရှိပြီး၊ ဂျာစီနို့စားနွား၂၀ရာခိုင်နှုန်းနှင့် ဖရေရှန် နို့စားနွား ၈၀ ရာခိုင်နှုန်းမွေးမြူလျက်ရှိသည်။

အရည်အသွေးကောင်းမွန်သော နွားနို့သောက်သုံးနိုင်ရန်၊ မျိုးရိုးဗီဇကောင်းသော နို့စားနွားများကို မွေးမြူထုတ်လုပ်ရန် လိုအပ်ပြီး၊ နို့ဈေးနှုန်းတည်ငြိမ်ရန်၊ အစာစရိတ်ပေါ်တွင်မူတည်၍၊ နို့စား နွားတစ်ကောင်တွင်၊ အစာအတွက် ၇၅ ရာခိုင်နှုန်း ရင်းနှီးမြုပ်နှံထားသောကြောင့်၊ မွေးမြူရေးတောင်သူများ မြက်ရရှိရန် သဘာဝမြေနေရာနှင့် စိုက်ပျိုးရန် မြေနေရာများ၊ ရန်ကုန်တိုင်းဒေသကြီးအတွင်း အခက်အခဲရှိလာနိုင်၍၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက မြက်စိုက်ပျိုး ထုတ်လုပ်ကာမြက်ချဉ်ဖတ်နှင့် ပြောင်းချည်ဖတ်ကို တောင်သူတို့လက်ဝယ် အရောက်ဖြန့်ချိနိုင်ရန် ကြိုးပမ်းလျက်ရှိကြောင်းသိရသည်။

ymg/NN
#Yangon_Media_Group