#Local _News
Published _ 12 December 2022

ပြည်တွင်းအသေးစားလုပ်ငန်းလုပ်ကိုင်သူတွေ ဦးစီးကျင်းပမည့် Local Brand များအပါအဝင် ပြည်တွင်းဖြစ် လက်မှု အနုပညာပစ္စည်း ဈေးရောင်းပွဲတော်ကို လာမည့် ဒီဇင်ဘာ၂၅ ရက် ခရစ်မတ်နေ့မှာ ကျင်းပသွားမည်ဖြစ်ကြောင်း သိရသည်။

ဈေးရောင်းပွဲတော်ကို ရန်ကုန်မြို့၊ ဗိုလ်တထောင်ဆိပ်ကမ်းရှိ Vintage Luxury Yacht တတိယထပ်တွင် ပြုလုပ်သွားမှာဖြစ်ပြီး ဒီဇင်ဘာလ ၂၅ ရက် နေ့လညျ ၂ နာရီမှ ည ၈ နာရီ အတွင်း ရောင်းချပြသသွားမှာဖြစ်သည်။

ကိုယ်တိုင်ဖန်တီးပုံဖော်ထားသည့် ပန်းချီကားများ၊ အနုပညာလက်ရာများ၊ လက်ဝတ် ရတနာအဖြစ် ပုံဖော်ထားသည့် ပယင်းများ၊ တိုင်းရင်းသားရိုးရာအထည်များနှင့် မြန်မာ့ရိုးရာမုန့်များပါ ပါဝင်ရောင်းချပေးသွားမှာဖြစ်ကြောင်း သိရသည်။

ယခုလိုရောင်းချပေးသည့်အတွက် အသေးစားလုပ်ငန်းလုပ်ကိုင်နေသူများရဲ့ အလုပ် အကိုင်အခွင့်အလမ်းနှင့် ဈေးကွက်မှာ နှစ်ဦးနှစ်ဘက် အကျိုးအမြတ်ရရှိစေမှာဖြစ်ကြောင်း သိရသည်။

ဆိုင်ခန်းများကို တစ်ခန်းလျှင် ငွေကျပ် ၅၀၀၀၀ဖြင့် ဌားရမ်းနိုင်ပြီး ဝင်ကြေးအခမဲ့ ဖြစ်ကြောင်းလည်း သိရှိရသည်။

#ymg/NN
#Yangon_Media _Group

#Local _News
Published _ 12 December 2022

စစ်ကိုင်းတိုင်းဒေသကြီးမှ ထွက်ရှိသည့် ရွှေဘိုပေါ်ဆန်းကို မြန်မာနိုင်ငံရဲ့ပထမဆုံးပထဝီဒေသဆိုင်ရာ ညွှန်းကိန်း(GI) ထုတ်ကုန်အဖြစ် သတ်မှတ်နိုင်ရန် လုပ်ဆောင်လျက်ရှိကြောင်း ရွှေဘိုပေါ်ဆန်းစိုက်ပျိုးထုတ်လုပ်တင်ပို့ရောင်းချသူများအသင်းထံမှ သိရသည်။

ပြည်တွင်းရှိ ထုတ်ကုန်များကို GI လျှောက်ထားနိုင်ရန် ပြင်သစ်နိုင်ငံရှိ AFD မှ ၂၀၁၈ ခုနှစ်က စစ်တမ်းကောက်ယူခဲ့ပြီး ရွှေဘိုပေါ်ဆန်း၊ ရွာငံကော်ဖီ၊ ဟန်မြင့်မိုရ်စိန်တစ်လုံး၊ ပုဂံယွန်းထည်၊ သနပ်ခါးနှင့် လက်ဖက်စသည့် ထုတ်ကုန်များထဲတွင် ယခု ရွှေဘိုပေါ်ဆန်းအား ကနဦးရွေးချယ်ခဲ့ကြောင်း သိရှိရသည်။

ရွှေဘိုပေါ်ဆန်း ကို GI ထုတ်ကုန်အဖြစ် သတ်မှတ်နိုင်ရန် ပြင်သစ်နိုင်ငံ AFD အကူအညီဖြင့် ၂၀၂၂မှာ စတင်အကောင်အထည်ဖော်ခဲ့ပြီး ၂၀၂၂ ဒီဇင်ဘာလ မှာ အပြီးသတ်ဖို့ လျာထားခဲ့ပေမယ့် ကိုဗစ် ၁၉နှင့် အခြားသောအခြေအနေများကြောင့် လာမည့် ၂၀၂၃ ခုနှစ် ဇွန်လမှာ အပြီးသတ်သွားမည်ဖြစ်ကြောင်းလည်း အသင်းမှ သိရသည်။

ရွှေဘိုပေါ်ဆန်း ကို GI ထုတ်ကုန်အဖြစ် သတ်မှတ်နိုင်လျှင် မြန်မာ့မျိုးရင်းအဖြစ် နိုင်ငံတကာမှာ သတ်မှတ်နိုင်မှာဖြစ်သလို ပြည်တွင်းစိုက်ပျိုးထုတ်လုပ်သူတွေအတွက် ပိုမိုအကျိုးဖြစ်ထွန်းပြီး ပြည်ပစျေးကွက်ကို ချဲ့ထွက်နိုင်မှာဖြစ်ကြောင်း သိရသည်။

ယခုလက်ရှိမှာတော့ စိုက်ပျိုးတဲ့ ပမာဏနည်းပါးခဲ့သည့်အတွက် ရွှေဘိုပေါ်ဆန်း တစ်အိတ်ကိုဆန်အမျိုးအစားပေါ်မူတည်ပြီး ငွေကျပ် ၁သိန်းအထိပေါက်စျေးရှိနေကာ စပါးတင်း ၁၀၀ကို ၂၆သိန်းအထိ စျေးရှိနေသည်။

#ymg/NN
#Yangon_Media_Group

#Local_News
Published_12 December 2022

ဒီဇင်ဘာလ ၁၂ ရက်မှ ၁၈ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာ ၄၅၁၅ ကျပ် သတ်မှတ်ထားပြီး ပြီးခဲ့သည့် တစ်ပတ်ထက် ၁၀၀ ကျော်ကျဆင်းလာကြောင်း သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီအနေဖြင့် စားအုန်းဆီအဓိက ထုတ်လုပ်တင်ပို့သည့် မလေးရှားနိုင်ငံနှင့် အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ပြီး သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်အတွင်း ရောင်းဝယ်ဖောက်ကားရမည့် အခြေခံလက်ကား ရည်ညွှန်းဈေးနှုန်းကို ထုတ်ပြန်ပေးနေခြင်းဖြစ်ကြောင်း သိရသည်။

ယင်းအပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း သိရသည်။

လက်ရှိဈေးကွက်ထဲတွင် စားအုန်းဆီးဈေးနှုန်းမှာ တစ်ပိဿာ ၆၀၀၀ ဝန်းကျင်အထိ ကျဆင်းလာကြောင်း၊ ပြည်တွင်း၌ စားအုန်းဆီသုံးစွဲမှုမှာ တစ်နှစ်လျှင် တန်ချိန်၁၀ သိန်းကျော်အထိရှိသည့်အတွက် နှစ်စဉ်တန်ချိန် ၆ သိန်းမှ ၇ သိန်းကြားကို မလေးရှားနိုင်ငံနှင့် အင်ဒိုနီးရှားနိုင်ငံမှ အဓိထားတင်သွင်းနေရကြောင်း သိရသည်။

#ymg/sth
#Yangon_Media_Group

#World_Business
Published 12 December 2022

အဲအိန္ဒိယ(Air India)လေကြောင်းလိုင်းဟာ အဲဘတ်စ်(Airbus)နဲ့ ဘိုးအင်း(Boeing)တို့ကနေ ဒေါ်လာဘီလီယံဆယ်ဂဏန်းခန့် တန်ဖိုးရှိတဲ့ ဂျက်လေယာဉ်အစင်း ၅၀၀ ကို မှာယူရန် နီးစပ်နေပြီဖြစ်ကြောင်း သိရှိရပါတယ်။

Tata Group လုပ်ငန်းစုကြီးရဲ့ လက်အောက်မှာ လေကြောင်းလိုင်းကို ရည်မှန်းချက်ကြီးကြီးနဲ့ ပြန်လည်အကောင်အထည် ဖော်နေတာပဲဖြစ်ပါတယ်။

မှာယူမှုထဲမှာ ကိုယ်ထည်ကျဉ်းဂျက်လေယာဉ် အစင်း ၄၀၀ နဲ့ ကိုယ်ထည်ပိုမိုကျယ်တဲ့ ဂျက်လေယာဉ် အစင်း ၁၀၀ ကျော်ပါဝင်တဲ့အပြင် Airbus A350 ၊ Boeing 787, 777 ယာဉ် ဒါဇင်ခန့်ပါဝင်ကြောင်း သတင်းနီးစပ်သူတစ်ဦးက ဆိုလိုက်ကာ လာမယ့်ရက်ပိုင်းအတွင်း အတည်ပြုသွားမှာဖြစ်ပါတယ်။

ဝယ်ယူမယ့်စာရင်းအရ စုစုပေါင်းတန်ဖိုးအမေရိကန်ဒေါ်လာ ၁၀၀ ဘီလီယံရှိလာနိုင်ကာ လေကြောင်းလိုင်းတစ်ခုတည်းကနေ ပမာဏအများဆုံး ဝယ်ယူမှုတွေထဲက တစ်ခုဖြစ်လာနိုင်ပြီး လွန်ခဲ့တဲ့ဆယ်စုနှစ်ကျော်တုန်းက Airbus နဲ့ Boeing တို့ကနေ အမေရိကန်လေကြောင်းလိုင်းများ စုပေါင်းမှာယူခဲ့တာထက် ပိုများနေပါတယ်။

ကိုဗစ်ကပ်ရောဂါကာလပြီးနောက် လေယာဉ်မှာယူမှုများ ပြန်လည်များပြားလာကာ ထုတ်လုပ်ရေးလုပ်ငန်းတွေအနေနဲ့ ဖိအားတွေနဲ့ ရင်ဆိုင်နေရပါတယ်။

Air India နဲ့ Vistara တို့ပူးပေါင်းကာ စင်္ကာပူလေကြောင်းလိုင်းတွေနဲ့ လက်တွဲပြီး ပြည်တွင်းရော နိုင်ငံတကာမှာပါ ပိုမိုကြီးမားတဲ့ လေကြောင်းပို့ဆောင်ရေး ဖြစ်လာစေရန် Tata က ကြေညာပြီး ရက်ပိုင်းအတွင်းမှာပဲ အခုလိုမှာယူလိုက်တဲ့သတင်းတွေ ထွက်ပေါ်လာတာပါ။

ဒီဝယ်ယူမှုကြောင့် Tata မှာ လေယာဉ်ပေါင်း ၂၁၈ စင်းရှိလာမှာဖြစ်ပြီး အိန္ဒိယနိုင်ငံအတွင်း အကြီးမားဆုံး နိုင်ငံတကာလေကြောင်းလိုင်း ဖြစ်လာမှာဖြစ်ပြီး ပြည်တွင်းမှာတော့ IndiGo ပြီးရင် ဒုတိယအကြီးဆုံး ဖြစ်လာမှာပါ။

Air India ဟာ တစ်ချိန်တုန်းက ပြင်ဆင်မှု၊ ဝန်ဆောင်မှုတွေနဲ့ နာမည်ကြီးခဲ့ပေမယ့် ၂၀၀၀ ခုနှစ်တွေမှာ ဘဏ္ဍာရေးပြဿနာများကြောင့် နာမည်ပျက်ခဲ့ရပါတယ်။

၁၉၃၂ ခုနှစ်မှာ JRD Tata က Air India ကိုတည်ထောင်ခဲ့ကာ ၁၉၅၃ မှာ ပြည်သူပိုင်သိမ်းလိုက်ပါတယ်။

Tata က ဇန်နဝါရီလမှာ ပြန်လည်ထိန်းချုပ်လိုက်ပြီး ကမ္ဘာ့အဆင့်လေကြောင်းလိုင်းအဖြစ် ပြန်လည်ဦးမော့လာစေရန် ကြိုးပမ်းနေပါတယ်။

မှာယူတဲ့ လေယာဉ်အစင်း ၅၀၀ ကို လေကြောင်းလိုင်းထဲမှာ အစားထိုးခြင်း၊ ထပ်ထည့်ခြင်းများ ပြုလုပ်သွားမှာဖြစ်ပါတယ်။

ကမ္ဘာ့တစ်နေရာမှာ နေရာရဖို့အတွက် အခြေခံအဆောက်အအုံ လိုအပ်ချက်တွေ၊ လေယာဉ်မှူးနည်းပါးမှုတွေ၊ ပြိုင်ဆိုင်မှုပြင်းထန်ခြင်းတို့ကြောင့် Air India အနေနဲ့ အခက်အခဲများစွာ ကြုံရဦးမယ်လို့ ကျွမ်းကျင်သူများက သတိပေးလိုက်ပါတယ်။

Source: SCMP
#Yangon_Media_Group

#World_Science
Published 12 December 2022

လူတွေက ခွေးလေးတွေ ဘာလုပ်ချင်လဲဆိုတာကို အမူအရာကြည့်ပြီး ခန့်မှန်းနိုင်ပေမယ့် ရန်လိုတဲ့သဘောကိုတော့ သိပ်ပြီးမသိရှိကြပါဘူး။

ခွေး ၂ ကောင်ကြား အပြန်အလှန်ရန်လုပ်နေတဲ့သဘောကို လူတွေက ၂၀ ရာခိုင်နှုန်းလောက်ပဲ မှန်အောင် ခန့်မှန်းနိုင်ကြတယ်လို့ ဂျာမနီမှသုတေသီများက တွေ့ရှိခဲ့ပါတယ်။

ကလေးတွေ ရန်စောင်တဲ့အချိန်မှာလည်း ခန့်မှန်းရခက်ပြီးတော့ ကစားချင်တဲ့အချိန် သာမန်အချိန်တွေလောက်မှာပဲ ခန့်မှန်းနိုင်ကြတာများပါတယ်။

ဒါဟာ အခြားလူတွေနဲ့ ခွေးတွေဆီကနေ အကောင်းတွေကိုပဲ ဘက်လိုက်ပြီးခန့်မှန်းတတ်တာကြောင့် ဖြစ်နိုင်တယ်လို့ စာတမ်းပြုစုခဲ့သူ'ထရီဇာအက်ပါလိန်'က ဆိုပါတယ်။

ဒီလိုဘက်လိုက်မှုကြောင့်ပဲ ခွေးတွေမှာ ရန်စောင်တဲ့အမူအရာကို သတိမထားမိကြတာ နေပါလိမ့်မယ်။

လူသားတွေဟာ တစ်ယောက်နဲ့တစ်ယောက် ပြောတဲ့စကား၊ ကိုယ်အမူအရာတွေကနေ အကဲကြည့်ပြီး လေ့လာတတ်ကြပါတယ်။

ဒီလိုနဲ့ လိုအပ်တဲ့အချိန်မှာ သင့်လျော်စွာတုန့်ပြန်ဆောင်ရွက်နိုင်တဲ့ စွမ်းရည်ရလာကြပါတယ်။

လူသားတွေက အခြားသတ္တဝါတွေကိုကော ဘယ်လောက်အထိ ခန့်မှန်းနိုင်သလဲဆိုတာကို သုတေသီများက လေ့လာချင်ခဲ့ကြပါတယ်။

စမ်းသပ်မှုပြုလုပ်ရာမှာ ကလေး ၂ ယောက်၊ ခွေး ၂ ကောင်တို့ရဲ့ပြုမူပုံတွေကို ခန့်မှန်းဖို့အတွက် ဗီဒီယိုထဲကနေ သူတို့ရဲ့ မျက်နှာအမူအရာ၊ ခန္ဓာကိုယ်အနေအထားတို့ကို သတိထားခဲ့ကြပါတယ်။

ကြည့်ရှုသူတွေထဲ လူတဝက်က ဗီဒီယိုကိုကြည့်ပြီး ကလေးတွေ၊ ခွေးတွေက ရန်လိုနေသလား၊ သာမန်အတိုင်းလား၊ ကစားချင်နေသလားဆိုတာကို ခန့်မှန်းရပါတယ်။

အဲဒီအခါ အမျိုးအစားတစ်ခုချင်းစီရဲ့ အပြန်အလှန်တုန့်ပြန်ပုံတွေကို ခန့်မှန်းရာမှာ မျှော်လင့်ထားတာထက်ပိုပြီး ကောင်းမွန်အောင် ခန့်မှန်းနိုင်တာကို တွေ့ခဲ့ရပါတယ်။

ဒါပေမဲ့ ခွေးတွေနဲ့ကလေးတွေရဲ့ ရန်လိုတဲ့အမူအရာကိုတော့ ကောင်းစွာမခန့်မှန်းနိုင်ခဲ့ဘူးလို့ သုတေသီများ ဖော်ပြခဲ့ပါတယ်။

ခွေးပိုင်ရှင်တွေအနေနဲ့လည်း ခွေးတွေရဲ့ရန်လိုတဲ့အမူအရာကို သတိရှိနိုင်စေရန် သေချာလေ့လာမှတ်သားသင့်တယ်လို့ ဖော်ပြနေပါတယ်။

သူတို့ရဲ့ရန်လိုတဲ့အမူအရာတွေကို လူသားတွေနားလည်ဖို့ လိုအပ်တဲ့အရာတွေကို နောက်ထပ်လေ့လာမှုတွေ ပြုလုပ်ရဦးမယ်လို့ ဖော်ပြထားပါတယ်။

Source: Daily Mail
#Yangon_Media_Group

#World_Health
Published 12 December 2022

အဆုတ်ရောဂါ ဖြစ်နိုင်ချေအများဆုံးရှိတဲ့ အမေရိကန်တဝိုက်မှ အလုပ်ခွင်နေရာများကို စာရင်းပြုစုထားပါတယ်။

ရောဂါထိန်းချုပ်ကာကွယ်ရေးစင်တာ(CDC)မှ သုတေသီများက ၂၀၂၀ ခုနှစ်အတွင်း အဆုတ်လမ်းကြောင်းကျဉ်းရောဂါ (COPD)ကြောင့် သေဆုံးသူ ၃ သိန်းကျော်ကို လေ့လာခဲ့ပါတယ်။

သတ္တုမိုင်းတူးဖော်ရေး အလုပ်သမားတွေက အန္တရာယ်အများဆုံးဖြစ်ပြီး သူ့နောက်မှာတော့ စားပွဲထိုး၊ စားဖိုမှူး၊ ဟိုတယ်ဝန်ထမ်းတွေက ဒုတိယအန္တရာယ်အများဆုံးဖြစ်ကာ ဆောက်လုပ်ရေးသမားတွေက တတိယနေရာမှာ ရှိနေပါတယ်။

စာသင်ဆရာများ၊ ရှေ့နေ‌များ၊ ဘဏ္ဍာရေးဝန်ထမ်းများကတော့ ဖြစ်နိုင်ချေအနည်းဆုံးသူတွေ ဖြစ်နေပါတယ်။

COPD ရောဂါက အသက်ရှူလမ်းကြောင်း ကျဉ်းမြောင်းခြင်း ဒါမှမဟုတ် ရောင်ရမ်းခြင်းဖြစ်ပေါ်ကာ အသက်ရှူရခက်ခဲလာပါတယ်။
သေဆုံးမှုတွေကို ခွဲခြမ်းစိတ်ဖြာပြီး အလုပ်ခွင်မှာ အလုပ်လုပ်နေတဲ့သူအရေအတွက်နဲ့ နှိင်းယှဉ်ကြည့်ကြပါတယ်။

အများစုက သေဆုံးချိန်မှာ အသက် ၇၅ နှစ်ကျော်ဖြစ်ကြပြီး လူဖြူလူမျိုးအများစုပါဝင်ပါတယ်။

အဆုတ်ရောဂါ အဖြစ်အများဆုံး အလုပ်အကိုင် ၅ မျိုးထဲမှာ စစ်တပ်၊ သယ်ယူပို့ဆောင်ရေး၊ ဂိုဒေါင်နေရာများမှ အလုပ်သမားဝန်ထမ်းများ ပါဝင်နေပါတယ်။

အန္တရာယ်အနည်းဆုံး လုပ်ငန်းနေရာကလူတွေက အယောက် ၁ သိန်းမှာ အဆုတ်ရောဂါကြောင့် သေဆုံးသူ ၀.၆၈ ဦးသာရှိပြီး သတ္တုတူးဖော်ရေးအလုပ်သမားတွေကတော့ အယောက် ၁ သိန်းမှာ ၁.၃၃ ဦးရှိပါတယ်။

ဖုန်မှုန့်များ၊ အငွေ့များ၊ ဓာတ်ငွေ့များ၊ ဆေးလိပ်သောက်သူရဲ့ ဘေးမှာနေတဲ့သူများက အဆုတ်ရောဂါဖြစ်နိုင်ချေအများဆုံးရှိကြောင်း ကျန်းမာရေးသိပ္ပံပညာရှင် ဒေါက်တာ'ဂီရီဂျာဆီယမ်လဲလ်'က သတိပေးလိုက်ပါတယ်။

သတ္တုတူးဖော်ရေး၊ ဆောက်လုပ်ရေး၊ ဟိုတယ်လုပ်ငန်း၊ အစားအစာလုပ်ငန်းတွေမှာ အလုပ်လုပ်သူတွေက တဆင့်ဆေးလိပ်ငွေ့၊ ဒီဇယ်ထုတ်အငွေ့၊ စက်ပစ္စည်းလောင်ကျွမ်းခြင်းတို့မှ အငွေ့များကို ထိတွေ့နေရပါတယ်လို့ ဆိုပါတယ်။

လူအများသွားလာကြတဲ့ နေရာတွေမှာ ပိုးသတ်ဆေး၊ သန့်ရှင်းရေးပစ္စည်းများ အသုံးပြုခြင်းကြောင့်လည်း အဆုတ်ရောဂါဖြစ်နိုင်ချေရှိပါတယ်။

ဒီလိုမဖြစ်ရအောင် လေဝင်လေထွက်စနစ်များတပ်ဆင်ခြင်း၊ လေထုထဲက အန္တရာယ်ပြုအမှုန်များကို စစ်ထုတ်ပေးနိုင်တဲ့ နှာခေါင်းစည်းတပ်ဆင်ခြင်းများ ပြုလုပ်သင့်ပါတယ်။

Source: Daily Mail
#Yangon_Media_Group

Published 11 Dec 2022

✳️ တွစ်တာက စာလုံးအရေအတွက်ကို လက်ရှိ စာလုံး၂၈၀ သတ်မှတ်ကန့်သတ်ထားရာမှ နောက်ဆုံးတွင် စာလုံးရေ ၄၀၀၀ အထိ တိုးမြှင့်ပေးမယ်လို့ ကုမ္ပဏီရဲ့ စီအီးအို အီလွန်မတ်စ်က တွစ်တာကနေ အတည်ပြု

✳️ တွစ်တာက စာလုံးရေ ၄၀၀၀ အထိ တိုးမြှင့်ပေးမယ်လို့ သတင်းတွေထွက်နေတာ ဟုတ်သလားလို့ တွစ်တာပေါ်မှာ တစ်ဦးကမေးမြန်းတဲ့အခါ အီလွန်မတ်စ်က “ဟုတ်ပါတယ်” လို့ ပြန်ဖြေခဲ့ခြင်းဖြစ်

✳️ သို့သော် သူက အသေးစိတ်ကိုတော့ ထုတ်မပြောသေး

✳️ တွစ်တာဟာ အစပထမမှာ စာလုံးရေ ၁၄၀ကန့်သတ်ပေးခဲ့ပါတယ်။အဲဒီကနေ ၂၀၁၇ခုနှစ်မှာ စာလုံးရေ ၂၈၀အထိတိုးပေးခဲ့

✳️ ထို့အတွက်တွစ်တာအသုံးပြုသူတွေဟာ သူတို့ရဲ့ဘလော့ခ်ထဲကစာအရှည်ကြီးတွေကို တွစ်တာတွင် ပို့စ်တင်နိုင်တော့မည်ဖြစ်

✳️ တွစ်တာက ယခုအပတ်အတွင်း ယင်း၏ Twitter Blue လစဉ်ကြေးပေးအစီအစဉ်ကို တနင်္လာနေ့တွ် ပြန်လုပ်မည် ဟုကြေညာခဲ့

✳️ အဆိုပါအစီအစဉ်အရ အသုံးပြုသူများသည် အပြာရောင်အမှန်အမှတ်အသားတစ်ခုရရှိမည့်အပြင် အခြားအခွင့်အရေးတွေ ဖြစ်သည့် တွစ်ပို့စ်များကိ တည်းဖြတ်နိုင်ခြင်းနှင့် 1080p ဗွီဒီယိုများတင်နိုင်ခြင်းတို့ ရရှိမည်ဖြစ်

✳️ Twitter Blue ကို အိုင်ဖုန်းအသုံးပြုသူများကိုပို၍ဈေးကြီးသော တစ်လ ၁၁ ဒေါ်လာနှုန်းကောက်ခံမည်ဖြစ်

✳️ အက်ပဲလ်က အက်ပလီးကေးရှင်းရောင်းရငွေမှ ကော်မရှင် ၃၀ ရာခိုင်နှုန်းအထိယူထားသဖြင့် အီလွန်မတ်စ်က ဝေဖန်ခဲ့ပြီးနောက် အိုင်ဖုန်းနှင့်အက်ပဲလ်သုံးသူများထံမှ ဈေးပိုတောင်းခဲ့ခြင်းဖြစ်

Source USA Today

#Twitter

#Elon_Musk

#Tweets_increase_charactors

Published 11 Dec 2022

တရုတ်နိုင်ငံ တောင်ပိုင်း ကွမ်တုံပြည်နယ် ကွမ်ကျူးမြို့တော်မှာ လူဖန်တီးသည့် သားဖောက်ခြင်းဖြင့် မွေးဖွားလာခဲ့တဲ့ ပထမဆုံးအသုတ် ဂျင်တို ပင်ဂွင်းငှက်သုံးကောင်ဟာ ယခုဆို တစ်လသားကလေးတွေရှိလာပါပြီ။ ပင်ဂွင်း ကလေး      သုံးကောင်ဟာ ကျန်းကျန်းမာမာရှိပြီး အခုဆို အများပြည်သူ ကြည့်ရှုနိုင်အောင်ပြသထားပါတယ်။

ကွမ်ကျိူးက ဂရင်းဗျူး အဏ္ဏဝါပြတိုက်မှာ နိုဝင်ဘာလက အဲဒီပင်ဂွင်းကလေးသုံးကောင်ဟာ သားဖောက်မွေးဖွားလာခဲ့တာ ဖြစ်ပြီး မွေးဖွားစဉ်မှာ ကိုယ်အလေးချိန် ၈၀ ဂရမ်ဆီရှိကြပါတယ်။ ပင်ဂွင်းမိဘနှင့် စောင့်ရှောက်ထိန်းသိမ်းရေးအဖွဲ့ရဲ့ ပြုစုမှု အောက်မှာ သူတို့ဟာ အခုဆို ကိုယ်အလေးချိန် ၂.၅ ကီလိုဂရမ်အထိ ကြီးထွားလာကြပြီဖြစ်ပါတယ်။

သူတို့ကျန်းမာစွာကြီးထွားလာကြဖို့အတွက် ပြတိုက်က သူတိုကလေးတွေကို အစာစားတာ၊ ဆော့ကစားတာ၊အိပ်စက်တာ နှင့် အခြားလှုပ်ရှားမှုတွေကို ၂၄နာရီမပြတ် စောင့်ကြပ်ကြည့်ရှုပေးနေကြပါတယ်။ပြီးတော့ သူတို့ရဲ့ကိုယ်အလေးချိန်နှင့် ကျန်းမာရေးအခြေအနေတွေကိုလည်း အမြဲစောင့်ကြည့်ပေးနေကြပါတယ်။

“ ငှက်ကလေးသုံးကောင်ဟာ အခုထက်ထိ ကျန်းမာနေကြပါတယ်။ နောက်ဆို ကျွန်တော်တို့စောင့်ကြည့်တဲ့အဖွဲ့ဟာ နေ့တိုင်း သူတို့ကို ကိုယ်အလေးချိန်ချိန်ပြီး သူတို့ဟာ ပုံမှန်ကြီးထွားလာနေသလား၊ ဒါမှမဟုတ် ကိုယ်အလေးချိန်  ကျဆင်းလာသလားဆိုတာ  စောင့်ကြည့်မှာပါ။ ပြီးတော့ ပင်ဂွင်းတွေကို အားဆေးတွေကိုလည်း တိုက်ကျွေးမှာဖြစ်ပါ  တယ်” လို့ ပင်ဂွင်းထိန်း ပင်န် ယူကျင်းကပြောပါတယ်။

ဂျင်တိုပင်ဂွင်းတွေကို အန္တာတိတ်မဟုတ်တဲ့ဒေသမှာ လူလုပ် သားဖောက်တယ်ဆိုဟာ ကမ္ဘာကအသိအမှတ်ပြုတဲ့ စိန်ခေါ်မှုတစ်ခုဖြစ်ပါတယ်။ ဒီလိုလူကဖန်တီးသားဖောက်ဖို့ ပြင်ထန်တဲ့သားဖောက်ဝန်းကျင်တစ်ခုနှင့် သိပ္ပံနည်းကျ နည်းစနစ်တွေလိုအပ်ပါတယ်။ အဲဒီအထဲမှာ အလင်းအား၊အပူချိန်၊စိုထိုင်းဆနှင့် ရေဝန်းကျင်ရဲ့သိမ်မွေ့တဲ့အပြောင်းအလဲ တွေ ပါဝင်ပါတယ်။ အဲဒါတွေဟာ သားဖောက်ဖို့ လိုအပ်တဲ့အချက်တွေပါ လို့သူကဆက်ပြောပါတယ်။

Source CCTV+

#Artificially_bred _Gentoo _penguins

#Grandview-Aquarium_Guangzhou

#Science_China

Published 11 December 2022

ပြင်သစ်နှင့်ကစားတဲ့ပွဲမှာ သူကန်လိုက်တဲ့ ပင်နယ်တီဘောလုံး လွဲချော်သွားရပြီး အင်္ဂလန်အသင်း ကမ္ဘာ့ဖလားပွဲကနေ ထွက်ခွာခဲ့ရခြင်းအတွက် သူ့မှာ တာဝန်ရှိတယ်လို့ ဟယ်ရီကိန်းကပြောလိုက်ပါတယ်။

သီအိုဟာနန်ဒေးစ်က မေဆွန်မောင့်ကို ပြင်သစ်ရဲ့ ပင်နယ်တီဧရိယာအတွင်း တရကြမ်းတိုးဝင်ခဲ့တဲ့အတွက် အင်္ဂလန်အသင်းဟာ ရွှေရောင်အခွင့်အရေးအဖြစ် ပင်နယ်တီကန်ခွင့်ရခဲ့တာဖြစ်ပါတယ်။

ဒါပေမယ့် ၅၄မိနစ်မှာ ပင်နယ်တီဝင်အောင်ကန်ပေးခဲ့တဲ့ ကိန်းရဲ့ ကန်ချက်ဟာ ဂိုးသမား Hugo Lloris ရဲ့ ဘားတန်းကို ကျော်ပြီးမြောက်တက်သွားခဲ့ပါတယ်။

အချိန်ပြည့်ခရာမှုတ်လိုက်တဲ့အခါ ကိန်းဟာသိသိသာသာကို စိတ်ကယောက်ကယက်ဖြစ်သွားပါတယ်။ သူ့ကစားဖော် တွေနှင့် မန်နေဂျာ ဂါရက်ဆောက်ဂတ်က သူ့ကို ဝိုင်းပြီး နှစ်သိမ့်ကြပါတယ်။

နှစ်ဂိုးတစ်ဂိုးနှင့် ရှုံးခဲ့ရတာဟာ အမှားမခံနိုင်တဲ့ ဂိုးကွာခြားချက်မဟုတ်ဘူးလားလို့ သူ့ကို ဘီဘီစီအားကစားချယ်နယ်က မေးတဲ့အခါ  ဒီကွာခြားချက်ကိုက နေလို့ထိုင်လို့ခက်တဲ့ကိစ္စပဲ။ အချိန်တစ်ခုမှာတော့ အသေအချာပဲ” လို့ သူကဖြေပါတယ်။

“ဒါကို ပုဂ္ဂိုလ်ရေးအရရော အသင်းအနေနှင့်ပါ လက်ခံဖို့သိပ်ခက်တယ်” လို့ သူကပြောပါတယ်။

“ ကျွန်တော်တို့ရဲ့ကလေးတွေအတွက် ပိုပြီးဂုဏ်မယူနိုင်ဘူးလား။ ကျွန်တော်တို့ စပဲလ် spells ပိုကောင်းတယ်။ အခွင့်အလမ်းပိုရတယ်။ဒါပေမယ့် ကစားပွဲဟာ အသေးစိတ်အငယ်လေးတွေကနေ ဆင်းသက်လာတာဖြစ်တယ်။ ကျွန်တော်တို့ ဒီကနေ့ တန်ရာတန်ကြေးပေးဆပ်ရတာဖြစ်တယ်” လို့ သူကဆက်ပြောပါတယ်။

“ အသင်းကပ္ပတိန်တစ်ဦးအနေနှင့် ပင်နယ်တီလွဲသွားခဲ့ရတဲ့အတွက် တာဝန်ခံပါတယ်။ ကျွန်တော် အများကြီးတွေးတဲ့ သူမဟုတ်ဘူး။ အကယ်၍ ပင်နယ်တီတစ်လုံး သို့မဟုတ် နှစ်လုံးကန်ရရင် ဘာလုပ်မလဲဆိုတာ ကျွန်တော်ကြို ပြင်ဆင်ပြီးသားပါ။ ကျွန်တော်ပြင်ဆင်မှု ဒါမှမဟုတ် ပွဲမတိုင်ခင် အသေးစိတ်လုပ်တာတွေအပေါ် အပြစ်မရှာနိုင်ဘူး” လို့ ကိန်းကဆက်ပြောပါတယ်။

Source MetroUK

#England_France_World_Cup

#Harry_Kane

#World_cup_2022

#TV Yangon Times Matters အစီအစဉ်
Published - 11 Dec 2022

အစီအစဉ်တင်ဆင်သူ ဆရာဟိန်းလတ်က ကိုဝင်းလှိုင်(BIT Director)နှင့်အတူ

-"စာအုပ် Delivery Service ဆိုတာက ထုတ်ဝေသူနဲ့ စာအုပ်ဝယ်ယူသူကြားပေါင်းစည်းပေးရတာဖြစ်ကြောင်း

-သိုင်းဝတ္ထုကို လူငယ်တော်တော်များများကဖတ်ကြပြီး"ဆန်းသစ်စိတ်ကူးယဉ်အရှေ့တိုင်းဘာသာပြန်စာပေ"ဆိုပြီး နာမည်ပေးထားကြောင်း

-ကိုအကြည်တော်ရဲ့ Poem Music အခွေထွက်ဖို့ စီစဉ်ပေးဖြစ်ခဲ့ပြီး နောက်ဆုံးအမှတ်တရတစ်ခုအဖြစ် ကျန်ရစ်ခဲ့တာဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published_11 December 2022

မြန်မာနိုင်ငံကနေ ဘင်္ဂလားဒေ့ရှ်ဘက်ကို ဧပြီလ ၁ ရက်မှ ဒီဇင်ဘာလ ၂ ရက်အထိ ရှစ်လကျော်ကာလအတွင်းမှာ ပို့ကုန်တင်ပို့မှုမှ အမေရိကန်ဒေါ်လာ ၁၉ ဒသမ ၂၀ သန်းရရှိထားတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ဖော်ပြထားတဲ့ ကုန်သွယ်မှုစာရင်းတွေအရ သိရပါတယ်။

#Yangon_Media_Group

Published 11 December 2022

ကလေး(၆)ဦးရဲ့မိခင် ရာချယ်ရစ်ချ်ဝေးက သူမဟာ  သူမနောက်ဆုံးမွေးဖွားလိုက်တဲ့ကလေးတွေထက် အသက် (၃)နှစ်  (နည်းပညာသက်သက်အရ)သာ အသက်ကြီးနေတယ်လို့သိလိုက်ရတဲ့အခါ အတော်စိတ်လှုပ်ရှားသွားခဲ့ပါတယ်။

ပြီးခဲ့တဲ့ သုံးပတ်က မွေးဖွားခဲ့တဲ့ အမြွှာနှစ်ဦးဟာ တကယ်တမ်းတော့ အသက်အကြီးဆုံးသန္ဓေသားလောင်းတွေကနေ ဖန်တီးယူခဲ့တာဖြစ်ပါတယ်။

ရာချယ်နှင့် သူမရဲ့ခင်ပွန်း ဖိလစ်တို့ဟာ ၁၉၉၂ခုနှစ်ဧပြီလတုန်းက တီမိုသီနှင့်လင်ဒီယာလို့အမည်ပေးထားတဲ့ သန္ဓေသား လောင်း သားနှင့်သမီးကို အေးခဲထားခဲ့ပါတယ်။

ကလေးတွေရဲ့ ဇီဝဆိုင်ရာမိဘနှစ်ပါး ဘယ်သူဆိုတာ မသိရပါဘူး။ သူတို့ဟာ IVF (ဖန်ပြွန်နည်းဖြင့် သန္ဓေအောင်စေပြီး) နောက် သူတို့ရဲ့ သန္ဓေသားလောင်းကို အမျိုးသား အဆင့် သန္ဓေသားလောင်း လှူဒါန်းရေးဌာန သို့မဟုတ် NEDC အင်န်အီးဒီစီထံ လှူဒါန်းခဲ့ကြပါတယ်။

“ဒီသန္ဓေသားလောင်းတွေ အသက်စရှင်တဲ့အချိန်မှာ ကျွန်တော်က ငါးနှစ်သားပဲရှိသေးတယ်ဗျ” လို့ ဖခင်ဖြစ်သူဖိလစ်က ပြောပါတယ်။အဲဒီတုန်းက သူ့ဇနီး ရာချယ်က (၃)နှစ်အရွယ်မိန်းကလေးတစ်ဦးသာရှိသေးတယ်လို့လည်း သူက ပြောပါတယ်။

“ဒီအကြောင်း ကျွန်တော်တို့ပြောပြတာကို နားထောင်မိကြတဲ့သူတိုင်း အလန့်တကြားတွေဖြစ်ကုန်ကြတယ်” လို့ ဖိလစ်က ဆက်ပြောပါတယ်။

အသက်(၂)နှစ်နှင့် (၈)နှစ်ကြား သားသမီး(၄)ယောက်ရှိတဲ့ ရစ်ချ်ဝေးဟာ၂၀၁၉ခုနှစ် ဒီဇင်ဘာလထဲ  ာ NEDC ကို ကနဦး ကတည်းက သွားရောက်ချည်းကပ်ခဲ့တာပါ။ “ ကျွန်မတို့ရဲ့ အကြီးဆုံးကလေး(၃)ယောက်ကိုယ်ဝန်လွယ်ရာမှာ မျိုးအောင်ဖို့ အကူအညီလိုအပ်ခဲ့တာပါ” လို့ ရစ်ချ်ဝေးကပြောပါတယ်။ သူမဟာ ဟိုမုန်းအားမြှင့်တဲ့ ကလိုမစ်ကို သုံးစွဲခဲ့ရပါတယ်။

အဲသလိုနှင့် ၂၀၂၀ မှာ စတုတ္ထမြောက် ကိုယ်ဝန်လွယ်ဖို့အတွက် သူတို့က NEDC က အေးခဲသန္ဓေသားလောင်းကို မွေးစားဖို့ စဉ်းစားခဲ့ပါတယ်။

“ အဲဒီသန္ဓေသားလောင်းမွေးစားဖို့ ကျွန်မတို့ ပိုက်ဆုံသုံးမယ်လို့ဆုံးဖြတ်ခဲ့ပါတယ်” လို့ သူမကပြောပါတယ်။ဒါပေမယ့် အဲဒီ အစီအစဉ်က လအနည်းငယ်အကြာမှာ ပြောင်းသွားပါတယ်။ ဘာဖြစ်လို့လဲဆိုတော့ သူမဟာ သဘာဝအတိုင်း ကိုယ်ဝန်ရ လာလို့ဖြစ်ပါတယ်။ အဲဒီကလေးက အခုဆို အသက်(၂)နှစ်ရှိပါပြီ။

ဒါပေမယ့် သူတို့က နောက်ထပ်ကလေးတွေထပ်ယူဦးမယ်လို့ ဆုံးဖြတ်ခဲ့ပြန်ပါတယ်။အဲဒါကြောင့် ယခင်စိတ်ကူးကို ပြန်ပြီး အကောင်အထည်ဖော်လိုက်ပါတော့တယ်။

ကျွန်တော်တို့က ဘုရားသခင်ပေးသလောက် သားသမီးတွေရချင်တယ်” လို့ ဘာသာရေးကိုင်းရှိုင်းတဲ့ သူတို့ကပြောပါ တယ်။

အဲဒါကြောင့် ယခု ဝါရှင်တန်ပြည်နယ် ဗန်ကူးဗားမှာနေထိုင်တဲ့သူတို့လင်မယားဟာ NEDC ရဲ့ အထူးစဉ်းစားရွေးချယ်တဲ့ ဌာနခွဲကနေ သန္ဓေသားလောင်းတွေကိုရယူခဲ့ပါတယ်။ “အဲဒီဌာနခွဲကိုလူတွေက မကြာခဏကျော်သွားတတ်ကြတယ်။ ဘာဖြစ်လို့လဲဆိုတော့ မျိုးရိုးဗီဇပုံစံမမှန်တဲ့မိဘတွေက လှူဒါန်းထားတဲ့ နေရာဖြစ်လို့ပဲ” လို့သူမကပြောပါတယ်။

“ ကျွန်မက ပြည့်စုံကောင်းမွန်မှုရှိသမား မရှိဘူးလား အဲဒါကို အရေးမထားဘူး” လို့ အသက် ၂၄နှစ်အရွယ်ရှိပြီဖြစ်တဲ့ မိခင်ရစ်ချ်ဝေးကပြောပါတယ်။ အဲဒီအမြွာသန္ဓေသားလောင်းတွေရဲ ဖခင်ဟာ အေအယ်လ်အက်စ်ရောဂါလို့ခေါ်တဲ့ Lou Gehrig (အာရုံကြောရောဂါတစ်မျိုး) နှင့် သေဆုံးခဲ့တာလို့တော့ သူတို့သိခဲ့ပါတယ်လို့ဆိုပါတယ်။

“အဲဒါကြောင့်ကလေးတွေမှာ မျိုးဗီဇချို့ယွင်းမှုရှိရင်လည်းရှိမယ် မရှိရင်လည်းမရှိဘူး။ဒါပေမယ့် ကျွန်မတို့ ဒါကို ဂရုမစိုက်ဘူး” လို့သူမကပြောပါတယ်။

အခြားမိဘတွေနှင့်မတူဘဲ သူတို့က သန္ဓေသားလောင်းရဲ့ အသက်ကိုလည်း အရေးမစိုက်ဘူး လို့ ဖိလစ်ကပြောပါတယ်။ သူတို့ဟာ သူတို့ရွေးချယ်ခဲ့တဲ့ သန္ဓေသားလောင်း (၃)ခုထဲမှာ (၂)ခုက ကိုယ်ဝန်ဆောင်နိုင်ခဲ့တာဖြစ်ပါတယ်။ ရာချယ်လ်ဟာ ၂၀၂၂ခုနှစ် အောက်တိုဘာ ၃၁ရက်နေ့ ၃၇ပတ်နှင့် (၂)ရက် ကိုယ်ဝန်ဆောင်အပြီးမှာ အမြွှာကလေးတွေကို မွေးဖွားခဲ့ပါတယ်။ တင်မိုသီဟာ (၆)ပေါင်(၇)အောင်စနှင့် လင်ဒီယာက (၅)ပေါင်နှင့် (၁၁)အောင်စရှိပါတယ်။သူတို့ရဲ့ သန္ဓေသားလောင်းဟာ အသက်အကြီးဆုံးသန္ဓေသားလောင်းအဖြစ်  တင်နက်ဆီပရက်စွန်တက္ကသိုလ် ဆေးဝါးစာကြည့်    တိုက်ရဲ့ မှတ်တမ်း စံချိန်ချိုးခဲ့ပါတယ်။ သူ့အရင်က  ၂၀၁၇ခုနှစ်မှာ မွေးခဲ့တဲ့ မော်လီဂစ်ဆန်ကလေးရဲ့ အေးခဲသန္ဓေသား လောင်းဆိုရင် ၂၄နှစ်သားပဲရှိခဲ့တာဖြစ်ပါတယ်။

သူတို့ဟာနာမည်ကြီးချင်လို့ အခုလိုအသက်အကြီးဆုံးသန္ဓေသားကို ရွေးချယ်ခဲ့တာမဟုတ်ဘူးလို့လည်း သူမကပြောပါ တယ်။အမြွှာကလေးတွေ နားလည်တတ်တဲ့အရွယ်ရောက်ရင် သူတို့ဟာ အေးခဲသန္ဓေသားလောင်းတွေကို မွေးစားပြီး မွေးဖွားလာတဲ့အကြောင်း ပြောပြမယ်လို့လည်း သူတို့ကပြောပါတယ်။

“ သူတို့ဟာ မွေးစားထားတယ်ဆိုတာ သူတို့အမြဲသိနေရမယ်။ သန္ဓေသားလောင်းမွေးစားတာဟာ သူတို့အတွက် တကယ့် အထူးတလည်ဖြစ်စေခဲ့တယ်ဆိုတာသူတို့သိရမယ်” လို့ ရာချယ်လ်ကပြောပါတယ်။

Source: Insider

#Rachel_Philip

#30_years_old_Frozen_Embryos

#Science_Tech