#World_Industry
Published 9 November 2022

ဗီယက်နမ်နိုင်ငံဟာ ဆိုလာစွမ်းအင်မြှင့်တင်ရေးနဲ့ ရာသီဥတုသင့်တင့်ရေးစီမံကိန်းများ လုပ်ဆောင်နေပေမယ့် ညစ်ညမ်းတဲ့စွမ်းအင်အသုံးမပြုရေးမှာ ရုန်းကန်နေရပြီး ကမ္ဘာ့အကြီးဆုံး ကျောက်မီးသွေးဓာတ်အားပေးအစီအစဉ်ကြီးတစ်ခုက အကောင်းအတိုင်းရှိနေဆဲဖြစ်ပါတယ်။

#Yangon_Media_Group

#Local_News
Published _ 9 November 2022

ကြက်သွန်နီဈေးက နိုဝင်ဘာလ ပထမအပတ်နောက်ပိုင်းကစပြီး ကုန်စည်ဒိုင်ဈေးကွက်မှာ အနည်းငယ်ပြန်တက်လာတယ်လို့ ကြက်သွန်ပွဲရုံဒိုင်တွေဆီကနေ သိရပါတယ်။

#Yangon_Media_Group

#Local_News
Published_9 November 2022

မြန်မာ-တရုတ်နယ်စပ်ကုန်သွယ်ရေးစခန်းတစ်ခုဖြစ်တဲ့ မူဆယ်နယ်စပ်ကုန်သွယ်ရေးဟာ ပုံမှန်အတိုင်းလည်ပတ်နေပေမယ့် ကိုဗစ်ကာမတိုင်ခင်အခြေအနေထက် လျော့နည်းနေသေးတယ်လို့ မူဆယ်ဆန်စပါးကုန်စည်ဒိုင်ဥက္ကဋ္ဌ ဦးမင်းသိမ်းကပြောပါတယ်။

#Yangon_Media_Group

#Local_News
Published_ 9 November 2022

နိုဝင်ဘာလ(၂၀)ရက်ဟာ ကမ္ဘာ့ကလေးများနေ့ ( World Chindren's Day)ဖြစ်ပါတယ်၊၊

#Yangon_Media_Group

#DailyNews
Published _ 9 November 2022

၁။ မြန်မာ့ကလေးငယ်များ သေဆုံးနှုန်းကျဆင်းအောင် ကာကွယ်ဆေးအကြိမ်ပြည့်ထိုးကြရန်နှင့် အာဟာရပြည့်ဝစွာကျွေးမွေးရန်လိုအပ်ဟုဆို

၂။ မူဆယ်နယ်စပ်ကုန်သွယ်ရေး ပုံမှန်လည်ပတ်နေသော်လည်း ကိုဗစ်မတိုင်ခင်ထက်လျော့နည်း

၃။ ကြက်သွန်နီဈေး ကုန်စည်ဒိုင်ဈေးကွက်တွင် အနည်းငယ်ပြန်တက်လာ

၄။ ကျောက်မီးသွေးစွမ်းအင်သုံးစွဲနေခြင်းကို လျှော့ချရန် ဗီယက်နမ်ရုန်းကန်နေရဆဲဖြစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_9 November 2022

ကမ္ဘာ့ရွှေဈေးမြင့်တက်လာတာကြောင့် ပြည်တွင်းမှာ ရွှေဈေးနည်းနည်းလေး ပြန်တက်လာပါတယ်။

#Yangon_Media_Group

#Local_News
Published_ 9 November 2022

ကချင်ပြည်နယ်အခြေစိုက် ကုမ္ပဏီ (၃၂) ခုကိုတရုတ်နိုင်ငံ အကောက်ခွန် အထွေထွေအုပ်ချုပ်မှု အာဏာပိုင်အဖွဲ့၊ အပင်နှင့် တိရစ္ဆာန်ကူးစက်ရောဂါ ပိုးမွှားစစ်ဆေးရေးဌာန (GACC) မှမှတ်ပုံတင်ခွင့် ပြုခဲ့​ခြင်းကြောင့်တစ်သျှူးငှက်ပျော တရားဝင်တင်ပို့ခွင့် ရရှိမည်ဖြစ်​ကြောင်း သိရသည်။

အဆိုပါ ကုမ္ပဏီတွေအနေဖြင့် တစ်သျှူးငှက်ပျော တရားဝင်တင်ပို့ခွင့်ရ​ပြီး မြန်မာနိုင်ငံမှတစ်ဆင့်တရုတ်နိုင်ငံကို ငှက်ပျောသီးများ တရားဝင်တင်ပို့နိုင်ရန်အတွက် အပင်/ တိရစ္ဆာန် ကျန်းမာရေးဆိုင်ရာ ပိုးမွှားကင်းစင်သန့်ရှင်းရေး သဘောတူညီချက် (SPS) ကို ပြီးခဲ့သည့် ဧပြီလ ၁ ရက်နေ့၌ GACC နှင့် လက်မှတ်ရေးထိုးခဲ့ခြင်းဖြစ်ကြောင်း သိရသည်။

ကချင်ပြည်နယ်တွင် တစ်သျှူးငှက်ပျောကို ၂၀၀၇ ခုနှစ်မှစတင်​ကာ ဘိန်းအစားထိုးသီးနှံအဖြစ် စိုက်ပျိုးခဲ့ပြီး နယ်စပ်ကုန်သွယ်မှုကနေ တရုတ်သို့ ဘိန်းအစားထိုးသီးနှံအဖြစ်သာ တင်ပို့ခဲ့ခြင်းဖြစ်ကြောင်း သိရသည်။

အခုဘဏ္ဍာနှစ် ပထမ ၆ လအတွင်း တရုတ်နိုင်ငံသို့ တစ်သျှူးငှက်ပျော တင်ပို့ရောင်းချမှုမှ ပို့ကုန်ဝင်ငွေ အမေရိကန်ဒေါ်လာ ၅ ဒသမ ၈၆၈ သန်း ရရှိထားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ သိရသည်။

#ymg/sth
#Yangon_Media_Group

#Local_News
Published_9 November 2022

ပြစ်ဒဏ်ကျခံနေရသော ယခင်ရွေးကောက်ပွဲကော်မရှင် ဥက္ကဋ္ဌဟောင်းဖြစ်သူ ဦးလှသိန်းနှင့် အဖွဲ့ဝင်ဟောင်းဖြစ်သူ ဦးမြင့်နိုင်တို့က ၎င်းတို့၏ အသက်အရွယ်ကြီးမြင့်မှုနှင့် ကျန်းမာရေးအခြေအနေတို့အရ ပြစ်မှုများအပေါ်ဝန်ခံလျက် ဆက်လက်ကျခံရန် ကျန်ရှိနေသည့်ပြစ်ဒဏ်ကို ဖြေလျော့ပေးရန်အသနားခံစာ တင်ပြခဲ့ကြ၍ ဆက်လက်ကျခံရန်ကျန်ရှိနေသည့် ပြစ်ဒဏ်အသီးသီးမှ အောက်တိုဘာလ ၂၅ ရက်တွင် ဖြေလျော့ကင်းလွတ်ခွင့်ပြုခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းတို့နှစ်ဦးအား ၂၀၂၀ ပြည့်နှစ် ပါတီစုံအထွေထွေရွေးကောက်ပွဲနှင့် ပတ်သက်၍ ရာဇသတ်ကြီး ပုဒ်မ ၁၃၀(က)ဖြင့် ထောင်ဒဏ် ၃ နှစ်စီ ပြစ်ဒဏ်အသီးသီးချမှတ်ထားခြင်းလည်းဖြစ်ကြောင်း သိရသည်။

၂၀၂၀ ပြည့်နှစ် အထွေထွေရွေးကောက်ပွဲတွင် မဲစာရင်း မှားယွင်းမှုနှင့်ပတ်သက်သည့် ထုတ်ပြန်ချက်အပေါ် ပြန်လည်ဖြေရှင်းပေးရန် တပ်မတော်၏ တောင်း ဆိုမှုနှင့်ပတ်သက်၍ ကော်မရှင်၏လုပ်ဆောင်ချက်များလွှမ်းမိုးခံခဲ့ရသည့်အတွက်
မဲစာရင်းများကို ပြန်လည်စစ်ဆေးရန် ငြင်းဆန်ခဲ့ရခြင်းဖြစ်ကြောင်း ၎င်းတို့နှစ်ဦးက ထုတ်ဖော်ပြောကြားချက်ကို နစက က သတင်းထုတ်ပြန်ခဲ့သေးသည်။

#ymg/mt
#Yangon_Media_Group

#Local_News
Published_9 November 2022

ရန်ကုန်တိုင်းဒေသကြီး၊ မရမ်းကုန်းမြို့နယ်၊ သမိုင်းဈေးဘူတာရုံလမ်းတွင် YBS 61 ယာဉ်တစ်စီးပေါ် သံတုတ်များ ကိုင်ဆောင်တက်လာကာ ခရီးသည်များကို ရိုက်နှက်၍ ဖုန်းများလုယူခဲ့သူများအား
ယနေ့ နိုဝင်ဘာလ ၉ ရက် နံနက်ပိုင်းက ဖမ်းဆီးရမိကြောင်း သိရသည်။

နိုဝင်ဘာလ ၈ ရက် ညနေ ၄ နာရီခန့်က သမိုင်းမီးပွိင့်ဘက်သို့ ဦးတည်မောင်းနှင်လာသော YBS 61 ယာဉ် မှာ သမိုင်းဘူတာကြီးလမ်းမပေါ်ရှိ ဦးဘဟန်မှတ်တိုင်အရောက်တွင် ယာဉ်ပေါ်သို့ အမျိုးသားများ တက်ရောက်လာပြီး ယာဉ်ပေါ်ရှိ ခရီးသည်များအား သံတုတ်များဖြင့် ချိန်းခြောက်ရိုက်နှက်ကာ ဖုန်းများလုယက်ခဲ့ခြင်း ဖြစ်သည်။

ယင်းတို့မှာမင်းသိန်းနိုင်(ခ) ဂတုံး၊ အောင်မျိုးသန့် (ခ) ရှီစဗားကမား ၊ လှိုင်ဖြိုးမောင်၊ ဖြိုး မောင်၊ မျိုးမင်းအောင်၊ ထွန်းထွန်းဦး (ခ) ဖိုးသင်္ကြန် ၊ အောင်ကျော်ဆန်း (ခ) ဆီတုံးနှင့် ဝင်းထူး (ခ) ဆံရှည်ဆိုသူတို့ ဖြစ်ပြီး လုယက်မှုတွင် အသုံးပြုခဲ့သည့် ပရိုဘောက်စ်ကား GG/5704 ဖြင့် ဖမ်းဆီးရမိခဲ့ခြင်းဖြစ်ကြောင်း ၊ ယင်းတို့ကို ဥပဒေအရ အရေးယူသွားမည်ဖြစ်ကြောင်း သိရသည်။

သံတုတ်ဖြင့် ရိုက်ခံရသောကြောင့် ခရီးသည်အချို့ဖုန်းများ ပါသွားသည့်အပြင် ထိခိုက်ဒဏ်ရာများ ရရှိခဲ့ကြကြောင်းလည်း သိရသည်။

#ymg/mt
#Yangon_Media_Group

#Local_News
Published _9 November 2022

ထိုင်းနိုင်ငံ၊ ဘန်ကောက်မြို့တွင်ကျင်းပမည့် မြန်မာ့အရေးဆွေးနွေးရန်ပါဝင်သည့် APEC အစည်းအဝေးကာလအတွင်း မြန်မာနိုင်ငံသားများအနေဖြင့် သတ်မှတ်စည်းကမ်းအတိုင်းနေထိုင်ကြရန် ဘန်ကောက်မြို့ရှိ ထိုင်းနိုင်ငံဆိုင်ရာ မြန်မာသံရုံးက နိုဝင်ဘာလ ၈ ရက် နေ့စွဲဖြင့် အသိပေးချက် ထုတ်ပြန်ထားသည်။

ထိုင်းနိုင်ငံ၊ ဘန်ကောက်မြို့တွင် နိုဝင်ဘာလ ၁၄ ရက်မှ ၁၉ ရက်ထိ APEC အစည်းအဝေးကို ကျင်းပမည်ဖြစ်သောကြောင့် ထိုင်းနိုင်ငံ၏ လုံခြုံရေးတပ်ဖွဲ့ဝင်များအနေဖြင့် ဘန်ကောက်မြို့၏ လုံခြုံရေးအတွက် လေဆိပ်၊ ရေဆိပ်၊ ဝင်ထွက်ဂိတ်များအပါအဝင် နေရာအနှံ့ တင်းကျပ်စွာ ဆောင်ရွက်လျက်ရှိသည့်အတွက် ထိုင်းနိုင်ငံရောက် မြန်မာနိုင်ငံသားများအနေဖြင့် ပြစ်မှုတစ်စုံတစ်ရာ ကျူးလွန်မှုမဖြစ်စေရေးအတွက် အစည်းအဝေးကျင်းပမည့်ကာလအတွင်း သတ်မှတ်စည်းကမ်းများနှင့်အညီ သွားလာနေထိုင်ကြရန် အဆိုပါ ထုတ်ပြန်ချက်တွင် ဖော်ပြထားသည်။

APEC ၏ အမည်အပြည့်အစုံမှာ အာရှပစိဖိတ် စီးပွားရေး ပူးပေါင်းဆောင်ရွက်ရေး အဖွဲ့အစည်း(Asia-Pacific Economic Cooperation) ဖြစ်ပြီး ပစိဖိတ်သမုဒ္ဒရာ ပတ်လည်ရှိ ဩစတြေးလျ၊ ဘရူနိုင်း၊ ကနေဒါ၊အင်ဒိုနီးရှား၊ဂျပန်၊တောင်ကိုရီးယား၊ မလေးရှား၊ နယူးဇီလန်၊ ဖိလစ်ပိုင်၊စင်ကာပူ၊ ထိုင်း၊ အမေရိကန်၊ ထိုင်ဝမ်၊ ဟောင်ကောင်၊ တရုတ်၊ မက္ကဆီကို၊ ပါပူအာ နယူးဂီနီ၊ ချီလီ၊ ပီရူး၊ ရုရှား၊ ဗီယက်နမ် စုစုပေါင်း အဖွဲ့ဝင် ၂၁ နိုင်ငံက ဒေသတွင်း ကုန်သွယ်ရေး၊ ရင်းနှီးမြှုပ်နှံမှုစသည့် စီးပွားရေး လွတ်လပ်မှု ပိုလာစေရေးအတွက် ညှိနှိုင်းဆွေးနွေးကြသည့် ဖော်ရမ် (forum)လည်းဖြစ်သည်။

ယင်း၏ ရည်မှန်းချက်မှာဒေသတွင်း စီးပွားရေးတိုးမြှင့်ရေးဖြစ်ပြီး အလွတ်တန်း ထိပ်သီးဆွေးနွေးပွဲကို အဖွဲ့ဝင်နိုင်ငံများက နှစ်စဉ် အလှည့်ကျ ကျင်းပလေ့ရှိကြောင်း ၊APEC အလွတ်တန်း ထိပ်သီးဆွေးနွေးပွဲ၏ ထူးခြားချက်မှာ အဖွဲ့ဝင် နိုင်ငံအကြီးအကဲများက အိမ်ရှင်နိုင်ငံ၏ ရိုးရာဝတ်စုံကို ဝတ်ဆင်ကာ အမှတ်တရ ဓာတ်ပုံရိုက်ကြခြင်း ဖြစ်ကြောင်းလည်း သိရသည်။

ယခု ကျင်းပမည့် အစည်းအဝေးအတွင်း G20 စက်မှုထိပ်သီးနိုင်ငံ (၂၀) နှင့် အာရှပစိဖိတ် စက်မှုနိုင်ငံများ အဖွဲ့ APEC ဆွေးနွေးပွဲ အစီအစဉ်တွင် မြန်မာနိုင်ငံအရေးက ထိပ်ဆုံးတွင် ရှိနေကြောင်း South China Morning post သတင်းကို ကိုးကား၍ သတင်းမီဒီများက ရေးသားဖော်ပြနေကြသည်။

#ymg/mt
#Yangon_Media_Group

#Local_News
Published _9 November 2022

ကော့ကရိတ်-မြဝတီ အာရှလမ်း တောနော်ရေတံခွန်အနီးတွင် မြဝတီက မောင်းနှင်လာသော အန်စာတုံးယာဉ်တစ်စီးက အရှိန်မထိန်းနိုင်ဖြစ်ကာ လမ်းတားတုံးကိုကျော်၍ အုတ်ခုံကိုဝင်တိုက်မိသောကြောင့် အမျိုးသမီးတစ်ဦးအပါအဝင် ယာဉ်ပေါ်ပါသူ ၇ ဦးလုံးသေဆုံးသွားကြောင်း ပုလဲဖြူလူမှုကယ်ဆယ်ရေးအဖွဲ့က သိရသည်။

ယနေ့နိုဝင်ဘာလ ၉ ရက် နံနက် ၈ နာရီ မိနစ် ၄၀ ခန့်က ဖြစ်ပွားခဲ့ခြင်းဖြစ်ပြီး ယခုအခါသေဆုံးသွားသူများ ရုပ်အလောင်းကို ကော့ကရိတ် ဆေးရုံသို့ ပို့ဆောင်ထားပြီး ဖြစ်ကြောင်းလည်း သိရသည်။

"အခု ကားက မြဝတီကနေ ပဲခူးကိုသွားတဲ့ ကားဖြစ်ပါတယ်။ ကုန်တွေက အများကြီးတင်လာတာဆိုတော့ အရှိန်ကို မထိန်းနိုင်ဖြစ်သွားတဲ့ သဘောလို့ ယူဆရပါတယ်"ဟု ပုလဲဖြူ လူမှုကယ်ဆယ်ရေးအဖွဲ့ဝင်တစ်ဦးကပြောသည်။

#ymg/mt
#Yangon_Media_Group

#World_Politics
Published 9 November 2022

အမေရိကန်နဲ့ ရုရှားတို့ဟာ မကြာခင်မှာ တွေ့ဆုံပြီးတော့ နျူကလီးယားလက်နက်လျှော့ချရေး သဘောတူစာချုပ်(New START)အရ ကြည့်ရှုစစ်ဆေးမှုများ ပြန်လည်စတင်ရန်ကိစ္စကို ဆွေးနွေးသွားဖို့ မျှော်လင့်နေကြကြောင်း အမေရိကန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ 'နက်ဒ်ပရိုက်စ်'က နိုဝင်ဘာ ၈ ရက်နေ့မှာ ပြောကြားလိုက်ပါတယ်။

အဆိုပါ နျူကလီးယားလက်နက်လျှော့ချရေး သဘောတူစာချုပ်အရ ကြည့်ရှုစစ်ဆေးမှုတွေဟာ ယူကရိန်းကို ရုရှားမကျူးကျော်ခင်ကတည်းက ရပ်ဆိုင်းထားခဲ့တာဖြစ်ပါတယ်။

နေ့စဉ်သတင်းစာရှင်းလင်းပွဲမှာ 'ပရိုက်စ်'ကပြောကြားရာမှာ ကမ္ဘာ့နျူကလီးယားအင်အားအကြီးမားဆုံး ၂ နှစ်နိုင်ငံကြား နောက်ဆုံးလက်ကျန်လက်နက်ထိန်းချုပ်ရေးသဘောတူညီချက်ကို အကောင်အထည်ဖော်မယ့် နှစ်နိုင်ငံတိုင်ပင်ရေးကော်မရှင်(BCC)ဟာ များမကြာခင်မှာ တွေ့ဆုံသွားမှာဖြစ်ပါတယ်။

ဖေဖော်ဝါရီလက ယူကရိန်းကို ရုရှားကျူးကျော်ခဲ့တာကြောင့် အမေရိကန်နဲ့မဟာမိတ်နိုင်ငံများက ခရီးသွားလာခွင့်တွေ ပိတ်ပင်ခဲ့တာကို ရုရှားတို့က အပြစ်တင်လိုက်ကာ သဘောတူစာချုပ်အရ ပူးပေါင်းကြည့်ရှုစစ်ဆေးမှုများကို ရပ်ဆိုင်းလိုက်ရတာဖြစ်တယ်လို့ ဆိုပါတယ်။
ဒါပေမဲ့ စာချုပ်ပါအချက်အလက်များအတိုင်း လိုက်နာရန် ကတိပြုထားဆဲဖြစ်တယ်လို့လည်း ပြောကြားခဲ့ပါတယ်။

"ယူကရိန်းကို ကျူးကျော်လို့ ပိတ်ဆို့မှုတွေပြုလုပ်ရတာဟာ အမေရိကန်အတွင်း New START သဘောတူစာချုပ်အရ ရုရှားဘက်မှ စစ်ဆေးရေးမှူးများ ကြည့်ရှုစစ်ဆေးမှုများပြုလုပ်ခြင်းကိုတော့ တားဆီးထားခြင်းမရှိဘူး၊ ဒါကြောင့် BCC အစည်းအဝေးမှာ အဆိုပါကြည့်ရှုစစ်ဆေးမှုများအကြောင်း ဆက်လက်ဆောင်ရွက်နိုင်မယ်လို့ မျှော်လင့်ပါတယ်" လို့ 'ပရိုက်စ်'က ပြောကြားလိုက်ပါတယ်။

၂၀၁၁ ခုနှစ်က စတင်အသက်သွင်းခဲ့တဲ့ New START ဟာ အမေရိကန်နဲ့ရုရှားတို့ နျူကလီးယားထိပ်ဖူးအရေအတွက်နဲ့ နျူကလီးယားသယ်ဆောင်မယ့် မြေပြင်နဲ့ ရေငုပ်သင်္ဘောအခြေပြုဒုံးကျည်များ၊ ဗုံးကျဲလေယာဉ် ဖြန့်ကျက်ထားရှိမှုတို့ကို အကန့်အသတ်နဲ့ ထားရှိစေမှာဖြစ်ပါတယ်။

၂ နှစ်တစ်ကြိမ်ကျင်းပတဲ့ BCC အစည်းအဝေးဟာ ရုရှားတို့ ယူကရိန်းနယ်စပ်နား တပ်နေရာမချခင် ၂၀၂၁ ခုနှစ် အောက်တိုဘာလတုန်းက နောက်ဆုံးတွေ့ဆုံခဲ့ပါတယ်။

ဒီတွေ့ဆုံမှုက အကျိုးရှိတဲ့တွေ့ဆုံမှုဖြစ်လာဖို့ အမေရိကန်က မျှော်လင့်နေပြီး အစည်းအဝေးပွဲ အချိန်နဲ့နေရာအတိအကျကိုတော့ မပြောသွားခဲ့ပါဘူး။

နီးစပ်သူတစ်ဦးရဲ့အဆိုအရ BCC အစည်းအဝေးပွဲကို ကိုင်ရိုမှာ ကျင်းပဖို့မျှော်မှန်းထားကြောင်း သိရပါတယ်။

ရုရှားဟာ ဆွစ်ဇာလန်မှာ မတွေ့ဆုံလိုတော့တာကြောင့် အရှေ့အလယ်ပိုင်းမှာပဲ တွေ့ဆုံဆွေးနွေးဖို့လိုလားကြောင်း ရုရှားသတင်းစာ'ကွန်မာဆန့်'က အင်္ဂါနေ့မှာ ပြောကြားလိုက်ပါတယ်။

ယူကရိန်းမှာ စစ်ပွဲပိုမိုကြီးမားသွားတာမျိုး မဖြစ်ပေါ်စေရန် ရည်ရွယ်ပြီး အမေရိကန်နိုင်ငံတော်လုံခြုံရေးအကြံပေး 'ဂျိတ်ခ်ဆာလီဗန်'က အကြီးတန်းရုရှားအရာရှိများနဲ့ လျှို့ဝှက်ဆွေးနွေးမှုများပြုလုပ်ခဲ့ကြောင်း နီးစပ်သူတစ်ဦးက တနင်္လာနေ့မှာ ပြောကြားလိုက်ပါတယ်။

Source: CNA
#Yangon_Media_Group