#World_Health
Published 9 November 2022

စတင်အိပ်ပျော်တဲ့အခါ အောက်ကိုပြုတ်ကျနေသလို ခံစားချက်မျိုး၊ ခန္ဓာကိုယ်ပင့်ခုန်သလို ခံစားချက်မျိုး ကြုံဖူးကြမှာပါ။

ဒါဟာ လူ ၇၀ ရာခိုင်နှုန်းလောက်မှာ ဖြစ်တတ်ပြီး ကျန်းမာသန်စွမ်းတဲ့လူတွေမှာပါ ဖြစ်တတ်ပါတယ်။

ဒီဖြစ်စဉ်ဟာ ကြွက်သားကျုံ့ခြင်းလို့ခေါ်ပြီး ကြွက်သားတွေ မသိစိတ်က လှုပ်ရှားသွားတာကြောင့် ဖြစ်ပါတယ်။

ဥပမာ ကျို့ထိုးခြင်းဟာဆိုရင် ကြွက်သားကျုံ့ခြင်း ဖြစ်စဉ်တစ်ခုဖြစ်ပါတယ်။

ကြွက်သားကျုံ့ခြင်းနဲ့ ကြွက်သားပြေလျော့ခြင်းဆိုပြီး ဖြစ်စဉ် ၂ မျိုးရှိပါတယ်။

သီအိုရီတစ်ခုအရ စစချင်းအိပ်စဉ်က နှစ်နှစ်ခြိုက်ခြိုက်မဟုတ်သေးတာကြောင့် ဦးနှောက်ကနေ မှားယွင်းပြီးတော့ နိုးကြားနေတယ်ဆိုပြီး အသိပေးနေပါတယ်။

ဒါပေမဲ့ ကြွက်သားတွေ မလှုပ်ရှားတော့ဘူးဆိုတာလည်း သိရှိထားပါတယ်။

ပုံမှန်အလုပ်လုပ်နေတယ်ဆိုတာကို အာရုံကြောတွေကနေ ပေးပို့တာကို လှုပ်ရှားမှုအဖြစ် မှတ်ယူလိုက်ကာ ကြွက်သားကျုံ့သွားတာဖြစ်ပြီး ဆွဲချနေသလို ခံစားရတာဖြစ်ပါတယ်။

ဒီလိုဖြစ်စေတဲ့ အနှောင့်အယှက် အကြောင်းအရင်းတွေရှိနေပါတယ်။

(၁) စိတ်ဖိစီးမှု - စိတ်ဖိစီးမှုများနေရင် နှစ်ခြိုက်စွာအိပ်ပျော်ဖို့ ခက်ခဲပြီး အိပ်စက်ချိန်ကို ကမောက်ကမဖြစ်စေပါတယ်။

(၂) ဆေးနှင့် အရက်သေစာ - ဒီအချက်တွေကြောင့် အိပ်မက်မက်တဲ့အဆင့်ကို မရောက်ရှိဘဲ အိပ်စက်ချိန်ကို အနှောင့်အယှက်ဖြစ်စေပါတယ်။

(၃) ကဖင်း - ကော်ဖီနဲ့ ကဖင်းဓာတ်ပါဝင်တာတွေ စားသောက်မိတဲ့အခါ အိပ်စက်ခြင်းကိုထိခိုက်စေပြီး ကြွက်သားကျုံ့ခြင်းကို ဖြစ်ပေါ်စေပါတယ်။

(၄) အိပ်ရေးပျက်ခြင်း - အိပ်စက်ချိန်ပုံမှန်မဟုတ်တော့တာကြောင့် ကြွက်သားကျုံ့ခြင်း ပိုမိုဖြစ်ပေါ်စေပါတယ်။

ကြွက်သားကျုံ့ခြင်းက ကျန်းမာရေးပြဿနာဖြစ်ခဲပေမယ့် ရှားပါးအခြေအနေမှာတော့ တက်ခြင်း၊ ဆေးတစ်ခုခုကြောင့် ဆိုးကျိုးဖြစ်ပေါ်ခြင်းများ ဖြစ်တတ်ပါတယ်။

အဆိုပါဖြစ်ရပ်မျိုး မကြာမကြာဖြစ်လာရင်တော့ ဆရာဝန်နဲ့ တိုင်ပင်ပြသသင့်ပါတယ်။

Source: The Jerusalem Post
#Yangon_Media_Group

#Local_News
Published _9 November 2022

ရန်ကုန်တိုင်းဒေသကြီး ၊ သာကေတမြို့နယ်၊ ကမာကြည်တံတားအဆင်းရှိ ၈-၉ လမ်းဆုံတွင် ယနေ့ နိုဝင်ဘာလ ၉ ရက်နံနက်ပိုင်းက ကား ၂ စီးမျက်နှာချင်းဆိုင်တိုက်မိခဲ့သောကြောင့် လူ ၄ ဦးဒဏ်ရာရခဲ့ကြောင်း သာကေတမြို့နယ်လူမှုကူညီရေးအဖွဲ့က သိရသည်။

"သာကေတမြို့နယ် အမက ၂၁ ကျောင်းရှေ့မှာ ဖြစ်တာပါဗျ၊ ရပ်ကွက်ဆိုရင်တော့ သာကေတ ၉ ရပ်ကွက် ဘက်ခြမ်းပါ၊ ဒဏ်ရာရသူတွေကို ဆေးရုံကြီးကို ပို့ပြီးပါပြီ၊ အရမ်းကြီးတော့ မစိုးရိမ်ရပါဘူး"ဟု သာကေတမြို့နယ်လူမှုကူညီရေးအဖွဲ့၏ တာဝန်ရှိသူက ပြောသည်။

Hijet ကားနှင့် Suzuki ကားတို့မျက်နှာချင်းဆိုင်တိုက်မိခဲ့သည့် နေရာသို့ သာကေတမြို့နယ်လူမှုကူညီရေးအဖွဲ့ က အခြားလူမှုကူညီရေးအသင်းများနှင့်အတူ သွားရောက် ကယ်ဆယ်မှုများ ပြုလုပ်ခဲ့ကြခြင်း ဖြစ်ကြောင်း သိရသည်။

ယင်းတွင် ပေါင်ရိုးကျိုး၊ ခြေထောက်ထိခိုက်၊ ဦးခေါင်းထိခိုက်၊ခြေထောက်ထိခိုက် စသည့်ဒဏ်ရာများ ရရှိသူတို့အား ပေးဆပ်သူတို့နှလုံးသားပရဟိတအသင်း၊ မြင့်မြတ်အားမာန် လူမှုကူညီရေးအသင်း၊အောင်မင်္ဂလာလူမှုကူညီရေးအသင်း(မိတ်ဖက်)ယာဉ်တို့ဖြင့် ရန်ကုန်ဆေးရုံကြီးသို့ ပို့ဆောင်ကူညီခဲ့ကြကာဖြူစင်မေတ္တာ-အောင်ရတနာလူမှုကူညီရေးအသင်း၊ သင်္ဂဟလူမှုကူညီရေးအသင်းတို့ကလည်း ဝန်းရံကူညီပေးခဲ့ကြကြောင်း

#ymg/mt

#Yangon_Media_Group

#Local_News
Published_9 November 2022

၂၀၂၂-၂၀၂၃ ဘဏ္ဍာနှစ်၏ ခုနှစ်လတာကာလအတွင်း ပြည်ပသို့ ပို့ကုန်တင်ပို့ရာတွင် ၉ ဒသမ ၆၄ ဘီလီယံပို့ကုန်ဝင်ငွေရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ဖော်ပြထားသည့်စာရင်းများအရ သိရသည်။

ပြည်ပသို့ ပို့ကုန်တင်ပို့မှုတွင် လယ်ယာထွက်ပစ္စည်းတင်ပို့မှုမှ အမေရိကန်ဒေါ်လာ ၁ ဒသမ ၉၅ ဘီလီယံ ၊ တိရိစ္ဆာန်ထွက်ပစ္စညးတင်ပို့မှုမှ အမေရိကန်ဒေါ်လာ ၁၇ ဒသမ ၅၈ သန်း၊ ရေထွက် ပစ္စည်းတင်ပို့မှုတွင် အမေရိကန်ဒေါ်လာ ၄၀၇ ဒသမ ၄၆ သန်းကျော်ရရှိထားပြီး သတ္တုတွင်းထွက်ပစ္စည်းတင်ပို့မှုမှ အမေရိကန်ဒေါ်လာ ၁၈၃.၂၂ သန်း၊ သစ်တောထွက်ပစ္စည်းတင်ပို့မှုမှ အမေရိကန်ဒေါ်လာ ၈၅ ဒသမ ၆၅ သန်း၊ စက်မှုကုန်ချောတင်ပို့မှုမှ အမေရိကန်ဒေါ်လာ ၆ ဒသမ ၇၁ ဘီလီယံနှင့် အခြားကဏ္ဍတင်ပို့မှုမှ အမေရိကန်ဒေါ်လာ ၂၈၉ ဒသမ ၂၉ သန်းရရှိထားကြောင်း စာရင်းများအရ သိရသည်။

အဆိုပါတင်ပို့မှုတွင် နိုင်ငံပိုင်ကဏ္ဍတင်ပို့မှုမှ အမေရိကန်ဒေါ်လာ ၂ ဒသမ ၃၅ ဘီလီယံရရှိပြီး ပုဂ္ဂလိကကဏ္ဍတင်ပို့မှုမှ အမေရိကန်ဒေါ်လာ ၇ ဒသမ ၂၈ ဘီလီယံရရှိထားကြောင်း သိရသည်။ ယင်းအပြင် သွင်းကုန်တင်သွင်းမှုမှလည်း အမေရိကန်ဒေါ်လာ ၉ ဒသမ ၆၉ ဘီလီယံရရှိထားခြင်းဖြစ်သည်။

၂၀၂၂-၂၀၂၃ ခုနှစ်အတွင်း စက်သုံးဆီ နှင့် စားသုံးဆီ၊ သံမဏိပစ္စည်း၊ ဓာတ်မြေဩဇာ၊ နိုထွက်ပစ္စည်းများနှင့် အခြားကုန် ပစ္စည်းများ တင်သွင်းခဲ့ရကြောင်း သိရသည်။ ယင်းအပြင် ယခင်နှစ်ကာလတူနှင့်နှိုင်းယှဉ်ပါက အမေရိကန်ဒေါ်လာ ၁ ဒသမ ၆၆ ဘီလီယံပိုမိုရရှိထားကြောင်း သိရသည်။

#ymg/sth
#Yangon_Media_Group

#Local_News
Published_9 November 2022

တောင်ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမား ၂၀၀ ကျော်ထပ်မံစေလွှတ်မည်ဖြစ်ကြောင်း ပြည်ပအလုပ်အကိုင်အေဂျင်စီ (POEA) မှ သိရသည်။

အဆိုပါနိုင်ငံသို့ ကုန်ထုတ်လုပ်သား ၊ စိုက်ပျိုးရေးနှင့်မွေးမြူရေးလုပ်ငန်း နှင့် ဆောက်လုပ်ရေးလုပ်ငန်းများ လုပ်ကိုင်ရန် နိုဝင်ဘာ ၁၄ ရက် နှင့် နိုဝင်ဘာ ၁၆ ရက် တို့တွင် သွားရောက်အလုပ်လုပ်ကိုင်ရန် မြန်မာအလုပ်သမား ၂၂၈ ဦး စေလွှတ်မည်ဖြစ်ကြောင်းသိရသည်။

နိုဝင်ဘာ ၁၄ ရက်တွင် Regular ( ကုန်ထုတ် ၊ စိုက်ပျိုး/မွေးမြူရေးနှင့် ဆောက်လုပ်ရေး) လုပ်ငန်းများ လုပ်ကိုင်ရန် မြန်မာအလုပ်သမား ၁၄၈ ဦး ၊ နိုဝင်ဘာ ၁၆ ရက်တွင် Re-entry (ကုန်ထုတ်) အလုပ်သမား ၈၀ ဦး ပို့ဆောင်ပေးမည်ဖြစ်သည်။

အလားတူ အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလ အစပိုင်းတွင် Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၁၃၆ ဦးကို ပို့ဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။

#ymg/STH
#Yangon_Media_Group

#Health_Tips
Published 9 November 2022

ဆံကေသာကျန်းမာသန်စွမ်းခြင်းက မိမိကိုယ်ကိုယုံကြည်မှုမြင့်မားစေသလို ဆွဲဆောင်မှုရှိခြင်းရဲ့ အဓိကအစိတ်အပိုင်းလည်းဖြစ်ပါတယ်။

ဒါကြောင့် ဆံပင်ကျွတ်ခြင်း၊ ပျက်စီးခြင်း၊ နှစ်ခွဖြစ်ခြင်း၊ ဖောက်ထခြင်းတို့ကို အချိန်တိုင်းဂရုစိုက်ပေးနေသင့်ပါတယ်။

ဆံကေသာ ကောင်းမွန်စေဖို့ ကျန်းမာရေးနဲ့ညီညွတ်တဲ့ အစားအစာ၊ ပုံမှန်တကိုယ်ရည်သန့်ရှင်းရေးတို့ကလည်း အရေးကြီးလှပါတယ်။

ဆံကေသာလှပပြီး ဆွဲဆောင်မှုရှိနေစေရန် နည်းလမ်း ၅ သွယ်ကို ဖော်ပြပေးလိုက်ပါတယ်။

(၁) ဗိုက်တာမင်-အေ များများစားပါ

ဗိုက်တာမင်-အေက ဆဲလ်ဖွံ့ဖြိုးမှုကိုဖြစ်စေပြီး ဦးရေပြားကနေ အဆီရည်တစ်မျိုးကိုထုတ်ပေးကာ ဆံပင်တွေကို အစိုဓာတ်ရအောင် ထိန်းသိမ်းပေးပါတယ်။

ဆံပင်ကျွတ်ခြင်းက ဗိုက်တာမင်-အေချို့တဲ့တာကြောင့်ဖြစ်ပြီး မုန်လာဥနီ၊ ဟင်းနုနွယ်၊ ဖရုံသီး၊ ကန်စွန်းဥ၊ နို့၊ ဒိန်ချဉ်၊ ကြက်ဥတို့မှာ ဗိုက်တာမင်-အေကြွယ်ဝစွာပါဝင်ပါတယ်။

(၂) ခေါင်းလိမ်းဆီလိမ်းပေးပါ

စတိုးဆိုင်တွေနဲ့ အွန်လိုင်းကနေ ဝယ်ယူရရှိနိုင်တဲ့ လက်ဖက်စိမ်းအဆီ၊ သံလွင်ဆီ၊ စမုန်ဖြူအဆီ၊ လာဗင်ဒါအဆီ စတာတွေကို တစ်ပတ် နှစ်ကြိမ်ခန့် လိမ်းပေးသင့်ပါတယ်။

(၃) ကျန်းမာရေးနဲ့ညီညွတ်စွာ စားသုံးပါ

ဘိုင်အိုတင်၊ ကော်လာဂျင်၊ အိုမီဂါ၊ ပရိုတိန်း၊ ဗိုက်တာမင်တို့က ဆံကေသာသန်စွမ်းဖို့အတွက် လိုအပ်တဲ့အရာတွေပါ။

သစ်ကြားသီးမှာ အဆိုပါဓာတ်များပါဝင်ပြီး ဆော်လ်မွန်ငါးမှာ ဗိုက်တာမင်-ဒီ ပရိုတိန်းတို့ပါဝင်ပါတယ်။

(၄) ရေများများသောက်ပါ

ကော်ဖီ၊ လက်ဖက်ရည်၊ အရက်သေစာများ ရှောင်ရှားပြီး တစ်နေ့ကို ရေ ၈ ခွက်ကျော် သောက်သုံးပေးပါ။

(၅) ကျန်းမာစွာနေထိုင်စားသောက်ပါ

ခေါင်းလိမ်းဆီလိမ်းပြီး ဘီးနဲ့ဖြီးဖြီးပေးပါ။

ပါရာဘင်နဲ့ ဆာလ်ဖိတ်များပါဝင်တဲ့ ခေါင်းလျှော်ရည်ကို အသုံးမပြုပါနှင့်။

ပုံမှန်ဆံပင်ညှပ်ပေးပါ၊ စိတ်ဖိစီးမှုကင်းဝေးအောင် နေထိုင်ပြီး စိတ်ပျော်ရွှင်အောင် နေထိုင်ပါ။

Source: Soo Healthy
#Yangon_Media_Group

#Local_News
Published _8 November 2022

ရုရှားနိုင်ငံကို ရေထွက်ကုန်တင်ပို့နိုင်ဖို့အတွက် နှစ်နိုင်ငံပူးတွဲထုတ်ပြန်ချက်(Joint Statement ) ကို ထုတ်ပြန်ထားတယ်လို့ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနက သိရပါတယ်။

#Yangon_Media_Group

#World_Instrument
Published 8 November 2022

အတ္တလန်တစ်မြို့မှာ ကမ္ဘာ့အကြီးဆုံးအော်ဂင်ကို ပြန်လည်ပြုပြင်မွမ်းမံနေပြီဖြစ်ပါတယ်။

#Yangon_Media_Group

Published 8 Nov 2022

အမေရိကန်နိုင်ငံသားတွေဟာ နိုဝင်ဘာ(၈)ရက် အင်္ဂါနေ့မှာ သက်တမ်းဝက်ရွေးကောက်ပွဲတွေမှာ စတင်မဲပေးနေကြပြီဖြစ်ပါတယ်၊

ရီပတ်ဘလီကန်တွေဟာ  သမ္မတ ဂျိုးဘိုင်ဒင်ရဲ့ လာမယ့်(၂)နှစ်အစီအစဉ်တွေ တုံ့ဆိုင်းသွားစေနိုင်ပြီး ဒေါ်နယ်ထရမ့်ကို အိမ်ဖြူတော်ပြန်လာဖို့ လမ်းဖွင့်ပေးမယ့် ကွန်ဂရက်မှာ အများစုကို အနိုင်ရဖို့ သဲကြီးမဲကြီးကြိုးပမ်းနေကြပါတယ်။

အရှေ့ဖက်ကမ်းခြေဘက်က မဲရုံတွေဟာ အင်္ဂါနေ့ မနက် ၆ နာရီမှာ စတင်ဖွင့်လိုက်ကြပါတယ်။

မဲဆန္ဒရှင် သန်း၄၀ကျော်က တစ်နိုင်ငံလုံးမှာ ကြိုတင်ဆန္ဒမဲတွေပေးထားခဲ့ကြပြီးဖြစ်ပါတယ်။

Source AFP

#US_Midterm_Election

#Polling_Stations_opened

#US_Politics

#Local_News
Published_ 8 November 2022

လတ်တလောမှာ ရှမ်းပြည်တောင်ပိုင်း၊ လွိုင်လင်ရှိ ဟိုခိုက်အနာကြီးရောဂါကုဂေဟာက အနာကြီးဝေဒနာရှင်တွေအတွက်စားနပ်ရိက္ခာ၊ ဆေးဝါးနဲ့ရာသီဥတုအေးလာပြီဖြစ်လို့ စောင်နဲ့အနွေးထည်တွေ လိုအပ်နေတယ်လို့ သိရပါတယ်၊၊

#Yangon_Media_Group

#Local_News
Published_8 November 2022

၂၀၂၂-၂၀၂၃ ဘဏ္ဍာနှစ်ရဲ့ ဧပြီလ ၁ ရက်ကနေ အောက်တိုဘာ ၂၈ ရက်အထိ ခြောက်လကျော် ခုနှစ်လနီးပါး ကာလအတွင်းမှာ မြန်မာ-ထိုင်းနယ်စပ်ကုန်သွယ်ရေးဟာ ပြီးခဲ့တဲ့နှစ်ထက် ကန်ဒေါ်လာ သန်း ၄၀၀ ကျော်မြင့်တက်လာခဲ့တယ်လို့ စီးပွားရေးနှင့်ကူးသန်းရောင်းဝယ်ရေးကြီးဌာနရဲ့ ထုတ်ပြန်ထားတဲ့ စာရင်းတွေအရ သိရပါတယ်။

#Yangon_Media_Group

#Local_News
Published _ 8 November 2022

လက်ရှိ ခရမ်းချဉ်သီး အစိမ်းနဲ့ အမှည့်ဈေးက ပြီးခဲ့တဲ့ လကစပြီး ယခုလအထိ အတက်အကျ ငြိမ်သက်မှုမရှိသေးပါဘူးလို့ ပြည်သာယာဈေး၊ အောင်ပန်းပွဲရုံဆီကနေ သိရပါတယ်။

#Yangon_Media_Group

#DailyNews
Published _ 8 November 2022

၁။ ခရမ်းချဉ်သီးဈေး အတက်အကျငြိမ်သက်မှုမရှိဘဲ အရောင်းအေးနေဟုဆိုာ

၂။ မြန်မာ-ထိုင်းနယ်စပ်ကုန်သွယ်ရေး ကန်ဒေါ်လာ သန်း ၄၀၀ ကျော်မြင့်တက်လာ

၃။ အနာကြီးဝေဒနာရှင်များအတွက် စားနပ်ရိက္ခာ၊ ဆေးဝါးနှင့်စောင်များလိုအပ်နေ

၄။ ကမ္ဘာ့အကြီးဆုံးပိုက်အော်ဂင်အား ပြန်လည်ဆန်းသစ်တီထွင်လျက်ရှိး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group