#World_Science
Published 9 December 2022

ကျောက်ပုဇွန်တွေမှရရှိတဲ့ အစိတ်အပိုင်းတွေနဲ့ အဓိကထုတ်လုပ်တဲ့ သန္ဓေတားဆေးအသစ်တစ်မျိုးဟာ သုတ်လွှတ်စဉ် သားအိမ်ခေါင်းထဲ ရောက်လာမယ့် သုတ်ကောင်ရေ သန်း ၁၀၀ နီးပါးရဲ့ ၉၈ ရာခိုင်နှုန်းကို တားဆီးပေးနိုင်တယ်လို့ သိရှိရပါတယ်။

ဆွီဒင် ကယ်ရိုလင်စကာတက္ကသိုလ်မှ သိပ္ပံပညာရှင်များက ပင်လယ်သတ္တဝါများ၊ ပုဇွန်များ၊ ဂဏန်းများရဲ့ အရိုးစုတွေမှာ တွေ့ရှိရတဲ့ ချီတိုဆန်ဒြပ်ပေါင်းအသေးလေးတွေကို အသုံးပြုပြီး မိန်းမကိုယ်ဂျယ်ကို တီထွင်ခဲ့ကြပါတယ်။

ထိုဂျယ်ကို တစ်ခါအသုံးပြုတဲ့အခါ နာရီပေါင်းများစွာခံပြီး ကိုယ်ဝန်မရအောင် သားအိမ်ခေါင်းမှာ တားဆီးထားပါတယ်။

သာမန်သန္ဓေတားနည်းတွေ ဖြစ်စေသလိုမျိုး ဘေးထွက်ဆိုးကျိုးတွေ ဖြစ်စေနိုင်မှာမဟုတ်ပါဘူး။

သာမန်တားဆေးတွေလိုမဟုတ်ဘဲ အမျိုးသမီးတွေ ကြုံတွေ့ရလေ့ရှိတဲ့ မလိုလားအပ်တဲ့ဆိုးကျိုးတွေ ဖြစ်စေမှာမဟုတ်ပါဘူး။

"ဒီမိန်းမကိုယ်ဂျယ်က စက္ကန့်ပိုင်းအတွင်း အသုံးပြုနိုင်ပါတယ်၊ လိင်မဆက်ဆံခင်နာရီပိုင်းအတွင်းကတည်းက အသုံးပြုထားနိုင်ပြီး နာရီပေါင်းကြာအောင် တာရှည်ခံမှာဖြစ်ပါတယ်၊ ဒါပေမဲ့ ကြာလာတာနဲ့အမျှ အမြှေးပါးအကာအကွယ်ဟာ သဘာဝအတိုင်း ပြန်လည်အစားထိုးသွားမှာဖြစ်ပါတယ်" လို့ ဆွီဒင် KTH တော်ဝင်နည်းပညာတက္ကသိုလ်မှ သောမတ်စ်ခရူဇီယာက ဖော်ပြခဲ့ပါတယ်။

ဟော်မုန်းတားဆေးတွေဖြစ်တဲ့ ဆေးဝါးများ၊ ဆေးထိုးခြင်း၊ အရေပြားကပ်ခွာ၊ မိန်းမကိုယ်တွင်းပစ္စည်းများမှာ အီစထရိုဂျင်နဲ့ ပရိုဂျက်စထရုန်းဟော်မုန်းများ ပါဝင်ပါတယ်။

ပရိုဂျက်စထရုန်းက သားအိမ်ကြွက်သားကျုံ့ခြင်းကို တားဆီးပေးကာ မျိုးဥမထုတ်လုပ်နိုင်အောင် ဆောင်ရွက်ပေးပါတယ်။

ဒါပေမဲ့ ဘေးထွက်ဆိုးကျိုးအနေနဲ့ ခေါင်းကိုက်ခြင်း၊ ဝမ်းလျှောခြင်း၊ အရိုးကိုက်ခဲခြင်းတို့ ဖြစ်ပေါ်နိုင်ပါတယ်။

KTH ကတော့ ဟော်မုန်းအစား ချီတိုဆန်နဲ့အစားထိုးကာ အစာကနေစုပ်ယူလိုက်တဲ့ အဆီနဲ့ကိုလက်စ်ထရောတွေကို လျှော့ချပေးပါတယ်။
အခုတားဆေးအသစ်ကတော့ မြူစင်လို့ခေါ်တဲ့ အမြှေးပါးပရိုတိန်းမှာ ဂျယ်သွားပေါင်းစည်းလိုက်ကာ သားအိမ်ခေါင်းအချွဲကို ယာယီထူထဲစေပြီး သုတ်ပိုးဝင်ရောက်လာရန် ပိုမိုခက်ခဲသွားစေပါတယ်။

ချီတိုဆန်မော်လီကျူးတွေက အမြှေးပါးကိုကပ်နိုင်စွမ်းရှိပြီး သားအိမ်ခေါင်းအိမ်ထဲက ဂျယ်နဲ့ တုန့်ပြန်ဆောင်ရွက်နိုင်ပါတယ်။

ဂျယ်တွေရဲ့အပေါက်တွေကို ပိတ်စေကာ သုတ်ပိုးများဝင်ရောက်မလာအောင် တားဆီးပေးကြောင်း 'ခရူဇီယာ'က ပြောပြခဲ့ပါတယ်။

သားအိမ်ခေါင်းကနေဝင်လာတဲ့ သုတ်ပိုးတွေက ဂျယ်တွေနဲ့တွေ့ဆုံကာ အရှိန်လျော့ပါးသွားပြီးတော့ မိန်းမကိုယ်ထဲမှာ ကျန်နေတဲ့သုတ်ပိုးတွေဟာလည်း အင်္ဂါထဲရှိ pH ဓာတ်များကြောင့် ပျောက်ကွယ်သွားမှာပါ။

Source: Daily Mail
#Yangon_Media_Group

#Local_News
Published_ 9 December 2022

မြန်မာနိုင်ငံ-ထိုင်းနယ်စပ်ကုန်သွယ်မှု ဒေါ်လာ ၃ ဒသမ ၄ ဘီလီယံကျော်လာရှိပြီး စုစုပေါင်းနယ်စပ်ကုန်သွယ်မှု၏ ၆၅ ရာခိုင်နှုန်းကျော်ရှိကြောင်း သိရပါတယ်။

ဧပြီ ၁ ရက်မှ နိုဝင်ဘာ ၂၅ အထိ ရှစ်လအတွင်း မြန်မာနိုင်ငံ၏ နယ်စပ်ကုန်သွယ်မှု ဒေါ်လာ ၅ ဒသမ ၂၅၉ ဘီလီယံရှိပြီး ယခင်နှစ်ကာလတူထက် ဒေါ်လာသန်း ၃၅၀ ကျော် ပိုမိုဆောင်ရွက်ထားနိုင်ခဲ့ခြင်း ဖြစ်ကြောင်း စီးပွား/ကူးသန်းဝန်ကြီးဌာနရဲ့ စာရင်းများအရ သိရပါတယ်။

မြန်မာ-ထိုင်းနယ်စပ်ကုန်သွယ်မှု ဒေါ်လာ ၃ ဒသမ ၄၅၂ ဘီလီယံရှိအထိရှိပြီး ၊ မြန်မာ-တရုတ်နယ်စပ်ကုန်သွယ်မှု ဒေါ်လာ ၁ ဒသမ ၆၈၆ ဘီလီယံသာရှိပြီး စုစုပေါင်း နယ်စပ်ကုန်သွယ်မှု၏ ၃၂ ရာခိုင်နှုန်းကျော်သာရှိပါတယ်။ မြန်မာ-ဘင်္ဂလာဒေ့ရှ် နယ်စပ်ကုန်သွယ်မှု ဒေါ်လာ ၁၉ သန်းခန့်ရှိပြီး မြန်မာ-အိန္ဒိယနယ်စပ်ကုန်သွယ်မှု ဒေါ်လာ ၁၀ သန်းကျော်သာရှိတယ်လို ဆိုပါတယ်။

အဓိက နယ်စပ်ကုန်သွယ်ရေးဖြစ်တဲ့ မြဝတီနယ်စပ်ကုန်သွယ်ရေး စခန်းမှ ကုန်သွယ်မှုပမာဏ ဒေါ်လာ ၁ ဒသမ ၄၅၆ ဘီလီယံရှိပြီး ယခင်နှစ်ကာလတူထက် ဒေါ်လာ ၁၄၈ သန်းကျော်လျော့နည်းခဲ့ကာ၊ ထီခီးနယ်စပ်ကုန်သွယ်ရေးစခန်းမှ ကုန်သွယ်မှု မြင့်တက်ခဲ့ပြီး အဆိုပါကာလရှစ်လတွင် ကုန်သွယ်မှု ဒေါ်လာ ၁ ဒသမ ၆၇၀ ဘီလီယံ အထိရှိခဲ့ပြီး ယခင်နှစ်ကာလတူထက် ဒေါ်လာသန်း ၆၀၀ ခန့်အထိ ပိုမိုဆောင်ရွက်နိုင်ခဲ့တာ ဖြစ်ပါတယ်။

ထို့ပြင် တာချီလိတ် နယ်စပ်ကုန်သွယ်ရေးစခန်းမှ ကုန်သွယ်မှု ဒေါ်လာသန်း ၁၀၀ ကျော်၊ ကော့သောင်း နယ်စပ်ကုန်သွယ်ရေးစခန်းမှ ကုန်သွယ်မှု ဒေါ်လာသန်း ၁၄၀ ကျော်၊ မြိတ် နယ်စပ်ကုန်သွယ်ရေးစခန်းမှ ကုန်သွယ်မှု ဒေါ်လာ ၇၆ သန်းကျော်၊ မောတောင် နယ်စပ်ကုန်သွယ်ရေးစခန်းမှ ကုန်သွယ်မှု ဒေါ်လာ ခုနစ်သန်းကျော်ဖြင့် ဆောင်ရွက်ထား နိုင်ကြောင်း သတင်းရရှိပါတယ်။

#ygm_mnn
#Yangon_Media_Group

#Local_News
Published _ 9 December 2022

ရန်ကုန် ပြည်လမ်း ခရေပင်လမ်းခွဲအနီး YBS 42 နှင့် အငှားကားတို့ တိုက်မိ၍ အမျိုးသမီး ၁ ဦး သေဆုံးပြီး ၂ ဦး ထိခိုက် ဒဏ်ရာရရှိခဲ့ကြောင်း ယင်းဖြစ်စဉ်ကိုသွားရောက်ကူညီခဲ့သည့် ပရဟိတ အသင်းထံမှ သိရသည်။

ဖြစ်စဉ်မှာ ဒီဇင်ဘာ ၈ ရက် ညနေပိုင်းတွင် ရန်ကုန်တိုင်း၊ မင်္ဂလာဒုံမြို့နယ်၊ ခရေပင်လမ်းမပေါ် ခရေပင်လမ်းခွဲမီးပွိုင့်အနီး၊ ရန်ကုန်တိုင်းစစ်ဌာနချုပ်ဘောလုံးကွင်းရှေ့တွင် ဖြစ်ပွားခဲ့တာဖြစ်ပြီး ယင်းယာဉ်တိုက်မှုဖြစ်စဉ်အတွင်း အငှားကား ပေါ်လိုက်ပါလာသည့် ၃ ဦးအနက် အသက် ၂၀ ခန့်အရွယ်ရှိ အမျိုးသမီး ၁ ဦး သေဆုံးကာယာဉ်မောင်းနှင့် အမျိုးသမီးတစ်ဦးတို့လည်း ထိခိုက်ဒဏ်ရာရရှိခဲ့ကြောင်း တက်နေထွန်းရှင်သန်မှုကူညီရေးအသင်းထံမှ သိရှိရသည်။

အငှားယာဉ်မောင်းဖြစ်သူမှာ ကားအတွင်း ညပ်နေသည့်အတွက် လူမှုကူညီရေး အသင်းဖြစ်သည့် တက်နေထွန်းရှင်သန်ရေးကူညီမှုမိသားစု (TNT RESCUE)မှ အချိန်နှင့်တပြေးညီ လူနာအား အသက်ရှင်လျှက်ကယ်တင်နိုင်ခဲ့ပြီး ကြယ်စင်မေတ္တာအသင်း(တညင်းကုန်း)အရေးပေါ်လူနာတင်ယာဉ်ဖြင့်မြောက်ဥက္ကလာပဆေးရုံကြီးသို့ ပို့ဆောင်ရန်လွှဲပြောင်းပေးခဲ့ကြောင်း သိရသည်။

#ymg/NN
#Yangon_Media_Group

#Local_News
Published_ 9 December 2022

နေပြည်တော်ရှိ တရုတ်-မြန်မာချစ်ကြည်ရေးကျောင်း (၂)ကျောင်းအတွက် ကျောင်းသုံးပစ္စည်းများနှင့်အား ကစားပစ္စည်းများကို ဒီဇင်ဘာလ(၇)ရက်ကလှူဒါန်းခဲ့ကြောင်း မြန်မာနိုင်ငံဆိုင်ရာ တရုတ်သံရုံးမှ သိရသည်၊၊

မြန်မာနိုင်ငံဆိုင်ရာတရုတ်သံရုံးမှ ပထမအတွင်းဝန် Mr. Zhang Zhongming တို့အဖွဲ့သည် ဒီဇင်ဘာလ (၇)ရက်တွင် တရုတ်-မြန်မာချစ်ကြည်ရေးကျောင်းများဖြစ်သည့် နေပြည်တော် အမှတ် (၇) အခြေခံပညာအထက်တန်းကျောင်းနှင့် အမှတ် (၁၄) အခြေခံပညာအထက်တန်းကျောင်း နှစ်ကျောင်းသို့သွားရောက်ခဲ့သည်၊၊

အဆိုပါကျောင်းများအတွက် သံရုံးကိုယ်စား စာရေးကိရိယာနှင့် အားကစားသုံးပစ္စည်းများ လှူဒါန်းပေးအပ်ခဲ့ကြောင်းသိရသည်၊၊

တရုတ်သံရုံးသည် ၂၀၁၆ ခုနှစ်နှင့် ၂၀၁၇ ခုနှစ်တွင် နေပြည်တော် အမှတ် (၇) အခြေခံပညာအထက်တန်းကျောင်းနှင့် အမှတ် (၁၄) အခြေခံပညာ အထက်တန်းကျောင်းသို့ စာသင်ကျောင်းဆောင်နှင့် အားကစားကွင်း စသည့်အဆောက်အအုံများ လှူဒါန်းတည်ဆောက်ပေးခဲ့ပြီး ကျောင်းမှ ထူးချွန်သည့် ကျောင်းသားကျောင်းသူများအတွက် တရုတ်-မြန်မာချစ်ကြည်ရေး ပညာသင်ဆုများ ချီးမြှင့်ခဲ့ကာ ကျောင်းသားကျောင်းသူနှင့်ဆရာ ဆရာမများ တရုတ်နိုင်ငံသို့သွားရောက်လေ့လာရန်လည်းစီစဉ်ပေးခဲ့ကြောင်းလည်းထုတ်ပြန်ချက်တွင်ဖော်ပြပါရှိသည်၊၊

#ymg/tthl
#Yangon_Media_Group

#World_Health
Published 9 December 2022

ကမ္ဘာတဝှမ်းမှ ဆေးဘက်ဆိုင်ရာစင်တာတွေမှာ ကိရိယာပစ္စည်းတွေတိုးတက်လာတာနဲ့အမျှ အသက်အန္တရာယ်ရှိတဲ့ နှလုံးရောဂါဖြစ်နိုင်ချေနဲ့ သေဆုံးနိုင်တဲ့ဖြစ်နိုင်ချေပါကိုပါ ခန့်မှန်းပေးနိုင်မှာဖြစ်ပါတယ်။

ဒီလေ့လာချက်ကို ဟိုင်ဖာရှိ ရမ်ဘမ်ကျန်းမာရေးစင်တာမှ သုတေသီများနဲ့ အမေရိကန် မိုင်ယိုဆေးခန်းမှ သုတေသီများက ပူးပေါင်းလုပ်ဆောင်ကြတာဖြစ်ပါတယ်။

ပထမအဆင့်မှာတော့ လူနာတွေကို ကြွက်သားရောင်ရမ်းခြင်းရောဂါနဲ့ ပတ်သက်ပြီး နှစ် ၂၀ ကြာလေ့လာခဲ့ပါတယ်။

ဒုတိယအဆင့်မှာတော့ ECG ဖြင့်တိုင်းတာကာ လူလုပ်ဉာဏ်ရည်တုစနစ်တီထွင်ပြီး နှလုံးကြွက်သားပါဝင်မှု ခံစားရနိုင်ချေရှိ/မရှိ လေ့လာနိုင်မှာဖြစ်ပါတယ်။

ဒီစနစ်က နှလုံးကြွက်သားလှုပ်ရှားမှုကို ၈၀ ရာခိုင်နှုန်းတိကျအောင် ခန့်မှန်းနိုင်ပါတယ်။

ဒါ့အပြင် အသက်သေဆုံးမှုနှုန်းကိုပါ ထိရောက်စွာ ဖော်ထုတ်ပေးနိုင်မှာဖြစ်ပါတယ်။

ကြွက်သားများရောင်ရမ်းခြင်းရောဂါတွေဟာ ရှုပ်ထွေးပြီး အသက်အန္တရာယ်ရှိတဲ့ ရောဂါများဖြစ်ကာ မသန်မစွမ်းဖြစ်ခြင်းနဲ့ သေဆုံးခြင်းအထိပါ ဖြစ်ပေါ်နိုင်ပါတယ်။

လူနာအများစုမှာ နှလုံးကြွက်သားများ ပါဝင်နေတာကြောင့် သေဆုံးနိုင်ချေပိုများလာကာ အထူးကြပ်မတ်ကုသရမယ့် အခြေအနေဖြစ်လာရပါတယ်။

အဖြစ်များတဲ့နှလုံးရောဂါတစ်မျိုးက နှလုံးဖောက်ခြင်းဖြစ်ပြီး နှလုံးဘယ်ဘက်သွေးလွှတ်ခန်းမှာ ပြဿနာဖြစ်တာကြောင့် ဖြစ်ပါတယ်။

ထိုအခါ ခန္ဓာကိုယ်ထဲရှိ အင်္ဂါအမျိုးမျိုးကို သွေးလုံလောက်စွာ မထောက်ပံ့ပေးနိုင်တော့ဘဲ အသက်ရှူကြပ်ခြင်း၊ နွမ်းနယ်ခြင်း၊ ရေများစုပြုံကာ ဖောရောင်လာခြင်းတို့ ဖြစ်တတ်ပါတယ်။

နည်းပညာရှုထောင့်အရဆိုရင် ဉာဏ်ရည်တုနည်းပညာကို အသုံးပြုခြင်းက အချိန်ကုန် ငွေကြေးအကုန်အကျသက်သာစေပြီး လျင်မြန်တိကျထိရောက်တဲ့နည်းလမ်းဖြစ်ကြောင်း ပရော်ဖက်ဆာ'ရှယ်လီ'က ရှင်းပြခဲ့ပါတယ်။

ဉာဏ်ရည်တုနည်းပညာဖြင့် ဆေးဝါးထုတ်လုပ်ရေး၊ ရောဂါစောစီးစွာရှာဖွေရေးတို့မှာ အပြောင်းအလဲပြုလုပ်လာနိုင်မှာဖြစ်ပါတယ်။
မိုင်ယိုဆေးခန်းနဲ့ ပူးပေါင်းသုတေသနတွေ ပြုလုပ်နေပြီး နောက်ထပ်အစီအစဉ်များလည်းရှိသေးကြောင်း ပရော်ဖက်ဆာက ပြောကြားခဲ့ပါတယ်။

Source: The Jerusalem Post
#Yangon_Media_Group

#Local _News
Published _ 8 December 2022

လက်ရှိ ဝဥ အစို အသားဈေးရဲ့ ပေါက်ဈေးက ၁၁၀၀ ပတ်ဝန်းကျင်ရှိနေပြီး မျိုးဈေးတွေကလဲ ကျဆင်းနေတာကြောင့် ပြီးခဲ့တဲ့ နှစ်နဲ့ အခုနှစ် ၂နှစ်တာကာလအတွင်းမှာ ဝဥစိုက်ပျိုးမှု ပိုလာခဲ့တယ်လို့ တောင်သူတွေဆီကနေ သိရပါတယ်။

#Yangon_Media_Group

#LocalNews
Published_ 8 Dec 2022

အီရတ်နိုင်ငံတွင် အိမ်အကူအဖြစ် သွားရောက်လုပ်ကိုင်နေသော မြန်မာအမျိုးသမီး ၃ ဦး အခက်အခဲ အမျိုးမျိုးဖြစ်နေကာ နေရပ်ပြန်လိုနေကြကြောင်း သိရသောကြောင့် နိုင်ငံခြားရေးဝန်ကြီးဌာနက ဆက်သွယ်ကူညီခဲ့ရာတွင် ၃ ဦး ထဲမှ မစုမွန်ထွေး နှင့်အဆက် အသွယ်ရရှိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

"အီရတ်နိုင်ငံမှာ အိမ်အကူသွားရောက်လုပ်ကိုင်တဲ့ မြန်မာမိန်းကလေး ၃ ဦးထဲမှာ မစုမွန်ထွေး နဲ့ အဆက် အသွယ်ရရှိခဲ့ပါတယ်။ လေယာဉ်လက်မှတ် ကိုယ်တိုင်ဝယ်ပြီးတော့ ပြန်ဖို့ သဘောတူချက်ရပြီးဖြစ်ပါတယ်။ကျန် ၂ ဦးမှာ အဆက်အသွယ်မရရှိသေးပါ။ မစုမွန်ထွေးဆီက သိရတာက သူနဲ့လည်း ကျန်တဲ့ နှစ်ယောက်နဲ့ အဆက်အသွယ်မရဘူး၊ ဖုန်းတွေကို သိမ်းထားတယ်လို့ ယူဆရတယ်လို့ ပြောပါတယ်"ဟု နစက တာဝန်ရှိသူက ပြောသည်။

မစုမွန်ထွေးက ၎င်းအနေဖြင့် သူမအား အီရတ်ကို ပို့ပေးသည့် အေဂျင်စီနှင့် အသက်အသွယ်ရသွားတာကြောင့် လေယာဉ်လက်မှတ်ဝယ်၍ ပြန်ရန် ပြောဆိုပြီးဖြစ်ကြောင်းလည်း viber က တစ်ဆင့် ပြောဆိုထားသည်။

"သမီးအဆင်ပြေသွားပြီဆရာ၊အေ့ဂျင့်ကလေ သမီးကို ညှိပေးပြီတဲ့ ၊ လေယာသ်လက်မှတ်ပဲ ဖြတ်ပြီး ပြန်ရမယ်၊ကူညီကြတဲ့အတွက် ကျေးဇူးတင်ပါတယ်"ဟု ယင်းအသံဖိုင်တွင် ပြောဆိုထားသည်။

ymg/mt
#Yangon_Media_Group

#World_Competition
Published 8 December 2022

ပြင်သစ်နိုင်ငံ လီယွန်မြို့မှာ ရိုးရာစားစရာတစ်ခုဖြစ်တဲ့ 'ပက်တီခရု'လို့ခေါ်တဲ့ ပေါင်မုန့်အသားအစာသွပ်ပြိုင်ပွဲကို တနင်္လာနေ့မှာ ပြုလုပ်ခဲ့ပါတယ်။

#Yangon_Media_Group

Published 8 Dev 2022

အိန္ဒိယရုပ်ရှင်မင်းသား ရန်ဘီရာကာပူးဟာ ဆော်ဒီအာရေဗျနိုင်ငံ ဂျက်ဒါ့မှာ ကျင်းပနေတဲ့ ပင်လယ်နီ နိုင်ငံတကာရုပ်ရှင်ပွဲတော် (၇)ရက်မြောက်နေ့မှာ ဗရိုက်တီ နိင်ငံတကာ ဦးစီးသရုပ်ဆောင်ဆု Variety International Vanguard Actor Award ကို ဒီဇင်ဘာ (၇)ရက်က ရရှိသွားပါတယ်။ ပရိဿတ်တွေက ပွဲတော်ကိုရောက်ရှိလာတဲ့ သူ့ကို အော်ဟစ်ကြိုဆိုခဲ့ကြပါတယ်။

အခုအခါ အသက် ၄၀ရှိပြီဖြစ်တဲ့ မင်းသား ရန်ဘီရာကာပူးဟာ မင်းသားကြီး ရီရှီကာပူးနှင့် နီတူဆင်းတို့ရဲ့ သားဖြစ်ပြီး  ဒါရိုက်တာ ရုပ်ရှင်မင်းသား ရာ့ချ်ကာပူးရဲ့မြေးဖြစ်ပါတယ်။ သူဟာ ဟိန္ဒူဘာသာစကား ရုပ်ရှင်တွေမှာ ထင်ရှားသူဖြစ်ပြီး သရုပ်ဆောင်ကြေး အမြင့်ဆုံးရရှိသူတွေထဲမှာ တစ်ဦးလည်းဖြစ်ပါတယ်။ သူဟာ ရုပ်ရှင်ထူးချွန်ဆု (၆)ဆုအပါအဝင် ဆုများစွာရရှိထားပါတယ်။

“သိပ်စိတ်လှုပ်ရှားမိတယ်။ ဂျက်ဒါ့ကို ဒါ   ကျွန်တော်ပထမဆုံးရောက်ဖူးတာ။ ဒီလိုဖြစ်ဖို့ မေတ္တာရပ်ခံခဲ့တာ နှစ်ကြိမ်ရှိပြီ လို့ ကျွန်တော်သိပါတယ်။ အလွန့်ကိုစိတ်လှုပ်ရှားရတယ်..အသံသွင်းဖို့ အလွန့်ကိုစိတ်လှုပ်ရှားတယ်။ ကျွန်တော် ရုပ်ရှင်ပွဲတော်တွေကိုသဘောကျတယ်။ ရုပ်ရှင်တွေနှင့် ရုပ်ရှင်တွေရဲ့ ဆန်းကြယ်မှုတွေနှင့်ပတ်သက်တဲ့ ဝန်းကျင်ရနံ့တွေ ရတယ်လေ။ အဲဒါကြောင့် ပျော်စရာပေါ့ “ လို့ ရန်ဘီရာကာပူးကပြောပါတယ်။

ပင်လယ်နီရုပ်ရှင်ပွဲတော်ကို ဆော်ဒီအာရေဗျနိုင်ငံ ဂျက်ဒါ့မှာ ဒီဇင်ဘာ ၁ရက်မှ ၁၀ရက်အထိကျင်းပနေတာဖြစ်ပါတယ်။ ရုပ်ရှင်ပွဲတော်မှာ အာရပ်နှင့်နိုင်ငံတကာရုပ်ရှင်ဇာတ်ကားတွေ ကော်ဇော်နီအထူးပွဲပြသတာတွေအပြင် အလုပ်ရုံဆွေးနွေး ပွဲတွေ၊ သင်တန်းတွေနှင့် လုပ်ငန်းကွန်ယက်ချိတ်ဆက်မှုတွေကိုပါ ကျင်းပပေးနေတာဖြစ်ပါတယ်။

Source: AFP

#Ranbir_Kapoor

#Red_Sea_International_Festival

#Saudi+Arabia_Jeddah

#Local_News
Published_ 8 December 2022

မြန်မာ့လက်မှုလုပ်ငန်းတွေ ပြည်တွင်းမှာရောပြည်ပမှာပါ ဈေးကွက်ပြန်လည်ရရှိစေဖို့ နည်းလမ်းနှစ်မျိုးနဲ့ ဆောင်ရွက်နေရတယ်လို့ မြန်မာ့လက်မှုအနုပညာအသင်း ဥက္ကဌဦးသာဓုထံမှ သိရပါတယ်၊၊

#Yangon_Media_Group

#Local _News
Published _ 8 december 2022

လက်ရှိမှာတော့ ကောက်ရိုးမှိုတွေဟာ ဈေးကွက်ထဲမှာ ၇ထောင်ကနေ ၁သောင်းဝန်းကျင်လောက်အထိ ပေါက်ဈေးရှိနေပြီး စားသုံးသူဈေးကွက်ထဲမှာတော့ တသောင်းကနေ ၁သောင်း၃ထောင်ဝန်းကျင်အထိ ရှိနေတယ်လို့ မှိုစိုက်ပျိုးထုတ်လုပ်သူတွေတီကနေ သိရပါတယ်။

#Yangon_Media_Group

#Local_News
Published_8 December 2022

ရှစ်လတာကာလအတွင်း ပြည်ပကို စက်မှုကုန်ချောတင်ပို့မှုကနေ အမေရိကန်ဒေါ်လာ ၇ ဒသမ ၅၂ ဘီလီယံရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ဖော်ပြထားတဲ့စာရင်းတွေအရ သိရပါတယ်။

#Yangon_Media_Group