#Local_News
Published _8 November 2022

ပို့ကုန်ရငွေရဲ့တန်ဘိုး အမေရိကန်ဒေါ်လာ ၆၅ ရာခိုင်နှုန်းကို မြန်မာ့နိုင်ငံခြားကုန်သွယ်မှုဘဏ်မှာ သတ်မှတ်နှုန်းထားအတိုင်းရောင်းချပြီးတဲ့နောက်မှာ အဲဒီ ၆၅ ရာခိုင်နှုန်းကို ရောင်းလို့တဲ့ငွေကို ဘဏ်အကောင့်ထဲကို ထည့်ပေးပေမဲ့ ပြန်ထုတ်တဲ့အခါ တစ်လုံးတစ်ခဲတည်းမပေးဘဲ တစ်ပတ်ကို သိန်းတစ်ရာပဲပေးနေတဲ့ကိစ္စက ပို့ကုန်လုပ်ငန်းရှင်တွေ အကြပ်အတည်း ဖြစ်စေတယ်လို့ ပို့ကုန်လုပ်ငန်းရှင်တွေက ပြောပါတယ်။

#Yangon_Media_Group

#Local_News
Published _ 8 November 2022

ရန်ကုန်တိုင်း၊မရမ်းကုန်းမြို့နယ်ရှိ သမိုင်းခုံးကျော်တံတားပေါ်မှ ယနေ့နိုဝင်ဘာလ ၈ ရက် နံနက်ပိုင်းက အမျိုးသားတစ်ဦးခုန်ချ၍ ထိခိုက်ဒဏ်ရာများရရှိခဲ့ကြောင်း လူမှုကူညီရေးအသင်းများထံမှ သိရှိခဲ့ရသည်။

ယနေ့ နံနက်ပိုင်း ၆ နာရီကျော်ခန့်တွင် မရမ်းကုန်းမြို့နယ်ရှိ အမှတ်(၁)ရပ်ကွက်နှင့်အမှတ်(၂)ရပ်ကွက်အား ဆက်သွယ်ထားသည့် သမိုင်းခုံးကျော်တံတားပေါ်မှ အသက် ၄၀ခန့် အရွယ်ရှိ အမည်၊ နေရပ်လိပ်စာ(စီစစ်ဆဲ)အမျိုးသားတစ်ဦးခုန်ချခဲ့သည့် ဖြစ်စဉ် ဖြစ်ပွားခဲ့သည်ဟု နီးစပ်ရာ ရပ်ကွက်နေပြည်သူများမှ ဆက်သွယ်လာသည့်အတွက် သွားရောက်ကြည့်ရှုခဲ့ကြောင်း ရွှေရောင်သမိုင်း လူမှုကူညီရေးအသင်းရဲ့တာဝန်ရှိသူက YMG ကို ပြောသည်။

"ခုန်ချသွားတာဟုတ်တယ် ရထားလမ်းကိုဖြတ်ဖို့လုပ်ထားတဲ့ ခုံးကျော်တံတားပေါ့ အဲဒီကနေခုန်ချခဲ့တာ ထိခိုက်ဒဏ်ရာရတာတွေရှိတယ် ဘာ့ကြောင့်ခုန်ချတယ်ဆိုတာကတော့ မသိသေးပါဘူး၊ ပြည်သူတွေကစိတ်ပူပြီး ပရဟိတအသင်းတွေဆီဆက်တော့ အဲ့အသင်းတွေက ကျွန်တော်တို့ဆီဆက်သွယ်လာပါတယ်။ အဲတာကြောင့် သွားရောက်ကူညီကယ်ဆယ်ပေးခဲ့ပါတယ်။ အသက်ကတော့ ၄၀ လောက်ရှိပြီလို့ ခန့်မှန်းရပါတယ်။ မိသားစုနဲ့သူ့ရဲ့နေရပ်လိပ်စာ၊ သူ့နာမည်တွေကတော့ အခုထိစုံစမ်းနေဆဲပါ"ဟု သွားရောက်ကူညီပေးခဲ့သည့် လူမှုကူညီရေးအသင်းဖြစ်သည့် ရွှေရောင်သမိုင်းလူမှုကူညီရေးအသင်းရဲ့တာဝန်ရှိသူက ဆိုသည်။

အဆိုပါ ခုံးကျော်တံတားပေါ်မှခုန်ချ၍ ထိခိုက်ဒဏ်ရာရရှိသွားသည့် အမျိုးသားအား လူမှုကူညီရေးအသင်းကားဖြင့် ဆေးကုသမှုခံယူနိုင်ရန် ပို့ဆောင်ပေးခဲ့ကြောင်း သိရသည်။

#ymg/NN
#Yangon_Media_Group

#Local_News
Published_8 November 2022

နိုဝင်ဘာလ ၈ ရက်မှ နိုဝင်ဘာ ၁၃ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာကို ၄၃၃၀ ကျပ် သတ်မှတ်ထားပြီး ပြီးခဲ့သည့် တစ်ပါတ်ထက် ၁၀၀ ကျော်မြင့်တက်လာကြောင်း သိရသည်။

ပြီးခဲ့သည့်တစ်ပါတ်တွင် ရန်ကုန်အထိုင်ဈေး စားအုန်းဆီဈေးနှုန်းမှာ တစ်ပိဿာ ၄၂၂၅ ကျပ်ဖြစ်ကြောင်း သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေးကော်မတီအနေနဲ့ စားအုန်းဆီအဓိကထုတ်လုပ်တင်ပို့တဲ့ မလေးရှားနိုင်ငံနဲ့ အင်ဒိုနီးရှားနိုင်ငံတို့မှာ ဖြစ်ပေါ်နေတဲ့ FOB ဈေးနှုန်းများကို နေ့စဉ်စောင့်ကြည့်ပြီး သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်မှာ ရောင်းဝယ်ဖောက်ကားရမည့် အခြေခံလက်ကား ရည်ညွှန်းဈေးနှုန်းကို ထုတ်ပြန်ပေးနေခြင်းဖြစ်ကြောင်း သိရသည်။

ယင်းအပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း သိရသည်။
လက်ရှိဈေးကွက်ထဲတွင် စားအုန်းဆီးဈေးနှုန်းမှာ တစ်ပိဿာ ၆၀၀၀ ဝန်းကျင်အထိ ကျင်းလာပြီး ပြည်တွင်းထုတ် ပဲဆီ၊ နှမ်းဆီဈေးနှုန်းမှာ ဈေးမြင့်တက်နေကြောင်းသိရသည်။

ပြည်တွင်း၌ စားအုန်းဆီသုံးစွဲမှုမှာ တစ်နှစ်လျှင် တန်ချိန်၁၀ သိန်းကျော်အထိရှိသည့်အတွက် နှစ်စဉ်တန်ချိန် ၆ သိန်းမှ ၇ သိန်းကြားကို မလေးရှားနိုင်ငံနှင့် အင်ဒိုနီးရှားနိုင်ငံမှ အဓိထားတင်သွင်းနေရကြောင်း သိရသည်။

#ymg/STH
#Yangon_Media_Group

#Local_News
Published_ 8 November 2022

ရုရှားဖက်ဒရေးရှင်းနိုင်ငံတွင် နှလုံးခွဲစိတ်ကုသမှုသင်တန်းများ၊ အဏုမြူရောင်ခြည်ဖြင့်ရောဂါရှာဖွေကုသရေး သင်တန်းများ၊ ကလေးခွဲစိတ်ကုသမှုသင်တန်းများနှင့်ပတ်သက်၍ မြန်မာနိုင်ငံမှ ဆေးပညာရှင်များစေလွှတ်သင်ကြားနိုင်ရေးကိစ္စရပ်များ ဆွေးနွေးသွားမည်ဖြစ်ကြောင်း ကျန်းမာရေးဝန်ကြီးဌာနမှ သိရသည်၊၊

ကျန်းမာရေးဝန်ကြီးဌာနအနေဖြင့် ရုရှားတက္ကသိုလ်ဖြစ်သည့် Far Eastern Federal University နှင့် ခွဲစိတ်ကုသမှု လုပ်ငန်းပူးပေါင်းဆောင်ရွက်နိုင်ရေး၊ သင်တန်းပေးနိုင်ရေးကိစ္စရပ်များကို ဆွေးနွေးသွားမည်ဖြစ်ကြောင်း သိရသည်၊၊

ရုရှားဖက်ဒရေးရှင်းနိုင်ငံ၊ ဗလာဒီဗော့စတော့ခ်မြို့ရှိ Far Eastern Federal University တွင် ၂၀၂၂ ခုနှစ်၊ နိုဝင်ဘာလ (၉)ရက်နေ့မှ(၁၀)ရက်နေ့ထိပြုလုပ်မည့် ဆေးပညာရပ်ဆိုင်ရာ ပူးပေါင်းဆောင်ရွက်မှုလုပ်ငန်းများဆွေးနွေးပွဲ၌ယင်းအချက်များထည့်သွင်း ဆွေးနွေးသွားမည်ဟု ဆိုသည်၊၊

ယင်းဆွေးနွေးပွဲကို ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်း အမြစ်ဦးစီးဌာနမှ ညွှန်ကြားရေးမှူးချုပ်၊ ဒေါက်တာတင်ထွန်း ဦးဆောင် သောကိုယ်စားလှယ်(၅)ဦးပါ အဖွဲ့တက်ရောက်ရန် သွားရောက်နေပြီဖြစ်သည်၊၊

အဆိုပါ ဆွေးနွေးပွဲတွင် ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းအမြစ်ဦးစီးဌာနနှင့် ရုရှားဖက်ဒရေးရှင်းနိုင်ငံ၊ ဗလာဒီဗောစတော့ခ်မြို့ရှိ Far Eastern Federal University တို့ အကြား ဆေးပညာရပ်ဆိုင်ရာ ကျန်းမာရေးလူ့စွမ်းအားအရင်းအမြစ်ဖွံ့ဖြိုးတိုးတက်ရေး၊ ဆေးဘက်ဆိုင်ရာခွဲစိတ်ကုသမှုလုပ်ငန်းများ ပူးပေါင်းဆောင်ရွက်နိုင်ရေးနှင့် လေ့ကျင့်သင်တန်းပေးခြင်းများအတွက် နှစ်ဦးနှစ်ဖက်နားလည်မှုစာချွန်လွှာ(MOU) လက်မှတ်ရေးထိုးနိုင်ရေးကိစ္စရပ်များ၊ ရုရှားဖက်ဒရေးရှင်းနိုင်ငံတွင် နှလုံးခွဲစိတ်ကုသမှုသင်တန်းများ၊ အဏုမြူရောင်ခြည်ဖြင့် ရောဂါရှာဖွေကုသရေး သင်တန်းများ၊ ကလေးခွဲစိတ်ကုသမှုသင်တန်းများနှင့်ပတ်သက်၍ မြန်မာနိုင်ငံမှ ဆေးပညာရှင်များ စေလွှတ်သင်ကြားနိုင်ရေးကိစ္စရပ်များ၊ ဝန်ကြီးဌာနရှိ ဆေးတက္ကသိုလ်များနှင့် ဆေးပညာရပ်သင်ကြား ရေးဆိုင်ရာ ပူးပေါင်းဆောင်ရွက်ရေးကိစ္စရပ်များစသည်တို့အား ဆွေးနွေးညှိနှိုင်းကြမည်ဖြစ်ပါသဖြင့် မြန်မာနိုင်ငံ၏ ကျန်းမာရေးလူ့စွမ်းအားအရင်းအမြစ်ဖွံ့ဖြိုးတိုးတက်ရေးနှင့် ဆေးပညာရပ်ဆိုင်ရာ ခွဲစိတ် ကုသမှုနည်းပညာများ ဖွံ့ဖြိုးတိုးတက်ရေးအတွက် အထောက်အကူပြုမည်ဖြစ်ပြီး နှစ်နိုင်ငံဆေးဘက် ဆိုင်ရာ ပူးပေါင်းဆောင်ရွက်မှုကိစ္စရပ်များ ပိုမိုကျယ်ပြန့်နက်ရှိုင်းစွာ ဆောင်ရွက်နိုင်မည်ဖြစ်ကြောင်း သိရသည်။

#ymg/tthl
#Yangon_Media_Group

#Local_News
Published_8 November 2022

ရန်ကုန်တိုင်းဒေသကြီးအတွင်း ယာဉ်ကြောကျပ်တည်းမှုမရှိစေရန်အတွက် အချက်အချာကျသည့် ဘတ်စ်ကားမှတ်တိုင်များတွင် YBS ယာဉ်တွေအနေဖြင့် ယာဉ်နှစ်ထပ်ရပ်ခြင်းမရှိစေရန် Pilot Project စတင်ဆောင်ရွက်နေပြီဖြစ်ကြောင်း YRTC မှ တွဲဖက်အတွင်းရေးမှူး ဦးလျန်ကျင့်မန်က ပြောသည်။

အဆိုပါ Pilot Project ကိုလူစည်ကားရာနေရာတွေဖြစ်သည့် မှတ်တိုင် ၁၆ ခုကိုရွေးချယ်ဆောင်ရွက်နေပြီး စမ်းသပ်ကာလပြီးမြောက်ပါက ဆက်လက်ဆောင်ရွက်သွားမည်ဖြစ်ကြောင်း သိရသည်။

ကနဦးတွင် စော်ဘွားကြီးကုန်း(ပြည်လမ်း)၊ မြေနီကုန်းမှတ်တိုင်(ဗားဂရာလမ်း)၊ မဟာမြိုင်မှတ်တိုင်(ပြည်လမ်း)၊ ၈ မိုင်မှတ်တိုင်(ကမ္ဘာအေးဘုရားလမ်း)၊ ၆ ကွေ့မှတ်တိုင်(သုဓမ္မာလမ်း)၊ ယုဇနပလာဇာမှတ်တိုင်(ဗညားဒလလမ်း)၊ သမိုင်းလမ်းဆုံမှတ်တိုင်(အင်းစိန်းလမ်း) အပါအဝင် ဘတ်စ်ကားမှတ်တိုင် ၁၆ ခုကို ဆောင်ရွက်နေကြောင်း သိရသည်။

YBS ယာဉ်များ နှစ်ထပ်ရပ်ခြင်းအပါအဝင် ဘတ်စ်ကားမှတ်တိုင်အတွင်း အငှားယာဉ်များနှင့် ကိုယ်ပိုင်ယာဉ်များ ရပ်နားခြင်းမရှိစေရန် ပညာပေးကာလအဖြစ်ဆောင်ရွက်ပြီး နောက်ပိုင်းတွင် သက်ဆိုင်ရာအဖွဲ့အစည်းများနှင့် ပူးပေါင်း၍ အရေးယူဆောင်ရွက်မည်ဖြစ်ကြောင်းသိရသည်။

#ymg/sth
#Yangon_Media_Group

#Local_News
Published _ 8 november 2022

မွန်ပြည်နယ် သံဖြူဇရပ်မြို့နယ်၊ ဝဲဘို့တောင်ကျေးရွာရှိ ဘုန်းကြီးကျောင်းတစ်ကျောင်းလုံး မီးလောင်မှု ယနေ့ နံနက် ၇ နာရီခန့်က ဖြစ်ပွားခဲ့ကြောင်း လူမှုကူညီရေးအသင်းများထံမှ သိရသည်။

"မီးကဘယ်ချိန်တည်းက လောင်နေလဲတော့ တိတိကျကျ မသိရဘူးပေါ့နော်။ ကျွန်တော်တို့ကိုဆက်သွယ်တော့ မနက် ၆နာရီရှိနေပြီ၊ သွာငြှိမ်းတော့ ကျောင်းကအကုန်နီးပါးလောက် လောင်ကျွမ်းနေပါပြီ။ မနက် ၇နာရီခွဲလောက်ကကျမှ ငြှိမ်းသတ်နိုင်ခဲ့ပါတယ်။ ထိခိုက်မှုကတော့ တစ်ယောက်မှမရှိပါဘူး"ဟု စတနာရှင်လူမှုကူညီရေးအသင်း၏ တာဝန်ရှိသူက ဆိုသည်။

မီးလောင်မှုဖြစ်ပွားရာနေရာသို့ သံဖြူဇရပ်မြို့နယ် မီးသတ်ဖွဲ့တို့နှင့်အတူ စေတနာရှင် လူမှုကယ်ဆယ်ရေးအသင်း ၊ သံဖြူဇရပ်မြို့ကျေးရွာများမှ မီးသတ်ဖွဲ့အသီးသီးတို့မှ သွားရောက်၍ မီးဝိုင်းဝန်းကူညီငြှိမ်းသတ်ခဲ့ကြောင်းလည်း သိရှိရသည်။

#ymg/NN
#Yangon_Media_Group

#World_Health
Published 8 November 2022

ဦးခေါင်းပုံစံအချိုင့်ပါတဲ့ ခေါင်းအုံးတွေကို ကလေးငယ်များအသုံးပြုခြင်းဖြင့် အသက်ရှူကြပ်သေဆုံးနိုင်‌တာကြောင့် မိဘတွေအနေနဲ့ ဆက်လက်အသုံးပြုသင့်တော့ပါဘူး။

ခေါင်းအုံးအလယ်မှာ အပေါက်ပုံသဏ္ဍာန်ပါတဲ့ ခေါင်းအုံးတွေဟာ ကလေးငယ်တွေ ဦးခေါင်းပြားခြင်းလက္ခဏာအတွက် သင့်တော်ကြောင်း ကြော်ငြာနေကြပါတယ်။

ကလေးငယ် ၅ ဦးမှာ ၁ ဦးဖြစ်လေ့ရှိပြီး ကလေးတွေရဲ့ ဦးခေါင်းတွေကပျော့သေးတာကြောင့် အိပ်တဲ့အခါနဲ့ ကလေးမွေးစဉ်မှာ ပြားသွားတတ်ပါတယ်။

အစားအစာနဲ့ဆေးဝါးကွပ်ကဲရေး(FDA)က အဆိုပါခေါင်းအုံးတွေဟာ ကျန်းမာရေးကောင်းကျိုးမရှိဘဲ အသက်ပါသေစေနိုင်တယ်လို့ သတိပေးလိုက်ပါတယ်။

ခေါင်းအုံးရဲ့ထောင့်ချိုးပုံစံက ကလေးငယ်ရဲ့ရင်ဘတ်ကို မေးစေ့က လာဖိနေသလိုဖြစ်ပြီး အသက်ရှူလမ်းကြောင်းကို ပိတ်မိနိုင်ပါတယ်။

ကလေး ငယ်သေးတဲ့အချိန်မှာ ဦးခေါင်းခွံကပျော့နေသေးတာကြောင့် ဦးခေါင်းခွံပြားခြင်းလက္ခဏာ ဖြစ်တတ်ပါတယ်။

ဒါပေမဲ့ အချိန်ကြာလာတာနဲ့အမျှ ဦးခေါင်းခွံက အနောက်ကို သဘာဝအလျောက်ရွေ့လျားလာပါတယ်လို့ ဆိုပါတယ်။

ဘေးအန္တရာယ်နဲ့ပတ်သက်ပြီး အဆိုပါခေါင်းအုံးမျိုးထုတ်လုပ်သူတွေကို FDA က အကြောင်းကြားလျက်ရှိပါတယ်။

ထိုခေါင်းအုံးတွေက ကလေးတွေမှာ အဓိကသေဆုံးရတဲ့အကြောင်းအရင်းဖြစ်နေပြီး အမေရိကန်မှာ နှစ်စဉ် ကလေး ၃,၄၀၀ ခန့် သေဆုံးနေရပါတယ်။

FDA က သတိပေးထားပေမယ့် အချို့ဆိုင်တွေမှာ ဦးခေါင်းပုံစံအချိုင့်ပါတဲ့ ခေါင်းအုံးတွေကို ဆက်လက်ရောင်းချနေဆဲဖြစ်ပါတယ်။

ဒါပေမဲ့ ဆရာဝန်တွေကတော့ ထိုပစ္စည်းတွေဖယ်ရှားသွားမယ်လို့ မျှော်လင့်နေကြပါတယ်။

Source: Daily Mail
#Yangon_Media_Group

#World_Military
Published 8 November 2022

ရုရှားတို့ ယူကရိန်းစစ်ပွဲမှာ အသုံးပြုနိုင်ရန် အမြှောက်ကျည်များကို မြောက်ကိုရီးယားက ထောက်ပံ့နေဟန်ရှိကြောင်း အမေရိကန်တို့စွပ်စွဲလိုက်ပြီးနောက် မြောက်ကိုရီးယားက ရုရှားနဲ့ လက်နက်ထောက်ပံ့ရောင်းဝယ်ခြင်းမရှိကြောင်း၊ ထိုကဲ့သို့ပြုလုပ်ရန်လည်း အစီအစဉ်မရှိကြောင်း မြောက်ကိုရီးယားနိုင်ငံပိုင်မီဒီယာက အင်္ဂါနေ့မှာ ဖော်ပြလိုက်ပါတယ်။

မြောက်ကိုရီးယားက ရုရှားကို အမြှောက်ကျည်အများအပြား လျှို့ဝှက်စွာထောက်ပံ့ပေးနေတယ်ဆိုတဲ့ သတင်းအချက်အလက်တွေ အမေရိကန်ကရရှိထားကြောင်း အိမ်ဖြူတော်အမျိုးသားလုံခြုံရေးပြောရေးဆိုခွင့်ရှိသူ 'ဂျွန်ကာဘီ'က ပြီးခဲ့တဲ့အပတ်က ပြောကြားခဲ့ပါတယ်။

အရှေ့အလယ်ပိုင်းနဲ့ မြောက်အာဖရိကရှိ နိုင်ငံများမှတဆင့် ဖြတ်သန်းတင်ပို့မှုများကို မြောက်ကိုရီးယားက ဖုံးကွယ်ရန်ကြိုးပမ်းနေပြီး တင်ပို့မှုများ လက်ခံရယူခြင်းရှိ/မရှိ အမေရိကန်က စောင့်ကြည့်နေကြောင်း 'ကာဘီ'ကဆိုပါတယ်။

စွပ်စွဲချက်တွေကို မြောက်ကိုရီးယားကာကွယ်ရေးဝန်ကြီးဌာနက ငြင်းပယ်လိုက်ကာ ရုရှားနဲ့ ဘယ်တုန်းကမှ လက်နက်ရောင်းဝယ်ခြင်း မပြုလုပ်ခဲ့ကြောင်း၊ နောင်လည်း ပြုလုပ်ရန်အစီအစဉ်မရှိကြောင်း ပြောကြားလိုက်ပါတယ်။

"အမေရိကန်က မြောက်ကိုရီးယားကို ကုလသမဂ္ဂလုံခြုံရေးကောင်စီရဲ့ ဒဏ်ခတ်ပိတ်ဆို့မှုတွေနဲ့ တရားမဝင်ချမှတ်ပြီး နိုင်ငံတကာမှာ မြောက်ကိုရီးယားရဲ့ ဂုဏ်သိက္ခာကိုဖျက်လိုဖျက်ဆီး လုပ်နေတယ်လို့သာ ကျုပ်တို့ကသတ်မှတ်ပါတယ်" လို့ မြောက်ကိုရီးယားမှ အရာရှိတစ်ဦးက ပြောကြားလိုက်ပါတယ်။

ယူကရိန်းစစ်ပွဲကြောင့် ရုရှားကို ပိုမိုရှောင်ကြဉ်လာကြတဲ့အချိန်မှာ ဘယ်လိုလက်နက်အပေးအယူပဲ ပြုလုပ်သည်ဖြစ်စေ ရုရှားနဲ့ မြောက်ကိုရီးယားတို့ကြား ဆက်ဆံရေးပိုမိုခိုင်မြဲလာမယ့်သဘော သက်ရောက်နေပါတယ်။

ယူကရိန်းခွဲထွက်ရေးဒေသတွေရဲ့ လွတ်လပ်ခွင့်ကို အသိအမှတ်ပြုတဲ့ နိုင်ငံအနည်းငယ်ထဲမှာ မြောက်ကိုရီးယားလည်းပါဝင်ပြီး ယူကရိန်းကွဲထွက်ရေးဒေသတွေကို ရုရှားက သိမ်းပိုက်ကြောင်းကြေညာချက်ကိုလည်း မြောက်ကိုရီးယားက ထောက်ခံကြောင်းပြသခဲ့ပါတယ်။

"ယူကရိန်းစစ်ပွဲကို အခွင့်ကောင်းယူပြီး မြောက်ကိုရီးယားက ရုရှားနဲ့ ဆက်ဆံရေးပိုမိုနီးစပ်အောင် ပြုလုပ်နေတာ သိသာထင်ရှားပါတယ်" လို့ အမေရိကန်အခြေစိုက် နိုင်ငံတကာလေ့လာမှုနဲ့ ဗျူဟာမြောက်စင်တာမှ 'ဗစ်တာချာ'က ကြေညာခဲ့ပါတယ်။

'ကာဘီ'ရဲ့မှတ်ချက်များအရ အမေရိကန်ဟာ လက်နက်တင်ပို့မှုများကို စောင့်ကြည့်သွားမှာဖြစ်ပေမယ့် စစ်ပွဲအပေါ် သိသိသာသာ ထိရောက်စေမှာလားဆိုတာ မသိတဲ့အတွက် ဝင်ရောက်နှောင့်ယှက်မှာတော့ မဟုတ်ကြောင်း သိရပါတယ်။

စစ်ရေးပဋိပက္ခများမဖြစ်စေရန် ပါဝင်ပူးပေါင်းချင်တဲ့နိုင်ငံများနဲ့ ပူးပေါင်းကာ ကုန်ပစ္စည်းများကို အကောက်ခွန်မှာ ထိန်းသိမ်းထားနိုင်ကြောင်း 'ဗစ်တာချာ'က ပြောပြသွားပါတယ်။

Source: Reuters
#Yangon_Media_Group

#World_Health
Published 8 November 2022

ဆောင်းရာသီရောက်လာတာနဲ့အမျှ ချောင်းဆိုးခြင်း၊ လည်ချောင်းနာခြင်း၊ နှာရည်ယိုခြင်းများ အဖြစ်များလာကြပါတယ်။

ကိုဗစ်ကပ်ရောဂါကြောင့်လည်း ယခုဆောင်းရာသီမှာ တုပ်ကွေးပိုပြီးအဖြစ်များလာနိုင်ကြောင်း ကျွမ်းကျင်သူများက သတိပေးထားပါတယ်။
မိမိဆီကထွက်လာတဲ့ ချွဲ သလိပ်အရောင်ကိုကြည့်ပြီး ကျန်းမာရေးအကြောင်း သိရှိနိုင်ပါတယ်။

နှာရည်ယိုခြင်း ချောင်းဆိုးခြင်းတို့ဟာ ခန္ဓာကိုယ်ကနေ ရောဂါပိုးမွှားတွေကို တိုက်ထုတ်တဲ့လက္ခဏာဖြစ်ကြောင်း ဒေါက်တာ'ဆာရာဘရူရာ'က ပြောကြားလိုက်ပါတယ်။

ချွဲသလိပ်ထွက်တာက ပုံမှန်ဖြစ်ပြီး အဆုတ်၊ အသက်ရှူလမ်းကြောင်းတို့မှာ ကာကွယ်ပေးပါတယ်။

ထွက်တဲ့ချွဲသလိပ်အရောင်ပေါ်မူတည်ပြီး ကျန်းမာရေးအခြေအနေကို လေ့လာနိုင်ပါတယ်။

(၁) ချွဲအကြည်ရောင်

အရောင်ကြည်တဲ့ ချွဲသလိပ်က ကောင်းတဲ့လက္ခဏာဖြစ်ပြီး ခန္ဓာကိုယ်ထဲက ခုခံပစ္စည်းတွေ သူ့အလုပ်သူ ကောင်းကောင်းလုပ်နေပါတယ်။

(၂) အဖြူရောင်

အဖြူရောင်ချွဲသလိပ်က ထူပြီးတော့ မကြည်လင်ပါဘူး။
အသက်ရှူလမ်းကြောင်းအပေါ်ပိုင်းမှာ ရောဂါပိုးဝင်ရောက်နေတဲ့ အခြေအနေဖြစ်ပါတယ်။

(၃) အဝါရောင်

ချွဲသလိပ်က ထူထဲပြီး ဝါညစ်ညစ်ဖြစ်နေရင် ဘက်တီးရီးယားပိုး ဒါမှမဟုတ် ဗိုင်းရပ်စ်ပိုး ဝင်ရောက်တဲ့အခြေအနေဖြစ်ကာ အသက်ရှူလမ်းကြောင်းအောက်ပိုင်းမှာ ဖြစ်တတ်ပါတယ်။

နောက်ရက်အနည်းငယ်အထိ အဲဒီလိုချွဲသလိပ်ဆက်ထွက်နေရင်တော့ ဆရာဝန်နဲ့ပြသင့်ပါပြ။

(၄) ပန်းရောင်

ပန်းရောင်ချွဲသလိပ်ထရင် အဆုတ်မှာရေပြည့်လာတာဖြစ်ပြီး အသက်ရှူကြပ်ခြင်းပါ ဖြစ်တတ်ပါတယ်။

(၅) အနီရောင်

အနီရောင်ချွဲသလိပ်က အစိုးရိမ်ရဆုံးအခြေအနေပါပဲ။
ချောင်းဆိုးခြင်း၊ ရင်ဘတ်ရောဂါပိုးဝင်ခြင်း၊ အဆုတ်အကျိတ်ရောင်ခြင်းတို့ကြောင့် အနီပုပ်ရောင် ဖြစ်နေတတ်ပါတယ်။

(၆) အညိုရောင်

ဆေးလိပ်အလွန်သောက်သူတွေမှာ အညိုရောင်ချွဲသလိပ် ထွက်တတ်ပါတယ်။

မီးခိုငွေ့ရှူရှိုက်ခြင်း၊ လေထုညစ်ညမ်းမှုတို့ကြောင့် အညိုရောင်ထွက်တတ်သလို အဆုတ်ရောင်ခြင်းကြောင့်လည်း ဖြစ်နိုင်တာကြောင့် ဆရာဝန်နဲ့ပြသသင့်ပါတယ်။

(၇) အနက်ရောင်

ကျေးလက်နယ်တွေဘက်ကို မကြာမကြာသွားတတ်ရင် အနက်ရောင်ချွဲသလိပ်ထွက်လာတတ်ပါတယ်။

အမည်းရောင်ဖုန်မှုန့်တွေရှူမိခြင်းကြောင့်ဖြစ်နိုင်သလို ဆေးလိပ်သောက်ခြင်းကြောင့်လည်း အနက်ရောင်ချွဲထတတ်ပါတယ်။

Source: The Sun
#Yangon_Media_Group

Published 7 Nov 2022

ပြင်ဦးလွင်တန်ဆောင်တိုင် မီးပုံးပျံ ပွဲတော်ကို နိုဝင်ဘာ ၄ရက် ကစပြီး ကျင်းပနေပါတယ်။ အဲဒီပွဲတော်ကို လူထောင်ပေါင်းများစွာ လာရောက်ဆင်နွှဲနေကြပါတယ်။

ဒီပွဲတော်ကို ကိုဗစ်ရောဂါကြောင့်မကျင်းပဖြစ်ခဲ့တာ (၂)နှစ်ရှိပြီး ယခုနှစ်မှာမှ ပြန်လည် ကျင်းပတာဖြစ်ပါတယ်။

တနင်္ဂနွေညမှာ ပြိုင်ဘက်အသင်းတွေက မီးကျည်မီးပန်းတွေတပ်ဆင်ထားတဲ့  မီးပုံပျံတွေကို လွှတ်တင်ခဲ့ကြတာ တွေ့မြင်ရပါတယ်။

ပွဲတော်ကို နိုဝင်ဘာ ၄ ရက်မှ ၈ရက်အထိ (၅)ရက်တိုင် ကျင်းပမှာဖြစ်ပါတယ်။

Video: AFP

#Pyin_Oo_Lwin

#Tazaungdaing_light_festival

#hot-air_balloon_festival

#Local_News
Published_ 7 November 2022

နိုဝင်ဘာလ(၇)ရက် တန်ဆောင်မုန်းလပြည့်နေ့မှာ ပုဂံဒေသရှိ ရွှေစည်းခုံ၊ အာနန္ဒာ၊ ဓမ္မာရံကြီးဘုရားစတဲ့ တန်ခိုးကြီးဘုရားတွေမှာ ဘုရားဖူးတွေနဲ့ပြည့်နေတယ်လို့ ပုဂံဒေသခံခရီးသွားလမ်းညွှန်ထံမှ သိရပါတယ်၊၊

 
#Yangon_Media_Group

#World_Campaign
Published 7 November 2022

အင်္ဂလိပ်ကျောင်းသူလေး'လောင်ရီမိုး'ဟာ အသက် ၁၃ နှစ်သာရှိသေးပေမယ့် ဘဝမှာ အောင်မြင်မှုများစွာရရှိထားပြီး သူ့လိုပဲမျက်မှန်တပ်ရတဲ့ကလေးတွေကို အားပေးထောက်ခံလျက်ရှိပါတယ်။

 
#Yangon_Media_Group