#Local_News
Pulished _ 3 August 2022

ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်တွင်းရေကြောင်း ပို့ဆောင်ရေး မြစ်ဝကျွန်းပေါ်ဌာနခွဲ၏ ဝါးတန်း-ဒလ(ယာဉ်ကူးတို့)လမ်းတွင် ဩဂုတ် ၁ ရက်မှစတင်၍ ယာဉ်အမျိုးအစားအလိုက် ဇက်ကူးခများ တိုးမြှင့်ကောက် ခံသွားမည်ဖြစ်ကြောင်း သိရသည်။

ယင်းသို့ ပြေးဆွဲပေးရာတွင် နံနက် ၇နာရီမှစတင်ပြီး တစ်နာရီတစ်ခေါက်နှုန်းဖြင့် ပြေးဆွဲပေးလျက်ရှိရာ ညနေ ၆နာရီကျော်အထိ ကားများအပေါ်မူတည်ကာ ပြေးဆွဲပေးလျက်ရှိကြောင်း သိရသည်။

ဝါးတန်း-ဒလ(ယာဉ်ကူးတို့)လမ်းကို ဩဂုတ် ၁ ရက်မှစတင်၍ ခရီးသည်လက်မှတ် ယခင်ကောက်ခံလျက်ရှိသည့် ငွေကျပ် ၁၀၀မှ ၂၀၀ သို့ တိုးမြှင့်ကောက်ခံပြီး တစ်တန်အောက်အိမ်စီးကားများသို့ ယခင် ကောက်ခံလျက်ရှိသည့် ငွေကျပ် ၂၅၀၀ မှ ၃၇၅၀၊ တစ်တန်နှင့် နှစ်တန်ကြားယာဉ်များကို ယခင်ကောက်ခံလျက်ရှိသည့် ငွေ ကျပ် ၃၀၀၀ မှ ၄၅၀၀၊ နှစ်တန်နှင့် သုံးတန်ကြားယာဉ်များကို ယခင် ကောက်ခံလျက်ရှိသည့် ငွေကျပ် ၄၀၀၀ မှ ငွေ ကျပ် ၆၀၀၀၊ သုံးတန်နှင့် ခြောက်တန်ကြား ယာဉ်များကို ယခင်ကောက်ခံလျက်ရှိသည့် ငွေကျပ် ၅၀၀၀ မှ ငွေကျပ် ၇၅၀၀ သို့ ပြောင်းလဲကောက်ခံသွားမည်ဖြစ်ကြောင်း သိရသည်။

ခြောက်တန်နှင့် ၁၂ တန်ကြားယာဉ်များကို ယခင်ကောက်ခံလျက်ရှိသည့် ငွေကျပ် ၆၀၀၀ မှ ငွေကျပ် ၉၀၀၀သို ပြောင်းလဲကောက်ခံသွားမည်ဖြစ်ပြီး စက်ဘီးငွေကျပ် ၁၀၀၊ ဆိုက်ကား ငွေကျပ် ၂၀၀၊ မော်တော် ဆိုင်ကယ် ငွေကျပ် ၈၀၀၊ နောက်တွဲ ယာဉ်သုံးဘီး ငွေကျပ် ၁၀၀၀၊ နောက်တွဲယာဉ်လေးဘီး ငွေကျပ် ၂၀၀၀ တို့ကို မူလအတိုင်းကောက်ခံသွား မည်ဖြစ်ကြောင်း သိရသည်။

ဝါးတန်း-ဒလကားကူးဇက် ရေယာဉ်သည် နေ့စဉ် ခေါက်ရေ ၁၂ ခေါက်ခွဲ ပြေးဆွဲလျက်ရှိပြီး ယာဉ်အစီးရေ နေ့စဉ် ၄၀၀ ခန့် ပို့ဆောင်ပေးလျက်ရှိကြောင်းသိရသည်။

ဒလမှ ဝါးတန်းသို့ ဇက်ရေယာဉ်ဖြင့် လိုက်ပါမည့် ယာဉ်များအား ဆိပ်ကမ်းတံတားဖြတ်သန်းခအဖြစ် ယာဉ်အကြီးအသေး အမျိုးအစားပေါ် မူတည်ကာ မြန်မာ့ဆိပ်ကမ်း အာဏာပိုင်ဌာနက ကောက်ခံလျက်ရှိပြီး ပြည်တွင်းရေကြောင်း ပို့ဆောင်ရေးဌာနအနေဖြင့် ခရီးသည်ခနှင့် ယာဉ်ခကို ရေယာဉ်ပေါ်တွင်သာ တာဝန်ကျ ဝန်ထမ်းကိုယ်တိုင် လိုက်လံ၍ ယာဉ်တစ်စီးချင်းစီအလိုက် ကောက်ခံလျက်ရှိကြောင်း သိရသည်။

ymg/NN
#Yangon_Media_Group

#Local_News
Published -3 August 2022

တနင်္သာရီမြစ်ဝှမ်း ရေအားလျှပ်စစ်စီမံကိန်း ၄ ခုအား မဏာမစူးစမ်းလေ့လာမှုများဆောင်ရွက်၍ ပုဂ္ဂလိကရင်းနှီးမြှုပ်နှံမှုဖြင့် ဖြစ်မြောက်နိုင်စွမ်းလေ့လာခြင်းလုပ်ငန်း ဆောင်ရွက်ရန် ပြည်တွင်းတိုင်းရင်းသားကုမ္ပဏီများကို တင်ဒါခေါ်ယူထားကြောင်း တင်ဒါစိစစ်ရေးကော်မတီ၊ လျှပ်စစ်စွမ်းအားဝန်ကြီးဌာနမှ သိရသည်။

အဆိုပါ တင်ဒါလျှောက်လွှာများကို သြဂုတ်လ တစ်ရက်နေ့မှ ၁၅ ရက်နေ့အထိ လျှောက်လွှာတစ်စောင်လျှင် ငါးသိန်းနှုန်းဖြင့်ရောင်းချပေးသွားမည်ဖြစ်ပြီး အဆိုပြုလွှာတင်သွင်းရမည့်ရက်မှာ ဒီဇင်ဘာလ ၂ ရက်နေ့တွင် တင်သွင်းရမည်ဖြစ်ကြောင်း သိရသည်။

ယင်းအပြင် ပြီးခဲ့သည့် ဇူလိုင်လတွင်လည်းပုဂ္ဂလိက ရင်းနှီးမြှုပ်နှံမှုဖြင့် ဆောင်ရွက်မည့် ဖုန်အင်ခ၊ ကဆန်ရေ၊ နမ့်မယ်ဆိုင်၊ နမ့်ကန်၊ နမ့်တဘက်(ကယား)နဲ့ အထက်ဆည်တော်ကြီး ရေအားလျှပ်စစ်စီမံကိန်းအတွက် တင်ဒါခေါ်ယူခဲ့ကြောင်း သိရသည်။

မြန်မာနိုင်ငံတွင် ၁၀ မဂ္ဂါဝပ်အထက် ထုတ်လုပ်နိုင်သည့် ရေအားလျှပ်စစ်ထုတ်စက်ရုံ ၂၇ ရုံနှင့် ၁၀ မဂ္ဂါဝပ်အောက် စက်ရုံ ၃၅ ရုံ ရှိကြောင်း အာရှဖွံဖြိုးရေးဘဏ် ADB ၏ စစ်တမ်းတွင် ဖော်ပြထားပြီး အဆိုပါ ရေအားလျှပ်စစ်စက်ရုံများမှ စုစုပေါင်း ၃၀၀၀ မဂ္ဂါဝပ်ကျော် ထွက်ရှိကြောင်း သိရသည်။

ymg/sth
#Yangon_Media_Group

#Local_News
Published_3 Aungust 2022

မလေးရှားနေ မြန်မာတစ်ဦးက သူ၏ကလေး ၃ ယောက်ကိုတံတားပေါ်ကဦးစွာပစ်ချကာ ကိုယ်တိုင်လည်းတံတားပေါ်မှ ခုန်ချသတ်သေမှု သြဂုတ်လ ၂ ရက် နံနက်ပိုင်းတွင် ဖြစ်ပွားခဲ့ကြောင်း မြန်မာလူမူကူညီရေးအသင်း (မလေးရှား)က သိရသည်။

အသက် ၃၈ နှစ်အရွယ်ရှိ အဆိုပါ အမျိုးသားက MRR2 အဝေးပြေးလမ်းမကြီး၏ တံတားပေါ်မှ ခုန်ချခြင်းမပြုမီ ကလေးများဖြစ်သော ယောက်ျားလေးနှစ်ဦးနှင့် မိန်းကလေးတစ်ဦးကို ဦးစွာပစ်ချခဲ့ကာ သူကိုယ်တိုင်လည်း ခုန်ချသတ်သေခဲ့ကြောင်း သိရသည်။

ပစ်ချခံရသော ကလေး ၃ ဦးထဲမှ သားတစ်ဦးနှင့် သမီးတစ်ဦးပွဲချင်းပြီးသေဆုံးကာ သားတစ်ဦးမှာ ပြင်းထန်ဒဏ်ရာ ရရှိခဲ့သောကြောင့် ဆလာယန်းဆေးရုံကို ပို့ဆောင်ကုသနေကြောင်း၊ ပွဲချင်းပြီး သေဆုံးခဲ့ကြသော ဖခင်ဖြစ်သူနှင့် ကလေးနှစ်ဦးတို့၏ ရုပ်အလောင်းများကို ကွာလာလမ်ပူဆေးရုံ၏ မှုခင်းဆေးကုသရေးဌာနသို့ ပို့ဆောင်ထားကြောင်း သိရသည်။

သေဆုံးသူမှာ ချင်းတိုင်းရင်းသား ဦး Cholei ဖြစ်ပြီး အသက် ၈ နှစ်အရွယ် သမီး Vadetisoh နှင့် အသက် ၆ နှစ်အရွယ် သား Vabiechose တို့ဖြစ်ကြောင်း၊ ပြင်းထန်ဒဏ်ရာ ရသွားသူမှာ အသက် ၃ နှစ်အရွယ် Shadrah Vabiechopha ဖြစ်ကြောင်းလည်း သိရသည်။

အဆိုပါအမှုကို ရာဇသတ်ကြီးပုဒ်မ ၃၀၂ အရ အမှုဖွင့်စစ်ဆေးနေပြီး မလေးရှား ရဲတပ်ဖွဲ့အနေဖြင့် ပြည်သူများထံ သတင်းအချက်အလက်များပေးဆောင်ရန် တောင်းဆိုထားကြောင်းလည်း သိရသည်။

ymg/mt
#Yangon_Media_Group

#Covid_Vaccines
Published 3 August 2022

ရောဂါပြင်းထန်စွာဖြစ်ပွားနိုင်ချေရှိပြီး အားမြှင့်ကာကွယ်ဆေး (booster)ဒုတိယအကြိမ်ထိုးနှံမယ့်သူတွေအနေနဲ့ အဆင့်မြှင့်ထုတ်လုပ်နေတဲ့ ကိုဗစ်ကာကွယ်ဆေးတွေကို မစောင့်ဆိုင်းသင့်တော့ကြောင်း ကာကွယ်ဆေးကျွမ်းကျင်ပညာရှင်များက ရိုက်တာကိုပြောပြခဲ့ပါတယ်။

အိုမီခရွန်မျိုးဗီဇကွဲကို အထူးတလည်ပစ်မှတ်ထားထုတ်လုပ်တဲ့ ကာကွယ်ဆေးတွေကို ဆောင်းဦးကာလမှာ ထိုးနှံနိုင်ဖို့ မျှော်မှန်းထားကြပါတယ်။

အမေရိကန်အပါအဝင် နိုင်ငံအများအပြားမှာ အိုမီခရွန် BA.5 မျိုးဗီဇကွဲပျံ့ပွားလျက်ရှိပြီး လက်ရှိကာကွယ်ဆေးတွေက ရောဂါဆိုးရွားခြင်းနဲ့အသက်သေဆုံးခြင်းတို့ကိုတော့ ကာကွယ်ပေးနိုင်ဆဲဖြစ်ပါတယ်။

ဗိုင်းရပ်စ်က ဗီဇပြောင်းလဲနေတာကြောင့် ဆောင်းဦးကာလမှာ မည်သည့်မျိုးဗီဇကွဲပျံ့ပွားမလဲဆိုတာ မသိရှိနိုင်ပါဘူး။

ဒါကြောင့် အားမြှင့်ကာကွယ်ဆေးထိုးဖို့လိုအပ်ရင် အခုထိုးထားသင့်ကြောင်း ဝေးလ်ကော်နယ်လ်ဆေးပညာကောလိပ်မှ အဏုဇီဝဗေဒပရော်ဖက်ဆာ ဒေါက်တာ'ဂျွန်မိုး'က အသိပေးလိုက်ပါတယ်။

အမေရိကန်မှာတော့ မူလဗိုင်းရပ်စ်အပြင် BA.4 နဲ့ BA.5 အိုမီခရွန်မျိုးနွယ်ကွဲတွေကိုပါ ပစ်မှတ်ထားကာကွယ်နိုင်မယ့် အားမြှင့်ကာကွယ်ဆေးတွေကိုထုတ်လုပ်ဖို့ တာဝန်ရှိသူများက ဖိုင်ဇာ/ဘိုင်အိုတက်ခ်နဲ့ မိုဒါနာကုမ္ပဏီတို့ကို မှာကြားထားပါတယ်။

အစိုးရက မိုဒါနာကာကွယ်ဆေး ၆၆ သန်းမှာယူထားပြီး ရှိပြီးသား ဖိုင်ဇာဘိုင်အိုတက်ခ် ၁၀၅ သန်းနဲ့ပေါင်းလိုက်ရင် ကာကွယ်ဆေးပေါင်း ၁၇၁ သန်းရှိကာ ဆောင်းဦးကာလအစောပိုင်းမှာ ထိုးနှံပေးနိုင်ဖို့မျှော်လင့်ထားပါတယ်။

အမေရိကန်အာဏာပိုင်တွေက မူလဗိုင်းရပ်စ်နဲ့ အိုမီခရွန်မျိုးဗီဇကွဲကို ပစ်မှတ်ထားကာကွယ်နိုင်မယ့် ကာကွယ်ဆေးအသစ်ကို မျှော်လင့်နေကြပြီး နောင်ထွက်ပေါ်လာနိုင်တဲ့မျိုးဗီဇကွဲတွေကိုပါ ကာကွယ်နိုင်ဖို့ မျှော်မှန်းနေကြပါတယ်။

လက်ရှိပျံ့ပွားမှုနဲ့ ကိုယ်ခံအားတာရှည်ခံခြင်းအရ အခုလက်ရှိကာကွယ်ဆေးတွေက ရောဂါဆိုးရွားနိုင်မယ့်သူတွေအတွက် အကောင်းဆုံးဖြစ်ပါတယ်။

"အိုမီခရွန်ပစ်မှတ်ထားတဲ့ ကာကွယ်ဆေးတွေက နတ်ဆေးလိုမျိုးမဟုတ်ပါဘူး၊ ကပ်ရောဂါကြီးကို ဖယ်ရှားနိုင်မယ်လို့ မယူဆသင့်ပါဘူး၊ လက်ရှိကာကွယ်ဆေးတွေထက်တော့ အနည်းငယ်ပိုသာတဲ့ သဘောရှိပါတယ်" လို့ ဒေါက်တာ'မိုး'က ဆိုပါတယ်။

အိုမီခရွန်ပစ်မှတ်ထားတဲ့ ကာကွယ်ဆေးတွေသာ တကယ်ထိရောက်ကြောင်း အထောက်အထားပြနိုင်ရင် ထိုးဖို့လူတွေအများကြီးစောင့်ဆိုင်းနေကြမှာဖြစ်ကြောင်း ကယ်လီဖိုးနီးယားမှ မျိုးဗီဇကျွမ်းကျင်ပညာရှင် ဒေါက်တာ'အဲရစ်တိုပိုလ်'က ပြောပြသွားပါတယ်။

Source: Reuters
#Yangon_Media_Group

#World_Health
Published 3 August 2022

စမတ်ဖုန်းတွေက လူတွေရဲ့ဘဝမှာ အရေးပါတဲ့အခန်းကဏ္ဍကပါဝင်လာပြီး အများစုဟာ ဖုန်းထဲကအချက်ပေးချက် အသံတွေကြောင့် အနှောင့်အယှက်ဖြစ်သလို ခံစားကြရပါတယ်။

ဒါကြောင့်ပဲ စိတ်အာရုံမနောက်အောင် ဖုန်းကိုအသံပိတ်ထားကြလေ့ရှိပါတယ်။

ဒါပေမဲ့ အသံပိတ်ထားခြင်းက တကယ်ပဲအာရုံနောက်သက်သာစေတာလား ဒါမှမဟုတ် ဖုန်းအသံပိတ်ထားစဉ် သူတို့မကြားလိုက် မသိလိုက်ရတာတွေအတွက် ပိုပြီးတွေးပူနေရမလားဆိုတဲ့ အကြောင်းကို Computers in Human Behavior ဂျာနယ်မှာ သုတေသီများဖော်ပြခဲ့ကြပါတယ်။

အဆိုပါလေ့လာချက်အတွက် သုတေသီများက iPhone အသုံးပြုသူ ၁၃၈ ဦးထံမှ အချက်အလက်များကောက်ယူခဲ့ကြပါတယ်။

သူတို့ထဲက ၄၂ ရာခိုင်နှုန်းက ဖုန်းတုန်ခါတဲ့စနစ်ထားကြပြီး ၈ ရာခိုင်နှုန်းက အသံပိတ်ထားကာ ကျန်တဲ့လူတွေကတော့ အသံဖွင့်ထားပါတယ်။

အဲဒီမှာအချို့လူတွေက မသိလိုက်မှာစိုးရိမ်တဲ့ ဝေဒနာခံစားနေရပြီး ဖုန်းအသုံးပြုတဲ့အချိန်ကို တိုင်းတာခဲ့ကြပါတယ်။

မသိလိုက်မှာစိုးရိမ်တဲ့ ဝေဒနာခံစားရသူတွေကို ဖော်ထုတ်ရာမှာ ထိုလူတွေက အကြောင်းအရာအများအပြားကို တပြိုင်တည်းပြုလုပ်ကြသူတွေဖြစ်ပြီး မအောင်မြင်ကြပါဘူး။

ဒါ့အပြင် ဆုံးဖြတ်ချက်တွေ ကတိပြုမှုတွေကို အတတ်နိုင်ဆုံးရှောင်ရှားကြတဲ့သူတွေလည်းရှိပြီး သူတို့သာ မရွေးချယ်ဘူးဆိုရင် ဒီထက်ပိုကောင်းတာမျိုး ကြုံရမှာကို မျှော်လင့်သူတွေဖြစ်ပါတယ်။

ဖုန်းကိုအသံပိတ်ထားတဲ့ လူတွေက ဖုန်းထဲကိုမက်ဆေ့စာစောင်တွေ ရောက်ရှိခြင်းရှိ/မရှိ သိချင်ကြတာကြောင့် ဖုန်းအသံဖွင့်ထားတဲ့လူတွေထက် ဖုန်းကိုမကြာခဏ ကောက်ကိုင်လေ့ရှိကြပါတယ်။

ဒါ့အပြင် ဖုန်းအသံပိတ်ထားတဲ့လူတွေဟာ အသံဖွင့်ထားတဲ့သူတွေထက်စာရင် ဆိုရှယ်မီဒီယာမှာအချိန်အကုန်ဆုံးလူတွေလည်း ဖြစ်နေပါတယ်။
ဖုန်းအသံပိတ်ထားခြင်းက အထူးသဖြင့် မသိလိုက်မှာ စိုးရိမ်တဲ့သူတွေမှာ စိတ်ဆင်းရဲမှုခံစားရတတ်ကြောင်း သုတေသီများက ထုတ်ဖော်လိုက်ကြပါတယ်။

ဒါကြောင့် အကုန်လုံးကိုအသံပိတ်ထားမယ့်အစား မိသားစုဝင်တွေနဲ့ အနီးစပ်ဆုံး မိတ်ဆွေတွေထံမှ အရေးကြီးတဲ့မက်ဆေ့အချက်ပေးသံတွေကိုတော့ လွတ်မသွားအောင် အသံဖွင့်ထားပါတယ်။

Source: The Jerusalem Post
#Yangon_Media_Group

Published 2 August 2022

တရုတ်နိုင်ငံ ကာကွယ်ရေးဝန်ကြီးဌာနသည် တပ်လှန့်ထားပြီး တန်ပြန်အရေးယူဆောင်ရွက်မှုအဖြစ် ပစ်မှတ်ထားသည့် စစ်ဆင်ရေး တသီတတန်း စတင်တော့မယ်လို့  ကာကွယ်ရေးဝန်ကြီးဌာန ပြောရေးဆိုခွင့်ရ ဝူရှန်က ပြောကြားလိုက်ပါတယ်။ တရုတ်နိုင်ငံဟာ နိုင်ငံရဲ့ အမျိုးသားအချုပ်အခြာအာဏာနှင့် နယ်မြေတည်တံ့ခိုင်မြဲရေးကို မဆုတ်မနစ်ကာကွယ်သွားမှာ ဖြစ်တယ်လို့လည်းသူကပြောပါတယ်။

အမေရိကန် အောက်လွှတ်တော်ဥက္ကဋ္ဌ နန်စီပီလိုစီ ထိုင်ဝမ်ဒေသရောက်ရှိပြီးနောက် တရုတ်ကာကွယ်ရေးဝန်ကြီးဌာနက ယခုလိုထုတ်ဖော်ပြောကြားခဲ့တာဖြစ်ပါတယ်။

Source CGTN

Published 2 August 2022

အမေရိကန်အောက်လွှတ်တော်ဥက္ကဋ္ဌ နန်စီပီလိုစီ ထိုင်ဝမ်သို့ သွားရောက်ခဲ့ခြင်းနှင့်ပတ်သက်၍  တရုတ်နိုင်ငံက အခိုင်အမာ ဆန့်ကျင်ပြီး ပြင်းထန်စွာ ရှုတ်ချတယ်လို့ တရုတ်နိုင်ငံ နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။ အဲသလိုလုပ်ဆောင်ခြင်းအတွက် အမေရိကန်ပြည်ထောင်စုကို  ပြင်းထန်စွာ ကန့်ကွက်တယ်လို့လည်း တရုတ်ကပြောပါတယ်။

တရုတ်နိုင်ငံအနေနှင့် နိုင်ငံရဲ့ အချုပ်အခြာအာဏာနှင့် ပိုင်နက်တည်တံ့ခိုင်မြဲရေးကို မဆုတ်မနစ်စောင့်ကြပ်ကကာကွယ်ပေးရန် အတွက် လွှတ်တော်ဥက္ကဋ္ဌရဲ့ ခရီးနှင့်ပတ်သက်ပြီး လိုအပ်တဲ့ အရေးယူဆောင်ရွက်မှုတွေကို အသေအချာပြုလုပ်မှာဖြစ်တယ်လို့ တရုတ်နိုင်ငံခြားရေး ဝန်ကြီးဌာနကပြောပါတယ်။

ယခုကိစ္စကနေဖြစ်ပေါ်လာမယ့် အကျိုးဆက်တွေအားလုံးကို အမေရိကန်ဘက်နှင့် ထိုင်ဝမ်ခွဲထွက်ရေအင်အားစုတွေသာ  တာဝန်ရှိစေရမှာဖြစ်တယ်လို့လည်း ဆိုပါတယ်။

အမေရိကန်အနေနှင့် ထိုင်ဝမ်ကတ်ကိုသုံးပြီး ကစားနေတာတွေနှင့် ထိုင်ဝမ်ကိုအသုံးချပြီး တရုတ်ကို ထိန်းချုပ်နိုင်အောင်ကြိုးစာနေတာတွေကို ရပ်တန့်ဖို့ တရုတ်က ပြင်းထန်စွာတောင်းဆိုတယ်လို့လည်း တရုတ်က ပြောပါတယ်။

ထိုင်ဝမ်ကို နန်စီပီလိုစီရောက်ရှိပြီး မိနစ်ပိုင်းအတွင်းမှာ အဆိုပါကြေညာချက်ကို တရုတ်က ထုတ်ပြန်ခဲ့တာဖြစ်ပါတယ်။

အမေရိကန်ပြည်ထောင်စု အောက်လွှတ်တော်ဥက္ကဋ္ဌ နန်စီပီလိုစီဟာ တရုတ်ပြည်သူ့သမ္မတနိုင်ငံရဲ့ အပြင်းအထန်ကန့်ကွက်မှုတွေကြားထဲက ဩဂုတ် ၂ရက်ညပိုင်းက ထိုင်ဝမ်ကို ရောက်ရှိလာခဲ့တာ ဖြစ်ပါတယ်။

Source Xinhua

#Local_News
Published_2 August 2022

သြဂုတ်လ မိုးလယ်ကာလတွင် မုတ်သုန်ပြန်အားကောင်းလာပြီးမိုးပြန်ကောင်းကာ မြစ်ရေများကြီးလာနိုင်သည်ဟု မိုးလေဝသနှင့်ဇလဗေဒညွှန်ကြားမှုဦးစီးဌာနညွှန်ကြားရေးမှူးဦးလှထွန်းက YMG ကို ပြောသည်၊၊

#Yangon_Media_Group

#World_Development
Published 2 August 2022

ပြင်သစ်နိုင်ငံမာဆေးလ်မြို့မှ အသင်းအဖွဲ့အနည်းငယ်ဟာ မြို့ထဲရှိဆင်းရဲနွမ်းပါးတဲ့ ကလေးတွေကို သူတို့ရဲ့ဘဝတွေစိုပြေပြီး ကာယပိုင်းနဲ့ဉာဏပိုင်း ရင့်သန်လာစေရန် အကူအညီပေးလျက်ရှိပါတယ်။

#Yangon_Media_Group

#Local_News
Published -2 August 2022

ထမင်းဟင်းချက်တဲ့အခါ အသုံးပြုတဲ့အိမ်သုံး Gas ဈေးနှုန်းဟာ ဈေးမြင့်တက်လာဖို့ရှိတယ်လို့ Gas တင်သွင်းတဲ့ ကုမ္ပဏီကနေ သိရပါတယ်။

#Yangon_Media_Group

Published 2 August 2022

စပိန်အစိုးရက စတိုးဆိုင်တွေ၊ ယဉ်ကျေးမှုအဆောက်အဦတွေနှင့် သယ်ယူပို့ဆောင်ရေးဂိတ်စခန်းတွေမှာ လေအေးပေးစက် တွေနှင့် အပူပေးစနစ်တွေကို အသင့်အတင့်ကန့်သတ်ဖို့အစီအစဉ်တွေကို ကြေညာလိုက်ပါတယ်။  ဒါဟာ ရုရှားရဲ့ ဓာတ်ငွေ့တွေတင်သွင်းမှုကို ဥရောပသမဂ္ဂက ကန့်သတ်ဖို့ ကြိုးစားအားထုတ်မှု အစိတ်အပိုင်းတစ်ခုဖြစ်ပါတယ်။

“ ဆောင်းတွင်းမှာ အပူပေးမယ့် အပူချိန်ကို အမြင့်ဆုံး ၁၉ ဒီဂရီ ဆဲဆီယတ်စ် အနိမ့်ဆုံး ၂၇ ဒီဂရီဆဲဆီယတ် ထားကြရပါမယ်” လို့ စပိန် ဂေဟဗေဒအကူးအပြောင်းဆိုင်ရာ ဝန်ကြီး ထရေဇာ ရီဘာရာကပြောပါတယ်။

Source: AFP

#Spain_Limit_Aircon

#Russia_Gas_import

#Russia_Ukraine_crisis