#World_Politics
Published 15 November 2022

အမေရိကန်သမ္မတ'ဂျိုးဘိုင်ဒင်'နဲ့ တရုတ်သမ္မတ'ရှီကျင့်ဖင်'တို့ ပထမဆုံးအကြိမ်လူချင်းတွေ့ဆွေးနွေးခဲ့ရာမှာ ထိုင်ဝမ်အပေါ် တရုတ်တို့အတင်းအကြပ်ပြုလုပ်နေခြင်းကို 'ဘိုင်ဒင်'က ကန့်ကွက်ကြောင်းပြောကြားခဲ့ပြီး ကမ္ဘာ့ဩဇာလွှမ်းမိုးမှုယှဉ်ပြိုင်မှုအတွင်း သူတို့ရဲ့ခြားနားချက်များကို ညှိနှိုင်းရန်ရည်ရွယ်ခဲ့ကြပါတယ်။

တွေ့ဆုံမှုက ၃ နာရီနီးပါးကြာမြင့်ခဲ့ပြီး အရှေ့အလယ်ပိုင်းနဲ့ အာရှဒေသသို့ ဘိုင်ဒင်ရဲ့ကမ္ဘာလှည့်ခရီးစဉ်လည်ပတ်မှုအတွင်း အဓိကအစည်းအဝေးဖြစ်ခဲ့ပါတယ်။

သူတို့နှစ်နိုင်ငံရဲ့ စီးပွားရေးနဲ့ လုံခြုံရေးတင်းမာမှုများ မြင့်တက်နေတဲ့အချိန်မှာ တွေ့ဆုံကြတာလည်းဖြစ်ပါတယ်။

တရုတ်နဲ့ပတ်သက်လာရင် အမေရိကန်အနေနဲ့ ပြင်းပြင်းထန်ထန်ယှဉ်ပြိုင်သွားမှာဖြစ်ပေမယ့် ပဋိပက္ခတော့မဖြစ်စေချင်ကြောင်း 'ဘိုင်ဒင်'က သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။

အမေရိကန်က တရုတ်ပြည်ရဲ့ အစိုးရကိုအသိအမှတ်ပြုတဲ့အနေနဲ့ တရုတ်တစ်သွေးတစ်သံမူဝါဒကို ထောက်ခံကြောင်း၊ ထိုင်ဝမ်နဲ့ အမေရိကန်ဆက်ဆံရေးတို့ နီးစပ်အောင်ပြုလုပ်ပြီး ထိုင်ဝမ်ကျွန်းကိုတိုက်ခိုက်လာပါက အမေရိကန်က စစ်ရေးအရတုန့်ပြန်သွားမယ်လို့ ပြောကြားလိုက်ပါတယ်။

လတ်တလောမှာ တရုတ်တို့က အသံထွက်နေပေမယ့် ထိုင်ဝမ်ကိုကျူးကျော်မယ်လို့ မယုံကြည်ကြောင်းလည်း ဆိုပါတယ်။

ထိုင်ဝမ်အရေးက တရုတ်ရဲ့ အဓိကအကျိုးစီးပွားကိစ္စဖြစ်ကြောင်း၊ တရုတ်-အမေရိကန်ဆက်ဆံရေးရဲ့ နိုင်ငံရေးအခြေခံအုတ်မြစ်ဖြစ်ကြောင်း၊ ဝင်ရောက်မစွက်ဖက်သင့်တဲ့ကိစ္စဖြစ်ကြောင်း 'ရှီ'က အခိုင်အမာဆိုလိုက်ပါတယ်။

ယူကရိန်းကိစ္စမှာ ရုရှားတို့ရန်လိုမှုအကြောင်းကိုလည်း ထည့်သွင်းဆွေးနွေးခဲ့ကာ နျူကလီးယားလက်နက်ဖြင့် ခြိမ်းခြောက်တာမျိုးက လုံးဝလက်သင့်မခံသင့်ကြောင်း တညီတညွတ်ယူဆခဲ့ကြပါတယ်။

ရုရှားစစ်ပွဲကြောင့် တရုတ်အရာရှိများ ဝေဖန်ခံနေရပေမယ့် တရုတ်က ရုရှားကိုတိုက်ရိုက်ထောက်ပံ့တာမျိုးကိုတော့ ရှောင်ရှားခဲ့ပါတယ်။

ရာသီဥတုဖောက်ပြန်ခြင်း၊ ကမ္ဘာ့စီးပွားရေးအကြပ်အတည်း၊ ကျန်းမာရေးနဲ့ စားနပ်ရိက္ခာကိစ္စများမှာ အတူတကွပူးပေါင်းဆောင်ရွက်ဖို့ 'ဘိုင်ဒင်'နဲ့'ရှီ'တို့ သဘောတူညီခဲ့ကြပါတယ်။

ကမ္ဘာပေါ်မှာ တရုတ်နဲ့အမေရိကန်တို့က လေထုညစ်ညမ်းမှု အများဆုံးဖြစ်စေတဲ့နိုင်ငံများဖြစ်ပြီး အခုလိုတစ်နိုင်ငံချင်းဆောင်ရွက်မှုများက အလွန်အရေးကြီးနေပါတယ်။

ဆက်လက်ဆွေးနွေးမှုများပြုလုပ်ရန် အမေရိကန်နိုင်ငံခြားရေးဝန်ကြီး'အန်တိုနီဘလင်ကန်'ကို တရုတ်ထံစေလွှတ်ဖို့ သဘောတူခဲ့ကြပါတယ်။

ဂျီ-၂၀ ထိပ်သီးအစည်းအဝေးပွဲပြုလုပ်ရာ အင်ဒိုနီးရှားနိုင်ငံ ဟိုတယ်ကြီးတစ်ခုမှာ 'ရှီ'နဲ့'ဘိုင်ဒင်'တို့ ရင်းရင်းနှီးနှီးလက်ဆွဲနှုတ်ဆက်ခဲ့ကြပါတယ်။

နှစ်ဦးစလုံးဟာ နိုင်ငံရေးပဋိပက္ခများကို ဘေးချိတ်ပြီး အစည်းအဝေးတက်ရောက်ခဲ့ကြတာဖြစ်ပါတယ်။

Source: AP News
#Yangon_Media_Group

#Local_News
Published _15 November 2022

ရန်ကုန်တိုင်းဒေသကြီးအတွင်း လျှပ်စစ်မီးကို အများပြည်သူသို့ အချိန်ပိုင်းဖြင့်ပေးရန် စီစဉ်နေရကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်း(YESC) က သိရသည်။

"လျှပ်စစ်မီးပေးချိန်ကို အချိန်ပိုင်းနဲ့ပေးဖို့လုပ်နေတယ်၊ အခုတော့ စမ်းသပ်နေပြီ၊ လူမှုကွန်ရက်မှာ ပျံ့နေတာက ၅ နာရီ ပေး၊ ၅ နာရီ နားဆိုပြီးတော့ ဖြစ်နေတာတွေ့တယ်၊ အဲဒီလို မဟုတ်ပါဘူး၊ တကယ်လို့ အချိန်ပိုင်းပေးမယ်ဆိုရင်လည်း ၄ နာရီ ပေး၊ ၄ နာရီ နား ပုံစံမျိုးပဲ လုပ်မှာပါ"ဟု YESC တာဝန်ရှိသူက ပြောသည်။

နိုဝင်ဘာလ ၃ ရက် ညပိုင်းက ဘီလူးချောင်းရေအားလျှပ်စစ်ဓာတ်အားပေးစက်ရုံများမှထွက်ရှိသည့် လျှပ်စစ်ဓာတ်အားပို့လွှတ်ပေးလျက် ရှိသော ၁၃၂ ကေဗွီ ဘီလူးချောင်း(၂)-တီကျစ် နှစ်ထပ်ဓာတ်အားလိုင်း၏ တာဝါတိုင်(၂)တိုင်ကို အဖွဲ့တစ်ခုက မိုင်းခွဲဖျက်ဆီးခဲ့သည့် အတွက် နိုင်ငံတော်ဓာတ်အားစနစ်သို့ ပို့လွှတ်ပေးလျက်ရှိသည့် လျှပ်စစ်ဓာတ်အား(၇၀)မဂ္ဂါဝပ်မှာ လက်ရှိတွင် လျော့နည်းလျက် ရှိကြောင်းလည်း သိရသည်။

"အဲဒီ နှစ်ထပ်တာဝါတိုင်ကို ပြန်မပြင်နိုင်သေးဘူး၊ ပြန်ပြင်လို့ကို မရနိုင်သေးတာ၊ ဝန်ထမ်းတွေက သွားပြင်ရမှာလေ၊ အခုက တာဝါတိုင်တွေကို သွားပြင်တဲ့ ဝန်ထမ်းတွေကိုလည်း သေနတ်နဲ့ ပစ်ခတ်နေတာတွေ ရှိတယ်။ တချို့ဝန်ထမ်းတွေ အသက်ပေးရတဲ့ထိ ဖြစ်တယ်။ ဒါကြောင့် ပြန်မပြင်နိုင်သေးဘူး"ဟု လျှပ်စစ်ဝန်ကြီးဌာနက တာဝန်ရှိသူက ပြောသည်။

အဆိုပါ တာဝါတိုင်များကို မိုင်းခွဲမခံရမီကလည်း ဘီလူးချောင်းရေအား လျှပ်စစ်ဓာတ်အားပေးစက်ရုံများမှ ထွက်ရှိသည့် စုစုပေါင်းဓာတ်အား (၂၄၀) မဂ္ဂါဝပ်ကို နိုင်ငံတော်ဓာတ်အားစနစ်သို့ ပို့လွှတ်ပေးလျက်ရှိသည့် အနက် ဓာတ်အားလိုင်းများဖြစ်ကြသော၂၃၀ ကေဗွီ ဘီလူးချောင်း(၂)-ရွှေမြို့မဟာဓာတ်အားလိုင်းမှ တာဝါတိုင်(၁၅)တိုင်ကို (၆) ကြိမ်၊ ၂၃၀ ကေဗွီ ဘီလူးချောင်း(၂)- တောင်ငူမဟာဓာတ်အားလိုင်းမှ တာဝါတိုင် (၆)တိုင်ကို (၄)ကြိမ်၊ ၁၃၂ ကေဗွီ ဘီလူးချောင်း(၂)-တီကျစ် နှစ်ထပ်ဓာတ်အားလိုင်းမှ တာဝါတိုင်(၂၁)တိုင်ကို (၇)ကြိမ် ထိ ဖျက်ဆီးထားကြသေးကြောင်း လျှပ်စစ်ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

လက်ရှိတွင် ရန်ကုန်အပါအဝင် မြို့ကြီးများတွင် လျှပ်စစ်ဓာတ်အား ပြတ်တောက်မှုများ ဖြစ်ပေါ်လျက် ရှိနေကြောင်း သိရသည်။

#Yangon_Media_Group

#Local_News
Published_15 November 2022

တောင်ကိုရီးယားနိုင်ငံသို့ EPS စနစ်ဖြင့် မြန်မာအလုပ်သမား ၁၀၀ ကျော်ထပ်မံစေလွှတ်မည်ဖြစ်ကြောင်း ပြည်ပအလုပ်အကိုင်အေဂျင်စီ (POEA) မှ သိရသည်။

အဆိုပါနိုင်ငံသို့ နိုဝင်ဘာ ၂၃ ရက်တွင် Regular ( ကုန်ထုတ် ၊ စိုက်ပျိုး/မွေးမြူရေးနှင့် ဆောက်လုပ်ရေး) လုပ်ငန်းများ လုပ်ကိုင်ရန် မြန်မာအလုပ်သမား ၇၃ ဦး ၊ Re-entry (ကုန်ထုတ်) အလုပ်သမား ၃၉ ဦး ပို့ဆောင်ပေးမည်ဖြစ်ကြောင်း သိရသည်။

ယင်းအပြင် စိုက်ပျိုးရေးနှင့်မွေးမြူရေးလုပ်ငန်းတွင် လုပ်ကိုင်ရန် လုပ်သား ၁ ဦး၊ ဆောက်လုပ်ရေးလုပ်ငန်းများတွင် လုပ်ကိုင်ရန်လုပ်သား ၇ ဦး ၊ ကုန်ထုတ်လုပ်သား ၂၄ ဦးကို ထပ်မံစေလွှတ်ရန်စီစဉ်ထားကြောင်း သိရသည်။

အလားတူ အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလ အစပိုင်းတွင် Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၁၃၆ ဦးကို ပိုဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။

#ymg/STH
#Yangon_Media_Group

#Local_News
Published _15 November 2022

တိုင်းရင်းသားလက်နက်ကိုင်အဖွဲ့များနှင့် သဘောတူ ညီချက်တစ်ခုကို ဒီဇင်ဘာလအတွင်း ရရှိနိုင်မည် ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

"နိုင်ငံတော်ဝန်ကြီးချုပ်ကလည်း ပြီးခဲ့တဲ့ ရက်ပိုင်းက အစည်းအဝေးမှာ ပြောခဲ့ပြီးပါပြီ၊ ကျွန်တော်တို့လက်ရှိလုပ်ဆောင်နေတဲ့ ငြိမ်းချမ်းရေးနဲ့ပတ်သက်ပြီးတော့ တိုင်းရင်းသားလက်နက်ကိုင် အဖွဲ့တွေနဲ့ ဆက်လက်ဆွေးနွေးနေပါတယ်။ ထိုက်သင့်သလောက် တိုးတက်မှုတွေ ရှိနေပါပြီ၊ဒါကြောင့် ဒီဇင်ဘာလအတွင်း သဘောတူ ညီချက်တစ်ခု ရရှိနိုင်မယ်လို့ မျှော်လင့်ထားတာပါ"ဟု ယင်းအဖွဲ့၏ တာဝန်ရှိသူကပြောသည်။

ယခုအခါ ပြည်တွင်းငြိမ်းချမ်းရေးရရှိရန်အတွက် တိုင်းရင်းသား လက်နက်ကိုင်အဖွဲ့ ၁၀ ဖွဲ့နှင့်တွေ့ဆုံဆွေးနွေးခဲ့ပြီး ဖြစ်ရာ အဆိုပါ ဆွေးနွေးပွဲတွင် NCA လက်မှတ်ရေးထိုး ထားသည့် တိုင်းရင်းသားလက်နက်ကိုင်အဖွဲ့များ၊ လက်မှတ်ရေးထိုးထားခြင်းမရှိသေးသည့် အဖွဲ့များလည်း ပါဝင်ခဲ့ကြောင်းနှင့် ယင်းအဖွဲ့များကလည်း ငြိမ်းချမ်းရေးလမ်းကြောင်းပေါ်တွင် လျှောက်လှမ်းလိုသော သဘောထားများ ရှိကြကြောင်း သိရသည်။

#ymg/mt
#Yangon_Media_Group

#Health_Tips
Published 15 November 2022

သွားကိုက်ခြင်းက ခံစားရအခက်ဆုံးဝေဒနာတွေထဲက တစ်ခုဖြစ်ပြီး ပါးစပ်အနာပေါက်ခြင်း၊ သွားပိုးစားခြင်းတို့ကြောင့် အဖြစ်များပါတယ်။
သွားအံထဲရှိ အာရုံကြောများရောင်ရမ်းခြင်းကြောင့် သွားကိုက်ခြင်းခံစားရတာဖြစ်ပြီး သဘာဝအတိုင်း သက်သာစေမယ့်နည်းလမ်းများလည်း ရှိနေပါတယ်။

(၁) ရွှံ့စေး
ရွှံ့စေးက အဆိပ်ထုတ်ပေးနိုင်တဲ့ပစ္စည်းဖြစ်ပြီး အရေပြားမှာ သုတ်လိမ်းတဲ့အခါ အရေပြားအတွင်းပိုင်းတစ်ရှူးတွေကနေ အဆိပ်အတောက်များ စုပ်ယူသွားပါတယ်။

သွားကိုက်ခြင်းအတွက်တော့ ကိုက်ခဲတဲ့နေရာအပြင်ဘက်ကနေ ရွှံ့စေး ၁ စင်တီမီတာအထူခန့် သုတ်လိမ်းပေးပြီး ၂ နာရီခန့်ထားကာ ရေဆေးချရပါတယ်။

(၂) ရေခဲ
ရေခဲတုံးတွေက အာရုံကြောထုံစေပြီး ရောင်ရမ်းခြင်းကို သက်သာစေတဲ့ အစွမ်းသတ္တိရှိပါတယ်။

အိတ်တစ်ခုထဲမှာ ရေခဲတုံးတွေထည့်ပြီး နာကျင်ကိုက်ခဲတဲ့နေရာကို အုံပေးရပါတယ်။

ရေခဲရဲ့အအေးဓာတ်ကို ခံနိုင်ရည်ရှိတဲ့အထိ ကပ်ထားပေးသင့်ပါတယ်။

(၃) ကြက်သွန်ဖြူ
ကြက်သွန်ဖြူဟာ ရောင်ရမ်းခြင်းကိုသက်သာစေပြီး ရောဂါပိုးသေစေနိုင်တဲ့အစွမ်းသတ္တိရှိပါတယ်။

သွားကိုက်ဝေဒနာအတွက် ကြက်သွန်ဖြူ ၂ မွှာ ၃ မွှာခန့်ကို ထောင်းပြီး နာကျင်တဲ့နေရာကို သုတ်လိမ်းပေးပါ။

၄ - ၅ မိနစ်ခန့်ကြာပြီးနောက် ထွေးထုတ်လိုက်၊ ထောင်းထားတဲ့ နောက်ထပ်ကြက်သွန်ဖြူတွေ ထပ်လိမ်းလိုက်ဖြင့် ပြုလုပ်သွားနိုင်ပါတယ်။

ကြက်သွန်ဖြူ မတည့်တဲ့သူတွေကတော့ ဒီနည်းလမ်းကို မပြုလုပ်သင့်ပါဘူး။

အထက်ပါနည်းလမ်းတွေဟာ သွားကိုက်ခြင်းကိုသက်သာစေတဲ့ သဘာဝနည်းလမ်းတွေဖြစ်ပေမယ့် ယာယီသာအသုံးဝင်နိုင်ပါတယ်။

တကယ့်ဝေဒနာကုသဖို့အတွက်တော့ သွားဆရာဝန်များထံ သွားရောက်ပြသသင့်ပါတယ်။

Source: Soo Healthy
#Yangon_Media_Group

#Local_News
Published_15 November 2022

လာမည့်ဒီဇင်ဘာလတွင် ရန်ကုန်တိုင်းရွှေလုပ်ငန်းရှင်များအသင်းမှ အခမဲ့ရွှေပညာသင်တန်း ဖွင့်လှစ်သွားမည်ဖြစ်ကြောင်း သိရသည်။

ရန်ကုန်တိုင်းဒေသကြီးရွှေလုပ်ငန်းရှင်များအသင်း နိုဝင်ဘာလပါတ် အစည်းအဝေးတွင် အခမဲ့ ရွှေပညာဒါနသင်တန်း ဖွင့်လှစ်ရန် ဆုံးဖြတ်ခဲ့ခြင်းဖြစ်ကြောင်းသိရသည်။

YGEA မှ နှစ်စဉ် ကျင်းပမြဲဖြစ်သည့် အခမဲ့ ရွှေပညာဒါနသင်တန်းကို ဒီဇင်ဘာလ ၁ ရက်နေ့မှ ၁၀ ရက်နေ့အထိ ဖွင့်လှစ်သွားမည်ဖြစ်ကြောင်း၊ ယင်းအပြင် အသင်းရုံးခန်းတွင် ရွှေပြန်လည်ရောင်းချနိုင်ရေးကိုလည်း အကောင်အထည်ဖော်ဆောင်ရွက်သွားမည်ဖြစ်ကြောင်း သိရသည်။

လက်ရှိတွင် ကမ္ဘာ့ရွှေဈေးမြင့်တက်လာမှုကြောင့် အသင်းမှထုတ်ပြန်ပေးနေသည့် ရည်ညွှန်းဈေးနှုန်းမှာလည်း သိန်း ၂၀ အထက်တွင်ရှိနေပြီး ပြည်တွင်းရွှေဈေးကွက်အတွင်းမှာလည်း အခေါက်ရွှေတစ်ကျပ်သား ၂၆ သိန်းအထက်တွင်ရှိနေကာ အဝယ်ထက်အရောင်း ပိုများနေကြောင်း သိရသည်။

#ymg/sth
#Yangon_Media_Group

#World_Health
Published 15 November 2022

လွန်ခဲ့တဲ့ ၈ နှစ်က ကင်ဆာဖြစ်ပွားပြီး နှာခေါင်းဆုံးရှုံးခဲ့ရတဲ့ ကလေးအမေတစ်ဦးဟာ အခုနောက်ဆုံးမှာတော့ လက်မောင်းမှာ နှာခေါင်းအသစ်ရရှိသွားပြီဖြစ်ပါတယ်။

'ကာရင်း'လို့ အမည်ရတဲ့ ပြင်သစ်အမျိုးသမီးဟာ ၂၀၁၃ ခုနှစ်မှာ နှာခေါင်းအတွင်းပေါက်ကင်ဆာဖြစ်ပွားတာကြောင့် တကယ့်နှာခေါင်းကို ဖြတ်တောက်ပစ်ခဲ့ရပါတယ်။

ခွဲစိတ်မှုကြောင့် အသက်ဆက်ရှင်ခဲ့ရပေမယ့် ကျန်ခဲ့တဲ့အမာရွတ်ကြောင့် အိမ်ထဲကနေ မထွက်ရဲတော့ဘဲ အနံ့အာရုံလည်း ပျောက်ဆုံးသွားခဲ့ပါတယ်။

ကင်ဆာမကုသခင်မှာ ဆရာဝန်များက 3D ပုံစံရိုက်နှိပ်ထားတဲ့ လူလုပ်နှာခေါင်းပုံသဏ္ဍာန်ဇီဝရုပ်တစ်ခုကို ဖန်တီးကာ အေးခဲထားခဲ့ပါတယ်။
ယခုနှစ်မှာတော့ ထိုနှာခေါင်းကို လက်မောင်းအရေပြားအောက်မှာ ထည့်သွင်းခဲ့ကာ ၂ လကြာတဲ့အခါမှာ ဆဲလ်တွေနဲ့ သွေးကြောများဖြစ်ပေါ်လာပါတယ်။

နောက်နှစ်လမှာတော့ နှာခေါင်းကို မျက်နှာမှာထည့်သွင်းလိုက်ကာ အထဲကသွေးကြောတွေက နားထင်ရှိသွေးကြောတွေနဲ့ ချိတ်ဆက်သွားပါတယ်။

လူနာရှင်က နှာခေါင်းအသစ်ဖြစ်ပေါ်လာတဲ့အပေါ် စိတ်လှုပ်ရှားမိပြီး အသက်ကောင်းကောင်းရှူနိုင်ပြီဖြစ်ပါတယ်။

"အခုဆိုရင် အသက်ကောင်းကောင်းရှူနိုင်ပြီး အနံ့ပြန်ရနေပါပြီ၊ အပြင်ကိုလည်း သွားလာလို့ရပါပြီ၊ အံ့ဩစရာကောင်းပါတယ်၊ ဒီဇီဝရုပ်ပစ္စည်းက ကျွန်မရဲ့နောက်ဆုံးကူကယ်ရာဖြစ်ခဲ့ပြီး သုတေသနတွေပြုလုပ်ခဲ့တဲ့ ဆရာဝန်တွေကို တကယ်လေးစားပါတယ်" လို့ ပြောကြားခဲ့ပါတယ်။

လူနာဟာ ၂၀၁၃ ခုနှစ်က နှာခေါင်းတွင်းကင်ဆာဖြစ်နေကြောင်း သိရှိခဲ့ပြီး ဓာတုကုထုံးများ ဓာတ်ရောင်ခြည်များနဲ့ ကုသခဲ့ပါတယ်။
ကင်ဆာပျောက်ကင်းသွားပေမယ့် နှာခေါင်းအစိတ်အပိုင်းတော်တော်များများ ပျက်စီးသွားခဲ့ပါတယ်။

အစတုန်းက ပျက်စီးသွားတဲ့တစ်ရှူးနေရာတွေမှာ အရေပြားနဲ့အစားထိုးဖို့ ဆရာဝန်တွေကြိုးစားခဲ့ပေမယ့် အလုပ်မဖြစ်ခဲ့ပါဘူး။
ခွဲစိတ်ဆရာဝန်တွေဖြစ်တဲ့ ဒေါက်တာ'အက်ညက်ဒူပရက်ဘိုရီစ်'နဲ့ ဒေါက်တာ'ဘင်ဂျမင်ဗယ်လာရီ'တို့က နှာခေါင်းပြန်ပေါက်လာအောင် ကြိုးစားကြည့်ဖို့ အကြံပြုခဲ့ကြပါတယ်။

လက်မောင်းအရေပြားက မျက်နှာလိုပါးလွှာတာကြောင့် လက်မောင်းမှာ နှာခေါင်းပုံစံပစ္စည်းတပ်ဆင်ခဲ့တာဖြစ်ပါတယ်။

၂ လလောက်အကြာမှာတော့ နှာခေါင်းဆီပြောင်းတပ်လို့ရလောက်တဲ့အထိ ဖွံ့ဖြိုးလာခဲ့ပါတယ်။

နှာခေါင်းပုံစံထဲက သွေးကြောတွေကို မျက်နှာရှိသွေးကြောများနဲ့ချိတ်ဆက်ဖို့ သိပ္ပံပညာရှင်များက အနုကြည့်မှန်ဘီလူးဖြင့် လုပ်ဆောင်ခဲ့ကြပါတယ်။

ဒီပစ္စည်းနဲ့ဆိုရင် ခွဲစိတ်မှု ၂ ခုပြုလုပ်ပြီး ကျေနပ်စရာရလာဒ်ရရှိအောင် ဆောင်ရွက်နိုင်မှာဖြစ်ကြောင်း ဆရာဝန်များကဆိုပါတယ်။

Source: Daily Mail
#Yangon_Media_Group

#Myanmar_News
Published 15 Nov 2022

ရန်ကုန်တိုင်းဒေသကြီး အင်းစိန်ဗဟိုအကျဉ်းထောင်တွင် အောက်တိုဘာ ၁၉ရက်က ပါဆယ်ထုတ်အတွင်း မိုင်းထည့် ဖောက်ခွဲမှုကျူးလွန်ခဲ့သူအချို့ကို ဖမ်းဆီးရမိပြီလို့ နစက,က သတင်းထုတ်ပြန်ပါတယ်။

သက်ဆိုင်ရာက ကျူးလွန်သူများ ဖော်ထုတ်ဖမ်းဆီးရရှိရေးအတွက် အသွင်ယူသတင်းရယူ စုံစမ်းထောက်လှမ်းခြင်းနှင့် ခိုင်လုံသည့် လုံခြုံရေး မှတ်တမ်း အထောက်အထားများကို အခြေခံကာရရှိလာသော သတင်းတွေကို ကွင်းဆက်မပြတ် အပူတပြင်း လိုက်လံစုံစမ်းခဲ့ရာ အင်းစိန်ဗဟိုအကျဉ်းထောင်အား ဖောက်ခွဲမှုကျူးလွန်စဉ် မှတ်တမ်းတင် VIDEO ရိုက်ကူးခဲ့ပြီး လူမှုကွန်ရက် Social Media ပေါ်တွင် ထုတ်လွှင့်ဖော်ပြခဲ့သူ ဒဂုံမြို့သစ်(အရှေ့ပိုင်း) မြို့နယ်၊ (၁၃၁)ရပ်ကွက်၊ မြတ်လေးလမ်း၊ အမှတ်(၂၈၀)နေ ချမ်းမြေ့သူ(ခ)ဂျူးဂျူး(ခ)JULU (၂၅)နှစ် (ဘ)ဦးအောင်ကြီးအား အောက်တိုဘာလ ၂၅ ရက်နေ့ ည ၆ နာရီ ၂၀ မိနစ်အချိန်တွင် ဒဂုံမြို့သစ် (အရှေ့ပိုင်း)မြို့နယ်၊ မင်းရဲကျော်စွာလမ်း၊ ဒဂုံတက္ကသိုလ် မှတ်တိုင်၌ စတင်ဖမ်းဆီးရမိခဲ့တယ်လို့သိရပါတယ်။

ဖမ်းဆီးရမိသူ ချမ်းမြေ့သူ(ခ)ဂျူးဂျူး(ခ)JULU က အဆိုပါ ဖောက်ခွဲမှုကို ၎င်း၏ ခင်ပွန်းဖြစ်သူ ကောင်းထက်(ခ)ဖိုးစီ(၂၅)နှစ်က ကျူးလွန်ခဲ့ကြောင်းထွက်ဆိုခဲ့တဲ့အတွက် ခင်ပွန်းဖြစ်သူ ကောင်းထက်(ခ)ဖိုးစီ(၂၅)နှစ် (ဘ)ဦးအောင်စိုးအား ဒဂုံမြို့သစ်(အရှေ့ပိုင်း)မြို့နယ်၊ (၁၃၁)ရပ်ကွက်၊ မြတ်လေးလမ်း၊ အမှတ်(၂၈၀)၌ ဖမ်းဆီးရမိခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီ နေအိမ်အတွင်း ဆက်လက်ရှာဖွေခဲ့ရာမှာ ဖောက်ခွဲမှုကျူးလွန်စဉ် အသုံးပြုခဲ့သည့် 9MM ကျည်(၃၀) တောင့်၊ ဒီတိုနေတာ(၂)ချောင်း၊ လက်လုပ်မိုင်းဖောက်ခွဲရာတွင်အသုံးပြုခဲ့သည့် A,B,C,D ခလုတ် များပါ Digital Remote Controller တစ်ခု၊ Vinric စာတန်းပါ ဓာတ်ခဲအသေးတစ်လုံး၊ Alkaline စာတန်းပါ ဓာတ်ခဲအသေးတစ်လုံး၊ ပေါက်ကွဲမှုဖြစ်ပွားမှုအား Video ရိုက်ကူးရာတွင် အသုံးပြုသည့် ဖုန်းနံပါတ် 09-750048060 ၊ 09-950357050 Sim Card ၂ ကတ်ပါ Tecno Pova Neo အမျိုးအစား နက်ပြာရောင်ဖုန်းတစ်လုံး၊ Sim Card ၂ ကတ်ပါ Oppo A 5s အမျိုးအစား အနက်ရောင်ဖုန်းတစ်လုံး နှင့် ပြစ်မှုကျူးလွန်စဉ်က ကောင်းထက်(ခ) ဖိုးစီနှင့် ချမ်းမြေ့သူ(ခ) ဂျူးဂျူး(ခ) JULU တို့ ၂ ဦး ဝတ်ဆင်ခဲ့သည့်အဝတ်အစားများကို သိမ်းဆည်းရမိကြောင်း သိရှိရပါတယ်။

ကောင်းထက်(ခ) ဖိုးစီသည် ၂၀၂၂ ခုနှစ် ဧပြီလအတွင်း Facebook လူမှုကွန်ရက်စာမျက်နှာ အသုံးပြု၍ “PDF Brother” Page မှသိခဲ့သည့် “စွန်ရဲ”အမည်ခံ အမျိုးသမီး(ဖမ်းဆီးရန်ကျန်)က Signal မှ ဆက်သွယ်ကာ ၎င်းအား “Special Task Agency Of Burma (STA) အထူးတာဝန် လုပ်ငန်းအဖွဲ့တွင် အဖွဲ့ဝင်အဖြစ် လက်ခံကာ လစဉ်တစ်သိန်းကျပ်ရရှိခဲ့ပါတယ်။ ၂၀၂၂ ခုနှစ်၊ ဇွန်လနှင့် ဩဂုတ်လများအတွင်း ၎င်းတို့အဖွဲ့ဝင်များအကြား လက်နက်ခဲယမ်းများအား သယ်ဆောင်ခြင်း၊ ပို့ဆောင်ပေးခြင်းများ ပြုလုပ်ပေးခဲ့ကြောင်းနှင့် ဇနီးဖြစ်သူ ချမ်းမြေ့သူ(ခ)ဂျူးဂျူး(ခ) JULU ကိုလည်း STA ရဲ့ အဖွဲ့ဝင်အဖြစ် အောက်တိုဘာလ ၁ ရက်နေ့တွင် ဝင်ရောက်စေခဲ့တယ်လို့ သတင်းမှာဖော်ပြထားပါတယ်။

အောက်တိုဘာလ ၁၉ ရက်နေ့ နံနက် ၇ နာရီအချိန်တွင် ကောင်းထက်(ခ) ဖိုးစီသည် လက်လုပ်မိုင်းများထည့်ထားတဲ့ အထုပ်ကို အငှားယာဉ်ဖြင့်တင်ဆောင်ကာ ကျော်ဟိန်း (ဖမ်းဆီးရန်ကျန်)နှင့် ချိန်းဆိုထားသည့် အင်းစိန်မြို့နယ်၊ ပေါက်တောဝမီးပွိုင့်အနီးရှိ ဒါရ်ကာဗလီသို့ သွားရောက်ခဲ့ပြီးနောက် ဗလီသို့ ရောက်ရှိချိန်တွင် ကျော်ဟိန်းနှင့်အတူ လက်လုပ်မိုင်းများဖြင့် ပါဆယ်ထုပ်ပြုလုပ်ရန် မုန့်များနှင့် တစ်ရှူးများဝယ်ယူ၍ ပါဆယ်ထုပ်များ ပြုလုပ်ခဲ့ပြီး ပါဆယ်ထုပ်များအတွင်း၌ လက်လုပ်မိုင်းများတပ်ဆင်ခြင်းအား ဆောင်ရွက်ခဲ့ကြောင်း သူက ထွက်ဆိုတယ်လို့သိရပါတယ်။

အဲဒီနောက် ကောင်းထက်(ခ)ဖိုးစီက ချမ်းမြေ့သူ(ခ)ဂျူးဂျူး(ခ)JULU အား Video ရိုက်ကူးရန် သတိပေးပြီးနောက် မြင့်မိုရ်လမ်းအတွင်းမှနေ၍ အဝေးထိန်း Remote Controller အားနှိပ်၍ ဖောက်ခွဲခဲ့ရာမှာ ထောင်ထားသည့် လက်လုပ်မိုင်း ၃ လုံးအနက် ဝင်ပေါက်အနီးရှိ အမှိုက်ပုံး ပေါ်နှင့် ပါဆယ်လက်ခံသည့်ဌာန ကောင်တာပေါ်တို့တွင် ထောင်ထားခဲ့သည့် လက်လုပ်မိုင်း ၂ လုံးသာ ပေါက်ကွဲခဲ့ပြီး ကျန်တစ်လုံးမှာ ပေါက်ကွဲခဲ့ခြင်းမရှိဘူးလို့သိရပါတယ်။

ကောင်းထက်(ခ) ဖိုးစီသည် ၂၀၂၂ ခုနှစ်၊ ဩဂုတ်လ ၁၂ ရက် မွန်းလွဲ ၂ နာရီ ၃၅ မိနစ်အချိန် သင်္ဃန်းကျွန်းမြို့နယ်၊ လေးထောင့်ကန် ရပ်ကွက်၊ ဦးဘဟန်လမ်းရှိ သင်္ဃန်းကျွန်းမြို့နယ်လူဝင်မှုကြီးကြပ်ရေးနှင့် ပြည်သူ့အင်အားဦးစီး ဌာနမှ ဦးစီးမှူး ဦးဝင်းနိုင်ထွေးနှင့် ဒုဦးစီးမှူး ဦးကျော်မိုးတို့အား သေနတ်ဖြင့် ပစ်ခတ်ခဲ့သည့် ဖြစ်စဉ်တွင် အခြေအနေ စောင့်ကြည့်ပေးခြင်းဖြင့် အကြမ်းဖက်မှုလုပ်ရပ်တွေကို ပူးပေါင်းပါဝင် ကျူးလွန်ခဲ့ကြောင်း ဖော်ထုတ်သိရှိရတယ်လို့ သတင်းထုတ်ပြန်ချက်မှာဖော်ပြထားပါတယ်။

အင်းစိန်ထောင်ပေါက်ကွဲမှုတွင် ပါဆယ်ထုပ် လာရောက်ပေးပို့သူ အမျိုးသမီး ၅ ဦး၊ စုစုပေါင်း ၈ ဦးတို့တွင် မိုင်းစထိမှန်ဒဏ်ရာများရရှိကာ အခင်းဖြစ်နေရာ၌သေဆုံးသွားခဲ့ကြပြီး အကျဉ်းထောင်ဝန်ထမ်း ၅ ဦး၊ အကျဉ်းသားများအတွက် ပါဆယ်ထုပ်လာရောက်ပေးပို့သူ အမျိုးသား ၅ ဦးနှင့် အမျိုးသမီး ၈ ဦး၊ စုစုပေါင်း ၁၈ ဦးတို့တွင် မိုင်းစထိမှန်ဒဏ်ရာများ အသီးသီးရရှိခဲ့ကြပါတယ်။

အဆိုပါဖြစ်စဉ်တွင် ဖမ်းဆီးရမိခဲ့တဲ့ ကောင်းထက်(ခ)ဖိုးစီနှင့် ချမ်းမြေ့သူ(ခ) ဂျူးဂျူး(ခ) JULU တို့ ၂ ဦးကို ဥပဒေနှင့်အညီ အရေးယူနိုင်ရေးနှင့် ၎င်းတို့နှင့် ပူးပေါင်းပါဝင်ကျူးလွန်ခဲ့ကြသည့် ဖမ်းဆီးရန်ကျန်တရားခံများအား အမြန်ဆုံးဖမ်းဆီးရမိနိုင်ရေး လုံခြုံရေးတပ်ဖွဲ့ဝင်များက ဆက်လက် ဆောင်ရွက်လျက်ရှိတယ်လို့ နစက,က သတင်းထုတ်ပြန်ထားပါတယ်။

#Ymg/knl
#Yangon_Media_Group

https://fb.watch/gNTUldIkrY/

#Local_News
Published_14 November 2022

မြို့တွင်းပြေးဆွဲနေတဲ့ YBS ယာဉ်လိုင်းတွေမှာ စီးနင်းသူခရီးသည်ဦးရေဟာ ပိုများလာတာဖြစ်တဲ့အတွက် ယာဉ်အစီးရေမလုံလောက်တာဖြစ်တယ်လို့ YRTC ကနေ သိရပါတယ်။

#Yangon_Media_Group

https://fb.watch/gNPuL12tY5/

#World_Expo
Published 14 November 2022

တရုတ်နိုင်ငံတောင်ပိုင်း ကွမ်တုံပြည်နယ် ကျူဟိုင်မြို့မှာ ပြုလုပ်တဲ့ ၁၄ ကြိမ်မြောက်နိုင်ငံတကာလေကြောင်းနဲ့ အာကာသပြပွဲမှာ ခြေ ၄ ချောင်းပါတဲ့ တရုတ်နိုင်ငံထုတ်စက်ရုပ်ခွေးကို ပထမဆုံးထုတ်ဖော်ပြသခဲ့ပါတယ်။

#Yangon_Media_Group

#Myanmar_News
Published 14 Nov 2022

နစကဟာ စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာနနှင့် ဆောက်လုပ်ရေးဝန်ကြီးဌာနတွေက ပြည်ထောင်စုဝန်ကြီး(၂)ဦးကို တာဝန်မှအနားယူခွင့်ပေးလိုက်ပြီး အဆိုပါနေရာတွေအတွက်လည်း အစားထိုးခန့်အပ်မှုတွေ ယနေ့ပြုလုပ်ခဲ့ပါတယ်။

စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဦးတင်ထွဋ်ဦးနှင့် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးရွှေလေးတို့ကို တာဝန်မှအနားယူခွင့်ပေးခဲ့ပြီး သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုးအား စိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီးတာဝန် ပူးတွဲထမ်းဆောင်ရန်နှင့် ဆောက်လုပ်ရေးဝန်ကြီးဌာန ပြည်ထောင်စုဝန်ကြီးအသစ်အဖြစ် ဦးမျိုးသန့်ကို ခန့်အပ်ကြောင်း နစက အတွင်းရေးမှူးလက်မှတ်ရေးထိုး၍ အမိန့်ကြေညာစာ(၄)ခု ယနေ့ထုတ်ပြန်ခဲ့တာဖြစ်ပါတယ်။

-ymg/knl
#Yangon_Media_Group

Published 14 Nov 2022

အမေရိကန်သမ္မတ ဂျိုးဘိုင်ဒင်နှင့် တရုတ်သမ္မတ ရှီကျင့်ဖျင်တို့ဟာ တနင်္လာနေ့က အင်ဒိုနီးရှားနိုင်ငံ ဘာလီကျွန်းမှာ တွေ့ဆုံကြပြီး ထိပ်သီးဆွေးနွေးမှုကို စတင်ခဲ့ကြပါတယ်။

နှစ်နိုင်ငံဟာ ကြီးထွားလာနေတဲ့ ခြားနားမှုတွေကို စီမံထိန်းသိမ်းနိုင်ပြီး ပဋိပက္ခတွေရှောင်ရှားနိုင်ကြလိမ့်မယ်လို့ နှစ်ဦး စလုံးက ပြောကြပါတယ်။

သူတို့ဟာ ဘာလီမှာကျင်းပမယ့် ဂျီ-၂၀ ထိပ်သီးအစည်းအဝေးမတိုင်ခင် တွေ့ဆုံကြတာဖြစ်ပြီး အစည်းအဝေးမစတင်ခင်မှာ နှစ်နိုင်ငံအလံတွေရှေ့မှာ လက်ဆွဲနှုတ်ဆက်လိုက်ကြပါတယ်။

ရာသီဥတုပြောင်းလဲခြင်းကစပြီး စားနပ်ရိက္ခာနှင့်လုံခြုံရေးတွေအထိ ကမ္ဘာလုံးဆိုင်ရာ စိန်ခေါ်မှုတွေကို တရုတ်နှင့်အမေရိကန်ဟာ ဖြေရှင်းဖို့ အဓိကျတဲ့ အခန်းကဏ္ဍကနေ ဆောင်ရွက်ရမယ်လို့ ကမ္ဘာကြီးက မျှော်လင့်ထားတယ် လို့ဘိုင်ဒင်ကပြောပါတယ်။

တရုတ်-အမေရိကန်ဆက်ဆံရေး လက်ရှိအနေအထားက ကျွန်တော်တို့အားလုံးအတွက် စိတ်ပူပန်မှုဖြစ်စေပါတယ်။ အနေအထားဟာ နှစ်နိုင်ငံပြည်သူတွေရဲ့ အကျိုးစီးပွားနှင့် ကိုက်ညီမှုမရှိသလို နိုင်ငံတကာ လူ့အသိုက်အဝန်းရဲ့ မျှော်လင့်ထားမှုတွေရဲ့ မျှော်လင့်ချက်တွေအပေါ်မှာလည်း ကျေနပ်စရာမကောင်းပါဘူးလို့ ရှီကျင့်ဖျင်က ပြန်လည် ဆွေးနွေးခဲ့ပါတယ်။

ရုပ်သံကြည့်ရန်>>>>https://fb.watch/gN_QahC6Gy/

Source: AFP

#Biden_Xi_Summit

#Bali_US_China_Summit

#G-20_Bali