https://fb.watch/gQoktv_BNi/

#Local_News
Published_16 November 2022

ဘုရားသုံးဆူနယ်မြေတွင်ရှိသော သပြုမိုင်းတွင်းကို နစကဘက်က တပ်ဘက်က တိုက်လေယာဉ်များဖြင့် ဗုံးကြဲတိုက်ခိုက်ခဲ့သည်ဆိုသော သတင်းများအပေါ် နစက သတင်းထုတ်ပြန်ရေးအဖွဲ့ ခေါင်းဆောင်၊ပြန်ကြားရေးဝန်ကြီးဌာန ဒုဝန်ကြီး ဗိုလ်ချုပ်ဇော်မင်းထွန်း က ယခုကဲ့သို့ တုန့်ပြန်ပြောကြားလိုက်သည်။

#Yangon_Media_Group

#Local_News
Published _ 16 november 2022

ရန်ကုန်တိုင်းအတွင်း၌ နေ့စဉ်ပြေးဆွဲပေးလျက်ရှိသည့် ခရီးသည်တင် YBS ကားများပေါ်တွင် ခါးပိုက်နှိုက်ခံရခြင်းနှင့်လုယက်ခံရခြင်းများ ဖြစ်ပွားလျက်ရှိနေသဖြင့် ကြုံတွေ့လာရပါက ပြစ်မှုကျူးလွန်သူအား အမြန်ဆုံးဖမ်းဆီးရမိရေးအတွက် ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC)နှင့်နီးစပ်ရာရဲတပ်ဖွဲ့စခန်းများသို့ အမြန်ဆုံးဆက်သွယ်အကြောင်းကြားကြရန် YRTC ရဲ့တွဲဖက်အတွင်းရေးမှူး ဦးလျန်ကျင့်မန်က တိုက်တွန်းခဲ့သည်။

"ခရီးသည်တွေက သက်ဆိုင်ရာကို သူတို့ရရှိတဲ့ အချက်အလက်တွေ ဥပမာ ခါးပိုက်နှိုက်တွေသုံးတဲ့ Taxi နံပါတ်လိုမျိုး အချက်အလက်တွေကို အကြောင်းကြားရပါမယ်။ ခရီးသည်တွေအနေနဲ့ သူတို့ရရှိတဲ့ သတင်းအချက်အလက်တွေကို YRTC ဒါမှမဟုတ် ရဲတပ်ဖွဲ့ကိုပေးပို့ပြီး ပူးပေါင်းဆောင်ရွက်ကြဖို့ တိုက်တွန်းလိုပါတယ်"ဟု ၎င်းကဆိုခဲ့သည်။

ခရီးသည်တင် YBS ကားများပေါ်၌ ခါးပိုက်နှိုက်ခြင်း၊လုယက်ခြင်းများအား ရဲတပ်ဖွဲ့နှင့် YRTC တို့ ပူးပေါင်း၍ အချိန်နှင့်တစ်ပြေးညီစုံစမ်းဖော်ထုတ် အရေးယူခြင်းများဆောင်ရွက်လျက်ရှိကြောင်း သိရသည်။

ဒါ့အပြင် YBS မှတ်တိုင်အချို့တွင်လည်း YRTC မှ ယာဉ်စည်းကမ်းထိန်းသိမ်းရေးအဖွဲ့များက စောင့်ကြပ်ကြည့်ရှုနေသကဲ့သို့ ခရီးသွားများအား အသိပညာပေးခြင်းများကို ပြုလုပ်လျက်ရှိကြောင်း သိရသည်။

ပြီးခဲ့သည့် နိုဝင်ဘာလ ၁၀ ရက်တွင်လည်း ကမာရွတ်မြို့နယ်၊အမှတ်(၃)ရပ်ကွက်၊လှည်းတန်းလမ်းဆုံနှင့်စမ်းချောင်းမြို့နယ်၊မြေနီကုန်းတစ်ဝိုက်တွင် အုပ်စုဖွဲ့ခါးပိုက်နှိုက်မှုကျူးလွန်သူ ၁၁ ဦးအား ဖမ်းဆီးရမိခဲ့သည်ဟု နစက၏ ထုတ်ပြန်ချက်များအရ သိရှိရသည်။

#ymg/NN
#Yangon_Media_Group

#Local_News
Published_16 November 2022

လက်ရှိ၂၀၂၂ - ၂၀၂၃ ဘဏ္ဍာနှစ်အတွင်း ဧပြီလ ၁ ရက်မှ အောက်တိုဘာလကုန်ထိ ၇ လတာကာလအတွင်း မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု ပမာဏ အမေရိကန်ဒေါ်လာသန်း ၁၄၀၀ ကျော် ရှိကြောင်း မြန်မာနိုင်ငံ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြား မှု ဦးစီးဌာန (DICA) ၏ စာရင်းများတွင် ဖော်ပြထားသည်။

၂၀၂၁ ခုနှစ် အောက်တိုဘာလမှ ၂၀၂၂ ခုနှစ် မတ်လကုန်အထိ မီနီဘတ်ဂျက်ကာလအတွင်း ပြည်ပရင်းနှီးမြှုပ်နှံမှုများထဲတွင် ဝန်ဆောင်မှုကဏ္ဍ၊ စက်မှုကဏ္ဍ အတွက် ရင်းနှီးမြှုပ်နှံမှု ကန်ဒေါ်လာ သန်း ၆၅၀ ခန့် ရှိခဲ့ကြောင်း လည်း အဆိုပါ စာရင်းများတွင် ဖော်ပြထားသည်။

ယင်းတွင် စွမ်းအင်ကဏ္ဍ ရင်းနှီးမြှုပ်နှံမှု ကန်ဒေါ်လာ သန်း ၈၁၀ ကျော်၊ဝန်ဆောင်မှုကဏ္ဍ ရင်းနှီးမြှုပ်နှံမှု ကန်ဒေါ်လာသန်း ၄၁၀ ကျော် နှင့် ကုန်ထုတ်လုပ်မှုကဏ္ဍ ရင်းနှီးမြှုပ်နှံမှု မှာ ကန်ဒေါ်လာ သန်း ၁၈၀ ခန့်ထိ ရှိခဲ့ကြောင်း၊စင်္ကာပူနိုင်ငံက လုပ်ငန်း ၁၄ ခု ၊ တရုတ်ကလုပ်ငန်း ၂၂ ခု ရှိကြောင်းလည်း အဆိုပါ စာရင်းများတွင် ဖော်ပြထားသည်။

#ymg/mt
#Yangon_Media_Group

#Local_News
Published_16 November 2022

ဒိန်းမတ်နိုင်ငံအစိုးရ၏ အသေးစားနှင့်အလတ်စားစီးပွားရေးလုပ်ငန်းများဖွံ့ဖြိုးရေး အထောက်အပံ့ Responsible Business Fund – RBF က မြန်မာ့အသေးစားနှင့် အလတ်စားအတွက် ကျပ်သိန်း ၄၀၀ ထောက်ပံ့ပေးသွားမည်ဖြစ်ကြောင်း အသိပေးထုတ်ပြန်ထားသည်။

RBF ဆိုသည်မှာ ဒိန်းမတ်နိုင်ငံကနေ မြန်မာနိုင်ငံဖွံ့ဖြိုးတိုးတက်ရေးအတွက် အထောက်အပံ့ပေးနေသည့် အစီအစဉ်များထဲမှတစ်ခုဖြစ်ပြီး ၂၀၁၇ ခုနှစ် ဩဂုတ်လတွင် စတင်ဖွဲ့စည်းခဲ့ခြင်း ဖြစ်သည်။

ယခုအခါ RBF-Myanmar အနေဖြင့် မြန်မာနိုင်ငံရှိ အသေးစားနှင့် အလတ်စားစီးပွားရေးလုပ်ငန်းများ (MSMEs) ဖွံ့ဖြိုးတိုးတက်လာစေရန် ရည်ရွယ်၍ စွမ်းအင်အလေအလွင့်လျော့ချခြင်း (Energy Efficiency) နှင့် ပြန်လည်ပြည့်ဖြိုးမြဲစွမ်းအင် (Renewable Energy) စသည့် ဧရိယာ (၂) ခုနှင့် ပတ်သတ်သော စီမံကိန်းများအတွက် ထောက်ပံ့ငွေကို စီမံကိန်းတစ်ခုအတွက် ကုန်ကျငွေ၏ ၂၅ ရာခိုင်နှုန်း ၊ အများဆုံးငွေကျပ်သိန်း (၄၀၀) ထိ ထောက်ပံ့ကြေးငွေ ပေးအပ်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

ယင်းမှာ ဆဋ္ဌမအကြိမ်မြောက် အဆိုပြုလွှာခေါ်ယူခြင်းဖြစ်ပြီး ပထမအဆင့်လျှောက်လွှာများကို နိုဝင်ဘာလ ၉ ရက်မှ ဒီဇင်ဘာလ ၅ ရက်ထိ တင်သွင်းနိုင်ပြီး ရွေးချယ်ခံရသူများအား ဒီဇင်ဘာလ ၂၁ ရက်တွင် ကြေညာပေးမည်ဖြစ်ကြောင်း၊ ဒုတိယအဆင့်လျှောက်လွှာအပြည့်အစုံကို ၂၀၂၃ ခုနှစ် ဇန်နဝါရီလ ၉ ရက် နောက်ဆုံးထား တင်သွင်းရမည်ဖြစ်ပြီး ယင်းနောက်ပိုင်းတွင် ထောက်ပံ့ငွေပေးအပ်မည်ဖြစ်ကာ လုပ်ငန်းတစ်ခုချင်းစီ ရွေးချယ်ခြင်း၊ သဘောတူညီချုပ်မူကြမ်းပေးပို့ခြင်း၊ သဘောတူစာချုပ် လက်မှတ်ရေးထိုးခြင်းများကို ဆက်လက်လုပ်ဆောင်သွားမည်ဖြစ်ကြောင်း သိရသည်။

လျှောက်ထားလိုသူများအနေဖြင့် ကုမ္ပဏီလိုင်စင်၊ SME ဖြစ်ကြောင်း ထောက်ခံချက်၊ ဝန်ထမ်း (၆၀၀) အောက် (သို့မဟုတ်) ကျပ်သိန်းတစ်သောင်းအောက်ဖြစ်ကြောင်း အထောက်အထား၊ ဝယ်ယူမည့်ပစ္စည်းဈေးနှုန်းစာရင်း၊ ၂၀၂၂ ခုနှစ်အတွက် ပြင်ပစာရင်းစစ်နှင့်စစ်ဆေးထားသည့် အရှုံးအမြတ်စာရင်းအပါအဝင် လက်ရှိလုပ်ငန်းလုပ်ကိုင်နေသည့် ဓါတ်ပုံများကို လျှောက်လွှာနှင့်အတူ ဖော်ပြရမည်ဖြစ်ကြောင်း အသိပေးကြေညာထားသည်။

#ymg/sth
#Yangon_Media_Group

#Local_News
Published _ 16 November 2022

ယခု နိုဝင်ဘာလအတွင်း ဂျပန်နိုင်ငံမှ မြန်မာလုပ်သား ၇၈၀ ကျော်ကို ထပ်မံခေါ်ယူသွားမည်ဟု တိုကျိုမြို့ရှိ မြန်မာသံရုံးရဲ့ ထုတ်ပြန်ချက်အရသိရှိရသည်။

မြန်မာလုပ်သား အမျိုးသား ၂၉၃ ဦး၊ အမျိုးသမီး ၄၉၅ ဦးနှင့် စုစုပေါင်း ၇၈၈ ဦး ဦးခေါ်ယူသွားရန် အလုပ်ကမ်းလှမ်းစာ ၂၂၄ စောင် ရရှိထားကြောင်း နိုဝင်ဘာလ ၁၅ရက်က ထုတ်ပြန်ထားရှိသည်။

မြန်မာလုပ်သားများကို တရားဝင်ခေါ်ယူရန်အတွက် ဂျပန်နိုင်ငံရှိ အလုပ်သမားကြီး ကြပ်ရေး ကုမ္ပဏီနှင့် အလုပ်ခေါ်ယူသည့် စက်ရုံ၊ ကုမ္ပဏီများမှ ပေးပို့လာသော အလုပ်ကမ်းလှမ်းစာ ၂၂၄စောင် ရှိထားကြောင်း လည်း သိရှိရသည်။

ဂျပန်နိုင်ငံ၊ တိုကျိုမြို့ရှိ မြန်မာသံရုံးအနေဖြင့် အလုပ်ကမ်းလှမ်းစာများကို စိစစ်၍ တွေ့ရှိချက်များနှင့် သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ထားကြောင်းလည်း ဆိုထားသည်။

ပြီးခဲ့သည့် အောက်တိုဘာလအတွင်း၌ ဂျပန်နိုင်ငံမှ မြန်မာလုပ်သား ၆၉၆ ဦး ခေါ်ယူရန် အလုပ်ကမ်းလှမ်းစာ ၁၈၀ ကိုလည်း ကမ်းလှမ်းခဲ့ကြောင်း အဆိုပါသံရုံး၏ ထုတ်ပြန်ချက်များအရ သိရှိရသည်။

#ymg/NN
#Yangon_Media_Group

#World_News
Published 16 November 2022

ရုရှားနိုင်ငံလုပ် ဒုံးပျံတစ်စင်းဟာ နေတိုး(NATO)အဖွဲ့ဝင်နိုင်ငံတစ်နိုင်ငံဖြစ်တဲ့ ပိုလန်သို့ကျရောက်ခဲ့ကာ လူ ၂ ဦးသေဆုံးခဲ့တာနဲ့ပတ်သက်ပြီးတော့ နေတိုးနဲ့ ကမ္ဘာ့ခေါင်းဆောင်များ ဗုဒ္ဓဟူးနေ့မှာ တွေ့ဆုံဆွေးနွေးသွားမှာဖြစ်ပါတယ်။

ယခုဖြစ်ရပ်ကြောင့် ယူကရိန်း-ရုရှားပဋိပက္ခကနေ နယ်စပ်တွေအထိပါ ရောက်ရှိလာမှာကို စိုးရိမ်ပူပန်နေကြပါပြီ။ ရုရှားဘက်ကတော့ ဒါဟာသူတို့နဲ့မဆိုင်ဘူးလို့ ငြင်းဆိုထားပါတယ်။

အဆိုပါဒုံးပျံဟာ ယူကရိန်းနယ်စပ်နဲ့ ၆ ကီလိုမီတာအကွာရှိ ပိုလန်အရှေ့ပိုင်းရွာပါဇယ်ဝေါ့ဒိုသို့ အင်္ဂါနေ့ ညနေ ၃ နာရီ ၄၀ မိနစ်မှာ ကျရောက်ခဲ့တာဖြစ်ကြောင်း ပိုလန်နိုင်ငံခြားရေးဝန်ကြီးဌာနက ဆိုလိုက်ပါတယ်။

အမည်မဖော်လိုသူလူတစ်ဦးရဲ့ ပြောကြားချက်အရ သေဆုံးသူနှစ်ဦးဟာ ဂျုံစပါးစက်ရုံတစ်ခုအနီးနားက လူတွေဖြစ်ကြောင်း ပြောပြပါတယ်။

ပိုလန်ဘက်က အသေးစိတ်အကျဆုံးမှတ်ချက်ကတော့ ဝန်ကြီးဌာနရဲ့ထုတ်ပြန်ချက်ပဲရှိပါသေးတယ်။

အမေရိကန်နဲ့ အနောက်တိုင်းမဟာမိတ်နိုင်ငံတွေက စုံစမ်းနေဆဲဖြစ်ပြီး ရွာကိုကျရောက်ခဲ့တဲ့ ဒုံးကျည်တွေက ရုရှားကပစ်လိုက်တဲ့ဒုံးကျည်တွေဆိုတာကိုတော့ အတည်မပြုနိုင်သေးပါဘူး။

နေတိုးအဖွဲ့ဝင်နိုင်ငံတွေဟာ ယင်းအဖွဲ့အစည်းရဲ့ ပုဒ်မနံပါတ် ၅ အရ စုပေါင်းကာကွယ်ရန် ကတိကဝတ်ပြုထားတာကြောင့် အခုလိုမျိုး ရုရှားဒုံးကျည်က ပိုလန်ကိုကျရောက်တာဟာ ဖေဖော်ဝါရီလက စတင်ကျူးကျော်မှုဖြစ်ခဲ့တဲ့ ရုရှား-ယူကရိန်းပဋိပက္ခဟာ ပိုမိုကျယ်ပြန့်လာနိုင်ပါတယ်။

ပုဒ်မနံပါတ် ၄ အရ မဟာမိတ်နိုင်ငံများကြားညှိနှိုင်းဆွေးနွေးရန် ပိုလန်နိုင်ငံက နေတိုးအစည်းအဝေးပြုလုပ်ဖို့ တောင်းဆိုလိုက်ကြောင်း ဥရောပသံတမန် ၂ ဦးက ပြောကြားလိုက်ပါတယ်။

ပိုလန်က အချို့သောတပ်ဖွဲ့တွေကို အသင့်အနေအထားပြင်ဆင်ခိုင်းထားကြောင်း ဝန်ကြီးချုပ်က ဆိုပါတယ်။

ပိုလန်အရာရှိတွေက အခြေအနေကို ပိုဆိုးမလာအောင် ထိန်းသိမ်းစေချင်ပြီး ပိုလန်လူမျိုးအားလုံး စိတ်အေးအေးထားဖို့ပြောကြားလိုက်ကာ ဒုံးကျည်ပစ်တဲ့သူဘယ်သူလဲဆိုတာကို အထောက်အထားနဲ့ မပြနိုင်သေးကြောင်း သမ္မတကဆိုပါတယ်။

အမေရိကန်က နေတိုးထံကတိပြုထားတဲ့အတိုင်း ဆောင်ရွက်ရန်နဲ့ ပိုလန်ရဲ့စုံစမ်းစစ်ဆေးမှုမှာ ထောက်ခံသွားမှာဖြစ်ကြောင်း 'ဘိုင်ဒင်'က ဖုန်းဆက်ပြောကြားခဲ့ပါတယ်။

ဂျာမနီ၊ ကနေဒါ၊ ဥရောပသမဂ္ဂ၊ နယ်သာလန်၊ နော်ဝေ၊ ပြင်သစ်တို့ကလည်း စောင့်ကြည့်စစ်ဆေးမှုများ ပြုလုပ်နေပါတယ်။

ယူကရိန်းသမ္မတ'ဇယ်လန်စကီ'က ရုရှားဒုံးကျည်များ ပိုလန်ကိုပစ်ခတ်ခြင်းဟာ ပဋိပက္ခပိုမိုပြင်းထန်လာစေလိမ့်မယ်လို့ ပြောကြားလိုက်ပြီး အထောက်အထားတော့ မပြနိုင်သေးပါဘူး။

ရုရှားကာကွယ်ရေးဝန်ကြီးဌာနကတော့ ပိုလန်ကို ရုရှားဒုံးကျည်ပစ်ခတ်ခြင်းအပေါ် ငြင်းပယ်လိုက်ကာ ဒါဟာ အခြေအနေကို ပိုမိုဆိုးရွားအောင် တမင်ရန်စတာဖြစ်ကြောင်း တုန့်ပြန်လိုက်ပါတယ်။

လစ်သူရေးနီးယားသမ္မတက နေတိုးနယ်မြေတွေကို တစ်လက်မမကျန် ထိန်းသိမ်းကာကွယ်ရမှာဖြစ်တယ်လို့ တွစ်တာမှာဖော်ပြခဲ့ပါတယ်။

Source: Reuters
#Yangon_Media_Group

#Local_News
Published_16 November 2022

တောင်ကိုရီးယားနိုင်ငံသို EPS စနစ်ဖြင့် မြန်မာအလုပ်သမား ၁၄၈ ဦးကို ထပ်မံစေလွှတ်ခဲ့ကြောင်း ဆိုးလ်မြို့ မြန်မာသံရုံးမှထုတ်ပြန်ထားသည်။

အဆိုပါနိုင်ငံသို့ နိုဝင်ဘာ ၁၅ ရက်တွင် ပို့ဆောင်ပေးခဲ့ပြီး ကုန်ထုတ်လုပ်သားသစ် (၈၈) ဦး၊ ဆောက်လုပ်ရေးလုပ်သားသစ် (၃၁) ဦး၊ စိုက်ပျိုးရေးနှင့်မွေးမြူရေး (၂၉)ဦး ကိုစေလွှတ်ခဲ့ခြင်းဖြစ်ကြောင်း သိရသည်။

ယင်းအပြင် နိုဝင်ဘာလ ၂၃ ရက်တွင်လည်း Regular ( ကုန်ထုတ် ၊ စိုက်ပျိုး/မွေးမြူရေးနှင့် ဆောက်လုပ်ရေး) လုပ်ငန်းများ လုပ်ကိုင်ရန် မြန်မာအလုပ်သမား ၇၃ ဦး ၊ Re-entry (ကုန်ထုတ်) အလုပ်သမား ၃၉ ဦး ပို့ဆောင်ပေးမည်ဖြစ်ကြောင်း ပြည်ပအလုပ်အကိုင်ရှာဖွေရေးအေဂျင်စီမှ ထုတ်ပြန်ထားသည်။

အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလ ၁၅ ရက်အထိ Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၃၃၈ ဦးကို ပို့ဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။

#ymg/STH
#Yangon_Media_Group

#World_Health
Published 16 November 2022

လူအများစုဟာ သာမန်အားဖြင့် တစ်နေ့ကို ၆ ကြိမ် ၇ ကြိမ်ခန့် ဆီးသွားတတ်ပြီး တစ်ယောက်နဲ့တစ်ယောက် အနည်းငယ်ကွဲပြားနိုင်ပါတယ်။

ညအိပ်ရင်း ဆီးထသွားတတ်တာကလည်း ပုံမှန်ဖြစ်ပေမယ့် တစ်နေ့ကို ၁၀ ကြိမ်အထက် ဆီးသွားတယ်ဆိုရင်တော့ ဆရာဝန်နဲ့ပြသသင့်ပါတယ်။

ဆီးသွားခြင်းဟာ အဆိပ်အတောက်အညစ်အကြေးတွေ စွန့်ထုတ်ရာနည်းလမ်းဖြစ်ပြီး အရေးအကြီးဆုံးလုပ်ငန်းစဉ်တွေထဲက တစ်ခုလည်းဖြစ်ပါတယ်။

၁၀ ကြိမ်ထက်ပိုများပြီး ဆီးသွားနေရင်တော့ အောက်ပါရောဂါအခြေအနေတစ်ခုခုကြောင့် ဖြစ်နေနိုင်ပါတယ်။

(၁) ဆီးချို

သွေးထဲမှာ အချိုဓာတ်များတဲ့အခါ ကျောက်ကပ်တွေက ဂလူးကို့စ်စုပ်ယူစစ်ထုတ်ဖို့ ပိုပြီးအလုပ်လုပ်ရတာကြောင့် ဆီးများများသွားတတ်ပါတယ်။

(၂) လေဖြတ်ခြင်း

ဦးနှောက်ဆီကို အောက်ဆီဂျင်သယ်ဆောင်လာတဲ့ သွေးကြောက ပိတ်ဆို့ခြင်း ဒါမှမဟုတ် ပေါက်ပြဲသွားခြင်း ဖြစ်တဲ့အခါ ဆီးအိတ်ကိုဆက်သွယ်နေတဲ့ အာရုံကြောများလည်း ထိခိုက်ပြီး ဆီးအိတ်ကို မထိန်းသိမ်းနိုင်တော့ပါဘူး။

(၃) ဆီးကျိတ်ကြီးထွားခြင်း

အသက် ၅၀ ကျော်ယောက်ျားတွေမှာ ဆီးကျိတ်ကြီးထွားလာတတ်ပြီး ဆီးအိတ်နဲ့ ဆီးလမ်းကြောင်းပေါ် ဖိအားများစေကာ ခဏခဏဆီးသွားတတ်တဲ့အပြင် ဆီးသွားရခက်ခဲစေပါတယ်။

(၄) ဆီးအိတ်ကင်ဆာ

ဆီးသွားခြင်းဖြစ်စဉ်အတွင်း ဆီးအိတ်က အရေးကြီးကဏ္ဍကပါဝင်ပြီး အကျိတ်ပေါ်လာတဲ့အခါ ဆီးသွားခြင်းအပေါ် သက်ရောက်စေပါတယ်။
ဆီးအိတ်က ပြည့်မနေဘဲနဲ့လည်း မကြာခဏဆီးသွားချင်တဲ့ဆန္ဒ ပေါ်လာတတ်ပါတယ်။

(၅) လိင်မှတဆင့်ကူးစက်တဲ့ ရောဂါများ
ထိုရောဂါများဖြစ်ပွားတဲ့အခါ ဆီးများများသွားချင်ပြီးတော့ ဆီးသွားတဲ့အခါ ပူစပ်ခြင်း၊ အရောင်နောက်ခြင်း၊ အနံ့ပြင်းခြင်းတို့ ဖြစ်ပေါ်တတ်ပါတယ်။

(၆) ဆီးလမ်းကြောင်းပိုးဝင်ခြင်း

ဘက်တီးရီးယားများ ဆီးလမ်းကြောင်းထဲဝင်ပြီး ရောင်ရမ်းခြင်းဖြစ်စေကာ မကြာခဏဆီးသွားတတ်ပြီးတော့ ဆီးထဲသွေးပါတတ်ပါတယ်။

(၇) ကိုယ်ဝန်ရှိခြင်း

ဗိုက်ထဲ သန္ဓေသားတည်လာခြင်းက ဆီးအိတ်ပေါ်ဖိအားများလာပြီး ခဏခဏဆီးသွားချင်ပါတယ်။

ကိုယ်ဝန်ရှိနေကြောင်းမသိရှိခင် အစောပိုင်းကာလတွေမှာ ဖြစ်ပေါ်တတ်ပါတယ်။

(၈) ကဖင်းဓာတ် အသောက်များခြင်း

ကော်ဖီနဲ့ လက်ဘက်ရည်တို့မှာပါဝင်တဲ့ ကဖင်းဓာတ်ဟာ ဆီးသွားခြင်းကိုအားပေးပြီး ဆီးထဲကနေတဆင့် အရည်များများစွန့်ထုတ်ပေးပါတယ်။

Source: The Sun
#Yangon_Media_Group

#Local_News
Published_ 16 November 2022

ကုန်သည်လမ်းရှိ အမျိုးသားစာကြည့်တိုက်(ရန်ကုန်)၊ ကမ်းနာလမ်းရှိ အကောက်ခွန်ရုံးနှင့် သိမ်ဖြူလမ်းရှိ ဝန်ကြီးများရုံး (အတွင်းဝန်ရုံး) အဆောက်အအုံများ၌ ရှေးဟောင်းအဆောက်အအုံ ကမ္ပည်းမော်ကွန်းကြေးပြား တပ်ဆင်ခြင်းကို နိုဝင်ဘာ ၁၅ ရက်မွန်းလွဲ ပိုင်းတွင် သက်ဆိုင်ရာ အဆောက်အဦများ၌ ကျင်းပခဲ့ပါတယ်။

အခမ်းအနားတွင် ပြည်ထောင်စုဝန်ကြီး ဦးကိုကိုက သာသနာရေးနှင့် ယဉ်ကျေးမှု ဝန်ကြီးဌာန၏ ၂၀၁၅ခုနှစ် ရှေးဟောင်းအဆောက်အအုံများ ကာကွယ်ထိန်းသိမ်းရေး ဥပဒေပုဒ်မ ၃၄၊ ပုဒ်မခွဲ (ခ) အရ အပ်နှင်းထားသော လုပ်ပိုင်ခွင့်ကိုကျင့်သုံးပြီး မြန်မာနိုင်ငံအတွင်း ပြည်နယ်နှင့်တိုင်းဒေသကြီး (၁၁) ခုတွင် နှစ်တစ်ရာ သက်တမ်းအထက်ရှိ အဆောက်အအုံပေါင်း ၂၀၈ လုံးကို ရှေးဟောင်း အဆောက်အအုံအဖြစ် အမိန့်ကြော်ငြာ စာထုတ်ပြန် သတ်မှတ်ခဲ့ပြီးဖြစ်တယ်လို့ ဆိုပါတယ်။

ကမ္ပည်းမော်ကွန်းကြေးပြားတပ်ဆင်တဲ့ အမျိုးသားစာကြည့်တိုက်သည် ၁၉၀၈ ခုနှစ်က ဗြိတိသျှရေနံစီးပွားရေးလုပ်ငန်းတစ်ခုဖြစ်သည့် ဘီအိုစီကုမ္ပဏီ၏ ရုံးစိုက်ရာ အဆောက်အအုံဖြစ်ခဲ့၍ လွတ်လပ်ရေးရပြီးနောက် ၁၉၆၃ ခုနှစ်တွင် မြန်မာ့ရေနံ့နှင့် သဘာဝဓာတ်ငွေ့ လုပ်ငန်း ဆောင်ရွက်ရာ ရုံးဌာနတစ်ခုဖြစ်ခဲ့ပြီး ၂၀၁၇ ခုနှစ်တွင် သာသနာရေးနှင့် ယဉ်ကျေးမှုဝန်ကြီးဌာန၏ အမျိုးသားစာကြည့်တိုက်အဖြစ် ဖွင့်လှစ်လျက်ရှိပါတယ်။

ရှေးဟောင်းအဆောက်အအုံ စာရင်းဝင်ဖြစ်တဲ့ အကောက်ခွန်ရုံးသည် ယခင် ၁၈၅၃ ခုနှစ်က တည်ဆောက်ခဲ့သည့် သစ်သားအဆောက်အအုံနေရာတွင် ယခုမြင်တွေ့နေရသည့် အဆောက်အဦကို ၁၉၁၃ ခုနှစ်မှ စတင်ဆောက်လုပ်ပြီးကာ ၁၉၁၅ ခုနှစ်တွင် တည်ဆောက်ပြီးစီးခဲ့သည်။ မျက်နှာစာ ဖက်တွင် နာရီစင်ပါရှိသည့် မျှော်စင်အဆောင်နှင့် အလင်းနှင့် လေဝင်လေထွက် ကောင်းစေရန်လည်း ထည့်သွင်းတည်ဆောက်ထားကြောင်း တွေ့ရှိရပါတယ်။

ဝန်ကြီးများရုံးဖြစ်သည့် အတွင်းဝန်ရုံးသည် ရှေးယခင်က မြင်းခင်းသဘင်ကျင်းပ ခဲ့သည့် နေရာဖြစ်ခဲ့ပြီး ယခု အဆောက်အအုံကို ၁၈၈၉ ခုနှစ်မှ စတင်ကာ ၁၉၀၅ ခုနှစ်တွင် တည်ဆောက် ပြီးစီးခဲ့ပါတယ်။ နိုင်ငံခေါင်းဆောင်ကြီးများ နိုင်ငံ့အရေး ဆောင်ရွက်နေစဉ် လုပ်ကြံခံခဲ့ရသည့် သမိုင်းဝင်နေရာလည်း ဖြစ်သည့်အပြင် ၁၉၄၈ ခုနှစ်၊ ဇန်နဝါရီ ၄ ရက်တွင် မြန်မာတို့၏ လွတ်လပ်ရေးကို ဦးဆုံးထုတ်ပြန်ကြေငြာခဲ့ရာ နေရာလည်း ဖြစ်ပါတယ်။

ရန်ကုန်တိုင်းဒေသကြီးအတွင်းတွင် ရှေးဟောင်းအဆောက် အအုံပေါင်း (၁၂၄) လုံးကိုသတ်မှတ်ခဲ့ပြီး ဖြစ်ကာ ရှေးဟောင်းအဆောက်အအုံများကို ဥပဒေ၊ နည်းပဒေ များဖြင့် ကာကွယ်စောင့်ရှောက်သည့်အပြင် ရှေးဟောင်းအဆောက်အအုံများကို ပြုပြင်ထိန်းသိမ်းရာတွင် ရှေးဟောင်းလက်ရာများ မပျောက်မပျက်စေရေးနှင့် အဆိုပါ ရှေးဟောင်းအဆောက်အအုံများသည် ရှေးဟောင်း အဆောက်အအုံများဖြစ်ကြောင်း ထင်ရှားသိသာစေရန် ဖော်ပြထားခြင်း ဖြစ်ကြောင်း သိရပါတယ်။

#ygm_mnn
#Yangon_Media_Group

#World_Science
Published 16 November 2022

ကြွက်သတ္တဝါတွေက ဂီတစည်းချက်သံကို နားထောင်တတ်ပြီး တေးသွားအတိုင်းခေါင်းညိတ်နိုင်တယ်လို့ သိပ္ပံပညာရှင်များ တွေ့ရှိခဲ့ကြပါတယ်။

ထိုကဲ့သို့ တေးသွားကိုနားထောင်တတ်တဲ့အရည်အသွေးဟာ လူတွေမှာသာရှိတယ်လို့ ထင်ခဲ့ကြပါတယ်။

တိုကျိုတက္ကသိုလ်မှသုတေသီများက ကြွက် ၁၀ ကောင်ကို အရှိန်တိုင်းမယ့် ကြိုးမဲ့ကိရိယာများတပ်ဆင်ကာ သီချင်းဖွင့်ပြပြီး သူတို့ရဲ့ခေါင်းလှုပ်ရှားမှုကို တိုင်းတာခဲ့ကြကြောင်း Science Advances ဂျာနယ်မှာ သောကြာနေ့ကဖော်ပြခဲ့ပါတယ်။

ဖွင့်ပြတဲ့သီချင်းတွေထဲမှာ Lady Gaga ရဲ့ Born This Way ၊ Queen ရဲ့ Another One Bites the Dust ၊ Mozart ရဲ့ Sonata for Two Pianos in D Major ၊ Michael Jackson ရဲ့ Beat It ၊ Maroon 5 ရဲ့ Sugar တို့ပါဝင်ပါတယ်။

တစ်မိနစ်ကြာအပိုင်းများကို မတူညီတဲ့ အမြန်နှုန်း ၄ မျိုးဖြင့် ကြွက် ၁၀ ကောင်နဲ့ လူ ၂၀ ယောက်တို့ကို ဖွင့်ပြခဲ့ကြပါတယ်။

ကြွက်ရော လူရော တစ်မိနစ်ကို စည်းချက်နှုန်း ၁၂၀ မှ ၁၄၀ အတွင်းမှာ အကောင်းဆုံးစည်းချက်ညီစွာ လိုက်နိုင်ခဲ့တာကို တွေ့ခဲ့ရပါတယ်။

အရွယ်အစား၊ နှလုံးခုန်နှုန်းကဲ့သို့ အချက်အလက်တွေနဲ့ ဆက်စပ်ပြီး ကြွက်လိုသတ္တဝါငယ်လေးတွေက လူသားတွေနဲ့ယှဉ်ရင် ပိုမြန်တဲ့စည်းချက်တွေကို နားထောင်နိုင်တယ်လို့ ထင်ခဲ့ကြပေမယ့် ကြွက်တွေဟာလည်း လူတွေလိုပဲ တစ်မိနစ်ကို စည်းချက်နှုန်း ၁၂၀ ကို နားထောင်နိုင်ကြောင်း သိရှိခဲ့ကြပါတယ်။

"ကြွက်တွေဟာ မွေးရာပါအတိုင်း သီချင်းစည်းချက်သံကို လိုက်နိုင်ပါတယ်" လို့ တိုကျိုတက္ကသိုလ်မှ တွဲဖက်ပရော်ဖက်ဆာ'ဟီရိုကာဇူတာကာဟာရှီ'က ဖော်ပြထားပါတယ်။

ဒါ့အပြင် ကြွက်တွေရော လူတွေပါ စည်းချက်အတိုင်း တူညီစွာခေါင်းလှုပ်ရှားကြပြီး သီချင်းသံမြန်လာတာနဲ့အမျှ ခေါင်းညိမ့်တဲ့အကြိမ်အရေအတွက် ကျသွားပါတယ်။

တိရိစ္ဆာန်တွေက လေ့ကျင့်သင်ကြားပေးမှုမရှိဘဲနဲ့ သီချင်းသံကို စည်းချက်ညီစွာလှုပ်ရှားနိုင်တာကို ပထမဆုံးသိရှိရတာဖြစ်ကြောင်း 'တာကာဟာရှီကဆိုပါတယ်။

ဒါက ဦးနှောက်ဘယ်လိုအလုပ်လုပ်လဲဆိုတာကို သိရှိဖို့အဓိကသော့ချက်ဖြစ်ပြီး ဉာဏ်ရည်တုစနစ်ကို နောက်ထပ်အဆင့်မြှင့်တင်နိုင်မှာဖြစ်ကြောင်း ပြောကြားသွားပါတယ်။

Source: NYPost
#Yangon_Media_Group

https://fb.watch/gP3y-z_d_2/

#Local_News
Published _ 15 november 2022

ASEAN အလှည့်ကျ ဥက္ကဌသစ် အနေနဲ့ မြန်မာ့နိုင်ငံရေးအကျပ်အတည်းများကို ဖြေရှင်းပေးနိုင်လိမ့်မယ်လို့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) က မျှော်လင့်နေပါတယ်။

#Yangon_Media_Group

https://fb.watch/gO-E8Mg4hh/

#World_Technology

Published 15 November 2022

မာဆာချူဆက် ဘော့စ်တွန်မြို့စွန်နားရှိ အမေဇုန်စက်ရုပ်ဓာတ်ခွဲခန်းထဲမှာ ကုမ္ပဏီက နောက်ဆုံးထုတ်လုပ်တဲ့ လူပုံသဏ္ဍာန်စက်ရုပ်'စပဲရိုး'ဟာ လူသားကဲ့သို့ လက်များလှုပ်ရှားနိုင်ပြီး ဖောက်သည်များထံပို့ရမယ့် ပစ္စည်းများကို ရွေးထုတ်လျက်ရှိပါတယ်။

#Yangon_Media_Group