Published 17 Nov 2022

အကျဉ်းသား ၅၇၄၄ ဦးကို ပြစ်ဒဏ်မှ လွတ်ငြိမ်းချမ်းသာခွင့်ပေးလိုက်တဲ့ နစကရဲ့ အမိန့်ကြေညာအပြီးမှာ ရန်ကုန်မြို့မှာရှိတဲ့ အင်းစိန်ဗဟိုအကျဉ်းထောင်ရှေ့မှာ  ပြစ်ဒဏ်ကျခံနေရတဲ့ သူတွေရဲ့ ဆွေမျိုးသားချင်းတွေက လွတ်မြောက်လာမယ့်သူတွေကို လာရောက်စောင့်ဆိုင်းကြိုဆိုနေကြပါတယ်။

ယနေ့လွတ်မြောက်လာသူတွေအထဲမှာ ဩစတြေလျနိုင်ငံသား စီးပွာရေးအကြံပေး ရှောင်တာနယ်၊ ဗြိတိသျှသံအမတ်ဟောင်း ဗစ်ကီဘိုမန်းတို့အပါအဝင်နိုင်ငံခြားသား(၄)ဦးလည်းပါဝင်ပြီး ထိုသူတွေကို ပြည်နှင်ဒဏ်ပေးခဲ့ပါတယ်။

Video: AFP

#Myanmar_Amnesty

#Prisoners_Release_Yangon

#Myanmar_Politics

ရုပ်သံကြည့်ရှုရန်..⏭⏭⏭

✅Facebook>>> https://fb.watch/gRx7QFvR1Q/

#LocalNews
Published_17 November 2022

သတင်းစာဆရာ၊စာရေးဆရာများနှင့် ဘာသာရေးအဖွဲ့အစည်းအသီးသီး၏ ခေါင်းဆောင်များအား စည်သူဘွဲ့၊သီရိပျံချီဘွဲ့များ ချီးမြှင့်ကြောင်း နိုင်ငံတော်စီမံအုပ်ချုပ်ရေးကောင်စီ က ယနေ့ နိုဝင်ဘာလ ၁၇ ရက်တွင် ထုတ်ပြန်လိုက်သည်။

ကာကွယ်ရေးဦးစီးချုပ်(ကြည်း) ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းအားမဟာသရေစည်သူဘွဲ့ကို ပေးအပ်ချီးမြှင့်ကာစာရေးဆရာ ဦးဝန်(မင်းသုဝဏ်) နှင့် ဆရာဇော်ဂျီ(ဇော်ဂျီ)၊သတင်းစာဆရာဦးအုန်းကြိုင်(ဟံသာဝတီဦးအုန်းကြိုင်) ၊လက်ရှိ နိုင်ငံတော်စီမံအုပ်ချုပ်ရေးကောင်စီမှ ဒုတိယဗိုလ်ချုပ်ကြီး အောင်လင်းဒွေး ၊ မန်းငြိမ်းမောင်၊၊ဦးသိန်းညွန့်၊ ဦးခင်မောင်ဆွေ၊ဒေါ်အေးနုစိန်၊Jeng Phang နော်တောင်၊ဦးမောင်းဟာ၊ဦးစိုင်းလုံးဆိုင်၊စောဒန်နီယယ်၊ဒေါက်တာဗညားအောင်မိုး၊ ဦးရွှေကြိမ်းတို့ အပါအဝင် ဗိုလ်ချုပ်ကြီး၊ ဒုတိယဗိုလ်ချုပ်ကြီး၊ဗိုလ်ချုပ် စုစုပေါင်း ၃၈ ဦးကို စည်သူဘွဲ့များ ပေးအပ်ကြောင်း ထုတ်ပြန်လိုက်သည်။

ယင်းအပြင် ပြည်သူ့လွှတ်တော် ဥက္ကဋ္ဌ ဦးတီခွန်မြတ် ၊မကြာသေးမီက တာဝန်က အနားယူခွင့်ပေးလိုက်သည့် စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး(ငြိမ်း) ဦးတင်ထွဋ်ဦးအပါအဝင် လက်ရှိ တာဝန်ထမ်းဆောင်နေကြသည့် ပြည်ထောင်စုဝန်ကြီးများ ဖြစ်ကြသည့် ဦးကိုကိုလှိုင် ၊ ဦးသောင်းဟန်၊ ဦးကိုကို၊ ဦးလှမိုး၊ဦးမျိုးမြင့်ဦး၊ဒေါက်တာချာလီသန်း၊ဒေါက်တာပွင့်ဆန်း၊ဦးမင်းသိန်းဇံ၊ဒေါက်တာသက်သက်ခိုင်၊ဦးစောထွန်းအောင်မြင့် ၊ ပြည်ထောင်စုစာရင်းစစ်ချုပ်ရုံး၏ ပြည်ထောင်စုရာထူးဝန်အဖွဲ့ဥက္ကဌ၊နေပြည်တော်ကောင်စီဥက္ကဌ၊ကချင်ပြည်နယ် ၊ ကယားပြည်နယ်၊ကရင်ပြည်နယ်၊ချင်းပြည်နယ်၊ပဲခူးတိုင်းဒေသကြီး၊မကွေးတိုင်းဒေသကြီး ၊မန္တလေးတိုင်းဒေသကြီး၊မွန်ပြည်နယ်၊ရခိုင်ပြည်နယ်အစိုးရအဖွဲ့ ဝန်ကြီးချုပ်များ၊မြန်မာနိုင်ငံတော်ဗဟိုဘဏ်ဥက္ကဌ၊အဂတိလိုက်စားမှုတိုက်ဖျက်ရေးကော်မရှင် နှင့် မြန်မာနိုင်ငံအမျိုးသားလူ့အခွင့်အရေးကော်မရှင် ဥက္ကဌ ၊ သတင်းစာဆရာကြီး ဦးခင်မောင်လေး (ဖိုးသောကြာ-ခေတ်+မိုး) ၊ မြန်မာနိုင်ငံခရစ်ယာန်အသင်းတော်များကောင်စီ ၊ မြန်မာနိုင်ငံနှစ်ခြင်းခရစ်ယာန်အသင်းချုပ် ၊ပြည်ထောင်စုမြန်မာနိုင်ငံတော် ကက်သလစ်ဆရာတော်ကြီးများအဖွဲ့ချုပ်၊ ရန်ကုန်ကလျာဏယုဝခရစ်ယာန်အသင်း၊ပြည်ထောင်စုမြန်မာနိုင်ငံတော်မက်သဒစ် အသင်းတော် (အောက်မြန်မာပြည်)၊ မြန်မာနိုင်ငံဧဝံဂေလိခရစ်ယာန်မဟာမိတ်အဖွဲ့ချုပ်၊အိုလမာအစ္စလာမ်သာသနာ့ပညာရှင်များအဖွဲ့ချုပ်၊အစ္စလာမ်သာသနာရေးရာကောင်စီဌာနချုပ်၊မြန်မာနိုင်ငံလုံးဆိုင်ရာမော်လဝီအဖွဲ့ချုပ်၊မြန်မာမွတ်စလင်လူငယ်များ (ဘာသာရေး) အဖွဲ့ (မ.မ.လ)၊မြန်မာမွတ်စလင်အမျိုးသားရေးရာအဖွဲ့ချုပ် (မ.အ.ဖ)၊မြန်မာနိုင်ငံလုံးဆိုင်ရာဟိန္ဒူ ဘာသာရေးအဖွဲ့ချုပ်၊သနန္တနဓမ္မပါလက (ဟိန္ဒူ)အဖွဲ့ချုပ်ဦးစီးနာယကဆရာတော် သီရိသျှီဝဘုရားကျောင်း၊ဟိန္ဒူဘုန်းတော်ကြီးများ ဗဟိုအဖွဲ့ချုပ်၊ဘာသာပေါင်းစုံချစ်ကြည်ညီညွတ်ရေးအဖွဲ့တို့မှ လူပုဂ္ဂိုလ်များ အား တို့အား သီရိပျံချီဘွဲ့များ ချီးမြှင့်ကြောင်းလည်း အဆိုပါ ထုတ်ပြန်ချက်တွင် ဖော်ပြထားသည်။

ယင်းအပြင် ကာကွယ်ရေးဝန်ကြီးဌာနမှ ကြည်း၊ရေ၊လေ ဗိုလ်ချုပ်များ ၁၉ ဦးအား ဇေယျကျော်ထင်ဘွဲ့များ အသီးသီး ချီးမြှင့်ခဲ့ကြကြောင်း သိရသည်။

ymg/mt
#Yangon_Media_Group

#LocalNews
Published_17 November 2022

မြန်မာနိုင်ငံမှ ဘင်္ဂလားဒေ့ရှ်ဘက်သို့ ဧပြီလ ၁ ရက်မှ နိုဝင်ဘာ ၄ ရက်နေ့အထိ ပို့ကုန်တင်ပို့မှုမှ အမေရိကန်ဒေါ်လာ ၁၇ ဒသမ ၈၆ သန်းရရှိထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့် ကုန်သွယ်မှုစာရင်းများအရ သိရသည်။

ဘင်္ဂလားဒေ့ရှ်သို့ တင်ပို့နေသည့် နယ်စပ်စခန်းများအနက် စစ်တွေဂိတ်မှ အမေရိကန်ဒေါ်လာ ၉၈ ဒသမ ၀၇သန်း၊ စစ်တွေ (ပုံမှန်)ဂိတ်မှ အမေရိကန်ဒေါ်လာ ၇ ဒသမ ၄၄ သန်း၊ ကျောက်ဖြူဇုန်မှ အမေရိကန်ဒေါ်လာ ၉၀ ဒသမ ၆၂ သန်း၊ မောင်တောဂိတ်မှ အမေရိကန်ဒေါ်လာ ၁၀ ဒသမ ၄၁ သန်းရရှိထားကြောင်း စာရင်းများအရ သိရသည်။

၂၀၂၂-၂၀၂၃ ဘဏ္ဍာနှစ်အတွင်း စစ်တွေနှင့် မောင်တောနယ်စပ် ကုန်သွယ်ရေးစခန်းနှစ်ခုမှ ရေထွက်ကုန်အများဆုံးတင်ပို့ခဲ့ပြီး အဆိုပါစခန်းနှစ်ခုမှ ရေထွက်ကုန် ၆၅ ရာခိုင်နှုန်းနှင့် ကုန်ခြောက် ၃၅ ရာခိုင်နှုန်း တင်ပို့နေပြီး ရေထွက်ကုန်တင်ပို့မှုတွင် မွေးမြူရေးငါးမြစ်ချင်း၊ ငါးမုန့်မည်း၊ ငါးသလောက်၊ ငါးနီတူခြောက်နဲ့ ငါးမှုန်ခြောက်များပါဝင်ကြောင်း သိရသည်။

တင်ပို့နေသည့် ကုန်ခြောက်များတွင် မန်ကျည်းသီး၊ ချင်း၊ ကြက်သွန်၊ ထန်းလျက်အစရှိသည်များပါဝင်ကြောင်း သိရသည်။ ယင်းအပြင် မြန်မာနိုင်ငံမှ လယ်ယာထွက်ကုန်တစ်ခုဖြစ်သည့် ဆန်ကို ဘင်္ဂလားဒေ့ရှ်နိုင်ငံသို့ လက်ရှိအချိန်ထိ တန်ချိန် ၆ သောင်းခွဲကျော်တင်ပို့ပြီးဖြစ်ကြောင်းလည်း သိရသည်။

#ymg/sth
#Yangon_Media_Group

#World_Health
Published 17 November 2022

ကြက်သွန်ဖြူဟာ သဘာဝအတိုင်း ကျန်းမာရေးကိုအထောက်အကူပြုတဲ့ အစားအစာအဖြစ် နှစ်ထောင်ပေါင်းများစွာကတည်းက သတ်မှတ်လာခဲ့ပါတယ်။

နောက်ပိုင်းလေ့လာမှုများအရလည်း ကြက်သွန်ဖြူဟာ သွေးပေါင်ချိန်၊ ကိုလက်စ်ထရောပမာဏတို့ကို ထိန်းညှိပေးပြီး ကိုယ်ခံအားကို ကောင်းမွန်စေပါတယ်။

ကြက်သွန်ဖြူကရရှိတဲ့ အကျိုးကျေးဇူးတွေဟာ သူ့မှာပါဝင်တဲ့ သဘာဝဒြပ်ပေါင်းအယ်လီဆင်ကနေရရှိတာဖြစ်ပြီး အဲဒီပစ္စည်းကြောင့် စူးရှတဲ့အနံ့ထွက်ပေါ်တာလည်းဖြစ်ပါတယ်။
ဆာလ်ဖာပြိုကွဲရာကထွက်လာတဲ့ ဒြပ်ပေါင်းတွေဟာ ခန္ဓာကိုယ်က အချက်ပြမော်လီကျူးများထွက်ရှိမှုကို မြှင့်တင်ပေးပြီး ဆဲလ်ဆက်သွယ်မှုအတွက် အဓိကကျပါတယ်။

အဆိုပါမော်လီကျူးများနည်းပါးတဲ့အခါ နှလုံးရောဂါလို အခြေအနေများဖြစ်ပွားနိုင်ပါတယ်။
၂၀၂၀ ခုနှစ်က ဆေးပညာဂျာနယ်တစ်ခုမှာ ဖော်ပြခဲ့ရာ သွေးတိုးနေတဲ့လူနာတွေကို ကြက်သွန်ဖြူ ၆၀၀-၉၀၀ မီလီဂရမ်ပါဝင်တဲ့ ဖြည့်စွက်စာများ ၃ လတိုင်သုံးစွဲစေခဲ့ကာ သွေးပေါင်ချိန်ကျဆင်းသွားခဲ့ကြောင်း သိရပါတယ်။

အယ်လီဆင်ဒြပ်ပေါင်းက သွေးကြောတွေကိုကျယ်စေပြီး သွေးဖိအားကို လျော့ကျစေတာဖြစ်ပါတယ်။

ဒါ့အပြင် ကြက်သွန်ဖြူမှာ ရောဂါပိုးသေစေနိုင်တဲ့ အစွမ်းသတ္တိလည်း ရှိနေပါတယ်။
အယ်လီဆင် ၁၈၀ မီလီဂရမ်ကို ၃ လတိုင် လူသားတွေနဲ့ စမ်းသပ်ချက် ၂ ရပ်ပြုလုပ်ရာမှာ သာမန်လူတွေထက် အအေးမိဖျားနာဝေဒနာ ဖြစ်နိုင်ချေပိုနည်းသွားကြောင်း ဆက်ဆပ်စ်တက္ကသိုလ်မှ ဒေါက်တာ'ဂျန်နာမက်စီယိုချီ'က ပြောကြားခဲ့ပါတယ်။

ကြက်သွန်ဖြူအရည် ၂.၅၆ ဂရမ်ဖြင့် နောက်ထပ်စမ်းသပ်ရာမှာလည်း ကိုယ်ခံအားဆဲလ်လုပ်ဆောင်ချက်တွေကို မြှင့်တင်ပေးကာ အအေးမိဖျာနာလက္ခဏာများပြင်းထန်မှုကို လျှော့ချပေးနိုင်ခဲ့ပါတယ်။

သင့်တော်တဲ့ အယ်လီဆင်ပမာဏအတိုင်းရဖို့ တစ်နေ့ကို ကြက်သွန်ဖြူအစိမ်း ၁ မွှာစားပေးသင့်ပါတယ်။

သတိထားရမှာက ကြက်သွန်ဖြူကို လှီးခြင်း၊ ထောင်းခြင်းပြုလုပ်မှသာ အယ်လီဆင် ထွက်ပေါ်လာတာဖြစ်ပါတယ်။

ကြက်သွန်ဖြူကို ချက်ပြုတ်ကြော်လှော်တဲ့အခါမှာတော့ ကြက်သွန်ဖြူအစိမ်းလောက် အယ်လီဆင်ပါဝင်မှုလျော့နည်းသွားပါတယ်။

Source: Daily Mail
#Yangon_Media_Group

#LocalNews
Published_17 November 2022

တန်ဆောင်မုန်း လပြည့်ကျော် ၁၀ ရက် ၊ ၂၂ဝ၂ ခုနှစ်၊ နိုဝင်ဘာလ ၁၇ ရက်တွင် (ယနေ့) ကျရောက်သည့် အမျိုးသားအောင်ပွဲနေ့ကို ဂုဏ်ပြုသောအားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသော အားဖြင့်လည်းကောင်း၊

အကျဉ်းထောင်အသီးသီးတွင် ပြစ်ဒဏ်ကျခံလျက်ရှိသော အကျဉ်းသား (၅၁၉၈) ဦးနှင့် အကျဉ်းသူ (၆၇၆) ဦး စုစုပေါင်း (၅၇၇၄) ဦးအား ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိသောပြစ်ဒဏ်များကိုပါ ဆက်လက်ကျခံပါမည်" ဟူသော စည်းကမ်းသတ်မှတ်ချက်ဖြင့် ပြစ်ဒဏ်မှလွတ်ငြိမ်းခွင့်ပြုလိုက်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းတွင် နိုင်ငံအချင်းချင်း မိတ်ဝတ်မပျက် ဆက်ဆံရေးကိုရှေးရှု၍လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့် လည်းကောင်း၊ ၎င်းတို့နိုင်ငံအသီးသီးနှင့် မြန်မာနိုင်ငံအကြား သံတမန်ဆက်ဆံရေးနှင့် နှစ်နိုင်ငံ ချစ်ကြည်ရင်းနှီးမှုအား ရှေးရှုသောအားဖြင့်လည်းကောင်း အကျဉ်းထောင်များတွင် ပြစ်ဒဏ်ကျခံလျက်ရှိသော နိုင်ငံခြားသားများဖြစ်ကြသည့် ဩစတြေးလျနိုင်ငံသား ဒေါ်အောင်ဆန်းစုကြည်၏ စီးပွားရေးအကြံပေး Mr. Sean Turnell ၊ ပန်းချီဆရာ ထိန်လင်း၏ ဇနီး Mrs. Vicky Bowman ( ဗြိတိန်နိုင်ငံသူ )၊ Mr. TORU KUBOTA ( ဂျပန်နိုင်ငံသား မှတ်တမ်းရုပ်ရှင် ရိုက်ကူးသူ)၊ကျော်ဌေးဦး ( အမေရိကန်နိုင်ငံသား )တို့အား ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၁) အရ “နောက်တစ်ကြိမ်ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ် များကိုပါ ဆက်လက်ကျခံပါမည်" ဟူသောစည်းကမ်းသတ်မှတ်ချက်ဖြင့် ၎င်းတို့ကျခံရန်ကျန်ရှိသော ပြစ်ဒဏ်များကို လွတ်ငြိမ်းခွင့်ပြု၍ ပြည်နှင်ဒဏ်ပေးလိုက်ကြောင်း သိရသည်။

၎င်းအပြင် ယခင် အစိုးရလက်ထက်က ဝန်ကြီးဟောင်းများဖြစ်ကြသော ဦးကျော်တင့်ဆွေ၊ဒေါက်တာလဲ့လဲ့မော် နှင့် ဦးသန်းဌေး ၊ အကျဉ်းကျခံနေရသော အနုပညာရှင်များထဲမှ Mrs. Vicky Bowman ( ဗြိတိန်နိုင်ငံသူ ) ၏ ခင်ပွန်း ထိန်လင်း (ပန်းချီဆရာ) နှင့် ဆင်မ (ခ) ဇော်မင်းထိုက် (ဟာသသရုပ်ဆောင်) တို့လည်း ပြစ်ဒဏ်မှလွတ်ငြိမ်းခွင့်ပြုရာတွင် ပါဝင်သည့်အပြင် ရာဇသတ်ကြီး ဥပဒေပုဒ်မ ၅၀၅ - က ဖြင့် တရားစွဲဆိုခံထားရသည့် ဘုဏ်းသိုက် (သရုပ်ဆောင် / ဒါရိုက်တာ)၊ဖွေးဖွေး (ခ) ရွှေရည်ကိုဦး (သရုပ်ဆောင်)၊ဟေမာန်သူသူအောင် (မော်ဒယ်)၊မယ်မင်းဘုံ (ဒါရိုက်တာ)၊ဆုမွန် (အစီအစဉ်တင်ဆက်သူ)၊နီနီခင်ဇော် (အဆိုတော်)၊သီဟဖြိုး (ခ) ကိုဘင်း (သရုပ်ဆောင်)၊သဇင်ထူးမြင့် (ခ) သဲသဲ (သရုပ်ဆောင်)၊ထက်ထက်ထွန်း (မော်ဒယ်)၊ နန်းခင်ဇေယျာ (သရုပ်ဆောင်)၊ယွန်းဝတီလွင်မိုး (သရုပ်ဆောင်)တို့အား စွဲဆိုထားသည့် အမှုများကိုပိတ်သိမ်းခွင့်ပြုလိုက်ကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသော သတင်းများအရ သိရသည်။

ymg/mt
#Yangon_Media_Group

#LocalNews
Published _17 november 2022

မန္တလေးမှာ သေဆုံးနေသည့် မွေးကင်းစကလေးငယ်တစ်ဦးအား စည်ပင်အမှိုက်ကန်အတွင်း လာရောက်စွန့်ပစ်မှုတစ်ခု ဖြစ်ပွားခဲ့ကြောင်း မြရည်နန္ဒာလူမှုကူညီရေးအဖွဲ့မှ သိရသည်။

ဖြစ်စဉ်မှာ နိုဝင်ဘာလ ၁၅ရက်၊ ညနေ ၅နာရီခွဲအချိန်ခန့်တွင် မန္တလေးတိုင်း၊ ချမ်းမြသာစည်မြို့နယ်၊ ၁၁၈လမ်းနှင့် ၄၄လမ်း ၄၅လမ်းကြား၌ သေဆုံးနေသည့်ကလေးငယ်တစ်ဦးအား လာရောက်စွန့်ပစ်မှု ဖြစ်ပွားခဲ့ခြင်းဖြစ်သည်။

"သေဆုံးကလေးငယ်တစ်ဦး လာပစ်သွားတယ်လို့ ဖုန်းဆက်အကြောင်းကြားတာကြောင့် သွားခေါ်ယူပြီး တောင်အင်းပို့ဆောင်ဖို့ နောက်ကျသွားတဲ့အတွက် ညက ရုံးမှာလက်ခံထားပြီး မနက်မှ တောင်အင်းကိုပို့ဆောင်ပေးပါမယ်"ဟု အဆိုပါကယ်ဆယ်ရေးအဖွဲ့မှ ဆိုထားသည်။

သေဆုံးနေသည့် မွေးကင်းစကလေးငယ်ကို လာရောက်စွန့်ပစ်ထားကြောင်း ဖုန်းဆက်သတင်းပေးချက်ရရှိသဖြင့် သွားရောက်သယ်ယူခဲ့ပြီးနောက် ယနေ့ နိုဝင်ဘာလ ၁၆ရက်မှာ တောင်အင်းသို့ ပို့ဆောင်သင်္ဂြိုလ်ပေးခဲ့ကြောင်း သိရှိရသည်။

Photo - မြရည်နန္ဒာလူမှုကူညီရေးအဖွဲ့

#ymg/NN
#Yangon_Media_Group

#LocalNews
Published_17 November 2022

ယနေ့ (နိုဝင်ဘာလ ၁၇ )ရက်နေ့တွင် တောင်ကိုရီးယားနိုင်ငံသို EPS စနစ်ဖြင့် မြန်မာအလုပ်သမား ၁၂၆ ဦးကို ထပ်မံစေလွှတ်ခဲ့ကြောင်း ဆိုးလ်မြို့ မြန်မာသံရုံးမှထုတ်ပြန်ထားသည်။

အဆိုပါနိုင်ငံသို့ ကုန်ထုတ်လုပ်သားသစ် (၃၈) ဦး၊ ကုန်ထုတ်လုပ်သား (၁၀) ဦး၊ Re-entry ကုန်ထုတ်လုပ်သား (၇၈) ဦး စုစုပေါင်း ၁၂၆ ဦးကိုစေလွှတ်ခဲ့ခြင်းဖြစ်သည်။

ယင်းအပြင် နိုဝင်ဘာလ ၂၃ ရက်တွင်လည်း Regular ( ကုန်ထုတ် ၊ စိုက်ပျိုး/မွေးမြူရေးနှင့် ဆောက်လုပ်ရေး) လုပ်ငန်းများလုပ်ကိုင်ရန် မြန်မာအလုပ်သမား ၇၃ ဦး ၊ Re-entry (ကုန်ထုတ်) အလုပ်သမား ၃၉ ဦး ပို့ဆောင်ပေးမည်ဖြစ်ကြောင်း ပြည်ပအလုပ်အကိုင်ရှာဖွေရေးအေဂျင်စီမှ ထုတ်ပြန်ထားသည်။

တောင်ကိုရီးယားအစိုးရမှ မြန်မာလုပ်သားများကို ပြန်လည်လက်ခံပြီးနောက် သြဂုတ်လတွင် ပြန်လည်စေလွှတ်ခဲ့ခြင်းဖြစ်ကြောင်း သိရသည်။ ယင်းအပြင် ပြီးခဲ့သည့် အောက်တိုဘာလအတွင်းတောင်ကိုရီးယားနိုင်ငံသို့ EPS စနစ်ဖြင့် မြန်မာလုပ်သား ၁၁၆၉ ဦးစေလွှတ်ခဲ့ကြောင်း ဖော်ပြထားသည့်စာရင်းများအရ သိရသည်။

အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် နိုဝင်ဘာလ ၁၆ ရက်အထိ Regular ကုန်ထုတ်လုပ်သားသစ် ၊ CBT ကုန်ထုတ်အလုပ်သမားသစ် ၊ Re-entry ကုန်ထုတ်လုပ်သား ၊Re-entry စိုက်ပျိုးရေးနှင့် မွေးမြူရေးလုပ်သား စုစုပေါင်း ၄၈၆ ဦးကို ပို့ဆောင်ပေးထားကြောင်း ဆိုးလ်မြို့ရှိ မြန်မာသံရုံးမှ ထုတ်ပြန်ကြေညာထားသည်။

#ymg/STH
#Yangon_Media_Group

Published 17 Nov 2022

ယခင်အစိုးရအဖွဲ့တွင် တာဝန်ထမ်းဆောင်ခဲ့ကြတဲ့ ပြည်ထောင်စုဝန်ကြီးဟောင်း ဦးကျော်တင့်ဆွေ၊  တနင်္သာရီတိုင်းဝန်ကြီးချုပ်ဟောင်း ဒေါက်တာလဲ့လဲ့မော်နှင့် ပြည်ထောင်စုရွေးကောက်ပွဲကော်မရှင် အဖွဲ့ဝင်ဟောင်း ဦးသန်းဋ္ဌေး တို့ကို ပြစ်ဒဏ်လွတ်ငြိမ်းခွင့်ပေးလိုက်တယ်လို့ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက YMG ကိုပြောပါတယ်။

အမျိုးသားနေ့ကိုဂုဏ်ပြုသောအားဖြင့် ယနေ့တွင် နိုင်ငံခြားသား (၄)ဦးအပါအဝင် အကျဉ်းသား ၆၁၈ ဦး နှင့် အကျဉ်းသူ ၉၄ ဦး စုစုပေါင်း အကျဉ်းသား ၇၁၂ ဦးတို့ကို ပြစ်ဒဏ်လွတ်ငြိမ်းခွင့်ပေးလိုက်ကြောင်းသိရှိရပါတယ်။

-ymg/knl

#YMG

Published 17 Nov 2022

အနုပညာရှင် (၁၁)ဦးကို ၅၀၅-ကဖြင့်အရေးယူခြင်းမှ ဖြေလျော့ပေးလိုက်တယ်လို့ နစက ရဲ့သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက YMGကိုပြောပါတယ်။

ထိုသူတို့မှာ-

ဘုန်းသိုက်၊

သီဟဖြိုး၊

သဇင်ထူးမြင့်၊

ယွန်းဝတီလွင်မိုး၊

ဖွေးဖွေး၊

ဟေမန်သူသူအောင်၊

မယ်မင်းပုံ၊

စုမွန်၊

နန်းခင်ဇေယျာ၊

နီနီခင်ဇော်၊

ထက်ထက်ထွန်းတို့ဖြစ်တယ်လို့သိရပါတယ်။

Published 17 Nov 2022

ဩစတြေလျပါမောက္ခ ရှောင်တာနယ်အပါအဝင် နိုင်ငံခြားသား (၄)ဦးကို အမျိုးသားနေ့ကိုဂုဏ်ပြုသောအားဖြင့် ပြစ်ဒဏ်တွေကို လွတ်ငြိမ်းချမ်းသာခွင့်ပေးပြီး ပြည်နှင်ဒဏ်ပေးမည်ဖြစ်ကြောင်း သတင်းထုတ်ပြန်ရေး အဖွဲ့ခေါင်းဆောင် ဗိုလ်ချုပ်ဇော်မင်းထွန်းက YMGကိုပြောပါတယ်။

အဆိုပါနိုင်ငံခြားသား (၄)ဦးမှာ ဩစတြေးလျမှ ပါမောက္ခ ရှောင်တာနယ်၊ဗြိတိန်နိုင်ငံမှ သံအမတ်ကြီးဟောင်း ဗစ်ကီဘိုမန်း၊ ဂျပန်နိုင်ငံသား တိုရူကူဘိုတာနှင့် အမေရိကန်နိုင်ငံသား ဦးကျော်ဋ္ဌေးဦးတို့ဖြစ်ကြောင်းသိရပါတယ်။

ယနေ့တွင် အဆိုပါနိုင်ငံခြားသား (၄)ဦးအပါအဝင် အကျဉ်းသား ၆၁၈ ဦး နှင့် အကျဉ်းသူ ၉၄ ဦး စုစုပေါင်း အကျဉ်းသား ၇၁၂ ဦးတို့ကို ပြစ်ဒဏ်လွတ်ငြိမ်းခွင့်ပေးလိုက်ကြောင်းလည်း ဗိုလ်ချုပ်ဇော်မင်းထွန်းကပြောပါတယ်။

-ymg/knl

#YMG

Published 16 Nov 2022

ဒေါ်နယ်ထရမ့်က ၂၀၂၄ခုနှစ်မှာ အမေရိကန်သမ္မတ ဂျိုးဘိုင်ဒင် ပြန်ပြီးအရွေးမခံရအောင် ကာကွယ်ပေးမယ်လို့ ကတိပေးလိုက်ပါတယ်။ “ဂျိုးဘိုင်ဒင် နောက်ထပ်လေးနှစ်မရအောင် ကျွန်တော်အသေအချာလုပ်ပါမယ်” လို့ သူက ပြောခဲ့ပါတယ်။ သူဟာ လာမယ့်သမ္မတရွေးကောက်ပွဲမှာ ဝင်ပြိုင်မယ်လို့ကြေညာခဲ့တဲ့ ဖလော်ရီဒါမှာရှိတဲ့ သူ့ရဲ့ ပလက်ရှယ်မာအာလာဂိုအိမ်မှာ သူ့ကိုထောက်ခံသူတွေကို ပြောကြားခဲ့တာပါ။ “ကျွန်တော်တို့နိုင်ငံ ဒါကိုမယူနိုင်တော့ဘူး” လို့ သူကပြောပါတယ်။

Source AFP

ရုပ်သံကြည့်ရှုရန်..⏭⏭⏭

✅Facebook>>> https://fb.watch/gQLY_x_HOU/

#Trump_announces_his_presidential_bid

#Biden_Vs_Trump

#US_Politics