#LocalNews
Published_ 15 January 2023

ကွယ်လွန်သွားပြီဖြစ်သည့် ဒီမိုကရက်တစ်ပါတီ (မြန်မာ) ဥက္ကဌ ဦးသုဝေ သီရိပျံချီဘွဲ့ ရရှိသည့် အပေါ် ယနေ့ ဇန်နဝါရီလ ၁၅ ရက် နံနက်က ဂုဏ်ပြုပွဲကျင်းပခဲ့ကြသည်။

အဆိုပါ ဂုဏ်ပြုပွဲကို ဒီမိုကရက်တစ်ပါတီ (မြန်မာ) ရုံးချုပ်တည်ရှိရာ ရန်ကုန်တိုင်းဒေသကြီး ၊ ဗဟန်းမြို့နယ် ရွှေတောင်ကြား(၁)ရပ်ကွက် ၊ တက္ကသိုလ်ရိပ်သာလမ်းတွင် ကျင်းပခဲ့ခြင်းလည်းဖြစ်သည်။

ယင်းအခမ်းအနားသို့ ငြိမ်းချမ်းရေးလုပ်ငန်းစဉ်များတွင် ပါဝင်ခဲ့သည့် ပြည်ထောင်စုဝန်ကြီးဟောင်း ဦးအောင်မင်း အပါအဝင် နိုင်ငံရေးပါတီများက မိတ်ဆွေများလည်း တက်ရောက်ခဲ့ကြသည်။

နိုင်ငံတော်စီမံအုပ်ချုပ်ရေးကောင်စီ ဥက္ကဌက နိုင်ငံတော်ဖွံ့ဖြိုးတိုးတက်ရေးနှင့် ငြိမ်းချမ်းရေး၊ သာယာဝပြောရေးအတွက်၊ စွမ်းစွမ်းတမံ ပူးပေါင်းဆောင်ရွက်ခဲ့သော ပုဂ္ဂိုလ်များအား ပြီးခဲ့သည့်၂ဝ၂၂ ခုနှစ်၊ နိုဝင်ဘာလ (၁၉) ရက်က စွမ်းဆောင်မှုဆိုင်ရာ ဂုဏ်ထူးဆောင်ဘွဲ့ များ ပေးအပ်ရာတွင် “သီရိပျံချီ” ဘွဲ့ ကို ဦးသုဝေအား ပေးအပ်ချီးမြှင့်ခဲ့ခြင်းလည်းဖြစ်သည်။

ဦးသုဝေသည် ဝါရင့်နိုင်ငံရေးသမားတစ်ဦးဖြစ်ပြီး ၂၀၂၂ ခုနှစ် မေလ ၁၈ ရက် ည ၇ နာရီခန့်က ကွယ်လွန်ခဲ့ခြင်းဖြစ်ပြီး သူကွယ်လွန်ချိန်တွင် အသက် ၉၀ ရှိပြီဖြစ်သည်။

ymg/mt
#Yangon_Media_Group

#Myanmar_News
Published - 15 Jan 2023

ကယားပြည်နယ်၊ လွိုင်ကော်မြို့၊ ပြည်နယ်ခန်းမရှေ့၌ (၇၁)နှစ်မြောက် ကယား ပြည်နယ်နေ့အထိမ်းအမှတ် မုခ်ဦးဖွင့်ပွဲအခမ်းအနား ကျင်းပနေစဉ် ယနေ့ နံနက်ပိုင်းက KNPP အဖွဲ့နှင့် PDF အဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့တဲ့အတွက် အရပ်သားတစ်ဦးသေဆုံးပြီး လုံခြုံရေးတပ်ဖွဲ့ဝင်တချို့နှင့် အရပ်သား(၈)ဦးထိခိုက်ဒဏ်ရာရရှိခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

(၇၁)နှစ်မြောက် ကယားပြည်နယ်နေ့အထိမ်းအမှတ် မုခ်ဦးဖွင့်ပွဲ အခမ်းအနားကျင်းပနေတဲ့ နေရာသို့ အဆိုပါအဖွဲ့တွေက နံနက် ၇ နာရီ ၁၅ မိနစ်ခန့်တွင် လွိုင်ကော်မြို့၏ အရှေ့မြောက်ဘက်မီတာ ၄၀၀၀ ခန့်အကွာမှ လက်နက်ကြီးများဖြင့် ပစ်ခတ်တိုက်ခိုက်ခဲ့တာဖြစ်တယ်လို့ သတင်းမှာဖော်ပြထားပါတယ်။

အဲသလိုပစ်ခတ်တဲ့အတွက် ပြည်နယ်ခန်းမအနီးနှင့် လူနေရပ်ကွက်များအတွင်းသို့ လက်နက်ကြီး ကျည်များ ကျရောက်ပေါက်ကွဲခဲ့ပြီး အဆိုပါ လက်နက်ကြီးကျည်များ ကျရောက် ပေါက်ကွဲမှုကြောင့် လုံခြုံရေးတပ်ဖွဲ့ဝင်တချို့နှင့် ကျောင်းသား/သူ ၆ ဦး၊ အပြစ်မဲ့ အရပ်သား ကျား ၁ ဦး၊ မ ၁ ဦးတို့ ထိခိုက်ဒဏ်ရာရရှိခဲ့ပြီး အပြစ်မဲ့အရပ်သား ကျား ၁ ဦး သေဆုံး ခဲ့တယ်လို့ နစက,က သတင်းထုတ်ပြန်ထားပါတယ်။

အထက်ပါဖြစ်စဉ်မှ ထိခိုက်ဒဏ်ရာရရှိခဲ့သူများအား လုံခြုံရေးတပ်ဖွဲ့ဝင်များကလွိုင်ကော်မြို့ပြည်သူ့ဆေးရုံသို့ ပို့ဆောင်ဆေးကုသမှုခံယူစေလျက်ရှိတယ်လို့သတင်းရရှိပါတယ်။

#ymg_knl
#Yangon_Media_Group

#LocalNews
Published_ 15 January 2023

မန္တလေးတိုင်းဒေသကြီး၊ပြည်ကြီးတံခွန်မြို့နယ်အနီးတွင် အင်အားရစ်တာစကေး(၄.၄) အဆင့်ရှိ ငလျင်တစ်ခုလှုပ်ရှားသွားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ ထုတ်ပြန်ထားသည်၊၊

ထုတ်ပြန်ချက်တွင် ၂၀၂၃ ခုနှစ်၊ ဇန်နဝါရီလ (၁၅) ရက်နေ့၊ မြန်မာစံတော်ချိန် (၁၀)နာရီ၊ (၃၃)မိနစ်၊ (၀၈)စက္ကန့်အချိန်တွင် မန္တလေးမြေငလျင်စခန်းမှ တောင်-အနောက်တောင်ဘက် (၈) မိုင်ခန့်အကွာ၊ မြန်မာနိုင်ငံ ပြည်တွင်း (ပြည်ကြီးတံခွန်မြို့နယ်၏ အနောက်-အနောက်တောင်ဘက် (၁)မိုင်ခန့်အကွာ)၊ မြောက် လတ္တီတွဒ် (၂၁.၉၀)ဒီဂရီ၊ အရှေ့လောင်ဂျီတွဒ် (၉၆.၀၉)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၄) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားသည်ဟုဖော်ပြထားသည်၊၊

မြေငလျင်နှင့်ပတ်သက်၍ စစ်ကိုင်းတိုင်းဒေသကြီး၌ လှုပ်ခတ်မှုအများဆုံးဖြစ်ပြီး စစ်ကိုင်းပြတ်ရွေ့ကြောပေါ်ရှိ မန္တလေး၊မိထ္တီလာ၊ ရမည်းသင်း ၊ပျဥ်းမနားနှင့်ပဲခူးဒေသများတွင် မြေငလျင်လှုပ်ခတ်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၊မြေငလျင်ဌာနခွဲ၊လက်ထောက်ညွှန်ကြားရေးမှူးဒေါက်တာယဥ်မျိုးမင်းထွေးကလည်း သတိပေးပြောကြားထားသည်၊၊

ymg/tthl
#Yangon_Media_Group

#World_Health
Published 15 January 2023

ရုံးထိုင်ဝန်ထမ်းတွေ၊ ကွန်ပျူတာကျွမ်းကျင်သမားတွေ၊ သတင်းထောက်တွေလို လူတွေဟာ အထိုင်များပြီး လေ့ကျင့်ခန်းပုံမှန်ပြုလုပ်လေ့ရှိတာတောင် ကျန်းမာရေးထိခိုက်နိုင်တဲ့ အန္တရာယ်ရှိနေကြောင်း အထောက်အထားတွေ တွေ့လာရပါတယ်။

ဒါကြောင့် ဆရာဝန်တွေက အရွယ်ရောက်ပြီးသူအားလုံးကို လျှော့ထိုင်ရန်နဲ့ လှုပ်ရှားမှုပိုပြုလုပ်ရန် အကြံပေးလိုက်ပါတယ်။

ရုံးထိုင်ဝန်ထမ်းအများစုသိချင်နေကြတဲ့ ထိုင်ပြီးအလုပ်လုပ်ရခြင်းရဲ့ ကျန်းမာရေးဆိုးကျိုးကို ကာမိဖို့ လှုပ်ရှားလေ့ကျင့်ခန်း အနည်းဆုံးဘယ်လောက်ပြုလုပ်သင့်သလဲဆိုတာကို သိရဖို့ နှိုင်းယှဉ်ချက်အနည်းငယ် ပြုလုပ်ထားကြပါတယ်။

နယူးယော့ခ်ရှိ ကိုလံဘီယာတက္ကသိုလ်မှ လေ့ကျင့်ခန်းဆိုင်ရာပညာရှင်တွေရဲ့ လေ့လာချက်အရ ကြာရှည်ထိုင်ရတဲ့အချိန်အတွင်း မိနစ် ၃၀ ကြာတိုင်း ၅ မိနစ်တစ်ခါ လမ်းလျှောက်ခြင်းဖြင့် အန္တရာယ်အများစုကို ကာကွယ်နိုင်ကြောင်း ဖြေကြားခဲ့ပါတယ်။

အရွယ်ရောက်ပြီးသူ ၁၁ ဦးကို စမ်းသပ်ရာမှာ စမ်းသပ်ခံသူတွေကို ကုလားထိုင်မှာထိုင်ကြပြီး သတ်မှတ်ထားတဲ့ လမ်းလျှောက်စက် ဒါမှမဟုတ် သန့်စင်ခန်းတို့ကိုသာ အသုံးပြုကြပါတယ်။

စမ်းသပ်ခံသူတွေ လေ့ကျင့်ခန်းပိုလုပ်မိသလား လျှော့လုပ်မိသလားဆိုတာကို စောင့်ကြည့်နေခဲ့ပြီး သွေးပေါင်ချိန် သွေးတွင်းသကြားဓာတ်တို့ကို တိုင်းတာခဲ့ကြပါတယ်။

စမ်းသပ်ကာလအတွင်း သူတို့ကို လက်ပ်တော့နဲ့ ဖုန်းအသုံးပြုစေကာ သတ်မှတ်ထားသော အစားအစာများ ထောက်ပံ့ပေးခဲ့ပါတယ်။

အဲဒီနောက် မိနစ် ၃၀ ကြာတိုင်း ၅ မိနစ်လမ်းလျှောက်ခိုင်းခဲ့ပါတယ်။
ဒီပမာဏဖြင့်လေ့ကျင့်ခန်းပြုလုပ်ခြင်းဟာ သွေးတွင်းသကြားဓာတ်ရော သွေးပေါင်ချိန်ပါ သိသိသာသာကျဆင်းစေပါတယ်။

နာရီဝက်ကြာတိုင်း တစ်မိနစ်လမ်းလျှောက်ခြင်းဖြင့်လည်း သကြားဓာတ်ပမာဏကို အကျိုးရှိစေပြီး မိနစ် ၆၀ နေမှ တစ်ခါလမ်းလျှောက်ခြင်းကတော့ အကျိုးအာနိသင်မရခဲ့ပါဘူး။

ဒါ့အပြင် လမ်းလျှောက်လှုပ်ရှားခြင်းဖြင့် နွမ်းနယ်ခြင်းကိုလျော့ကျစေကာ စိတ်အခြေအနေကို တိုးတက်စေပါတယ်။

ချုပ်ပြီးပြောရရင် ကျန်းမာရေးကောင်းမွန်ဖို့အတွက် အလုပ်မှာ ပုံမှန်လှုပ်ရှားနေဖို့လိုပါတယ်။

လက်တွေ့မကျဘူးထင်ရပေမယ့် လုပ်ငန်းခွင်မှာ လမ်းလျှောက်ပေးရုံဖြင့် နှလုံးရောဂါနဲ့ အခြားနာတာရှည်ရောဂါများ ဖြစ်နိုင်ချေကို သိသိသာသာလျော့ကျစေကြောင်း ကောက်ချက်ချလို့ရပါတယ်။

Source: The Jerusalem Post
#Yangon_Media_Group

Published 15 January 2023

ဂျပန်ဝန်ကြီးချုပ် ဖူမီယိုကီရှီဒါဟာ အမေရိကန်ရဲ့ ရှက်ဖွယ်ကောင်းတဲ့ အသုံးချခံဖြစ်တယ်လို့ ရုရှားသမ္မတဟောင်း ဒီမစ်ထရီမက်ဗီဒက်ဗ်က စွပ်စွဲလိုက်ပြီး သူ့အနေနှင့် သူ့ကိုယ်သူ ရင်ခွဲသတ်သေသင့်တယ်လို့ အကြံပြုလိုက်တဲ့ အကြောင်း နိုင်ငံတကာသတင်းတွေကရေးသားပါတယ်။

ဒါဟာ မက်ဗီဒက်စ်ဆီက တုန်လှုပ်စရာနှင့် ဆွပေးတဲ့ ကြေညာချက်တွေအများကြီးထဲက နောက်ဆုံးထုတ်ပြန်ချက်ဖြစ်ပါတယ်။ သူ့ကို တစ်ခါတုန်းက အနောက်နိုင်ငံပညာတတ်ပြုပြင်ပြောင်းလဲရေးသမားတစ်ဦးလို့ မြင်ခဲ့ကြပေမယ့် ပြီးခဲ့တဲ့နှစ်က ယူကရိန်းကို ရုရှားကျူးကျော်ပြီးကတည်းက သူ့ကိုယ်သူ အဓိကသဘောထားတင်းမာသူအဖြစ် ပြန်လည်တည်ဆောက်ခဲ့ပါတယ်။

ဂျပန်နိုင်ငံမှာ ဝန်ကြီးချုပ်ရုံးဖြစ်ဖြစ်  နိုင်ငံခြားရေးဝန်ကြီးရုံးဖြစ်ဖြစ်  ရုံးချိန်ပြင်ပမှာ ဘယ်သူတစ်ဦးတစ်ယောက်မျှ မှတ်ချက်ကို ချက်ခြင်းပေးလေ့မရှိကြပါဘူး။

မက်ဗီဒက်ဗ်ဟာ သမ္မတပူတင်ရဲ့ အရေးပါတဲ့ မဟာမိတ်တစ်ဦးဖြစ်ပြီး ရုရှားရဲ့ ကာကွယ်ရေးလုပ်ငန်းတွေကို ကြီးကြပ်တဲ့ လုံခြုံရေးကောင်စီမှာ ဒုတိယဥက္ကဋ္ဌအဖြစ် တာဝန်ထမ်းဆောင်နေပါတယ်။

သူက ကီရှီဒါနှင့် အမေရိကန်သမ္မတ ဂျိုးဘိုင်ဒင်တို့ သောကြနေ့ကတွေ့ဆုံကြပြီး ပူးတွဲသတင်းထုတ်ပြန်ချက် ထုတ်ပြန် အပြီးမှာ တုန့်ပြန်လိုက်ခြင်းဖြစ်ပါတယ်။

အဆိုပါကြေညာချက်ထဲမှာ “ ယူကရိန်းမှာ ရုရှားက နျူကလီးယားလက်နက်မည်သည့်လက်နက်မဆို အသုံးပြုခြင်းကို လူသားတွေကို ဆန့်ကျင်တဲ့လုပ်ဆောင်မှုဖြစ်ပြီး မည်သည့်နည်းနှင့်မျှလက်ခံနိုင်စရာမရှိ” လို့ဖော်ပြထားပါတယ်။

ဒီကြေညာချက်ဟာ ရုရှားရန်မူမှာကို အစိုးရိမ်လွန်တဲ့စိတ်ဖောက်ပြန်မှုဖြစ်ပြီး  ဟီရိုရှီးမားနှင့်နာကာစကီတို့ နျူကလီးယား မီးလောင်တိုက်သွင်းခံရတဲ့အပေါ် ရာထောင်များစွာသော ဂျပန်လူမျိုးတို့ရဲ့ အမှတ်ရစရာတွေကို သစ္စာဖောက်တာ ဖြစ်တယ်လို့ မက်ဗီဒက်ဗ်က ပြောပါတယ်။ သူက ဒုတိယကမ္ဘာစစ်အဆုံးသတ်ဖို့ ဂျပန်ကို အတင်းအကျပ်လက်နက်ချစေ ခဲ့ရတဲ့ အမေရိကန်ကြဲချနဲ့ နျူကလီယားဗုံးတွေကို ရည်ညွှန်းပြောဆိုတာဖြစ်ပါတယ်။

အဲဒီဖြစ်ရပ်အတွက် အမေရိကန်ဆီက နောင်တစကားကို တောင်းဆိုရမယ့်အစား ကီရှီဒါဟာ “ အမေရိကန်တွေအတွက် အစေခံတစ်ဦးမျှသာ” ဖြစ်တယ်ဆိုတာကို ပြသခဲ့တယ်လို့ သူကဝေဖန်ပါတယ်။

အဲဒီလို ရှက်စရာကောင်းတဲ့အပြစ် ကို  ကီရှီဒါ ဂျပန်ပြန်ရောက်လို့ ဝန်ကြီးအဖွဲ့အစည်းအဝေးလုပ်တဲ့အခါ ဂျပန်လို ဟာရာကီရီလိုခေါ်တဲ့ ဆက်ပူကူ  seppuku ပုံစံနှင့်ကိုယ့်ရင်ခွဲ ကိုယ့်ကိုကိုယ် သတ်သေသင့်ပြီး ဆေးကြောမှသာ ရလိမ့်မယ်လို့ သူကပြောပါတယ်။

ယူကရိန်းကို ရုရှားကျုုးကျော်ပြီးကတည်းက  အနောက်နိုင်ငံက အကျပ်အတည်းကို စွက်ဖက်ခြယ်လှယ်ရင် အဲဒါဟာ နျူကလီယားစစ်ပွဲကို ဦးတည်သွာနိုင်တယ်လို့  မက်ဗီဒက်ဗ်က မကြာခဏသတိပေးနေတာပါ။နျူကလီးယားစစ်ပွဲတစ်ခု ဟာ ဖြစ်ဖို့အခွင့်အလမ်းများလာနေပေမယ့် ရုရှားဟာ မမိုက်မဲပါဘူး။နျူးကလီးယားလက်နက်ကို ခုခံကာကွယ်ဖို့ အတွက်သာရှုမြင်ထားတယ်လို့ ပူတင်ကပြောခဲ့ပါတယ်။

Source: South China Morning Post

#Medvedev_said_ Japan_PM_should_ritually disembowel himself

#Russia_Japan

#Russia_Ukraine_War

#Local_News
Published_ 15 January 2023

မြန်မာနိုင်ငံအနေဖြင့် ကမ္ဘာ့တောင်ဘက်ပိုင်းရှိ နိုင်ငံများအားလုံးနှင့် နှစ်နိုင်ငံ၊ နိုင်ငံစုံနှင့် ဒေသတွင်းပူးပေါင်းဆောင်ရွက်မှုများတွင် တက်ကြွစွာဆောင်ရွက်လျက်ရှိတဲ့ အခြေအနေများကို ဆွေးနွေးခဲ့ကြောင်း သိရပါတယ်။

အိန္ဒိယသမ္မတနိုင်ငံက Virtual စနစ်ဖြင့်ကျင်းပတဲ့ Voice of the South Summit ၏ စီးပွားရေးနှင့် ကုန်သွယ်ရေးဆိုင်ရာ ဝန်ကြီးများအဆင့်ဆွေးနွေးပွဲ ဇန်နဝါရီ ၁၃ ရက်တွင်ကျင်းပရာ စီးပွားရေးနှင့်ကူးသန်းရောင်းဝယ်ရေးဝန်ကြီး ဦးအောင်နိုင်ဦး ပါဝင်တက်ရောက် ဆွေးနွေးခဲ့ပါတယ်။

ဆွေးနွေးပွဲတွင် ဝန်ကြီးက မြန်မာနှင့်အိန္ဒိယနိုင်ငံတို့သည် အိမ်နီးချင်းနိုင်ငံများဖြစ်သည်နှင့်အညီ နှစ်နိုင်ငံဆက်ဆံရေးကောင်းမွန်ပြီး အရေးပါတဲ့ စီးပွားရေးမိတ်ဖက်နိုင်ငံများဖြစ်ကာ မြန်မာနိုင်ငံ၏ ကုန်သွယ်ဖက်နိုင်ငံ ၁၇၀ တွင် အိန္ဒိယနိုင်ငံသည် စတုတ္ထကုန်သွယ်မှုအများဆုံး နိုင်ငံဖြစ်တယ်လို့ ဆိုပါတယ်။

ကုန်သွယ်ရေးနှင့် ရင်းနှီးမြှုပ်နှံမှုများ ပိုမိုမြင့်တက်စေရေး ပူးပေါင်းဆောင်ရွက်သွားရန် ဒေသတွင်းရှိ အခြားမိတ်ဖက်နိုင်ငံများကိုလည်း တိုက်တွန်းခဲ့ပါတယ်။

ထို့ပြင် ကုန်သွယ်ရေးနှင့် ရင်းနှီးမြှုပ်နှံမှုများမြှင့်တင်ရေးနှင့် ပိုမိုအားကောင်းစေရေးအပြင် စီးပွားရေးအလားအလာကောင်းများရှာဖွေရန်၊ ဆက်သွယ်ဆောင်ရွက်မှုများ ပိုမိုကောင်းမွန်စေရန်နှင့် ခရီးသွားလုပ်ငန်းများ ကောင်းမွန်စေရန် တိုက်တွန်းဆောင်ရွက်သွားရေးနှင့် ပတ်သက်၍ အမြင်ချင်းဖလှယ်နိုင်ရေး ဆွေးနွေးခဲ့ပါတယ်။

စားနပ်ရိက္ခာဖူလုံရေးအတွက် စိုက်ပျိုးရေးနှင့် မွေးမြူရေးလုပ်ငန်းများ၊ ထုတ်လုပ်မှု၊ နည်းပညာ၊ သယ်ယူပို့ဆောင်ရေးလုပ်ငန်းများနှင့် လူ့စွမ်းအားအရင်းအမြစ်များ ဖွံ့ဖြိုးတိုးတက်ရန် ပူးပေါင်းဆောင်ရွက်ရေးကိုလည်း ပြောကြားခဲ့ပါတယ်။

အဆိုပါ ဆွေးနွေးပွဲကို ဇန်နဝါရီ ၁၂ ရက်မှ ၁၃ ရက်အထိ ကျင်းပခဲ့ပြီး နိုင်ငံပေါင်း (၂၅) နိုင်ငံမှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဝန်ကြီးများနှင့် ဒုတိယဝန်ကြီးများ တက်ရောက်အမှာစကားပြောကြားခဲ့ကြောင်း သတင်းရရှိပါတယ်။

ygm_mnn
#Yangon_Media_Group

#World_Health
Published 15 January 2023

တကယ့်အသက်အရွယ်ထက် အသက်ပိုကြီးတယ်လို့ ထင်ရတဲ့သူတွေဟာ အသက်အရွယ်နဲ့ဆိုင်တဲ့ ရောဂါတွေဖြစ်တဲ့ အတွင်းတိမ်နဲ့ အရိုးပွရောဂါတို့ ပိုမိုဖြစ်နိုင်ချေရှိကြောင်း British Journal of Dermatology ဂျာနယ်မှာ အင်္ဂါနေ့က ဖော်ပြခဲ့ပါတယ်။

အခြားအဓိပ္ပာယ်ကတော့ တကယ့်အသက်အရွယ်ထက် ငယ်တယ်ထင်ရတဲ့အခါ ကိုယ်တွင်းအင်္ဂါစနစ်တွေ၊ စိတ်ကျန်းမာရေးတွေ ကောင်းတယ်ဆိုတဲ့အဓိပ္ပာယ်ဖြစ်ကြောင်း ရော့တာဒမ် အီရတ်စ်မတ်စ်ဆေးဘက်ဆိုင်ရာတက္ကသိုလ်မှ အရေပြားအထူးကု'တာမာနစ်ဂျ်စတန်'က Daily Mail ကို ပြောပြခဲ့ပါတယ်။

နယ်သာလန်လေ့လာမှုတစ်ခုမှာ အသက် ၅၁ မှ ၈၇ နှစ်ကြားဥရောပသား ၂,၆၇၉ ဦးရဲ့ ဓာတ်ပုံတွေနဲ့ ဆေးဘက်ဆိုင်ရာသမိုင်းများကို စုဆောင်းကာ သီးခြားအဖွဲ့အစည်းတစ်ခုက ဓာတ်ပုံတွေကို အကဲဖြတ်ခဲ့ပါတယ်။

တကယ့်အသက်ထက် ၅ နှစ်မျှငယ်တယ်လို့ ထင်ရတဲ့သူတွေဟာ မှတ်ဉာဏ်စမ်းသပ်မှုတွေမှာ ပိုမိုကောင်းမွန်ပြီး အရိုးပွခြင်း ၂၄ ရာခိုင်နှုန်းဖြစ်နိုင်ချေပိုနည်းကာ နာတာရှည်အဆုတ်ရောဂါဖြစ်နိုင်ချေ ၁၅ ရာခိုင်နှုန်းပိုနည်းပါတယ်။

ငယ်ရွယ်တဲ့ပုံစံပေါက်သူတွေက အတွင်းတိမ်နဲ့ အသက်အရွယ်အရ အကြားအာရုံဆုံးရှုံးမှုတွေ ဖြစ်နိုင်ချေနည်းပါးသွားကြောင်း လေ့လာတွေ့ရှိထားပါတယ်။

၂၇ ယောက်ပါဝင်တဲ့ အကဲဖြတ်အဖွဲ့ကို ဓာတ်ပုံပြပြီး အသက်ခန့်မှန်းခိုင်းခဲ့ပါတယ်။

ဓာတ်ပုံထဲကလူတွေရဲ့ ကျန်းမာရေးနဲ့ နေထိုင်မှုပုံစံတို့ကို လေ့လာခဲ့ကာ ငယ်ရွယ်တယ်လို့ထင်ရတဲ့သူတွေက ရလဒ်ပိုကောင်းနေခဲ့ပါတယ်။

ကျန်းမာရေးအခြေအနေ၊ မျက်နှာအိုမင်းခြင်းဖြစ်စဉ်၊ အရိုးသိပ်သည်းဆနဲ့ တစ်ရှူးပြောင်းလဲမှုတို့ကြား ဆက်စပ်မှုရှိတယ်လို့ ယုံကြည်နေကြပါတယ်။

ခရမ်းလွန်ရောင်ခြည်ထိတွေ့မှု၊ ဆေးလိပ်သောက်ခြင်းတို့ကဲ့သို့ လူနေမှုပုံစံတွေထက် ပိုတဲ့အချက်အလက်တွေရှိနေသေးကြောင်း သက်သေပြရာရောက်နေကြောင်း ပြောပြသွားပါတယ်။

Source: NY Post
#Yangon_Media_Group

#Local_News
Published_14 January 2023

မြန်မာဘက်ခြမ်းကနေ နယ်စပ်ဂိတ်တွေကို ပြန်မဖွင့်သေးပေမယ့် မြန်မာ-တရုတ်နယ်စပ်ကုန်သွယ်ရေးဟာ နေ့စဉ်ပုံမှန် ကုန်သွယ်မှုပြုလုပ်နေတယ်လို့ မူဆယ်ဆန်စပါးကုန်စည်ဒိုင်ဥက္ကဋ္ဌ ဦးမင်းသိမ်းက ပြောပါတယ်။

#Yangon_Media_Group

#Local_News
Published_14 January 2023

CNG Gas တွေကို ည ၁၀ နာရီအချိန်ထိ ထပ်တိုးပေးထားတယ်လို့ ကြေညာထားပေမယ့် တစ်ကယ့်လက်ရှိမှာတော့ ည ၈ နာရီကျော်အထိသာရရှိတယ်လို့ ယာဉ်မောင်းတွေရဲ့ ပြောပြချက်အရ သိရပါတယ်။

#Yangon_Media_Group

#World_Disaster
Published 14 January 2023

ပဋိပက္ခနဲ့ ပထဝီဝင်စီးပွားရေးတင်းမာမှုများကြောင့် လာမယ့် ၂ နှစ်အတွင်း တစ်ကမ္ဘာလုံးမှာ အဆိုးရွားဆုံးအန္တရာယ်ဖြစ်လာပြီး လူနေထိုင်မှုစရိတ်အကျပ်အတည်း အမြင့်ဆုံးဖြစ်လာနိုင်တယ်လို့ ကမ္ဘာ့စီးပွားရေးဖိုရမ် (WEF)က ဗုဒ္ဓဟူးနေ့ကထုတ်ပြန်တဲ့ ၂၀၂၃ တစ်ကမ္ဘာလုံးဆိုင်ရာအန္တရာယ်သတင်းတင်ပို့မှုအရ သိရှိရပါတယ်။

#Yangon_Media_Group

#Health_Matters
Published - 14 Jan 2023

- အန္တရာယ်ကင်းတဲ့ ကလေးဖြည့်စွက်အာဟာရကို ဘယ်လိုသိရှိနိုင်မလဲ ဘယ်လိုရွေးချယ်နိုင်မလဲ??

#Yangon_Media_Group

Published 14 January 2023

အမေရိကန်ပြည်ထောင်စုနှင့် ဂျပန်နိုင်ငံတို့ဟာ အာကာသပူးပေါင်းဆောင်ရွက်ရေး သဘောတူညီချက် လက်မှတ်ရေးထိုးခဲ့ကြပါတယ်။  အမေရိကန်ပြည်ထောင်စုကို ဂျပန်ဝန်ကြီးချုပ် ကီရှီဒါ အလည်အပတ်ခရီးစဉ်အတွင်း နှစ်နိုင်ငံ နိုင်ငံခြားရေးဝန်ကြီးတွေက လက်မှတ်ရေးထိုးခဲ့ကြတာဖြစ်ပါတယ်။ အဲဒီလက်မှတ်ရေးထိုးပွဲကို ဝါရှင်တန်ဒီစီက နာဆာ ဌာနချုပ်မှာ ပြုလုပ်ခဲ့တာဖြစ်ပြီး ဂျပန်ဝန်ကြီးချုပ်ဟာ အမေရိကန်အာကာသအေဂျင်စီနာဆာကို သွားရောက် လေ့လာလည်ပတ်ပြီးနောက် လက်မှတ်ရေးထိုးပွဲကို ဆက်လက်ပြုလုပ်ခဲ့တာပါ။

အမေရိကန်နိုင်ငံခြားရေးဝန်ကြီး အန်တိုနီဘလင်ကန်နှင့် ဂျပန်နိုင်ငံခြားရေးဝန်ကြီး ယိုရှီမာဆာ ဟာရာရှီတို့ဟာ ဂျပန်ဝန်ကြီးချုပ်ရှေ့မှောက်မှာ အဆိုပါ အမေရိကန်-ဂျပန်အာကာသပူးပေါင်းဆောင်ရွက်ရေး မူဘောင်သဘောတူညီချက် ကို လက်မှတ်ရေးထိုးခဲ့ကြပါတယ်။

အဲဒီသဘောတူညီချက်ထဲမှာ  ဂျပန်နှင့် အမေရိကန်နှစ်နိုင်ငံအကြား ငြိမ်းချမ်းရေးရည်ရွယ်ချက်နှင့် အာကာသပူးပေါင်း ဆောင်ရွက်ရေးအတွက် အခြေခံမူဘောင်တွေပါဝင်ပါတယ်။ဒီလက်မှတ်ရေးထိုးပြီးနောက် နှစ်နိုင်ငံဟာ သူတို့ပြည်တွင်း ဆက်လက်လုပ်ဆောင်ရမယ့်လုပ်ငန်းစဉ်တွေကို အပြီးသတ်ဆောင်ရွက်ရမှာဖြစ်တယ်လို့ ဂျပန်နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။

ဒီသဘောတူညီချက်ဟာ ဂျပန်နှင့်အမေရိကန်နှစ်နိုင်ငံအကြား  အာကာသပူးပေါင်းဆောင်ရွက်ရေးနှင့် အခြားနယ်ပယ် တွေမှာပူးပေါင်းဆောင်ရွက်ရေးတိုးမြှင့်ဆောင်ရွက်နိုင်မယ်လို့ ယုံကြည်တယ်လို့ ဂျပန်ဝန်ကြီးချုပ်ကီရှီဒါက ပြောပါတယ်။

ဒီမူဘောင်သဘောညီချက်ဟာ ကျွန်တော်တို့ရဲ့ပူးပေါင်းဆောင်ရွက်မှုမှာ အထွတ်အထိပ်အသစ်တစ်ခုကို ရောက်ရှိစေပါလိမ့်မယ်။ အာကသနည်းပညာနှင့်ပို့ဆောင်ရေး၊ လမျက်နှာပြင် စက်ရုပ်မစ်ရှင်တွေနှင့် ရာသီဥတုဆက်စပ် မစ်ရှင်တွေလို နယ်ပယ်တွေနှင့် ဂျပန်အာကာသယာဉ်မှူးတွေကို လကိုစေလွှတ်မယ့် ကျွန်တော်တို့ရဲ့ ဘုံမျှော်မြင်မှုတွေ မှာ မိတ်ဖက်ဖြစ်မှုပိုမိုခိုင်မာလာစေပါလိမ့်မယ်” လို့ အမေရိကန်နိုင်ငံခြားရေးဝန်ကြီးကပြောပါတယ်။

ဂျပန်နိုင်ငံခြားရေးဝန်ကြီးကလည်း ဒီသဘောတူညီချက်ကို အခြေပြုပြီး ဂျပန် အမေရိကန် အာကာသပူးပေါင်းဆောင်ရွက်မှုဟာ ပိုမိုပြီးနက်ရှိုင်းလာပြီး အနာဂတ်မှာ လူသားအားလုံးအတွက် အကျိုးရှိစေမယ်လို့သူရိုးသားစွာယုံကြည်တယ်လို့ ထပ်လောင်းပြောကြားခဲ့ပါတယ်။

Source AFP