#Local_News
Published_ 17 February 2023

ဖေဖော်ဝါရီလ ၁၇ရက်နေ့ နေ့လည် ၁၂နာရီဝန်းကျင်ခန့်က လေပြင်းတိုက်ခတ်မှုနှင့် မိုးသည်းထန်စွာ ရွာသွန်းမှုတို့ကြောင့် ရန်ကုန်တိုင်းဒေသကြီးအတွင်းရှိ မြို့နယ်အချို့မှာ သစ်ပင်ကြီးများလဲကြမှုဖြစ်ပွားခဲ့ကြောင်း မြန်မာနိုင်ငံမီးသတ်ဌာနချုပ်မှ သိရသည်။

အဆိုပါ လေပြင်းတိုက်ခတ်မှုကြောင့် ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်၊ ပုသိမ်ညွန့်ရပ်ကွက်၊ သမိန်ဗရမ်းလမ်း၊ CNG မော်တော်ယာဉ်သုံးဓာတ်ငွေ့အရောင်းဆိုင်၊ သင်္ဃန်းကျွန်းမြို့နယ်၊ သုဝဏ္ဏ(၂၉)ရပ်ကွက်၊ မင်းဒင်(၈)လမ်းပေါ်တွင် သစ်ပင်လဲကျ၍ လမ်းပိတ်ဆို့မှုဖြစ်ပွားနေကြောင်း သတင်းရရှိသည့်အတွက် မြို့နယ်မီးတပ်ဖွဲ့က သွားရောက်ရှင်းလင်းခဲ့ရပြီး ဒဂုံမြို့သစ်အရှေ့ပိုင်းမြို့နယ် မှာလည်း သစ်ပင်လဲကြ၍ သွားကူညီရှင်းလင်းပေးခဲ့ရတယ်လို့ မြန်မာနိုင်ငံမီးသတ်ဌာနချုပ်မှ သိရသည်။

အချိန်အခါမဟုတ်မိုးရွာခြင်းနှင့်အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင် သတိပြုကြရန် မိုးလေဝသနှင့်ဇလဗေဒညွှန်ကြားမှုဦးဌာနမှ သတိပေးချက် ထုတ်ပြန်ထားသည်။

#ymg/ynzw
#Yangon_Media_Group

#Local_News
Published_ 17 February 2023

မြန်မာနှင့် ရုရှားနိုင်ငံတို့ အနေဖြင့် ကူးသန်းရောင်းဝယ်ရေး၊ ကမ္ဘာလှည့်ခရီးသွားကဏ္ဍ၊ ယဉ်ကျေးမှုနှင့် အားကစားဆိုင်ရာကဏ္ဍများအပြင် အခြားကဏ္ဍပေါင်းစုံတွင် ပူးပေါင်းဆောင်ရွက်မည်ဖြစ်ကြောင်း နစက ဥက္ကဌက ပြောသည်။

ဖေဖော်ဝါရီလ ၁၆ ရက်က နေပြည်တော်မြန်မာ အပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ ၌ ကျင်းပပြုလုပ်ခဲ့သော (၇၅)နှစ်မြောက် ပြည်ထောင်စုသမ္မတမြန်မာနိုင်ငံတော်နှင့် ရုရှားဖက်ဒရေးရှင်း နိုင်ငံတို့အကြား သံတမန်ဆက်သွယ်ထူထောင်မှု အထိမ်းအမှတ်အဖြစ် မြန်မာ-ရုရှား ချစ်ကြည်ရေးနှင့် ပူးပေါင်းဆောင်ရွက်ရေးဖိုရမ်အတွင်း ယင်းက အထက်ပါအတိုင်း ပြောကြားခဲ့ခြင်း ဖြစ်သည်။

မြန်မာနိုင်ငံအနေဖြင့် စိန်ခေါ်မှုများကို ရင်ဆိုင်နေရ သော်လည်း ကုလသမဂ္ဂအပါအဝင် ဒေသတွင်းအဖွဲ့အစည်းများ၊ ကမ္ဘာ့နိုင်ငံများနှင့် ပူးပေါင်းဆောင်ရွက်မှုများကို တက်ကြွစွာပါဝင်ဆောင်ရွက်လျက်ရှိပြီး အထူး သဖြင့် မြန်မာနိုင်ငံသည် ကုလသမဂ္ဂ အဖွဲ့ဝင်နိုင်ငံ ဖြစ်လာချိန်မှစပြီး ယနေ့အချိန်အထိ ကုလသမဂ္ဂနှင့် ပူးပေါင်းဆောင်ရွက်ရေးကို နိုင်ငံခြားရေးမူဝါဒ၏ အုတ်မြစ်တစ်ခုအဖြစ် သတ်မှတ်ဆောင်ရွက်လျက်ရှိကြောင်း၊ ကုလသမဂ္ဂကြီးကို ကမ္ဘာ့ နိုင်ငံများ၏ ငြိမ်းချမ်းမှု၊ သဟဇာတဖြစ်မှုနှင့် တရားမျှတမှုရှိပြီး သာယာဝပြောသည့် ကမ္ဘာ့အသိုက်အဝန်းကြီး ဖြစ်ပေါ်လာရေးအတွက် ကူညီပံ့ပိုးပေးနိုင်လိမ့်မည်ဟု ယုံကြည် မျှော်လင့်ကြောင်းလည်း နစက ဥက္ကဌက ထည့်သွင်းပြောကြားခဲ့သေးသည်။

မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီးကလည်း ရုရှားဖက်ဒရေးရှင်းနိုင်ငံနှင့် မြန်မာနိုင်ငံတို့အကြား လက်ရှိတွင် ပညာရေးနယ်ပယ်နှင့် လူသားအရင်းအမြစ်ဖွံ့ဖြိုးတိုးတက်ရေးကဏ္ဍ၊ အားကစားကဏ္ဍ၊ ကျန်းမာရေးကဏ္ဍတို့တွင်လည်း ပူးပေါင်းဆောင်ရွက်မှုများကို တိုးမြှင့်ဆောင်ရွက်လျက်ရှိကြောင်း၊ နျူကလီးယား စွမ်းအင်ကို ငြိမ်းချမ်းစွာအသုံးပြုခြင်းဆိုင်ရာများတွင်လည်း ပူးပေါင်းဆောင်ရွက်ရေးလမ်းစကို အစပျိုးနိုင်ခဲ့ပြီးဖြစ်ကြောင်း၊ မြန်မာနိုင်ငံတည်ငြိမ်အေးချမ်းရေး၊ ဖွံ့ဖြိုးတိုးတက်ရေးဆိုင်ရာများကို မိမိတို့ရုရှားဖက်ဒရေးရှင်းနိုင်ငံ အနေဖြင့် အစဉ်အမြဲလိုလားသည့်အတွက် ပူးပေါင်းဆောင်ရွက်မှုများကို တိုးမြှင့်ဆောင်ရွက်သွားမည်ဖြစ်ကြောင်းလည်း ပြောကြားခဲ့သည်။

ရုရှားနိုင်ငံသည် မြန်မာနိုင်ငံ၏ သံတမန်ဆက်ဆံရေးတွင် ဆဋ္ဌမမြောက်နိုင်ငံ ဖြစ်ပြီး မြန်မာနိုင်ငံလွတ်လပ်ရေးရရှိခဲ့သည့် ၁၉၄၈ ခုနှစ်ကတည်းက သံတမန်ဆက်ဆံ ခဲ့ကြခြင်းဖြစ်ကြောင်းလည်း သိရသည်။

#ymg/mt
#Yangon_Media_Group

#World_Military
Published 17 February 2023

ဝေဟင်ရှိမည်သည့်အရာဝတ္ထုမဆို တိုင်းပြည်ကိုခြိမ်းခြောက်နိုင်တယ်လို့ ယူဆရပါက ပစ်ချရန်တွန့်ဆုတ်နေမှာမဟုတ်ကြောင်း အမေရိကန်သမ္မတ'ဂျိုးဘိုင်ဒင်'က ဖေဖော်ဝါရီ ၁၆ ရက်နေ့မှာ ပြောကြားလိုက်ပါတယ်။

ပြီးခဲ့တဲ့ရက်သတ္တပတ်က ပစ်ချခဲ့တဲ့ အရာဝတ္ထု ၃ ခုဟာ တရုတ်နဲ့ မသက်ဆိုင်ကြောင်းကိုလည်း ပြောကြားခဲ့ပါတယ်။

"ဒီအရာဝတ္ထု ၃ ခုက ဘာတွေလဲဆိုတာ သေချာမသိရသေးပါဘူး၊ အခုအချိန်မှာတော့ ဒါတွေဟာ တရုတ်စပိုင်ပူဖောင်းနဲ့ ဆက်စပ်နေတာမျိုး၊ အခြားတစ်နိုင်ငံမှ စောင့်ကြည့်ရေးယာဉ်တွေနဲ့ ဆက်စပ်နေတာမျိုးတော့ မတွေ့ရသေးပါဘူး" လို့ ဘိုင်ဒင်က ဆိုပါတယ်။

စပိုင်ပူဖောင်းအကြောင်းအရာကြောင့် အမေရိကန်နဲ့ တရုတ်ကြား တင်းမာမှုများမြင့်တက်နေခဲ့ပါတယ်။

ပြီးခဲ့တဲ့အပတ်က အဖြူရောင်ရှိတဲ့ တရုတ်ပူဖောင်းဟာ အမေရိကန်လေပိုင်နက်မှာ ပျံသန်းနေတာကို စတင်တွေ့ရှိခဲ့တာဖြစ်ပါတယ်။

အမေရိကန်အာဏာပိုင်များက ထိုပူဖောင်းကို ရက်အနည်းငယ်ကြာအောင် ခြေရာခံစောင့်ကြည့်နေခဲ့ပြီး တိုက်လေယာဉ်ဖြင့် ပစ်ချခိုင်းခဲ့ပြီးနောက် ပူဖောင်းကိုခွဲခြမ်းစိတ်ဖြာရန် အပျက်အစီးကို လိုက်လံဆယ်ယူခဲ့ကြပါတယ်။

ဒါ့အပြင် အမေရိကန်ဟာ နောက်ထပ်အမျိုးအမည်မသိ အရာဝတ္ထု ၂ ခုကိုလည်း ပစ်ချခဲ့ရာ တစ်ပတ်အတွင်း ၃ ကြိမ်မြောက်ပစ်ချခဲ့ရတာဖြစ်ပါတယ်။

ထိုအရာဝတ္ထုတွေဟာ လေကြောင်းသွားလာရေးကို အန္တရာယ်ဖြစ်စေနိုင်တာကြောင့် ပစ်ချလိုက်ရန် စစ်တပ်ကိုအမိန့်ပေးခဲ့ကြောင်း၊ အရေးကြီးအဆောက်အအုံတွေ ထောက်လှမ်းခံရနိုင်တဲ့ အနေအထားမျိုးကို လွှတ်မထားသင့်ကြောင်း ပြောကြားခဲ့ပါတယ်။

လက်ရှိအကဲဖြတ်မှုတွေအရ ဒီအရာဝတ္ထုတွေဟာ ပုဂ္ဂလိကကုမ္ပဏီတွေ၊ ရာသီဥတုသုတေသနလုပ်ငန်းတွေ၊ သိပ္ပံလေ့လာရေးလုပ်ငန်းတွေနဲ့ ဆက်စပ်နေတာမျိုး ဖြစ်နိုင်ချေရှိတယ်လို့ သိရှိရပါတယ်။

Source: WION
#Yangon_Media_Group

#Local_News
Published_ 17 February 2023

အကြီးစားစက်မှုလုပ်ငန်းလေးခုတွင် ပူးပေါင်းဆောင်ရွက်နိုင်ရေး မြန်မာ-ရုရှား ဆွေးနွေးခဲ့ကြကြောင်း စက်မှုဝန်ကြီးဌာနက သိရသည်။

စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းနှင့် ရုရှားဖက်ဒရေးရှင်းနိုင်ငံ SMM ကုမ္ပဏီမှ အပြည်ပြည်ဆိုင်ရာစီမံကိန်းဌာနအကြီးအကဲ Mr. Roman Siurin ဦးဆောင်သည့် ကိုယ်စားလှယ်အဖွဲ့တို့ ဖေဖော်ဝါရီလ ၁၆ ရက်က စက်မှုဝန်ကြီးဌာန ဧည့်ခန်းမဆောင်၌ တွေ့ဆုံစဉ် အထက်ပါအတိုင်း ဆွေးနွေးခဲ့ကြခြင်း ဖြစ်သည်။

ဆွေးနွေးရာတွင် စက်မှုဝန်ကြီးဌာနရှိ အကြီးစားစက်မှုလုပ်ငန်းလေးခုဖြစ်သော ဆိပ်ကမ်းများ၊ သယ်ယူပို့ဆောင်ရေးဂိတ်များ၊ သင်္ဘောကျင်းများနှင့် စက်မှုလုပ်ငန်းများတွင် ရုရှားနိုင်ငံမှ ကုမ္ပဏီများ လာရောက် ပူးပေါင်းဆောင်ရွက်နိုင်ရေးဖြစ်သည့် ဝန်တင် ဝန်ချ အသုံးပြုသည့် ပစ္စည်းကိရိယာများ၊ SMM ကုမ္ပဏီ၏ ထုတ်ကုန်များနှင့်ပတ်သက်၍ အမြင်ချင်းဖလှယ် ဆွေးနွေးခဲ့ကြခြင်း ဖြစ်သည်။

#ymg/mt
#Yangon_Media_Group

#Local_News
Published_ 17 February 2023

ဘဏ်နှင့်ဘဏ်မဟုတ်သည့် ငွေရေးကြေးရေးအဖွဲ့အစည်းများအနေဖြင့် သင့်လျော်မှန်ကန်ခြင်းရှိမှုဆိုင်ရာ စံသတ်မှတ်ညွှန်ကြားချက်များကိုဗဟိုဘဏ်က ထုတ်ပြန်ထားပြီးဖြစ်သောကြောင့် ယင်းသတ်မှတ်ချက်များကို မလိုက်နာပါက ဥပဒေအရအရေးယူမှုများ လုပ်ဆောင်သွားမည် ဖြစ်ကြောင်း မြန်မာနိုင်ငံတော်ဗဟိုဘဏ်ဥက္ကဌကဒေါ်သန်းသန်းဆွေကပြောသည်။

ယင်းမှာ ပြစ်မှုကျူးလွန်သူများနှင့် ပြစ်မှုကျူးလွန်ရာမှ ရရှိလာသော ငွေကြေးများ အကျိုးအမြတ်များ ဝင်ရောက်မှုမရှိစေရေးအတွက် ကြိုတင်ကာကွယ် တားဆီးသည့် အစီစဉ်ဖြစ်ပြီး ငွေရေးကြေးရေးအဖွဲ့အစည်းများနှင့်ငွေးရေးကြေးရေးမဟုတ်သော စီးပွားရေးလုပ်ငန်းများအပေါ် ငွေကြေးခဝါချမှုဖြစ်စဉ်များ မဖြစ်ပေါ်စေရန်လည်း အလေးထားလုပ်ဆောင်ကြရန်လည်း တိုက်တွန်းထားကြောင်း သိရသည်။

၎င်းအပြင် ပြစ်မှုကျူးလွန်သူများအား စိစစ်ဆောင်ရွက်ခြင်း သတင်းပေးပို့ခြင်းများ လုပ်ဆောင်ရန် ညွှန်ကြားထားကြောင်းနှင့် ပြည်တွင်းကငွေလွဲလုပ်ငန်းများအနေဖြင့် ငွေထုတ်သူ၊ငွေလွှဲသူများ၏ အချက်အလတ်များကို ကောက်ခံရန်လည်း မြန်မာနိုင်ငံဗဟိုဘဏ်ကညွှန်ကြားထုတ်ပြန်ထားကြောင်း သိရသည်။

#ymg/ynzw
#Yangon_Media_Group

#Local_News
Published_ 17 February 2023

မန္တလေးမြို့၊ ချမ်းအေးသာစံမြို့နယ်၊ ပြည်ကြီးပျော်ဘွယ်အရှေ့ရပ်ကွက်တွင် ဖေဖော်ဝါရီလ ၁၆ ရက် ညနေ ၆ နာရီ ကျော်က မီးလောင်မှုဖြစ်ပွားခဲ့ရာ နေအိမ် ၄ လုံး မီးလောင်ပြီး အသက်ကြီးအမျိုးသမီးတစ်ယောက် သေဆုံးသွားကြောင်း မန္တလေးတိုင်းဒေသကြီး မီးသတ်တပ်ဖွဲ့က သိရသည်။

အဆိုပါ မီးလောင်မှုမှာ၂ ထပ်ပျဉ်ထောင်အိမ်တစ်လုံးက စတင်လောင်ကျွမ်းခဲ့ခြင်းဖြစ်ပြီး အခြားနေအိမ်များကို ထပ်မံကူးစက်လောင်ကျွမ်းခဲ့ခြင်းဖြစ်ကြောင်း၊ မီးစတင်လောင်ကျွမ်းခဲ့သည့် နေအိမ်မှ အိမ်ရှင်အမျိုးသမီးမှာ မီးခိုးမွှန်ပြီးသေဆုံးသွားခဲ့ခြင်း ဖြစ်ကြောင်း သိရသည်။

မီးလောင်မှု ဖြစ်ပွားရာနေရာသို မန္တလေးတိုင်းဒေသကြီး မီးသတ်တပ်ဖွဲက Level 2 မီးသတ်ယာဉ်အုပ်စုဖြင့် ထွက်ခွာငြှိမ်းသတ်ခဲ့ရခြင်း ဖြစ်ကြောင်းလည်း သိရသည်။

#ymg/mt
#Yangon_Media_Group

#Local_News
Published_ 17 February 2023

နေပြည်တော်သပြေကုန်းတွင် လျှပ်စစ်ကား Charging Station တည်ဆောက်မှု ပြီးစီးတော့မည်ဖြစ်ကြောင်း နေပြည်တော် စည်ပင်သာယာရေးအဖွဲ့က သိရသည်။

ဖေဖော်ဝါရီလ ၁၆ ရက်က အဆိုပါလုပ်ငန်းခွင်သို့ လျှပ်စစ်သုံးယာဉ်များ ပြေးဆွဲအသုံးပြုရေးနှင့် အခြေခံအဆောက်အအုံများ အကောင် အထည်ဖော်ရေး လုပ်ငန်းကော်မတီ ဥက္ကဌ၊ ဆောက်လုပ်ရေးဝန်ကြီးဌာနမှ ဒုတိယဝန်ကြီး ဦးဝင်းဖေ၊လုပ်ငန်းကော်မတီအဖွဲ့ဝင်၊ နေပြည်တော်စည်ပင်သာယာရေးကော်မတီ ဒုတိယမြို့တော်ဝန် ဦးမောင်မောင်၊ လုပ်ငန်းကော်မတီအတွင်းရေးမှူး၊ ဆောက်လုပ်ရေးဝန်ကြီးဌာနမှ အမြဲတမ်းအတွင်းဝန် ဦးဝဏ္ဏဇော်၊ လုပ်ငန်းကော်မတီတွဲဖက်အတွင်းရေးမှူး၊ လျှပ်စစ်စွမ်းအား ဝန်ကြီးဌာန လျှပ်စစ်ဓါတ်အားဖြန့်ဖြူးရေးလုပ်ငန်းမှ ဦးဆောင်ညွှန်ကြားရေးမှူး ဦးရဲတိုးသွင် သွားရောက် စစ်ဆေးခဲ့ကြကြောင်းသိရသည်။

သပြေကုန်းတွင် လျှပ်စစ်ကား Charging Station ကို NPK Motors Co.,Ltd က တည်ဆောက်နေခြင်းဖြစ်ပြီး လက်ရှိတွင် Charging Station တည်ဆောက်ခြင်း၊ လျှပ်စစ်သုံးတက္ကစီယာဉ် BYD တွင် လျှပ်စစ်အားသွင်းခြင်း၊ စမ်းသပ်မောင်းနှင်ခြင်းများ ပြုလုပ်ပြီး ဖြစ်ကြောင်းလည်း သိရသည်။

Charging Stationများကို နေပြည်တော်ကောင်စီနယ်မြေအတွင်း သုခတော်ဝင်အိမ်ရာရှေ့၊ မြို့မဈေး၊ သပြေကုန်းဈေး၊ စည်ပင်ဧည့်ရိပ်သာ၊ ဘောဂသီရိအဝေးပြေးယာဉ်ရပ်နားစခန်း စသည့်နေရာများတွင်လည်းကောင်း၊ ရန်ကုန်မြို့တွင် ရန်ကုန်အပြည်ပြည်ဆိုင်ရာလေဆိပ်၊ ရန်ကုန်ဘူတာကြီး၊ အဝေးပြေးကားဝင်းများ၊ သီရိမင်္ဂလာဈေး၊ သခင်မြပန်းခြံစသည့် နေရာများတွင် လည်းကောင်း၊ မန္တလေးမြို့တွင် မြို့ပတ်လမ်း၊ သိပ္ပံလမ်းမ၊ ကျုံးပတ်လမ်း၊ အဝေးပြေးကားကွင်းများ စသည့် နေရာများတွင် လည်းကောင်း၊ ရန်ကုန်-မန္တလေး အမြန်လမ်းတစ်လျှောက် တစ်မိုင် တိုးဂိတ်၊ ၁၁၅ မိုင် ဖြူးယာဉ်ရပ်နားစခန်း ၊ ၂၀၁ မိုင် နေပြည်တော်ယာဉ်ရပ်နား စခန်း၊ ၂၈၄ မိုင်သီးကုန်းယာဉ်ရပ်နားစခန်း၊ ၃၅၂ မိုင် စကားအင်းယာဉ်ရပ်နား စခန်းစသည့် နေရာတို့တွင်လည်းကောင်း အသီးသီးဆောက်လုပ်လျက်ရှိကြောင်း သိရသည်။

#ymg/mt
#Yangon_Media_Group

#World_Health
Published 17 February 2023

ကယ်လိုရီလျှော့ချစားသုံးခြင်းဖြင့် သင့်ကိုနုပျိုစေနိုင်ဖွယ်ရှိကြောင်း လေ့လာတွေ့ရှိထားပါတယ်။

လူပေါင်း ၂၂၀ ကိုလေ့လာပြီး ၃ ပုံ ၁ ပုံက ၂ နှစ်အတွင်း ကယ်လိုရီစားသုံးမှု ၂၅ ရာခိုင်နှုန်းလျှော့ချခဲ့ကာ ကျန်တဲ့သူတွေကတော့ ပုံမှန်အတိုင်း စားသုံးစေခဲ့ပါတယ်။

ကယ်လိုရီလျှော့ချစားသုံးခဲ့တဲ့သူတွေက အသက် ၃ နှစ်မျှ အိုမင်းခြင်းဖြစ်စဉ်နှေးကွေးသွားခဲ့ကာ စောစီးစွာအသက်ဆုံးပါးနိုင်ချေ လျော့နည်းလာခဲ့ကြောင်း အဆိုပြုထားကြပါတယ်။

အဝလွန်သူတွေမှာ ကယ်လိုရီလျှော့ချခြင်းဖြင့် ကိုယ်အလေးချိန်ကျပြီး ပိုမိုကျန်းမာစေကြောင်း သိရှိထားကြပြီးဖြစ်ပေမယ့် ကျန်းမာပြီးသားလူတွေမှာ ကယ်လိုရီလျှော့ချစားသုံးခြင်းကိုတော့ အခုမှ ပထမဆုံးလေ့လာကြတာဖြစ်ပါတယ်။

အရင်က ကြွက်တွေမှာလေ့လာခဲ့ရာမှာလည်း ကယ်လိုရီလျှော့ချခြင်းက သက်ရှည်ကျန်းမာစေရန် အကောင်းဆုံးနည်းလမ်းတစ်ခုဖြစ်ကြောင်းကို သက်သေပြရာ ရောက်နေပါတယ်။

စမ်းသပ်မှုမှာ အသက်ကြီးရင့်လာရင် ဖြစ်လာကြတဲ့ သွေးဖိအားနဲ့ ကိုလက်စ်ထရောလ်များခြင်းတို့ဖြင့် စမ်းသပ်တာဖြစ်ပါတယ်။

ထိုကဲ့သို့အိုမင်းလာခြင်းလက္ခဏာတွေကို ခန္ဓာကိုယ်ထဲရှိ မျိုးရိုးဗီဇလုပ်ဆောင်ချက်တွေနဲ့ နှိုင်းယှဉ်ကြည့်ခဲ့ပါတယ်။

ဇီဝနည်းလမ်းအရ အိုမင်းလာခြင်းကို နှောင့်နှေးစေခြင်းဖြင့် အသက်ရှည်ရှည်နေထိုင်ရနိုင်ပြီး အိုနာသေဖြစ်စဉ်နှောင့်နှေးသွားနိုင်တာဖြစ်ပါတယ်။

အိုမင်းရင့်ရော်ခြင်းဖြစ်စဉ် ၂ ရာခိုင်နှုန်းမှ ၃ ရာခိုင်နှုန်းနှောင့်နှေးစေခြင်းဖြင့် စောစီးစွာအသက်ဆုံးရှုံးနိုင်ချေ ၁၀ ရာခိုင်နှုန်းမှ ၁၅ ရာခိုင်နှုန်းလျှော့ချနိုင်ကြောင်း အရင်က တွေ့ရှိထားပါတယ်။

Source: Daily Mail
#Yangon_Media_Group

#World_Health
Published 17 February 2023

စားသုံးနိုင်တဲ့ မှိုတွေမှာတွေ့ရတဲ့ လှုပ်ရှားဒြပ်ပေါင်းတွေဟာ အာရုံကြောဖွံ့ဖြိုးမှုနဲ့ မှတ်ဉာဏ်စွမ်းရည်တို့ကို အားမြှင့်ပေးကြောင်း ဩစတြေးလျနိုင်ငံ ကွင်းစ်လန်းတက္ကသိုလ်မှ သုတေသီများက ဆိုပါတယ်။

Hericium erinaceus လို့ခေါ်တဲ့မှိုမှာပါဝင်တဲ့ ဒြပ်ပေါင်းတွေကို သိပ္ပံပညာရှင်များတွေ့ရှိခဲ့ပြီး ခြင်္သေ့လည်ဆံမှိုလို့ ခေါ်ဝေါ်ကြပါတယ်။

ဒီမှိုတွေကနေရရှိတဲ့ ပစ္စည်းတွေကို အာရှနိုင်ငံတွေမှာ တိုင်းရင်းဆေးအတွက် ရာစုနှစ်ကြာအောင် အသုံးပြုကြပေမယ့် ဦးနှောက်ဆဲလ်တွေပေါ် သက်ရောက်မှုကို သိပ္ပံနည်းကျလေ့လာချင်ကြတာ ဖြစ်ပါတယ်။

အကြိုစမ်းသပ်မှုများအရ ခြင်္သေ့လည်ဆံမှိုဟာ ဦးနှောက်ဆဲလ်ဖွံ့ဖြိုးမှုနဲ့ မှတ်ဉာဏ်စွမ်းရည်တို့ကို တိုးမြှင့်စေနိုင်ကြောင်း ပရော်ဖက်ဆာ'ဖရက်ဒရစ်မျူနီယာ'က ပြောပြခဲ့ပါတယ်။

နျူရိုထရိုဖင်ဆိုတဲ့ ပရိုတိန်းတွေဟာ အာရုံကြောဆဲလ်တွေ ဖွံ့ဖြိုးမှု၊ လုပ်ဆောင်ချက်၊ အသက်ရှင်နိုင်စွမ်းတို့ကို မြှင့်တင်ပေးပါတယ်။

သူတို့ကိုတွေ့ရှိတာ နှစ်ပေါင်း ၇၀ ကျော်ခဲ့ပြီဖြစ်ပြီး အာရုံကြောစွမ်းရည်ကို မြှင့်တင်ခြင်း၊ ဆုတ်ယုတ်မှုကာကွယ်ခြင်းတို့ ဖြစ်ပေါ်စေပါတယ်။

ဒါပေမဲ့ သူတို့ရဲ့ဆေးဘက်ဝင်မှုကို သေချာအသုံးမချနိုင်သေးဘဲ အကျိုးကျေးဇူးတွေကို ထုတ်ဖော်ဖို့လိုအပ်ပါသေးတယ်။

အာရုံကြောချို့တဲ့လာတဲ့ အယ်လ်ဇိုင်းမားလို ရောဂါမျိုးဖြစ်ပေါ်မလာအောင် ကုသကာကွယ်ပေးနိုင်မယ်လို့ တွေ့ရှိလာကြပါတယ်။

တရုတ်ရှေးတိုင်းရင်းဆေးပညာမှာ နာမကျန်းဖြစ်ခြင်းနဲ့ ကျန်းမာရေးထိန်းသိမ်းရန်အတွက် ခြင်္သေ့လည်ဆံမှိုကို အသုံးပြုနေကြတာ ကြာပါပြီ။

Source: The Jerusalem Post
#Yangon_Media_Group

#Local_News
Published_ 16 February 2023

ဖေဖော်ဝါရီလ ၁၅ ရက်နေ့ ညနေ ၅ နာရီဝန်းကျင် အချိန်ခန့်က ရန်ကုန်မန္တလေး အမြန်လမ်းမကြီး မိုင်တိုင်အမှတ်(၂၉၆/၆)မိုင်မှာ
ဒိုင်နာယာဉ်တစ်စီး တိမ်းမှောက်မှုဖြစ်ပွားခဲ့တယ်လို့ ပြည်သာယာလူငယ်ပရဟိတအသင်းက သိရပါတယ်။

#Yangon_Media_Group

#World_Botany
Published 16 February 2023

တရုတ်နိုင်ငံတောင်ပိုင်း ကွမ်ရှီရှောင်ကိုယ်ပိုင်အုပ်ချုပ်ခွင့်ရဒေသရှိ တည်ဆောက်ဆဲ စီးပွားရေးတိုးတက်မှုဇုန်မှာ တည်ရှိနေတဲ့ ရာစုနှစ်သက်တမ်းရှိသစ်ပင်တစ်ပင်ကို ဒေသတွင်းရုက္ခဗေဒဥယျာဉ်သို့ ဘေးကင်းစွာ ရွှေ့ပြောင်းစိုက်ပျိုးခဲ့ပါတယ်။

#Yangon_Media_Group

#Local_News
Published_ 16 February 2023

ဖေဖော်ဝါရီလ ၁၆ ရက်နေ့ မနက်ပိုင်းမှာ ကမ္ဘာ့ရွှေဈေး တစ်အောင်စကို ၁၈၈၃ ဒေါ်နဲ့ဈေးဖွင့်လာပြီး ဈေးပြန်ကျလာပါတယ်။ ပြည်တွင်းဈေးကွက်ပြင်ပပေါက်ဈေးကတော့ ၂၈ သိန်း ၅ သောင်းကျော်ပေါက်ဈေးရှိနေပြီး ဈေးနှုန်းအကျဘက်မှာရှိနေတယ်လို့ ရန်ကုန်ရွှေဈေးကွက်အတွင်းက စုံစမ်းသိရှိရပါတယ်။

#Yangon_Media_Group