#World_Politics
Published 18 February 2023

ဘဏ္ဍာရေးမှူး'ဂျော့ဂ်ျဆိုရော့စ်'ဟာ တိုင်းပြည်ရဲ့ ဒီမိုကရေစီဖွဲ့စည်းပုံပျက်ပြားစေရန် ကြိုးပမ်းနေတယ်ဆိုပြီး အိန္ဒိယနိုင်ငံက ဖေဖော်ဝါရီ ၁၇ ရက်နေ့မှာ ပြစ်တင်ရှုတ်ချလိုက်ပါတယ်။

ဆိုရော့စ်ရဲ့စကားတွေက အိန္ဒိယပုံရိပ်ကို ထိခိုက်စေရုံမက အစိုးရပြောင်းလဲရေးအကြောင်းပါ ပါဝင်နေတယ်လို့ BJP အာဏာရပါတီက ပြောကြားလိုက်ပါတယ်။

ကြာသပတေးနေ့ မြူးနစ်လုံခြုံရေးညီလာခံအတွင်း ဆိုရော့စ်က အိန္ဒိယဝန်ကြီးချုပ်'နာရန်ဒရာမိုဒီ'ကို ရည်ရွယ်ပြီး အငြင်းပွားဖွယ်မှတ်ချက်စကားများ ဆိုခဲ့တာဖြစ်ပါတယ်။

မိုဒီနဲ့ စီးပွားရေးသူဌေးကြီး'အဒါနီ'တို့ဟာ ရင်းနှီးသောမိတ်ဖက်များဖြစ်ပြီး သူတို့ရဲ့ကံကြမ္မာက ဆက်နွယ်နေကြောင်း၊ အဒါနီရင်ဆိုင်နေရတဲ့ ပြဿနာတွေကြောင့် အိန္ဒိယဖက်ဒရယ်အစိုးရအပေါ် မိုဒီရဲ့သက်ရောက်မှု သိသိသာသာအားနည်းစေမှာဖြစ်ကြောင်း၊ ပြုပြင်ပြောင်းလဲဖို့ လိုအပ်နေတဲ့ ဖွဲ့စည်းပုံအတွက် တံခါးဖွင့်ထားကြောင်း ပြောကြားခဲ့တာဖြစ်ပါတယ်။

ဂျော့ဂ်ျဆိုရော့စ်ဆိုတဲ့ နိုင်ငံခြားအာဏာရလူတစ်ဦးဟာ အိန္ဒိယဒီမိုကရက်တစ်ဖွဲ့စည်းပုံကို ထိခိုက်မယ့်အကြောင်း ကြေညာခဲ့တယ်လို့ အမျိုးသမီးနှင့်ကလေးသူငယ် ဖွံ့ဖြိုးတိုးတက်ရေးဝန်ကြီး 'ဆမ်ရီတီအီရာနီ'က BJP ရုံးမှာ သတင်းထောက်တွေကို ပြောကြားခဲ့ပါတယ်။

ဝန်ကြီးချုပ်'မိုဒီ'က သူ့ရဲ့အဓိကပစ်မှတ်ဖြစ်လာမယ်လို့လည်း ကြေညာခဲ့ပါသေးတယ်။

သူ့အကျိုးစီးပွားကို အထောက်အကူဖြစ်စေမယ့် စနစ်တည်ဆောက်ဖို့ကိုလည်း ကြေညာခဲ့ပါတယ်။

"သေချာနားထောင်ကြည့်မယ်ဆိုရင် ဒါဟာ အိန္ဒိယပုံရိပ်ထိခိုက်ရုံတင်မကပါဘူး၊ အစိုးရပြောင်းလဲရေးအကြောင်းပါ ပါဝင်နေပါတယ်၊ အိန္ဒိယဟာ ကြုံလာသမျှ နိုင်ငံခြားစွက်ဖက်မှုတွေကို အမြဲအနိုင်ရခဲ့သလို အနာဂတ်မှာလည်း ဆက်လက်အနိုင်ယူသွားမှာဖြစ်ကြောင်း အီရာနီက ပြောကြားခဲ့ပါတယ်။

အိန္ဒိယအဓိကအတိုက်အခံပါတီဖြစ်တဲ့ အိန္ဒိယအမျိုးသားကွန်ဂရက်ကလည်း ဆိုရော့စ်ရဲ့စကားတွေကို ရှုတ်ချလိုက်ပါတယ်။

Source: WION
#Yangon_Media_Group

#Local_News
Published _18 February 2023

တနင်္သာရီတိုင်း ဒေသကြီး၊ ပုလောမြို့နယ်၊ ကဒဲကျေးရွာအတွင်းရှိ နေအိမ်တစ်လုံး အတွင်း၌ ဖမ်းဆီးချုပ်နှောင်ခံထားရသည့် အမျိုးသား ၁၁ ဦးနှင့် အမျိုးသမီး ၂ ဦးတို့အား ပြန်လည်တွေ့ရှိ ကယ်ဆယ်နိုင်ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ဖေဖော်ဝါရီလ ၁၆ ရက် နေ့လယ်ပိုင်းက ပြန်လည် ကယ်တင်နိုင်ခဲ့ခြင်း ဖြစ်ပြီး လိုအပ်သည့် ကျန်းမာရေး စောင့်ရှောက်မှုလုပ်ငန်းများကို ဆောင်ရွက်ပေးခဲ့ကြောင်း ယင်းထုတ်ပြန်ချက်တွင် ဖော်ပြထားသည်။

အဆိုပါ ဖမ်းဆီးခံထားရသူများမှာ ဒေသခံများဖြစ်ပြီး ထားဝယ်-မြိတ် ကားလမ်းတစ်လျှောက် ပုံမှန်သွားလာနေစဉ် နှင့် တောင်ယာလုပ်ငန်းများ လုပ်ကိုင်လျက်ရှိစဉ် ဖမ်းဆီးခံခဲ့ရကာရိုက်နှက်ခံခဲ့ရသေးကြောင်း၊ ယင်းအပြင် ၎င်းတို့ပိုင်ဆိုင်သည့် လက်ကိုင်ဖုန်း၊ ငွေနှင့် ပစ္စည်းများကို သိမ်းဆည်းခံခဲ့ရကာ ကဒဲကျေးရွာရှိ နေအိမ်အတွင်း၌ ဖမ်းဆီး ချုပ်နှောင်ခြင်း ခံခဲ့ရကာ နစက ဆန့်ကျင်သူ ၁၀ ဦးခန့်က နေအိမ်အပြင်မှ သော့ခတ်၍ စောင့်ကြည့်လျက်ရှိကြောင်းနှင့် ၎င်းတို့၏ရှေ့တွင် ယခင် ဖမ်းဆီးခံရသူ ၃ ဦးခန့်အား လက်ပြန်ကြိုးတုတ်၍ ခေါ်ဆောင်သွားသည်ကိုတွေ့ရှိရပြီး ပြန်လည်ရောက်ရှိလာခြင်းမရှိကြောင်း အဖမ်းခံထားခဲ့ရသူများက ထွက်ဆိုချက်ကို နစက သတင်းပြန်ကြားရေးအဖွဲ့က ထုတ်ပြန်ထားသည်။

ယင်းကြောင့် အပြစ်မဲ့အမျိုးသမီးများနှင့် နိုင်ငံ့ဝန်ထမ်းများကို ဖမ်းဆီးချုပ်နှောင်ခြင်း၊ အပြစ်မဲ့ပြည်သူများကို အကြပ်ကိုင်ခြိမ်းခြောက် ချုပ်နှောင်ခြင်းများမှာ ဂျီနီဗာကွန်ဗန်းရှင်းများနှင့် အပြည်ပြည်ဆိုင်ရာ ဥပဒေတို့အရ စစ်ရာဇဝတ်မှု (War Crime) ကျူးလွန်ရာရောက်ပြီး အဆိုပါ စစ်ရာဇဝတ်မှုများအတွက် အကြမ်းဖက်မှု တိုက်ဖျက်ရေးဥပဒေ၊ ရာဇသတ်ကြီးနှင့် သက်ဆိုင်ရာ တည်ဆဲဥပဒေများဖြင့် ၎င်းတို့အပေါ် ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက အကြမ်းဖက်ချေမှုန်းရေး ဆောင်ရွက်မှု (Counterterrorism Action)ဆောင်ရွက်သွားမည်ဖြစ်ကြောင်း သိရသည်။

#ymg/mt
#Yangon_Media_Group

#World_Automobile
Published 18 February 2023

၂၀၅၀ အရောက်မှာ ဓာတ်ငွေ့လောင်စာသုံးကားများ ရောင်းချခြင်းမရှိစေရေး ရည်မှန်းနေတဲ့ အမေရိကန်မှာ လျှပ်စစ်ကားများအားသွင်းရန်နေရာ ရှားပါးခြင်းကို ဖြေရှင်းပေးနိုင်တော့မှာဖြစ်ပါတယ်။

ဒါကတော့ တစ်နာရီအတွင်း အားပြည့်အောင်သွင်းပေးနိုင်မယ့် လျှပ်စစ်ကားဘက်ထရီဖြစ်ပါတယ်။

သူ့ရဲ့ဆန်းသစ်မှုကတော့ အရင်ကနဲ့မတူဘဲ မျက်နှာပြင်ပေါ်မှာ တူညီတဲ့လီသီယမ်ပုံဆောင်ခဲတွေ ကြီးထွားလာစေပြီး ဒန်းဒရိုက်လို့ခေါ်တဲ့ ဘက်ထရီစွမ်းဆောင်ရည်ကျဆင်းစေတဲ့ အပေါက်များမရှိအောင် အလွှာများထူထပ်စွာ ရှိနေတာဖြစ်ပါတယ်။

ကယ်လီဖိုးနီးယားတက္ကသိုလ် ဆန်ဒီယေဂိုမှ နာနိုအင်ဂျင်နီယာများက ဦးဆောင်ဖန်တီးခဲ့ကြတာဖြစ်ပြီး လျှပ်စစ်ကားနဲ့ သယ်ဆောင်ရလွယ်ကူတဲ့ အီလက်ထရွန်းနစ်ပစ္စည်းများအတွက် စွမ်းအင်သိပ်သည်းတဲ့ လီသီယမ်ဘက်ထရီများ ကျယ်ကျယ်ပြန့်ပြန့်အသုံးပြုမှုကို တားဆီးနေတဲ့အပိတ်အဆို့ကို ဖယ်ရှားပေးမှာဖြစ်ပါတယ်။

ထိုအခါမှာ အချိန်တိုအတွင်း အားပြည့်နိုင်မယ့် လီသီယမ်ဘက်ထရီတွေ ဖြစ်ပေါ်လာတာဖြစ်ပါတယ်။

အမေရိကန်ပြည်နယ်အများအပြားမှာ ရာသီဥတုဖောက်ပြန်မှုကို တိုက်ဖျက်နိုင်ရန်အတွက် ဓာတ်ငွေ့လောင်စာသုံးကားတွေ ရောင်းချခြင်းကို တားမြစ်ကြောင်း ကြေညာထားပါတယ်။

ကာဗွန်ထုတ်လွှတ်ခြင်းမရှိတဲ့ ကားသစ်တွေရောင်းချခြင်းကို ၂၀၂၆ မှာ ၃၅ ရာခိုင်နှုန်းရှိရန်၊ ၂၀၃၀ မှာ ၆၈ ရာခိုင်နှုန်းရှိရန်၊ ၂၀၃၅ မှာ ၁၀၀ ရာခိုင်နှုန်းရှိရန် လိုအပ်ပါတယ်။

ဒါပေမဲ့လည်း တော်တော်များများမှာ လျှပ်စစ်ကားများဝင်ရောက်လာခြင်းအတွက် ပြင်ဆင်ထားခြင်းမရှိပါဘူး။

Source: Daily Mail
#Yangon_Media_Group

#Local_News
Published _18 February 2023

နွေရာသီ လူငယ်ဘောလုံးသင်တန်း အမှတ်စဉ် (၁)နှင့် (၂)ကို ရန်ကုန်နှင့် မန္တလေးရှိ မြန်မာနိုင်ငံဘောလုံးအဖွဲ့ချုပ် (MFF ) ဘောလုံးအကယ်ဒမီများနှင့် ဗဟန်းကွင်းတွင် ဖွင့်လှစ်ပို့ချပေးသွားမည်ဖြစ်ကြောင်း သိရသည်။

ယင်းမှာ နိုင်ငံတဝန်းရှိ ကျောင်းသားလူငယ်များအတွက် အခြေခံဘော လုံးပညာများကို သင်ကြားပေးလိုသော ရည်ရွယ်ချက်ဖြစ်ကြောင်း သိရသည်။

သင်တန်း အမှတ်စဉ် (၁)ကို မတ်လ (၁) ရက်မှ ဧပြီလ (၁၀)ရက် အထိလည်းကောင်း၊ အမှတ်စဉ် (၂)ကို ဧပြီလ (၁၉)ရက် မှ မေလ (၂၉) ရက်အထိလည်းကောင်း ဖွင့်လှစ်သွားမည်ဖြစ်ကြောင်း သိရသည်။

အဆိုပါသင်တန်းများကို မြန်မာနိုင်ငံဘောလုံး အဖွဲ့ချုပ်ရှိ အာရှဘောလုံးအဖွဲ့ချုပ် နည်းပြလိုင်စင်ရ သင်တန်းဆရာများက ကြီးကြပ် သင်ကြားပေးသွားမည်ဖြစ်ကြောင်း၊ အသက် ၉ နှစ်မှ ၁၅နှစ် အတွင်း (ကျား၊မ) မည်သူမဆို တက်ရောက်သင်ယူနိုင်မည်ဖြစ်ကြောင်း သိရသည်။

အမှတ်စဉ် (၁) သင်တန်း အတွက် အမျိုးသား ဘောလုံးအကယ်ဒမီ (ရန်ကုန်)နှင့် မြန်မာ့ဘောလုံးအကယ်ဒမီ (မန္တလေး)သို့ ဖေဖော်ဝါရီ လ ၂၈ ရက် နောက်ဆုံးထား၍ ရုံးချိန်အတွင်း လူကိုယ်တိုင် လာရောက်ဆက်သွယ် လျှောက်ထားနိုင်ကြောင်း၊ သင်တန်းသား တစ်ဦးလျှင် သင်တန်းကြေး ၅၀၀၀၀ ကျပ် သတ်မှတ်ထားပြီး ဝတ်စုံတစ်စုံစီနှင့် MFF အသိအမှတ်ပြု သင်တန်းဆင်း လက်မှတ်များပေးအပ်မည်ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ်က သိရသည်။

#ymg/mt
#Yangon_Media_Group

#Local_News
Published_ 17 February 2023

ဆေးရုံဆင်းကဆင်းလာတဲ့ ဖခင်နဲ့ အတူစီးလာတဲ့ တက္ကစီကားကို ကားတစ်စီးကဝင်တိုက်ခဲ့တာကြောင့် သမီးဖြစ်သူ ဒဏ်ရာပြင်းပြင်းထန်ထန်ရရှိပြီး စိုးရိမ်ရတယ်လို့ သိရပါတယ်။

#Yangon_Media_Group

#World_Automobile
Published 17 February 2023

တရုတ်နိုင်ငံ မော်တော်ကားကုမ္ပဏီတွေကနေ ဇန်နဝါရီလတစ်လတည်းအတွင်း အစီးရေ ၃ သိန်းကျော် တင်ပို့နိုင်ခဲ့ရာ တရုတ်ရဲ့ မော်တော်ယာဉ်တင်ပို့ခြင်းလုပ်ငန်းဟာ အရှိန်အဟုန်ရလျက်ရှိပါတယ်။

#Yangon_Media_Group

#Local_News
Published_ 17 February 2023

တရုတ်နိုင်ငံယူနန်ပြည်နယ်နဲ့ စီးပွားရေးအရဆက်ဆံမှုဟာ ကိုဗစ် လျော့နည်းသွားတဲ့အတွက် နယ်စပ်ကုန်သွယ်ရေးကို ပြန်လည်မြှင့်တင်သွားမယ်လို့ ကုန်သည်စက်မှုအသင်းချုပ်ဥက္ကဌဦးအေးဝင်းက ယူနန် မြန်မာ့စီးပွားရေးချိတ်ဆက်မှုဆိုင်ရာဆွေးနွေးပွဲမှာ ပြောကြားခဲ့ပါတယ်။

#Yangon_Media_Group

#Local_News
Published_ 17 February 2023

ပြည်ပကနေ ကိုဗစ်ပိုးသစ်တွေဝင်ရောက်မှုမရှိအောင် ထိုင်းနိုင်ငံကပြန်ဝင်လာတဲ့သူတွေ၊ တံတားအမှတ်(၂) က ပြန်ဝင်လာသူတွေ၊ မြဝတီကပြန်လာသူတွေကို ဒေသသုံးခုမှာကွာရန်တင်းထားပြီး ကိုဗစ်စစ်ဆေးပေးနေတယ်လို့ မွန်ပြည်နယ်ပြည်သူ့ကျန်းမာရေးဦးစီးဌာနမှ သိရပါတယ်၊၊

#Yangon_Media_Group

#Local_News
Published_ 17 February 2023

ပြည်တွင်းမှလက်မှုပညာပန်းတိမ်နဲ့ ပြုလုပ်ထားတဲ့ ရွှေအချောထည်တွေကို ဂျပန်နိုင်ငံကဝယ်ယူဖို့ ကမ်းလှမ်းထားပြီး ပြည်တွင်းတွင်းကငွေပေးချေမှုဘဏ်စနစ် သယ်ယူပို့ဆောင်ရေးအခြေအနေတွေ ညှိနှိုင်းနေတယ်လို့ ရန်ကုန်ရွှေအသင်းဥက္ကဌက ပြောပါတယ်။

#Yangon_Media_Group

#DailyNews
Published_ 17 February 2023

၁။ ဂျပန်နိုင်ငံက မြန်မာရွှေထည်တွေဝယ်ယူနိုင်ဖို့ ပြည်တွင်းဘဏ်စနစ်နဲ့ သယ်ယူပို့ဆောင်ရေးအခြေအနေတွေကို ဆွေးနွေးနေ

၂။ ကိုဗစ်ပိုးသစ်များဝင်ရောက်မှုမရှိအောင် ထိုင်းနိုင်ငံပြန်များကို ဒေသသုံးခုတွင် ကွာရန်တင်းထားပြီး ကိုဗစ်စစ်ဆေးပေးနေ

၃။ ကိုဗစ်ကာလလျော့နည်းသွားသည့် တရုတ်နိုင်ငံနှင့် နယ်စပ်ကုန်သွယ်ရေး ပြန်လည်မြင့်တင်သွားမည်ဟုဆို

၄။ တရုတ်နိုင်ငံပြည်တွင်း ထုတ်မော်တော်ကားများ အရှိန်အဟုန်ဖြင့်ဆက်လက်တင်ပို့နိုင်ရန် ကြိုးပမ်းလျက်ရှိး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 17 February 2023

ရန်ကုန်တွင် ဖေဖော်ဝါရီလ(၁၇)ရက်က အချိန်အခါမဟုတ် မိုးထစ်ချုန်းရွာပြီး မိုးသီးကြွေတာ၊ မိုးခြိမ်းတာတွေဖြစ်ပေါ်ခဲ့တယ်လို့ သိရပါတယ်၊၊

#Yangon_Media_Group

#Local_News
Published_ 17 February 2023

အသေးစားလုပ်ငန်းများအတွက် ချေးငွေလုပ်ငန်းများကို စတင်နေပြီ ဖြစ်ကြောင်း မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် က သိရသည်။

ဖေဖော်ဝါရီလ ၁၆ ရက်က ကျင်းပခဲသည့် “အခွင့်အလမ်းများမှသည် အောင်မြင်ခြင်းဆီသို့”အခမ်းအနားအတွင်း ဧရာဝတီဘဏ်မှ အုပ်ချုပ်မှုဒါရိုက်တာ ဦးမင်းဝင့်ဦး က အထက်ပါအတိုင်း ပြောကြားခဲ့ခြင်း ဖြစ်သည်။

"ချေးငွေကတော့ Micro Level ပေါ့နော်၊ Micro Level ဆိုတာကတော့ အသေးစားလုပ်ငန်းတွေ ရှိပါတယ်။ခန့်မှန်းပြောရရင် ၁၀၀ ကနေ ၃၀၀ ထိ ရှိပါတယ် ခင်ဗျ။ အသေးစားကိုပဲ ရည်ရွယ်တာ ဖြစ်တဲ့အတွက် ပြန်ဆပ်ရမယ့် သက်တမ်းကလည်း တစ်နှစ် သက်တမ်း ထားပါတယ်။လိုအပ်ချက်တွေကတော့ လုပ်ငန်းနဲ့ပတ်သက်တဲ့ လိုင်းစင်တွေ၊အထောက်အထားတွေ စတဲ့လိုအပ်တာတွေကို တင်ပြရမှာပါချေးငွေအမျိုးအစားကတော့ ဘဏ်အနေနဲ့ အမျိုးအစားအများကြီးရှိနေပါတယ်"ဧရာဝတီဘဏ်မှ အုပ်ချုပ်မှုဒါရိုက်တာ ဦးမင်းဝင့်ဦး က ပြောသည်။

မြန်မာနိုင်ငံတွင် ၉၀ ကျော်သော လုပ်ငန်းများမှာ MSME လုပ်ငန်းများ ဖြစ်ပြီး လုပ်ငန်းပေါင်း ၄၀၀၀၀ ကျော်ရှိကာ စီးပွားရေးကဏ္ဍ ၂၄ ခုတွင် အဓိကလုပ်ကိုင်နေကြခြင်းဖြစ်ကြောင်းလည်း သိရသည်။

"MSME အများစုက ငွေကြေးအရင်းအမြစ်က လိုအပ်ချက်တစ်ရပ် ဆိုပေမဲ့ တကယ်တမ်း လုပ်ငန်းလုပ်ကိုင်တဲ့အခါမှာ ငွေကြေးအရင်းအမြစ်ရှိခြင်း သက်သက်နဲ့လည်း အောင်မြင်မှုကို မရရှိနိုင်ပါဘူး၊မိမိတို့ လုပ်ငန်းအောင်မြင်ဖို့အတွက် အခြေအနေ အချိန်အခါ အခွင့်အရေးကို မှန်ကန်စွာသုံးသပ်နိုင်ပြီး စွန့်စား လုပ်ကိုင်နိုင်ဖို့နဲ့ တစိုက်မတ်မတ် အားစိုက် လုပ်ကိုင်နိုင်ဖို့ ဆိုတာ အရေးကြီးပါတယ်"ဟုအဆိုပါ အခမ်းအနားတွင် (UMFCCI) ဥက္ကဋ္ဌ ဦးအေးဝင်းကထည့်သွင်းပြောကြားသွားသည်။

ယင်း အခမ်းအနား၏ Panel Discussion အစီအစဉ်တွင် Moderator အဖြစ် ဒေါက်တာ အောင်သိန်း (CEC - UMFCCI, Vice Chair of Myanmar Barcode Association )က ပြုလုပ် ပေးပြီး Panelists များအဖြစ် ဦးမြင့်ဇော် ( CEO - AYA Bank ) ဦးထွန်းထွန်းနိုင် -(Vice Chair of MSME Association of Myanmar )နှင့် ဒေါ်နှင်းဝေ (Vice President - Myanmar Women Entrepreneurs Network (MYANWEN) တို့က ပြုလုပ်ပေးခဲ့ကြကြောင်း သိရသည်။

#ymg/mt
#Yangon_Media_Group