#World_Health
Published 20 February 2023

သကြားအစားများခြင်းဖြင့် လေဖြတ်ခြင်းအန္တရာယ် ၁၀ ရာခိုင်နှုန်းပိုများစေကြောင်း လေ့လာတွေ့ရှိထားပါတယ်။

အချို့အစားအစာတွေမှာ ပါဝင်တဲ့ သကြားမပါသောအခြေအနေကို သုတေသီများ ထုတ်ဖော်ခဲ့ကြပါတယ်။

ယူကေမှ လူပေါင်း ၁၁၀,၀၀၀ ကို ၉ နှစ်ကြာအောင်ခြေရာခံပြီး လေ့လာခဲ့ကြရာ နှလုံးသွေးကြောရောဂါဖြစ်နိုင်ချေ များနေကြောင်း ဆက်စပ်တွေ့ရှိခဲ့ပါတယ်။

သကြားမပါစားစရာများကို ပိုမိုစားသုံးသူတွေဟာ လေဖြတ်ခြင်း၊ နှလုံးသွေးကြောကျဉ်းရောဂါ၊ နှလုံးဖောက်ခြင်းတို့ ဖြစ်နိုင်ချေပိုများနေပါတယ်။

ချောကလက်ကဲ့သို့ ထိုစားစရာများကို ၅ ရာခိုင်နှုန်းမျှ ပိုမိုစားသုံးမိတဲ့အခါ လေဖြတ်ခြင်းအန္တရာယ် ၁၀ ရာခိုင်နှုန်းပိုများလာကြောင်း တွေ့ရှိခဲ့ပါတယ်။

အောက်စ်ဖို့ဒ်တက္ကသိုလ်မှ ပြည်သူ့ကျန်းမာရေးဌာနမှ ပရော်ဖက်ဆာ'တင်မ်ကီး'က သကြားမပါစာတမ်းပါတဲ့ စားသောက်စရာတွေဟာ နှလုံးသွေးကြောရောဂါ၊ လေဖြတ်ခြင်းတို့ ဖြစ်နိုင်ချေများနိုင်ကြောင်း ပြောကြားခဲ့ပါတယ်။

ထိုစားစရာတွေအစား အသီးတွေကရတဲ့သကြားဓာတ်က များစွာကျန်းမာစေပါတယ်။

အရွယ်ရောက်ပြီးသူတွေအနေနဲ့ တစ်နေ့ကို သကြား ၃၀ ဂရမ်ထက် ပိုမစားသင့်ကြောင်း NHS က အကြံပြုထားပါတယ်။

Source: Daily Mail
#Yangon_Media_Group

#Local_News
Published_ 20 February 2023

ထိုင်းငါးဖမ်းသင်္ဘောပေါ်တွင် ညင်းပမ်းနှိပ်စက်ခံရသော မြန်မာလုပ်သားအား ထိုင်းရဲမှူးချုပ်က ဖေဖော်ဝါရီလ ၁၈ ရက်တွင် သွားရောက်ကြည့်ရှုခဲ့ကြောင်း ထိုင်းနိုင်ငံဒေသတွင်း သတင်းများအရ သိရသည်။

ပြီးခဲ့သည့် ဖေဖော်ဝါရီလ ၁၄ ရက် ည ပိုင်းတွင် ပတ်နမ်းဆွမ်ဖွမ်ရဲစခန်းထံ PIPO စင်တာအဖွဲ့၏ တိုင်ကြားချက်အရ အထက်ပါအတိုင်း သွားရောက် ကြည့်ရှုခဲ့ခြင်းဖြစ်ကြောင်း သိရသည်။

M ဆိုခဝါစဏာဝီ - 9 အမည်ရှိ ပင်လယ်ငါးဖမ်းသင်္ဘောပေါ်တွင် လုပ်နေကြသော မြန်မာအလုပ်သမားပေါင်း ၇ ဦး ထဲမှ အောင်ဝင်းနိုင် ဆိုသူက အလုပ်ဆက်လုပ်လိုစိတ်မရှိသည့် ကိစ္စနှင့်ပတ်သက်၍ အောင်ဝင်းနိုင်အား လှေသင်္ဘောပိုင်ရှင်နှင့် ကပ္ပတိန်တို့က ညင်းပမ်းနှိပ်စက်ခဲ့ကာ လှေဆိပ်ကမ်းတွင် ပစ်ထားခဲ့ခြင်းဖြစ်ကြောင်း သိရသည်။

ယင်းကြောင့် ဒဏ်ရာပြင်းထန်ခဲ့ကာ ဆေးရုံတွင် ဆေးကုသမှု ခံယူနေရကြောင်း၊ ထိုင်းရဲမှူးချုပ်ကိုင်တိုင်အပါအဝင် ဆွမ်ဖွမ်အလုပ်သမားရုံး နှင့် NGOs အဖွဲ့စည်းများ ဆေးရုံသို့ လာရောက်ကြည့်ရှု၍ အားပေးစကား ပြောကြကြောင်းနှင့် အမှုကို ဆက်လက်စုံစမ်းကာ အရေးယူဆောင်ရွက်သွားမည်ဖြစ်ကြောင်း သိရသည်။

၎င်း လှေသင်္ဘောပေါ်တွင် ကျန်ရှိနေသော မြန်မာနိုင်ငံသား ၆ ဦးမှာလည်း လူကုန်ကူးခံရမှုနှင့် ညှင်းပမ်းနှိပ်စက်ခံရမှု မရှိသော်လည်း လုပ်အားခပေးဆောင်မှု နည်းစနစ်မှန်ကန်မှု မရှိကြောင်း စုံစမ်းစစ်ဆေးတွေ့ရှိထားရကြောင်းလည်း ထိုင်းဒေသတွင်း သတင်းများတွင် ဖော်ပြထားသည်။

#ymg/mt
#Yangon_Media_Group

#World_Health
Published 20 February 2023

အမျိုးသားတွေ ပါးစပ်ကနေသောက်သုံးနိုင်မယ့် ကိုယ်ဝန်တားဆေးတွေကို ပထမဆုံးစမ်းသပ်ရာမှာ အောင်မြင်မှုရနေတယ်လို့ ဆိုရမှာဖြစ်ပါတယ်။

ဝေးလ်ကော်နယ်ဆေးသိပ္ပံမှ သိပ္ပံပညာရှင်များ ကြေညာရာမှာ သူတို့ရဲ့ TDI-11861 ဆေးဟာ စမ်းသပ်ချက်အတွင်း သုတ်ပိုးတွေကို လမ်းကြောင်းအတွင်းတားဆီးပေးကာ သန္ဓေမဖြစ်အောင် ကာကွယ်ပေးတယ်လို့ ဆိုပါတယ်။

ဒီဆေးကို ၂၀၁၈ ခုနှစ်က ဒေါက်တာ'မယ်လာနီဘယ်လ်ဘက်ခ်'က မျက်လုံးအခြေအနေအတွက် soluble adenylyl cyclase ပရိုတိန်းကို သုတေသနပြုလုပ်ရင်း မရည်ရွယ်ဘဲ တွေ့ရှိခဲ့တာဖြစ်ပါတယ်။

ထိုဆေးကို ကြွက်တွေမှာစမ်းသပ်လိုက်တဲ့အခါ သုတ်ပိုးကိုဟန့်တားနိုင်တဲ့ စွမ်းရည်ရှိကြောင်း ဘယ်လ်ဘက်ခ်က တွေ့ရှိခဲ့ပါတယ်။

TDI-11861 ကို ကြွက်ထီးတွေမှာ အသုံးပြုစေပြီး ကြွက်မတွေနဲ့ ၅၂ ကြိမ်မိတ်လိုက်စေခဲ့ရာ တစ်ကြိမ်မျှ ကိုယ်ဝန်မရခဲ့ပါဘူး။

အမမျိုးလမ်းကြောင်း အပြင်ဘက်ရော အတွင်းဘက်မှာပါ သုတ်ပိုးတွေဟာ ၂ နာရီခွဲကြာတဲ့အထိ မလှုပ်ရှားနိုင်တော့ဘဲ ၃ နာရီအကြာမှာ ပုံမှန်ကဲ့သို့စတင်လှုပ်ရှားကာ ၂၄ နာရီအတွင်း လုံးဝပြန်ကောင်းလာပါတယ်။

ဒီတားဆေးက နာရီဝက်ကနေ တစ်နာရီအတွင်း အာနိသင်စပြကြောင်း၊ အခြားဆေးတွေဆိုရင် သုတ်ပိုးပုံမှန်ပြန်ဖြစ်ဖို့ ရက်သတ္တပတ်အထိကြာမြင့်ကြောင်း ပြောပြပါတယ်။

ဒီဆေးက အမျိုးသားတွေမှာ အံ့အားသင့်ဖွယ်ကောင်းလောက်အောင် အသုံးဝင်နိုင်ကြောင်း၊ ချစ်တင်းမနှောခင်မှာ ကြိုတင်သုံးစွဲရမှာဖြစ်ကြောင်း မင်နီဆိုတာတက္ကသိုလ်မှ ဆေးဓာတုပရော်ဖက်ဆာ'ဂန်ဒါဂျော့ဂျ်'က ဆိုပါတယ်။

နောက်ထပ်သတ္တဝါတွေနဲ့ စမ်းသပ်ပြီးလို့ အဆင်ပြေရင် လူသားတွေနဲ့ ဆက်လက်စမ်းသပ်သွားဦးမှာဖြစ်ပါတယ်။

နိုဝင်ဘာလမှာ စမ်းသပ်မယ့် ဩစတြေးလျမှာ ပါဝင်ချင်တဲ့သူတွေ အများကြီးဖြစ်နေကြောင်း သိရပါတယ်။

Source: New York Post
#Yangon_Media_Group

#LocalNews
Published_ 19 February 2023

ထိုင်းနိုင်ငံ၊ထိုင်းနိုင်ငံ၊ရနောင်းခရိုင်၊ကရဘူရီမြို့နယ်တွင် အထောက်အထားမဲ့မြန်မာ ၈ ဦးနှင့် ယင်းတို့ကို လာကြိုသူ မြန်မာ တစ်ဦး ယနေ့ ဖေဖော်ဝါရီလ ၁၉ ရက် နံနက်အစောပိုင်းက အဖမ်းခံရကြောင်း သိရသည်။

အဆိုပါ မြန်မာများက ကော့သောင်းမြို့ဘက်မှဝင်ရောက်လာကြရာ ရနောင်းခရိုင်၊ကရဘူရီမြို့နယ်၊မမုကျေးရွာတွင် ကင်းလှည့်နေသည့်ထိုင်းတပ်မတော်နှင့် ဆုံရာမှ အဖမ်းခံခဲ့ရခြင်း ဖြစ်ကြောင်း၊ရနောင်းကမ်းစပ်အနီး ကင်းလှည့်နေသည့် ထိုင်းမတော်သားများက စက်လှေသံကြားသဖြင့်စောင့်ကြည့်နေစဉ် တရားမဝင်ဝင်ရောက်လာသည့် မြန်မာ နိုင်ငံသားများမှာ ကမ်းစပ်မှတဆင့်လာကြိုသည့် ပစ်ကပ်ကားပေါ်သို့တက်နေစဉ် ဖမ်းဆီးခြင်းဖြစ်ကြောင်း သိရသည်။

အဖမ်းခံရသော အမျိုးသား ၆ ဦးနှင့်အမျိုးသမီး ၂ ဦးတို့အား မြန်မာနိုင်ငံသား မောင်သီဆိုသူက စ်ကပ်ကားဖြင့်လာရောက်ကြိုခဲ့ကြောင်း၊ကနဦး စစ်ဆေးချက်အရ မော်လမြိုင်မြို့မှ ထိုင်းနိုင်ငံ၊ဖူးကစ်မြို့တွင် အလုပ်လုပ်ကိုင်ရန် ဝင်ရောက်လာခြင်းဖြစ်ကြောင်းနှင့် ပွဲစားခ တစ်ဦးလျင် ဘတ် ၁၅၀၀၀ ပေးချေခဲ့ရကြောင်း သိရသည်။

လက်ရှိတွင် ဖမ်းဆီးရမိသူများအား ထိုင်းနိုင်ငံဥပဒေအရအရေးယူရန် ရနောင်ခရိုင်၊ ပါက်ကျန်ရဲစခန်းသို့‌ပို့ဆောင်လိုက်ပြီ ဖြစ်ကြောင်းလည်း သိရသည်။

ymg/mt
#Yangon_Media_Group

#LocalNews
Published_ 19 February 2023

တနင်္သာရီတိုင်းဒေသကြီး၊ ဘုတ်ပြင်းမြို့နယ်အတွင်း နစက ဆန့်ကျင်အဖွဲ့က ခရီးသည်တင်မော်တော်ယာဉ် ၁ စီးကို လက်နက်ငယ်များဖြင့် ပစ်ခတ်ခဲ့သောကြောင့် ခရီးသွားပြည်သူ ၂ ဦး သေဆုံးခဲ့ကြောင်း သိရသည်။

ဖေဖော်ဝါရီလ ၁၇ ရက် ညနေ ၄ နာရီခွဲခန့်က ဦးမင်းမင်းချမ်း မောင်းနှင်ပြီး ခရီးသည် အမျိုးသား ၆ ဦးနှင့် အမျိုးသမီး ၄ ဦး တို့ လိုက်ပါလာသည့် မော်တော်ယာဉ်သည် ကော့သောင်းမြို့မှ မြိတ်မြို့ သို့ ထွက်ခွာလာခဲ့ရာ ဘုတ်ပြင်းမြို့နယ်၊ မနိုးရုံးကျေးရွာနှင့် ခဲချောင်းကျေးရွာလမ်းဆုံသို့ အရောက်တွင် အထက်ပါအတိုင်း ပစ်ခတ်ခံခဲ့ရခြင်း ဖြစ်ကြောင်း သိရသည်။

ယင်းကြောင့် ယာဉ်ပေါ်တွင်လိုက်ပါလာသူများအနက် အမျိုးသမီး ၁ ဦးနှင့် အသက် ၉ နှစ်အရွယ် ယောက်ျာလေး ၁ ဦးတို့တွင် လက်နက်ငယ်ကျည် ထိမှန်သေဆုံးခဲ့ကြောင်း နစက သတင်းထုတ်ပြန်ရေးအဖွဲ့က သိရသည်။

ymg/mt

#Yangon_Media_Group

Published 19 Feb 2023

ကမ္ဘောဒီးယားနိုင်ငံ အရှေ့ပိုင်းက ကျေးရွာတွေမှာ ရွာသားတွေဟာ ရွှံ့နွံတွေထူထပ်နေတဲ့ ရေကန်ကြီးတစ်ခုအတွင်း စုပေါင်းငါးဖမ်းပွဲတော်ကို ဆင်နွှဲခဲ့ကြပါတယ်။ သူတို့ဟာ ရိုးရာ ကိရိယာတွေကိုပဲ အသုံးပြုရတဲ့ အဲဒီပွဲတော်မှာ  ဝါးတောင်းတွေ ပိုက်ကွန်တွေအသုံးပြုငါးဖမ်းခဲ့ကြပါတယ်။

သူတို့ဟာ ကောက်ရိုးဦးထုတ်တွေဆောင်း၊ အစင်းကျား ပိတ်ခေါင်းစည်းတွေနှင့် တောက်ပတဲ့နေရောင်အောက်မှာ ဆင်နွှဲခဲ့ကြတာပါ။ ရာပေါင်းများစွာသော ကလေးလူကြီးတွေဟာ ဖေဖော်ဝါရီ၁၈ ရက်စနေနေ့က ရေချိုငါးခူတွေနှင့်မြွေငါးတွေကို ဘိုအောင်ခရုမန်ကန်ကြီးထဲ ဖမ်းဆီးနေကြတာပါ။ အဲဒီနေရာဟာ မြို့တော် ဖနွမ်းပင်ကနေ ၁၅၅မိုင်ဝေးတဲ့ နေရာမှာတည်ရှိပါတယ်။

Source: AFP

#fishing_ceremony

#Cambodia

#Cambodia_Fishery_sector

#TV Yangon Times Matters အစီအစဉ်
Published - 19 Feb 2023

အစီအစဉ်တင်ဆင်သူ ဆရာဟိန်းလတ်က ဒါရိုက်တာကျော်ဟိန်းကျော်နှင့်အတူ

-"ကမ္ဘာကသိသည့်မြနန်းနွယ်ဇာတ်ကားကို ရိုက်ကူးဖို့ကြိုးစားဖြစ်ခဲ့တဲ့အကြောင်း

- ဇာတ်ကားအတွက် ရွှံ့ကိုင်ရင်ရွှေဖြစ်မယ့် မင်းသမီးတွေရှိရက်နဲ့ ပဌာန်းဆက်ရှိတဲ့ မင်းသမီးတွေကို ရွေးချယ်ဖြစ်ခဲ့တာက သမရိုးကျ ရုပ်ရှင်ကားတွေလိုမျိုးမဟုတ်ဘဲ အဘအာရုံနဲ့ ရွေးချယ်ခဲ့တာဖြစ်ကြောင်း

- အပိုင်း (၆၀) ရိုက်ကူးပြီးစီးခဲ့ပြီး အပိုင်း (၂၀) ကျော်လောက် ရိုက်ကူးဖို့ကျန်ရှိနေသေးတယ်ဆိုတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published_ 19 February 2023

မိုးပြင်းထန်စွာရွာသွန်းနဲ့လေပြင်းတိုက်ခတ်မှုကြောင့် လူထိခိုက်မှုအခြေအနေတွေဖြစ်ပေါ်ပါက ရန်ကုန်တိုင်းအတွင်းက လူမှုကူညီရေးအသင်းတွေအနေနဲ့ ပူပေါင်းကူညီဖို့စီစဉ်ဆောင်ရွက်ထားတယ်လို့ တွဲလက်လူမှုကူညီရေးအသင်းက သိရပါတယ်။

#Yangon_Media_Group

#LocalNews
Published_ 19 February 2023

လျှပ်စစ်သုံးယာဉ်များ Asia World ဆိပ်ကမ်းတွင် ထပ်မံရောက်ရှိနေကြောင်း လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီက သိရသည်။

Asia World ဆိပ်ကမ်းတွင် ထပ်မံရောက်ရှိနေသော လျှပ်စစ်သုံးယာဉ်များမှာ အဆိုပါကော်မတီ၏ ခွင့်ပြုချက်ဖြင့် Essential Motor Co., Ltd. ကတင်သွင်းပြီး BYD အမှတ်တံဆိပ် လျှပ်စစ်သုံး ယာဉ် ၂၅ စီးဖြစ်ကြောင်း၊ယင်းကို လျှပ်စစ်သုံးယာဉ်များအတွက် ထုတ်ပြန်ထားသည့် စံချိန်စံညွှန်းသတ်မှတ်ချက်များနှင့် ကိုက်ညီမှုရှိ၊ မရှိ၊ သွင်းကုန်လိုင်စင်နှင့် သွင်းကုန်ကြေညာလွှာပါအချက်အလက်များ ကိုက်ညီမှန်ကန်မှု ရှိ၊ မရှိ တိုက်ဆိုင်စစ်ဆေးလျက်ရှိသည့် လုပ်ငန်းစဉ်အဆင့်ဆင့်တို့ကို အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများဖွံ့ဖြိုးတိုးတက်ရေး ဦးဆောင်ကော်မတီဒုတိယဥက္ကဋ္ဌ-၂၊ စက်မှုဝန်ကြီးဌာန ပြည်ထောင်စုဝန်ကြီး၊ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းနှင့် တာဝန်ရှိသူများကကြည့်ရှုစစ်ဆေးခဲ့ကြကြောင်း သိရသည်။

အဆိုပါ လျှပ်စစ်သုံးယာဉ် ၂၅ စီးထဲတွင် BYD Atto3 အမျိုးအစား ၁၅ စီးနှင့် BYD Dolphin အမျိုးအစား ၁၀ စီးဖြစ်ပြီး လူစီးယာဉ်အဖြစ်အသုံးပြုမည် ဖြစ်ကြောင်း၊ ရန်ကုန်မြို့တွင်း City Taxi အဖြစ်ပြေးဆွဲမည့် BYD အမျိုးအစား လျှပ်စစ်သုံးယာဉ်များကိုလည်း မူရင်းကုမ္ပဏီတွင်မှာယူထားပြီး မတ်လအတွင်း၌ ရန်ကုန်မြို့သို့ ရောက်ရှိလာမည်ဖြစ်ကြောင်း၊လျှပ်စစ်သုံးယာဉ်များ အားသွင်းနိုင်ရန်အတွက် Essential Motor Co., Ltd.အနေဖြင့် ရန်ကုန်ဘူတာကြီးအနီးတွင် Level 3 အဆင့် Charger ငါးစုံ၊ Dual Gun အသုံးပြုနိုင်သည့် Charging Station တည်ဆောက်ရေးလုပ်ငန်းများကိုလည်း ဆောင်ရွက်လျက်ရှိကြောင်း သိရသည်။

ymg/mt
#Yangon_Media_Group

#TV Yangon Times Matters အစီအစဉ်
Published - 19 Feb 2023

အစီအစဉ်တင်ဆင်သူ ဆရာဟိန်းလတ်က ဒါရိုက်တာကျော်ဟိန်းကျော်နှင့်အတူ

-"ကမ္ဘာကသိသည့်မြနန်းနွယ်ဇာတ်ကားကို ရိုက်ကူးဖို့ကြိုးစားဖြစ်ခဲ့တဲ့အကြောင်း

- ဇာတ်ကားအတွက် ရွှံ့ကိုင်ရင်ရွှေဖြစ်မယ့် မင်းသမီးတွေရှိရက်နဲ့ ပဌာန်းဆက်ရှိတဲ့ မင်းသမီးတွေကို ရွေးချယ်ဖြစ်ခဲ့တာက သမရိုးကျ ရုပ်ရှင်ကားတွေလိုမျိုးမဟုတ်ဘဲ အဘအာရုံနဲ့ ရွေးချယ်ခဲ့တာဖြစ်ကြောင်း

- အပိုင်း (၆၀) ရိုက်ကူးပြီးစီးခဲ့ပြီး အပိုင်း (၂၀) ကျော်လောက် ရိုက်ကူးဖို့ကျန်ရှိနေသေးတယ်ဆိုတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published_ 19 February 2023

ပို့ကုန်ယာဉ်များ QR Code ပါဝင်သည့် ပစ္စည်းသယ်ဆောင်ခွင့်လက်မှတ်ကို Online က လျှောက်ထားခွင့်ပြုထားကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန က သိရသည်။

ပို့ကုန်ပစ္စည်းများကို နယ်စပ်မှတင်ပို့ရာတွင် ကုန်ပစ္စည်းသယ်ဆောင်သည့်ယာဉ်များအတွက် QR Code ပါဝင်သည့် ပစ္စည်းသယ်ဆောင်ခွင့်လက်မှတ်ကို Online မှ လျှောက်ထားခွင့်ပြုနေစဉ်တွေ့ကြုံရသည့် အခြေအနေများ၊လုပ်ထုံးလုပ်နည်းဆိုင်ရာ ထုတ်ပြန်ချက်များကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ရှင်းလင်းမှုများ ပြုလုပ်နေကြောင်းလည်း သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ကုန်သွယ်မှုလုပ်ငန်းများ တရားဝင်မှန်ကန်စွာဆောင်ရွက်လာစေရေး ကြိုးပမ်းဆောင်ရွက်လျက်ရှိရာ ပို့ကုန်တင်ပို့သည့်ယာဉ်များက ကုန်ပစ္စည်းများသယ်ဆောင်တင်ပို့ရာတွင် စနစ်တကျရှိစေရေးအတွက်လည်းကောင်း၊ ကုန်ပစ္စည်းစစ်ဆေးခြင်းလုပ်ငန်းများ လွယ်ကူချောမွေ့စွာဆောင်ရွက်နိုင်ရေးအတွက်လည်းကောင်း၊ ကုန်ပစ္စည်းသယ်ဆောင်ခွင့်လက်မှတ်များကို Vehicle Monitoring System ဖြင့် Online မှ စိစစ်ခွင့်ပြုပေးလျက်ရှိကြောင်း သိရသည်။

ymg/mt

#Yangon_Media_Group

#Local_News
Published_ 19 February 2023

လူမှုကွန်ရက်ပေါ်မှာ ပြန့်နှံနေတဲ့ ခွေးချင်းကိုက်ခိုင်းတဲ့ ခွေးတိုက်ပွဲ dog fight ပွဲကို မြန်မာနိုင်ငံက တိရစ္ဆာန်ချစ်သူတွေ၊ တိရစ္ဆာန်စောင့်ရှောက်ရေးဂေဟာတွေက လုံးဝကန့်ကွက်တယ်လို့ တိရစ္ဆာန်စောင့်ရှောက်ရေးဂေဟာတွေမှ သိရပါတယ်၊၊

#Yangon_Media_Group