#Local_News
Published_ 5 May 2023

အိန္ဒိယနိုင်ငံဆိုင်ရာ မြန်မာသံအမတ်ကြီး ဦးမိုးကျော်အောင်သည် ဧပြီလ ၂၉ ရက် တွင် မွန်ဘိုင်းမြို့၌ ကျင်းပခဲ့တဲ့ ‘Indo-Myanmar Friendship Association’ ၏ Mumbai Chapter ဖွင့်ပွဲအခမ်းအနားသို့ Chief Guest အဖြစ် တက်ရောက်ခဲ့ပါတယ်။

အဆိုပါ အခမ်းအနားသို့ မွန်ဘိုင်းမြို့ရှိ ယင်းအဖွဲ့အစည်း၏ Mumbai Chapter ဥက္ကဋ္ဌ Advocate Mr. Mohanrao Pimple ၊ ချန်နိုင်းမြို့ရှိ မြန်မာဂုဏ်ထူးဆောင် ကောင်စစ်ဝန် Prof. Ranganathan. J ၊ မွန်ဘိုင်းမြို့ရှိ အင်ဒိုနီးရှားကောင်စစ်ဝန်ချုပ်ရုံးမှ စီးပွားရေးဆိုင်ရာ ကောင်စစ်ဝန်နှင့် သံတမန်များ၊ ချန်နိုင်းမြို့ရှိ တန်ဇန်းနီးယား ဂုဏ်ထူးဆောင်ကောင်စစ်ဝန်၊ အဖွဲ့အစည်း၏ အဖွဲ့ဝင်များနှင့် ဖိတ်ကြားထားသူများ တက်ရောက်ခဲ့ကြပါတယ်။

ထို့နောက် မြန်မာသံအမတ်ကြီးကမိန့်ခွန်းပြောကြားရာ၌ နှစ်နိုင်ငံ သံတမန်ဆက်ဆံ ရေး (၇၅) နှစ် ပြည့်မြောက်သည့်ကာလတွင် ‘Indo-Myanmar Friendship Association’ ၏ မွန်ဘိုင်းရုံးခွဲ ဖွင့်လှစ်နိုင်ခြင်းအတွက် ဝမ်းသာပါကြောင်း ပြောကြားပါတယ်။

၂၀၂၁ ခုနှစ်၊ ဒီဇင်ဘာလတွင် နယူးဒေလီမြို့၌ စတင်ထူထောင်ခဲ့သည့် ‘Indo-Myanmar Friendship Association’ မှာ မြန်မာသံရုံးနှင့် ပူးပေါင်း၍ နှစ်နိုင်ငံ စီးပွားရေး၊ လူမှုရေးနှင့် ရိုးရာအခမ်းအနားများ ကျင်းပလျက်ရှိကြောင်း သိရပါတယ်။

ကမ္ဘာ့လူဦးရေ အများဆုံး မက်ထရိုပိုလီတန်မြို့တော်များအနက် အဆင့် (၆) အဖြစ် ရပ်တည်နေပြီး ရေနက်ဆိပ်ကမ်းနှင့် ဘောလိဝုဒ်တို့ တည်ရှိရာ စီးပွားရေး၊ ယဉ်ကျေးမှု အချက်အချာ မွန်ဘိုင်းမြို့၌ တည်ထောင်ထားသည့် ယခုရုံးခွဲအနေဖြင့် ကွန်ဖရင့်များ၊ ဆွေးနွေးပွဲများ၊ ကမ္ဘာလှည့်ခရီးသွားနှင့် ရင်းနှီးမြှုပ်နှံမှု အခွင့်အလမ်း မိတ်ဆက်ပွဲများ စသည်ဖြင့် နှစ်နိုင်ငံ ဆက်ဆံရေး တိုးမြှင့်နိုင်မည့် အခွင့်အလမ်းများ ဖော်ထုတ်သည့် ဆောင်ရွက်ချက်များစွာကို ထိထိရောက်ရောက် ဆောင်ရွက်နိုင်မည်ဟု ယုံကြည်မျှော်လင့်ပါကြောင်း မြန်မာသံအမတ်ကြီးက ဆိုသည်။

မြန်မာသံရုံးအနေဖြင့် အဖွဲ့အစည်း၏ ရည်မှန်းချက်၊ ရည်ရွယ်ချက်များ ပြည့်မြောက် နိုင်ရေးအတွက် လိုအပ်သည်များကို ပံ့ပိုးပေးမည်ဖြစ်ပါကြောင်း ထည့်သွင်းပြောကြား ခဲ့ပါတယ်။

#ygm_mnn #Local_News #အိန္ဒိယ #မွန်ဘိုင်း #Indo-Myanmar Friendship Association
#YMG #Yangon_Media_Group

#World_News
Published 5 May 2023

တရုတ်သာ ထိုင်ဝမ်ကိုကျူးကျော်လိုက်ရင် ကမ္ဘာ့အကြီးဆုံး အဆင့်မြင့်တစ်ပိုင်းလျှပ်ကူးပစ္စည်းချစ်ပ်ပြားထုတ်လုပ်ရေးလုပ်ငန်းကြီးကနေ ပစ္စည်းထုတ်လုပ်မှုများ ရပ်တန့်နိုင်ဖွယ်ရှိကာ နှစ်အနည်းငယ်အတွင်း ကမ္ဘာ့စီးပွားရေးကနေ တစ်နှစ်ကို အမေရိကန်ဒေါ်လာ ၁ ထရီလီယံအထိ ဆုံးရှုံးသွားနိုင်ကြောင်း အမေရိကန်ထိပ်တန်းထောက်လှမ်းရေးအရာရှိက မေလ ၄ ရက်နေ့မှာ ပြောကြားလိုက်ပါတယ်။

အမေရိကန်အမျိုးသားထောက်လှမ်းရေးညွှန်ကြားရေးမှူး 'ဧဗရယ်ဟိန်းစ်'က အထက်လွှတ်တော်လက်နက်ကိုင်ကော်မတီရှေ့မှောက်မှာ သက်သေခံချက်ထုတ်ဖော်စဉ် ယေဘုယျခန့်မှန်းချက်ကို တင်ပြခဲ့ပါတယ်။

ထိုင်ဝမ်တစ်ပိုင်းလျှပ်ကူးပစ္စည်းထုတ်လုပ်ရေးကုမ္ပဏီလီမိတက် (TSMC)မှထုတ်လုပ်တဲ့ အဆင့်မြင့်တစ်ပိုင်းလျှပ်ကူးပစ္စည်းချစ်ပ်ပြားတွေဟာ ကမ္ဘာတဝှမ်းရှိ အီလက်ထရွန်နစ်စက်ပစ္စည်းအမျိုးအစားတိုင်းနီးပါးရဲ့ ၉၀ ရာခိုင်နှုန်းမှာအသုံးပြုထားကြောင်း ပြောကြားလိုက်ပါတယ်။

တရုတ်ကျူးကျော်ခြင်းကြောင့် TSMC မှ ချစ်ပ်ပြားထုတ်လုပ်မှုရပ်တန့်သွားပါက ကနဦးနှစ်အနည်းငယ်အတွင်း အခြေခံအားဖြင့် နှစ်စဉ်အမေရိကန်ဒေါ်လာ ၆၀၀ ဘီလီယံမှ ၁ ထရီလီယံကြား ကမ္ဘာလုံးဆိုင်ရာဘဏ္ဍာရေးဆိုင်ရာသက်ရောက်မှု ရှိလာလိမ့်မယ်လို့ ပြောကြားခဲ့ပါတယ်။

"ထိုင်ဝမ်ကိုကျူးကျော်လို့ TSMC ရဲ့ထုတ်လုပ်မှုရပ်တန့်သွားမယ်ဆိုရင် အမေရိကန်ရဲ့ဂျီဒီပီ(GDP)ကိုလည်း သက်ရောက်မှုရှိလာပါလိမ့်မယ်။ ချစ်ပ်ပြားတွေထုတ်တာကို ရပ်လိုက်မယ်ဆိုရင် တရုတ်ရဲ့စီးပွားရေးကိုလည်း သက်ရောက်မှုရှိလိမ့်မယ်" လို့ ဟိန်းစ်က ဆက်လက်ပြောပြခဲ့ပါတယ်။

Source: CNA #World_News #ထိုင်ဝမ်ချစ်ပ်ပြားထုတ်လုပ်ရေး #ကမ္ဘာ့စီးပွားရေး
#YMG #Yangon_Media_Group

#World_Health
Published 5 May 2023

ဟားဗတ်တက္ကသိုလ်မှ မော်လီကျူးဇီဝဗေဒပညာရှင်'ဒေးဗစ်ဆင်ကလဲယား'ဟာ အသက် ၅၃ နှစ်ရှိပြီဖြစ်ပေမယ့် DNA စစ်ဆေးချက်အရ ၄၃ နှစ်သာရှိပါတယ်။

ဒီလိုပြန်လည်နုပျိုစေတာဟာ နေ့စဉ်ရိုးရှင်းတဲ့အလေ့အကျင့် ၄ မျိုးပြုလုပ်တာပဲဖြစ်ပါတယ်။

ဇီဝအသက်အရွယ်က ဆဲလ်တွေရဲ့ကျန်းမာမှုအပေါ်မူတည်ပြီး တိုင်းတာတာဖြစ်ကာ အသက်ရှင်သန်တဲ့နှစ်အပေါ် တွက်ချက်တာမဟုတ်ပါဘူး။

သူဟာ ဒီလိုကျန်းမာနုပျိုစေမယ့်နည်းလမ်းကို အသက် ၃၀ အရွယ်ဝန်းကျင်မှာ စတင်ပြုလုပ်ခဲ့တာဖြစ်တယ်လို့ ဆိုပါတယ်။

ဘယ်သူကမှ ဖျားနာတာမျိုးမဖြစ်ချင်သလို ရောဂါဘယတွေကို ကြိုတင်ကာကွယ်ဖို့က အလွန်အရေးကြီးပါတယ်။

ဆင်ကလဲယားက အိုမင်းရင့်ရော်ခြင်းကိုဆန့်ကျင်တဲ့ကဏ္ဍမှာ လှုံ့ဆော်မှုများပြုလုပ်ထားပြီး စာအုပ်စာတမ်း၊ အင်တာဗျူးတွေမှာလည်း ရေးသားပြောဆိုထားပါတယ်။

ပြန်လည်နုပျိုစေတဲ့ သူ့ရဲ့နည်းလမ်း ၄ မျိုးကတော့...

(၁) တစ်ပတ်လျှင် ၃ ကြိမ်ပြေးခြင်း

အိုမင်းရင့်ရော်ခြင်းကိုဆန့်ကျင်တဲ့နည်းလမ်းတွေထဲမှာ လှုပ်ရှားခြင်းက အဓိကအချက်ဖြစ်ပြီး ကြွက်သား၊ နှလုံးကျန်းမာရေးတို့ကို ထိန်းညှိမြှင့်တင်ပေးကာ ဆဲလ်အိုမင်းခြင်းကိုဖြစ်စေတဲ့ အဝလွန်ခြင်း၊ ရောင်ရမ်းခြင်းတို့ကို လျှော့ချပေးပါတယ်။

ရေကူးခြင်း၊ ပြေးခြင်း၊ ခပ်သွက်သွက်လမ်းလျှောက်ခြင်း၊ စက်ဘီးစီးခြင်းတို့ကို တစ်ပတ် ၃ ကြိမ်ပြုလုပ်သင့်ပါတယ်။

(၂) အချိန်အတိုင်းအတာတစ်ခုအတွင်း အစာရှောင်ခြင်း

နာရီအနည်းငယ်မျှ အစာမစားခြင်းဖြင့် ကယ်လိုရီဝင်ရောက်မှုနည်းပါးသွားကာ အင်ဆူလင်ထွက်ရှိမှုကို မြှင့်တင်ပေးပြီး ဆီးချိုကိုကူညီကာကွယ်နိုင်တဲ့အပြင် ခန္ဓာကိုယ်မှ အညစ်အကြေးများစွန့်ပစ်ပေးပါတယ်။

(၃) လက်ဖက်စိမ်းမှုန့်ဖျော်ရည် တစ်နေ့(၂)ခွက်သောက်ခြင်း

လက်ဖက်စိမ်းမှာ ဆဲလ်ထိခိုက်ခြင်းကို ကာကွယ်ပေးတဲ့ ဓာတ်တိုးဆန့်ကျင်ပစ္စည်းများပါဝင်ပေမယ့် လူသားတွေမှာ အိုမင်းရင့်ရော်ခြင်းကိုနှောင့်နှေးစေသလားဆိုတာတော့ မသိရသေးပါဘူး။

လက်ဖက်ခြောက်မှာပါတဲ့မော်လီကျူးတွေက ကင်ဆာကာကွယ်ပေးကာ ရောင်ရမ်းခြင်းကိုဆန့်ကျင်တဲ့ ဂုဏ်သတ္တိများပါဝင်နေပါတယ်။

(၄) ဖိစီးမှုလျှော့ချပြီး အဆင်မပြေသူများနှင့်ဝေးဝေးနေခြင်း

မိမိနဲ့အဆင်မပြေသူများနားမှာ နေထိုင်ပြီး ဖိစီးမှုရှိနေတယ်ဆိုရင် လူတစ်ယောက်ရဲ့ ပျမ်းမျှနေထိုင်သက်တမ်းကို လျော့ကျစေနိုင်ပါတယ်။

နာတာရှည်ဖိစီးခြင်း၊ ရောင်ရမ်းခြင်း၊ နှလုံးရောဂါ၊ အဝလွန်ခြင်း၊ အိပ်စက်ခြင်းပြဿနာ၊ အသက်ကြီးမြန်ခြင်းတို့ ဖြစ်လာစေနိုင်ပါတယ်။

အကောင်းဆုံးကတော့ နေ့စဉ် တိတ်ဆိတ်ငြိမ်သက်ချိန်သတ်မှတ်ကာ ဒုက္ခအိုးတွေကနေ ရှောင်ရှားသင့်ပါတယ်။

Source: The Jerusalem Post #World_Health #အိုမင်းရင့်ရော်ခြင်း #ဟားဗတ်သုတေသီ
#YMG #Yangon_Media_Group

#World_Science
Published 5 May 2023

နေလုံးကြီးက သူ့ပတ်လမ်းကြောင်းမှာ ဆက်လက်လည်ပတ်နေစဉ်မှာ နေအမြင့်ဆုံးအခြေအနေနဲ့ နီးကပ်လာကာ လှုပ်ရှားမှုများ ပိုမိုမြင့်တက်လာပြီး အန္တရာယ်များတဲ့ပေါက်ကွဲမှုတွေ ပိုမိုဖြစ်ပွားလာနိုင်ပါတယ်။

ဧပြီလက နေမီးတောက်ကြီး ၂၃ လုံးနဲ့အတူ နေလုံးဟာ ပေါက်ကွဲခဲ့ပြီး ကမ္ဘာမြေမှာ ဧရာမဘူမိသံလိုက်မုန်တိုင်းကြီး ၂ ရက်တိုင်တိုက်ခတ်ခဲ့ပါတယ်။

နေမျက်နှာပြင်ပေါ်မှာ နေစက် ၉၆ ခုကို နေလုံးဆိုင်ရာရူပဗေဒပညာရှင်များ တွက်ချက်ခဲ့ကြပြီး နေလုံးအတွက်တော့ ဧပြီလဟာ အလုပ်များနေခဲ့ပါတယ်။

နေအဖွဲ့အစည်းအတွင်းရှိ ဂြိုဟ်မျက်နှာပြင်ပေါ်မှာ နေအစက်အပြောက်များပြားလာတာဟာ နေမင်းက မျှော်လင့်ထားတာထက် နေရောင်ခြည်အမြင့်ဆုံးအခြေအနေနဲ့ ပိုမိုစောစီးစွာချဉ်းကပ်နေကြောင်း ညွှန်ပြရာရောက်ပါတယ်။

နေမင်းဟာ နေစက်ဝန်းလို့ခေါ်တဲ့ သံလိုက်စက်ဝန်းသဘာဝစက်ဝန်းအတိုင်း သွားနေပြီး ခန့်မှန်းခြေအားဖြင့် ၁၁ နှစ်တစ်ကြိမ် ပြန်လည်လည်ပတ်နေပါတယ်။

ဒီစက်ဝန်းဟာ နေမီးတောက်များ၊ အစုလိုက်အပြုံလိုက်ထုတ်လွှတ်မှုများ၊ အခြားဖြစ်စဉ်များအပါအဝင် အာကာသရာသီဥတုအပေါ် သိသိသာသာ သက်ရောက်နေပါတယ်။

လက်ရှိမှာတော့ နေဟာ ၂၀၁၉ ကစတင်ပြီး ၂၅ ကြိမ်မြောက်နေစက်ဝန်း လည်ပတ်နေပါတယ်။

နေအတွင်းပိုင်းရှိ အမှုန်အမွှားများရွေ့လျားမှုကနေ နေရဲ့သံလိုက်စက်ဝန်းဖြစ်ပေါ်လာကာ နေမျက်နှာပြင်ကိုကျော်လွန်ပြီး ဟယ်လီယိုစဖီးယားလို့ခေါ်တဲ့ ကျယ်ပြန့်တဲ့အာကာသနယ်မြေကို ဖန်တီးပေးပါတယ်။

နေလည်ပတ်တဲ့အခါ သံလိုက်စက်ကွင်းလိုင်းများ တွန့်လိမ်ရောထွေးသွားကာ နေမျက်နှာပြင်ပေါ်မှာ မှောင်မည်းအေးမြတဲ့ နေအစက်အပြောက်များ ဖြစ်လာစေပါတယ်။

နေရောင်ခြည်အမြင့်ဆုံးအချိန်မှာ နေသံလိုက်စက်ကွင်းက အလှုပ်ရှားဆုံးဖြစ်နေပြီး မျက်နှာပြင်မှာ နေအစက်အပြောက်များလာပါတယ်။

နေရောင်အနိမ့်ဆုံးအချိန်မှာတော့ ပိုမိုရှုပ်ထွေးတဲ့ သံလိုက်စက်ကွင်းတစ်ခုဖြစ်လာကာ နေအစက်အပြောက်အဖွဲ့ကြီး ဖြစ်လာပါတယ်။

ဒီအဖွဲ့တွေက ကမ္ဘာမြေထက် အဆပေါင်းများစွာပိုကြီးကာ နေမီးတောက်များ၊ အစုလိုက်အပြုံလိုက်ထုတ်လွှတ်မှုများ ထုတ်လုပ်ပေးနိုင်ပါတယ်။

နေစက်ဝန်းနဲ့ အာကာသရာသီဥတုအပေါ် သက်ရောက်မှုကိုနားလည်ခြင်းဟာ ကမ္ဘာမြေပတ်ဝန်းကျင်ရှိ နေမုန်တိုင်းများသက်ရောက်မှုကို ကြိုတင်ခန့်မှန်းခြင်းနဲ့ လျော့ပါးသက်သာခြင်းတို့အတွက် မရှိမဖြစ်လိုအပ်ပါတယ်။

ဧပြီလမှာ အိန္ဒိယအပါအဝင် ကမ္ဘာ့နေရာအများအပြားမှာ ဘူမိသံလိုက်မုန်တိုင်းဖြစ်လာစေတဲ့ နေလုံးမှအရှည်ကြာအပြင်းထန်ဆုံး ပေါက်ကွဲမှုတစ်ခုကို မြင်တွေ့ခဲ့ရပါတယ်။

Source: India Today #World_Science #အမြင့်ဆုံးအခြေအနေ #ပေါက်ကွဲမှု
#YMG #Yangon_Media_Group

#Local_News
Published_ 4 May 2023

လာမယ့်အကယ်ဒမီပေးပွဲမှာ သုံးနှစ်စာရုံတင်ဇာတ် ကား(၁၃၈)ကားရှိတဲ့အနက် ဇာတ်ကား(၇၀)ထဲမှ အကယ်ဒမီဆုတွေကိုရွေးချယ်ချီးမြှင့်သွားမှာဖြစ်တယ်လို့ မြန်မာနိုင်ငံရုပ်ရှင်အစည်းအရုံးမှ သိရပါတယ်၊၊

#Local_News #အကယ်ဒမီဆုပေးပွဲ #အကယ်ဒမီဆုချီးမြှင့်
#YMG #Yangon_Media_Group

#World_Animal
Published 3 May 2023

ဂျူလိုင်က အဆောက်အအုံနောက်ဘက်မှာ လူတွေ့ရင်ဟောင်တတ်ပြီး မိုင်ယာကတော့ လျှိုမြောင်တစ်ခုမှ ဖြည်းညှင်းစွာ ဆင်းသက်လာပါတယ်။

#World_Animal # မက္ကဆီကို #အသက်ကယ်ခွေး
#YMG #Yangon_Media_Group

#Local_News
Published_ 4 May 2023

ပုဂံဒေသညောင်ဦးမြို့နယ်မှာ မေလ(၃)ရက်က လေပြင်းတိုက်ခတ်ပြီး သစ်ပင်တွေပြိုလဲကျပြီးကဇာတ်ရုံနဲ့ နေအိမ်အချို့ထိခိုက်ပျက်စီးခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်၊၊

#Local_News #ပုဂံညောင်ဦး #လေပြင်းတိုက်ခတ် #ကဇာတ်ရုံ #နေအိမ်အချို့ထိခိုက်ပျက်စီး
#YMG #Yangon_Media_Group

Published 4 May 2023

တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်သည် မေ ၃ရက်က ပုဂံရှေးဟောင်းယဉ်ကျေးမှုနယ်မြေသို့ သွားရောက်လည့်ပတ်ခဲ့တယ်လို့ စီစီတီဗွီသတင်းဌာနက သတင်းထုတ်ပြန်ပါတယ်။

၂၀၁၆ခုနှစ်ငလျင်ကြောင့်ပျက်စီးခဲ့ရပြီး တရုတ်ပညာရှင်များက ရှေးမူမပျက်ပြန်လည်မွမ်းမံပေးနေတဲ့ ပုဂံက သဗ္ဗညုဘုရားကို မစ္စတာချင်းကန်က သွားရောက်ဖူးမျှော်ခဲ့ပါတယ်။

သက္ကရာဇ် ၁၁၄၄ခုနှစ်ကတည်ထားကိုးကွယ်ခဲ့တဲ့ သဗ္ဗညုဘုရားဟာ  ဉာဏ်တော် ၆၆မီတာမြင့်ပြီး ပုဂံရဲ့ ယူနက်စကို ကမ္ဘာ့အမွေအနှစ်ဒေသမှာ အမြင့်မားဆုံးစေတီတော်တစ်ဆူဖြစ်ပါတယ်။ပုဂံရှေးဟောင်းယဉ်ကျေးမှုဇုံထဲမှာ ဘုရားဆင်းတုတော်၊စေတီတော်၊ဘုန်းတော်ကြီးကျောင်းတွေနှင့် အခြားသော ဗုဒ္ဓဘာသာအဆောက်အဦပေါင်း ၃၀၀၀ကျော်ရှိတယ်လို့ စီစီတီဗွီက သတင်းမှာဖော်ပြထားပါတယ်။

၂၀၁၉ခုနှစ်ဧပြီလမှာ တရုတ်နိုင်ငံ အနောက်မြောက်ပိုင်း ရှန်ရှီပြည်နယ်က ပညာရှင်အဖွဲ့တစ်ဖွဲ့ဟာ စေတီတော်ရဲ့ ပျက်စီးနေတဲ့ အစိတ်အပိုင်းတွေ ပြန်လည်ပြုပြင်မွမ်းမံတို့လုပ်ငန်းမှာ ပါဝင်ခဲ့ကြပါတယ်။

တရုတ်နိုင်ငံခြားရေးဝန်ကြီးချင်ဟာ ပုဂံက ချူအင်လိုင်းတန်ဆောင်းကိုလည်း သွားရောက်ခဲ့ပါတယ်။ အဲဒီတန်ဆောင်းမှာ တရုတ်ဝန်ကြီးချုပ်ဟောင်းချူအင်လိုင်းရဲ့ တန်ဖိုးရှိလှတဲ့ ဓာတ်ပုံတွေနှင့်ပစ္စည်းတွေကို ပြသထားတာကို မစ္စတာချင်က လေ့လာခဲ့ပြီး တရုတ်မြန်မာနှစ်နိုင်ငံယဉ်ကျေးမှုဖလှယ်ရေး သမိုင်းမှတ်တမ်းတွေကို ထိတွေ့ခံစားခဲ့တယ်လို့သတင်းကဆို ပါတယ်။

၁၉၆၁ခုနှစ်မှာ တရုတ်ဝန်ကြီးချုပ်ချုအင်လိုင်းဟာ မြန်မာနိုင်ငံခရီးစဉ်အတွင်း ပုဂံကိုသွားရောက်လည်ပတ်ကာ လှူဒါန်း မှုတွေပြလုပ်ခဲ့ပါတယ်။ အဲဒီလှူဒါန်းမှုရဲ့အစိတ်အပိုင်းအဖြစ် စေတီတော်ဘေးမှာ ချူအင်လိုင်းတန်ဆောင်းတစ်ခုကို တည်ဆောက်လှူဒါန်းခဲ့တာဖြစ်ပါတယ်။

Source. CCTV+

#တရုတ်နိုင်ငံခြားရေးဝန်ကြီးQin Gang

#တရုတ်-မြန်မာဆက်ဆံရေး

#YangonMediaGroup

#Local_News
Published_ 4 May 2023

စက်သုံးဆီဈေးမှာနှုန်းထား ယခင်လကထက်နှစ်ရာကျပ်ဝန်းကျင်အထိသို့ ကျဆင်းခဲ့ပြီး ၉၂ တစ်လီတာလျှင် ၂,၀၀၀ အောက်ကိုရောက်ရှိလာကြောင်း ယနေ့ဈေးနှုန်းထုတ်ပြန်ချက်များအရ သိရပါတယ်။

#Local_News #စက်သုံးဆီနှုန်း
#YMG #Yangon_Media_Group

#Local_News
Published_ 4 May 2023

လာမယ့်ရက်ပိုင်း မေလ(၈)ရက်မှာ မြန်မာနိုင်ငံမှာ လေဖိအားနည်းရပ်ဝန်းတစ်ခု စတင်ဖြစ်ပေါ်လာမှာဖြစ်ပြီး မုန်တိုင်းငယ်အဖြစ် ပြောင်းလဲတိုက်ခတ်နိုင်ခြေ ရှိတယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနမှသိရပါတယ်၊၊

#Local_News #ဆိုက်ကလုန်းမုန်တိုင်း #ကမ်းရိုးတန်းဒေသများ
#YMG #Yangon_Media_Group

#Daily_News
Published_ 4 May 2023

၁။ မေလအတွင်း ဆိုက်ကလုန်းမုန်တိုင်း တိုက်ခတ်နိုင်ခြေရှိ၊ ကမ်းရိုးတန်းဒေသများ အထူးသတိထားရမည်

၂။ စက်သုံးဆီဈေး ဆက်လက်ကျဆင်းနေ

၃။ ပုဂံညောင်ဦးတွင် လေပြင်းတိုက်ခတ်မှုကြောင့် ကဇာတ်ရုံနှင့်နေအိမ်အချို့ ထိခိုက်ပျက်စီး

၄။ကမ္ဘာတစ်ဝှမ်းမှအသက်များကိုကယ်ဆယ်နိုင်ရန် မက္ကဆီကိုခွေးများအား လေ့ကျင့်သင်ကြားပေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 4 May 2023

ပြည်တွင်းရွှေဈေးဟာ မေလ ၄ ရက်နေ့မနက်ပိုင်းမှာ သိန်း ၃၀ကျော် ပေါက်ဈေးရှိနေပြီး ကမ္ဘာ့ရွှေဈေးကတော့ တစ်အောင်စကို ၂၀၅၀ ကိုစံချိန်တင်မြင့်တက်နေပါတယ်။

#Local_News #ကမ္ဘာ့ရွှေဈေး #ပြင်ပရွှေပေါက်ဈေး
#YMG #Yangon_Media_Group