ရန်ကုန်-ကွမ်ကျိုး -LA ခရီးစဉ် တိုးချဲ့ပြေးဆွဲမည်

ရန်ကုန်-ကွမ်ကျိုး-လော့အိန်ဂျလီ (LA) ကို အပတ်စဉ်တနင်္လာနေ့၊ ဗုဒ္ဓဟူးနေ့၊ သောကြာနေ့၊စနေနေ့တွေမှာ ရန်ကုန်မှ ကွမ်ကျိုး ၊ကွမ်ကျိုးမှ လော့အိန်ဂျလီ(LA)ပြေးဆွဲမယ်။ ဗုဒ္ဓဟူးနေ့တိုင်း လော့အိန်ဂျလီ(LA)မှကွမ်ကျိုးနဲ့ ကွမ်ကျိုးမှ ရန်ကုန်ခရီးစဉ်တွေ ပြေးဆွဲပေးမှာဖြစ်တယ်။
China Southern Airline Myanmarလေကြောင်းလိုင်း
Yangon_Times/tthl
#local_News
#Published_ 25 August 2023
#YMG #Yangon_Times

မလေးအစိုးရ၏ အလုပ်သမားခေါ်စာ အတုပြုလုပ်ပြီး ပြည်တွင်းတွင် လိမ်လည်ငွေကြေးတောင်းနေဟုဆို

ပြည်ပကို လုပ်သားပို့ဆောင်နိုင်တဲ့ တရားဝင်လိုင်စင်မရှိဘဲ ဝန်ဆောင်မှု(Service)လိုင်စင် ရထားသူ အချို့က အခုလိုခေါ်စာအတုပြုလုပ်ကာ လိမ်လည်ငွေ‌ကြေးတောင်းခံခြင်းတွေ လုပ်ဆောင်နေတယ်လို့ သိရပါတယ်။
Yangon_Times/LW
#local_News
#Published_ 25 August 2023
#YMG #Yangon_Times

စားအုန်းဆီ ဈေးတက်နေသဖြင့် ဆီစက်ဝယ်ပြီးပဲဆီ၊နှမ်းဆီ ထုတ်သူများလာ

‘အခုနှစ်မှာ ပြည်ပကနေတင်သွင်းတဲ့ ဈေးကွက်အတွင်း စားအုန်းဆီဈေးတစ်သောင်းကျော် သွားတဲ့အတွက် ပြည်တွင်းရှိ မြေပဲ၊နှမ်း၊နေကြာစတဲ့ဆီထွက်သီးနှံတွေကိုကြိတ်ပြီး ပြည်တွင်းထုတ်ဆီတွေထုတ်လုပ်ရောင်းချသူတွေ များပြားလာတယ်’ဆီကြိတ်စက်မျိုးစုံရောင်းဝယ်ရေး လုပ်ငန်းရှင်တစ်ဦး
Yangon_Times/tthl
#local_News
#Published_ 25 August 2023
#YMG #Yangon_Times

၂၅ ဩဂုတ် ၂၀၂၃

အင်ဒိုနီးရှားနိုင်ငံ လာဘွန်ဘာဂျိုးမြို့တွင် ကျင်းပခဲ့တဲ့ (၁၇)ကြိမ်မြောက် နိုင်ငံဖြတ်ကျော်မှုခင်းများတိုက်ဖျက်ရေး အာဆီယံဝန်ကြီးအဆင့်အစည်းအဝေးနှင့် ဆက်စပ်အစည်းအဝေးများ (17th ASEAN Ministerial Meeting on Transnational Crime and its Related Meetings – 17th AMMTC) အတွင်း ဂျပန်နိုင်ငံ AMMTIC ခေါင်းဆောင်က မြန်မာ နိုင်ငံအပေါ် ဝေဖန်ပြောဆိုခဲ့တာတွေကို အစည်းအဝေးသို့တက်ရောက်ခဲ့တဲ့ မြန်မာ နစက အစိုးရ ပြည်ထဲရေးဝန်ကြီးက ချက်ခြင်းပြန်လည်တုန့်ပြန်ခဲ့တယ်လို့ နစကသတင်းထုတ်ပြန်ချက်အရသိရပါတယ်။

ဩဂုတ် ၂၂ ရက်ကကျင်းပတဲ့  (၈)ကြိမ်မြောက် AMMTC +ဂျပန် ပူးပေါင်းအစည်းအဝေးတွင် ဂျပန်နိုင်ငံ  ကိုယ်စားလှယ်ခေါင်းဆောင်က ခေါင်းဆောင်က မြန်မာနိုင်ငံပြည်တွင်းရေးနှင့် ပတ်သက်သည့် အခြေအနေများကို ဝေဖန်ပြောဆိုခဲ့မှုအပေါ် နစက ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်က ပြန်လည်  တုံပြန်ပြောကြားရာတွင် အာဆီယံအဖွဲဝင်နိုင်ငံတစ်နိုင်ငံ၏ ပြည်တွင်းရေးကို အခြားနိုင်ငံတစ်ခုက ဝင်ရောက်စွက်ဖက်  ခြင်းမရှိဘဲ ငြိမ်းချမ်းစွာ အတူယှဉ်တွဲနေထိုင်ခြင်းအားဖြင့် ဒေသတွင်းအကျိုးစီးပွားကို ဖော်ဆောင်နိုင်မှာ ဖြစ်တယ်လို့  တုန့်ပြန်ခဲ့တာဖြစ်ပါတယ်။

ဒုတိယဗိုလ်ချုပ်ကြီးရာပြည့်က “ယနေ့အစည်းအဝေးသည် အာဆီယံဒေသတွင်း နိုင်ငံဖြတ်ကျော်မှုခင်းတိုက်ဖျက်ရေး နှင့်ပတ်သက်၍ အမြင်ချင်းဖလှယ်သည့် ဆွေးနွေးမှုနှင့်ဆွေးနွေးဖက်နိုင်ငံများ၏ ပူးပေါင်းဆောင်ရွက်မှုကိုသာ ဆွေးနွေးရန်  ဖြစ်ကြောင်းနှင့်   မြန်မာနိုင်ငံ၏ ဖြစ်ပေါ်တိုးတက်မှုများသည် ပြည်တွင်းရေးမျှသာဖြစ်ပြီး ဒေသတွင်းအရေးကိစ္စ မဟုတ်ပါ ကြောင်း ဆက်လက်တုန့်ပြန်ပြောဆိုခဲ့ပြီး ယခုလိုဒေသတွင်းအစည်းအဝေးများတွင် အဆိုပါကိစ္စ ဆွေးနွေးမည်  မဟုတ်ကြောင်းကိုလည်း အတိအလင်းပြောဆိုခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

မြန်မာ့နိုင်ငံရေးနှင့် စပ်လျဉ်း၍ ဆွေးနွေးလိုသည်များရှိပါက နှစ်နိုင်ငံတွေ့ဆုံပြီး သီးခြားဆွေးနွေးနိုင်ပါကြောင်း ဒုတိယဗိုလ်ချုပ်ကြီးရာပြည့်က ပြန်လည်ပြောကြားခဲ့သော်လည်း သီးခြားဆွေးနွေးခဲ့ခြင်း ရှိမရှိကိုတော့ သတင်းထုတ်ပြန် ချက်မှာဖော်ပြမထားပါဘူး။

မြန်မာပြည်ထဲရေးဝန်ကြီးဟာ အစည်းအဝေးတွင် မြန်မာနိုင်ငံမှာဖြစ်ပေါ်နေတဲ့အကြမ်းဖက်မှုအခြေအနေတွေ၊ အကြမ်းဖက်မှုကြောင့် ထိခိုက်သေကြ ပျက်စီးဆုံးရှုံးမှုတွေနှင့် ဆိုက်ဘာမှုခင်းတိုက်ဖျက်ရေးဆောင်ရွက်နေတာတွေကို အသေးစိတ်ရှင်းလင်းတင်ပြခဲ့တယ်လို့လည်း သတင်းထုတ်ပြန်ချက်အရသိရပါတယ်။

အဆိုပါအစည်းအဝေးများသို့ အာဆီယံ ဥက္ကဋ္ဌ အင်ဒိုနီးရှားနိုင်ငံ၏ဖိတ်ကြားချက်အရ မြန်မာနိုင်ငံအစိုးရ နစကအဖွဲ့ဝင်  ပြည်ထဲရေးဝန်ကြီး ဒုတိယဗိုလ်ချုပ်ကြီးရာပြည့်ဦးဆောင်တဲ့ အဖွဲ့သွားရောက်တက်ခဲ့တာဖြစ်ပါတယ်။

-ymg/knl

Published_ 25 August 2023

ဂျပန်နိုင်ငံတွင် အကြီးဆုံးရေထွက်ကုန်ပြပွဲ၌ မြန်မာနိုင်ငံမှ ပထမဆုံးအကြိမ် ပါဝင်ပြသလျက်ရှိကြောင်း နိုင်ငံရေးဝန်ကြီးဌာနကသိရသည်။

(၂၅) ကြိမ်မြောက် ဂျပန်အပြည်ပြည်ဆိုင်ရာ ရေထွက်ကုန်နှင့်နည်းပညာပြပွဲ ဖွင့်ပွဲအခမ်းအနားကို ဩဂုတ် ၂၃ ရက်နေ့က Tokyo International Exhibition Center ၌ ကျင်းပခဲ့ရာ ပြပွဲတွင် မြန်မာနိုင်ငံ ကိုယ်စားပြု ပြခန်းအား မြန်မာသံရုံး၊ တိုကျိုမြို့၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှု မြှင့်တင်ရေးအဖွဲ့နှင့် အာဆီယံ-ဂျပန်စင်တာတို့၏ ပူးပေါင်းစီစဉ်မှုဖြင့် ဖွင့်လှစ်ပြသခဲ့ကြောင်းသိရသည်။

Dai Nippon Fisheries Association  မှကြီးမှူးကျင်းပသည့် ဂျပန်နိုင်ငံတကာ ရေထွက်ကုန်နှင့် နည်းပညာပြပွဲသည် ဂျပန်နိုင်ငံတွင် အကြီးဆုံးရေထွက်ကုန်ပြပွဲဖြစ်ပြီး မြန်မာနိုင်ငံမှ ပထမဆုံးအကြိမ် ပါဝင်ပြသခြင်း ဖြစ်ကြောင်းသိရပြီး မြန်မာနိုင်ငံ ရေထွက်ပစ္စည်းထုတ်လုပ်သူများနှင့် ပို့ကုန်လုပ်ငန်းရှင်များအသင်းနှင့် ရေထွက်ကုန် လုပ်ငန်းရှင်များက မြန်မာနိုင်ငံမှ ပုစွန်၊ ရေဘဝဲ၊ ပြည်ကြီးငါး၊ ခရု၊ ဂဏန်းစသည့် ရေထွက်ကုန်များအား ပါဝင်ပြသခဲ့သည်။

ပြပွဲကို ဩဂုတ် ၂၃ ရက် မှ ၂၅ ရက်အထိ သုံးရက်ကြာ ကျင်းပခြင်းဖြစ်ပြီး နိုင်ငံပေါင်း (၁၇) နိုင်ငံမှ ကုမ္ပဏီ စုစုပေါင်း (၆၀၀) ကျော်တို့က ပြခန်းပေါင်း (၁၂၇၀) ဖွင့်လှစ်ပြသလျက်ရှိကြောင်းသိရသည်။
#Yangon-Times/PP
Photo-နိုင်ငံခြားရေးဝန်ကြီး
#Local_News
#YMG #Yangon_Times

Published_ 25 August 2023

ရန်ကုန်တိုင်းဒေသကြီး ဗဟန်းမြို့နယ် ကမ္ဘာအေးဘုရားလမ်း နှင့် ဆရာစံလမ်းထောင့် မီးပွိုင့် ရှေ့ ပုလဲ ကွန်ဒို အနီး တွင် သြဂုတ်လ ၂၄ ရက်ည၁၁နာရီ ၅၀မိနစ်ခန့် တွင် ယာဉ် သုံးစီးဆင့် တိုက်မှု ဖြစ်ပွားခဲ့ပြီးယာဉ်မောင်းနှစ်ဦးဒဏ်ရာ ရရှိခဲ့ကြောင်း မိုးစေတနာပရဟိတအသင်းထံက သိရသည်။

အဆိုပါ ယာဉ်သုံးစီးလုံး မှာ အိမ်စီးကားများ ဖြစ်ပြီး အရှိန်မထိန်းနိုင်ဘဲ တိုက်မိကာယာဉ်တစ်စီးမှာလမ်းဘေးပလက်ဖောင်းပေါ်ကိုရောက်ရှိသွားကြောင်းသိရသည်။

'' ယာဉ်မောင်း ၃ဦးမှာ ၂ဦး ကိုတော့ ဆေးရုံ ကို ပို့ပေးလိုက်ရတယ်၊ စိုးရိမ်ရတဲ့အခြေနေတော့ မရှိပါဘူး ဦးခေါင်းပေါက် တာ နဲ့ ထိခိုက်ရှနာအနည်းကျဉ်း လောက်ပါပဲ''ဟု မိုးစေတနာပရဟိတအသင်း မှတာဝန်ရှိသူကပြောသည်။

အဆိုပါ ယာဉ်တိုက်မှု တွင် အရှိန်ပြင်းသောကြောင့် ယာဉ်သုံးစီးလုံး ထိခိုက်ပျက်စီးမှုများကြောင်း သိရသည်။
Yangon Times/LW

Published_ 25 August 2023

၂၀၂၃ခုနှစ်အတွက် ဒုတိယအကြိမ်မြောက် ‘အာဆီယံလူငယ်ပတ်ဝန်းကျင်ထိန်းသိမ်းရေးချန်ပီယံဆု’ကို မြန်မာနိုင်ငံမှ ဒေါက်တာကောင်းထက်စွမ်းမှရရှိခဲ့ကြောင်း ပတ်ဝန်းကျင်ထိန်းသိမ်းရေးဦးစီးဌာနမှသိရသည်။

အဆိုပါ‘အာဆီယံလူငယ်ပတ်ဝန်းကျင်ထိန်းသိမ်းရေးချန်ပီယံဆု’ကို Senior Category မှရရှိခဲ့ခြင်းဖြစ်ပြီး လာအိုနိုင်ငံတွင်ဆုချီးမြှင့်အခမ်းအနားပြုလုပ်ကာ မြန်မာကိုယ်စားလှယ်အဖွဲ့ကလက်ခံရယူခဲ့ကြောင်း သိရသည်။

မြန်မာနိုင်ငံအနေဖြင့်ယင်းဆုအပြင် အာဆီယံသန့်ရှင်း၍စိမ်းလန်းစိုပြည်သောကျောင်းဆု (၂၀၂၃)ကို ဧရာဝတီတိုင်းနှင့်ကချင်ပြည်နယ်မှအခြေခံပညာကျောင်း(၂)ကျောင်းမှရရှိခဲ့သည်။

အာဆီယံသန့်ရှင်း၍ စိမ်းလန်းစိုပြည်သောကျောင်းဆုအဖြစ် မူလတန်းအဆင့်အတွက်ဧရာဝတီတိုင်းဒေသကြီး၊ ကျောင်းကုန်းမြို့နယ် ၊ ဒေါင့်ကွေးကျေးရွာ၊အခြေခံပညာမူလတန်းကျောင်း (ဒေါင့်ကွေး) မှလည်းကောင်း ၊အထက်တန်းအဆင့်အတွက် ကချင်ပြည်နယ်၊မြစ်ကြီးနားမြို့၊အမှတ်(၁)အခြေခံပညာအထက်တန်းကျောင်းမှ ရရှိခဲ့ပြီး ဆုများကို မြန်မာကိုယ်စားလှယ်အဖွဲ့မှလက်ခံရယူခဲ့ကြောင်းသိရသည်။
Yangon Times/tthl
#Local_News
#YMG #Yangon_Times

Published_ 25 August 2023

လှိုင်သာယာ အနောက်ပိုင်းမြို့နယ် (၉)ရပ်ကွက် တွင် ယနေ့နံနက် ၄နာရီခန့် ကအမျိုးသားတစ်ဦးက မီးရရှို့သည်ဟုဆိုကာ မီးလောင်မှု ဖြစ်ပွားခဲ့ ပြီး နေအိမ် သုံးလုံးမီးလောင်ပျက်စီးခဲ့ကြောင်းမေတ္တာပါရမီလူမှုကယ်ဆယ်ရေးနှင့်နာရေးကူညီမှုအသင်း (လှိုင်သာယာ) ထံမှ သိရသည်။

အဆိုပါ မီးရှို့သည်ဟု ဆိုသည့် အမျိုးသား ကိုလည်း လှိုင်သာယာ မြို့နယ် သောင်ကြီး ရဲစခန်း ကို ခေါ်ဆောင်သွားပြီး သက်ဆိုင်ရာက စစ်ဆေးမှု များပြုလုပ်နေကြောင်း သိရသည်။

'' အခု မီးလောင်တာ က ရှို့မီးလို့ ဘေးပတ်ဝန်းကျင်က အကုန်ပြောကျတယ် အမျိုးသားတစ်ယောက် လုပ်တာ အခု လောင်သွားတဲ့ အိမ်သုံး အိမ်မှာ အလည် အိမ် က စလောင်တာ ၊အဲ့ အမျိုးသား ကိုလဲ အခုမနက် ကပဲ သက်ဆိုင်ရာက ခေါ်ဆောင်သွားပြီးတော့ စစ်ဆေးမေးမြန်းတာတွေ လုပ်နေတယ်''ဟု မေတ္တာပါရမီလူမှုကယ်ဆယ်ရေးနှင့်နာရေးကူညီမှုအသင်း (လှိုင်သာယာ) မှ ကိုအောင်ခိုင်က ပြောသည်။

မီးလောင်မှုကြောင့် ပျဉ်ထောင် သွပ်မိုးအိမ် နှစ်အိမ်နှင့် တိုက်ခံအိမ်တစ်လုံးဆုံးရှုံးခဲ့ ပြီး ထိခိုက်ဒဏ်ရာ ရရှိသူမရှိကြောင်း သိရသည်။
Yangon Times/LW
#Local_News
#YMG #Yangon_Times

Published 25 August 2023

၂၀၂၀ အမေရိကန် ရွေးကောက်ပွဲရလဒ်တွေကို ပြုပြင်ပြောင်းလဲရန် ကြိုးပမ်းမှုများအတွက် သမ္မတဟောင်း ဒေါ်နယ်ထရမ့်ကို အတ္တလန္တာအကျဥ်းထောင်မှာ စာရင်းသွင်းထားစဥ်မှာပဲ တရားခံဓာတ်ပုံ ဖော်ပြခံရတဲ့ ပထမဆုံး အမေရိကန်သမ္မတဟောင်း ဖြစ်လာပါတယ်။

အသက် ၇၇ နှစ်ရှိ ထရမ့်ဟာ ပူးပေါင်းကြံစည်ခြင်း၊ မဟုတ်မမှန် ပြောဆိုခြင်း၊ အစိုးရအရာရှိတစ်ဦးကို ကျမ်းသစ္စာချိုးဖောက်စေရန် တောင်းဆိုခြင်း စတဲ့စွပ်စွဲချက်များဖြင့် ဩဂုတ် ၁၄ ရက်နေ့က တရားစွဲချက်တင်ခံရပြီးနောက် ဖူလ်တန်ကောင်တီအကျဥ်းထောင်မှ အာဏာပိုင်များထံ ကိုယ်တိုင်သွားရောက် ဝန်ခံခဲ့ပါတယ်။

ဒေါ်လာ ၂ သိန်းတန် ခံဝန်ချုပ်ဖြင့် လွတ်မြောက်လာခဲ့ပြီး အမှုထဲမှာပါဝင်ခဲ့တဲ့ အလိုတူတွေ၊ မျက်မြင်သက်သေတွေအကြောင်း ဆိုရှယ်မီဒီယာပေါ်မှာ တင်ပြတာနဲ့ပတ်သက်ပြီး ကန့်သတ်အသုံးပြုရန် သဘောတူညီခဲ့ပါတယ်။

ဘာမှမလုပ်ဘဲနဲ့ တရားခံဓာတ်ပုံဖော်ပြခံရတာဟာ အလွန်ကို ခံရခက်တယ်လို့ တပ်မှူးချုပ်ဟောင်းတစ်ဦးလည်းဖြစ်တဲ့ ထရမ့်က Fox News Digital ကို ပြောကြားသွားပါတယ်။

သူတို့က တရားခံဓာတ်ပုံ ဖော်ပြဖို့ အတင်းပြောဆိုနေတာကြောင့် သဘောတူလိုက်ရကြောင်း၊ ဒီလိုဖော်ပြခံရတာ ပထမဆုံးအကြိမ်ဖြစ်ကြောင်း ပြောပြခဲ့ပါတယ်။

ထိုကိစ္စနဲ့ ပတ်သက်ပြီး ထရမ့်ရဲ့ရှေ့နေ အယ်လီနာဟက်ဘာက ''တရားခံဓာတ်ပုံ ဖော်ပြတယ်ဆိုတာ တစ်ယောက်ယောက်ကို မသိရတဲ့အခါ ဖော်ပြတာမျိုး ဖြစ်ပါတယ်။

ဒီလူတော့ ကမ္ဘာပေါ်မှာ အကျော်ကြားဆုံးလူဖြစ်ပြီး ရီပတ်ဘလစ်ကန်ထဲမှာ ဦးဆောင်နေတဲ့ ရွေးကောက်ခံလည်း ဖြစ်ပါတယ်'' လို့ ဆိုခဲ့ပါတယ်။

စွဲချက် ၄၁ ခုပါဝင်တဲ့ တရားစွဲဆိုချက်ထဲမှာ ထရမ့်အပြင် နောက်ထပ် ၁၈ ဦးကိုလည်း တရားစွဲထားကာ အားလုံးက ယခုတစ်ပတ်အတွင်း ဝန်ခံသွားခဲ့ပါတယ်။

သူတို့တွေဟာ ဂျော်ဂျီယာအကြမ်းဖက်နှင့် အကျင့်ပျက်အဖွဲ့အစည်းဥပဒေကို ချိုးဖောက်မှုဖြင့် တရားစွဲခံရတာဖြစ်ပါတယ်။

ယင်းတို့ဟာ ဘာမှအမှားမလုပ်ခဲ့ကြောင်း၊ မရိုးမမှန်ဘူးလို့ ထင်ခဲ့တဲ့ရွေးကောက်ပွဲကို စိန်ခေါ်ရင်ဆိုင်ခွင့် အပြည့်ရှိကြောင်း ထရမ့်က ပြောကြားသွားပါတယ်။
Source: New York Post
#World_News
#YMG #Yangon_Times

Published _25 August 2023

ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ (၁၆) ရပ်ကွက်၊ တိုးကြောင်ကလေးဘူတာရုံအနီး၊ ကျောင်းတိုက်ဝန်းအတွင်း၌ တည်ဆဲ နဂါးရုံဘုရားပြိုကျမှုယနေ့ ဩဂုတ်လ ၂၅ ရက် နံနက် ၁၀ နာရီခွဲခန့်ကဖြစ်ပွားခဲ့ကြောင်း သိရသည်။

အဆိုပါနေရာသို့ မြန်မာနိုင်ငံမီးသတ်တပ်ဖွဲ့ဌာနချုပ်မှ ရှာဖွေကယ်ဆယ်ရေးယာဉ်(၁)စီး၊ အုပ်ချုပ်မှုယာဉ်(၁)စီး၊ Repeater ယာဉ်(၁)စီး၊ ဒဂုံမြို့သစ်(တောင်ပိုင်း)မြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ဒဂုံမြို့သစ်(မြောက်ပိုင်း)မြို့နယ်မီးသတ်စခန်းမှ မီးသတ်ယာဉ်(၁)စီး၊ နာရေးကူညီမှုအသင်း(ရန်ကုန်)မှ မီးငြှိမ်းသတ်ယာဉ်(၁)စီးတို့သွားရောက်၍
ရှာဖွေကယ်ဆယ်ရေးလုပ်ငန်းများ ဆောင်ရွက်လျက်ရှိကြောင်း ကနဦးသီရသည်။

#YMG #Yangon_Times

Published_ 25 August 2023

ဖရုံစေ့တွေမှာ မဂ္ဂနီဆီယမ်၊ ဇင့်၊ ပရိုတိန်းတို့လို အာဟာရဓာတ်များ အပြည့်ပါဝင်ပြီး ဖရုံစေ့စားသုံးခြင်းဖြင့် တစ်နေ့တာပင်ပန်းမှုတွေကို ကာကွယ်နိုင်ကာ လိုအပ်တဲ့ အားအင်တွေကို ပေးစွမ်းနေမှာ ဖြစ်ပါတယ်။

အားအင် ထိန်းသိမ်းနိုင်ရန်အတွက် ဖရုံစေ့စားသုံးရန် ဟားဗတ်တက္ကသိုလ်မှ အာဟာရပညာရှင် ဒေါက်တာအူမာနိုင်ဒူက အင်စတာဂရမ်မှာ မျှဝေသွားပါတယ်။

မဂ္ဂနီဆီယမ်ဟာ ရောင်ရမ်းမှုကိုလျှော့ချပေးပြီး အာရုံကြောစနစ်ကို ပြေလျော့စေပါတယ်။

လှုပ်ရှားလေ့ကျင့်ခန်း ပြုလုပ်တဲ့အခါ ခန္ဓာကိုယ်မှာ လက်တိတ်များ စုစည်းလာပြီး ပင်ပန်းနုံးချည့်ခြင်းကို ဖြစ်ပေါ်စေပါတယ်။

မဂ္ဂနီဆီယမ်ကတော့ ထိုကဲ့သို့ လက်တိတ်စုပြုံခြင်းကို ကာကွယ်ပေးကာ နုံးချည့်ခြင်းကို သက်သာစေပါတယ်။

အားအင်ထုတ်လုပ်ရန်နဲ့ ဇီဝဖြစ်စဥ်ကျန်းမာနေစေရန်အတွက် အရေးပါတဲ့ သံဓာတ်နဲ့ မဂ္ဂနီဆီယမ်တို့ ပါဝင်ကြောင်း၊ ခန္ဓာကိုယ်အနှံ့သို့ အောက်ဆီဂျင်ပေးပို့ရာမှာ လိုအပ်တဲ့ ဟေမိုဂလိုဘင်ဖြစ်ပေါ်မှုအတွက် သံဓာတ်က အရေးကြီးကြောင်း၊ မဂ္ဂနီဆီယမ်ကတော့ အစားအစာကို စွမ်းအင်အဖြစ် ပြောင်းလဲပေးကာ ကြွက်သားနဲ့ အာရုံကြော လုပ်ဆောင်မှုကို ထောက်ပံ့ပေးကြောင်း၊ အစားအစာထဲမှာ ဖရုံစေ့ထည့်သွင်းခြင်းဖြင့် ပင်ပန်းနွမ်းနယ်မှုကို သက်သာစေတဲ့ အာဟာရဓာတ်တွေ ပေးစွမ်းနိုင်ကြောင်း မားသားဟုဒ်ဆေးရုံမှ အာဟာရပညာရှင်အတိုင်ပင်ခံ အန်ဂျာနာနာအဲမှ ပြောပြသွားပါတယ်။

ဖရုံစေ့မှာ ဖိုင်တိုစတီရောလ်၊ ဖီနောလစ်ဒြပ်ပေါင်း၊ ဗိုက်တာမင်-အီး၊ ကူကာဘိုင်တာစင်၊ အိုမီဂါ-၃, ၆ , ၉ ဖက်တီးအက်ဆစများ၊ အမိုင်နိုအက်ဆစ်များ ပါဝင်ပါတယ်။

ဒါ့အပြင် ဖော့စ်ဖရပ်စ်၊ ဇင့်၊ မန်ဂနိစ်၊ သံဓာတ်၊ ကယ်လ်စီယမ်၊ ကြေးနီဓာတ်များလည်း ပါဝင်ပါတယ်။

ဖရုံစေ့စားခြင်းရဲ့ ကျန်းမာရေး အကျိုးကျေးဇူးအချိုု့ကတော့ နှလုံးသွေးကြောကျန်းမာရေးအတွက် အကျိုးရှိခြင်း၊ ကိုယ်ခံအားစနစ်ကို ထောက်ပံ့ခြင်း၊ ဆဲလ်ကြီးထွားမှုကို ကူညီပေးခြင်း၊ စိတ်အခြေအနေနဲ့ အိပ်စက်မှုကို မြှင့်တင်ပေးခြင်း၊ မျက်လုံး ဆံပင် အရေပြားကျန်းမာရေး ကောင်းမွန်စေခြင်း၊ အရိုးကျန်းမာရေး ထိန်းသိမ်းပေးခြင်း၊ ကင်ဆာဆန့်ကျင်ခြင်းတို့ ဖြစ်ပါတယ်။

အမိုင်နိုအက်ဆစ် ထရစ်ပ်တိုဖန် ကြွယ်ဝပြီး ဆီရိုတိုနင်သို့ ပြောင်းလဲပေးကာ အိပ်စက်မှုကို ကောင်းမွန်စေပြီး စိတ်ဓာတ်ကျခြင်းကို သက်သာစေပါတယ်။
Source: The Indian Express.
#World_Health
#ဖရုံစေ့စားသုံးခြင်း #စွမ်းအင်မြှင့်တင်ပေး #ပင်ပန်းနွမ်းနယ်ခြင်းကိုပြေလျော့စေ #နှလုံးသွေးကြောကျန်းမာရေး
#YMG #Yangon_Times

Published_ 25 August 2023

ရှမ်းပြည်နယ်(မြောက်ပိုင်း)၊ လားရှိုးမြို့တွင် အဝတ်လျှော်နေရင်း အမျိုးသမီး ၁ဦး ယနေ့ ရုတ်တရက် သေဆုံးသွားခဲ့ကြောင်း လားရှိုးလူငယ်များလူမှုကူညီရေးအဖွဲ့ကသိရသည်။

လားရှိုးမြို့၊ ရပ်ကွက်(၅)၊ နယ်မြေ(၁၃)၊ ၄၉လမ်း၊ ၁၉လမ်း နှင့် ၂၀ လမ်းကြားတွင် အမျိုးသမီးတစ်ဦးသေဆုံးနေပါသဖြင့်ကူညီပေးပါရန် နယ်ထိန်း၊မြို့မရဲစခန်းမှဆက်သွယ်အကြောင်းကြားလာ၍သွားရောက်ခဲ့ရာတွင် အဝတ်လျှော်နေရင်း ရေကန်အနီးတွင် သေဆုံးနေခဲ့ခြင်းဖြစ်သည်။

" အသက် ၃ဝ ကျော်အရွယ် အမျိုးသမီး သူ့ကလေးလေးနဲ့ အဝတ်လျှော်နေတုန်း အဲဒီရေကန်နားမှာ ဆုံးနေတာပါ။.သေဆုံးသူအမျိုးသမီးက ဝက်ရူးပြန်ရောဂါရှိတယ်လို့လည်းသိရတယ်"ဟု လူမှုကူညီရေးအသင်းမှသိရသည်။

လူမှုကူညီရေးအသင်းမှ ဖြစ်စဥ်နေရာသို့သွားရောက်၍ ရဲတပ်ဖွဲ့ဝင်များနှင့်ပူးပေါင်းကာသေဆုံးသူအမျိုးသမီးအလောင်းကိုလားရှိုးလူငယ်များလူမှုကူညီရေးအသင်းမှ ကားဖြင့် လားရှိုးပြည်သူ့ဆေးရုံကြီးရင်ခွဲရုံသို့ ပို့ဆောင်ကူညီပေးခဲ့ကြောင်းလည်း သိရသည်။
Yangon_Times/PP
#Local_News
#YMG #Yangon_Times