#Local_News
Published_ 14 October 2022

အောက်တိုဘာ (၁၄) ရက် ဒီကနေ့နံနက် ၃ နာရီခွဲခန့်က ရန်ကုန်-မန္တလေး အမြန် လမ်းမကြီး၊ မိုင်တိုင်အမှတ် (၂၃၀/ဝ) နှင့် (၂၃၀/၁) ကြားတွင် ခရီးသည်တင် Express ယာဉ် (၂) စီး တိုက်မိမှုဖြစ်ပွားခဲ့ပြီး နှစ်ဦးသေဆုံးခဲ့ကြောင်း သိရပါတယ်။

အဆိုပါယာဉ်တိုက်မှုကို ပန်းတင်အမြန်လမ်းမီးသတ်စခန်းမှ မီးငြှိမ်းသတ်ယာဉ် (၁) စီးဖြင့် ကယ်ဆယ်ရေးလုပ်ငန်းများ သွားရောက် ဆောင်ရွက်ခဲ့ကြောင်း သိရပါတယ်။

ယာဉ်တိုက်မှုကြောင့် ယာဉ်ပေါ်ပါ အမျိုးသား (၁၇)ဦး၊ အမျိုးသမီး (၄)ဦး စုစုပေါင်း (၂၁)ဦး အနက် (၅)ဦး ထိခိုက်ဒဏ်ရာ (မစိုးရိမ်ရ)နှင့် အမျိုးသား (၂)ဦး (သေဆုံး)တို့အား ပန်းတင်အမြန်လမ်း ရဲစခန်းပိုင် လူနာတင်ယာဉ် (၁)စီးနှင့် တံတားဦး လူမှုကူညီရေးယာဉ် (၁)စီးတို့ဖြင့် နေပြည်တော် ခုတင်(၁၀၀၀) ဆေးရုံသို့ ပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့က သတင်းထုတ်ပြန်ထားပါတယ်။

#ygm_mnn
#Yangon_Media_Group

#World_Military
Published 14 October 2022

မြောက်ကိုရီးယားက တာတိုပစ်ပဲ့ထိန်းဒုံးကျည်တစ်စင်းကို အရှေ့ကမ်းရိုးတန်းရှိ ပင်လယ်ထဲသို့ အောက်တိုဘာ ၁၄ ရက်နေ့က ပစ်လွှတ်ခဲ့ကြောင်း တောင်ကိုရီးယားစစ်တပ်က ပြောကြားလိုက်ပါတယ်။

နျူကလီးယားလက်နက်ပိုင် မြောက်ကိုရီးယားတို့ ဒုံးကျည်စမ်းသပ်မှုများ အဆက်မပြတ်ပြုလုပ်ခဲ့ရာ ဒါဟာ အခုနောက်ဆုံးပစ်လွှတ်မှုတစ်ခုဖြစ်ပါတယ်။

မြောက်ကိုရီးယားမှ ဒုံးကျည်စမ်းသပ်မှုများ အကြိမ်ကြိမ်ပြုလုပ်ခဲ့တာကြောင့် တင်းမာမှုမြင့်တက်နေတဲ့ကာလအတွင်း မြောက်ကိုရီးယားလေတပ်မှ တိုက်လေယာဉ် ၁၀ စီးခန့်ဟာ နှစ်နိုင်ငံပိုင်းခြားထားတဲ့ နယ်စပ်နားအထိ ပျံသန်းပြခဲ့ကြောင်း တောင်ကိုရီးယားစစ်တပ်က အစောပိုင်းက ကြေညာခဲ့ပါတယ်။

မြောက်ကိုရီးယား တရားဝင်သတင်းဌာန KCNA က ဖော်ပြရာမှာ တောင်ကိုရီးယားတို့က ကြာသပတေးနေ့မှ အမြှောက်ပစ်ခတ်လေ့ကျင့်ခဲ့တာကြောင့် မြောက်ကိုရီးယားအနေနဲ့ ပြင်းပြင်းထန်ထန် စစ်ရေးတုံ့ပြန်ဆောင်ရွက်ရတာဖြစ်ကြောင်း ဖော်ပြခဲ့ပါတယ်။

ဗုဒ္ဓဟူးနေ့ကလည်း စစ်တပ်သို့ဖြန့်ကျက်ထားတဲ့ နျူကလီးယားလက်နက်များရဲ့ စွမ်းရည်လုပ်ဆောင်ချက်ကို အတည်ပြုသိရှိနိုင်ရန်ဆိုပြီး တာဝေးပစ်ဗျူဟာမြောက်ဒုံးကျည် ၂ စင်းပစ်လွှတ်မှုကို ခေါင်းဆောင်'ကင်မ်ဂျုံအန်း'က ကြီးကြပ်ခဲ့ပါသေးတယ်။

အမေရိကန်အင်ဒိုပစိဖိတ်စစ်ဌာနချုပ်က မြောက်ကိုရီးယားရဲ့ နောက်ဆုံးပစ်လွှတ်မှုကို သိရှိထားကြောင်း၊ အမေရိကန်တပ်များ၊ နယ်မြေများနဲ့ မဟာမိတ်များကို ခြိမ်းခြောက်နိုင်တဲ့အနေအထား မတွေ့ရကြောင်း သုံးသပ်သွားပါတယ်။

မြောက်ကိုရီးယားရဲ့ ဒုံးကျည်စမ်းသပ်မှုများကြောင့် မတည်မငြိမ်ဖြစ်လာမယ့်အခြေအနေတွေကို မဟာမိတ်တွေနဲ့အတူ အနီးကပ်စောင့်ကြည့်တိုင်ပင်သွားမှာဖြစ်တယ်လို့ ဖော်ပြခဲ့ပါတယ်။

ယခုပစ်ခတ်မှုဟာ သောကြာနေ့နံနက်အစောပိုင်း ၁ နာရီ မိနစ် ၅၀ ဝန်းကျင်မှာ မြောက်ကိုရီးယားမြို့တော် ပြုံယန်းအနီးရှီ ဆူနန်ဒေသကနေ ပစ်ခတ်ခဲ့တာဖြစ်ပြီး ယခုနှစ်အတွင်း မြောက်ကိုရီးယားဒုံးကျည်ပစ်ခတ်မှုတွေထဲက အနည်းဆုံး ၄၁ စင်းမြောက်ဖြစ်ကြောင်း တောင်ကိုရီးယားစစ်ဦးစီးချုပ်များက ပြောပြခဲ့ပါတယ်။

တိုက်လေယာဉ်ပျံသန်းမှုကလည်း ဒုံးကျည်မပစ်လွှတ်ခင် နာရီပိုင်းအလိုမှာတင်ဖြစ်ကြောင်း ဆိုပါတယ်။

KCNA ရဲ့ဖော်ပြချက်အရ တောင်ကိုရီးယားစစ်တပ်ဟာ အမြှောက်ပစ်ခတ်လေ့ကျင့်မှုများကို ၁၀ နာရီမျှပြုလုပ်နေခဲ့ရာ ဒါဟာ ရန်စတဲ့သဘောဖြစ်တာကြောင့် စစ်ရေးအရ တုံ့ပြန်ဆောင်ရွက်ရတာဖြစ်ကြောင်း သိရပါတယ်။

#Source: CNA
#Yangon_Media_Group

#World_Health
Published 14 October 2022

နေ့ပိုင်းမှာ အစားအစာကို စောစောစားခြင်းက သင့်အတွက် ကောင်းမွန်ဖွယ်ရှိပြီး တစ်နေ့ကို စားသောက်ချိန် ၁၀ နာရီအတွင်း စားသုံးခြင်းကလည်း ပိုမိုကျန်းမာစေနိုင်ကြောင်း သုတေသီများ အထောက်အထားတွေ့ရှိခဲ့ကြပါတယ်။

နေ့လယ်စာကို ၄ နာရီနောက်ကျမှ စားတတ်သူတွေက ပိုမိုဗိုက်ဆာကြပြီး ကယ်လိုရီနှေးကွေးစွာလောင်ကျွမ်းကာ အဆီစုပုံစေကြောင်း အမေရိကန်မာဆာချူဆက်ရှိ ဘရစ်ဂန်အမျိုးသမီးဆေးရုံမှ သုတေသီများက လေ့လာတွေ့ရှိခဲ့ပါတယ်။

အဝလွန်သူ ၁၆ ယောက်ကို တူညီတဲ့အစားအစာများကိုပဲ အချိန်မတူဘဲ စားသောက်စေခဲ့ပါတယ်။

တစ်ဖွဲ့ကို မနက် ၉ နာရီ၊ နေ့လယ် ၁ နာရီ၊ ညနေ ၅ နာရီတို့မှာ စားသုံးစေခဲ့ပြီး နောက်တစ်ဖွဲ့ကိုတော့ နေ့လယ် ၁ နာရီ၊ ညနေ ၅ နာရီ၊ ည ၉ နာရီမှ စားသုံးစေခဲ့ပါတယ်။

သုတေသီများက သူတို့ထံမှ သွေးနမူနာများ၊ ကိုယ်အပူချိန်၊ စွမ်းအင်အသုံးချမှုနဲ့ ခန္ဓာကိုယ်အဆီတစ်ရှူးနမူနာများ ရယူခဲ့ပါတယ်။

အချိန်နောက်ကျမှ စားသောက်ခြင်းက ဘာလို့အဝလွန်စေလဲဆိုတာကို သိရအောင်စမ်းသပ်ချင်ခဲ့ကြကြောင်း စာတမ်းပြုစုသူ'ဖရန့်ရှီယာ'က ဆိုပါတယ်။

အစောစားဖြစ်တယ်ဆိုရင် မနက်စာကို အများဆုံးစားသုံးဖို့က အရေးမကြီးတာလည်း ဖြစ်နိုင်ပါတယ်။

မနက်စာများများစားပြီး ညစာအနည်းငယ်သာ စားသုံးခြင်းက ကယ်လိုရီလောင်ကျွမ်းပြီး ကိုယ်အလေးချိန်လျော့ကျနိုင်ပေမယ့် တကယ်တမ်းစမ်းသပ်ရာမှာတော့ ကွာခြားချက်သိပ်မရှိခဲ့ပါဘူး။

တကယ်တမ်းကိုယ်အလေးချိန်လျော့ဖို့က စားသောက်ချင်စိတ်ကို ထိန်းချုပ်ဖို့အရေးကြီးပါတယ်။

မနက်ပိုင်းမှာ ကယ်လိုရီအများဆုံးစားလိုက်ရင် စားချင်စိတ်ကိုလျှော့ချပေးနိုင်တယ်လို့ အဘာဒင်းတက္ကသိုလ်မှ အဟာရဆိုင်ရာပရော်ဖက်ဆာ'အဲလက်ဇန်ဒရာဂျွန်စတုန်း'က ဆိုပါတယ်။

သုတေသီများက တစ်နေ့ကို စားသောက်ချိန် ၁၀ နာရီအတွင်းသာ စားသောက်ရလေ့ရှိတဲ့ မီးသတ်သမားများမှာ မကောင်းတဲ့ကိုလက်စ်ထရောတွေ လျော့ကျကာ စိတ်ကျန်းမာရေးတိုးတက်စေပြီး တစ်ပတ်ကို အရက် ၃ ခွက်အထိသာ လျှော့ချသောက်သုံးရပါတယ်။

အလုပ်ချိန်ကို ဆိုင်းနဲ့လုပ်ကိုင်ရတဲ့သူတွေမှာ ရိုးရှင်းပြီးကျန်းမာရေးညီညွတ်တဲ့ အစားအစာစားခြင်းဖြင့် သွေးဖိအားတိုးခြင်း၊ သွေးတွင်းသကြားဓာတ်နဲ့ ကိုလက်စ်ထရောမြင့်ခြင်းတို့အတွက် အကျိုးရှိစေပါတယ်။

ည ၈ နာရီမတိုင်ခင် နောက်ဆုံးစားသောက်ခြင်းဖြင့် အရက်သေစာနဲ့ မုန့်ပဲသရေစာစားချင်စိတ်ကို လျှော့ချပေးနိုင်ပါတယ်။

Source
#Yangon_Media_Group

#Local_News
Published_ 14 October 2022

မြန်မာနိုင်ငံနှင့် ရုရှားနိုင်ငံအကြား ပူးပေါင်းဆောင်ရွက်သွားမည့် နျူကလီးယား စွမ်းအင်မှ လျှပ်စစ်ဓာတ်အားထုတ်လုပ်ရေးကို မြန်မာနိုင်ငံတွင် ဆောလျင်စွာ ပူးပေါင်းဆောင်ရွက်သွားနိုင်ရေးနှင့် အခြားစက်မှုလက်မှုကဏ္ဍများတွင် ပူးပေါင်းဆောင်ရွက်ရေးတို့ကို ဆွေးနွေးခဲ့ကြောင်း သိရပါတယ်။

လျှပ်စစ်စွမ်းအားဝန်ကြီးဌာန ဝန်ကြီးဦးသောင်းဟန်နှင့် စွမ်းအင်ဝန်ကြီးဌာန ဝန်ကြီးဦးမျိုးမြင့်ဦးတို့သည် ရုရှားနိုင်ငံဆိုင်ရာ မြန်မာနိုင်ငံသံအမတ်ကြီး ဦးလွင်ဦးနှင့်အတူ အောက်တိုဘာ ၁၃ ရက်နံနက်ပိုင်းတွင် ရုရှားစွမ်းအင်ရက်သတ္တပတ် အပြည်ပြည်ဆိုင်ရာ ဖိုရမ်ဖွင့်ပွဲအခမ်းအနားသို့ တက်ရောက်ခဲ့ပါတယ်။

ဆက်လက်၍ ဝန်ကြီး ဦးသောင်းဟန်နှင့် ဦးမျိုးမြင့်ဦး၊ ရုရှားနိုင်ငံဆိုင်ရာ မြန်မာနိုင်ငံ သံအမတ်ကြီးဦးလွင်ဦးတို့သည် ညနေပိုင်းတွင် ရုရှားစွမ်းအင် ရက်သတ္တပတ် အပြည်ပြည်ဆိုင်ရာဖိုရမ်ရှိ Rosatom ကုမ္ပဏီ၏ ပြခန်းအစည်းအဝေးခန်းမတွင် Rosatom ကုမ္ပဏီ၏ Deputy Director General of State Atomic Energy Corporation ဖြစ်သူ Mr. Nikolai N. Spasskiy ဦးဆောင်သည့်အဖွဲ့နှင့် တွေ့ဆုံဆွေးနွေးခဲ့ပါတယ်။

ထို့နောက် ဝန်ကြီးဦးသောင်းဟန် ဦးဆောင်သော မြန်မာကိုယ်စားလှယ် အဖွဲ့သည် JSC “Power Machines” ကုမ္ပဏီမှ အမှုဆောင်အရာရှိချုပ် Mr. Alexander KONYUKHOV ဦးဆောင်သောအဖွဲ့နှင့်တွေ့ဆုံရာ Mr. Alexander KONYUKHOV က မိမိတို့ကုမ္ပဏီသည် လျှပ်စစ်နှင့်စွမ်းအင်ကဏ္ဍ၌ Hydropower ၊ Atomic power နှင့် Thermal power များနှင့်ပတ်သက်၍ စက်ပစ္စည်းကိရိယာများ ထုတ်လုပ်လျက်ရှိပါကြောင်း၊ အခြား ကမ္ဘာ့နိုင်ငံများနှင့် မြန်မာနိုင်ငံသို့လည်း တင်ပို့ပေးနိုင်ခဲ့ပါကြောင်း ဆွေးနွေးပါတယ်။

ဝန်ကြီးက မြန်မာနိုင်ငံတွင် Hydromatrix နှင့်ပတ်သက်ပြီး 6 MW ခန့်နှင့် Low Head နှင့်ပတ်သက်ပြီး 66 MW ခန့် ထွက်ရှိမည့်နေရာများ အသင့်ရှိသည့်အတွက် မြန်မာနိုင်ငံအတွင်းရှိ ကုမ္ပဏီများနှင့် ချိတ်ဆက် ဆောင်ရွက်သွားနိုင်ကြောင်းနှင့် နောင်ခရီးစဉ်များတွင် ရုရှားနိုင်ငံရှိ ရေအားလျှပ်စစ်စက်ရုံများသို့လည်း သွားရောက်လေ့လာလိုပါကြောင်း ဆွေးနွေးပြောကြားခဲ့ပါတယ်။

မွန်းလွဲပိုင်းတွင် မြန်မာကိုယ်စားလှယ်အဖွဲ့သည် ရုရှားစွမ်းအင် ရက်သတ္တပတ် အပြည်ပြည် ဆိုင်ရာဖိုရမ်၏ Plenary Session တွင် ရုရှားဖက်ဒရေးရှင်းနိုင်ငံသမ္မတ မစ္စတာဗလာဒီမာပူတင် မိန့်ခွန်းပြောကြားသည့် အခမ်းအနားသို့ တက်ရောက်ခဲ့ပါတယ်။

ထို့ပြင်ဝန်ကြီး ဦးမျိုးမြင့်ဦးသည် ရုရှားနိုင်ငံ GASPROM NEFT ကုမ္ပဏီမှ Deputy CEO for International Business ဖြစ်သူ Mr. Pavel Oderov နှင့် စွမ်းအင်ဆိုင်ရာ လုပ်ငန်းကိစ္စများနှင့်ပတ်သက်၍ တွေ့ဆုံဆွေးနွေးခဲ့ပါတယ်။ ထို့နောက် TATNEFT ကုမ္ပဏီလက်အောက်ခံ TANECO ကုမ္ပဏီမှ Department for Oil and Gas Project Ouside Tatarstan ၏ ဌာနအကြီးအကဲ Mr. Aleksandr Fedorov နှင့်တွေ့ဆုံခဲ့ပြီး ရေနံချက်စက်ရုံလုပ်ငန်းအတွက် ရင်းနှီးမြှုပ်နှံရေးကိစ္စများကို အသေးစိတ်ဆွေးနွေးသည်။

#ygm_mnn
#Yangon_Media_Group

#World_Health
Published 14 October 2022

အလုပ်လုပ်ရတဲ့နေ့တွေမှာ မအားလို့ ပိတ်ရက်တွေကျမှ မိသားစုနဲ့ ထမင်းလက်စုံစားဖြစ်ကြတယ်ဆိုရင်တော့ ကျန်တဲ့အချိန်တွေမှာလည်း အတူတူစားသောက်ကြဖို့ စဉ်းစားသင့်ပါတယ်။

မိသားစုနဲ့အတူ နေ့လယ်စာ ညစာ အတူတကွစားသောက်ခြင်းဖြင့် စိတ်ဖိစီးမှုလျော့ကျစေပြီး ကျန်းမာရေးကောင်းမွန်စေကြောင်း အမေရိကန်နှလုံးအဖွဲ့အစည်း(AHA)က ဖော်ပြလိုက်ပါတယ်။

ဒါ့အပြင် လုပ်ဖော်ကိုင်ဖက်များ၊ သူငယ်ချင်းများ၊ အိမ်နီးချင်းများနဲ့ အတူစားသောက်ခြင်းကလည်း စိတ်ဖိစီးမှုလျော့ကျစေခြင်း၊ ကိုယ့်ကိုယ်ကိုယုံကြည်မှုရှိစေခြင်း၊ အထူးသဖြင့်ကလေးတွေမှာ ပေါင်းသင်းဆက်ဆံရေးကောင်းမွန်ခြင်းတို့ ဖြစ်စေကြောင်း ဂျွန်ဟော့ပ်ကင်းစ်ဆေးရုံမှ နှလုံးကာကွယ်ရေးညွှန်ကြားရေးမှူး ဒေါက်တာ'အဲရင်မိုက်ခိုစ်'က ပြောကြားခဲ့ပါတယ်။

"ကြာရှည်စွာစိတ်ဖိစီးခြင်းက နှလုံးရောဂါနဲ့လေဖြတ်ခြင်းအန္တရာယ်များစေတာကြောင့် စိတ်ဖိစီးမှုလျော့ကျစေမယ့်နည်းလမ်းများ ရှာဖွေဖို့အရေးကြီးပါတယ်လို့ ဆိုပါတယ်။

အမေရိကန်လူမျိုးအယောက်တစ်ထောင်ကို AHA မှ လေ့လာမှုပြုခဲ့ရာ အိမ်ထောင်ဦးစီးတွေက မိသားစုနဲ့အတူစားသောက်ခြင်းဖြင့် စိတ်ဖိစီးမှုလျော့ကျခဲ့ကာ ၈၄ ရာခိုင်နှုန်းက သူတို့ချစ်ခင်နှစ်သက်သူတွေနဲ့ အတူစားသောက်ချင်ကြကြောင်း သိရှိရပါတယ်။

၉၁ ရာခိုင်နှုန်းက မိသားစုနဲ့စားသောက်ခြင်းဟာ စိတ်ဖိစီးမှုလျော့ကျစေတယ်လို့ သတိထားမိခဲ့ကြပါတယ်။

၆၇ ရာခိုင်နှုန်းသောသူတွေက အတူတကွစားသောက်ခြင်းဟာ လူမှုပေါင်းသင်းရေးမှာ ဘယ်လောက်အထိအရေးပါလဲဆိုတာကို တွေ့ရှိခဲ့ကြပြီး ၅၄ ရာခိုင်နှုန်းကတော့ စိတ်ကိုလျှော့ချဖို့ဂရုပြုမိကြောင်း ဖွင့်ဟခဲ့ကြပါတယ်။

၆၀ ရာခိုင်နှုန်းနီးပါးခန့်က အခြားသူတွေနဲ့စားသောက်တဲ့အခါ ကျန်းမာရေးနဲ့ညီညွတ်တဲ့အစာများ ပိုမိုရွေးချယ်မိကြပြီး အချိန်ညှိနှိုင်းဖို့တော့ အခက်အခဲလေးတွေ ရှိကြပါတယ်။

"အတူတကွစားသောက်ဖို့က ညှိနှိုင်းဖို့ ပြောသလောက်မလွယ်လှပါဘူး၊ တစ်ပတ်အတွင်း အတူတကွစားသောက်ဖို့ နောက်တစ်ကြိမ်ကြိုးပမ်းသင့်ပါတယ်" လို့ 'မိုက်ခိုစ်'က ပြောကြားခဲ့ပါတယ်။

Source: The Jerusalem Post
#Yangon_Media_Group

Published 13 Oct 2022

နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်ဟာ အောက်တိုဘာ ၁၃ရက်က ပြင်ဦးလွင်မြို့စစ်တက္ကသိုလ် ဗိုလ်လောင်းသင်တန်းအမှတ်စဉ်(၆၅) စစ်လက်ရုံးရွေးချယ်ပွဲကို ဒုတိယနေ့အဖြစ် တက်ရောက်ပြီး ဆက်လက်စိစစ်ရွေးချယ်ခဲ့တယ်လို့ သတင်းထုတ်ပြန်ချက်အရသိရပါတယ်။

အဲသလိုရွေးချယ်ရာမှာ ဗိုလ်လောင်းတစ်ဦးချင်းစီကို တွေ့ဆုံမေးမြန်းပြီး စာပေပညာ၊စစ်ပညာ ဘာသာရပ်အလိုက် ထူးချွန်ထက်မြက်မှု၊ဝါသနာနှင့်ကြိုးစားအားထုတ်မှုတွေအပေါ်မူတည်ပြီး တပ်မတော်(ကြည်း၊ရေ၊လေ)စစ်လက်ရုံး အသီးသီးအတွက် စိစစ်ရွေးချယ်ရတာဖြစ်တယ်လို့ သတင်းမှာဖော်ပြထားပါတယ်။

အဲဒီနောက်ဗိုလ်ချူပ်မှူးကြီးဟာ ပြင်ဦးလွင်မြို့ နယ်မြေခံတပ်မတော်ဆေးရုံသို့သွားရောက်ပြီး နိုင်ငံတော်တာဝန်ထမ်းဆောင်စဉ်  ထိခိုက် ဒဏ်ရာရရှိခဲ့တဲ့ အရာရှိစစ်သည်များ၊ မြန်မာနိုင်ငံရဲတပ်ဖွဲ့ဝင်များနှင့် ဌာနပြည်သူ့စစ်တပ်ဖွဲ့ဝင်တွေကို မေးမြန်းအားပေးစကားတွေပြောကြားခဲ့ပြီး တစ်ဦးချင်းရဲ့တင်ပြချက်တွေအပေါ် လိုအပ်တာတွေ ဖြည့်ဆည်းညှိနှိုင်း‌ ဆောင်ရွက်ပေးခဲ့တယ်လို့ သတင်းကဆိုပါတယ်။

အဲဒီကတစ်ဆင့် အသစ်တည်ဆောက်နေတဲ့ ဓာတ်ရောင်ခြည်နှင့် ကင်ဆာရောဂါကုသဆောင်တည်ဆောက်နေမှုကို ကြည့်ရှုစစ်ဆေးခဲ့ပြီးနောက် အမျိုးသားကန်တော်ကြီးဥယျဉ်ကို သွားရောက်ကာ ရေကန်တွေကို ရေဝင်ရောက်မှုအခြေအနေတွေ၊ဥယျဉ်စိမ်းလန်းစိုပြေရေးနှင့် သစ်ပင်ပန်းမန်ထိန်းသိမ်းစောင့်ရှောက်ထားမှုအခြေအနေတွေကို ကြည့်ရှုစစ်ဆေးခဲ့တယ်လို့ သိရပါတယ်။

ymg/knl

#SG_Min_Aung_Hlaing

#Myanmar

#Myanmar_Politics

#Local_News
Published_ 13 October 2022

မွန်ပြည်နယ်မှာ နှုတ်ခမ်းကွဲ၊ အာခေါင်ကွဲကလေးငယ်တွေကိုရှာဖွေပြီး အပတ်စဉ်အခမဲ့ ခွဲစိတ်ကုသမယ့်အစီအစဉ်တွေ စတင်နေပြီဖြစ်တယ်လို့ သိရပါတယ်၊၊

#Yangon_Media_Group

#World_ModernCulture
Published 13 October 2022

အလွန်ရှေးရိုးစွဲဆန်တဲ့ ဆော်ဒီအာရေဗျနိုင်ငံမှာ ယခုကာလမတိုင်ခင်ကဆိုရင် အမျိုးသမီးတွေဟာ ကားမောင်းခွင့်တောင် မရှိခဲ့ပါဘူး။

#Yangon_Media_Group

#Local_News
Published_13 October 2022

၂၀၂၂-၂၀၂၃ ဘဏ္ဍာနှစ်ရဲ့ ခြောက်လတာကာလအတွင်းမှာ မြန်မာ-ထိုင်းနယ်စပ်ကုန်သွယ်ရေးဟာ ပြီးခဲ့တဲ့နှစ်ထက် ကန်ဒေါ်လာ ၂၈၄ သန်းကျော်မြင့်တက်လာတယ်လို့ စီးပွားရေးနှင့်ကူးသန်းရောင်းဝယ်ရေးကြီးဌာနရဲ့ ထုတ်ပြန်ထားတဲ့ စာရင်းတွေအရ သိရပါတယ်။

#Yangon_Media_Group

Published 13 Oct 2022

ကမ္ဘာပေါ်မှာ အကြီးဆုံးရေတံခွန်တွေထဲက တစ်ခုဖြစ်တဲ့ အီကွေဇူးရေတံခွန်ကြီးဟာ ဘရာဇီးနှင့် အာဂျင်တီးနားနိုင်ငံ နှစ်နိုင်ငံအကြားမှာတည်ရှိပါတယ်။

အဲဒီရေတံခွန်တွေမှာ စီးဆင်းလာတဲ့ ရေထုထည်ဟာ ယခုနှစ်မှာ  ပုံမှန်ထက် ဆယ်ဆခန့် စံချိန်တင်များပြားလာနေပါတယ်။

ဗုဒ္ဓဟူးနေ့ကတိုင်းတာချက်အရ ရေတံခွန်တွေက ရေတွေဟာ တစ်စက္ကန့်ကို လီတာသန်းပေါင်း ၁၄.၅ အထိ စီးဆင်းနေပါတယ်။ ပုံမှန်က တစ်စက္ကန့်ကို ၁.၅လီတာသန်းဖြစ်ပါတယ်။

ဘရာဇီးနိုင်ငံတောင်ပိုင်း ပါရာနာပြည်နယ်မှာ မိုးသည်းထန်စွာရွာသွန်းခဲ့တာကြောင့် ရေတံခွန်မှာစီးဆင်းတဲ့ရေတွေဟာ ထူးခြားစွာမြင့်တက်နေတာဖြစ်ပါတယ်။

အဲဒါကြောင့် ဘရာဇီးနိုင်ငံဘက်အခြမ်းက ကမ္ဘာလှည့်ခရီးသွားတွေ အဓိကလာကြတဲ့ တံတားတွေကို ပိတ်ထားလိုက်ရပါတယ်။ အဲဒီတံတားတွေမှာ အသွားအလာတွေပိတ်ထားပေမယ့် ရေတံခွန်ကိုလာရောက်လည်ပတ်တာကိုတော့ ဖွင့်ပေးထားဆဲဖြစ်ပါတယ်။

Source AFP

#Iguazu_Falls

#High_water_flow_Iguazu_Falls

#Brazil

#Local_News
Published _ 13 October 2022

မြန်မာ့မီးရထား၊ မြို့ပတ်ရထားတွေကို ပြီးခဲ့တဲ့ စက်တင်ဘာလ ၁၂ ရက်နေ့ကစပြီး ပြန်လည်ပြေးဆွဲပေးခဲ့ပေမယ့် ပုံမှန်ထက်စာရင် စီးနင်းမယ့်ခရီးသည် နည်းပါးသွားခဲ့ပါတယ်။ ဘာကြောင့်ခရီးသည်နည်းပါးနေတယ်ဆိုတာကို ရုံပိုင်ချုပ်ကြီး ဦးသောင်းထိုက်က YMG ကို အခုလိုပဲ ပြောပါတယ်။

#Yangon_Media_Group

Published:13 Oct 2022

တရုတ်နိုင်ငံ အနောက်မြောက်ပိုင်း နင်ရှာဟွေ ကိုယ်ပိုင်အုပ်ချုပ်ခွင့်ရဒေသနှင့် ကန်စုပြည်နယ်တွေမှာ ဆောင်းဦးရာသီရဲ့ အံ့မခန်းစရာရှုခင်းတွေကိုတွေ့မြင်ရပါတယ်။

အဲဒီရှုခင်းတွေဟာ ဆီဆေးပန်းချီကားတွေလို အလွန်လှပတဲ့အတွက် အပျော်ခရီးသွားတွေက လက်လွတ်မခံကြတဲ့ မြင်ကွင်းတွေဖြစ်နေပါတယ်။

နင်ရှာရဲ့ လုံးတဲစီရင်စုမှာဆိုရင်  ဒေသတစ်ခုလုံးဆောင်းဦးရာသီကျရောက်တဲ့အတွက် ရွှေရောင်နှင့်အနီရောင် သစ်ရွက်တွေဟာ တောင်တွေပေါ်မှာ ကော်ဇောကြီးတွေ စခင်းသလိုဖြစ်နေတာတွေ့ကြရပါတယ်။

မကြာသေးခင်နှစ်များအတွင်း ဂေဟစနစ်ကိုတည်ဆောက်ထိန်းသိမ်းထားတဲ့အတွက် လုံတဲဒေသမှာ အပြာရောင် ကောင်းကင်၊အစိမ်းရောင်ရေပြင်နှင့် တောင်တန်းတွေနှင့်  နေ့ချင့်စဖွယ်ဖြစ်လို့နေပါတယ်။

စက်တင်ဘာလလယ်ကစပြီး အစိမ်းရောင်တောင်တန်းတွေဟာ ဆောင်းဦးရာသီ အရွက်တွေကြောင့် ဖြည်းဖြည်းချင်း အဝါရောင်နှင့်အနီရောင်ပြောင်းလာနေပါတယ်။

အပေါ်စီးမြင်ကွင်းထဲမှာ ကျီမားဟဲလျန်တင်းရဲ့ အစိမ်းရောင်ရေကန်ကြီးဟာ တောင်တန်းတွေက ပုံရိပ်ထင်သလို လှပနေပါတယ်။ အဲဒါကြောင့် အပျော်ခရီးသွားတွေဟာ လှပရှုမငြီးစရာရှုခင်းတွေကို ပျော်ရွှင်နှစ်သက်စွာခံစားကြတာဖြစ်ပါတယ်။

Source CCTV+

#Ningxia_Hui

#Gansu

#Autumn_scenery