#Local_News
Published_ 11 October 2022

ပြည်နယ်နဲ့တိုင်းဒေသကြီးအသီးသီးမှာ တီဘီဝေဒနာရှင်တွေကို စီမံချက်နဲ့ ရှာဖွေပြီး တီဘီဆေးဝါးနဲ့ကုထုံးတွေ အခမဲ့ပေးနေတယ်လို့ သိရပါတယ်၊၊

#Yangon_Media_Group

#Local_News
Published _ 11 october 2022

ယနေ့လပြည့်ကျော် ၂ရက်နေ့ အောက်ဆိုဘာလ ၁၁ ရက်နေ့မှာ ဘုရင်နောင်ကုန်စည်ဒိုင်ဈေးအရ ကြက်သွန်ဈေးတွေက ၂၅၀၀နဲ့ ၂၆၀၀ ဝန်းကျင်နဲ့ ဈေးငြိမ်နေတယ်လို့ ကြက်သွန်ကုန်သည်တွေဆီကနေ သိရပါတယ်။

#Yangon_Media_Group

Published 11 Oct 2022

ဂျပန်နိုင်ငံ တိုကျိုမြို့မှာ သုံးနှစ်ကြာမကျင်းပဖြစ်ခဲ့တဲ့ ပစိဖိတ်ဆာရီငါးပွဲတော်ကို တနင်္လာနေ့က ပြန်လည်ပြုလုပ်ခဲ့ပြီး အများပြည်သူကို ဆာရီငါး တစ်ထောင် အခမဲ့ပေးဝေခဲ့ကြပါတယ်။

ဂျပန်နိုင်ငံမှာ ပစိဖိတ်ဆာရီ ငါးဟင်းဟာ ဆောင်းဦးရာသီရဲ့ အင်္ဂါရပ်တွေထဲက တစ်ခုဖြစ်ပါတယ်။

အရင်က ပွဲကျင်းပသူတွေဟာ ပွဲတော်အတွက် ပစိတ်ဖိတ်ဆာရီငါး အကောင်း ၅၀၀၀ ပြင်ဆင်ခဲ့ကြပေမယ့်  ဒီနှစ်မှာတော့ ငါးဖမ်ဆီးမိမှု ကျဆင်းတဲ့အတွက် ငါးပုံတစ်ပုံအထိလျော့ချခဲ့ကြရပါတယ်။

ပစိဖိတ်ဆာရီငါးဟာ ဈေးချိုပြီး အရည်အသွေးကောင်းတဲ့အတွက် ဂျပန်မှာ အများပြည်သူစားသုံးတဲ့ အစားအစာအဖြစ် သိထားကြပါတယ်။ ဒါပေမယ့် ပြီးခဲ့တဲ့နှစ်တွေအတွင်း ပင်လယ်ပတ်ဝန်းကျင်အပြောင်းအလဲတွေကြောင့် ဂျပန်နိုင်ငံရဲ့ ကမ်းခြေရေပြင်တွေဆီ ငါးတွေအဝင်လျော့နည်းလာခဲ့ပြီး ငါးဖမ်းဆီးရမိတွေ ဆက်လက်လျော့ကျလာခဲ့တာဖြစ်ပါတယ်။

ဟိုကိုင်းဒိုးငါးဖမ်းဆိပ်တစ်ခုမှာ ပစိဖိတ်ဆာရီငါးဖမ်းဆီးရမိဟာ မနှစ်ကထက် ၁၀ရာခိုင်နှုန်းပဲရရှိခဲ့ပါတယ်။ အဲဒါကြောင့် ဒီနှစ် ဆောင်းဦးရာသီငါးဖမ်းရာသီမှာ မလုံလောက်မှုတွေရှိနေတာဖြစ်ပါတယ်။

အဲဒါကြောင့် ငါးဈေးတွေကြီးလာပြီး မနှစ်ကထက် နှစ်ဆပေး ဝယ်နေကြတယ်လို့ အချို့ပစိဖိတ်ဆာရီငါးစားသောက်ဆိုင်တွေကပြောပါတယ်။

ဂျပန်နိုင်ငံမှာ ဆာရီငါးဖမ်းဆီးရမိဟာ လွန်ခဲ့တဲ့ သုံးနှစ်အတွင် စံချိန်တင်ကျဆင်းခဲ့ရပါတယ်လို့ ငါးလုပ်ငန်းဌာနမှ သိရှိရပါတယ်။မြောက်ပစိဖိတ်မှာ ဒီနှစ်ဖမ်းဆီးရမိတာဟာ အများဆုံးဖမ်းနိုင်ခဲ့တာရဲ့ သုံးပုံတစ်ပုံပဲရှိတာမို့ ငါးဖမ်းဆီရရှိမှုတွေ ဆက်ပြီးနည်းနေဦးမှာဖြစ်ပါတယ်။

Source CCTV+

#Pacific_Saury_Festival

#Japan_Saury_Fishing

#DailyNews
Published _ 11 October 2022

၁။ ကြက်သွန်ဈေးငြိမ်နေပြီး အရောင်းအဝယ်အေးစက်နေဟုဆို

၂။ လူတစ်သိန်းတွင် တီဘီရောဂါရှိသူ(၁၁၅)ယောက်ရှိနိုင်သဖြင့် စီမံချက်ဖြင့် ရှာဖွေကုသပေးနေ

၃။ လယ်ယာထွက်ကုန်တင်ပို့မှုမှ ဒေါ်လာတစ်ဘီလီယံကျော်ရရှိထား

၄။ လက်ကိုင်ဖုန်းအသုံးပြုချိန်လျှော့ချနိုင်ရန် ဘိုလစ်ဗီယာနိုင်ငံမှ ကလေးများကို စစ်တုရင်သင်ပေးနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 11 October 2022

ကိုဗစ်ကြောင့် ရပ်နားထားခဲ့ရတဲ့ တနင်္သာရီရိုးရာပွဲတော်တွေ ပြန်လည်ကျင်းပသွားဖို့ရှိတယ်လို့ သိရပါတယ်၊၊

#Yangon_Media_Group

#Local_News
Published _11 October 2022

ဒေါ်အောင်ဆန်းစုကြည်ရင်ဆိုင်နေရသော ရဟတ်ယာဉ်အမှု ၅ ခုလုံးနှင့်ပတ်သက်၍ ယနေ့အောက်တိုဘာလ ၁၁ ရက်က နေပြည်တော်အကျဉ်းထောင်အထူးတရားရုံး၌ဆက်လက် စစ်ဆေးခဲ့ပြီး နောက်တစ်ပတ် အောက်တိုဘာလ ၁၇ ရက်တွင် စွဲချက်တင်သင့်မတင်သင့် လျှောက်လဲချက်ပေးရမည် ဖြစ်ကြောင်း တရားရုံးနှင့် နီးစပ်သည့် အသိုင်းအဝိုင်းက သိရသည်။

"စာရင်းစစ်အစီရင်ခံစာတင်တဲ့ ပြည်ထောင်စုရှေ့နေချုပ်ရုံးက ညွှန်ကြားရေးမှူးတစ်ယောက်ကို အမှု ၅ ခုလုံးအတွက် စစ်တယ်။ သက်သေတွေ ကျန်နေသေးတယ်။ ဒါပေမဲ့ တရားရုံးက ကျန်တဲ့သက်သေတွေကို ပါယ်တယ် မပါယ်ဘူး ဘာမှမပြောဘူး၊ သို့သော်လည်း လာမဲ့ အောက်တိုဘာလ ၁၇ ရက်နေ့မှာ ရဟတ်ယာဉ်အမှုနဲ့ ပတ်သက်လို့ စွဲချက်တင်သင့် မတင်သင့် လျှောက်လဲချက်ပေးရမယ်လို့ သတ်မှတ်လိုက်တယ်။ နှစ်ဖက်လုံးက တင်ကြမယ်ပေါ့။ မနက်ဖြန်မှာတော့ မောင်ဝိတ်နဲ့ ပတ်သက်တဲ့ ဒေါ်ခင်ကြည်အမှုကို အမိန့်ချမယ်၊ ဒီနေ့ ရုံးချိန်းမှာ ဒေါ်အောင်ဆန်းစုကြည်နဲ့ ဦးဝင်းမြင့် နှစ်ယောက်လုံး ရောက်တယ်။အားလုံးကျန်းမာကြပါတယ်"ဟု အဆိုပါ နီးစပ်သူက ပြောသည်။

ဒေါ်အောင်ဆန်းစုကြည်ရင်ဆိုင်နေရသော ရဟတ်ယာဉ်အမှု ၅ ခုလုံးနှင့်ပတ်သက်၍ လိုပြသက်သေ စီမံဘဏ္ဍာဒုဝန်ကြီး ဦးမောင်မောင်ဝင်းအား ပြီးခဲ့သည့် အောက်တိုဘာလ ၃ ရက်က နေပြည်တော်အကျဉ်းထောင်အထူးတရားရုံး၌ စစ်ဆေးခဲ့သေးသည်။

လက်ရှိတွင် ဒေါ်အောင်ဆန်းစုကြည်အနေဖြင့် သူရင်ဆိုင်နေရသော အမှုများထဲမှ တရားရုံးကစစ်ဆေးအမိန့်ချပြီးသည့်အမှုများအတွက် စုစုပေါင်းထောင်ဒဏ် နှစ် ၂၃ ကို ချမှတ်ခံထားရပြီး ဖြစ်သည်။

#ymg/mt
#Yangon_Media_Group

#Local_News
Published_ 11 October 2022

အောက်တိုဘာလ(၁၁)၊(၁၂)၊(၁၃)ရက်များတွင် အရှေ့ဘက်လေပွေလှိုင်းများလာရန်ရှိသောကြောင့် မိုးပြန်များရန်ရှိကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှသိရသည်၊၊

အရှေ့ဘက်ကလာမည့် လေပွေလှိုင်းများကြောင့် ရန်ကုန်တိုင်းအပါအဝင် မြန်မာနိုင်ငံတောင်ပိုင်းဒေသများတွင် မိုးပြန်များမည်ဖြစ်သည်၊၊

"အောက်တိုဘာလ(၁၁)၊(၁၂)၊(၁၃)ရက်တွေမှာ အရှေ့ဘက် လေပွေလှိုင်းများလာရန်ရှိတဲ့အတွက် မိုးပြန်များဖို့ရှိတယ်၊၊ အထူးသဖြင့် မြန်မာနိုင်ငံတောင်ပိုင်း ဒေသတွေမိုးများဖို့ရှိပါတယ်၊၊ အောက်တိုဘာလ ၁၇၊၁၈ရက်မှာ ဘင်္ဂလားပင်လယ်အော်မှာလေဖိအားနည်းရပ်ဝန်းတွေဖြစ်ပေါ်လာနိုင်တယ်၊၊ အောက်တိုဘာလထဲမှာတော့ မိုးများတာ၊မုန်တိုင်းဖြစ်နိုင်တာတွေရှိတယ်၊၊ မိုးကြိုးပစ်တာတွေလည်း များနိုင်တဲ့အတွက်အထူးသတိထားဖို့လိုတယ်"ဟု မိုးလေဝသနှင့် ဇလဗေဒညွှန်ကြားမှုဦးစီးဌာန၊ ညွှန်ကြားရေးမှူးဦးလှထွန်းကYMG ကို ပြောသည်၊၊

အောက်တိုဘာ(၁၁)ရက်မှ(၂၀)ရက်အတွင်း လေဖိအားနည်းရပ်ဝန်းတစ်ကြိမ်ဖြစ်ပေါ်လာနိုင်ပြီး အားကောင်းပါက မုန်တိုင်းငယ်အဖြစ်သို့ရောက်ရှိနိုင်ကြောင်း အောက်တိုဘာလဒုတိယ(၁၀)ရက်ပတ်အတွက် မိုးလေဝသခန့်မှန်းချက်တွင် ဖော်ပြထားသည်၊၊

မိုးရွာသွန်းမှု အခြေအနေအနေဖြင့် စစ်ကိုင်းတိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်း ပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲထက် ပိုနိုင်ပြီး၊ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေး တိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ရှမ်းပြည်နယ်နှင့် ကယားပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း သိရသည်၊၊

#ymg/tthl
#Yangon_Media_Group

Published 11 Oct 2022

ဂျပန်နိုင်ငံမှာ စတားလင့်ခ် Starlink အင်တာနက်ဝန်ဆောင်မှုလုပ်ငန်းကို စတင်နေပြီလို့  အမေရိကန်လုပ်ငန်းရှင် အီလွန်မတ်စ်ရဲ့ စပေ့ရှ်အိတ်စ် SpaceXကုမ္ပဏီကကြေညာပါတယ်။

စတားလင့်ခ်ဟာ ဂျပန်နိုင်ငံရဲ့ တောင်ထူထပ်တဲ့ဒေသတွေနှင့် အင်တာနက် မရတစ်ချက် ရတစ်ချက်ဖြစ်နေပြီး ဆက်သွယ်ရခက်ခဲတဲ့ ကျွန်းတွေရဲ့ လိုအပ်ချက်တွေကို ဖြည့်ဆည်းပေးပါလိမ့်မယ်။

စပေ့ရှ်အိတ်စ်က ယင်းရဲ့ တွစ်တာစာမျက်နှာကနေ ကြေညာတာဖြစ်ပါတယ်။ တရားဝင်ဝက်ဆိုက်မှာပါတဲ့ အချက်အလက်တွေအရ စပေ့ရှ်အိတ်စ်အင်တာနက်ရဲ့ လစဉ်ကြေးဟာ ၈၄ ဒေါ်လာ ( ၁၂၃၀၀ ယန်း)ဖြစ်ပါတယ်။ အဲဒီအပြင် ဟာ့ဒ်ဝဲကုန်ကျစရိတ်ကလည်း ယန်းငွေ ၇၃၀၀၀ ကုန်ကျမှာဖြစ်ပါတယ်။

စတားလင့်ခ်ဟာ  ဂြိုဟ်တုကနေတစ်ဆင့် မြန်နှုန်းမြင့်ပြီး စောင့်ဆိုင်းချိန်နည်းပါးတဲ့ အင်တာနက်ဝန်ဆောင်မှုလုပ်ငန်း ကို ဆောင်ရွက်ပေးနေပါတယ်။ ရုရှားတိုက်ခိုက်ပြီးကတည်းက ယူကရိန်းမှာ စတားလင့်ခ်ရဲ့ ဂြိုဟ်တုအင်တာနက်ဟာ အရေးကြီးတဲ့ အခန်းကဏ္ဍကနေ ပါဝင်နေတာဖြစ်ပါတယ်။

ဥရောပနှင့် အမေရိကန်အပြင်  အာရှနှင့် အခြားဒေသတွေကိုပါ ဂြိုဟ်တုအင်တာနက်လုပ်ငန်းဝန်ဆောင်မှုပေးဖို့ စတင်းလင့်ခ်က စီစဉ်နေပါတယ်။

ဖိလစ်ပိုင်မှာ အစိုးရဟာ ယင်းရဲ့ အခမဲ့ ဝိုင်ဖိုင်အစီအစဉ်အတွက် စတားလင့်ခ်ကို စာရင်းသွင်းဖို့ စဉ်းစားနေပါတယ်။ စပေ့ရှ်အိတ်ခ်ဟာ ဒီဇင်ဘာနောက်ဆုံးထားပြီး  စီးပွားဖြစ်လုပ်ငန်းဆောင်ရွက်ဖို့ ကြိုးစားနေပါတယ်လို့ ကုမ္ပဏီရဲ့ အစိုးရဆက်ဆံရေး အကြီးတန်းအရာရှိ ရီဘက်ကာဟန်တာကပြောပါတယ်။

Source: Nikkei Asia

#Starlink internet

#Japan_Internet

#Elon_Musk

#Local_News
Published_11 October 2022

ရခိုင်ပြည်နယ်ရှိ ကမ္ဘာကျော်ငပလီကမ်းခြေရှိရာ ငပလီမြို့ ဂျိတ္တောရပ်ကွက်၊ အကွက်(၉)၊ မဒေးတောင်ရပ်တော်မူဘုရားအနီး အမှိုက်ပုံမှ စိတ်ကြွရူးသွပ်ဆေးပြားများ သိမ်းဆည်းရမိကြောင်း ရခိုင်ပြည်နယ် အစိုးရအဖွဲ့က သိရသည်။

အောက်တိုဘာလ ၁၀ ရက် ညနေ ၃ နာရီခန့် က အမှိုက်ပုံတွင် မသင်္ကာဖွယ်အိတ် ၂ အိတ်တွေ့ရှိကြောင်း ဘုရားဂေါပကအဖွဲ့ဝင်တစ်ဦး၏ သတင်းပို့ချက်အရ တာဝန်ရှိသူများက သွားရောက်စစ်ဆေးခဲ့ရာ အဆိုပါအိတ်အတွင်းမှ ကာလတန်ဖိုးကျပ် (၂ ဒသမ ၆၆)ဘီလီယံခန့်ရှိ WY/R စာတမ်းပါ လိမ္မော်ရောင်စိတ်ကြွရူးသွပ်ဆေးပြား ၁,၃၃၀,၀၀၀ ပြားကို ပိုင်ရှင်မဲ့ သိမ်းဆည်းရမိခဲ့ခြင်းဖြစ်ကြောင်း အစိုးရအဖွဲ့က ထုတ်ပြန်ထားသည်။

ယခုအခါ သိမ်းဆည်းရမိစိတ်ကြွရူးသွပ်ဆေးပြားများနှင့်ပတ်သက်၍ ဂျိတ္တောနယ်မြေ ရဲစခန်းတွင် မူးယစ်ဆေးဝါးအက်ဥပဒေပုဒ်မဖြင့် အမှုဖွင့်ထားပြီး တရားခံဖမ်းဆီးရမိရေး စုံစမ်းနေကြောင်းလည်း သိရသည်။

#ymg/mt
#Yangon_Media_Group

#Local_News
Published_11 October 2022

စစ်ကိုင်းတိုင်းဒေသကြီး မုံရွာမြို့နယ်သို့ စက်သုံးဆီပို့ဆောင်သူများအားအမည်မသိ အကြမ်းဖက်လက်နက်ကိုင်တစ်စုက ဖမ်းဆီးခေါ်ဆောင်သွားကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

စက်သုံးဆီ ပြတ်လပ်မည်ဖြစ်သောကြောင့် မုံရွာမြို့နယ်ရှိ မြောင်စက်သုံးဆီအရောင်းဆိုင်သို့ ယခင်ရက်သတ္တပတ်အတွင်းက အရေးပေါ်စက်သုံးဆီပို့ဆောင်စဉ် မြောင်-ပရိမ္မလမ်းပိုင်းတွင် အမည်မသိ အကြမ်းဖက်လက်နက်ကိုင်တစ်စုမှ အဆိုပါ စက်သုံးဆီတင်ယာဉ်နှင့် ယာဉ်မောင်း၊ ယာဉ်နောက်လိုက်များအား ဖမ်းဆီးခေါ်ဆောင်သွားသောကြောင့် သက်ဆိုင်ရာ စက်သုံးဆီအရောင်းဆိုင်များသို့ စက်သုံးဆီများ အချိန်မီရောက်ရှိနိုင်ခြင်းမရှိကြောင်း ယင်းထုတ်ပြန်ချက်တွင် ဖော်ပြထားသည်။

သို့သော်လည်း ယင်း အမည်မသိ အကြမ်းဖက်လက်နက်ကိုင်တစ်စု ဖမ်းဆီးခေါ်ဆောင်ခံရသူများနှင့်ပတ်သက်၍ အသေးစိတ်ကို ဖော်ပြထားခြင်းမရှိသေးပေ။

စက်သုံးဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် ပြည်တွင်းစက်သုံးဆီဖူလုံမှုရှိစေရေးအတွက် စက်သုံးဆီအမျိုးအစားများအလိုက် ပုံမှန်စိစစ်တင်သွင်းဆောင်ရွက်လျက်ရှိရာ အောက်တိုဘာလ ၁၀ ရက်တွင် ရန်ကုန်တိုင်းဒေသကြီး သီလဝါဆိပ်ကမ်းရှိ Terminal များတွင် MT YU DONG သင်္ဘောမှ ဓာတ်ဆီ 92 Ron ၀ ဒသမ ၀၂ ဂါလန်သန်းနှင့် ပရီမီယံဒီဇယ်ဆီ ၂ ဒသမ ၈၀ ဂါလန်သန်းကိုလည်းကောင်း၊ MT Bowmore သင်္ဘောမှ ဓာတ်ဆီ 92 Ron ၀ ဒသမ ၁၄ ဂါလန် သန်းကိုလည်းကောင်း ဆီချလုပ်ငန်းများ ဆောင်ရွက်လျက်ရှိပြီး ပရီမီယံဒီဇယ်ဆီ ၂ ဒသမ ၉ ဂါလန်သန်း တင်ဆောင်လာသည့် MT Aulac Vision သင်္ဘောနှင့် ရိုးရိုး ဒီဇယ်ဆီ ၁ ဒသမ ၆ ဂါလန်သန်းနှင့် ပရီမီယံဒီဇယ်ဆီ ၁ ဒသမ ၈၆ ဂါလန်သန်းတင်ဆောင်လာသည့် MT Yu Yi သင်္ဘောများသည်လည်း ထပ်မံဆိုက်ကပ်လာပြီး ဆီချလုပ်ငန်းများ ဆက်လက်ဆောင်ရွက်သွားမည်ဖြစ်ကြောင်း ယင်းထုတ်ပြန်ချက်အရ သိရသည်။

#ymg/mt
#Yangon_Media_Group

#Local_News
Published_11 October 2022

ဂျပန်နိုင်ငံတွင် ကမ္ဘာ့နိုင်ငံများမှ သွေးတိုးရောဂါဆေးပညာအဖွဲ့အစည်းများနှင့်အတူ မြန်မာသွေးတိုးရောဂါဆေးပညာအဖွဲ့တို့ဆွေးနွေးကြမည်ဖြစ်ကြောင်း ကျန်းမာရေးဝန်ကြီးဌာနက သိရသည်။

ယင်းသို့ဆွေးနွေးနိုင်ရန် ဂျပန်နိုင်ငံ ကျိုတိုမြို့တွင် မနက်ဖြန် အောက်တိုဘာလ ၁၂ ရက်မှ ၁၆ ရက်ထိကျင်းပမည့် (၂၉) ကြိမ်မြောက် နိုင်ငံတကာ သွေးတိုးရောဂါဆေးပညာအဖွဲ့အစည်းအဝေးသို့ မြန်မာနိုင်ငံမှ ကိုယ်စားလှယ်များအဖြစ် ကျန်းမာရေးဝန်ကြီးဌာနမှ ပါမောက္ခ ဒေါက်တာရဲမြင့် (မြန်မာနိုင်ငံ သွေးတိုးရောဂါဆေးပညာအဖွဲ့ အထွေထွေအတွင်းရေးမှူး)၊ ပါမောက္ခဒေါက်တာမင်းဇော်ဦး (မြန်မာနိုင်ငံ သွေးတိုးရောဂါဆေးပညာအဖွဲ့ တွဲဖက်အတွင်းရေးမှူး)နှင့် ပါမောက္ခ ဒေါက်တာ ရှင်နှောင်းလွင် (မြန်မာနိုင်ငံ သွေးတိုးရောဂါဆေးပညာအဖွဲ့ အဖွဲ့ဝင်)တို့ သွားရောက်လျက်ရှိကြောင်း သိရသည်။

အဆိုပါ အစည်းအဝေးသို့ တက်ရောက်ကြမည့် ကမ္ဘာ့နိုင်ငံများမှ သွေးတိုးရောဂါဆေးပညာအဖွဲ့အစည်းများ၏ ဥက္ကဋ္ဌများ၊ အတွင်းရေးမှူးများနှင့်အဖွဲ့ဝင်များနှင့်အတူ သွေးတိုးရောဂါကာကွယ်ကုသရေးလုပ်ငန်းများ၊ ပြောင်းလဲလာသည့် သွေးတိုးရောဂါဆိုင်ရာ ဆေးကုသမှုနည်းစနစ်များ၊ ဆေးဝါးများ၊ သုတေသနလုပ်ငန်းများနှင့်ပတ်သက်၍ အမြင်ချင်းဖလှယ် ဆွေးနွေးကြမည်ဖြစ်ကြောင်း သိရသည်။

#ymg/mt
#Yangon_Media_Group

#World_Health
Published 11 October 2022

ကိုဗစ်ကာကွယ်ဆေးထိုးနှံပြီးနောက် အချို့လူတွေမှာ ခေါင်းကိုက်ခြင်းနဲ့ လက်မောင်းနာကျဉ်ခြင်းများ ဖြစ်လေ့ရှိပါတယ်။

အချို့ကတော့ မူးဝေခြင်း ဒါမှမဟုတ် အဖုအကျိတ်ထွက်ခြင်းတို့ ဖြစ်ပေါ်တတ်ပါတယ်။

အခုဆိုရင် သုတေသနပြုချက်တစ်ခုမှာ ဖော်ပြရာ ကိုဗစ်ကာကွယ်ဆေးတွေရဲ့ နောက်ထပ်ဘေးထွက်ဆိုးကျိုးတစ်ခုက ဓမ္မတာစက်ဝန်းပြောင်းလဲခြင်းပဲ ဖြစ်ပါတယ်။

BMJ Medicine ဂျာနယ်မှာ အင်္ဂါနေ့က ဖော်ပြခဲ့ရာမှာ ကာကွယ်ဆေးထိုးတဲ့အမျိုးသမီးတွေက မထိုးတဲ့သူတွေနဲ့ယှဉ်ရင် ဓမ္မတာတစ်ရက်နောက်ကျတာမျိုး ဖြစ်လေ့ရှိတယ်လို့ သုတေသီများ ဖော်ပြကြပါတယ်။

တစ်ခုရှိတာက ဒီပြောင်းလဲမှုက ယာယီသာဖြစ်တတ်တာပါ။

ကာကွယ်ဆေးထိုးပြီး ဓမ္မတာတစ်ကြိမ်လာပြီးချိန်မှာ ပုံမှန်ပြန်ဖြစ်သွားတတ်ပါတယ်။

လူပေါင်း ၂ သောင်းနီးပါးကို လေ့လာရာ ၁၄,၉၃၆ ဦးက ကာကွယ်ဆေးထိုးထားပြီး ၄,၆၈၆ ဦးကတော့ မထိုးထားပါဘူး။

ဓမ္မတာစက်ဝန်းပြောင်းလဲတာဟာ ပုံမှန်ဖြစ်လေ့ဖြစ်ထရှိတဲ့သဘောပါ။
ဒီအတွက်တာဝန်ရှိတဲ့ ဟော်မုန်းတွေကို စိတ်ဖိစီးမှု၊ ကိုယ်အလေးချိန်၊ ကယ်လိုရီနဲ့ လေ့ကျင့်ခန်းပြုလုပ်ခြင်းတို့က သက်ရောက်မှုရှိနေပါတယ်။

၈ ရက်ထက်မပိုဘဲ ဓမ္မတာအပြောင်းအလဲဖြစ်ခြင်းဟာ ပုံမှန်အခြေအနေအတွင်းရှိကြောင်း နိုင်ငံတကာသားဖွားနဲ့မီးယပ်အဖွဲ့က ပြောကြားထားပါတယ်။

ကိုဗစ်ကာကွယ်ဆေး ပထမအကြိမ်ထိုးအပြီးမှာ ဓမ္မတာကာလက ၀.၇၁ ရက်ပိုရှည်ကြာသွားပြီး ဒုတိယအကြိမ်ထိုးအပြီးမှာတော့ ၀.၅၆ ရက် ပိုကြာလာပါတယ်။

ထိုစမ်းသပ်တဲ့အဖွဲ့ထဲမှာ လူ ၁၀၀ လောက်က ၈ ရက်နဲ့အထက်နောက်ကျခဲ့ပါတယ်။

ကာကွယ်ဆေးထိုးပြီးတစ်လအကြာ ပုံမှန်ပြန်ဖြစ်သွားတာကြောင့် သန္ဓေအောင်ခြင်းကိစ္စမှာ သက်ရောက်ခြင်းမရှိပါဘူး။

ခန္ဓာကိုယ်ရောဂါခုခံအားနဲ့ အခြားအစိတ်အပိုင်းများကြား မှားယွင်းပြီးလှုံ့ဆော်မိတာမျိုးလည်း ဖြစ်နိုင်ပါတယ်။

ကိုဗစ်ကာကွယ်ဆေးအမျိုးမျိုးမှာ ဒီလိုသက်ရောက်မှုမျိုးရှိနေနိုင်ပါတယ်။

ကိုဗစ်ကာကွယ်ဆေးထိုးပြီးနောက် ဓမ္မတာပြောင်းလဲတာမျိုး၊ ခေါင်းကိုက်ဖျားနာတာမျိုးက ကာကွယ်ဆေးဘယ်လောက်အထိ အာနိသင်ရှိလဲဆိုတာကို ပြသတဲ့သဘောမဟုတ်ဘဲ အချို့လူတွေက ဟော်မုန်းအပြောင်းအလဲနဲ့ ရောဂါခုခံအားကို ပိုပြီးတုံ့ပြန်မိလို့ဖြစ်ပါတယ်။

ဓမ္မတာပြောင်းလဲခြင်းက သိသိသာသာပြောင်းလဲပြီး လနဲ့ချီကြာလာရင်တော့ သားဖွားမီးယပ်အထူးကုနဲ့ တိုင်ပင်ဆွေးနွေးသင့်ပါတယ်လို့ ဒေါက်တာ'ကောဝက်စ်'က အသိပေးလိုက်ပါတယ်။

Source: CNA
#Yangon_Media_Group