#LocalNews
Published_ 22 January 2023

ထိုင်းနိုင်ငံ၊ စမုဆွန်ခရမ်ခရိုင်တွင် ပြီးခဲ့သည့် ဇန်နဝါရီလ ၁၇ ရက်က ဆီတင်သင်္ဘောပေါက်ကွဲစဉ် သေဆုံးသွားသည့် မြန်မာလုပ်သား ၇ ဦး အတွက် ထိုင်းနိုင်ငံအလုပ်သမားဝန်ကြီးဌာနက သေဆုံးသူမိသားစုဝင်များအား နစ်နာကြေးပေးပြီးဖြစ်ကြောင်း ထိုင်းနိုင်ငံဆိုင်ရာ မြန်မာ အလုပ်သမား သံအရာရှိရုံးက သိရသည်။

အဆိုပါ Soosh Sea C22 ဆီတင်သင်္ဘောမှာ စမုဆွန်ခရမ်ခရိုင်၊ မဲခေါင်မြစ်ခွဲ၌ ပြုပြင်ထိန်းသိမ်းရန် ရပ်နားထားစဉ် ပေါက်ကွဲခဲ့ခြင်းဖြစ်သည်။

ယင်းကြောင့် ထိုင်းအလုပ်သမားဝန်ကြီးဌာနက သေဆုံးသူတစ်ဦးချင်းအတွက် နာရေးပြုလုပ်ခ ဘတ် ၅၀,၀၀၀၊ အလုပ်ခွင်အတွင်း သေဆုံးမှုကြောင့် လျော်ကြေး ဘတ် ၇၇၀,၉၅၂ ပေးအပ်ခဲ့ကာ သက်ကြီးပင်စင်ကြေးကိုတော့ သေဆုံးသူများ၏ သူသက်တမ်းအလိုက် ပေးအပ်ခဲ့ကြောင်းလည်း သိရသည်။

လူမှုဖူလုံရေးဌာနအနေဖြင့် ဆေးကုသမှုကျသင့်ငွေကို ဝန်ကြီးဌာန ဥပဒေသတ်မှတ်ချက်အတိုင်း ပြန်ပေးမည်ဖြစ်ပြီး ဆရာဝန်က ဆေးရုံအတွင်း ကုသမှုခံယူမှုကို ရပ်နားရန် ညွှန်ကြားခဲ့ပါက တစ်နှစ်မကျော်သည့် ယခင်ရရှိသည့် လုပ်ခလစာထဲမှ ၇၀ ရာခိုင်နှုန်း လုပ်အားခကိုရရှိမည် ဖြစ်ကြောင်း၊ ကိုယ်အင်္ဂါဆုံးရှုံးခဲ့ပါက ထောက်ပံ့ကြေးပေးခြင်းဆိုင်ရာဥပဒေအရ ၁၀ နှစ်ကာလအတွင်း နစ်နာမှုထောက်ပံ့ကြေး ရရှိမည်ဖြစ်ကြောင်းလည်း သိရသည်။

ဓာတ်ပုံ-MGR

ymg/mt

#Yangon_Media_Group

#Myanmar_News
Published 22 Jan 2023

နေပြည်တော်၊ ဇေယျာသီရိမြို့နယ်အတွင်းမှာ အပူစွမ်းအင်သုံး ဓာတ်အားပေးစက်ရုံ တည်ဆောက်ဖို့ စီစဉ်နေတယ်လို့ သိရပါတယ်။

တည်ဆောက်မယ့်နေရာက ဇေယျာသီရိမြို့နယ်၊ ပေါင်းလောင်းရေလှောင်တမံအနီးမှာဖြစ်ပြီး အဲဒီစီမံကိန်းနေရာကို နစက လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်က သွားရောက်စစ်ဆေးကြည့်ရှုခဲ့တာဖြစ်တယ်လို့ နစက ပြန်ကြားရေးရဲ့ သတင်းထုတ်ပြန်ချက်မှာဖော်ပြထားပါတယ်။

ယခုအခါ အဆိုပါနေရာမှ မြေနေရာရွေးချယ်မှုကို ကနဦးဆောင်ရွက်နေပြီး ရေရရှိမှု၊ အောက်ခံကျောက်သားဘူမိအခြေအနေတွေကို တာဝန်ရှိသူတွေက ဝန်ကြီး ဦးသောင်းဟန်ကိုရှင်းလင်းတင်ပြခဲ့ကြပါတယ်။

လျှပ်စစ်စွမ်းအား ဝန်ကြီးဌာနနှင့် ရုရှားနိုင်ငံ ROSATOM မှ ပညာရှင်အဖွဲ့ဟာ ယမန်နှစ် ဒီဇင်ဘာ ၉ ရက်က နေပြည်တော်ကောင်စီနယ်မြေအတွင်းစီမံကိန်း လုပ်ငန်းနေရာများသို့ သွားရောက်ပြီး ဇေယျာသီရိမြို့နယ် ဇီးရိုင်းကျေးရွာ၊ သစ်တော်ကျေးရွာအုပ်စု၊ ငါးတဲစုကျေးရွာ၊ ပေါင်းလောင်းရေလှောင်တမံအနီးရှိ မြေနေရာတွေမှာ အပူစွမ်းအင်စီမံကိန်းအတွက် ကျောက်သား Mechanic ဆိုင်ရာများလေ့လာခြင်း၊ ရေရရှိနိုင်မှု၊ ငလျင်နှင့် ပြတ်ရွေ့များလေ့လာခြင်း၊ သယ်ယူပို့ဆောင်ရေးလမ်းကြောင်းများ၊ သဘာဝပတ်ဝန်းကျင်အခြေအနေနှင့် လူမှုဘဝနေထိုင်မှုတို့ကိုလေ့လာခဲ့တယ်လို့ ဝန်ကြီးဌာနက သတင်းထုတ်ပြန်ပေးခဲ့ပါတယ်။

#ymg/knl

#Myanmar_Russia

#Yangon_Mediad_Group

Published 22 Jan 2023

အမေရိကန်ပြည်ထောင်စု၊ ဒယ်လာဝဲပြည်နယ် ဝီလ်မင်တန်က  သမ္မတဂျိုးဘိုင်ဒင်ရဲ့နေအိမ်ကို တရားရေးဌာနက ဇန်နဝါရီ ၂၀ရက် သောကြနေ့က ရှာဖွေမှုတွေပြလုပ်ခဲ့စဉ်အတွင်း လျှို့ဝှက်အဆင့်သတ်မှတ်ထားတဲ့ စာရွက်စာတမ်းတွေ ထပ်မံတွေ့ရှိခဲ့တယ်လို့ သူ့ရဲ့ ကိုယ်ရေးရှေ့နေ ဘော့ဘော်ဝါက စနေနေ့နှောင်းပိုင်းမှာ သတင်းထုတ်ပြန်ပါတယ်။

၁၉၇၃ခုနှစ်နှင့် ၂၀၀၉ခုနှစ်အတွင်း ဒယ်လဝဲ ဆီးနိတ်အမတ်အဖြစ် တာဝန်ထမ်းဆောင်စဉ်ကာလက လျှို့ဝှက်အဆင့် သတ်မှတ်ပေးထားတဲ့ စာရွက်စာတမ်းတွေအပါအဝင် စာရွက်စာတမ်း အနည်းဆုံး(၆)ခုတွေ့ရှိခဲတာလို့ ဘော်ဝါက ပြောပါတယ်။

ကျန်တဲ့စာရွက်စာတမ်းတွေကတော့ ၂၀၀၉မှ၂၀၁၇နှစ်အတွင်း  အိုဘားမား သမ္မတဖြစ်စဉ် ဒုတိယသမ္မတအဖြစ် သူတာဝန်ထမ်းဆောင်စဉ်က ဖြစ်တယ်လို့ ဘော်ဝါကဆက်လက်ပြောပါတယ်။ တရားရေးဌာနက အနည်းဆုံး ၁၂ နာရီ ကြာအထိ အိမ်ထဲရှာဖွေမှုပြုလုပ်ရာကနေ အဲဒီစာရွက်စာတမ်းတွေကို တွေ့ရှိခဲ့ကြတာဖြစ်ပါတယ်။  အဲဒီအပြင် ဒုတိယ သမ္မတအဖြစ်တာဝန်ထမ်းဆောင်စဉ်က သူ့ရဲ့ လက်ရေးစာတွေကိုပါ တရားရေးဌာနက ယူဆောင်သွားတယ်လို့ ရှေ့နေ ဘော်ဝါကပြောပါတယ်။

ဂျိုးဘိုင်ဒင်က သူ့အိမ်ထဲ လျှို့ဝှက်အဆင့်သတ်မှတ်ထားတဲ့ စာရွက်စာတမ်းတွေရှိမရှိ အစအဆုံးအနှံ့ ရှာဖွေဖို့ ခွင့်ပြုခဲ့တယ်လို့လည်း ဘော်ဝါကပြောပါတယ်။

အိမ်ကိုရှာဖွေနေစဉ်အတွင် သမ္မတနှင့် သမ္မတကတော်တို့ရှိမနေကြဘဲ တရာရေးဌာနရဲ့ စုံစမ်းစစ်ဆေးရေးမှူးတွေ၊ သမ္မတရဲ့ ကိုယ်ရေးနှင့်အိမ်ဖြူတော်ရှေ့နေတွေအတူတကွရှာဖွေခဲ့ကြတာဖြစ်တယ်လို့လည်း သမ္မတရဲ့ အထူးဥပဒေ အကျိုးဆောင် ရစ်ချတ်ဆော်ဘာကလည်း သတင်းထုတ်ပြန်ချက်နောက်တစ်စောင်မှာ ဖော်ပြပြောဆိုထားပါတယ်။

Source: WION

#Biden_House_search

#US_Politics

#Classified_documents_Biden

#World_Lifestyle
Published 22 January 2023

လူတွေဟာ တစ်နေ့ကို ဆိုရှယ်မီဒီယာအသုံးပြုချိန် ပျမ်းမျှအားဖြင့် ၂ နာရီခွဲရှိပြီး လူတွေရဲ့ စိတ်ပိုင်းဆိုင်ရာကျန်းမာရေးမှာ ဆိုးကျိုးများသက်ရောက်နိုင်ကာ အချိန်ကုန်တဲ့ လုပ်ရပ်ဖြစ်နေနိုင်ပါတယ်။

ကိုယ့်ရဲ့နေ့စဉ်ဘဝမှာ ဖေ့စ်ဘွတ်၊ တစ်တော့၊ အင်စတာဂရမ်တို့လို ဆိုရှယ်မီဒီယာက ဘယ်လောက်အထိ သက်ရောက်နေလဲဆိုတာကို ပြန်လည်သုံးသပ်ကြည့်ဖို့ အရေးကြီးကြောင်း ပန်ဆယ်ဗေးနီးယားတက္ကသိုလ် ဒီဂျစ်တယ်ကျန်းမာရေးစင်တာမှ 'အန်နစ်ရှ်အက်ဂါဝယ်'က ပြောကြားလိုက်ပါတယ်။

အနည်းဆုံးတော့ ဆိုရှယ်မီဒီယာအသုံးပြုခြင်းကို ရပ်နားလိုက်ရင် သင့်အတွက် ကျန်းမာစေနိုင်ပါတယ်။

ဆိုရှယ်မီဒီယာကို ဘာကြောင့်စပြီး အသုံးပြုခဲ့လဲဆိုတာကို သင့်ကိုယ်သင် ပြန်လည်ဆန်းစစ်သင့်ကြောင်း 'အက်ဂါဝယ်'ကဆိုပါတယ်။

ကိုယ်လိုချင်တဲ့ ကျေနပ်မှုအတိုင်းမရရှိဘူးဆိုရင် အခြားတစ်ခုခု ပြောင်းလဲသင့်ပါပြီ။

ဆိုရှယ်မီဒီယာကို ဘာကြောင့်စတင်အသုံးပြုခဲ့သလဲ?

- အပြင်မှာ တွေ့ဆုံနိုင်ဖို့ အသင်းအဖွဲ့တွေ ရှာဖွေတာလား

- သတင်းမီဒီယာကို မဂ္ဂဇင်း၊ စာအုပ်တွေအပြင် အခြားနည်းလမ်းဖြင့် ကြည့်ရှုချင်လို့လား

- ပွဲတွေတက်ရောက်ပြီး ဈေးဝယ်ဈေးရောင်းလုပ်ချင်တာလား

ဖုန်းအသုံးပြုတာ ကြာလာတဲ့အခါ လည်ပင်းကြွက်သားများ တောင့်တင်းလာတတ်ပါတယ်။

ဆိုရှယ်မီဒီယာအသုံးပြုခြင်းမှ ရပ်နားလိုက်တဲ့အခါ လည်ပင်းနာခြင်း သက်သာစေပြီး မျက်လုံးအနားရစေပါတယ်။

ဆိုရှယ်မီဒီယာကြောင့် လူတွေပိုပြီးဆက်သွယ်မိလာကြပေမယ့် အသုံးပြုခြင်းကို ကန့်သတ်လျှော့ချလိုက်တဲ့အခါ စိတ်ဓာတ်ကျခြင်း၊ အထီးကျန်ခြင်းတို့ လျော့နည်းသွားပါတယ်။

ဒါ့အပြင် ညဘက်ကောင်းစွာ အိပ်ပျော်ရတဲ့ အကျိုးကျေးဇူးလည်း ရရှိစေပါတယ်။

အိမ်မှာရှိတဲ့အချိန် ဖုန်းကို မမြင်နိုင်တဲ့တစ်နေရာရာမှာ ထားကြည့်ပါ။
ဖုန်းကိုအလွယ်တကူ မကိုင်ဖြစ်တဲ့အခါ ဆိုရှယ်မီဒီယာလည်း အသုံးမပြုဖြစ်တော့ပါဘူး။

ဖုန်းသုံးမယ့်အစား စာဖတ်ခြင်း၊ အသက်ရှူလေ့ကျင့်ခန်းဖြစ်ဖြစ် ပြုလုပ်ကြည့်ပါ။

လက်ရှိဖုန်းအများစုမှာ အသုံးပြုချိန်ကို တွက်ချက်ထားတဲ့ စနစ်တွေပါဝင်တာကြောင့် တစ်နေ့တာအသုံးပြုချိန်ကို မိမိဘာသာ ဆန်းစစ်ကန့်သတ်နိုင်ပါတယ်။

မိတ်ဆွေတွေ၊ မိသားစုဝင်တွေနဲ့ ရှိတဲ့အခါမှာလည်း ဖုန်းအသုံးပြုခြင်းကို စနစ်တကျကန့်သတ်အသုံးပြုသင့်ပါတယ်။

အရင်နေ့ကထက် ယနေ့မှာ ဖုန်းအသုံးပြုချိန် ၁၀ မိနစ်ခန့်လျှော့ချသုံးတဲ့အကျင့်ကို စတင်ကျင့်ဆောင်နိုင်ပါတယ်။

အချို့တွေက ဆိုရှယ်မီဒီယာကနေ ကြောငြာတာမျိုးရှိတာကြောင့် တစ်ယောက်နဲ့တစ်ယောက် ရှိသင့်တဲ့အသုံးပြုချိန်တော့ မတူညီကြပါဘူး။

Source: South China Morning Post
#Yangon_Media_Group

#World_Science
Published 22 January 2023

ပီကေပြုလုပ်ရာမှာ အသုံးပြုတဲ့ လာနိုလင်ဟာ သိုးတွေရဲ့ အရေပြားဂလင်းကနေ ထွက်ရှိတဲ့ အဆီတစ်မျိုးဖြစ်ကြောင်း အံ့အားသင့်ဖွယ်တွေ့ရှိထားပါတယ်။

သိုးမွှေးမှာတွေ့ရတဲ့ ချောဆီဖယောင်းဟာ လူတွေမှာ အဆီဂလင်းကထွက်တဲ့ဟာနဲ့ ဆင်တူနေပါတယ်။

ပီကေသားပြုလုပ်ရာမှာ လာနိုလင်ကိုအသုံးပြုလေ့ရှိကာ စံချိန်စံညွှန်းနဲ့ညီတာကြောင့် ပါဝင်ပစ္စည်းတွေထဲမှာ ဖော်ပြထားခြင်းမရှိကြပါဘူး။

ဒါကြောင့် ပီကေဟာ သက်သက်မလွတ်ဘူးလို့ ဆိုဖွယ်ရာရှိနေပါတယ်။
နှစ်သက်ဖွယ်ပီကေဖြစ်လာအောင် ပျော့ပျောင်းပစ္စည်းများ၊ အချိုဓာတ်ပစ္စည်းများ၊ အနံ့အရသာများဖြင့် ပြုလုပ်ထားပါတယ်။

အချိုဓာတ်အတွက် ကယ်လိုရီနည်းတဲ့အပြင် ဈေးနှုန်းသက်သာတဲ့ အက်စ်ပါတမ်ကို သကြားအစားအသုံးပြုကြကာ သကြားထက် အဆ ၂၀၀ ပိုချိုစေတာကြောင့် အနည်းငယ်မျှသာ သုံးရပါတယ်။

အချိုဓာတ်အမှုန့်တွေဟာ ကျန်းမာတဲ့လူတွေမှာ သင့်တင့်တဲ့ပမာဏစားသုံးပါက ဘေးကင်းစေပေမယ့် ကျန်မားဆိုးကျိုးကြာရှည်စွာ ခံစားရနိုင်တာနဲ့ပတ်သက်ပြီး အငြင်းပွားနေကြပါတယ်။

သကြားအစားထိုးပစ္စည်းတွေက အူလမ်းကြောင်းဘယ်လိုသက်ရောက်စေသလဲ၊ သွေးတွင်းသကြားဓာတ်ကို ဘယ်လိုဖြစ်စေသလဲဆိုတာကို သုတေသီတွေက နောက်ထပ်လေ့လာမှု ပြုလုပ်နေကြပါတယ်။

နောက်ထပ်ပါဝင်ပစ္စည်းတစ်ခုက တာရှည်ခံပစ္စည်း ဗျူတိုင်လိတ်တက်ဟိုက်ဒရော့ဆီတိုလင်းဖြစ်ပြီး ကင်ဆာနဲ့ဆက်စပ်နေတယ်လို့ သိရပါတယ်။

ပီကေရဲ့ပါဝင်ပစ္စည်းတွေက အဆိုးတွေချည်းပဲလည်းမဟုတ်ပါဘူး။
သကြားမပါတဲ့ပီကေမှာ ဆိုက်လီတောလ်ပါဝင်ပြီး သွားပိုးစားခြင်းကိုဖြစ်စေတဲ့ ဘက်တီးရီးယားရန်မှ ကာကွယ်ပေးပါတယ်။

ဒါပေမဲ့ အလွန်အကျွံပီကေဝါးတတ်ရင်တော့ ခေါင်းကိုက်ခြင်း၊ မေးရိုးလွဲခြင်းတို့ဖြစ်နိုင်ကာ မေးရိုးကြွက်သားများ နာတာရှည်ကိုက်ခဲခြင်း၊ ရောင်ရမ်းခြင်း၊ သွားနဲ့နားကိုက်ခဲခြင်း၊ ခေါင်းတစ်ခြမ်းကိုက်ခြင်းတို့ ဖြစ်စေနိုင်ပါတယ်။

Source: NY Post
#Yangon_Media_Group

Published 23 Jan 2023

တစ်နိုင်ငံတည်း ဗိုလ်ကျစိုးမိုးနေသည့် ဧကဝင်ရိုးမှ ဗဟုဝင်ရိုးကို ပြောင်းလဲနိုင် ရေးအတွက် အခြားကမ္ဘာ့နိုင်ငံများနှင့် ပူးပေါင်း လုပ်ဆောင် သွားမည့်ကိစ္စများ အပေါ်၌ လည်း ကြိုဆိုအားပေးပါတယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောကြားကြောင်း နစက ပြန်ကြားရေးရဲ့ သတင်းထုတ်ပြန်ချက်အရသိရပါတယ်။

ဇန်နဝါရီ ၂၂ရက်  ညနေပိုင်းက ရန်ကုန်မြို့ရှိအမျိုးသားအားကစားပြိုင်ပွဲရုံ(၁)သုဝဏ္ဏ၌ ကျင်းပ ပြုလုပ်ခဲ့တဲ့တရုတ်နှစ်သစ်ကူးပွဲတော်အထိမ်းအမှတ်ချစ်ကြည်ရေးဘက်စကက်ဘောပြိုင်ပွဲ ပိတ်ပွဲနှင့် တရုတ်နှစ်သစ်ကူးပွဲတော်အခမ်းအနားမှာ ဗိုလ်ချူပ်မှူးကြီးက အထက်ပါအတိုင်းပြောကြားခဲ့တာဖြစ်ပါတယ်။

အဲသလို ဗဟုဝင်ရိုးကိုပြောင်းလဲအောင်ဆောင်ရွက်ခြင်းဟာ မြန်မာနိုင်ငံလို ဖွံ့ဖြိုးဆဲနိုင်ငံတွေအတွက် အလွန်အကျိူး ဖြစ်ထွန်းမယ့်ကိစ္စဖြစ်တယ်လို့ နစက ဥက္ကဋ္ဌက ဆက်လက်ပြောဆိုခဲ့ပြီး  ရှန်ဟိုင်းပူးပေါင်းဆောင်ရွက်ရေးအဖွဲ့ (Shanghai Cooperation Organization)၌ မြန်မာနိုင်ငံ ကို ဆွေးနွေးဖက်နိုင်ငံအဖြစ် (Dialogue Patner) သတ်မှတ်ပေးခဲ့တဲ့အတွက်  တရုတ်နိုင်ငံကို အထူးပင်ကျေးဇူးတင်ရှိတယ်လို့လည်း သူကဆက်လက်ပြောဆိုပါတယ်။

တရုတ်နိုင်ငံအနေဖြင့် ၂၀၂၂ ခုနှစ်၊ ဩဂုတ်လ ၁၀ ရက်တွင် တရုတ်(တိုင်ပေ) နှင့်ပတ်သက်၍ တတိယအကြိမ် စက္ကူဖြူစာတမ်း ထုတ်ပြန်ခဲ့ပါကြောင်း၊ မြန်မာနိုင်ငံ အနေဖြင့် မည်သူတရားပျက်ပျက် ကိုယ်မပျက်စေနှင့် ဟူသည့်အတိုင်း အိမ်နီးချင်း ကောင်းပီသစွာ တရုတ်တစ်နိုင်ငံတည်း မူဝါဒ(One China Policy)ကို အစဉ်ထောက် ခံရပ်တည်လျက်ရှိတယ်လို့လည်း နစက ဥက္ကဋ္ဌကပြောပါတယ်။

အဲဒီအပြင် ဗိုလ်ချူပ်မှူးကြီးက “မြန်မာနိုင်ငံသည် တရုတ်ပြည်သူ့သမ္မတနိုင်ငံနှင့် တရုတ်လူမျိုးများ၊ တရုတ်နွယ် ဖွား မြန်မာနိုင်ငံသားများအတွက် မျက်နှာနှစ်ဖက် ဆက်ဆံရေးမျိုး မရှိသည့် ယုံကြည် စိတ်ချရသည့် အိမ်နီးချင်းနိုင်ငံတစ်ခု ဖြစ်ကြောင်းနှင့်၊တရုတ်နိုင်ငံသည်လည်း မြန်မာ နိုင်ငံအတွက် အရေးကြီးသည့် အိမ်နီးချင်းနိုင်ငံတစ်ခုဖြစ်သကဲ့သို့ ဘက်စုံမဟာဗျူဟာ မြောက် ပူးပေါင်းဆောင်ရွက်ရေး မိတ်ဖက်နိုင်ငံတစ်ခုလည်း ဖြစ်တယ်” လို့လည်း ထပ်လောင်း ပြောကြားတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက်ဗိုလ်ချူပ်မှူးကြီးက တရုတ်နှစ်သစ်ကူး ယုန်နှစ်အတွက် ဆုတောင်းစကားပြောကြားပေးခဲ့တယ်လို့လည်း သိရပါတယ်။

မြန်မာနိုင်ငံဆိုင်ရာတရုတ်ပြည်သူ့သမ္မတမြန်မာနိုင်ငံသံအမတ်ကြီး Mr. Chen Hai ကလည်း တရုတ်နှစ်သစ်ကူးပွဲတော်သို့ ယခုကဲ့သို့ နိုင်ငံ့အကြီးအကဲကိုယ်တိုင် တက်ရောက်သည်မှာ ပထမဦးဆုံးအကြိမ်ဖြစ်ပြီး တက် ရောက်ချီးမြှင့်ပေးခဲ့သည့်အတွက်  ကျေးဇူးအထူးတင်ရှိပါကြောင်း၊ နှစ်သစ်တွင် တရုတ်နိုင်ငံအနေဖြင့် မြန်မာနိုင်ငံနှင့်အတူ ဆွေမျိုးပေါက်ဖော်သံယောဇဉ်ကို ဆက်လက်လက်ဆင့်ကမ်းပြီး တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုကို စဉ်ဆက်မပြတ်ဖေါ်ဆောင်ကာ နှစ်နိုင်ငံချစ်ကြည်ရင်းနှီးမှု ရလဒ် များဖြင့် နှစ်နိုင်ငံပြည်သူများအတွက် အကျိုးကိုပိုမိုဖော်ဆောင်သွားမည်ဖြစ်ကြောင်း၊နှစ်နိုင်ငံဆက်ဆံရေးနှင့် ချစ်ကြည်ရင်းနှီးမှုများ ယခုထက်ပိုမိုတိုးတက်ခိုင်မြဲပြီး အဓွန့်ရှည်တည်တံ့ပါစေရန် ဆုမွန်ကောင်းတောင်းပါကြောင်းဖြင့် ပြောကြားခဲ့ပါတယ်။

အဲဒီနောက် နစက ဥက္ကဋ္ဌနှင့်ဇနီးအဖွဲ့ဝင်တွေဟာ အခမ်းအနားတက်ရောက်လာကြသူများတွေနှင့်အတူ တရုတ်ရိုးရာနှစ်သစ် ကူး အထိမ်းအမှတ်ဂုဏ်ပြုညစာကို အတူတကွသုံးဆောင်ခဲ့ကြတယ်လို့သိရှိရပါတယ် ။ ညစာစားပွဲအတွင်း ဘတ်စကက်ဘောပြိုင်ပွဲဆုပေးပွဲကိုပါ ထည့်သွင်းကျင်းပပေးခဲ့ပါတယ်။

ယခုနှစ် တရုတ်နှစ်သစ်ကူးပွဲတော်ကို ချစ်ကြည်ရေးဘတ်စကက်ဘောပြိုင်ပွဲပိတ်ပွဲနှင့်အတူ ရန်ကုန်မြို့တွင် ခမ်းနားစွာကျင်းပပေးခဲ့တာဖြစ်ပါတယ်။

-ymg/knl

#Myanmar

#China_Myanmar

#China_Lunar+_New Year_in_Myanmar

#Local_News
Published_ 21 January 2023

ရွှေတိဂုံစေတီတော်မှာ မြန်မာ့ရိုးရာထမနဲပွဲတော်နဲ့ထမနဲထိုးပြိုင်ပွဲပြန်လည်ကျင်းပဖို့ရှိပြီး ပွဲတော်ကာလမှာအလှူရှင်တွေနဲ့ ဘုရားဖူးပြည်သူတွေကို ထမနဲလက်ဆောင်တွေပေးသွားဖို့ရှိတယ်လို့ ဂေါပကအဖွဲ့ထံမှ သိရပါတယ်၊၊

#Yangon_Media_Group

#Local_News
Published_21 January 2023

၂၀၂၂-၂၀၂၃ ဘဏ္ဍာနှစ်ရဲ့ ဧပြီလ ၁ ရက်ကနေ ဇန်နဝါရီလ ၁၃ ရက်အထိကို မြန်မာ- ထိုင်းနယ်စပ်ကုန်သွယ်ရေးကနေ အမေရိကန်ဒေါ်လာ ၄ ဘီလီယံကျော်ရရှိထားတယ်လို့ စီးပွားရေးနှင့်ကူးသန်းရောင်းဝယ်ရေးကြီးဌာနရဲ့ ထုတ်ပြန်ထားတဲ့ စာရင်းများအရ သိရပါတယ်။

#Yangon_Media_Group

#Asia_News
Published 21 January 2023

တရုတ်သမ္မတ'ရှီကျင့်ဖင်'က တရုတ်နှစ်သစ်ကူးမတိုင်မီမှာ လက်နက်ကိုင်တပ်များကို ရုပ်သံမှကြည့်ရှုစစ်ဆေးစဉ် နိုင်ငံတော်လုံခြုံရေးနဲ့ တည်ငြိမ်ရေးတို့ကိုကာကွယ်ရန် တိုက်ပွဲဝင်အသင့်ပြင်ဆင်ထားဖို့ ဗုဒ္ဓဟူးနေ့က တိုက်တွန်းပြောကြား လိုက်ပါတယ်။

#Yangon_Media_Group

#Health_Matters
Published - 21 Jan 2023

- ရေရှည်မှာ ပြည်သူ့ကျန်းမာရေးကို နိုင်ငံရေးအသုံးချအဖြစ်အစဉ်အလာတစ်ခုဖြစ်သွားရင် ဘာတွေဆက်ဖြစ်မလဲ။ ပိုပြီးစိုးရိမ်စရာကောင်းလာမလား??

#Yangon_Media_Group

#Local_News
Published_21 January 2023

ဒီဘဏ္ဍာနှစ်အတွင်းမှာ ပြည်ပကိုပဲမျိုးစုံတင်ပို့မှုကနေ အမေရိကန်ဒေါ်လာ ၁ ဘီလီယံကျော်ရရှိထားတယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနကနေ သိရပါတယ်။

#Yangon_Media_Group

#Health_Matters
Published - 21 Jan 2023

- ကပ်ရောဂါတိုက်ဖျက်နှိမ်နှင်းမှု ထိရောက်သင့်သလောက် မထိရောက်ရတာ ကိုဗစ်ကပ်ရောဂါကို နိုင်ငံရေးထဲဆွဲထည့်နေကြတာနှင့်ဆိုင်မလား??

#Yangon_Media_Group