#LocalNews Published_ 12 March 2023 ပုဂံဒေသသို့ ပြည်ပခရီးသည်ဝင်ရောက်မှု နည်းပါးနေ၍ ပူးပေါင်းဆောင်ရွက်မှုပြုလုပ်ရန် ပြည်ထောင်စုဝန်ကြီး ဦးအောင်သော် က မတ်လ ၁၁ ရက် တွင် ပုဂံမြို့ရှိ ဌာနဆိုင်ရာတာဝန်ရှိသူများ၊ ဟိုတယ်နှင့်ခရီးသွားဆိုင်ရာ အသင်းအဖွဲ့များမှ တာဝန်ရှိသူများနှင့် လုပ်ငန်းရှင်များအား Aureum Palace Hotel and Resort ၌ တွေ့ဆုံတွင် ပြောကြားလိုက်သည်။ ပုဂံဒေသသို့ ပြည်တွင်းခရီးသည်ဝင်ရောက်မှုသည် ယခင် အများဆုံးဝင်ရောက်ခဲ့သည့်ကာလများထက် ကျော်လွန်သွားပြီဖြစ်သော်လည်း ပြည်ပခရီးသည်ဝင်ရောက်မှုမှာ နည်းပါးလျက်ရှိသဖြင့် ပိုမိုတိုးတက်ဝင်ရောက်လာအောင် အားလုံးဝိုင်းဝန်းပူးပေါင်း ဆောင်ရွက်ကြရမည်ဖြစ်ကြောင်း၊ ခရီးသည်ဝင်ရောက်မှု တိုးတက်လာသည်နှင့်ဟိုတယ်နှင့် ခရီးသွားလုပ်ငန်းသာမက အခြားဆက်စပ်လုပ်ငန်းများပါ ဖွံ့ဖြိုးတိုးတက်လာမည်ဖြစ်ကြောင်း ယင်းက ဆိုသည်။ ၎င်းအပြင် ပုဂံဒေသ၏ ယဉ်ကျေးမှုဆိုင်ရာအမွေအနှစ်များ မပျက်စီးစေရန် ထိန်းသိမ်းစောင့်ရှောက်ရေး ၊ ဟိုတယ်နှင့်ခရီးသွားလာရေးဝန်ကြီးဌာနအနေဖြင့် စည်းမျဉ်းစည်းကမ်း ဥပဒေလုပ်ထုံးလုပ်နည်းများနှင့်အညီ ထိခိုက်နစ်နာမှုမရှိစေရန် ပံ့ပိုးကူညီဆောင်ရွက်ပေးသွားမည်ဖြစ်ကြောင်းနှင့် လုပ်ငန်းရှင်များ၊ဒေသခံများအားလုံး ပူးပေါင်းဆောင်ရွက်မှသာ ပိုမိုတိုးတက်အောင်မြင်သော ခရီးသွားလုပ်ငန်းဖြစ်လာနိုင်မည်ဖြစ်ကြောင်း ပြောကြားခဲ့သည်။ ymg/mt #Yangon_Media_Group

#LocalNews Published - 12 Mar 2023 မြန်မာနိုင်ငံတွင် ယခုသင်ကြားနေသည့် ဆေးပညာသင်ရိုးညွှန်းတမ်းကို နိုင်ငံတကာအဆင့်မီဖြစ်စေရန် မျှော်မှန်းရလဒ်အခြေခံသည့် စုစည်းချိတ်ဆက်သင်ကြားခြင်းစနစ်အဖြစ်ပြောင်းလဲ သင်ကြားလျက်ရှိပြီး ကျန်းမာရေးပညာရှင်များအကြား ယှဉ်တွဲလေ့လာသင်ယူမှု (Inter-Professional Education)နှင့် လက်တွေ့ပူးပေါင်းဆောင်ရွက်တတ်စေရေးတို့ကိုပါ ထည့်သွင်းသင်ကြားပေးလျက်ရှိကြောင်း ကျန်းမာရေးဝန်ကြီးဌာနကို ကိုးကား၍ နစက ဥက္ကဌက ပြောကြားလိုက်သည်။ မတ်လ ၁၁ ရက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (MICC-II) ၌ ကျင်းပသော မြန်မာနိုင်ငံကျန်းမာရေးပညာရပ်ဆိုင်ရာ နှီးနှောဖလှယ်ပွဲ(၂၀၂၃) ဖွင့်ပွဲအခမ်းအနားအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် က အထက်ပါအတိုင်း ပြောသည်။ ယင်းအပြင် ဆေးနှင့်ဆေးပညာနှီးနွှယ်တက္ကသိုလ် (၁၆)ခု၊ သူနာပြုနှင့်သားဖွားသင်တန်းကျောင်း(၅၃)ကျောင်းတို့ကိုဖွင့်လှစ်ပြီး သင်ရိုးညွှန်းတမ်းများကို လိုအပ်ချက်နှင့်အညီပြုပြင်ပြောင်းလဲ၍ သင်ကြားပေးနေကြောင်း၊ယခုအခါ ပြည်သူ့ဆေးရုံများကို မွမ်းမံပြင်ဆင်ခြင်း၊ အသစ်တိုးချဲ့တည်ဆောက်ခြင်းနှင့် အဆင့်မီဆေးကုသမှုများ ခံယူနိုင်စေရန်ဆေးဝါးများ၊ ခေတ်မီဆေးပစ္စည်းကိရိယာများ စဉ်ဆက်မပြတ်ဖြည့်ဆည်းပေးခြင်းတို့ကိုလည်း ဘတ်ဂျက်များတိုးမြှင့်လျာထားဆောင်ရွက်ပေးလျက်ရှိပြီး ကျန်းမာရေးဝန်ထမ်းများ အဆင်ပြေချောမွေ့စွာ တာဝန်ထမ်းဆောင်နိုင်ရေးအတွက် ဝန်ထမ်းအိမ်ရာများ တိုးချဲ့ဆောက်လုပ်ပေးနေသည့်အပြင် ချီးမြှင့်ငွေနှင့်စရိတ်မျိုးစုံကို ခံစားခွင့်ရရှိစေရန်ကိုလည်းဆောင်ရွက်ပေးလျက်ရှိကြောင်း ၎င်းက ဆိုသည်။ ဆေးတက္ကသိုလ်များနှင့် သွားဘက်ဆိုင်ရာဆေးတက္ကသိုလ်များကို တက်ရောက်ရန် ဝင်ခွင့်ရွေးချယ်ရာတွင်လည်း ဆေးပညာရပ်ကိုအမှန်တကယ်စိတ်ဝင်စားသူများ၊ ဆေးပညာကျင့်ဝတ်လိုက်နာစောင့်ထိန်းမည့်သူများ၊ ကျန်းမာရေးနယ်ပယ်တွင် တာဝန်ထမ်းဆောင်လိုသူများ၊ မေတ္တာစေတနာနှင့် ကျန်းမာရေးစောင့်ရှောက်ပေးလိုသူများကိုသာ ရွေးချယ်ပြုစုပျိုးထောင်နိုင်ရေးအတွက် တက္ကသိုလ်ဝင်တန်းအောင်မြင်သူများအား စနစ်တကျစိစစ်ရွေးချယ်ပြီး ဝင်ခွင့်ပြုသည့် စနစ်သစ်ကို ၂၀၂၂ ခုနှစ် ပညာသင်နှစ်မှ စတင်ကျင့်သုံးလျက်ရှိကြောင်း သိရသည်။ မြန်မာနိုင်ငံ ကျန်းမာရေးပညာရပ်ဆိုင်ရာ နှီးနှောဖလှယ်ပွဲ(၂၀၂၃)တွင် ကျန်းမာရေးဝန်ကြီးဌာန၌ တာဝန်ထမ်းဆောင်လျက်ရှိသော ကျန်းမာရေးနှင့်သက်ဆိုင်သည့် နယ်ပယ်အသီးသီးမှ ဆေးနှင့်ဆေးနှီးနွှယ်ပညာရှင်များ၊ ကာကွယ်ရေးဦးစီးချုပ်ရုံး (ကြည်း) ဆေးဝန်ထမ်းညွှန်ကြားရေးမှူးရုံးအောက်ရှိ တပ်မတော်ဆေးဝန်ထမ်းတပ်ဖွဲ့မှဆေးပညာရှင်များ၊ အငြိမ်းစားကျန်းမာရေးပညာရှင်များ၊ အငြိမ်းစားတပ်မတော်ဆေးဝန်ထမ်းတပ်ဖွဲ့ဝင်များ၊ ပြင်ပဆရာဝန်များသာမက အာရှနှင့် အရှေ့တောင်အာရှဒေသတွင်းမှ ဆေးပညာရှင်များတက်ရောက်ဟောပြော ဆွေးနွေးကြမည်ဖြစ်ကြောင်းသိရသည်။ ymg/mt #Yangon_Media_Group

#Local_News Published_ 12 March 2023 ၂၀၂၂-၂၀၂၃ ဘဏ္ဍာနှစ်တွင် ပင်လယ်ရေကြောင်းမှ အများဆုံးကုန်သွယ်မှုပြုလုပ်ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့်စာရင်းများအရ သိရသည်။ မြန်မာနိုင်ငံမှ ပြည်ပနိုင်ငံတွေကို ပင်လယ်ရေကြောင်းကနေတဆင့် အပြန်အလှန်ကုန်သွယ်မှုမှ ယခုဘဏ္ဍာရေးနှစ် ၁၀ လတာကာလအတွင်း ကုန်သွယ်မှုပမာဏငွေမှာ အမေရိကန်ဒေါ်လာ ၂၃ ဒသမ ၁၄ ဘီလီယံ ရရှိထားပြီး ကာလတူ ပြီးခဲ့သည့် ဘဏ္ဍာရေးနှစ်နှင့် နှိုင်းယှဉ်ပါက အမေရိကန်ဒေါ်လာ ၃ ဒသမ ၃၇ ဘီလီယံပိုမိုရရှိထားကြောင်း စာရင်းများအရ သိရသည်။ ဝန်ကြီးဌာနက ထုတ်ပြန်ထားသည့် ကိန်းဂဏန်းအချက်အလက်တွေအရ ၂၀၂၂ ခုနှစ် ဧပြီ မှ ၂၀၂၃ ခုနှစ် ဖေဖော်ဝါရီ ၂၄ ရက်အထိ လပေါင်း ၁၀ လတာ ကာလအတွင်းမှာ မြန်မာနိုင်ငံအနေဖြင့် ပင်လယ်ရေကြောင်းကတဆင့် ပို့ကုန်တင်ပို့မှု ပမာဏသည် အမေရိကန်ဒေါ်လာ ၉ ဒသမ ၆၂ ဘီလီယံ ရရှိခဲ့သည့်အတွက် ပြီးခဲ့တဲ့နှစ် ကာလတူနှင့်နှိုင်းယှဉ်ပါက ၇ ဒသမ ၈ ရာခိုင်နှုန်း တိုးလာခြင်းဖြစ်သည်။ အလားတူ ပင်လယ်ရေကြောင်းကတဆင့် သွင်းကုန် တင်သွင်းမှုပမာဏသည်လည်း အမေရိကန်ဒေါ်လာ ၁၃ ဒသမ ၅၂ ဘီလီယံရရှိထားပြီး ကာလတူ အခြေအနေနှင့်ယှဉ်ပါက ၂၆ ရာခိုင်နှုန်း တိုးလာသည်။ လက်ရှိဘဏ္ဍာရေးနှစ် ၁၀ လတာ ကာလအတွင်း ပင်လယ်ရေကြောင်းကတဆင့် မြန်မာနှင့် ပြည်ပနိုင်ငံတွေအကြား အပြန်အလှန်ကုန်သွယ်မှုကို ယခင်နှစ်နှင့်နှိုင်းယှဉ်ပါက ၃၃ ဒသမ ၈ ရာခိုင်နှုန်းတိုးလာကြောင်း စာရင်းများအရ သိရသည်။ ၂၀၂၂-၂၃ ဘဏ္ဍာရေးနှစ် ၁၀လတာ ကာလအတွင်းမှာ ပင်လယ်ရေကြောင်း အပါအဝင် နယ်စပ်လမ်းကြောင်းတို့ကတဆင့် မြန်မာနှင့် ပြည်ပနိုင်ငံတွေအကြား အပြန်အလှန်ကုန်သွယ်မှုသည် အမေရိကန်ဒေါ်လာ ၃၀ ဒသမ ၇၉ ဘီလီယံ ရရှိထားသည့်အနက် နယ်စပ်ကုန်သွယ်မှုသည် အမေရိကန်ဒေါ်လာ ၇ ဒသမ ၆၄ ဘီလီယံ ရရှိထားသည်။ ymg/ppk #Yangon_Media_Group

#LocalNews Published_ 12 March 2023 ရန်ကုန်တိုင်းဒေသကြီး ဒဂုံမြို့သစ်(တောင်ပိုင်း)မြို့နယ် လေးထောင့်ကန်ကျေးရွာအနီး မြေဧရိယာ ၁၇၁ ဧကပေါ်၌ တည်ဆောက်လျက်ရှိသော ပြည်သူ့အငှားအိမ်ရာစီမံကိန်းပထမအဆင့်အပိုင်း တည်ဆောက်ရေးလုပ်ငန်းများ လာမည့်ဘဏ္ဍာနှစ်တွင် ရာနှုန်းပြည့်ပြီးစီးမည်ဖြစ်ကြောင်း ဆောက်လုပ်ရေးဝန်ကြီးဌာနက သိရသည်။ အဆိုပါ ပြည်သူ့အငှားအိမ်ရာ စီမံကိန်းကို နိုင်ငံတော်အစိုးရဘဏ္ဍာငွေဖြင့် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်(MCEF)က အဆောက်အအုံ ၉၇ လုံးနှင့် မြန်မာနိုင်ငံလိုင်စင်ရ ကန်ထရိုက်တာများအသင်းချုပ် (MLCA)က အဆောက်အအုံ ၉၇ လုံးဖြင့် စုစုပေါင်း အဆောက်အအုံ ၁၉၄ လုံးကို ဆောက်လုပ်နေခြင်းဖြစ်ပြီး အဆင့်မြင့်အိမ်ခန်းပေါင်း ၃၁၀၄ ခန်းပါဝင် မည်ဖြစ်ကြောင်း သိရသည်။ ယင်းကို တိုင်းဒေသကြီးအတွင်းရှိ အိမ်ရာမဝယ်ယူနိုင်သေးသည့် ဝင်ငွေနည်းပြည်သူများ၊ အငြိမ်းစား ဝန်ထမ်းများ၊ အငြိမ်းစားယူရန် နီးကပ်နေသည့် ဝန်ထမ်းများ၊ ဝင်ငွေနည်း ကုမ္ပဏီဝန်ထမ်းများနေထိုင်ရေး အဆင်ပြေစေရန် ရည်ရွယ်၍ တည်ဆောက်နေခြင်း ဖြစ်ကြောင်း၊လက်ရှိတွင် မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်(MCEF)က တာဝန်ယူထားသည့် အဆောက်အအုံ ၉၇ လုံး အနက် ၂၇ လုံးကို မြို့ပြနှင့်အိမ်ရာဖွံ့ဖြိုးရေးဦးစီးဌာနကို အပ်နှံပြီးဖြစ်ကြောင်း၊ကျန်အဆောက်အအုံများကိုလည်း ဆက်လက် တည်ဆောက်နေကြောင်း၊စီမံကိန်းအတွင်းလမ်း၊ အုတ်ရေမြောင်း၊ Box Culvert နှင့် ရေသန့်လုပ်ငန်းဆောင်ရွက်ပြီးစီးမှု ၉၃ ရာခိုင်နှုန်း ဆောင်ရွက်ပြီးစီးနေပြီဖြစ်ကြောင်း သိရသည်။ အိမ်ရာစီမံကိန်း ပြီးစီးပါကရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေးကော်မတီ(YRTC)အနေဖြင့် သယ်ယူပို့ဆောင်ရေးလုပ်ငန်းများ ဆောင်ရွက်သွားမည် ဖြစ်ကြောင်း၊လျှပ်စစ်လုပ်ငန်းအတွက် ဓာတ်အားခွဲရုံ တည်ဆောက်ရေးလုပ်ငန်းများ လုပ်ဆောင်နေပြီဖြစ်ကြောင်းလည်း သိရသည်။ ymg/mt #Yangon_Media_Group '

#LocalNews Published_ 12 March 2023 ပြည်ပသို့သယ်ဆောင်မည့် ငွေကျပ် ၃၀ ဘီလီယံတန်ဖိုးရှိ အိုက်စ် (မက်သ်အဖက် တမင်း) များကို မန္တလေးတိုင်းဒေသကြီး သာစည်မြို့နယ်တွင်ဖမ်းမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။ ပြီးခဲ့သည့် မတ်လ ၄ ရက်က ရှမ်းပြည်နယ် (မြောက်ပိုင်း)မှ ရန်ကုန်တိုင်းဒေသကြီးသို့ ဆီဘောက်ဆာယာဉ်ဖြင့် အိုက်စ်(မက်သ်အဖက်တမင်း)များ ကို သယ်ဆောင်မည်ဖြစ်ကြောင်း သတင်းရရှိသောကြောင့် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့ က မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံရှာဖွေစစ်ဆေးရေးစခန်းတွင် စောင့်ဆိုင်းရှာဖွေခဲ့ကြခြင်း ဖြစ်ကြောင်း သိရသည်။ အဆိုပါ မူးယစ်ဆေးများကို သိန်းဝင်းဆွေ(ခ)မဲကြီး မောင်းနှင်ကာ ကျော်ခိုင်ထွေး လိုက်ပါလာသည့်သတင်းရရှိထားသော ဆီဘောက်ဆာရှစ်ဘီးယာဉ်၏ ကိုယ်ထည်အတွင်း သိုဝှက်သယ်ဆောင်လာခြင်း ဖြစ်ကြောင်း၊စစ်ဆေးဖော်ထုတ်ချက်အရ ဖမ်းဆီးရမိ အိုက်စ်(မက်သ်အဖက်တမင်း)များ သယ်ဆောင်ရာတွင် ပူးပေါင်းပါဝင်သူ ကိုဘုန်း (ခ) ဘုန်းနိုင်ဝင်းအား မတ်လ ၅ ရက်တွင် တောင်ကြီးမြို့၊ ကျောင်းကြီးစုရပ်ကွက်၊ နယ်မြေ(၁၂)၊ နေအိမ်၌ FORD ယာဉ် ၁ စီးနှင့်အတူ ဆက်လက် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့က သိရသည်။ ဖမ်းဆီးရမိခဲ့သည့် အိုက်စ် (မက်သ်အဖက်တမင်း)များမှာ လက်ဖက်ခြောက်အိတ်ခွံအမျိုးမျိုးဖြင့် ထုပ်ပိုးထားခြင်း၊ လက်ဖက်ခြောက်အိတ်ထုပ်ပိုးခွံ အမှတ်တံဆိပ်အသစ်ဖြင့် ထုပ်ပိုးထားခြင်းများပြုလုပ်ထား ကြောင်း၊၎င်း အိုက်စ်(မက်သ်အဖက်တမင်း)များမှာ ရန်ကုန်တိုင်းဒေသကြီးမှတစ်ဆင့် ပင်လယ်ရေကြောင်းအသုံးပြု၍ ပြည်ပသို့ ဆက်လက်သယ်ဆောင်မည့် အိုက်စ်(မက်သ်အဖက်တမင်း)များဖြစ်ကြောင်း၊ယခုအခါ ၎င်းတို့အား ဥပဒေအရ အရေးယူထားရှိပြီး ကွင်းဆက် ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိကြောင်း သိရသည်။ ymg/mt #Yangon_Media_Group

Published 11 March 2023 ၉၅ ကြိမ်မြောက် အော်စကာ အကယ်ဒမီဆုပေးပွဲကို ကျင်းပတော့မှာဖြစ်တဲ့အတွက် ကြိုတင်ပြင်ဆင်တဲ့အနေနှင့် အော်စကာရုပ်တုကြီးတွေကို ရွှေရောင် အရောင်တင်ဆေးတွေကို ချယ်သပေးနေပါတယ်။ အော်စကာဆုပေးပွဲကို ဒေသစံတော်ချိန် မတ်၁၂ ရက်နေ့ တနင်္ဂနွေနေ့မှာ လော့အင်ဂျလိက ဒိုလ်ဘီဇာတ်ရုံကြီးမှာ ကျင်းပပေးမှာဖြစ်ပါတယ်။ ပွဲစချိန်ဟာ ည၈နာရီ EDT ဖြစ်ပြီး ABC ရုပ်သံက တိုက်ရိုက်ထုတ်လွှင့်ပေးပါမယ်။ အဲဒီအပြင် Hulu Live TV, YouTubeTV, AT&T TV နှင့် Fubo TV တို့ကို လပေးဝယ်ထားသူတွေလည်း ကြည့်ရှုနိုင်ကြပါမယ်။ ဂျင်မီကင်မဲလ်က အစီအစဉ်မှူးအဖြစ် တတိယအကြိမ်မြောက် တင်ဆက်ပေးမှာဖြစ်ပါတယ်။ “All Quiet on the Western Front,” “Avatar: The Way of Water,” “The Banshees of Inisherin,” “Elvis,” “Everything Everywhere All at Once,” “The Fabelmans,” “Tár,” “Top Gun: Maverick,” “Triangle of Sadness,” “Women Talking.”ဇာတ်ကားတွေဟာ အကောင်ဆုံးဇာတ်ကားဆန်ကာတင်ဝင်ထားကြပါတယ်။ Source: AFP/AP #Oscar #YangonMediaGroup #၉၅ကြိမ်မြောက်အော်စကာဆုပေးပွဲ

Published 11 March 2023 အင်ဒိုနီးရှားနိုင်ငံက မာရပီ မီးတောင်ဟာ မတ်၁၁ရက် စနေနေ့ မွန်းတည့်ချိန်ခန့်က စတင်ပေါက်ကွဲခဲ့ရာ မီးခိုးလုံးတွေဟာ ၇ ကီလိုမီတာ (၄.၃၅ မိုင်) အမြင့်အထိပျံ့တက်ခဲ့ပါတယ်။ မာရပီမီးတောင်ဟာ အင်ဒိုနီးရှားရဲ့ ယိုးဂျာကာတာ အထူးအုပ်ချုပ်ခွင့်ရေဒေသမှာတည်ရှိပြီး ချော်ရည်တွေဟာ ၁.၅ ကီလိုမီတာ (၀.၉၃မိုင်)အထိစီးဆင်းခဲ့တယ်လို့ ဒေသအာဏာပိုင်တွေက မျက်မြင်ပြောကြပါတယ်။ အမြင့်ပေ ၉၇၂၁ ရှိတဲ့ မာရပီမီးတောင်ဟာ အင်ဒိုနီးရှားရဲ့ အသက်ဝင်ဆုံးမီးတောင်တွေထဲက တစ်ခုဖြစ်ပြီး ယခုမီးတောင်ပေါက်ကွဲမှုဟာ ဒုတိယအမြင့်ဆုံးအဆင့်တပ်လှန့်ထားပါတယ်။ မီးတောင်ဗဟိုနှင့် အချင်းဝက် ၃ ကီလိုမီတာနှင့် ၇ ကီလိုမီတာအကြားကို အန္တရာယ်ဇုန်လို့သတ်မှတ်ပေးထားပြီး အဲဒီနေရာမှာနေထိုင်ကြတဲ့ဒေသခံတွေကို အထူးသတိပေးချက်ထုတ်ပြန်ပေးထားပါတယ်။ Source AFP #Merapi-မာရပီမီးတောင် #အင်ဒိုနီးရှားမီးတောင်ပေါက်ကွဲ #YangonMediaGroup

#World_Health
Published 2 March 2023

 

စားသောက်ချိန်မှာ မစားဘဲနေခြင်းက ခန္ဓာကိုယ်လုပ်ဆောင်ချက်တွေကို ထိခိုက်စေကြောင်း အရင်ကသိထားကြသလို မစားမသောက်ဘဲ အချိန်ကြာမြင့်စွာနေခြင်းကလည်း နှလုံးသွေးကြောရောဂါများနဲ့ ကင်ဆာဖြစ်နိုင်ချေများကြောင်း သုတေသီများတွေ့ရှိထားပါတယ်။

 

မကြာမီကလေ့လာချက်တစ်ခုမှာလည်း မနက်စာမစားခြင်းက ထင်ထားတာထက်ပိုပြီး ဘေးဥပါဒ်ဖြစ်စေနိုင်ကြောင်း အစ်ကန်ဆေးတက္ကသိုလ်နဲ့ ဟားဗတ်ဒ်ဆေးတက္ကသိုလ်တို့မှ သုတေသီများက ဖော်ပြခဲ့ကြပါတယ်။

 

သုတေသီတွေက ကြွက်တွေနဲ့စမ်းသပ်ခဲ့ကြရာ အစာမစားခြင်းက ဦးနှောက်မှာဘယ်လိုတုန့်ပြန်ဖြစ်ပေါ်စေလဲဆိုတာကို တွေ့ရှိခဲ့ကြပါတယ်။

 

တစ်နေ့တာရဲ့ နံနက်စာကို မစားဘူးဆိုရင် ကိုယ်ခံအားစနစ်ကိုထိခိုက်စေပြီး ခန္ဓာကိုယ်ကနေ ရောဂါကူးစက်မှုတွေကို တိုက်ထုတ်ဖို့ခက်ခဲတတ်ပါတယ်။

 

အချိန် ၄ နာရီကြာ ဒါမှမဟုတ် ၂၄ နာရီကြာ အစာမစားခြင်းက ကိုယ်ခံအားစနစ်ကို ဘယ်လိုထိခိုက်စေလဲဆိုတာကို ပိုမိုသိရှိနိုင်ရန် လေ့လာခဲ့ကြတာဖြစ်ပါတယ်။

 

ကြွက်တွေကို အဖွဲ့ ၂ ဖွဲ့ခွဲပြီး တစ်ဖွဲ့က အိပ်ရာနိုးတာနဲ့ မနက်စာစားစေကာ ကျန်တစ်ဖွဲ့ကတော့ မနက်စာမစားခိုင်းပါဘူး။

 

မနက်နိုးတဲ့အချိန်၊ နောက်ထပ် ၄ နာရီကြာတဲ့အချိန်၊ ၈ နာရီကြာတဲ့အချိန် အသီးသီးတို့မှာ ကြွက်တွေဆီကနေ သွေးနမူနာများရယူခဲ့ပါတယ်။

 

အစာမစားစေတဲ့အဖွဲ့ဟာ သွေးဖြူဥတည်ရှိမှုမှာ သိသိသာသာကွဲပြားနေတာကို တွေ့ရှိခဲ့ကြပါတယ်။

 

သွေးဖြူဥတွေကို ရိုးတွင်းခြင်ဆီထဲမှာ ထုတ်လုပ်ပြီး ခန္ဓာကိုယ်အနှံ့လည်ပတ်ကာ ရောဂါတွေကို ကူညီတိုက်ထုတ်ပေးပါတယ်။

 

အစာမစားရတဲ့ကြွက်တွေရဲ့ သွေးကြောတွေထဲမှာ ထိုဆဲလ်တွေ ၉၀ ရာခိုင်နှုန်းထိ ပျောက်ဆုံးနေတာကို တွေ့ခဲ့ကြပါတယ်။

 

၂၄ နာရီကြာတဲ့အထိ မစားဘဲနေစေခိုင်းရာ ဆဲလ်တွေက သွေးကြောတွေထဲ ပြန်ဝင်သွားတဲ့အချိန်မှာ ရောင်ရမ်းလာပြီး ရောဂါကူးစက်မှုကို ကာကွယ်ဖို့ခက်ခဲလာပါတယ်။

 

အချိန်အတိုင်းအတာတစ်ခုအထိ အစာမစားဘဲ ကျင့်ကြံနေထိုင်ခြင်းက ကျန်းမာစေတယ်ဆိုပေမယ့် ဘေးအန္တရာယ်တွေရှိလာနိုင်တာကိုလည်း သတိပြုသင့်ကြောင်း နှလုံးသွေးကြောသုတေသနတက္ကသိုလ်မှ ညွှန်ကြားရေးမှူး'ဖလစ်ဆွာစကီ'က ပြောကြားခဲ့ပါတယ်။

 

"ထိုဆဲလ်တွေက အခြားရောဂါတွေအတွက် အလွန်အရေးကြီးပြီး သူတို့လုပ်ဆောင်ချက်တွေ ဘယ်လိုထိန်းချုပ်လဲဆိုတာကို သိရဖို့ကလည်း အလွန်အရေးကြီးပါတယ်" လို့ ပြောပြပါတယ်။

 

အစာမရှိတဲ့အချိန်မှာ ဦးနှောက်ရဲ့အချို့အစိတ်အပိုင်းတွေက သွေးဖြူဥတွေနဲ့ သူတို့ရဲ့တုန့်ပြန်မှုတွေကို တိုက်ရိုက်ထိန်းချုပ်နေကြောင်း တွေ့ခဲ့ကြပါတယ်။

 

အစာမရှိခြင်းကြောင့် ဦးနှောက်မှာ စိတ်ဖိစီးမှုကို လှုံ့ဆော်ကာ ဆာလောင်စိတ်နဲ့ ဒေါသစိတ်တို့ကို ဖြစ်ပေါ်စေပါတယ်။

 

#Source: The Jerusalem Post #World_Health #မနက်စာမစားဘဲ
#breakfast #food #ကိုယ်ခံအားစနစ်ကို #မနက်စာမစားဘဲ #ထိခိုက်စေနိုင် #YMG #Yangon_Media_Group

#World_Health
Published 2 March 2023

 

အမေရိကန် ဖလော်ရီဒါမှ အသက် ၂၁ နှစ်အရွယ်'မိုက်ကယ်ခရမ်ဟော့ဇ်'ဟာ မျက်ကပ်မှန်တပ်လျက် အိပ်ပျော်သွားမိတာကြောင့် မျက်လုံးတစ်ဖက် ဆုံးရှုံးခဲ့ရပါတယ်။

 

မိုက်ကယ်ဟာ မကြာခဏဆိုသလို မျက်ကပ်မှန်ဝတ်ပြီး အိပ်ပျော်လေ့ရှိကာ အရင်ကလည်း မျက်လုံးရောဂါပိုးဝင်ခြင်းမျိုး ကြုံတွေ့ဖူးပေမယ့် အခုတစ်ကြိမ်မှာတော့ အတော်လေးဆိုးရွားခဲ့ပါတယ်။

 

တဖြည်းဖြည်းနဲ့ ညာဘက်မျက်လုံးမှာ အလွန်ရှားပါးတဲ့ အသားစားကပ်ပါးပိုးရှိနေကြောင်း တွေ့ရှိခဲ့ရပါတယ်။

 

ဒီကပ်ပါးပိုးရောဂါ တိုက်ဖျက်ရန် ဒေါ်လာ ၁ သောင်း ရန်ပုံငွေရှာဖွေဖို့ ထောင်ထားတဲ့ GoFundMe page မှာ ဖော်ပြခဲ့ကာ မျက်ကပ်မှန်တပ်ဆင်သူတွေအနေနဲ့ မအိပ်ခင်မှာ မျက်ကပ်မှန်ချွတ်အိပ်ဖို့ အသိပညာပေးလိုက်ပါတယ်။

 

မျက်ကပ်မှန်တွေကို ညဘက်အထိ တပ်ဆင်နိုင်ကြောင်း FDA က အသိအမှတ်ပြုထားပေမယ့် မျက်ကပ်မှန်တပ်ပြီးအိပ်ရင်တော့ ရောဂါပိုးဝင်ရောက်ကူးစက်နိုင်တယ်လို့ အကြံပြုထားပါတယ်။

 

"မျက်လုံးရှေ့မှာရှိတဲ့ မျက်ကြည်လွှာလေးမှာ မျက်ကပ်မှန်က အဓိကသက်ရောက်နေပါတယ်၊ ကြည်လင်ပါးလွှာတာကြောင့် သူ့မှာ သွေးကြောတွေမရှိဘဲ လေထဲကအောက်ဆီဂျင်ကို ရယူရပါတယ်၊ မျက်လုံးပိတ်လိုက်တဲ့အခါ မျက်ကြည်လွှာဟာ အောက်ဆီဂျင်အလုံအလောက် မရတဲ့အပြင် မျက်ကပ်မှန်တပ်ထားတဲ့အခါ ပိုဆိုးရွားစေပါတယ်" လို့ အာတီမစ်ဆေးရုံ စက္ခုဗေဒနှင့်အင်္ဂါအစားထိုးဌာနမှ အကြီးအကဲဖြစ်သူ ဒေါက်တာ'စမီယာကော်ရှယ်'က ပြောပြခဲ့ပါတယ်။

 

ဒါ့အပြင် မျက်ကပ်မှန်တပ်ပြီး အိပ်ပျော်သွားရင် အနာလည်း ဖြစ်နိုင်ချေများလာပါတယ်။

 

"ဒီလိုမလုပ်ဖို့ လုံးဝလိုက်နာရပါမယ်၊ ဒါကြောင့်မို့လို့ အိပ်မယ်ဆိုရင် မျက်ကပ်မှန်တွေဖြုတ်ထားဖို့၊ အချိန်ရရင်ရသလို ဆေးပေးဖို့၊ မျက်ကြည်လွှာကူးစက်မှုမဖြစ်အောင် ဆေးရည်ထဲမှာထားဖို့ တိုက်တွန်းနေရတာဖြစ်ပါတယ်" လို့ ဒေါက်တာက ဆိုပါတယ်။

 

မျက်ကပ်မှန်တပ်ထားပြီး အိပ်ပျော်သွားရင် မျက်တောင်မခတ်တာကြောင့် မျက်ကြည်လွှာကို မျက်ရည်မရောက်တော့ပါဘူး။

 

ထိုအခါ မျက်ကပ်မှန်အောက်မှာ မျက်ရည်နည်းပါးသွားပြီး မျက်ကြည်လွှာပေါ်မှာ ရောဂါပိုးတွေ၊ ဖုန်မှုန့်တွေ၊ အဆိပ်အတောက်တွေ စုပြုံလာနိုင်ပါတယ်။

 

acanthamoeba လိုမျိုး ကပ်ပါးပိုးတွေဟာ ရေပိုက်ခေါင်းကလာတဲ့ရေကနေ မျက်လုံးကိုကူးစက်သွားတတ်ပါတယ်။

 

အဖြစ်ရှားပါးပေမယ့် မျက်ကပ်မှန်တပ်ပြီး အိပ်ပျော်တဲ့အခါမှသာ ဖြစ်တတ်တာပါ။

 

#Source: India Today #World_Health #မျက်ကပ်မှန်မချွတ်ဘဲ
#အိပ်ပျော်လေ့ရှိသည့် #လူရွယ်တစ်ဦး #YMG #Yangon_Media_Group

 

#Local_News
Published_ 1 March 2023

ကရင်ပြည်နယ်မြဝတီမြို့နယ်မှာ ပြီးခဲ့တဲ့ ၂၀၂၂ခုနှစ်အောက်တိုဘာလလောက်လကစပြီး လျှပ်စစ်မီးပြတ်တောက်နေတာဖြစ်တယ်လို့ ဒေသခံတွေက ပြောပါတယ်။ အစိုးရလျှပ်စစ်မီးမရရှိတဲ့အတွက် ဆိုလာပြားတွေ၊ မီးစက်တွေကိုအသုံးပြုနေရတာကြောင့် ကုန်ကျစရိတ်မြင့်မားလာပြီး အခြေခံကုန်ဈေးနှုန်းတွေလည်းမြင့်တက်လာတယ်လို့ဒေသခံတွေက ပြောပါတယ်။

#Local_News #မြဝတီမြို့ #မြို့နေလူထုအခက်အခဲ #လျှပ်စစ်မီးပြတ်တောက် #YMG #Yangon_Media_Group

#Asia_Prices
Published_ 1 March 2023

လုပ်ငန်းလည်ပတ်မှုစရိတ်များ မြင့်တက်လာခြင်းနဲ့ ကုန်ကြမ်းပစ္စည်းအထောက်အပံ့ ပြတ်လတ်လာခြင်းတို့ကြောင့် ဂျပန်နိုင်ငံမှာ ပင်လယ်စာဈေးနှုန်းများ မြင့်တက်နေပါတယ်။

#Asia_Prices #Japan #ပင်လယ်စာ #YMG
#Yangon_Media_Group

 

#Local_News
Published_ 1 March 2023

မတ်လအတွင်းမှာ လေဖိအားနည်းရပ်ဝန်း တစ်ကြိမ်ဖြစ်ပေါ်နိုင်ပြီး ဒေသအချို့မှာ မြူတွေကျဆင်းဦးမှာဖြစ်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #မတ်လ #လေဖိအားနည်းရပ်ဝန်း #မြူကျဆင်း#YMG
#Yangon_Media_Group