#Local_News
Published-28 April 2023

မွန်ပြည်နယ်၊ သထုံမြို့နယ်၊ ဆင်ဖြူကျွန်းကျေးရွာတွင် အသက် ၃၇နှစ်အရွယ် အမျိုးသား ၁ ဦး ဧပြီလ ၂၇ရ က်က လယ်ကွင်းထဲ၌ရှိနေစဉ် မိုးကြိုးပစ်ခံရပြီး သေဆုံးမှုဖြစ်ခဲ့ကြောင်း အဖြူရောင်နှလုံးသားပရဟိတအရေးပေါ် လူမှုကူညီကယ်ဆယ်ရေးအသင်းက သိရသည်။

ဖြစ်စဉ်မှာ ဧပြီလ ၂၇ရက် မွန်းလွဲ ၂နာရီဝန်းကျင်ခန့်က မိုးများရွာသွန်းပြီး မိုးကြိုးများပစ်စဉ် သထုံဘူတာအနောက်ဘက် လယ်ကွင်းထဲ၌ရှိနေသည့် ဆင်ဖြူကျွန်းကျေးရွာနေ အသက် ၃၇နှစ်အရွယ်အမျိုးသား၁ဦး မိုးကြိုး ပစ်ခံရ၍ သေဆုံးခဲ့ခြင်းဖြစ်သည်။

"ဧပြီလ ၂၇ ရက် မှာ မိုးတွေလည်းရွာ၊ မိုးကြိုးတွေလည်းပစ်တဲ့အချိန်မှာ သထုံဘူတာအနောက်ဘက်က လယ်ကွင်းထဲမှာရှိနေတဲ့ အမျိုးသား မိုးကြိုးပစ်ခံရတာပါ"ဟု ယင်းပရဟိတအသင်းက သိရသည်။

မိုးကြိုးပစ်ခံရ၍ သေဆုံးသွားသူအမျိုးသား၏ ရုပ်အလောင်းကို အဖြူရောင်နှလုံးသားပရဟိတအရေးပေါ် လူမှုကူညီကယ်ဆယ်ရေးအဖွဲ့မှ သထုံခရိုင်ပြည်သူ့ဆေးကြီး ရင်ခွဲရုံသို့ပို့ဆောင်ပေးခဲ့ကြောင်းလည်း သိရသည်။

#ymg/pl #Local_News #ဆင်ဖြူကျွန်းကျေးရွာ #မိုးကြိုးပစ်ခံရ
#YMG #Yangon-Media-Group

#Local_News
Published_ 28 April 2023

ရန်ကုန်တိုင်း မင်္ဂလာတောင်ညွန့်မြိုနယ် ကျီတော်ရပ်ကွက် မဟာဘောဂလမ်းတွင် မိသားစုဝင် ၄ ဦး နေအိမ်တိုက်ခန်းအတွင်း မီးပြတ်နေချိန် အပူချိန်များပြီး ချွေးထွက်လွန် မူးမေ့မှု ဖြစ်ပွားခဲ့တယ်လို့ လောကဟိတာဝဟလူမှုကူညီရေးအဖွဲ့ (ကျီတော်)မှ သိရသည်။

ဧပြီလ ၂၈ ရက်နေ့ နံနက် ၁ နာရီခွဲ အချိန်ခန့်က နေအိမ်တိုက်ခန်းအတွင်း မီးပြတ်နေချိန် ရာသီဥတုအပူဒဏ်ကြောင့် အသက် ၆၅ နှစ်အရွယ် အမျိုးသားတစ်ဦး၊ အသက် ၄၀ နှစ်အရွယ် အမျိုးသမီးတစ်ဦး၊ အသက် ၃၁ နှစ် အရွယ် အမျိုးသမီးတစ်ဦးနှင့် အသက် ၇ နှစ်အရွယ် မိန်းကလေးတစ်ဦးတို့သည် ချွေးထွက်လွန်ကာ သတိလစ်သည့် ဝေဒနာများခံစားနေရကြောင်း အကူညီ တောင်းခံလာကြောင်း သိရသည်။

ကျီတော် လူမှုကူညီရေးအဖွဲ့မှ လူနာတင်ယာဉ်နှစ်စီးအင်အားငါးယောက်တို့ဖြင့် ရန်ကုန်ဆေးရုံကြီးအရေးပေါ်သို့ မပိုဆောင်မှီ လူနာများ သတိရစေရန်မြေပြင်ရှေးဦးသူနာပြု လုပ်ငန်းစဉ်များလုပ်ဆောင်ခြင်း၊ ရေပတ်ဝတ်တိုက်ခြင်းများဆောင်ရွက်ပြီးနောက် ပို့ဆောင်ခဲ့ကြောင်း သိရသည်။

အဆိုပါ ဖြစ်စဉ်မှ ခလေးငယ်အား ခလေးဆေးရုံလွှဲပြောင်းပါ၍ ပို့ဆောင်ကူညီပြီး အခြေအနေကောင်းလာလို့ ပြန်လည်ခေါ်ဆောင်ခဲ့တယ်လို့ ကျန်သူတွေကို စောင့်ကြည့်ကုသနေပါသည်။

ပြည်သူများ နေအိမ်တိုက်ခန်းနေထိုင်ပါက လေဝင်လေထွက် ကောင်းကောင်းရသော နေရာများ နေကြပါရန် လောကဟိတာဝဟလူမှုကူညီရေးအဖွဲ့(ကျီတော်) အသိပေးနှိုးဆော်ထားကြောင်း သိရသည်။

#ymg/ppk
#Yangon-Media-Group

#Asia_Crime
Published 28 April 2023

ဆိုင်ယာနိုက်ကိုအသုံးပြုပြီး မိတ်ဆွေသူငယ်ချင်း ၁၂ ဦးကို သတ်ခဲ့တယ်လို့ စွပ်စွဲခံရတဲ့ အသက် ၃၂ နှစ်အရွယ်အမျိုးသမီးတစ်ဦးကို ထိုင်းရဲတပ်ဖွဲ့က အင်္ဂါနေ့မှာ ဖမ်းဆီးလိုက်ပါတယ်။

သူငယ်ချင်းတစ်ယောက် သေဆုံးမှုနဲ့ပတ်သက်ပြီး စုံစမ်းမေးမြန်းမှုများပြုလုပ်ပြီးနောက် 'ဆာရာရတ်ရန်ဆီဝူထာပွန်'ကို ဘန်ကောက်မှာ ဖမ်းဆီးထိန်းသိမ်းခဲ့ကြောင်း BBC က တင်ပြထားပါတယ်။

သူ့သူငယ်ချင်းတစ်ဦးက ဆာရာရတ်နဲ့ ယခုလအစောပိုင်းမှာ ခရီးသွားနေစဉ် သေဆုံးခဲ့ပြီးနောက် သေဆုံးသူမိသားစုက သံသယဖြစ်လာခဲ့ပါတယ်။

ဆာရတ်က သူ့ရည်းစားဟောင်းအပါအဝင် အခြား ၁၁ ယောက်ကိုလည်းသတ်ခဲ့တယ်လို့ ရဲတပ်ဖွဲ့ကယုံကြည်နေပြီး ဆာရတ်ကတော့ စွပ်စွဲချက်တွေကို ငြင်းဆန်ထားပါတယ်။

ငွေရေးကြေးရေးမတည်မငြိမ်ဖြစ်ခြင်းက လူသတ်မှုဖြစ်ပွားရတဲ့အဓိကအကြောင်းအရင်း ဖြစ်နိုင်တယ်လို့ ရဲတွေကဆိုပါတယ်။

လွန်ခဲ့တဲ့နှစ်ပတ်ခန့်က သူဟာ သူငယ်ချင်းနဲ့အတူ ဘန်ကောက်အနောက်ဘက်ရှိ ရတ်ချာဘူရီပြည်နယ်သို့ ခရီးသွားခဲ့ကာ မြစ်တစ်ခုမှာပြုလုပ်တဲ့ ဗုဒ္ဓဘာသာစောင့်ရှောက်ကာကွယ်ခြင်းပွဲတစ်ခုမှာ ပါဝင်ခဲ့ကြတယ်လို့ ရဲတပ်ဖွဲ့ကဆိုပါတယ်။

အချိန်တစ်ခုအကြာမှာ သူငယ်ချင်းဖြစ်သူ 'ဆီရီပွန်ခန်ဝေါင်'ဟာ မြစ်ကမ်းပါးမှာ လဲကျသွားပြီး သေဆုံးသွားခဲ့ပါတယ်။

အလောင်းခွဲစိတ်စစ်ဆေးရာမှာတော့ သူ့ခန္ဓာကိုယ်ထဲမှာ ဆိုင်ယာနိုက်တွေ တွေ့ရှိခဲ့ပါတယ်။

သေဆုံးသူကိုတွေ့ရှိခဲ့ချိန်မှာ သူ့ပိုက်ဆံအိတ်နဲ့ ငွေသားတွေပျောက်ဆုံးနေခဲ့ပါတယ်။

နောက်ထပ်သေဆုံးသူတွေဟာလည်း အလားတူပုံစံအတိုင်း သေဆုံးသွားခဲ့ကြောင်း အာဏာပိုင်များပြောကြားခဲ့ပေမယ့် နောက်ထပ်အချက်အလက်တွေကိုတော့ မထုတ်ဖော်ခဲ့ပါဘူး။

လူသတ်မှုတွေက ၂၀၂၀ ခုနှစ်က စတင်ခဲ့တယ်လို့လည်း ဆိုကြပါတယ်။

သေဆုံးသူတွေအားလုံးကို မဖော်ပြထားပေမယ့် ဆာရာရတ်ရဲ့ရည်းစားဟောင်းနဲ့ အမျိုးသမီးရဲအရာရှိ ၂ ဦးလည်း သေဆုံးသူတွေထဲမှာပါဝင်တယ်လို့ သိရပါတယ်။

ပစ်မှတ်ထားခံခဲ့ရတဲ့သူတစ်ဦးဆိုရင် ဆာရာရတ်က သူ့ဆီကနေ ဘတ် ၂ သိန်းခွဲချေးငှားခဲ့တယ်လို့ ရဲတွေကဆိုပါတယ်။

သူတို့နှစ်ယောက် နေ့လယ်စာစားအပြီးမှာတော့ အမျိုးသမီးဟာ မူးဝေအော့အန်ခဲ့ကာ အသက်ရှင်ခဲ့ပါတယ်။

သေဆုံးသူများရဲ့မိသားစုတွေက လက်ဝတ်ရတနာတွေနဲ့ ပိုက်ဆံတွေ ပျောက်ဆုံးနေတယ်လို့လည်း တိုင်ကြားထားပါတယ်။

သက်သေစုဆောင်းရတာ အခုအချိန်မှာ ခက်ခဲနေနိုင်ပြီး အစောပိုင်းတုန်းက ဒီလိုမကောင်းတဲ့လုပ်ရပ်မျိုးကို မိသားစုတွေက သံသယမဖြစ်ခဲ့ကြဘူးလို့ ရဲတွေကပြောပြခဲ့ပါတယ်။

ဒါ့အပြင် အချို့အလောင်းတွေကို မီးသင်္ဂြိုဟ်ခဲ့တယ်လို့လည်း သိရပါတယ်။

Source: The Hindustan Times #Asia_Crime #လူ(၁၂)ဦး #ဆိုင်ယာနိုက်အဆိပ် #ထိုင်းလူမျိုးအမျိုးသမီး #YMG #Yangon_Media_Group

#World_Science
Published 28 April 2023

စိုက်ပျိုးရေးစနစ်မှာ ပဋိဇီဝဆေးများ တွင်တွင်ကျယ်ကျယ်အသုံးပြုလာခြင်းကြောင့် လူတွေရဲ့ခုခံအားစနစ်ကို ပိုမိုယဉ်ပါးလာတဲ့ ဘက်တီးရီးယားများ တိုးပွားလာစေကြောင်း သိပ္ပံပညာရှင်များ သတိပေးလာကြပါတယ်။

လေ့လာချက်များအရ တရုတ်နိုင်ငံရှိ ဝက်ခြံတွေနဲ့ကြက်ခြံတွေမှာ ကြီးထွားဆေးအဖြစ် ဆယ်စုနှစ်ကြာအောင် အသုံးပြုနေတဲ့ ဘက်တီးရီးယားပိုးသတ်ဆေး'ကိုလစ္စတင်'ဟာ လူတွေရဲ့ရှေ့တန်းခုခံအားကို ကျော်လွှားသွားနိုင်ချေများပြီး E coli မျိုးကွဲများဖန်တီးနိုင်ကြောင်း တွေ့ရှိခဲ့ပါတယ်။

ကိုလစ္စတင်ကို တရုတ်နဲ့ နိုင်ငံအများအပြားမှာ တိရိစ္ဆာန်ဖြည့်စွက်စာအဖြစ် တားမြစ်ထားပေမယ့် ပဋိဇီဝဆေးအလွဲသုံးစားမှုကြောင့် ခြိမ်းခြောက်မှုများမြင်တွေ့လာရကာ စိုးရိမ်စရာဖြစ်လာပါတယ်။

ဒီကိစ္စက ပဋိဇီဝဆေးယဉ်ပါးတာထက် များစွာပိုပြီးအန္တရာယ်များနိုင်ပါတယ်လို့ အောက်စ်ဖို့ဒ်တက္ကသိုလ်မှ ဦးဆောင်သုတေသီပရော်ဖက်ဆာ 'ခရိတ်မက်လင်း'က The Guardian သတင်းစာကို ပြောပြခဲ့ပါတယ်။

ကိုလစ္စတင်နဲ့ အမျိုးအစားတူ ရှေးဖြစ်ပဋိဇီဝဆေး AMP ရဲ့ သက်ရောက်မှုတွေကိုလည်း လေ့လာခဲ့ကာ မွေးရာပါကိုယ်ခံစွမ်းအားကန့်သတ်ခြင်းအန္တရာယ် ရှိစေလိမ့်မယ်လို့ သုတေသီများယုံကြည်နေကြပါတယ်။

သက်ရှိအများစုမှာ AMP တွေကို မွေးရာပါကိုယ်ခံအားတုန့်ပြန်မှုအစိတ်အပိုင်းအဖြစ် ထုတ်လုပ်ကြပြီး ရောဂါကူးစက်ဝင်ရောက်တဲ့အခါ ပထမဆုံးကာကွယ်သူတွေဖြစ်ပါတယ်။

လေ့လာမှုထဲမှာ MCR-1 ယဉ်ပါးမျိုးရိုးဗီဇပါရှိတဲ့ E coli က ဝက်နဲ့လူသားတွေမှာ မွေးရာပါကိုယ်ခံစွမ်းအားအတွက် မရှိမဖြစ်လိုအပ်တဲ့ အခန်းကဏ္ဍမှပါဝင်နေတယ်လို့ သိထားတဲ့ AMP များနဲ့ ထိတွေ့စေခဲ့ပါတယ်။

MCR-1 မျိုးရိုးဗီဇပါရှိတဲ့ E coli ဟာ လူသွေးရည်ကြည်မှ ဖယ်ရှားခံရလို့ ဆေးယဉ်ပါးတာထက် ၂ ဆပိုပြီးယဉ်ပါးကြောင်း သုတေသီများရှာဖွေတွေ့ရှိခဲ့ပါတယ်။

ထိုမျိုးရိုးဗီဇမပါတဲ့ ဘက်တီးရီးယားတွေနဲ့ ယှဉ်ပါက လူသားနဲ့တိရိစ္ဆာန် AMP တွေကို ၆၂ ရာခိုင်နှုန်းပိုမိုယဉ်ပါးနိုင်ပါတယ်။

E coli ကူးစက်ခံနိုင်ရခြေလိုမျိုး လက်တွေ့ကျကျဖြစ်လာနိုင်တာတွေအဖြစ် ဆက်ဖြစ်မှာလားဆိုတာကိုတော့ ခန့်မှန်းလို့မရဘူးလို့ မက်လင်းကဆိုပါတယ်။

တရုတ်က ကိုလစ္စတင်ကို ကြီးထွားဆေးအဖြစ် တားမြစ်လိုက်ရာမှာ E coli မျိုးကွဲပျံ့ပွားနိုင်ချေ သိသိသာသာကျဆင်းခဲ့ပါတယ်။

ဒါပေမဲ့ဒီအချက်အလက်တွေက အခြေခံဖြစ်နိုင်ချေများအပေါ်သာမူတည်ကာ သေသေချာချာမဆန်းစစ်ရသေးပါဘူး။

ဘက်တီးရီးယားက AMP အခြေပြုဆေးတွေအဖြစ် ဆင့်ကဲပြောင်းလဲသွားရင် ကိုယ်ခံအားစနစ်ထောက်တိုင်တစ်ခုခုကို ယဉ်ပါးလာမှာစိုးရိမ်ရပါတယ်။

Source: WION #World_Science #စိုက်ပျိုးရေး #ပဋိဇီဝဆေး #ကိုယ်ခံအားစနစ်
#YMG #Yangon_Media_Group

#World_Health
Published 28 April 2023

ကလေးဘဝတုန်းက ဒုက္ခတွေနဲ့ ရင်ဆိုင်ခဲ့ရသူများဟာ အရွယ်ရောက်ပြီးစအချိန်မှာ ဆီးချိုရောဂါဒုတိယအမျိုးအစားဖြစ်နိုင်ချေ ပိုများကြောင်း ဧပြီလအစောပိုင်းက လေ့လာဖော်ပြခဲ့ပါတယ်။

၁၉၈၀ ခုနှစ်မှ ၂၀၀၁ ခုနှစ်အတွင်း မွေးခဲ့တဲ့ ဒိန်းမတ်လူမျိုးပေါင်း ၁.၂ သန်းကျော်ကို လေ့လာခဲ့ရာ ဒုက္ခတွေပိုမိုကြုံတွေ့ခဲ့ရသူတွေက အခြားသူတွေထက် ဆီးချိုရောဂါဖြစ်နိုင်ချေပိုများတယ်လို့ တွေ့ရှိခဲ့ပါတယ်။

ဒုက္ခဘေးဆိုရာမှာ ဆင်းရဲခြင်း၊ မိဘများအလုပ်လက်မဲ့ဖြစ်ခြင်း၊ ဆွေမျိုးသားချင်းဆုံးပါးခြင်း၊ စိတ်ရောဂါရှိခြင်း၊ အရက်စွဲလမ်းခြင်း၊ မွေးစားခံရခြင်း စတာတွေပါဝင်ပါတယ်။

ကလေးဘဝက ဆင်းရဲဒုက္ခခံရပြီး ဆီးချိုဖြစ်နိုင်ချေများသူတွေထဲမှာ အမျိုးသမီးတွေက ဖြစ်နိုင်ချေပိုနည်းနေပါတယ်။

ဒီလေ့လာမှုက ဆယ်ကျော်သက်တွေနဲ့ လူရွယ်များမှာ သုံးသပ်ထားတာဖြစ်ကာ သူတို့ရဲ့တွေ့ရှိချက်က ကလေးဘဝဆင်းရဲဒုက္ခဖြစ်ရတဲ့ အခြေခံအကြောင်းအရင်းများကို လျှော့ချကာ ဆီးချိုရောဂါဖြစ်မလာအောင် တားဆီးဖို့အသုံးဝင်နိုင်ဖွယ်ရှိပါတယ်။

ဆီးချိုရောဂါဆိုတာ ပုံမှန်လေ့ကျင့်ခန်းမပြုလုပ်တာကြောင့် အဓိကဖြစ်ပြီး သကြားဓာတ်နဲ့ ကာဗိုဟိုက်ဒရိတ်အစားများလွန်းခြင်းကြောင့်လည်း ဖြစ်နိုင်ပါတယ်။

အစ္စရေးလ်လူမျိုးတွေထဲမှာ ဆီးချိုရောဂါတွေ့ရှိထားသူ ၆ သိန်းနီးပါးရှိနေပါတယ်။

၁၉၉၀ အစောပိုင်းက ကလေးတွေနဲ့ဆယ်ကျော်သက်တွေမှာ ပထမဆုံးဆီးချိုတွေ့ရှိခဲ့ပြီး အဝလွန်နိုင်ချေများနေခဲ့ပါတယ်။

အဲဒီနောက်ပိုင်း ဆီးချိုရောဂါဖြစ်ပွားသူငယ်ရွယ်သူအရေအတွက် မြင့်မားလာပြီး ကလေးဘဝအဝလွန်ခြင်းအခြေအနေလည်း အပြိုင်မြင့်တက်လာပါတယ်။

ရမ်ဘမ်ကျန်းမာရေးစောင့်ရှောက်မှုသုတေသီများက ကလေးတွေနဲ့ဆယ်ကျော်သက်တွေမှာ ဆီးချိုရောဂါဒုတိယအမျိုးအစား စိုးရိမ်ဖွယ်မြင့်တက်လာကြောင်း ဖော်ပြခဲ့ကြပါတယ်။

#Source: The Jerusalem Post #World_Health #ကလေးဘဝ #စိတ်ဒဏ်ရာခံစားခဲ့ရသူ #ဆီးချိုရောဂါ #YMG #Yangon_Media_Group

#Local_News
Published_ 27 April 2023

ရှမ်းပြည်မြောက်ပိုင်း မူဆယ်မြို့မှာဘိန်းဖြူဘလောက်တုန်းတွေ မြန်မာငွေသိန်း ၁၃၂၀ ဖိုးလောက်ဖမ်းမိခဲ့တယ်လို့ ရဲတပ်ဖွဲ့က ထုတ်ပြန်ပါတယ်။

#Local_News #မူဆယ် #ဘိန်းဖြူဘလောက်တုံး #ဖမ်းဆီးရမိ
#YMG #Yangon_Media_Group

#World_Treasure
Published 27 April 2023

လွန်ခဲ့တဲ့နှစ် ၇၀ ခန့်က ဩစတြေးလျနဲ့ နယူးဇီလန်တိုရဲ့ပွဲစဉ်တွေကို ဂုဏ်ပြုရန်ရည်ရွယ်ပြီး အချိန်အတော်ကြာပျောက်ဆုံးနေခဲ့တဲ့ ဆုတံဆိပ်ကို ပြန်လည်တွေ့ရှိခဲ့ကာ သမိုင်းပညာရှင်များအတွက် စဉ်းစားစရာဖြစ်ခဲ့ရတဲ့ဖြစ်ရပ်ကို ဖြေရှင်းနိုင်ခဲ့ပြီလို့ ဘောလုံးတာဝန်ရှိသူများက အင်္ဂါနေ့မှာ ပြောကြားလိုက်ပါတယ်။

#World_Treasure #ဆုတံဆိပ်ဗူး #ဩစတြေးလျတွေ့ရှိ
#YMG #Yangon_Media_Group

#Local_News
Published_ 27 April 2023

ပြင်ဦးလွင်မြို့မှာ တရားမဝင် အိမ်ခြံမြေအကျိုးဆောင်ပွဲစားတွေက ဥပဒေအရရောင်းချခွင့်မပြုတဲ့ မြေအမျိုးအစားတွေကို လူပုဂ္ဂိုလ်ချင်းရောင်းချတာ၊ live လွှင့်ရောင်းချတာ၊ Post တင်ရောင်းချနေတာတွေ စိစစ်တွေ့ရတဲ့အတွက် တည်ဆဲဥပဒေတွေအရ ထိရောက်စွာအရေးယူဆောင်ရွက်မှာဖြစ်တယ်လို့ ပြင်ဦးလွင်ခရိုင်စီမံအုပ်ချုပ်ရေးအဖွဲ့မှ ထုတ်ပြန်လိုက်ပါတယ်၊၊

#Local_News #ပြင်ဦးလွင် #မြေအမျိုးအစား #တည်ဆဲဥပဒေ #အရေးယူမည်
#YMG #Yangon_Media_Group

#Local_News
Published_ 27 April 2023

အကယ်ဒမီ မီးလင်းရွှေ ပြင်ပပေါက်ဈေးမှာ ဧပြီလ ၂၇ရက်နေ့ မနေ့ ပိုင်းဈေးနှုန်းများအရ ၂၉သိန်း ၉သောင်း ၇ထောင်ကျော်ပေါက်ဈေးရှိနေကြောင်း ရန်ကုန်ရွှေကွက်အတွင်းမှ စုံစမ်းသိရှိရပါတယ်။ ရန်ကုန်တိုင်းရွှေအသင်းကတော့ အကယ်ဒမီ မီးလင်းရွှေကို ၂၃သိန်း၅သောင်းကျော်ဈေးနဲ့ ရည်ညွှန်းသတ်မှတ်ထားကြောင်း ရန်ကုန်တိုင်းရွှေအသင်းက ထုတ်ပြန်ထားပါတယ်။

#Local_News #မီးလင်းရွှေ #အကယ်ဒမီ #ရန်ကုန်ရွှေ
#YMG #Yangon_Media_Group

#Local_News
Published_ 27 April 2023

အခုနှစ်မှာ အခြေခံပညာကျောင်းတွေမှာ ကျောင်းအပ်နှံတာကိုစောပြီး လက်ခံသွားမှာဖြစ်ပြီးမေလ (၂၃)ရက်မှာ ကျောင်းအပ်နှံတာစတင်လက်ခံသွားမှာဖြစ်တယ်လို့ ပညာရေးဝန်ကြီးဌာန၊အခြေခံပညာဦးစီးဌာနမှ သိရပါတယ်၊၊

#Local_News #အခြေခံပညာကျောင်း #ကျောင်းအပ်နှံရေး
#YMG #Yangon_Media_Group

#Daily_News
Published_ 27 April 2023

၁။ ယခုနှစ်တွင်အခြေခံပညာကျောင်းများတွင် ကျောင်းအပ်နှံရေးစော၍ လက်ခံမည်၊ မေလ(၂၃)ရက်တွင် စတင်လက်ခံမည်

၂။ အကယ်ဒမီ မီးလင်းရွှေပြင်ပပေါက်ဈေး ၂၉သိန်း ၉ သောင်း၇ထောင် ပေါက်ဈေးရှိနေပြီး ရန်ကုန်ရွှေအသင်းသတ်မှတ်ဈေး ၂၃သိန်း၅သောင်းကျော်ဈေးရှိနေ

၃။ ပြင်ဦးလွင်တွင် ဥပဒေအရရောင်းချခွင့်မပြုသည့် မြေအမျိုးအစားများကို ရောင်းချနေသဖြင့် တည်ဆဲဥပဒေများအရထိရောက်စွာအရေးယူမည်

၄။ (၆၉)နှစ်ကြာပြီးမှ ဘောလုံးသမားများဆေးလိပ်ပြာထည့်ခဲ့သည့် ဆုတံဆိပ်ဗူးကို ဩစတြေးလျတွေ့ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 27 April 2023

လက်တလောဆန်ဈေးတွေ မြင့်တက်နေတဲ့အတွက် ဆန်ဈေးနှုန်းညှိနှိုင်းဖို့ ဆောင်ရွက်နေတဲ့အပြင်လိုအပ်ရင် ဆန်တွေထုတ်ရောင်းဖို့စီစဉ်ထားတယ်လို့ မြန်မာနိုင်ငံဆန်စပါးကုန်သည်များအသင်းက သိရပါတယ်။

#Local_News #ဆန်ဈေး #ဆန်ထုတ်ရောင်းမယ်
#YMG #Yangon_Media_Group