#World_Health
Published 23 May 2023

စိတ်ဖိစီးမှုဆိုတာ သဘာဝအတိုင်းဖြစ်လေ့ဖြစ်ထရှိပြီး ရေရှည်ဖြစ်လာတဲ့အခါ ရုပ်ပိုင်းဆိုင်ရာရော စိတ်ပိုင်းဆိုင်ရာကျန်းမာရေးမှာပါ ဆိုးကျိုးဖြစ်ပေါ်လာစေနိုင်ပါတယ်။

စိတ်ဖိစီးမှုကြောင့် ခန္ဓာကိုယ်တွင်းမှာ ကော်တီဆောလ်လိုမျိုး ဟော်မုန်းများထွက်လာကာ ကိုယ်ခံအားကိုသက်ရောက်စေပြီး ရောင်ရမ်းမှုဖြစ်ပေါ်စေပါတယ်။

ဒီလိုအခြေအနေကနေ အင်ပျဉ်ထခြင်းလိုမျိုး အရေပြားပြဿနာများ ပိုမိုဆိုးရွားစေပါတယ်။

ဒါ့အပြင် အဆီဓာတ်ထုတ်လုပ်မှုများလာကာ ဝက်ခြံပိုထွက်လာနိုင်ပြီး သမင်ဖြူလိုရောဂါမျိုးလည်း ဖြစ်ပွားတတ်ပါတယ်။

အစ္စရေးလ်မှာဆိုရင် စိတ်ဖိစီးမှုကြောင့် အင်ပျဉ်ဖြစ်ပွားသူ သိန်းပေါင်းများစွာရှိနေကာ ရောဂါရှာဖွေသိရှိလေ့မရှိပါဘူး။

အင်ပျဉ်ဆိုတာက ခန္ဓာကိုယ်နေရာအမျိုးမျိုးမှာ နီရဲယားယံကွက်တွေ ပေါ်လိုက်ပျောက်လိုက်ဖြစ်တာပါ။

အလွန်ယားယံတတ်ပြီး လှုပ်ရှားသွားလာနေရာမှ မထင်မှတ်ပဲပေါ်လာတတ်ပါတယ်။

အင်ပျဉ်၊ ဓာတ်မတည့်ခြင်း၊ အခြားအရေပြားပြဿနာတွေကြား မှားယွင်းတတ်တာကြောင့် ရက်အတော်ကြာယားယံခြင်းမျိုး မပျောက်သွားဘူးဆိုရင် အရေပြားဆရာဝန်နဲ့ ပြသသင့်ပါတယ်။

အထူးသဖြင့် ရင်ကျပ်မျိုးရိုးလိုက်သူ၊ မျက်စိဓာတ်မတည့်ဘဲရောင်ရမ်းသူ၊ အရေပြားဓာတ်မတည့်ခြင်းဖြစ်ပွားတဲ့ သူတွေမှာ ဂရုစိုက်သင့်ပါတယ်။

စိတ်ဖိစီးမှုအပြင် ကူးစက်ရောဂါ၊ ဆေးဝါးအချို့၊ အပင် သတ္တဝါနှင့်ထိတွေ့ခြင်း၊ အတွင်းရောဂါများကြောင့်လည်း ဖြစ်ပွားတတ်ပါတယ်။

လက်၊ ခြေထောက်၊ ရင်ဘတ်၊ ဝမ်းဗိုက်တို့မှာ အင်ပျဉ်ပေါ်ပေါက်တာကတော့ အသက်အန္တရာယ်မဖြစ်နိုင်ပေမယ့် အချို့လူတွေမှာ အရေပြားအောက် တစ်ရှူးပျော့ရောင်ရမ်းခြင်းပါ ဖြစ်ပေါ်တတ်ပါတယ်။

ဒီလိုရောင်ရမ်းခြင်းက မျက်နှာ၊ မျက်ခွံ၊ နှုတ်ခမ်း၊ နားရွက်၊ ပါးစပ်၊ လက်၊ ခြေ၊ မျိုးပွားအင်္ဂါများမှာပါ ဖြစ်ပေါ်တတ်ကာ နာကျင်ခြင်းပါ ခံစားရတတ်ပါတယ်။

အသက်ရှူလမ်းကြောင်း လျှာတို့မှာပါ ကူးစက်လာရင်တော့ အသက်ရှူလမ်းကြောင်းပိတ်ဆို့နိုင်ကာ အသက်အန္တရာယ်ဖြစ်စေနိုင်ပါတယ်။

ပထမဆုံးကုသနည်းကတော့ ရောင်ရမ်းခြင်းကိုလျှော့ချပေးနိုင်မယ့် ဟစ္စတာမင်းဆန့်ကျင်ပစ္စည်းတွေပါပဲ။

ဒီဆေးရဲ့သက်ရောက်မှုက ငိုက်မျဉ်းစေတာကြောင့် တွက်ချက်ပြီးမှ အသုံးပြုသင့်ပါတယ်။

အခုဆိုရင် အဆင့်မြင့်တဲ့ဆေးဝါးများပေါ်ပေါက်လာကာ IGE ပဋိပစ္စည်းထုတ်လုပ်မှုကို ဆန့်ကျင်ပေးတာဖြစ်ပါတယ်။

အင်ပျဉ်ဖြစ်လို့ မပျောက်ဘူးဆိုရင် သိကျွမ်းနားလည်တဲ့ အရေပြားအထူးကုနဲ့ ပြသသင့်ပါတယ်။

Source: The Jerusalem Post #World_Health #အရေပြားနီရဲယားယံခြင်း
#YMG #Yangon_Media_Group

Published 22 May 2023

ဖိလစ်ပိုင်ရဲ့ အထင်ကရနေရာတစ်ခုဖြစ်တဲ့ နှစ်၁၀၀နီးပါးသက်တမ်းရှိ  မနီလာဗဟိုစာတိုက်ကြီး  တနင်္ဂနွေညက မီးလောင်ကျွမ်းမှုဖြစ်ပွားခဲ့ရာ လူ(၇)ဦး ဒဏ်ရာအနည်းငယ်ရရှိခဲ့ပါတယ်။

တနင်္ဂနွေည သန်းခေါင်ယံမတိုင်ခင်ကလေးမှာ မီးစတင်လောင်ကျွမ်းခဲ့တာဖြစ်ပြီး ရောမနှင့်ဂရိရှေးဟောင်းဂန္တဝင်ပုံစံ အထပ်ငါးထပ်ပါ အဲဒီ မနီလာဗဟိုစာတိုက်ကြီးအဆောက်အဦကြီးကို (၇)နာရီကျော်ကြာ မီးငြိမ်းးသတ်ခဲ့ရပါတယ်။

#YangonMediaGroup

#မနီလာဗဟိုစာတိုက်ကြီးမီးလောင်

#မနီလာဗဟိုစာတိုက်ကြီး

#Local_News
Published_ 22 May 2023

အခုနှစ်မှာ မုတ်သုန်အဝင်ရက်ပိုင်းနောက်ကျနေပြီးမုတ်သုန်စဝင်ချိန်မှာ တနင်္သာရီတိုင်းအပါအဝင် မြန်မာနိုင်ငံတောင်ပိုင်းဒေသတွေနဲ့မြစ်ဝကျွန်းပေါ်ဒေသတွေမှာ မိုးသက်လေပြင်းကျရောက်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #မုတ်သုန်အဝင် #တနင်္သာရီတိုင်းနှင့်ဒေသအချို့ #မိုးသက်လေပြင်းတိုက်ခတ်နိုင်
#YMG #Yangon_Media_Group

#Asia_Technology
Published 20 May 2023

တရုတ်နိုင်ငံမှာ စိုက်ပျိုးရေးကစလို့ ဆိပ်ကမ်းထောက်ပံ့ပို့ဆောင်ရေးနဲ့ လုပ်ငန်းလည်ပတ်ရေး ကဏ္ဍတိုင်းမှာ ဉာဏ်ရည်တု(AI)ကို အသုံးချနေပါတယ်။

#Asia_Technology #တရုတ်နိုင်ငံ #ဉာဏ်ရည်တု(AI)စနစ်
#YMG #Yangon_Media_Group

Published 22 May 2023

အာဆီယံ ဟင်းသီးဟင်းရွက်အသစ်မျိုးစုံကုန်စည်ပြပွဲကို တရုတ်နိုင်ငံ တောင်ပိုင်း ကွမ်ရှီးကျွမ်းအထူးအုပ်ချုပ်ခွင့်ရဒေသ၊ နန်နင်းမြို့တွင် ပြီးခဲ့တဲ့စနေနေ့က ကျင်းပခဲ့ပါတယ်။ အဲဒီကုန်စည်ပြပွဲမှာ ကြက်ဟင်းခါးသီး၊ သခွားသီး၊ သပွတ်သီး၊ ခရမ်းချဉ်သီး၊ခရမ်းသီး၊ငရုတ်ကောင်း၊ပဲသီးတောင့်တွေလို အမယ်သစ်ဟင်းသီးဟင်းရွက်မျိုးစုံ ၁၁၂၉မျိုးအပြင် ကွမ်ရှီးနှင့် အခြားဒေသတွေက ထွက်ရှိတဲ့ ဟင်းရွက်မျိုးစုံကိုလည်းပြသထားပါတယ်။ အဲဒီအထဲမှာ တာရိုရွှေဖရုံသီး၊ ဘေးဘေး ရွှေဖရုံသီးမျိုးတွေစသဖြင့် အကောင်းဆုံး၁၆၅မျိုးပါဝင်ပါတယ်။

Source CCTV+

#YangonMediaGroup

#တရုတ်_အာဆီယံ_ဟင်းသီးဟင်းရွက်_ကုန်စည်ပြပွဲ

#Local_News
Published_ 22 May 2023

ပင်မဆဲလ် Stem Cell တွေကို သိမ်းဆည်းလိုတဲ့ မြန်မာတွေအတွက် မြန်မာနိုင်ငံမှာပဲ ပင်မဆဲလ်ထုတ်ယူပြီး ထိုင်းနိုင်ငံကို ပေးပို့သိမ်းဆည်းပေးတဲ့ ဝန်ဆောင်မှုတွေပေးနေပြီလို့ ပင်မဆဲလ်ဘဏ်လုပ်ငန်းဖြစ်တဲ့ Cryoviva(ခိုင်အိုဗီဗာ)မှ သိရပါတယ်၊၊

#Local_News #ပင်မဆဲလ် Stem Cell #ဝန်ဆောင်မှုရယူနိုင်
#YMG #Yangon_Media_Group

#Local_News
Published_ 22 May 2023

ယခုတစ်ပတ်ဈေးကွက်အတွင်း စက်သုံးဆီဈေးမှာ နှုန်းထားအပြောင်းအလဲမရှိတည်ငြိမ်နေပြီး ၉၂ တစ်လီတာလျှင် ၂၀၀၅ ကျပ်ပေါက်ဈေးရှိနေကြောင်း ယနေ့ဈေးနှုန်း ထုတ်ပြန်ချက်များအရ သိရပါတယ်။

#Local_News #စက်သုံးဆီနှုန်းဈေး #တည်ငြိမ်နေ
#YMG #Yangon_Media_Group

#Local_News
Published_ 22 May 2023

မုန်တိုင်းသင့်ဒေသဖြစ်တဲ့ ရခိုင်ပြည်နယ်အတွင်း အိမ်ဆောက်ပစ္စည်းများဈေးနှစ်ဆလောက်မြင့်တက်နေတယ်လို့ ဒေသခံတွေက YMG ကို ပြောပါတယ်။

#Local_News #ရခိုင်ပြည်နယ် #မုန်တိုင်းသင့်
#YMG #Yangon_Media_Group

#Daily_News
Published_ 22 May 2023

၁။ မုန်တိုင်းသင့် ရခိုင်ပြည်နယ်တွင် အိမ်ဆောက်ပစ္စည်းများဈေးနှစ်ဆမြင့်တက်

၂။ စက်သုံးဆီနှုန်းဈေး ၂၀၀၀ ဝန်းကျင်ဖြင့် တည်ငြိမ်နေ

၃။ ပင်မဆဲလ်Stem Cell များကို သိမ်းဆည်းလိုသူများ မြန်မာနိုင်ငံ၌ဝန်ဆောင်မှုရယူနိုင်၊ ရောဂါကုသရန်နှင့် အလှအပရေးရာတွင်ပြန်လည်အသုံးပြုနိုင်ဟုဆို

၄။ တရုတ်နိုင်ငံ၏ စိုက်ပျိုးရေလုပ်ငန်းတွင် ဉာဏ်ရည်တု(AI)စနစ်များ တွင်ကျယ်စွာအသုံးပြုအောင်မြင်နေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 22 May 2023

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေနဲ့ မေလ ၂၂ ရက်နေ့ကနေ ၂၈ရက်နေ့အထိ လက္ကားရည်ညွှန်းသတ်မှတ်စျေး တစ်ပိဿာ ၄၁၆၅ကျပ် ဖြစ်ပြီး အရင်အပတ်ထက် ငွေကျပ် ၂၀၀ ကျော် စျေးကျလာပါတယ်။

#Local_News #စားအုန်းဆီအခြေခံလက်ကားဈေး
#YMG #Yangon_Media_Group

#Local_News
Published_ 22 May 2023

ရန်ကုန်တိုင်း၊ တိုက်ကြီးမြို့ရှိ နိဗ္ဗာန်ချမ်းသာ မင်္ဂလာကန်အတွင်း ယနေ့နံနက်ပိုင်းက အဆိပ်ချခံရသဖြင့် မွေးမြူထားသည့် ရွှေငါးအကောင်ရေ အများအပြား သေဆုံးခဲ့ကြောင်း ဒေသခံများထံမှ သိရသည်။

မေ ၂၂ ရက်၊ ယနေ့နံနက်ပိုင်းက တိုက်ကြီးမြို့ရှိ၊ ဒေသခံများအပန်းဖြေရာ နိဗ္ဗာန်ချမ်းသာ မင်္ဂလာကန်အတွင်း မွေးမြူထားသည့် ရွှေငါးအချို့ သေဆုံးနေကြောင်း တွေ့ရှိသဖြင့် အနီး၌ ရှိနေသူများက စစ်ဆေးကြည့်ရာမှ ငါးအကောင်ရေ အမြောက်အများ သေဆုံးနေမှုကို တွေ့ခဲ့ရကြောင်း သိရသည်။

"ငါးအကောင်ရေက သိန်းချီရှိတယ်။ ရွှေငါးတွေရော တခြားငါးတွေရော အများကြီးမွေးထားတာ အကုန်သေသွားတာ။ စီးပွားဖြစ်မွေးတာ မဟုတ်ဘူး။ ဒီတိုင်းမွေးရင်းနဲ့ သူ့ဟာသူ အကောင်တွေပေါက်ပြီး များလာတာ။ နှစ်တွေ ဆယ်နဲ့ချီပြီးတော့မှ မွေးထားတာ“ ဟု ကန်အတွင်း ရှင်းလင်းရေး လုပ်ဆောင်ပေးခဲ့သည့် မိုးစေတနာ ပရဟိတအသင်း(တိုက်ကြီး)မှ တာဝန်ရှိသူတစ်ဦးက YMG သို့ပြောသည်။

သေဆုံးခဲ့သည့် အလှမွေးငါးများမှာအကောင်ရေငါးထောင်ခန့်လက်တလောဆယ်ယူရရှိပြီးအနေအထားကို သုံးသပ်ချက်အရ ကန်အတွင်း အဆိပ်ချခံရသည့်အတွက် သေဆုံးခြင်းဖြစ်နိုင်ကြောင်းသိရသည်။

"ငါးသေတဲ့အနေအထားကို ကြည့်တော့ ယင်ကောင်တွေ ဘာတွေ မနားဘူး။ သုံးသပ်ကြည့်ရတာတော့ အဆိပ်ခတ်ခံရတဲ့ ပုံစံမျိုးပါ"ဟု ၎င်းက ပြောသည်။

ယနေ့နေ့လည်ပိုင်းအထိ ကန်အတွင်းမှ သေဆုံးနေသည့် ငါးအများအပြားကို ဆယ်ယူထားကာ တိုက်ကြီးသုသန်တွင်ထပ်မံမြေမြှုပ်သွားမည်ဟုလည်း ဒေသခံလူမှုကူညီရေး အဖွဲ့တစ်ခုထံမှ သိရသည်။

အဆိုပါဖြစ်စဉ်နှင့်ပါတ်သတ်ပြီး သက်ဆိုင်ရာငါးလုပ်ငန်းဦးစီးဌာနနှင့်မွေးမြူရေးလုပ်ငန်းဌာနတို့မှ ငါးအသေကောင်နှင်ရေနမှုနာများ ကောက်ယူသွားပြီး ဆက်လက်စစ်ဆေးလျှက်ရှိကြောင်း သိရသည်။

#ymg/ppk #Local_News #ရန်ကုန်တိုက်ကြီး #နိဗ္ဗာန်ချမ်းသာမင်္ဂလာကန် #ရွှေငါးအများအပြားသေဆုံးမှုဖြစ် #YMG #Yangon-Media-Group

#Local_News
Published_ 22 May 2023

ဧရာဝတီတိုင်း၊ ဖျာပုံမြို့နယ်အတွင်း မေလ ၂၁ က ဂဠုန်မင်းရွှေဆိုင် ဓါးပြတိုက်ခံရမှု ဖြစ်ပွားခဲ့ပြီး ပြည်သူများဝိုင်းဝန်းဖမ်းဆီးပေးမူကြောင့် ၂ ဦးဖမ်းမိခဲ့တယ်လို့ ဒေသခံများရဲ့ပြောဆိုချက်အရ သိရသည်။

မေလ ၂၁ ရက်နေ့ နေ့လည်ပိုင်းအချိန်က ဖျာပုံမြို့နယ်၊ ၆ရပ်ကွက်ရှိ ဂဠုန်မင်း စိန်၊ ရွှေ ရတနာဆိုင်ကို အမည်မသိလူ ၄ဦးက ဆိုင်ကယ်နှစ်စီးဖြင့် သေနတ်ပစ်ဖောက်ကာ ဓါးပြတိုက်မှုပြလုပ်ခဲ့တာဖြစ်သည်။ ဖမ်းမိသူနှစ်ဦးကို စစ်ဆေးမေးမြန်းမူအရ သံသယ ရှိသူ ၈ဦးကို ထပ်မံဖော်ထုတ် စစ်ဆေးလျှက်ရှိကြောင်း သိရသည်။

ဓါးပြမှုကျူးလွန်သူ ၄ဦး ဆိုင်အပြင်သို့ ပြန်ထွက်လာတဲ့အချိန်မှာ အနီးဝန်းကျင်ရှိ ပြည်သူများက ဝိုင်းဝန်းလိုက်လံဖမ်းဆီးခဲ့တာကြောင့် ကျူးလွန်သူနှစ်ဦးကို ဖမ်းဆီးရမိခဲ့တယ်လို့ သိရသည်။

ဂဠုန်မင်းရွှေဆိုင် ဓါးပြတိုက်ခံရမှုဖြစ်စဉ်မှာ မည်မျှပါသွားတယ်ဆိုတာကိုတော့ အသေးစိတ်မသိရသေးဘဲ ထွက်ပြေးလွတ်မြောက်နေသူ နှစ်ဦးကို ဖမ်းဆီးရမိရေး ရှာဖွေမှုတွေပြုလုပ်နေကြောင်း သိရသည်။

#ymg/ynzw #Local_News #ဖျာပုံမြို့ #ဂဠုန်မင်းရွှေဆိုင်၌ သေနတ်ပစ်ဖောက် ဓါးပြတိုက်
#YMG #Yangon-Media-Group