ရုရှားတို့က ဘဲရန့်စ် နဲ့ နော်ဝေးပင်လယ်တို့မှ ပင်လယ်ပြင်တို့မှာ Tu-95MS ဗျူဟာမြောက်ဗုံးကျဲလေယာဉ်များနဲ့ ဒုံးကျည်သယ်လေယာဉ်တို့ဖြင့် ပျံသန်းမှုခရီးစဉ် ပြီးမြောက်ခဲ့ကြောင်း ရုရှားကာကွယ်ရေးဝန်ကြီးဌာနက ပြီးခဲ့တဲ့ကြာသပတေးနေ့မှာ ပြောပါတယ်။

#World_Military
Published 31 December 2025
#ရုရှားဗုံးကျဲလေယာဉ် #ဘဲရန့်စ်
#YMG #Yangon_Times #Yangon_Media_Group

#World_News
Published 31 December 2025

■ အိန္ဒိယဟာ တိုင်းပြည်ဂျီဒီပီ ဒေါ်လာ ၄.၁၈ ထရီလီယံဖြင့် ဂျပန်ကိုကျော်ကာ ကမ္ဘာ့စတုတ္ထမြောက် စီးပွားရေးအင်အားအကြီးဆုံး ဖြစ်လာပြီး ၂၀၃၀ အရောက်မှာ ဂျာမနီကိုထပ်ကျော်ပြီးနောက် တတိယမြောက် အင်အားအကြီးဆုံးနိုင်ငံဖြစ်လာမယ်လို့ အစိုးရထုတ်ပြန်ချက်မှာ ခန့်မှန်းထားပါတယ်။

■ ပြည်တွင်းထုတ်ကုန် ဝယ်ယူသုံးစွဲမှု မြင့်မားခြင်းနဲ့ ဖွဲ့စည်းပြုပြင်ပုံ ခိုင်မာခြင်းတို့တွေကနေ စီးပွားရေးအလျင်အမြန် ဆက်လက်တိုးတက်နေပါတယ်။

■ ပြီးခဲ့တဲ့ ဘဏ္ဍာရေးနှစ် ပထမ ၃ လအတွင်း အိန္ဒိယဂျီဒီပီ ၇.၈ ရာခိုင်နှုန်းရှိခဲ့ရာကနေ ၂၀၂၅-၂၀၂၆ ဘဏ္ဍာရေးနှစ် ဒုတိယ ၃ လမှာ ၈.၂ ရာခိုင်နှုန်းသို့ တိုးတက်လာပါတယ်။

■ အမေရိကန်က ကမ္ဘာ့စီးပွားရေးအင်အားအကြီးဆုံးအဖြစ် ဆက်ရှိနေပြီး တရုတ်က ဒုတိယနေရာမှာ ရှိနေပါတယ်။

■ အိန္ဒိယအပြင် နိုင်ငံတကာအဖွဲ့အစည်းတွေဖြစ်တဲ့ ကမ္ဘာ့ဘဏ်ကလည်း ၂၀၂၆ မှာ ၆.၅ ရာခိုင်နှုန်း တိုးတက်ရန် မျှော်မှန်းထားသလို နိုင်ငံတကာရန်ပုံငွေအဖွဲ့ကလည်း ၆.၆ ရာခိုင်နှုန်းအထိ မျှော်မှန်းလာပါတယ်။

■ အိန္ဒိယအစိုးရက ငွေကြေးဖောင်းပွမှုကို သတ်မှတ်နှုန်းအောက်မှာ ထားရှိနိုင်ပြီး အလုပ်အကိုင်မဲ့အခြေအနေ ကျဆင်းလာကာ တင်ပို့ကုန်တွေ ဆက်လက်တိုးတက်မယ်လို့ ဖော်ပြထားပါတယ်။

■ ဘဏ္ဍာရေးအခြေအနေတွေ တည်ငြိမ်နေပြီး ပြည်တွင်းထုတ်လုပ်မှုတွေ ဆက်လက်အားကောင်းနေကာ စီးပွားရေးအရှိန်ကို တည်မြဲစေပါတယ်။

■ အိန္ဒိယက ကမ္ဘာပေါ်က စီးပွားရေးအင်အားကြီး နိုင်ငံတွေထဲမှာ အလျင်မြန်ဆုံး တိုးတက်နေကြောင်း၊ ဒီအရှိန်ကိုဆက်ထိန်းနိုင်မယ့် အနေအထားရှိကြောင်း၊ စီးပွားရေးဖွံ့ဖြိုးမှု၊ ဖွဲ့စည်းပြုပြင်ပုံ၊ လူမှုဆက်ဆံရေး တိုးတက်မှုတွေမှာ အုတ်မြစ်ခိုင်မာအောင် တည်ဆောက်နေကြောင်း ထုတ်ပြန်ထားပါတယ်။

Source: Reuters

#World_Science
Published 31 December 2025

■ ရှေးခေတ်က လူသားတွေဟာ မီးအသုံးပြုချင်တဲ့အခါ သစ်ပင်ကို မိုးကြိုးပစ်တဲ့ သဘာဝဖြစ်စဉ်မျိုးကနေသာ အသုံးပြုခဲ့တယ်လို့ ရှေးဟောင်းသုတေသီများ ယူဆထားပါတယ်။

■ ဒါပေမဲ့ သူတို့ဘာသာတော့ မီးကိုစတင်မပြုလုပ်နိုင်ခဲ့ပါဘူး။

■ ထိုအချိန်မှာပဲ တုတ်နှစ်ချောင်း ပွတ်တိုက်ခြင်း၊ သင့်လျော်တဲ့ကျောက်တုံးတွေကို မှန်ကန်တဲ့ အနေအထားဖြင့် ပွတ်တိုက်ခြင်းဖြင့် မီးဖန်တီးနိုင်တယ်လို့ တွေ့ရှိခဲ့ကြပါတယ်။

■ မီးစတင်ပြုလုပ်ခဲ့တဲ့ အစောဆုံးသက်သေအထောက်အထား နှစ်ပေါင်း ၄ သိန်းသက်တမ်းရှိတဲ့ နေရာမှာ တွေ့ရှိခဲ့တာဖြစ်တယ်လို့ ဗြိတိသျှပြတိုက်မှ ရှေးဟောင်းသုတေသီ နစ်အက်ရှ်တန်က ပြောပါတယ်။

■ ထိုနေရာမှာ မီးပြုလုပ်ဖို့အတွက် သံဆာလ်ဖိုက်ဒြပ်ပေါင်း အစအနတွေနဲ့ မီးခတ်ကျောက်ပုဆိန်တွေကို တွေ့ရှိခဲ့ကြပါတယ်။

■ ရှေးခေတ်လူသားတွေက ရှားပါးတဲ့ သံဆာလ်ဖိုက်တွေကို ထိုနေရာသို့ သယ်ဆောင်ခဲ့ဟန် ရှိပါတယ်။

■ မီးကြွင်းမီးကျန်တွေ ရှိနေသေးတဲ့ သံဆာလ်ဖိုက်တွေကို တူးဖော်တွေ့ရှိခဲ့ပြီး အရင်က ဒါမျိုးတစ်ခါမှ မတွေ့ခဲ့ဖူးဘူးလို့ ဆိုင်မွန်ဖရေဆာတက္ကသိုလ်မှ ရှေးဟောင်းသုတေသီ ဒန်နစ်ဆန်းဂိတ်က ပြောပါတယ်။

■ မီးပြုလုပ်ခြင်းက လူသားသမိုင်းမှာ အရေးအပါဆုံး တွေ့ရှိမှုတွေထဲက တစ်ခုအဖြစ် သဘောတူကြပြီး ရှေးခေတ်လူသားတွေအနေနဲ့ သားရဲရန်မှ ကာကွယ်ခြင်း၊ အစားအစာ ပြုလုပ်ခြင်း၊ ချမ်းအေးလွန်းတဲ့ ရာသီဥတုမှာ နေထိုင်နိုင်ခြင်းတို့ ရရှိစေပါတယ်။

■ ဒီနေရာကို အစောပိုင်း နီယန်ဒါသယ်တွေ အသုံးပြုခဲ့တယ်လို့ ယူဆထားပေမယ့် အခြားသော ရှေးခေတ်လူသားတွေလည်း မီးပြုလုပ်နိုင်စွမ်း ရှိခဲ့တယ်လို့ ထင်နေကြပါတယ်။

■ ဒီတွေ့ရှိချက်အရ မီးပြုလုပ်ခြင်းက လျင်မြန်စွာပျံ့နှံ့သွားခဲ့ပြီး ရှုပ်ထွေးတဲ့ဖြစ်စဉ်အဖြစ် သတ်မှတ်နိုင်မှာ ဖြစ်ပါတယ်။

Source: NPR

#World_Health
Published 31 December 2025

■ လူတွေက အားအင်လိုအပ်တဲ့အခါ ခွန်အားဖြည့်အချိုရည်တွေ သောက်သုံးကြပြီး မျိုးဆက်သစ်လူငယ်တွေရဲ့ ၆၄ ရာခိုင်နှုန်းလောက် သောက်သုံးကြပါတယ်။

■ ဒီလိုအချိုရည်တွေက နှလုံးပြဿနာများ၊ စိုးရိမ်စိတ်၊ အိပ်မပျော်ခြင်း၊ ခေါင်းကိုက်ခြင်း၊ သွားနဲ့ခံတွင်းပြဿနာများ ဖြစ်လာစေကြောင်း ဆရာဝန်တွေ သတိပေးထားတာ ကြာပါပြီ။

■ လူက ဘယ်လောက်ပဲငယ်ငယ် ဘယ်လိုပဲကျန်းမာရေးကောင်းကောင်း ခွန်အားဖြည့်အချိုရည်တွေက ကျန်းမာရေးပြဿနာတွေ ဖြစ်လာနိုင်တဲ့ သက်သေတွေ အများအပြား ရှိထားပါတယ်။

■ ယူကေမှ ကျန်းမာရေးကောင်းမွန်တဲ့ အသက် ၅၀ ဝန်းကျင် လူတစ်ဦးဟာ အလွန်သွေးတိုးခြင်းနဲ့ လေဖြတ်ခြင်းခံစားရတာကြောင့် ကုသမှုခံယူခဲ့ရပါတယ်။

■ သူဟာ တစ်နေ့ကို အားဖြည့်အချိုရည် ၈ ဗူးသောက်တဲ့အကျင့် ရှိပါတယ်။

■ ခန္ဓာကိုယ် ဘယ်ဘက်ခြမ်းမှာ ထုံကြဉ်အားနည်းခြင်း ခံစားရပြီးနောက် သူဟာ ဦးနှောက်သွေးခဲလေဖြတ်ခြင်းမျိုး ခံစားရတာဖြစ်ပါတယ်။

■ အာရုံခံစားခြင်းနဲ့ လှုပ်ရှားမှုတို့ ပါဝင်ပတ်သက်နေတဲ့ ဦးနှောက်အစိတ်အပိုင်းမှာ သွေးကြောပိတ်ဆို့တာ ဖြစ်ပါတယ်။

■ လမ်းလျှောက်ရ မျိုချရ စကားပြောရ ခက်ခဲတဲ့ လက္ခဏာတွေလည်း ဖြစ်လာပြီး သွေးပေါင်ချိန်က ၂၅၄/ ၁၅၀ ရှိပါတယ်။

■ တစ်နေ့ကို အားဖြည့်အချိုရည် ၈ ဗူး သောက်နေခြင်းက ကဖင်းဓာတ် ၁,၃၀၀ မီလီဂရမ်နီးပါး သောက်မိနေတာ ဖြစ်ပါတယ်။

■ အချိုရည်တွေ ဖြတ်ပြီးနောက် နှစ်တွေကြာတာတောင် ဒီအကျိုးဆက်တွေ ခံစားနေရတာ ဖြစ်ပါတယ်။

■ ကဖင်းဓာတ်ကြောင့်ပင် မဟုတ်ဘဲ သကြားဓာတ်၊ ဂွာရာနာတို့လို လှုံ့ဆော်ပစ္စည်းတွေက နှလုံးခုန်နှုန်းနဲ့ သွေးဖိအားတို့ကို မြင့်တက်စေတယ်လို့ သုတေသီတွေ ဖော်ပြထားပါတယ်။

■ ဒီလိုအချိုရည်တွေကို ပိုမိုတင်းကြပ်စွာ ကွပ်ကဲစစ်ဆေးပြီး ရောင်းချကြဖို့ တိုက်တွန်းနေကြပါတယ်။

Source: New York Post

#World_News
Published 30 December 2025

■ အီရန်အနေနဲ့ ပဲ့ထိန်းဒုံးကျည်တွေ နျူကလီးယားလက်နက် အစီအစဉ်တွေ ပြန်လည်ဆောက်လုပ်ဖို့ စတင်လာပါက နောက်ထပ်တိုက်ခိုက်မှုကြီး ပြုလုပ်သွားဖို့ အမေရိကန် ထောက်ပံ့သွားမှာဖြစ်ကြောင်း သမ္မတ ဒေါ်နယ်ထရမ့်က တနင်္လာနေ့မှာ ပြောပါတယ်။

■ ဒါ့အပြင် ဟားမတ်စ်အနေနဲ့ လက်နက်မချပါက နောက်ဆက်တွဲအကျိုးဆက်တွေ ပြင်းထန်လိမ့်မယ်လို့လည်း သတိပေးလိုက်ပါတယ်။

■ ဇွန်လက အမေရိကန်တိုက်ခိုက်မှုကြီး ပြုလုပ်ပြီးနောက် အီရန်ဟာ လက်နက်အစီအစဉ်တွေ ပြန်လည်လုပ်ဆောင်ရန် ကြိုးပမ်းနေတာ ဖြစ်နိုင်တယ်လို့ အစ္စရေးလ်ဝန်ကြီးချုပ်နဲ့ ဖလော်ရီဒါအိမ်မှာ တွေ့ဆုံစဉ် ထရမ့်ကပြောခဲ့ပါတယ်။

■ တိုက်ခိုက်တဲ့နေရာမှာမဟုတ်ဘဲ အခြားနေရာတွေမှာ ဆောက်လုပ်တာဖြစ်နိုင်တယ်လို့ သတင်းထောက်တွေကို ပြောပါတယ်။

■ ဇွန်လက အစ္စရေးလ်နဲ့ ၁၂ ရက်တာ တိုက်ခိုက်ခဲ့တဲ့ အီရန်က ယခုလအတွင်း ဒုတိယအကြိမ် ဒုံးကျည်လေ့ကျင့်ရေးတွေ ပြုလုပ်ခဲ့တယ်လို့ ပြောထားပါတယ်။

■ အီရန်နဲ့ နျူကလီးယားသဘောတူညီချက် ရယူထားတဲ့ ထရမ့်က ဂါဇာငြိမ်းချမ်းရေး သဘောတူညီချက်ဟာ ခိုင်ခံ့မှုမရှိဘဲ အီရန်နဲ့ ဟက်ဇ်ဘိုလာတို့ အစ္စရေးလ်အပေါ် ကျူးလွန်လာနိုင်တာကို ထရမ့်က စိုးရိမ်နေပါတယ်။

■ ထရမ့်နဲ့ အစ္စရေးလ်ဝန်ကြီးချုပ် နေတန်ယာဟူတို့က ဂါဇာငြိမ်းချမ်းရေးထိန်းသိမ်းမှုမှာ တူရကီရဲ့ အရေးပါပုံကို ဆွေးနွေးခဲ့ကြပါတယ်။

■ အစ္စရေးလ်ထိန်းချုပ်ထားတဲ့ အနောက်ပိုင်းဘဏ်အပေါ်မှာ ယင်းတို့နှစ်ဦး သဘောထားကွဲလွဲမှုတွေ ဖြစ်ပေါ်ခဲ့ပေမယ့် အတိအကျတော့ မဖော်ပြထားပါဘူး။

Source: Reuters

#World_Health
Published 30 December 2025

■ ပဲပိစပ်ဆီမှာ အဆီပါဝင်မှု၊ ရောင်ရမ်းစေနိုင်ခြင်းနဲ့ အပူပေးတဲ့အခါ သက်ရောက်နိုင်စွမ်းတို့ကြောင့် လက်ရှိမှာ စောင့်ကြည့်စစ်ဆေးနေကြပါတယ်။

■ ဈေးကွက်မှာ အလွယ်တကူ ဝယ်ယူရရှိနိုင်တဲ့ ပဲပိစပ်ဆီက အသုံးများလာပါတယ်။

■ အိုမီဂါ-၆ ဖက်တီးအက်ဆစ်၊ ဗိုက်တာမင်-အီး၊ ပြည့်ဝဆီအနည်းဆုံး ပါဝင်တယ်လို့ သိထားကြပေမယ့် တကယ်တမ်းမှာ အဆီပါဝင်မှုအချိုးအစား၊ ဓာတ်တိုးတည်မြဲနိုင်စွမ်း၊ ဇီဝဖြစ်စဉ်များအပေါ် ဓာတုဓာတ်ပြုမှုတွေနဲ့ ပတ်သက်ပြီး စိုးရိမ်စရာဖြစ်လာပါတယ်။

■ ဆီစစ်ထုတ်တဲ့နေရာမှာ အပူချိန်မြင့်မားစွာ အသုံးပြုရတဲ့အတွက် ခန္ဓာကိုယ်ထဲ ဓာတ်တိုးမှုတွေ ဖြစ်စေပြီး ရောင်ရမ်းမှုတွေဖြစ်စေတဲ့ ဒြပ်ပေါင်းတွေ ထုတ်လုပ်ပေးပါတယ်။

■ အိုမီဂါ-၆ ဖက်တီးအက်ဆစ်နဲ့ အိုမီဂါ-၃ အချိုး ၄:၁ ခန့်က ကျန်းမာရေးအတွက် သင့်လျော်ပေမယ့် ပဲပိစပ်ဆီမှာတော့ ၂၀:၁ လောက်ဖြစ်နေကာ ရောင်ရမ်းစေတဲ့ဒြပ်ပေါင်းတွေ များလာစေပြီး ကိုယ်အလေးချိန်တက်ခြင်း၊ အဆစ်ရောင်ခြင်း၊ အင်ဆူလင်ယဉ်ပါးခြင်း၊ ထရိုင်ဂလစ်ဆရိုက်များခြင်းတို့ ဖြစ်လာစေပါတယ်။

■ အိန္ဒိယမှာဆိုရင် မုန့်တွေ၊ ကိတ်မုန့်ပေါင်မုန့်တွေ၊ ဆီကြော်မုန့်တွေ စသဖြင့် ပဲပိစပ်ဆီအသုံးပြုတဲ့အတွက် အိုမီဂါ-၆ တွေ စားမိနေပါတယ်။

■ ဒါ့အပြင် အူလမ်းကြောင်း ဘက်တီးရီးယားတွေ မညီမမျှဖြစ်စေကာ အူနံရံဖြတ်သန်းနိုင်စွမ်းနဲ့ ဟော်မုန်းတို့ နှောင့်ယှက်စေပြီး သိုင်းရွိုက်ပြဿနာများလည်း ဖြစ်လာနိုင်ပါတယ်။

■ ပဲပိစပ်ဆီမှာ ဗိုက်တာမင်-အီး ပါဝင်ပေမယ့် သန့်စင်ထုတ်လုပ်ခြင်းနဲ့ ချက်ပြုတ်ခြင်းတို့ ပြုလုပ်စဉ် ဓာတ်တိုးဆန့်ကျင်အာနိသင်များ အတော်လေး လျော့ကျသွားပါတယ်။

■ ကျန်းမာရေးကောင်းဖို့အတွက်ဆိုရင် ဆီပြောင်းလဲအသုံးပြုသင့်ပြီး အာဟာရဓာတ် ပိုကြွယ်ဝတာမျိုးကို အကြံပြုပါတယ်။

Source: Indian Express.