#World_Health
Published 03 January 2025

▪️ ကော်ဖီလက်ဖက်ရည်တို့ သောက်လေ့ရှိသူတွေဟာ ဦးခေါင်းနဲ့ လည်ပင်းကင်ဆာ ဖြစ်နိုင်ခြေ အနည်းငယ်လျော့ကျစေတယ်လို့ သုတေသီများ တွေ့ရှိထားပါတယ်။

▪️ လေ့လာချက်အသစ်မှာ လက်ဖက်ရည်နဲ့ ကော်ဖီတို့ ကိုယ်တိုင်က ကင်ဆာကာကွယ်နိုင်တာ မဟုတ်ပေမယ့် အငြင်းပွားစရာ အဖြေတွေကိုတော့ ရှင်းပေးနိုင်မှာ ဖြစ်ပါတယ်။

▪️ သုတေသနအဖွဲ့က ဥရောပ၊ မြောက်အမေရိက၊ လက်တင်အမေရိကတို့မှာ ပြုလုပ်တဲ့ လေ့လာမှု ၁၄ ခုကနေ ဆန်းစစ်ခဲ့ကြပါတယ်။

▪️ စမ်းသပ်ပါဝင်သူများ လက်ဖက်ရည်နဲ့ ကော်ဖီ သောက်သုံးပုံတွေကို စစ်တမ်းကောက်ခံခဲ့ကြပြီး ကဖင်းမပါကော်ဖီသောက်သုံးတဲ့ သူတွေလည်း ပါဝင်ပါတယ်။
ဦးခေါင်းနဲ့ လည်ပင်းကင်ဆာဖြစ်သူ ၉၅၄၈ ဦးနဲ့ ကင်ဆာမရှိသူ ၁၅၇၈၃ ဦးတို့ရဲ့ အချက်အလက်တွေ ဆန်းစစ်ခဲ့ကြပါတယ်။

▪️ အခြားအချက်အလက်များပါ ထည့်သွင်းစဉ်းစားတဲ့အခါ တစ်နေ့ကို ကဖင်းပါတဲ့ကော်ဖီ ၄ ခွက်နဲ့အထက် သောက်သူတွေက မသောက်တဲ့သူတွေထက် ဦးခေါင်းနဲ့ လည်ပင်းကင်ဆာ ဖြစ်နိုင်ခြေ ၁၇ ရာခိုင်နှုန်း ပိုနည်းတာကို တွေ့ခဲ့ကြပါတယ်။

▪️ ဒါ့အပြင် ခံတွင်းခေါင်းနဲ့ ပါးစပ်အနောက်ဘက် လည်ချောင်းအစိတ်အပိုင်း ကင်ဆာတို့လည်း ဖြစ်နိုင်ခြေ လျော့နည်းတာနဲ့ ဆက်စပ်နေပါတယ်။

▪️ ကဖင်းမပါတဲ့ကော်ဖီ သောက်ခြင်းကတော့ ခံတွင်းခေါင်းကင်ဆာ ဖြစ်နိုင်ခြေတစ်ခုတည်းနဲ့ပဲ သက်ဆိုင်နေပါတယ်။

▪️ လက်ဖက်ရည်သောက်တဲ့ အခြေအနေကတော့ သိပ်မရှင်းလင်းဘဲ တစ်နေ့ကို တစ်ခွက်မျှ သောက်သုံးခြင်းဖြင့် ဦးခေါင်းနဲ့ လည်ပင်းကင်ဆာ ဖြစ်နိုင်ခြေ ၉ ရာခိုင်နှုန်း လျော့နည်းတာနဲ့ ဆက်စပ်နေတယ်လို့ တွေ့ရပါတယ်။

▪️ ကဖင်းဓာတ်အပြင် အခြား ဇီဝသတ္တိကြွဒြပ်ပေါင်းတွေက ကော်ဖီနဲ့ လက်ဖက်ရည်တို့မှာ ကင်ဆာဆန့်ကျင်အာနိသင် ရစေတာဖြစ်မယ်လို့ ဟန့်စ်မန်းကင်ဆာအဖွဲ့အစည်းမှ ဒေါက်တာ ယွမ်ချင်အေမီလီက ပြောသွားပါတယ်။

▪️ ဒါပေမဲ့ လက်ဖက်ရည်ကို တစ်နေ့ တစ်ခွက်ထက်ပိုသောက်ရင်တော့ အစာအိမ်အက်ဆစ် လျှံတက်ခြင်း ပိုဖြစ်လာနိုင်တယ်လို့ ဆိုပါတယ်။

▪️ ဆက်စပ်ကြည့်ရင်တော့ ကော်ဖီ လက်ဖက်ရည်တို့ သောက်တဲ့သူတွေဟာ အရက်သေစာ ဆေးလိပ်တို့ သုံးစွဲနိုင်ခြေ နည်းသွားတာကြောင့် ကင်ဆာဖြစ်နိုင်ခြေနည်းတာ ဖြစ်နိုင်တယ်လို့လည်း သုံးသပ်ထားပါတယ်။

#Source: The Guardian

အမ်မရိတ်မှ ပျားမွေးမြူသူများနဲ့ ပျားရည်လုပ်ငန်းကို ပံ့ပိုးတဲ့အနေနဲ့ နှစ်စဉ်နာမည်ကျော် ယူအေအီးပွဲတစ်ခုဖြစ်တဲ့ ၉ ကြိမ်မြောက် ဟက်တာဟန်နီပွဲတော်ကို ဒူဘိုင်းမှာ ကျင်းပခဲ့ပါတယ်။
#World_Event
Published 2 January 2025
#ပျားရည်ပွဲတော် #ပျားရည်လုပ်ငန်း
#YMG #Yangon_Times #Yangon_Media_Group

#Daily_News
Published 2 January 2025

၁။ တောင်ငူ၌ (၁၄) ကြိမ်မြောက်မျက်စိအလင်းအလှူတော်ပြုလုပ်မည်

၂။ မြန်မာနိုင်ငံ၏ခန့်မှန်းလူဦးရေ ၅၁ သန်းကျော်ရှိပြီး ရန်ကုန်တိုင်းတွင်အများဆုံးဟုဆို

၃။ တစ်နေ့လျှင် ‌ရွှေပိဿာတစ်ရာကျော်ထွက်ရှိနေပြီး ရွှေဈေးကွက်အေးနေ

၄။ (၉)ကြိမ်မြောက် ပျားရည်ပွဲတော် ဒူဘိုင်းတွင်ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 January 2025
▪️ အမေရိကန်တပ်သားဟောင်းတစ်ဦးဟာ ISISအလံ ချိတ်ဆွဲထားတဲ့ သူ့ထရပ်ကားဖြင့် နှစ်သစ်ကူးနေ့က ယာယီအတားအဆီးများကို ကွေ့ပတ်မောင်းနှင်ပြီး နယူးအော်လင်းစ်ရှိ လူစည်ကားရာ ပြင်သစ်ရပ်ကွက်ထဲသို့ ဝင်တိုက်ခဲ့တာကြောင့် ၁၅ ဦးသေဆုံးခဲ့ကာ ဒါဟာ တခြားသူတွေရဲ့ အကူအညီနဲ့ ဆောင်ရွက်တာ ဖြစ်နိုင်တယ်လို့ အရာရှိများ ပြောပါတယ်။

▪️ တရားခံဟာ အသက် ၄၂ နှစ်အရွယ် ရှမ်ဆွတ်ဒင်ဂျက်ဘာလို့ အမည်ရပြီး တက္ကဆပ်စ်မှ အမေရိကန်နိုင်ငံသားဖြစ်ကာ အာဖဂန်နစ္စတန်မှာ တာဝန်ထမ်းဆောင်ခဲ့ဖူးပြီး ယခု လူအုပ်ထဲဝင်တိုက်ခဲ့ပြီးနောက် ရဲတွေနဲ့ ပစ်ခတ်ရာမှာ သေဆုံးသွားခဲ့ပါတယ်။

▪️ တရားခံနဲ့ ပစ်ခတ်ရင်း ဒဏ်ရာရခဲ့တဲ့ ရဲအရာရှိ ၂ ဦးအပါအဝင် လူ ၃၀ခန့် ဒဏ်ရာရရှိခဲ့ပါတယ်။

▪️ နှစ်သစ်ကူးကာလ နံနက် ၃ နာရီ ၁၅ မိနစ်ခန့်မှာ လူအများကြီး ပျော်ရွှင်နေကြတဲ့ သမိုင်းဝင်ဧည့်ခရီးသွားနေရာ ကန်နယ်လ်နဲ့ ဘော်ဘွန်လမ်းထောင့်အနီးမှာ ဖြစ်ပွားခဲ့တာ ဖြစ်ပါတယ်။

▪️ ရဲတွေနဲ့ နိုင်ငံရေးခေါင်းဆောင်တွေက ကြံရာပါတွေကို ဖမ်းဆီးသွားမယ်လို့ ကြုံးဝါးလိုက်ပါတယ်။

▪️ ကားပေါ်မှာ ပေါက်ကွဲရေးပစ္စည်းတစ်ခုနဲ့ လက်နက်တွေ တွေ့ရှိခဲ့ပြီး ပြင်သစ်ရပ်ကွက်မှာ ပေါက်ကွဲစေနိုင်တဲ့ပစ္စည်း ၂ခု တွေ့ရှိခဲ့ကာ ယခုဘေးကင်းပြီလို့ FBIက ဆိုပါတယ်။

▪️ နယူးအော်လင်းစ်မှာ နှစ်သစ်ကူးနေ့ရောက်ရင် နှစ်စဉ်ကျင်းပမြဲဖြစ်တဲ့ Sugar Bowl ကောလိပ်ဘောလုံးပွဲကို ရွှေ့ဆိုင်းထားပြီး မြို့ထဲတဝိုက် ပေါက်ကွဲစေနိုင်မယ့် ပစ္စည်းတွေကို ရဲတွေရှာဖွေနေကြပါတယ်။

▪️ ယာဉ်ရဲ့နောက်တွဲတစ်နေရာမှာ ISISအလံ ချည်ထားတာကြောင့် အကြမ်းဖက် အဖွဲ့အစည်းတွေနဲ့ ဆက်စပ်နေမလားဆိုတာကို စုံစမ်းနေကြတယ်လို့ FBIက ပြောပါတယ်။

▪️ ဂျက်ဘာတစ်ဦးတည်း ပြုလုပ်တယ်လို့ မယုံကြည်ကြောင်း၊ သူနဲ့ လုပ်ဖော်ကိုင်ဖက်တွေ အပါအဝင် သတင်းလမ်းစတိုင်းကို အားချင်းစုံစမ်းနေကြကြောင်း၊ သံသယရှိသူ အများအပြားကို ရှာဖွေနေကြကြောင်း FBI လက်ထောက် အထူးအေးဂျင့် အယ်လက်သီယာဒွန်ကန်က သတင်းထောက်တွေကို ပြောသွားပါတယ်။

▪️ လက်ရှိသမ္မတဂျိုးဘိုင်ဒင်က ယခုတိုက်ခိုက်မှုကို ရှုတ်ချလိုက်ကာ တရားခံဖြစ်သူ ISISကို ဝင်ရောက်ချင်တဲ့အကြောင်း ဗီဒီယိုရိုက်ကူးထားတာကို စစ်ဆေးတွေ့ရှိတယ်လို့ CNNက ဖော်ပြထားပါတယ်။

▪️ ဂျက်ဘာဟာ ၂၀၀၇ မတ်လမှ ၂၀၁၅ ဇန်နဝါရီအထိ အမေရိကန်တပ်မှာ တာဝန်ထမ်းဆောင်ခဲ့ပြီး ၂၀၁၅ ဇန်နဝါရီကနေ ၂၀၂၀ ဇူလိုင်အထိ အရန်တပ်မှာ ပါဝင်ခဲ့သလို အာဖဂန်နစ္စတန်မှာလည်း သွားရောက်တာဝန်ထမ်းဆောင်ဖူးပါတယ်။

#Source: Reuters

#World_Health
Published 02 January 2025

▪️ ခွေးမွေးခြင်းကြောင့် မိသားစုဝင်တွေ ပျော်ရွှင်ကြည်နူးရပေမယ့် သူတို့ရဲ့ ကျန်းမာရေးက လူတွေအတွက် စိုးရိမ်စရာ ဖြစ်နိုင်ပါတယ်။

▪️ လူတွေရဲ့ ကျန်းမာရေး ထိခိုက်စေနိုင်မယ့် ရောဂါပိုးမွှားတွေကို ခွေးတွေသယ်ဆောင်လာနိုင်ပါတယ်။

▪️ ခွေးကြောင့် လူတွေမှာ ကျန်းမာရေးပြဿနာ ဖြစ်နိုင်တဲ့အရာများကို ဖော်ပြလိုက်ပါတယ်။

▪️ (၁) ဓာတ်မတည့်ခြင်း - ခွေးတွေရဲ့ တံတွေး၊ အမွှေးတွေကနေ လူတွေမှာ ဓာတ်မတည့်ခြင်းများ ဖြစ်ပေါ်နိုင်ပြီး ပုံမှန်သန့်ရှင်းရေး ပြုလုပ်ပေးသင့်ပါတယ်။

▪️ (၂) တိရိစ္ဆာန်ရောဂါများ - ပွေး၊ လက်ပ်တိုစပိုင်ရိုဆစ်၊ ဆယ်မွန်နဲလားတို့က ခွေးကနေ လူကိုကူးစက်နိုင်ပြီး ကာကွယ်ဆေးထိုးခြင်း၊ ကူးစက်တိရိစ္ဆာန်များနဲ့ မထိတွေ့ခြင်းတို့ ပြုလုပ်နိုင်ပါတယ်။

▪️ (၃) သန်းနဲ့ မွှားများ - ခွေးတွေမှာ သန်းတွေ မွှားတွေရှိပါက Lymeရောဂါ၊ ရော့ကီမောင်တိန် အဖျားရောဂါတို့ ကူးစက်လာနိုင်တာကြောင့် ဆေးခန်းမှာ ပုံမှန်စစ်ဆေးကာကွယ်သင့်ပါတယ်။

▪️ (၄) ခွေးကိုက်ခြင်း - ခွေးကိုက်ရာကနေ ခွေးရူးပြန်နဲ့ မေးခိုင်ရောဂါတို့ ကူးစက်နိုင်တာကြောင့် ကာကွယ်ဆေးများ ထိုးသင့်ပါတယ်။

▪️ (၅) အူလမ်းကြောင်းကပ်ပါးကောင်များ - ခွေးစွန့်ပစ်အညစ်အကြေးများနဲ့ ထိတွေ့မိပါက သန်ကောင်နဲ့ တုပ်ပြားကောင်တို့လို ကပ်ပါးကောင်တွေ ကူးစက်လာနိုင်တာကြောင့် ခွေးတွေကို ပုံမှန်သန်ချသင့်ပါတယ်။

▪️ (၆) အရေပြားရောဂါကူးစက်မှုများ - မှိုနဲ့ ဘက်တီးရီးယားတို့က လူသားဆီ ကူးစက်နိုင်တာကြောင့် ခွေးတွေရဲ့ အရေပြားကျန်းမာရေးကို ကုသထားသင့်ပါတယ်။

▪️ (၇) အသက်ရှူလမ်းကြောင်း ကူးစက်မှုများ - ခွေးတွေ ချောင်းဆိုးခြင်းနဲ့ အခြားပြဿနာများကြောင့် ကိုယ်ခံအားနည်းနေတဲ့ လူတွေဆီ ပိုးမွှားများ ကူးစက်နိုင်ပြီး အိမ်မှာ လေဝင်လေထွက်ကောင်းအောင် ပြုလုပ်နိုင်ပါတယ်။

▪️ (၈) ခွေးပူပန်စိတ်ပြဿနာ - ပူပန်မှုများတဲ့ ခွေးတွေကြောင့် ပိုင်ရှင်တွေမှာပါ ဖိစီးခံစားမှုများ ဖြစ်နိုင်ကာ စိတ်ငြိမ်သက်အောင် ပြုလုပ်ပေးသင့်ပါတယ်။

▪️ (၉) အသံဆူညံခြင်း - အလွန်အမင်း ဟောင်ခြင်းကြောင့် လူတွေ အိပ်ရေးပျက် အနှောင့်အယှက် ဖြစ်နိုင်ပါတယ်။

▪️ (၁၀) အဝလွန်ခြင်း ဆက်စပ်ကျန်းမာရေးပြဿနာများ - ခွေးတွေကို အစာကျွေးလွန်းခြင်း လှုပ်ရှားမှုမရှိခြင်းတို့က ပိုင်ရှင်တွေရဲ့ နေထိုင်စားသောက်မှုပုံစံလည်း ထင်ဟပ်စေကာ ပိုင်ရှင်ရော ခွေးအတွက်ပါ လေ့ကျင့်မှု ထားရှိသင့်ပါတယ်။

#Source: DoctorNDTV

#World_Health
Published 02 January 2025

▪️ အသက်ကြီးလာတာနဲ့အမျှ မျက်လုံးတွေ ယိုယွင်းလာကြပြီး အဓိကအားဖြင့် ဖုန်း၊ ကွန်ပျူတာကြည့်ချိန် များခြင်း၊ အစားအသောက် ချို့တဲ့ခြင်းနဲ့ ဖိစီးမှုတွေကြောင့် ဖြစ်ပြီး မျက်လုံးပြဿနာအမျိုးမျိုး ဖြစ်နိုင်ပါတယ်။

▪️ အသက် ၆၀ လူတစ်ဦးရဲ့ မျက်ကြည်လွှာဟာ အသက် ၂၀ အရွယ်လူငယ် မျက်ကြည်လွှာကနေ အလင်းရရှိတာရဲ့ ၃ ပုံ ၁ ပုံလောက်သာ ရရှိတယ်လို့ ၁၉၈၈ခုနှစ်က ထုတ်ဝေတဲ့ စာအုပ်တစ်အုပ်မှာ ဖော်ပြထားပါတယ်။

▪️ ဖုန်း ကွန်ပျူတာ တီဗီတို့ အကြည့်များလာတဲ့ခေတ်မှာ ၂၀-၂၀-၂၀ စည်းမျဉ်းက အသုံးဝင်လာပါတယ်။

▪️ ဒါကတော့ ကြည့်နေရင်းနဲ့ မိနစ် ၂၀ ကြာတိုင်း ပေ ၂၀ အကွာအဝေးကို စက္ကန့် ၂၀ ကြည့်ပေးရမှာ ဖြစ်ပါတယ်။

▪️ ဒီနည်းလမ်းက မျက်လုံးကြွက်သားများ ဖိအားများ ပြေလျော့စေပြီး မျက်လုံးခြောက်သွေ့ခြင်းမှ ကာကွယ်ပေးပါတယ်။

▪️ ဟင်းနုနွယ်ကဲ့သို့ အစိမ်းရောင်ဟင်းရွက်များ၊ ပဲနံ့သာပင်၊ မုန်လာဥနီ၊ အိုမီဂါ-၃ ဖက်တီးအက်ဆစ်တို့ဟာ မျက်လုံးကျန်မာရေး ကောင်းမွန်စေပြီး နနွင်းကတော့ ဗဟိုအမြင်အာရုံ ချို့ယွင်းခြင်းမှ ကာကွယ်ပေးပါတယ်။

▪️ မျက်လုံးပိတ်ထားတဲ့အပေါ် လက်တင်ထားခြင်း၊ မျက်လုံးကို စက်ဝိုင်းပုံစံလှည့်ပေးခြင်းတို့က သွေးလည်ပတ်မှု ကောင်းစေပြီး တင်းအားပြေလျော့စေပါတယ်။

▪️ ခရမ်းလွန်ရောင်ခြည်က ရေတိမ်နဲ့ အခြားမျက်လုံးပြဿနာများ ဖြစ်စေတာကြောင့် ခရမ်းလွန်ရောင်ခြည်ကို ၁၀၀ ရာခိုင်နှုန်းကာကွယ်တဲ့ နေကာမျက်မှန်တပ်ပြီး အပြင်ထွက်သင့်ပါတယ်။

▪️ ရေဓာတ်ခန်းခြောက်ပါက မျက်လုံးခြောက်နိုင်တာကြောင့် တစ်နေ့ကို ရေ ၈-၁၀ခွက်ခန့် သောက်သုံးသင့်ပါတယ်။

▪️ ဒါ့အပြင် မျက်လုံးခြောက်ခြင်းကို ယာယီသက်သာစေတဲ့ မျက်စဉ်းဆေးတွေကို အလွန်အကျွံ အားမကိုးသင့်ပါဘူး။

▪️ မျက်လုံးရောဂါရှိမရှိ ပုံမှန်မျက်လုံးစစ်ဆေးသင့်ပြီး ကြိုတင်ကာကွယ်ခြင်းက ကုသခြင်းထက် ပိုကောင်းပါတယ်။

#Source: Times of India