#World_Science

Published 07 August 2025

▪️ ရူပဗေဒပညာရှင်တွေဟာ နေ့စဉ်အသုံးပြုနေတဲ့ သတ္တုတွေမှာ သံလိုက်အချက်ပြမှုတစ်ခု ရှိသင့်တယ်ဆိုတာကို ရာစုနှစ်တစ်ခုကျော်တိုင်အောင် သိနေကြပေမယ့် တွေ့တော့မတွေ့ရှိခဲ့ပါဘူး။

▪️ အခုတော့ လေဆာအပြာတန်းတစ်ခု အသုံးပြုပြီး သမားရိုကျနည်းပညာကို နှိုးဆွအသုံးချခြင်းဖြင့် Hall effect ဆိုတဲ့ မတွေ့ရှိခဲ့တဲ့ဖြစ်စဉ်ကို တွေ့ရှိခဲ့ကြပါတယ်။

▪️ ဒီနည်းလမ်းဖြင့် သတ္တုပစ္စည်းတွေမှာ သံလိုက်လက္ခဏာတွေ ပုန်းကွယ်နေတာကို ထုတ်ဖော်ရုံမက ရူပဗေဒ၊ ကွမ်တန်နည်းပညာများ၊ အီလက်ထရွန်နစ်ဒီဇိုင်းတွေမှာပါ ကဏ္ဍအသစ် ဖြစ်လာနိုင်ပါတယ်။

▪️ သုတေသီအဖွဲ့တစ်ဖွဲ့က အလင်းနဲ့ မြင်ကွင်းနည်းစနစ်ကိုသာ အသုံးပြုပြီး နေ့စဉ်ထိတွေ့နေတဲ့ သတ္တုတွေထဲက သံလိုက်အချက်ပြလက္ခဏာ မှိန်မှန်လေးကို ကြံကြံဖန်ဖန် ဖန်တီးတွေ့ရှိခဲ့တာ ဖြစ်ပါတယ်။

▪️ ၄၄၀ နာနိုမီတာလေဆာနဲ့ သံလိုက်စက်ကွင်းချိန်ညှိချက်ပါဝင်တဲ့ MOKE စနစ်ဖြင့် သံလိုက်အားကို ဖမ်းယူခဲ့ပါတယ်။

▪️ ဒီတွေ့ရှိချက်က ဝင်ရိုးလည်ပတ်ခြင်း၊ ကွမ်တန်စနစ်များနဲ့ သံလိုက်မှတ်ဉာဏ်ပုံစံတို့နဲ့ ဆက်စပ်တဲ့အခြင်းအရာတွေ တွေ့ရှိလာပါတယ်။

▪️ ဒီနည်းလမ်းဟာ ဝါယာတွေအစား လေဆာများဖြင့် သံလိုက်အတိုင်းအတာတွေကို အကျယ်ချဲ့မြင်စေပြီး အီလက်ထရွန်နစ်နဲ့ ကွမ်တန်တွက်ချက်မှုတွေမှာ တိုးတက်မှုတွေကို အထောက်အကူ ဖြစ်စေပါတယ်။

▪️ ဒါက သံလိုက်စွမ်းအားကို စူးစမ်းခြင်း၊ လျင်မြန်စွာ တွက်ချက်မှုတွေ၊ စွမ်းအင်သက်သာစေမယ့် စနစ်တွေအတွက် ဖောက်ထွင်းစရာမလိုတဲ့ ကိရိယာ ဖြစ်လာစေမှာပါ။

Source: SciTechDaily.

#World_Health

Published 07 August 2025

▪️ ရင်သားကြီးနေတဲ့ ယောက်ျားတစ်ယောက်က သူ့ရင်သားတွေကို ခွဲစိတ်ဖယ်ရှားပစ်ချင်နေတာကြောင့် အလှူငွေကောက်ခံနေပါတယ်။
အသက် ၃၁ နှစ်ရှိတဲ့ သာဘိုမက်သီက အသက် ၁၀ နှစ်တည်းက ရင်သားတွေ ဖွံ့ဖြိုးလာတာကို သတိပြုမိခဲ့ပါတယ်။

▪️ ကျောင်းမှာဆိုရင် တခြားကလေးတွေက သူ့ရင်သားဟာ မိန်းမတွေထက် ပိုကြီးတယ်လို့ လှောင်ပြောင်ခဲ့ကြပါတယ်။

▪️ သာဘိုဟာ အပေါ်အင်္ကျီကို အများရှေ့မှာ ချွတ်မပြရဲတာကြောင့် ရေကူးခြင်းလိုမျိုး အားကစားတွေမှာ မပါဝင်ခဲ့ပါဘူး။

▪️ ဆရာဝန်တွေနဲ့ ပြသရာမှာ ယောက်ျားတွေမှာ ရင်သားဂလင်းတစ်ရှူးတွေ များပြားနေတဲ့ gynaecomastia ရောဂါလို့ သိခဲ့ရပါတယ်။

▪️ ဒီအတောအတွင်း ရင်ဘတ်ကိုဖုံးကွယ်နိုင်ဖို့ တီရှပ်အင်္ကျီဆိုဒ်ကြီးတွေကိုသာ ဝတ်ဆင်နေထိုင်ခဲ့ပါတယ်။

▪️ ဒီအတွက် လိုအပ်တဲ့ ခွဲစိတ်မှုပြုလုပ်ဖို့ ၈,၇၄၁ ဒေါ်လာအတွက် GoFundMe အလှူခံကိစ္စ တည်ထောင်ထားပါတယ်။

▪️ အင်္ကျီချွတ်မပြချင်တာကြောင့် ဘယ်သူနဲ့မှမတွဲတာ ကြာခဲ့ပြီဖြစ်ပြီး တစ်ခါတလေမှာ ဓားဖြင့်လှီးဖြတ်ချင်စိတ် ပေါက်တယ်လို့ ဆိုပါတယ်။

▪️ အပြေးလေ့ကျင့်ခန်းတွေ၊ ဝိတ်မတာတွေလုပ်ခဲ့တဲ့အပြင် အမျှင်ဓာတ်များများဖြင့် ကျန်းမာရေးနဲ့ညီညွတ်တဲ့ အစားအစာတွေ စတင်စားသောက်ခဲ့ပါသေးတယ်။

▪️ သူ့ရဲ့ရောဂါက ဟော်မုန်းမညီမျှခြင်းနဲ့ ဆက်စပ်နေတယ်လို့ ယူဆရပါတယ်။

▪️ ငွေအလုံအလောက် ရှိလာတဲ့အခါ ခွဲစိတ်မှုလုပ်ဖို့ ချက်ချင်းစာရင်းသွင်းသွားမယ်လို့ ပြောသွားပါတယ်။

Source: New York Post.

တရုတ်ပြည် ရှန်တုံပြည်နယ် ဟိုင်ယန်မြိုမှ ဟိုင်ယန်နျူကလီးယား ဓာတ်အားပေးစက်ရုံဟာ အမှတ် ၃ အတွက် အစိတ်အပိုင်းကြီးများအားလုံးကို အောင်မြင်စွာ တပ်ဆင်ပြီးမြောက်ခဲ့ပြီဖြစ်ပြီး စီမံကိန်းကြီး ဆောက်လုပ်ရေးရဲ့ အဓိကမှတ်ကျောက်တစ်ခု ဖြစ်လာပါတယ်။

#Asia_Industry
Published 06 August 2025
#တရုတ်ပြည်ရှန်တုံပြည်နယ် #ဟိုင်ယန်နျူကလီးယာ
#YMG #Yangon_Times #Yangon_Media_Group

#World_News

Published 06 August 2025

▪️ အမေရိကန်သမ္မတ ဒေါ်နယ်ထရမ့်က သူ့ရဲ့ဒုသမ္မတ ဂျေဒီဗန့်စ်ဟာ ၂၀၂၈
ရီပတ်ဘလစ်ကန် ရွေးကောက်ခံကိုယ်စားလှယ်အဖြစ် အရိုက်အရာဆက်ဆံနိုင်ခြေအများဆုံးသူ ဖြစ်တယ်လို့ အင်္ဂါနေ့က အကြံပြုလိုက်ကာ အနာဂတ် သမ္မတရွေးကောက်ခံကိုယ်စားလှယ်အဖြစ်လည်း ဗန့်စ်ကို အဆုံးစွန်အထိ ထောက်ခံထားတယ်လို့ ဆိုလိုက်ပါတယ်။

▪️ ဗန့်စ်က အရိုက်အရာဆက်ဆံသူ ဖြစ်လာနိုင်မလားဆိုတာကို သတင်းထောက်တွေက ထရမ့်ကို မေးမြန်းရာမှာ ဖြစ်နိုင်ခြေအများဆုံးထင်တယ်လို့ ပြန်ဖြေသွားပါတယ်။

▪️ ဒါ့အပြင် ဗန့်စ်နဲ့ နိုင်ငံခြားရေးဝန်ကြီး မာကိုရူဘီယိုတို့ အနာဂတ်မှာ ရီပတ်ဘလစ်ကန်အောင်မြင်မှုရဖို့ ပူးပေါင်းလုပ်ဆောင်သွားကြဖို့ကိုလည်း ပြောသွားပါတယ်။

▪️ ၂၀၂၈ ရွေးကောက်ပွဲက နှစ်တွေလိုသေးတဲ့အချိန်မှာ ထရမ့်ဟာ ရီပတ်ဘလစ်ကန်အဖွဲ့ကြီးမှာ ဩဇာချုပ်ကိုင်ထားသလို ထရမ့်ထောက်ခံမှုပြတဲ့ ကိုယ်စားလှယ်လောင်းအပေါ်မှာ သက်ရောက်မှု ကြီးမားနေမှာပါ။

▪️ ထရမ့်က ၂၀၂၈ ရာထူးဆက်ခံသူနေရာအတွက် ထောက်ခံချက်ပေးဖို့အကြောင်းကို အရင်က မဖြေကြားခဲ့ပါဘူး။

▪️ ဖေဖော်ဝါရီလတုန်းက ဗန့်စ်ကတော့ လုပ်ကိုင်နိုင်စွမ်းရှိပေမယ့် ဦးဆောင်သူကိုယ်စားလှယ်အဖြစ် သတ်မှတ်ဖို့က စောလွန်းသေးတယ်လို့ ထရမ့်ပြောခဲ့ပါတယ်။

▪️ အသက် ၄၀ အရွယ် မရင်းတပ်သားဟောင်းဗန့်စ်က ထရမ့်အစိုးရအဖွဲ့မှာ အရေးပါကဏ္ဍကနေ ပုံဖော်ထားသလို ပြည်တွင်းနဲ့ နိုင်ငံခြားရေးပေါ်လစီတွေမှာ ထရမ့်ရဲ့ပေါ်လစီကို ဖော်ဆောင်တဲ့ ထိပ်သီးကိုယ်စားလှယ်၊ အဓိကသံတမန်အဖြစ် ထမ်းဆောင်နေတာ ဖြစ်ပါတယ်။

▪️ ဖလော်ရီဒါ အထက်လွှတ်တော်အမတ်ဟောင်း ရူဘီယိုကလည်း အစိုးရအဖွဲ့မှာ အရေးပါတဲ့ပုဂ္ဂိုလ်ဖြစ်လာသလို ဒွိဟဖြစ်စေတဲ့ နိုင်ငံခြားရေးရာ အနှောင့်အယှက်ပေါ်လစီတွေကို ဖြေရှင်းနေသူဖြစ်ပါတယ်။

Source: Reuters.

#World_Science

Published 06 August 2025

▪️ ရှေးခေတ်ကလူသားတွေဟာ ကျောက်တုံး၊ ကြေးနီ၊ သံ၊ သံမဏိ စသဖြင့် ကိရိယာပစ္စည်းများ အသုံးပြုခဲ့ကြပေမယ့် သစ်သားခေတ်ဆိုတာ ရှိခဲ့လား။
သစ်သားဆိုတာက ဆွေးမြည့်လွယ်ပြီး အကြွင်းအကျန် အထောက်အထား တွေ့ဖို့မလွယ်ပါဘူး။

▪️ Science ဂျာနယ်ဖော်ပြချက်အရ တရုတ်အနောက်တောင်ပိုင်းမှာ လွန်ခဲ့တဲ့ နှစ်ပေါင်း ၃ သိန်းက သစ်သားကိရိယာတွေ ကျယ်ကျယ်ပြန့်ပြန့် အသုံးပြုခဲ့ကြတယ်ဆို့ ယူဆဖော်ပြထားပါတယ်။

▪️ ၂၀၁၅ မှ ၂၀၁၈ အတွင်း မြေတူးဖော်ခဲ့တုန်းက ထွက်လာတဲ့ အဆိုပါ သစ်သားကိရိယာပစ္စည်းတွေဟာ အရှေ့အာရှမှာ ပထမဆုံးတွေ့ရတဲ့ ကျောက်ခေတ်ကပစ္စည်း ဖြစ်နိုင်ပါတယ်။

▪️ လွန်ခဲ့တဲ့နှစ်ပေါင်း ၂ သန်းခွဲမှ တစ်သောင်းအတွင်းကို ကျောက်ခေတ်လို့ သတ်မှတ်ပါတယ်။

▪️ ယူနန်ပြည်နယ် ကန်ထန်ကျင်မှာ တူးဖော်တွေ့ရှိတဲ့ သစ်သားပစ္စည်းဒါဇင်ခန့်က ကမ္ဘာ့အဆင့်ရှေးဟောင်းသုတေသန တွေ့ရှိမှုဆိုတာကို ကိုယ်စားပြုကြောင်း တရုတ်သိပ္ပံအကယ်ဒမီမှ သုတေသနပြုစုသူကောရှင်းက ပြောပါတယ်။

▪️ ထိုနေရာကို တူးဖော်ရင်း အထွတ်အမြတ်ပစ္စည်းများ တွေ့ရှိထားပြီး ၂၀၁၅ ခုနှစ်က တရုတ်ရှေးဟောင်းသုတေသနတွေ့ရှိရာနေရာတွေထဲမှာ ထိပ်ဆုံး ၁၀ နေရာထဲ ပါဝင်ပါတယ်။

▪️ ယခုတွေ့ရှိမှုက တရုတ်ကျောက်ခေတ်ဦး သစ်သားကိရိယာများ လေ့လာမှုတွေမှာ လိုအပ်ချက်ဖြည့်ပေးနိုင်မှာဖြစ်ကြောင်း ယူနန်ယဉ်ကျေးမှုအထွတ်အမြတ်ပစ္စည်းနှင့် ရှေးဟောင်းသုတေသနအဖွဲ့အစည်းမှ လျူကျန်းဟွေက ဖော်ပြခဲ့ပါတယ်။

Source: SCMP

#World_Health

Published 06 August 2025

▪️ အချိန်အပိုင်းအခြားအလိုက် အစားမစားဘဲနေခြင်းက ဝိတ်ချခြင်းနဲ့ ကျန်းမာရေးတိုးတက်မှုအတွက် ထိရောက်တဲ့ နည်းလမ်းတစ်ခုအဖြစ် ဗြိတိသျှဆေးဂျာနယ် (BMJ)မှာ ဖော်ပြထားပါတယ်။

▪️ နိုင်ငံ ၂၄ နိုင်ငံမှာပြုလုပ်ခဲ့တဲ့ လေ့လာချက် ၁၀၀ ကို ဆန်းစစ်ခဲ့ရာမှာ အချိန်တစ်ခုအထိ အစားမစားခြင်းက နည်းနည်းစီစားခြင်းလိုမျိုး သမားရိုးကျစားသောက်ပုံတွေနဲ့ အကျိုးကျေးဇူး တူညီစွာပေးနိုင်တယ်လို့ တွေ့ရှိပါတယ်။

▪️ ဒီနည်းလမ်းက ဝိတ်ချဖို့အပြင် ကျန်းမာရေးအကျိုးကျေးဇူးများ ရရှိတယ်လို့လည်း အသိအမှတ်ပြုကြကာ လူအတော်များများ ကျင့်သုံးလာကြပါတယ်။
ဘယ်လိုအစားအစာမျိုး စားတယ်ဆိုတာထက် ဘယ်အချိန်စားလဲဆိုတာကို အဓိကထားတာ ဖြစ်ပါတယ်။

▪️ အချိန်အပိုင်းအခြားအလိုက် အစားမစားတဲ့နည်းလမ်းတွေ အမျိုးမျိုးရှိကာ ၁၆း၈ နည်းလမ်းဆိုရင် ၁၆ နာရီအစားမစားဘဲ ကျန်တဲ့ ၈ နာရီအတွင်းသာ စားသောက်ရပါတယ်။

▪️ ၅း၂ နည်းလမ်းကတော့ တစ်ပတ်ကို ၅ ရက် ပုံမှန်အတိုင်းစားကာ ဆက်တိုက်မဟုတ်တဲ့ ၂ ရက်ကိုကယ်လိုရီ သိသိသာသာ လျှော့ချစားသုံးရတာ ဖြစ်ပါတယ်။

▪️ တစ်ရက်ခြားတစ်ခါ အစာဖြတ်ခြင်းနည်းလမ်းကတော့ ကျန်တဲ့နည်းလမ်းတွေထက် ပိုပြီးရလဒ်ကောင်းမွန်တဲ့သဘော တွေ့ရပါတယ်။

▪️ ဒီနည်းလမ်းကျင့်သုံးတဲ့ စမ်းသပ်ခံသူတွေဟာ သာမန်အတိုင်းစားသောက်သူတွေထက် ပျမ်းမျှအားဖြင့် ၃.၄ ကီလိုဂရမ် ပိုပြီးကိုယ်အလေးချိန် လျော့ကျခဲ့ပါတယ်။

▪️ အချိန်တစ်ခုအထိ အစားမစားခြင်းနည်းလမ်းကို အာဟာရပညာရှင်တွေနဲ့ တိုင်ပင်ပြီးမှ ကျင့်သုံးသင့်ပြီး အွန်လိုင်းနာမည်ကျော်တွေ ပြောရုံနဲ့တော့ လိုက်မလုပ်သင့်ဘူးလို့ အာဟာရပညာရှင် လော်ရာဆန်းချက်ဇ်က ပြောပါတယ်။

Source: The Jerusalem Post