#DailyNews
Published - 28 May 2022

၁။ လာမည့်ပွင့်လင်းရာသီတွင် တောင်တက်ခရီးစဉ်များနှင့် တောတွင်းခရီးစဉ်(Hiking)များ ပြန်လည်စတင်နိုင်ရန်မျှော်မှန်း
(တက္ကသိုလ်ခြေလျင်နှင့်တောင်တက်အသင်း၊သဘာဝခေါ်သံဖေါင်ဒေးရှင်းဥက္ကဌ ဦးမျိုးသန့်)

၂။ ပူတာအိုဒေသတွင် တိုက်ပွဲများမရှိတော့သည့်အတွက် စစ်ဘေးရှောင်ပြည်သူများနေရပ်ပြန်ကြပြီဟုဆို
ပူတာအို ဒေသခံတစ်ဦး ကချင်ပြည်နယ်

၃။ နေ့စဉ်မိုးလေဝသသတင်း။

၄။ စစ်ပွဲပဋိပက္ခကြောင့်စားနပ်ရိက္ခာဖူလုံရေးကြပ်တည်းလာသည့်အင်ဒိုနီးရှားနိုင်ငံ ...အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 28 May 2022

မလေးရှားဝန်ကြီးချုပ်ဟောင်း'မဟာသီယာမိုဟာမက်'က အမေရိကန်ဦးဆောင်တဲ့ စီးပွားရေးအဖွဲ့အသစ်ကို သောကြာနေ့ကဝေဖန်လိုက်ကာ ထိုအဖွဲ့ဖွဲ့စည်းခြင်းရည်ရွယ်ချက်က တရုတ်ကိုဖယ်ရှား ဖို့ရည်ရွယ်တာဖြစ်ပြီး တရုတ်မပါဘဲနဲ့ ဒေသတွင်းစီးပွားရေးတိုးတက်မှု အကျိုးရှိမှာမဟုတ်ဘူးလို့ ဆိုခဲ့ပါတယ်။

အမေရိကန်သမ္မတ'ဂျိုးဘိုင်ဒန်'က ယခုသီတင်းပတ်အစောပိုင်း ဂျပန်သို့လည်ပတ်စဉ် နိုင်ငံ ၁၃ နိုင်ငံပါဝင်တဲ့ အင်ဒို-ပစိဖိတ်စီးပွားရေးမူဘောင်ကို စတင်ချမှတ်ခဲ့ပါတယ်။

ဒီနည်းလမ်းဖြင့် အမေရိကန်က ကုန်ပစ္စည်းလည်ပတ်ရေးလုပ်ငန်းများ၊ ဒီဂျစ်တယ်ကုန်သွယ်ရေး၊ စွမ်းအင်ထောက်ပံ့ရေးနဲ့ အကျင့်ပျက်ခြစားမှုတိုက်ဖျက်ရေးကဏ္ဍတို့မှာ အာရှနိုင်ငံများနဲ့ ပိုမိုနီးကပ်စွာ ပူးပေါင်းဆောင်ရွက်သွားမှာဖြစ်ကြောင်း 'ဘိုင်ဒန်'ကဆိုပါတယ်။

"အမေရိကန်က တရုတ်ကိုရှောင်ကြဉ်ဖို့ ဒီလိုအဖွဲ့ဖွဲ့တာတွေအမြဲတမ်းလုပ်နေမှာပါ၊ ဒါက စီးပွားရေးအဖွဲ့ဖွဲ့တာမဟုတ်ဘဲ နိုင်ငံရေးအဖွဲ့ခွဲတယ်ဆိုတာကို နိုင်ငံအများစုကလည်း သိရှိကြမှာပါ" လို့ 'မဟာသီယာ'က တိုကျိုမြို့နိုင်ငံတကာညီလာခံမှာ ပြောကြားသွားပါတယ်။

အဖွဲ့မှာပါဝင်ဖို့လက်မှတ်ရေးထိုးကြတဲ့နိုင်ငံတွေထဲမှာ ဩစတြေးလျ၊ ဘရူနိုင်း၊ အိန္ဒိယ၊ အင်ဒိုနီးရှား၊ ဂျပန်၊ မလေးရှား၊ နယူးဇီလန်၊ ဖိလစ်ပိုင်၊ စင်ကာပူ၊ တောင်ကိုရီးယား၊ ထိုင်း၊ အမေရိကန်နဲ့ ဗီယက်နမ်တို့ပါဝင်ပြီး ထိုနိုင်ငံအားလုံးပေါင်းလိုက်ရင် တစ်ကမ္ဘာလုံးစုစုပေါင်းပြည်တွင်းထုတ်ကုန်တန်ဖိုးရဲ့ ၄၀ ရာခိုင်နှုန်းအထိရှိနေပါတယ်။

"ဒီလိုအဖွဲ့ဖွဲ့တာက သူတို့ကိုယ်တိုင်အတွက်လည်း မကောင်းပါဘူး၊ တရုတ်က မလေးရှားအတွက် အရေးကြီးတဲ့ကုန်သွယ်ဖက်နိုင်ငံဖြစ်ပါတယ်၊ တရုတ်နဲ့တင်းမာမှုတွေ ပဋိပက္ခတွေဖြစ်မှာ မလိုလားပါဘူး၊ တရုတ်နိုင်ငံကပျောက်ကွယ်သွားမှာ မဟုတ်ဘဲ ဆက်လက်တည်ရှိနေမယ်ဆိုတာကို အမေရိကန်အနေနဲ့ သဘောပေါက်ဖို့လိုပါတယ်၊ ကျွန်တော်တို့က တရုတ်နဲ့ ရှေ့ဆက်နေထိုင်သွားရမှာပါ၊ တရုတ်ကအခုဆိုရင် ကမ္ဘာပေါ်ကနိုင်ငံအများစုထက် ချမ်းသာတဲ့နိုင်ငံဖြစ်နေပါပြီ" လို့ 'မဟာသီယာ'က Nikkei Inc က စီစဉ်ပြုလုပ်တဲ့ 'အာရှအနာဂတ်'လိုခေါ်တဲ့ညီလာခံမှာ ပြောကြားခဲ့ပါတယ်။

သောကြာနေ့နှောင်းပိုင်းမှာ လက်ရှိမလေးရှားဝန်ကြီးချုပ်'အစ္စမေးလ်ဆာဘရီယာကော့'ကလည်း တိုကျိုသို့ရောက်ရှိနေပြီး ဂျပန်ဝန်ကြီးချုပ်'ဖူမီယိုကီရှီဒါ'နဲ့ တွေ့ဆုံခဲ့ပါတယ်။

သူတို့က စီးပွားရေးမူဘောင်စတင်ခြင်းကို ကြိုဆိုလိုက်ပြီး ဒီဂျစ်တယ်အသွင်ကူးပြောင်းခြင်း၊ ဆိုက်ဘာလုံခြုံရေး၊ နည်းပညာပေါ်ထွန်းခြင်း၊ ကုန်ပစ္စည်းလည်ပတ်ရေးခိုင်မာခြင်း စတဲ့နယ်ပယ်တွေမှာ ပူးပေါင်းဆောင်ရွက်ကြဖို့ကို အတည်ပြုခဲ့ကြတယ်လို့ ဂျပန်နိုင်ငံခြားရေးဝန်ကြီးဌာနက အသိပေးလိုက်ပါတယ်။

ဒေသအတွင်း စစ်ရေးနဲ့စီးပွားရေးအင်အားကြီးထွားလာတဲ့ တရုတ်ကိုတန်ပြန်ပြီး လွတ်လပ်ပွင့်လင်းတဲ့အင်ဒို-ပစိဖိတ်ဒေသဖြစ်လာဖို့ ဂျပန်နဲ့အမေရိကန်တို့ရဲ့ကြိုးပမ်းမှုကို ထောက်ပံ့ကူညီပေးရန် 'ကီရှီဒါ'က မလေးရှားကို တောင်းဆိုခဲ့ပါတယ်။

အသက် ၉၆ နှစ်ရှိပြီဖြစ်တဲ့ 'မဟာသီယာ'ဟာ မလေးရှားနိုင်ငံရဲ့ စတုတ္ထမြောက်နဲ့ သတ္တမမြောက်ဝန်ကြီးချုပ်အဖြစ် တာဝန်ထမ်းဆောင်ခဲ့ပြီး ဖွံ့ဖြိုးမှုအားနည်းတဲ့ နိုင်ငံများအတွက် နှစ်ပေါင်းများစွာထုတ်ဖော်ပြောဆိုသူဖြစ်ခဲ့ပြီး အနောက်နိုင်ငံကို အစဉ်တစိုက်ဝေဖန်ခဲ့သူဖြစ်ပါတယ်။

မလေးရှားနိုင်ငံမှာ ဩဇာသက်ရောက်တဲ့နိုင်ငံရေးပုဂ္ဂိုလ်အဖြစ်ရှိနေဆဲဖြစ်ပြီး ၁၉၅၇ ခုနှစ်နောက်ပိုင်း ပထမဆုံးငြိမ်းချမ်းစွာအာဏာလွှဲပြောင်းမှုအတွင်း အကျင့်ပျက်ခြစားမှု အရိုးစွဲနေတဲ့အစိုးရအဖွဲ့ကိုဖြုတ်ချပြီး ၂၀၁၈ ခုနှစ်သမိုင်းဝင်ရွေးကောက်ပွဲမှာ အတိုက်အခံညွန့်ပေါင်းအဖွဲ့အနိုင်ရအောင် ဦးဆောင်ခဲ့ပါတယ်။

'မဟာသီယာ'က အသက် ၉၂ နှစ်အရွယ်တုန်းက ကမ္ဘာမှာအသက်အကြီးဆုံးခေါင်းဆောင်ဖြစ်ခဲ့ပေမယ့် သူ့ရဲ့အစိုးရအဖွဲ့ဟာ အတွင်းရေးပဋိပက္ခတွေကြောင့်ပြိုလဲခဲ့ပြီး ၂၂ လသာအုပ်ချုပ်ခဲ့ရပါတယ်။

ခေါင်းဆောင်အသစ်ကိုဆန့်ကျင်ဖြုတ်ချဖို့အတွက် 'မဟာသီယာ'က ၂၀၂၀ မှာ မလေးရှားတိုင်းရင်းသားပါတီအသစ်တစ်ခုကို တည်ထောင်ခဲ့ပါတယ်။

Source: South China Morning
#Yangon_Media_Group

#WorldHealth
Published 28 May 2022

လေထုညစ်ညမ်းထူထပ်တဲ့နေရာတွေမှာ နေထိုင်ရခြင်းက ကျန်းမာရေးပြဿနာအမျိုးမျိုးဖြစ်ပေါ်နိုင်ကာ အသက်အန္တရာယ်ဖြစ်စေနိုင်ကြောင်း လေ့လာတွေ့ရှိပြီး တစ်ကမ္ဘာလုံးမှာ လေထုသန့်ရှင်းမှုအရေးကြီးပုံကို ထောက်ပြခဲ့ကြပါတယ်။

ကိုလိုရာဒိုတက္ကသိုလ်၊ ဟားဗတ်တက္ကသိုလ်၊ ဘရာဇီးလ်၊ တောင်ကိုရီးယားတို့မှ ကိုယ်စားလှယ်များပါဝင်တဲ့ နိုင်ငံတကာသုတေသီအဖွဲ့က အမေရိကန်သက်ကြီးရွယ်အိုတွေဟာ ညစ်ညမ်းလေထုရှူရှိက်ရလို အသက်အန္တရာယ်အများဆုံးခံရနိုင်တဲ့လူတွေဖြစ်ကြောင်း တွေ့ရှိခဲ့ကြပါတယ်။

လေထုညစ်ညမ်းခြင်းက လူတွေကိုတိုက်ရိုက်သေဆုံးအောင်မလုပ်နိုင်ပေမယ့် အထွေထွေကျန်းမာရေးအခြေအနေကျဆင်းကာ အဆုတ်၊ ဦးနှောက်၊ နှလုံး စတဲ့နေရာအမျိုးမျိုးမှာ ပြဿနာဖြစ်လာနိုင်ပြီး အသက်သေဆုံးသည်အထိ ဖြစ်နိုင်ပါတယ်။

၂၀၁၀ မှ ၂၀၁၅ အတွင်း အမျိုးသားကျန်းမာရေးစင်တာမှ အချက်အလက်များကိုရယူပြီး အမေရိကရှိ စာရင်းပေးသွင်းထားတဲ့လူဦးရေ တည်ရှိနေရာအားလုံးနီးပါးက လေထုအမှုန်ပါဝင်မှုနှုန်းအချက်အလက်တစ်ခုကို ဖန်တီးခဲ့ကြပါတယ်။

အမေရိကန်တလျှောက် လေထုထဲအမှုန်အမွှားပါဝင်မှုနှုန်း PM 2.5 ရှိခဲ့ရာ ဒါဟာအန္တရာယ်များ လှတဲ့ပမာဏ ဖြစ်နေပါတယ်။

အမေရိကန်မှာ လေထုအမှုန်အမွှားအများဆုံး ပါဝင်တဲ့နေရာတွေက လော့စ်အိန်ဂျလိစ်၊ ဖီလာဒယ်လ်ဖီယာ၊ အိုဟိုင်ယိုနဲ့ တောင်ဘက်စွန်းစွန်းက နေရာတွေဖြစ်ပါတယ်။

လေထုထဲအမှုန်အမွှားပါဝင်မှုနှုန်းကို အနည်းဆုံးအဖြစ်အဆင့်တစ်ကနေ အများဆုံးအဆင့် ၁၀ အထိသတ်မှတ်ထားပြီး နိုင်ငံအရှေ့ဘက်နဲ့ယှဉ်ရင် လူဦးရေကျဲပါးတဲ့ အနောက်ဘက်နေရာတွေကတော့ လေထုအမှုန်အမွှားပါဝင်မှုနှုန်းအဆင့် ၁၀ ဖြစ်ပါတယ်။

အသက်အရွယ်ကြီးတဲ့ အမေရိကန်လူမျိုးတွေက နေရာဒေသတိုင်းမှာ သေဆုံးနိုင်ချေအများဆုံးသူတွေဖြစ်နေပါတယ်။

အဆင့် ၉ နဲ့ ၁၀ ရှိ နေရာတွေမှာ နေထိုင်တဲ့ အသက် ၇၅ နှစ်မှ ၈၄ နှစ်ကြားလူကြီးတွေဟာ အသက်သေဆုံးနိုင်ချေ ၁.၃၈ ရာခိုင်နှုန်းရှိပြီး အဆင့် ၁ နေရာမှာနေထိုင်တဲ့ သက်ကြီးရွယ်အိုတွေကတော့ သေဆုံးနိုင်ချေ ၁.၁၉ ရာခိုင်နှုန်းရှိပါတယ်။

အဆင့် ၉ နဲ့ ၁၀ နေရာတွေမှာနေထိုင်တဲ့ လူမည်းအမေရိကန်တွေက အသက်ရှင်သန်နိုင်ချေအများဆုံးဖြစ်ပြီး လေထုထဲအမှုန်ပါဝင်မှုအနည်းဆုံးနေရာတွေက ဆင်းရဲနွမ်းပါးသူအများစုနေထိုင်ကြတာဖြစ်ပါတယ်။

"လေထုညစ်ညမ်းမှုကို တိုက်ဖျက်ဖို့လုပ်ဆောင်ရမှာဖြစ်သလို လူသားတွေနေထိုင်တဲ့ လူမှုရေးရာ၊ လုပ်ငန်းရေးရာ၊ နိုင်ငံပထဝီရေးရာ၊ စီးပွားရေးရာတို့ကို ပြန်လည်သုံးသပ်ဖို့လိုအပ်ပါတယ်" လို့ သုတေသီများက ဖော်ပြခဲ့ကြပါတယ်။

အမေရိကန်အပါအဝင် တစ်ကမ္ဘာလုံးရှိလူတွေ လေထုညစ်ညမ်းမှုဒဏ်ကို ခံစားနေရတာဟာ စိုးရိမ်ရတဲ့ အခြေအနေကို မြင့်တက်လာပြီး အသက်သေဆုံးမှုနှုန်းပိုများလာဖွယ် ရှိနေပါတယ်။

လေထုထဲက အမှုန်အမွှားတွေက အဆုတ်ထဲသို့ဝင်ရောက်ပြီး သွေးလည်ပတ်မှုစနစ်ထဲ ရောက်ရှိကာ နှလုံးသွေးကြော၊ ဦးနှောက်သွေးကြော၊ အသက်ရှူလမ်းကြောင်းပြဿနာများဖြစ်ပွားတတ်ပါတယ်။
အခြားအင်္ဂါများနဲ့ ရောဂါများဖြစ်ပွားနိုင်တဲ့အထောက်အထားတွေလည်း ရှိနေပါပြီ။

Source: DailyMail

#Yangon_Media_Group

#WorldHealth
Published 28 May 2022

ကိုဗစ်ကပ်ရောဂါနဲ့ပတ်သက်ပြီး အလေးထားမှုလျော့နည်းလာတာကြောင့် လာမယ့်လများအတွင်း ကိုဗစ်ကူးစက်မှုလှိုင်းများ ထပ်မံဖြစ်ပေါ်လာနိုင်ပြီး အသက်ဆုံးရှုံးမှုများကြုံတွေ့ရနိုင်ကြောင်း ဖိုင်ဇာကုမ္ပဏီအမှုဆောင်အရာရှိချုပ်'အယ်လ်ဘတ်ဘိုလာ'က သတိပေးလိုက်ပါတယ်။

နိုင်ငံရေးသမားတွေက ကပ်ရောဂါကိုအနိုင်ပိုင်းချင်နေကြသလို လူတွေကလည်း ကိုဗစ်ထိန်းချုပ်ရေးစည်းကမ်းများကို စိတ်ကုန်လာကြပြီလို့ 'အယ်လ်ဘတ်ဘိုလာ'ကဆိုပါတယ်။

ကိုဗစ်အားမြှင့်ကာကွယ်ဆေး(booster)ထိုးနှံဖို့ အာဏာပိုင်တွေရဲ့တိုက်တွန်းမှုကလည်း ကာကွယ်ဆေးထိုးပြီးသား လူတွေကြားမှာတောင် ထိရောက်မှုနည်းပါးလာပါတယ်။

ဒါ့အပြင် အရင်ကိုဗစ်ကူးစက်ခြင်းနဲ့ ကာကွယ်ဆေးထိုးခြင်းတို့မှရရှိထားတဲ့ ရောဂါခုခံအားကလည်း အာနိသင်လျော့နည်းလာတာကြောင့် ကိုဗစ်မျိုးဗီဇကွဲကူးစက်မှုလှိုင်းများ ဖြစ်လာနိုင်ပြီး အသက်သေဆုံးမှုများ ဖြစ်လာနိုင်တယ်လို့ ဆိုပါတယ်။

"မိတ်ဆွေတွေနဲ့ ကပ်ရောဂါအကြောင်းပြောကြည့်တဲ့အခါ ကိုဗစ်စည်းကမ်းများကို အလေးထားမှုနည်းလာပြီး နှာခေါင်းစည်းတပ်ဆင်ထာထက် အသက်ကြီးသူတွေဆုံးပါးတာကို လက်ခံနိုင်တဲ့အနေအထား ဖြစ်လာရပါတယ်"လို့ ဆိုလိုက်ပြီး နှစ်စဉ်ကျင်းပတဲ့ ကမ္ဘာ့စီးပွားရေးဖိုရမ်အစည်း အဝေးပွဲမှာ တက်ရောက်သူအနည်းငယ်ကသာ နှာခေါင်းစည်းတပ်ဆင်တာကို ရည်ညွှန်းချင်တာဖြစ်ပါတယ်။

တစ်ကမ္ဘာလုံး ကိုဗစ်ကာကွယ်ဆေးဝယ်လိုအားလျော့နည်းလာပြီး ဖိုင်ဇာဘိုင်အိုတက်ခ်တို့လို့ ကိုဗစ်ကာကွယ်ဆေးထုတ်လုပ်ရေး ကုမ္ပဏီတွေက ယခုနှစ်အစကတည်းက ကာကွယ်ဆေးထုတ်လုပ်မှု တဝက်လျှော့ချလာကြပါတယ်။

ကျန်းမာရေးအချက်အလက်များအရ ချမ်းသာတဲ့နိုင်ငံကလူများက အားမြှင့်ကာကွယ်ဆေးထပ်မံထိုးနှံဖို့ တွန့်ဆုတ်နေကြသလို ဆင်းရဲတဲ့နိုင်ငံများကလည်း ကာကွယ်ဆေးထိုးဖို့နှောင့်နှေးနေကြပါတယ်။

ဖိုင်ဇာက သူတို့ရဲ့ကိုဗစ်ကာကွယ်ဆေးနဲ့ သောက်ဆေးများကို ဆင်းရဲတဲ့နိုင်ငံ ၄၅ နိုင်ငံမှာ အကျိုးအမြတ်မယူဘဲ ထောက်ပံ့ပေးသွားဖို့ အစီအစဉ်ရှိကြောင်း ဗုဒ္ဓဟူးနေ့က ဖွင့်ဟပြောကြားလိုက်ပါတယ်။

အဆိုပါနိုင်ငံတွေထဲက ဂါနာ၊ မာလာဝီ၊ ရဝမ်ဒါ၊ ဆီနီဂေါ၊ ယူဂန်ဒါနိုင်ငံတို့ဟာ ထောက်ပံ့ရေးလက်ခံဖို့ပထမဆုံး သဘောတူလက်မှတ်ရေးထိုးခဲ့တဲ့ နိုင်ငံတွေဖြစ်ပါတယ်။

ဘီလ်နှင့်မယ်လင်ဒါဂိတ်စ်ဖောင်ဒေးရှင်းမှ တစ်စိတ်တစ်ပိုင်းပါဝင်တဲ့ ထောက်ပံ့ရေးအစီအစဉ်ကို အခြားဆေးဝါးကုမ္ပဏီများပါဝင်ဖို့ ဖိုင်ဇာကဖိတ်ကြားထားပြီး အစိုးရတွေ၊ ကမ္ဘာ့ကျန်းမာရေးအာဏာပိုင်တွေကို စုပေါင်းရန်ပုံငွေထောက်ပံ့ဖို့ တောင်းဆိုထားပါတယ်။

ဖိုင်ဇာရဲ့အစီအစဉ်ကိုလက်ခံကြိုဆိုပေမယ့် အကျိုးအမြတ်ကြည့်တဲ့ကုမ္ပဏီတွေကို ထောက်ပံ့ရေးပေါ်လစီမူဝါဒများ မလွဲအပ်သင့်ကြောင်း၊ အဲဒီအစားအစိုးရတွေက ကျန်းမာရေးတန်းတူအခွင့်အရေးရရှိအောင် ဆောင်ရွက်သင့်ကြောင်း ဝါရှင်တန်ဆေးပညာတက္ကသိုလ်မှ ပရော်ဖက်ဆာ'နန်စီဂျက်ကာ'က ပြောပြခဲ့ပါတယ်။

အမေရိကန်မှာ အစိုးရအဖွဲ့က ကိုဗစ်ကာကွယ်ဆေးနဲ့ ကုသရေးစရိတ်ဒေါ်လာ ၂၂.၅ ဘီလီယံတောင်းဆိုထားတာကို လွှတ်တော်ကအတည်မပြုပေးနိုင်တာကြောင့် နိုင်ငံတွင်းထောက်ပံ့ရေးပြတ်လတ်သွားနိုင်ကြောင်း 'ဘိုလာ'က စိုးရိမ်ပူပန်နေပါတယ်။

အမေရိကန်မှာ ကိုဗစ်ကူးစက်မှုအသစ်ပျံ့နှံနေတာကြောင့် နေ့စဉ်ကူးစက်မှု ၁ သိန်းကျော်ရှိလာကြောင်း ရောဂါထိန်းချုပ်ကာကွယ်ရေးစင်တာက ဖော်ပြထားပါတယ်။

ဖိုင်ဇာရဲ့ကိုဗစ်ကုသရေးပက်ဇ်လိုဗစ်က ကပ်ရောဂါကိုထိန်းချုပ်ရာမှာ အရေးပါနိုင်တာကြောင့် ထုတ်လုပ်မှု နှစ်ဆတိုးမြှင့်လာပါတယ်။

မျောက်ကျောက်ရောဂါကူးစက်ပျံ့ပွားမှုကိုလည်း ဖိုင်ဇာကသေချာစောင့်ကြည့်လျက်ရှိပြီး ကိုဗစ်ကပ်ရောဂါလောက် စိုးရိမ်စရာမရှိဘူးလို့ 'ဘိုလာ'ကပြောပြသွားပါတယ်။

Source: Business Times.
#Yangon_Media_Group

#CyberSecurity
Published 27 May 2022

'ငိုမင်ဟျူ'လိုအမည်ရတဲ့ ဗီယက်နမ်ဟက်ကာတစ်ဦးဟာ သူအောင်မြင်မှုရခဲ့တဲ့အချိန်တွေတုန်းက အမေရိကန်က လူသန်းပေါင်းများစွာရဲ့ ကိုယ်ရေးကိုယ်တာအချက်အလက်တွေကို ခိုးယူခဲ့ဖူးပါတယ်။

#Yangon_Media_Group

Published 27 May 2022

သေနတ်ထိန်းချပ်ရေးလှုပ်ရှားတက်ကြွသူတွေနှင့် ဥပဒေပြုအမတ်တွေဟာ မေ ၂၆ရက်က အမေရိကန် ကပ္ပီတိုလ် လွှတ်တော် အဆောက်အအုံရှေ့မှာ အရေးယူဆောင်ရွက်မှုတွေ ပြုလုပ်ဖို့ ဆန္ဒပြတောင်းဆိုကြပါတယ်။

တက္ကဆပ်မှာ သေနတ်သမားက အစုလိုက် အပြုံလိုက်ပစ်သတ်ခဲ့လို့ ကျောင်းသူကျောင်းသား ကလေးငယ် ၁၉ဦးသေဆုံးခဲ့ရပြီးနောက် ဒီဆန္ဒပြပွဲဖြစ်လာတာပါ။ “ကျွန်မ ဒီကိုလာတာဟာ နောက်တစ်ခါဆို ကျွန်မအလှည့်ဖြစ်မလား ကြောက်လို့ပဲ” လို့ အတန်းမတက်ဘဲ ဆန္ဒလာ ပြတဲ့ အထက်တန်းကျောင်းသူတစ်ဦးကပြောပါတယ်။

Source AFP