#World_Health
Published 23 May 2025

▪️ ဆားဆိုတာက အစားအစာတွေထဲမှာ မပါမဖြစ်ပစ္စည်းဖြစ်ပြီး အရည်ထိန်းသိမ်းမျှတစေခြင်း၊ အာရုံကြောလုပ်ဆောင်ချက် ထောက်ပံ့ခြင်း၊ သွေးပေါင်ချိန်းထိန်းညှိပေးခြင်းတို့မှာ ကူညီပေးပါတယ်။

▪️ ဒါပေမဲ့ ယနေ့ခေတ် ထုပ်ပိုးထုတ်လုပ်စားစရာတွေမှာ ဆားပါဝင်မှုအလွန်မြင့်မားလာပြီး သွေးတိုးနဲ့ နှလုံးသွေးကြောရောဂါများ ဖြစ်လာစေပါတယ်။
ဒါ့အပြင် ဦးနှောက်အပေါ် ဆားရဲ့သက်ရောက်မှုကလည်း စိုးရိမ်စရာ ဖြစ်လာပါတယ်။

▪️ ဟော်မုန်း၊ သွေးပေါင်ချိန်၊ ရောင်ရမ်းခြင်းတို့ကနေ စိတ်ပိုင်းဆိုင်ရာ ကျန်းမာရေးကိုပါ သက်ရောက်လာစေနိုင်ပါတယ်။

▪️ (၁) ဦးနှောက်အတွင်းရောင်ရမ်းစေခြင်း
ဆားလွန်ကဲခြင်းကြောင့် ဦးနှောက်ထဲမှာပါ ရောင်ရမ်းလာစေကာ စိတ်အခြေအနေနဲ့ မှတ်ဉာဏ်တို့ကို ထိန်းချုပ်ပေးတဲ့ ဦးနှောက်နေရာများရှိ နျူရွန်များကို ချို့ယွင်းစေနိုင်ပါတယ်။

▪️ (၂) ဦးနှောက်သို့သွေးစီးဆင်းမှုနည်းပါးခြင်း
ဆားဓာတ်များရင် သွေးဖိအားများစေသဖြင့် ဦးနှောက်သို့ သွေးစီးဆင်းမှုနည်းစေကာ ဦးနှောက်အသိဉာဏ်နဲ့ မှတ်ဉာဏ်ပြဿနာများ ဖြစ်နိုင်တဲ့အပြင် ဒီမန်ရှာရောဂါပါ ဖြစ်စေနိုင်ဖွယ်ရှိပါတယ်။

▪️ (၃) အူလမ်းကြောင်း-ဦးနှောက်ဝင်ရိုးထိခိုက်ခြင်း
ဝမ်းထဲက ပိုးမွှားစနစ်ကိုနှောင့်ယှက်ကာ အစာခြေလမ်းကြောင်းနဲ့ ဦးနှောက်ကြားရှိ အူလမ်းကြောင်း-ဦးနှောက်ဝင်ရိုးကိုပါ ထိခိုက်စေပြီး စိုးရိမ်ပူပန်ခြင်းနဲ့ စိတ်ကျလက္ခဏာများ ဖြစ်စေနိုင်ပါတယ်။

▪️ (၄) ကော်တီဆောလ်ပမာဏမြင့်တက်ခြင်း
ဆိုဒီယံများခြင်းကြောင့် ဖိစီးမှုဟော်မုန်းဖြစ်တဲ့ ကော်တီဆောလ်ပမာဏ မြင့်တက်စေကာ စိုးရိမ်ပူပန်ခြင်း၊ စိတ်ဆတ်ခြင်း၊ စိတ်ကျခြင်းတို့ ဖြစ်လာနိုင်ပါတယ်။

▪️ (၅) အိပ်စက်မှုပုံစံထိခိုက်ခြင်း
ရေဓာတ်ခန်းခြောက်စေကာ အိပ်ရေးပျက်ရာကနေ စိတ်ကျန်းမာရေးပြဿနာများ ဖြစ်လာစေနိုင်ပါတယ်။

▪️ (၆) အာရုံကြောဆုတ်ယုတ်နိုင်ဖွယ်ရှိခြင်း
ဆားဓာတ်များတဲ့အခါ နိုက်ထရစ်အောက်ဆိုဒ်ထုတ်လုပ်မှု ချို့ယွင်းစေသဖြင့် ဦးနှောက်လုပ်ဆောင်ချက် ထိခိုက်စေပြီး အာရုံကြောဆုတ်ယုတ်မှုများ ဖြစ်လာစေနိုင်ပါတယ်။

▪️ (၇) စိတ်မူမမှန်နိုင်ခြေများခြင်း
ဆိုဒီယံများတဲ့ အစားအစာတွေစားတဲ့သူတွေဟာ စိတ်အပြောင်းအလဲ ဖြစ်နိုင်ခြေပိုများနိုင်ပါတယ်။

▪️ ဆားက သင့်တင့်ရုံစားပေးဖို့ အရေးကြီးသလို လွန်ကဲသွားရင် ဦးနှောက်လုပ်ဆောင်ချက်များ ထိခိုက်စေနိုင်တာကြောင့် WHO က တစ်နေ့ကို ဆား ၅ ဂရမ်စားသုံးဖို့ အကြံပြုထားပါတယ်။

#Source: DoctorNDTV

#World_Health
Published 23 May 2025

▪️ ပလတ်စတစ်တွေမှာ အသုံးပြုပါဝင်လေ့ရှိတဲ့ DEHP ဓာတုပစ္စည်း ထိတွေ့ခြင်းနဲ့ နှလုံးရောဂါကြောင့် သေဆုံးမှုများကြား ဆက်စပ်မှုကို eBiomedicine ဂျာနယ်မှာ ဖော်ပြလိုက်ပါတယ်။

▪️ သုတေသနထဲမှာ DEHP ကြောင့် အဓိကအားဖြင့် နှလုံးသွေးကြောရောဂါများ ဖြစ်ပွားရာကနေ ၂၀၁၈ အတွင်း အသက် ၅၅ နှစ်မှ ၆၄ နှစ်ကြားလူတွေ ၃၆၈,၇၆၄ ဦးသေဆုံးထားကြောင်း ခန့်မှန်းထားပါတယ်။

▪️ DEHP လိုမျိုး phthalates ဓာတုပစ္စည်းတွေဟာ ပလတ်စတစ်တွေ ပျော့ပျောင်းနိုင်အောင် ထည့်သွင်းရပါတယ်။

▪️ စားစရာထုပ်ပိုးမှု၊ ဆေးပစ္စည်းများ၊ စားစရာဗူးများ၊ လိုက်ကာများ၊ ကြမ်းခင်းများ၊ ရေပန်းခေါင်းများအပါအဝင် နေ့စဉ်သုံးပစ္စည်းတွေမှာ ကျယ်ကျယ်ပြန့်ပြန့် တွေ့နိုင်ပါတယ်။

▪️ နိုင်ငံနဲ့ ဒေသပေါင်း ၂၀၀ ကျော်လောက်မှ ကျန်းမာရေးနဲ့ ပတ်ဝန်းကျင်အချက်အလက်များကို ဆန်းစစ်ကြည့်ရာမှာ DEHP ထိတွေ့မှုပါဝင်တဲ့ ဆီးနမူနာတွေနဲ့ သေဆုံးစာရင်းအချက်အလက်များကို နှိုင်းယှဉ်စစ်ဆေးခဲ့ကြပါတယ်။

▪️ ထိုအခါမှာ phthalates ထိတွေ့မှုကနေ နှလုံးပြဿနာဖြစ်နိုင်ခြေ မြင့်မားတာကို ထင်ရှားစွာတွေ့ရပြီး ဒါတွေနဲ့ထိတွေ့မှုကို လျှော့ချနိုင်ဖို့ စည်းမျဉ်းများအရေးတကြီးချမှတ်ရန် လိုအပ်လာတယ်လို့ NYU Grossman ဆေးတက္ကသိုလ်မှ ပရော်ဖက်ဆာ လီယိုနာဒိုထရာဆန်ဒီက ပြောသွားပါတယ်။

▪️ အိန္ဒိယဟာ DEHP နဲ့ဆက်စပ်တဲ့သေဆုံးမှု အများဆုံးနိုင်ငံဖြစ်ပြီး သူ့နောက်မှာ တရုတ်နဲ့ အင်ဒိုနီးရှားတို့ ရှိနေပါတယ်။

▪️ Phthalates တွေက နှလုံးရောဂါသာမက အဝလွန်ခြင်း၊ ဆီးချို၊ မျိုးပွားပြဿနာများ၊ ကင်ဆာ၊ မွေးဖွားမှုပြဿနာများလည်း ဖြစ်နိုင်ခြေများစေနိုင်ပါတယ်။

▪️ ဒါကြောင့် DEHP ပါဝင်တဲ့ ပလတ်စတစ်ပစ္စည်းများ ထိတွေ့ခြင်းကို လျှော့ချဖို့က အရေးကြီးပါတယ်။

▪️ ထိတွေ့မှုဘယ်လောက်အထိ လျှော့ချနိုင်ရင် အသက်အန္တရာယ် ဘယ်လောက်အထိ လျှော့ချနိုင်မလဲဆိုတာကို ဆက်စပ်လေ့လာသွားဖို့ စီစဉ်ထားပါတယ်။

#Source: The Jerusalem Post

#World_Health
Published 23 May 2025

▪️ အမေရိကန်မှာ စအိုကင်ဆာဖြစ်ပွားမှု များပြားလာပြီး ဘယ်လိုလူတွေ ဖြစ်တတ်လဲဆိုတာ ပြောင်းလဲလာတယ်လို့ လေ့လာချက်အသစ်မှာ ယူဆထားပါတယ်။

▪️ ဒီရောဂါ ဖြစ်နိုင်ခြေများတဲ့ အခြေအနေတွေအကြောင်းနဲ့ ဘယ်သူတွေ စစ်ဆေးသင့်လဲဆိုတာကို လေ့လာခဲ့ကြပါတယ်။

▪️ ၂၀၁၇ မှ ၂၀၂၁ အတွင်း အမျိုးသားကင်ဆာဌာနမှ အချက်အလက်များကို ဆန်းစစ်ရာမှာ ပြီးခဲ့တဲ့ ၅ နှစ်တာကာလအတွင်း စအိုကင်ဆာက အမျိုးသမီးတွေမှာ ၂.၉ ရာခိုင်နှုန်းနဲ့ အမျိုးသားတွေမှာ ၁.၆ ရာခိုင်နှုန်း မြင့်တက်လာပါတယ်။

▪️ အသက် ၆၅ နှစ်အထက် လူဖြူအမျိုးသမီးတွေနဲ့ စပိန်လူမျိုးအမျိုးသမီးတွေမှာ ဖြစ်ပွားမှုနှုန်း အမြင့်ဆုံးဖြစ်လာတယ်လို့ Advocate Lutheran General ဆေးရုံမှ ဒေါက်တာ အက်ရှ်လေရော်ဘင်ဆန်က ပြောပါတယ်။

▪️ ဒီနှုန်းအတိုင်းသာဆိုရင် လာမယ့် ၁၇ နှစ်အတွင်း အသက် ၆၅ နှစ်အထက် အမျိုးသမီးတွေမှာ စအိုကင်ဆာဖြစ်ပွားမှုက နှစ်ဆလောက်ဖြစ်လာနိုင်တယ်လို့ သုတေသီများဆိုပါတယ်။

▪️ သက်ကြီးအမျိုးသမီးတွေမှာ စအိုကင်ဆာ အဖြစ်များလာတဲ့ အကြောင်းအရင်းနဲ့ ပတ်သက်ပြီး HPV ကာကွယ်ဆေး ပထမဆုံးထိုးနှံလို့ရလာချိန်မှာ အမျိုးသမီးကြီးအများစုက ထိုးနှံသင့်တဲ့အရွယ်ကို ကျော်လွန်နေကြပြီလို့ ရှင်းပြပါတယ်။

▪️ စအိုကင်ဆာဖြစ်သူတွေရဲ့ ၉၀ ရာခိုင်နှုန်းလောက်က HPV ကူးစက်မှုနဲ့ သက်ဆိုင်နေပါတယ်။

▪️ HPV ဟာ လိင်မှုထိတွေ့ခြင်းကနေ ကူးစက်တတ်ပြီး ဆဲလ်တွေအထိ ရောက်ရှိတဲ့အခါ ကင်ဆာတွေဖြစ်လာနိုင်ပါတယ်။

▪️ ဒါ့အပြင် HIV ရောဂါရှင်တွေ၊ ရိုးတွင်းခြင်ဆီ အစားထိုးထားသူတွေ၊ ကိုယ်ခံအားပြဿနာရှိသူတွေမှာ စအိုကင်ဆာ စစ်ဆေးပေးဖို့ လိုအပ်ပါတယ်။

▪️ စအိုကင်ဆာကို စောစီးစွာ တွေ့ရှိရင် အောင်မြင်စွာ ကုသနိုင်လေ့ရှိပြီး ဓာတုကုထုံး၊ ဓာတ်ရောင်ခြည်၊ ခွဲစိတ်မှုတို့ ပြုလုပ်နိုင်ပါတယ်။

▪️ မကုသဘဲထားရင် ကင်ဆာပျံ့နှံ့လာပြီး ဖြေရှင်းရပိုမိုခက်ခဲလာနိုင်ပါတယ်။

▪️ စအိုမှ သွေးထွက်ခြင်း၊ ဝမ်းသွေးပါခြင်း၊ အောင့်ခြင်း၊ ယားယံခြင်း၊ အပေါက်နားမှာ အဖုထွက်လာခြင်းစတဲ့ လက္ခဏာတွေကို စောင့်ကြည့်ရပါမယ်။

#Source: New York Post

တနင်္လာနေ့အထိ ဂျပန်မှာဆန်ဈေးနှုန်းက ရက်သတ္တပတ် ၁၀ ပတ်ကျော်ကြာအောင် မြင့်တက်နေပြီး ယမန်နှစ်ထိုကာလထက် နှစ်ဆနီးပါးမြင့်တက်နေကာ လူအများက ထမင်းလျှော့စားခြင်းနဲ့ အခြားနည်းလမ်းရှာခြင်းတို့ ပြုလုပ်လာရပါတယ်။
#Asia_Business
Published 22 May 2025
#ဆန်ဈေးနှုန်းနှစ်ဆနီးပါးမြင့်တက် #ဂျပန်
#YMG #Yangon_Times #Yangon_Media_Group

#Daily_News

Published 22 May 2025

၁။ ကမ္ဘာ့ရွှေဈေးကြောင့် မြန်မာ့ရွှေဈေးတက်နေပြီး တစ်နေ့ငါးပိဿာခန့်ပြန်လည်ရောင်းချမှုရှိနေ

၂။ မြန်မာ့ပေါ်ဆန်းကို ခေတ်မီထုတ်ပိုးမှုပုံစံများဖြင့် နိုင်ငံတကာဈေးကွက်သို့ တင်ပို့ရောင်းချရန် စီစဉ်နေ

၃။ တိုက်ကြီးစံပြမွေးမြူရေးဇုန်အဖြစ် ဆောင်ရွက်နေ

၄။ ဂျပန်၌ယမန်နှစ်ကထက် ဆန်ဈေးနှုန်းနှစ်ဆနီးပါးမြင့်တက်လာနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 22 May 2025

▪️ ဗုဒ္ဓဟူးနေ့ညက ဝါရှင်တန်ဒီစီရှိ ကပ်ပီတယ်ဂျူးပြတိုက်မှာပြုလုပ်တဲ့ ပွဲတစ်ခုအပြင်ဘက်မှာ ပစ်ခတ်မှုဖြစ်ပွားသဖြင့် အစ္စရေးလ်သံရုံးဝန်ထမ်း ၂ ဦးသေဆုံးခဲ့ပါတယ်။

▪️ သံသယရှိသူတရားခံကို ဖမ်းဆီးထိန်းသိမ်းထားတယ်လို့ အရာရှိများပြောပါတယ်။

▪️ ပြတိုက်အနီး နော့သ်ဝက်စ်ရှိ ၃ လမ်းနဲ့ F လမ်းနေရာမှာ အမျိုးသားတစ်ဦး အမျိုးသမီး အပစ်ခံရပြီး သေဆုံးခဲ့ကြောင်း FBI နဲ့ အမေရိကန်အစိုးရရှေ့နေရုံးတို့က ပြောပါတယ်။

▪️ ယင်းတို့ဟာ စေ့စပ်ကြောင်းလမ်းတော့မယ့် စုံတွဲဖြစ်တယ်လို့ အစ္စရေးလ်သံအမတ်က ပြောပါတယ်။

▪️ ပွဲမတိုင်ခင် ပြတိုက်အပြင်ဘက်မှာ လျှောက်သွားနေတဲ့ တရားခံတစ်ဦးကို ဖမ်းဆီးထိန်းသိမ်းထားတယ်လို့ ဝါရှင်တန် မက်ထရိုပိုလီတန် ရဲမှူးချုပ် ပါမယ်လာစမစ်က ပြောပါတယ်။

▪️ သံသယရှိသူဟာ အသက် ၃၀ အရွယ်ရှိတဲ့ အယ်လီယတ်စ်ရိုဒရီဂွက်ဇ်ဖြစ်ပြီး "ပါလက်စ်တိုင်းကို ချမ်းသာခွင့်ပေး" လို့ ကြွေးကြော်နေခဲ့ပါတယ်။

▪️ သမ္မတဒေါ်နယ်ထရမ့်က ဒီပစ်ခတ်မှုကို ရှုတ်ချလိုက်ကာ အမေရိကန်မှာ မုန်းတီးဆန့်ကျင်ရေးတွေ အလိုမရှိဘူးလို့ Truth Social မှာ ပြေထားပါတယ်။

▪️ ကြာသပတေးနေ့မှာတော့ အစ္စရေးလ်ဝန်ကြီးချုပ် ဘင်ဂျမင်နေတန်ညာဟူက ကမ္ဘာတဝှမ်းရှိ အစ္စရေးလ်သံရုံးတွေမှာ လုံခြုံရေးမြှင့်တင်သွားမယ်လို့ ပြောလိုက်ပါတယ်။

▪️ သံသယရှိသူဟာ ပစ်ခတ်ပြီးနောက် ပြတိုက်ထဲဝင်သွားပြီး လုံခြုံရေးများဖမ်းဆီးတာကို ခံလိုက်ရတယ်လို့ စမစ်က ပြောပါတယ်။

▪️ သံသယရှိသူကို ရဲတွေနဲ့ FBI တို့က မေးမြန်းစစ်ဆေးနေကြောင်း FBI လက်ထောက်ညွှန်ကြားရေးမှူး ဒွန်ဘွန်ဂျီနိုက ပြောသွားပါတယ်။

#Source: Reuters