#World_News
Published 29 May 2025

▪️ အမေရိကန်ဟာ တရုတ်ကွန်မြူနစ်ပါတီနဲ့ ဆက်စပ်နေသူများ၊ အရေးကြီးကဏ္ဍများမှာ သင်ယူလေ့လာနေသူများအပါအဝင် တရုတ်ကျောင်းသားတွေရဲ့ ဗီဇာကို ထဲထဲဝင်ဝင် ပြန်လည်ရုပ်သိမ်းသွားတော့မယ်လို့ နိုင်ငံခြားရေးဝန်ကြီး မာကိုရူဘီယိုက ဗုဒ္ဓဟူးနေ့မှာ ကြေညာလိုက်ပါတယ်။

▪️ အမေရိကန်ရှိ တရုတ်ကျောင်းသားပေါင်း သိန်းနဲ့ချီ ဗီဇာရုပ်သိမ်းခံရပါက အမေရိကန်ကျောင်းများအတွက် အဓိကဝင်ငွေရင်းမြစ်တွေနဲ့ အမေရိကန် နည်းပညာကုမ္ပဏီများအတွက် အရည်အသွေးရှိလူငယ်များ ထိခိုက်သွားနိုင်ပါတယ်။

▪️ သမ္မတဒေါ်နယ်ထရမ့်က လူဝင်မှုကြီးကြပ်ရေးလမ်းစဉ် တင်းကြပ်ဖို့ ကျယ်ကျယ်ပြန့်ပြန့် ကြိုးပမ်းနေရာ နေရပ်ပြန်ပို့ခြင်းများနဲ့ ကျောင်းသားဗီဇာ ရုပ်သိမ်းခြင်းတို့ မြှင့်တင်လုပ်ဆောင်လာတာ ဖြစ်ပါတယ်။

▪️ ဒါ့အပြင် အနာဂတ်မှာ တရုတ်နဲ့ ဟောင်ကောင်တို့မှ ဗီဇာလျှောက်ထားခြင်းများကို သေချာစိစစ်သွားမယ့် ဗီဇာလိုအပ်ချက်ကိုလည်း ပြင်ဆင်ကြပ်မတ်သွားမှာ ဖြစ်ကြောင်း ရူဘီယိုက ပြောပါတယ်။

▪️ တရုတ်နိုင်ငံခြားရေး ဝန်ကြီးဌာနကတော့ ယင်းတို့ရဲ့ နိုင်ငံခြားသွားကျောင်းသားများရဲ့ ပညာသင်ကြားပိုင်ခွင့်နဲ့ အကျိုးစီးပွားတို့ကို အခိုင်အမာ ကာကွယ်သွားမယ်လို့ အာမခံပြောကြားထားပါတယ်။

▪️ ထရမ့်ရဲ့ ကမ္ဘာ့ကုန်သွယ်ရေးစစ်ပွဲမှာ တရုတ်က ဗဟိုချက်လို ဖြစ်နေပြီး မကြာသေးမီက အမေရိကန်-တရုတ် ကုန်သွယ်ရေးအငြင်းပွားမှု ရပ်ဆိုင်းခဲ့ပေမယ့်လည်း ယခုလို တရုတ်ကျောင်းသားဗီဇာတွေကို ပယ်ဖျက်ဖို့ ဆုံးဖြတ်လာတာ ဖြစ်ပါတယ်။

▪️ အမေရိကန်မှာရှိတဲ့ နိုင်ငံခြားသားကျောင်းသားတွေထဲမှာ အိန္ဒိယနဲ့ တရုတ်ပေါင်းလိုက်ရင် ၅၄ ရာခိုင်နှုန်းထိရှိနေပြီး ၂၀၂၃ ခုနှစ်က အမေရိကန်စီးပွားရေးမှာ ဒေါ်လာ ၅၀ ဘီလီယံကျော် ရရှိစေခဲ့ပါတယ်။

▪️ ဗီဇာရုပ်သိမ်းရာမှာ ဘယ်လောက်အတိုင်းအတာအထိ ဆောင်ရွက်သွားမလဲဆိုတာတော့ ရူဘီယို သေချာမပြောသွားပါဘူး။

#Source: Reuters

#World_Health
Published 29 May 2025

▪️ အဝလွန်ခြင်းအခြေအနေက ကျန်းမာရေးအန္တရာယ်တွေ ဖြစ်လာနိုင်တာ သိထားပြီးဖြစ်သလို ဆီးချို၊ နှလုံးရောဂါ၊ လေဖြတ်ခြင်း၊ အချို့သောကင်ဆာများပါ ဖြစ်နိုင်ခြေ များစေပါတယ်။

▪️ မကြာသေးမီက ဥရောပကွန်ဂရက်မှာ ဖော်ပြခဲ့တဲ့ သုတေသနတစ်ခုမှာ အဆီပိုလျှံခြင်းက ဆယ်ကျော်သက်တွေမှာ ဦးနှောက်အပေါ် သက်ရောက်လာနိုင်ခြေရှိတယ် ဆိုတာက စိုးရိမ်စရာဖြစ်လာပါတယ်။

▪️ ဆယ်ကျော်သက်တွေမှာ အဝလွန်ခြင်းက ဦးနှောက်တည်ဆောက်ပုံမှာ များစွာပြောင်းလဲစေနိုင်ပြီး မှတ်ဉာဏ်ပိုင်း၊ သင်ယူမှုအပိုင်း၊ စိတ်ခံစားချက်ထိန်းချုပ်ခြင်းအပိုင်းတို့နဲ့ ဆက်စပ်တဲ့ ဦးနှောက်နေရာတွေမှာ အဓိကတွေ့ရပါတယ်။

▪️ ဆယ်ကျော်သက် ၃,၃၀၀ ကျော်ကို ဦးနှောက်ဓာတ်မှန်ရိုက်ပြီးနောက် ဝမ်းဗိုက်အဆီများနေတဲ့ သူတွေဟာ သာမန်လူတွေထက်စာရင် ဦးနှောက်အစိတ်အပိုင်း အများအပြားမှာ ထုထည်ပိုကြီးနေတာ တွေ့ရပါတယ်။

▪️ ဒီရလဒ်တွေအရ အဝလွန်ခြင်းက ဆယ်ကျော်သက်တွေရဲ့ ဦးနှောက်စွမ်းရည်အပေါ် ဘယ်လောက်အထိ သက်ရောက်နေလဲဆိုတာ စိုးရိမ်စရာ ဖြစ်လာပါတယ်။

▪️ အသက် ၁၃/၁၄ လောက်တည်းက ဖြစ်ပေါ်နေတာကြောင့် နောက်ပိုင်းအသက်ကြီးလာတဲ့အခါ မှတ်ဉာဏ်ပြဿနာတွေ ဒီမန်ရှာတွေ ဖြစ်လာနိုင်ခြေ များနေတယ်လို့ တက္ကဆပ်ကျန်းမာရေးသိပ္ပံတက္ကသိုလ်မှ ပရော်ဖက်ဆာ ဒေါက်တာ အော်ဂတ်စ်တိုဆီဆာဒီမိုရက်စ်က ပြောပါတယ်။

▪️ ဒါ့အပြင် ပတ်ဝန်းကျင်အနေအထားအရ အခွင့်အလမ်းနည်းပါးတဲ့ ဆယ်ကျော်သက်တွေဟာ အခွင့်အလမ်းများတဲ့ ဆယ်ကျော်သက်တွေထက် ဦးနှောက်အဓိကနေရာတွေမှာ ဖွံ့ဖြိုးလျော့နည်းတာ တွေ့ရပါတယ်။

▪️ ဆယ်ကျော်သက်တွေမှာ အဝလွန်ခြင်းကို ကာကွယ်ကုသခြင်းဖြင့် ကျန်းမာရေးသာမက ဦးနှောက်ကိုပါ တိုးတက်စေနိုင်မှာ ဖြစ်ပါတယ်။

▪️ အမေရိကန်မှာ အသက် ၂ နှစ်မှ ၁၉ နှစ်ကြား လူငယ်တွေမှာ အဝလွန်နိုင်ခြေက ၁၉၉၉-၂၀၀၀ ဝန်းကျင်မှာ ၁၃.၉ ရာခိုင်နှုန်းရှိရာကနေ ၂၀၂၁-၂၀၂၃ မှာ ၂၁.၁ ရာခိုင်နှုန်းအထိ မြင့်တက်လာပါတယ်။

#Source: New York Post

#World_Health
Published 29 May 2025

▪️ အစ္စရေးလ်မှ အသက် ၃၇ နှစ်အရွယ် ရောဂါကြီးကြီးမားမား အခံမရှိတဲ့ အမျိုးသမီးဟာ တက်တူးထိုးပြီးနောက် အမြင်အာရုံဝေဝါးတဲ့လက္ခဏာ စတင်ခံစားလာရတယ်လို့ အစ္စရေးလ်ဆေးဖက်ဆိုင်ရာအဖွဲ့အစည်းရဲ့ ဂျာနယ်မှာ ဖော်ပြခဲ့ပါတယ်။

▪️ ရေဘင်ဆေးရုံမှာ စမ်းသပ်စစ်ဆေးမှုများ ပြုလုပ်ပြီးနောက် မျက်လုံးဆိုးရွားစွာ ရောင်ရမ်းခြင်း (ဆာကွိုင်ဒိုဆစ်) ခံစားနေရတယ်လို့ တွေ့ရှိခဲ့ပါတယ်။

▪️ တက်တူးအသားစ စစ်ဆေးရာမှာ ခုခံအားဆဲလ်များ ရောင်ရမ်းတဲ့လက္ခဏာ တွေ့ရကာ ဒီအတွက် တက်တူးက အကြောင်းအရင်းဖြစ်နေပြီး မျက်လုံးကန်းလုနီးပါး ဖြစ်ခဲ့ပါတယ်။

▪️ ဆာကွိုင်ဒိုဆစ်ဆိုတာက အနှံ့အပြား ရောင်ရမ်းတဲ့ရောဂါဖြစ်ပြီး အဆုတ်၊ လင့်ဖုများ၊ မျက်လုံးစတဲ့ အင်္ဂါအမျိုးမျိုးမှာ ဆဲလ်များရောင်ရမ်းတာ ဖြစ်ပါတယ်။

▪️ အဆင့်မြင့်ကုထုံးများ မပြောင်းလဲခင် အစပိုင်းမှာ စတီးရွိုက်ဖြင့် ကုသခဲ့ရာမှာ အမြင်အာရုံ သိသိသာသာ တိုးတက်လာခဲ့ပါတယ်။

▪️ ဒီနေရာမှာ တက်တူးမင်က ဓာတုရောင်ခြယ်အမျိုးမျိုး ပါဝင်နိုင်ကာ ခုခံအားအလွန်တုံ့ပြန်တတ်သူတွေရဲ့ ခန္ဓာကိုယ်ထဲမှာ နှောင့်နှေးခုခံတုံ့ပြန်မှုဖြစ်ပေါ်စေပါတယ်။

▪️ တက်တူးထိုးသူတွေရဲ့ ၁၀ ရာခိုင်နှုန်းဟာလည်း အရေပြားဓာတ်ပြုခြင်းမျိုး၊ ဓာတ်မတည့်ခြင်း၊ ဆဲလ်ရောင်ရမ်းခြင်းများနဲ့ အရေပြားအကျိတ်တို့ပင် ဖြစ်ပေါ်စေနိုင်ပါတယ်။

▪️ အချို့မင်တွေမှာ အသိအမှတ်ပြုထားခြင်းမရှိတဲ့ ပစ္စည်းတွေ ပါဝင်နေနိုင်ပြီး တစ်ခါတလေမှာ ကင်ဆာဖြစ်စေနိုင်တဲ့အရာတွေပါ တွေ့ရတတ်ပါတယ်။

▪️ သန့်စင်ခြင်းမရှိတဲ့ အခြေအနေတွေမှာ တက်တူးထိုးမိတဲ့အခါ ကူးစက်ရောဂါ ဖြစ်ပွားနိုင်တာကိုလည်း ဆက်စပ်တွေ့ရှိထားပါတယ်။

▪️ ဒါကြောင့် တက်တူးထိုးဖို့ ဆုံးဖြတ်ရင် ဘေးအန္တရာယ်တွေအကြောင်း သေချာသိရှိထားဖို့နဲ့ ကျွမ်းကျင်သန့်ရှင်းမှုရှိတဲ့ နေရာကို ရွေးချယ်ဖို့ လိုအပ်ပါတယ်။

#Source: The Jerusalem Post

ဩစတြေးလျနိုင်ငံ နယူးဆောက်ဝေးလ်စ်ရှိ ခရိုကီရွာလေးမှာ မိုးကြီးခဲ့ပြီး ရေကြီးရေလျှံဖြစ်ခဲ့ရာ အိမ်ခြေအတော်များများ နေထိုင်လို့မရတော့ဘဲ ဘေးကင်းစိတ်ချရမှု မရှိဘူးလို့ ကြေညာခဲ့ရပါတယ်။
#World_Disaster
Published 28 May 2025
#ဩစတြေးလျရေကြီးရေလျှံမှု #နေအိမ်အားလုံးနီးပါးနေထိုင်၍မရနိုင်
#YMG #Yangon_Times #Yangon_Media_Group

#Daily_News

Published 28 May 2025

၁။ မိုးရာသီတွင် ပေါက်သည့်မှိုဆိပ်အန္တရာယ်ကြောင့် အသက်ဆုံးရှုံးသည်အထိဖြစ်နိုင်

၂။ ဗဟိုဘဏ်က စက်သုံးဆီလုပ်ငန်းရှင်များအတွက် ဒေါ်လာသန်း ၃၀ ရောင်းပေးမည်

၃။ နိုင်ငံတကာမှ အကူအညီပစ္စည်းများနှင့် ဆေးဝါးများကို ငလျင်‌ဘေးသင့်ဒေသထံ အချိန်နှင့်တစ်ပြေးညီ ဖြန့်ဝေပေးနေ

၄။ ဩစတြေးလျရေကြီးရေလျှံမှုဖြစ်စဉ်ကြောင့် ခရိုကီရွာမှနေအိမ်အားလုံးနီးပါးနေထိုင်၍မရနိုင်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 28 May 2025

▪️ အမေရိကန် နိုင်ငံခြားရေးဝန်ကြီးက နိုင်ငံခြားကျောင်းသားများရဲ့ ဆိုရှယ်မီဒီယာများကို ခရေစေ့တွင်းကျ စိစစ်ဖို့ ပြင်ဆင်နေရာ သမ္မတဒေါ်နယ်ထရမ့်အစိုးရအဖွဲ့က ကျောင်းသားနဲ့ လာရောက်နေထိုင်သူ ဗီဇာလျှောက်ထားချိန်းဆိုမှုများ စီစဉ်နေခြင်းကို ရပ်တန့်ဖို့ ညွှန်ကြားလိုက်ကြောင်း သမ္မတရုံးစာတမ်းတစ်ခုမှာ ဖော်ပြထားတယ်လို့ ရိုက်တာသတင်းဌာနက အင်္ဂါနေ့မှာ ဖော်ပြခဲ့ပါတယ်။

▪️ ပြန်လည်သုံးသပ်မှုနဲ့ အကြံပေးကဏ္ဍ ပြုလုပ်အပြီးမှာ ဒီလိုဗီဇာလျှောက်ထားချိန်းဆိုမှု စီစဉ်ခြင်းကို ရပ်တန့်ဖို့အတွက် နိုင်ငံခြားရေးဌာနက ကျောင်းသားနဲ့ လာရောက်နေထိုင်သူ လျှောက်ထားသူတွေရဲ့ ဆိုရှယ်မီဒီယာ သေချာစိစစ်မှုများနဲ့ ပတ်သက်ပြီး မွမ်းမံလမ်းညွှန်ချက်များ ထုတ်ပြန်သွားရန် စီစဉ်နေတယ်လို့ နိုင်ငံခြားရေးဝန်ကြီး မာကိုရူဘီယိုက ပြောထားပါတယ်။

▪️ ထရမ့်အစိုးရက လူဝင်မှုကြီးကြပ်ရေး လုပ်ငန်းများကို ကြပ်မတ်ဖို့ အားထုတ်နေရာ အများအပြား နေရပ်ပြန်ပို့ခြင်းများ၊ ကျောင်းသားဗီဇာ ရုတ်သိမ်းခြင်းများပြုလုပ်ရန် ကြံစည်နေပါတယ်။

▪️ ဟားဗတ်တက္ကသိုလ်မှ ကျောင်းသားများစွာနဲ့ ပရော်ဖက်ဆာတွေဟာ နိုင်ငံခြားကျောင်းသားများကို ထောက်ခံကြောင်း ကျောင်းဝင်းအတွင်း ဆန္ဒထုတ်ဖော်ခဲ့ကြသလို တက္ကသိုလ်အတွက် ထရမ့်အစိုးရမှ ထောက်ပံ့ငွေ ဖြတ်တောက်ခြင်းကိုလည်း ဆန္ဒပြခဲ့ကြပါတယ်။

▪️ နိုင်ငံခြားရေးဌာနမှ ပြောရေးဆိုခွင့်ရှိသူ တမ်မီဘရုစ်က အမေရိကန်သို့ ဝင်ရောက်မယ့်သူအားလုံးကို သေချာစိစစ်သွားရန် အတိုင်းအတာအားလုံး အသုံးပြုသွားမယ်လို့ ဆိုပါတယ်။

▪️ အကြံပေးအတိုင်ပင်ခံတွေအနေနဲ့ အမေရိကန်နိုင်ငံသားများ၊ လူဝင်မှုဗီဇာများနဲ့ လိမ်လည်မှုကာကွယ်ရေးတို့အတွက် ဝန်ဆောင်မှုများအပေါ် ဆက်လက်အလေးပေးဖို့လည်း အစိုးရစာတမ်းထဲမှာ အကြံပြုထားပါတယ်။

▪️ ထရမ့်ကိုဝေဖန်သူတွေကတော့ ဒီလိုလုပ်ရပ်တွေဟာ အမေရိကန် အခြေခံဖွဲ့စည်းပုံပြင်ဆင်ချက်အရ လွတ်လပ်စွာပြောဆိုခွင့်ကို ထိပါးဖို့ကြိုးစားတာပဲလို့ ဆိုထားပါတယ်။

▪️ ပြီးခဲ့တဲ့ရက်သတ္တပတ်က ထရမ့်အစိုးရအဖွဲ့ဟာ ဟားဗတ်ရဲ့ နိုင်ငံခြားကျောင်းသားများ လက်ခံအပ်နှံခွင့်ကို ရုတ်သိမ်းဖို့လုပ်ခဲ့ပါတယ်။

#Source: Reuters