#World_News
Published 06 September 2025

▪️ အမေရိကန် ဂျော်ဂျီယာပြည်နယ်ရှိ ဟွန်ဒိုင်းစက်ရုံတစ်ခုကို လူဝင်မှုကြီးကြပ်ရေး အာဏာပိုင်များ ဝင်ရောက်စီးနင်းခဲ့ပြီးနောက် နိုင်ငံခြားသား အလုပ်သမားများ အမေရိကန်ပြည်ထောင်စုမှာ နေထိုင်မယ်ဆိုရင် သင့်လျော်သောခွင့်ပြုချက် ရှိဖို့လိုအပ်တဲ့ ဥပဒေများကို ထရမ့်အစိုးရအဖွဲ့က ပြဌာန်းသွားမှာဖြစ်ကြောင်း အိမ်ဖြူတော်က သောကြာနေ့မှာ ပြောကြားလိုက်ပါတယ်။

▪️ စီမံကိန်းလုပ်ငန်းများအတွက် ခေါ်ဆောင်လာတဲ့ နိုင်ငံခြားသား လုပ်သားတိုင်းဟာ အမေရိကန်သို့ တရားဝင် ဝင်ရောက်လာရမှာဖြစ်ပြီး သင့်လျော်တဲ့ လုပ်ငန်းခွင့်ပြုချက်များ ရှိရမယ်လို့ အိမ်ဖြူတော်ပြောရေးဆိုခွင့်ရှိသူ အက်ဘီဂေးလ်ဂျက်ဆင်က ပြောပါတယ်။

▪️ သမ္မတထရမ့်ဟာ ပြည်ထောင်စုလူဝင်မှုဥပဒေတွေကို ကြပ်မတ်လုပ်ဆောင်နေသလို အမေရိကန်ကို ကမ္ဘာပေါ်မှာ စီးပွားရေးလုပ်ကိုင်ရန် အကောင်းဆုံးနေရာတစ်ခု ဖြစ်စေရန် လုပ်ဆောင်သွားမယ်လို့ ကတိပြုထားကြောင်း ဆိုပါတယ်။

▪️ လူဝင်မှုကြီးကြပ်ရေး ရဲတပ်ဖွဲ့က ဂျော်ဂျီယာမှ ဟွန်ဒိုင်းလျှပ်စစ်ကားစက်ရုံကို ဝင်ရောက်စီးနင်းရာမှာ လူ ၅၀၀ နီးပါး ဖမ်းဆီးခဲ့ပါတယ်။

▪️ အဓိကအားဖြင့် တရားမဝင် အလုပ်လုပ်နေသူတွေ၊ ဗီဇာသက်တမ်းလွန်သူတွေကို ပစ်မှတ်ထားခဲ့တာ ဖြစ်ပါတယ်။

▪️ ထိုထဲကမှ ၄၇၅ ဦးခန့်ဟာ တောင်ကိုရီးယားနိုင်ငံသားများဖြစ်ပြီး ကားဘက်ထရီစက်ရုံတည်ဆောက်တဲ့ နေရာနဲ့ ဆက်နွယ်တယ်လို့ သတင်းရရှိထားပါတယ်။

▪️ ဟွန်ဒိုင်းနဲ့ KIA လျှပ်စစ်ကားများအတွက် ဘက်ထရီများထုတ်လုပ်မယ့် စက်ရုံဆောက်လုပ်ရေးနေရာကို ဝင်ရောက်စီးနင်းခဲ့တာဖြစ်ကာ အမေရိကန်မှာ လူဝင်မှုကြီးကြပ်ရေးဆိုင်ရာ ပြဿနာတွေကို မြင်နေရဆဲဖြစ်ပါတယ်။

Source: Reuters

#World_Health
Published 06 September 2025

▪️ စမ်းသပ်နေဆဲ ကင်ဆာကာကွယ်ဆေးတစ်မျိုးဟာ အချို့သောကင်ဆာတွေ ပြန်ဖြစ်မလာအောင် ကာကွယ်ပေးနိုင်တယ်လို့ တွေ့ရှိထားပါတယ်။

▪️ UCLA ကျန်းမာရေးဂျွန်ဆန် ကင်ဆာဌာနရဲ့ ပထမအဆင့် စမ်းသပ်ချက်မှာ ပန်ကရိယနဲ့ အူမကြီးကင်ဆာ ကုသမှုခံယူနေသူ ၂၅ ဦးနဲ့ ကာကွယ်ဆေး စမ်းသပ်ခဲ့ပါတယ်။

▪️ လူနာတွေက ကင်ဆာအကျိတ်တွေကို ခွဲစိတ်ဖယ်ရှားထားကာ ကင်ဆာပြန်ဖြစ်နိုင်တဲ့ ရောဂါအကြွင်းအကျန်လက္ခဏာတွေ မြင်တွေ့ရတယ်လို့ ဖော်ပြထားပါတယ်။

▪️ အူမကြီးနဲ့ ပန်ကရိယကင်ဆာတို့ဖြစ်စေတဲ့ KRAS မျိုးဗီဇပစ္စည်း ဆင့်ကဲပြောင်းလဲခြင်းကို ကာကွယ်ဆေးက ပစ်မှတ်ထားပြီး လင့်နေရာတွေမှာ ကိုယ်ခံအားတုံ့ပြန်မှု လှုံ့ဆော်ပေးပါတယ်။

▪️ ၂၅ ယောက်မှာ ၂၁ ယောက်က KRAS သီးသန့်တီဆဲလ်တွေ ထုတ်လုပ်ပြီး ကိုယ်ခံအားပိုအားကောင်းစေကာ ကင်ဆာပြန်မဖြစ်ချိန် ပိုကြာတာတွေ့ရပါတယ်။

▪️ ဒီထဲက ကိုယ်ခံအားတုံ့ပြန်မှု အကောင်းဆုံးလူနာတွေဟာ ကာကွယ်ဆေးထိုးပြီးနောက် လပေါင်း ၂၀ နီးပါး ကင်ဆာမရှိဘဲ နေနိုင်ခဲ့ကြပါတယ်။

▪️ သူ့ရဲ့အားသာချက်က အများအပြားထုတ်လုပ်နိုင်ကာ တစ်ဦးချင်းစီအတွက် သီးသန့်ကာကွယ်ဆေး လုပ်ပေးစရာမလိုပါဘူး။

▪️ သီးသန့်ကာကွယ်ဆေးတွေလို အကုန်အကျ ရှုပ်ထွေးမှုမများဘဲ ပိုမိုကြာရှည်ခံတဲ့ ကိုယ်ခံအားတုံ့ပြန်မှု ရရှိစေမှာ ဖြစ်ပါတယ်။

▪️ ဒီလေ့လာချက်ကို MD Anderson ကင်ဆာဌာနနဲ့ Memorial Sloan Kettering ကင်ဆာဌာနတို့မှာ ပြုလုပ်ခဲ့တာ ဖြစ်ပါတယ်။

▪️ ပန်ကရိယလိုမျိုး အကျိတ်တွေဟာ ကုသရခက်ခဲတယ်လို့ Fox News ဆေးပညာဆန်းစစ်သူ ဒေါက်တာ မတ်ဆီဂယ်က ပြောသွားပါတယ်။

Source: New York Post.

#World_Health
Published 06 September 2025

▪️ လူသားတွေဟာ အိမ်မွေးတိရိစ္ဆာန်တွေဆီကနေ အချို့သောရောဂါတွေ ကူးစက်နိုင်ကာ ဒါတွေကို တိရိစ္ဆာန်မှကူးသောရောဂါများလို့ ခေါ်ပါတယ်။
သူတို့မှာ ဘက်တီးရီးယားတွေ၊ ဗိုင်းရပ်စ်တွေ၊ ကပ်ပါးကောင်တွေ၊ မှိုတွေသယ်ဆောင်ပြီး လူတွေဆီ ကူးစက်နိုင်ပါတယ်။

▪️ ဒါတွေကို ပုံမှန်ဆေးစစ်ဆေးခြင်း၊ သန့်ရှင်းစွာထားခြင်းတို့ဖြင့် ကြိုတင်ကာကွယ်နိုင်သဖြင့် ဒီရောဂါတွေကို ဖော်ပြလိုက်ပါတယ်။

▪️ (၁) ပွေး - ခွေးတွေကြောင်တွေမှာ ဒီမှိုရောဂါကို သယ်ဆောင်နိုင်ပြီး တိုက်ရိုက်ထိတွေ့ခြင်းကနေ ကူးစက်နိုင်ကာ ပုံမှန်ရေချိုးသန့်စင်ပေးသင့်ပါတယ်။

▪️ (၂) Toxoplasmosis - ကြောင်အညစ်အကြေးတွေမှာ တွေ့ရတတ်ပြီး ကိုယ်ဝန်ဆောင်တွေ၊ ကိုယ်ခံအားနည်းသူတွေမှာ အန္တရာယ်များနိုင်ကာ စွန့်ပစ်တဲ့အခါ သေချာကိုင်တွယ်ဆေးကြောသင့်ပါတယ်။

▪️ (၃) ကြောင်ကုတ်ရောဂါ - Bartonella henselae ဘက်တီးရီးယားကူးစက်ထားတဲ့ ကြောင်တွေ ကုတ်ခြစ်ကိုက်မိရာကနေ ကူးစက်တတ်တာကြောင့် ကြမ်းတမ်းစွာ ဆော့ကစားခြင်း မပြုလုပ်သင့်ပါဘူး။

▪️ (၄) Salmonellosis - ငှက်တွေ၊ ရောဂါပိုးရှိတဲ့ အစားအစာတွေကို အစိမ်းလိုက် ကိုင်တွယ်ရာကနေ ဆယ်မွန်နဲလားဘက်တီးရီးယား ကူးစက်နိုင်ပြီး ကိုင်တွယ်ပြီးတိုင်း လက်ဆေးသင့်ပါတယ်။

▪️ (၅) Leptospirosis - ရောဂါကူးစက်နေတဲ့ ခွေး၊ တိရိစ္ဆာန်များရဲ့ ကျင်ငယ်ကနေ ကူးစက်တတ်ပြီး မိမိရဲ့အိမ်မွေးတွေကို ကာကွယ်ဆေးထိုးခြင်း၊ လမ်းဘေးရေအိုင်များမှ ခပ်ခွာခွာသွားခြင်းတို့ ပြုလုပ်နိုင်ပါတယ်။

▪️ (၆) Campylobacteriosis - ဝမ်းလျှောနေတဲ့ အိမ်မွေးတွေကို ကိုင်တွယ်ရာကနေ ကူးစက်တတ်ပြီး လူတွေမှာလည်း ဝမ်းလျှောဝမ်းပျက်စေနိုင်တာကြောင့် ကိုင်တွယ်ပြီးတိုင်း သေချာဆေးကြောသင့်ပါတယ်။

▪️ (၇) ခွေးရူးပြန်ရောဂါ - ဒီရောဂါရှိတဲ့ တိရိစ္ဆာန် ကိုက်ခံရရင် ကူးစက်နိုင်ပြီး အာရုံကြောစနစ်ကို ထိခိုက်ကာ အသက်အန္တရာယ် ဖြစ်စေပါတယ်။

▪️ (၈) သံကောင်များ - အိမ်မွေးတွေရဲ့ အူတွေထဲမှာ နေထိုင်ကာ အညစ်အကြေးတွေ ထိမိရာကနေ လူသားတွေဆီ ကူးစက်နိုင်တာကြောင့် ပုံမှန်သန်ချပေးသင့်ပါတယ်။

Source: DoctorNDTV

ဗုဒ္ဓဟူးနေ့က ပေကျင်းမှာကျင်းပတဲ့ စစ်ရေးပြပွဲကြီးမှာ တရုတ်ကမောင်းသူမဲ့စစ်လက်နက်တွေကို မိတ်ဆက်ခဲ့ပြီး တရုတ်ပြည်သူ့လွတ်မြောက်ရေး တပ်မတော်ရဲ့ အနာဂတ်ဦးစားပေး တိုက်ခိုက်ရေးစိတ်ကူးစိတ်သန်းတွေကို ပြသခဲ့ပါတယ်။

#Asia_Military
Published 05 September 2025
#မောင်းသူမဲ့စစ်လက်နက်စွမ်းရည် #တရုတ်ပြည်သူ့လွတ်မြောက်ရေး တပ်မတော်
#YMG #Yangon_Times #Yangon_Media_Group

#World_News
Published 05 September 2025

▪️ ထိုင်းဝန်ကြီးချုပ်ဟောင်း သက်ဆင်ရှင်နာဝပ်ထရာက အစက စင်္ကာပူသို့သွားမယ့် လေကြောင်းခရီးစဉ်ကနေ ယူအေအီးဒူဘိုင်းသို့ လမ်းကြောင်းပြောင်းသွားရတဲ့အကြောင်း စက်တင်ဘာ ၅ ရက်နေ့အစောပိုင်းက X ဆိုရှယ်မီဒီယာမှာ ဖော်ပြထားပါတယ်။

▪️ သက်ဆင် နိုင်ငံခြားမှာရှိနေစဉ် အမြဲပြသခဲ့တဲ့ ဆရာဝန်နဲ့ ဆေးစစ်မှုခံယူရန် စင်္ကာပူသို့ သွားရမှာ ဖြစ်ပါတယ်။

▪️ ဒါပေမဲ့ လေယာဉ်မထွက်ခင်မှာ ထိုင်းလူဝင်မှုကြီးကြပ်ရေးအရာရှိတွေက သူ့ကို နှစ်နာရီနီးပါး နောက်ကျစေခဲ့တယ်လို့ ဆိုပါတယ်။

▪️ သက်ဆင်ဟာ ဘုရင်မင်းမြတ်စော်ကားမှုနဲ့ ပတ်သက်ပြီး ဩဂုတ်လကုန်က အမှုကင်းရှင်းထားပြီး ဖြစ်ပါတယ်။

▪️ အမှုရင်ဆိုင်စဉ်အတွင်း နိုင်ငံမှထွက်ခွာခွင့် ပိတ်ပင်ခံခဲ့ရပေမယ့် အမှုကင်းရှင်းပြီးနောက် နိုင်ငံခြားသို့ သွားလာခွင့်ရပြီ ဖြစ်ပါတယ်။

▪️ စင်္ကာပူက စံတော်ချိန်က ထိုင်းနိုင်ငံထက် တစ်နာရီပို‌‌စောကာ ကိုယ်ပိုင်လေယာဉ်တွေ လက်ခံတဲ့ Seletar လေဆီပ်က ည ၁၀ နာရီမှာ ပိတ်တာကြောင့် လေယာဉ်မဆိုက်ဘဲ နှောင့်နှေးရတာဖြစ်တယ်လို့ သက်ဆင်က ပြောထားပါတယ်။

▪️ စင်္ကာပူသို့ အချိန်မီ မရောက်နိုင်တာကြောင့် ကာလကြာရှည် ကျန်းမာရေးပြသဖူးတဲ့ အထူးကုတွေရှိရာ ဒူဘိုင်းသို့ လမ်းကြောင်းပြောင်းရန် လေယာဉ်မှူးကို ညွှန်ကြားခဲ့ပါတယ်။

▪️ ဒူဘိုင်းမှာလည်း ဆင်းသက်ခွင့်မရခင်အထိ အဝိုင်းပတ်ပတ်နေခဲ့ရပါသေးတယ်။

▪️ တရားရုံးချုပ် တက်‌ရဦးမှာဖြစ်တာကြောင့် စက်တင်ဘာ ၈ ရက်နေ့ထက် နောက်မကျဘဲ ထိုင်းနိုင်ငံသို့ ပြန်လိုကြောင်း ပြောထားပါတယ်။

Source: The Nation

#World_Health
Published 05 September 2025

▪️ အိန္ဒိယနိုင်ငံ ဒေလီမှာဖြစ်နေတဲ့ လေလွင့်ခွေးပြဿနာမှာ လုပ်ဆောင်ခြင်းမရှိတဲ့ ဒေသတွင်းအာဏာပိုင်များကို တရားရုံးချုပ်က ကြာသပတေးနေ့မှာ အပြစ်တင်လိုက်ပါတယ်။

▪️ ဩဂုတ် ၁၁ ရက်နေ့က လမ်းဘေးခွေးတွေကို ဒေသတွင်းကနေ အစောဆုံးဖယ်ရှားဖို့နဲ့ သတ်မှတ်ထားတဲ့ ခွေးခိုလှုံနေရာများသို့ ရွှေ့ပြောင်းရန် ဒေလီမှ အာဏာပိုင်များကို ညွှန်ကြားခဲ့ပါတယ်။

▪️ လမ်းဘေးခွေးကိုက်ခံရတဲ့ ပြဿနာက အိန္ဒိယမှာ ကျန်းမာရေးပြဿနာကြီး ဖြစ်နေပြီး နှစ်စဉ်လူထောင်နဲ့ချီ သေဆုံးနေရပါတယ်။

▪️ ကိုက်ခံရတဲ့အခါ ခွေးရူးပြန်ရောဂါ ကူးစက်ခံရကာ ရောဂါလက္ခဏာပေါ်လာတာနဲ့ ၁၀၀ ရာခိုင်နှုန်းနီးပါး အသက်အန္တရာယ်ရှိနိုင်ပါတယ်။

▪️ ခွေးရူးပြန်ရောဂါဖြစ်စေတဲ့ Lyssavirus က ခန္ဓာကိုယ်ထဲဝင်ရောက်ကာ အာရုံကြောဆဲလ်တွေကို ရှာဖွေပြီး ဗဟိုအာရုံကြောစနစ်ဆီ သွားလာပါတယ်။

▪️ ရက်သတ္တပတ်တွေ လတွေကြာအောင် ဗိုင်းရပ်စ်က တိတ်ဆိတ်စွာ ပွားများပြီး ဦးနှောက်ထဲ ကျူးကျော်လာပါတယ်။

▪️ ဗိုင်းရပ်စ်က ဦးနှောက်ရောက်တဲ့အခါ ရေကြောက်ခြင်း၊ ကြွက်တက်ခြင်း၊ အကြောသေခြင်းလက္ခဏာများ ပေါ်ပေါက်လာကာ အသက်သေဆုံးဖို့ ဖြစ်လာကြောင်း အမေရိကန်အခြေစိုက် ရောဂါထိန်းချုပ်ဌာနက ပြောထားပါတယ်။

▪️ ဘက်တီးရီးယားတွေနဲ့ မတူတာက ခွေးရူးပြန်ဗိုင်းရပ်စ်က ကိုယ်ခံအားစနစ်ကနေ ပုန်းကွယ်နေနိုင်ပြီး သဘာဝအတိုင်း ပြန်မတိုက်ထုတ်နိုင်ပါဘူး။

▪️ ခေတ်မီကာကွယ်ဆေးတွေက ဘေးကင်းစိတ်ချရသလို ထိရောက်စွာ ကာကွယ်ပေးနိုင်ပါတယ်။

▪️ အကိုက်ခံရပါက ဒဏ်ရာကိုချက်ချင်းသန့်စင်ပြီး နာရီပိုင်းအတွင်း ဆေးကုသမှုခံယူကာ ကာကွယ်ဆေးတွေကို ဆေးညွှန်းအတိုင်း အသုံးပြုရပါမယ်။

Source: India Today