#World_Healthline
Published 26 February 2023

တစ်ဖက်သက်အချစ်က စိတတစ်ခံစားချက်ကို ထိခိုက်စေပြီး မအီမသာဖြစ်စေတယ်လို့ ဆန်ဒီယေဂိုမှ အိမ်ထောင်ရေးနှင့်မိသားစုရေးရာပညာရှင် 'ကင်မ်အီဂျယ်လ်'က ဆိုပါတယ်။

ကိုယ့်ကိုစိတ်မဝင်စားတဲ့လူကို ချစ်နေမိတာမျိုး၊ တစ်ယောက်နဲ့တစ်ယောက် ချစ်ကြပေမယ့် သဘောထားမတူညီတာတွေကြောင့် တာရှည်ခံဖို့ခဲယဉ်းနေတာမျိုး စတဲ့အခြေအနေအမျိုးမျိုး ကြုံတွေ့ရနိုင်ပါတယ်။

ဒီလိုမျိုးတွေကြုံတွေ့နေရတာတောင် စိတ်လျှော့ဖို့ခက်ခဲတတ်ပါတယ်။
ဘယ်လိုရှေ့ဆက်သင့်လဲဆိုတာကို အောက်ပါအတိုင်း အကြံပေးထားပါတယ်။

- အခြေအနေအမှန်ကို သိရှိလက်ခံပါ

- အဆင်မပြေတဲ့အတွဲတွေမှာ အနာဂတ်ထက် လက်ရှိအဖြစ်မှန်ကို လက်ခံကျင့်သုံးသင့်ပါတယ်။

- ချက်ချင်းကြီး ပြေလည်သွားမှာမဟုတ်ပေမယ့် ဒါဟာ အရေးကြီးတဲ့ခြေလှမ်းဖြစ်ပါတယ်။

- လက်တွဲရခြင်းရဲ့ လိုအပ်ချက်များကို အဖြေရှာပါ

- တစ်ယောက်နဲ့ တစ်ယောက်လက်တွဲရခြင်းရဲ့ လိုအပ်ချက်တွေနဲ့ မလိုတာတွေကိုပါ ဂရုစိုက်သိရှိပါ။

- သင်နဲ့ပတ်သက်သူက သင့်လိုအပ်ချက်တွေနဲ့ မကိုက်ညီဘူးဆိုတာကို သိရှိထားတယ်ဆိုရင် ခံစားချက်တွေကို အလွယ်တကူဖြေရှင်းနိုင်မှာဖြစ်ပါတယ်။

- ရှေ့သို့ရှေးရှုပါ

- ကိုယ့်ကိုပြန်မချစ်တဲ့သူ၊ အရင်ကရည်းစားဟောင်းကို တမ်းတနေရင် နောက်တစ်ယောက်နဲ့ ပျော်ရွှင်နိုင်မှာမဟုတ်ပါဘူး။

- နောက်ထပ်တစ်ယောက်ရှာနေရင်တောင် မှန်ကန်တဲ့လက်တွဲဖော်တွေ့ဖို့ ခက်ခဲနေဦးမှာပါ။

- အခြားသူများကိုလည်း ဦးစားပေးပါ

- အသည်းကွဲတဲ့သူတွေက အရေးကြီးတဲ့ အခြားလူတွေကိုလည်း မေ့လျော့နေတတ်ပါတယ်။

- သင့်မိတ်ဆွေတွေ၊ မိသားစုဝင်တွေက သင့်အတွက် အကြံဉာဏ်ပေးနိုင်မယ်ဆိုရင် သင်ခံစားနေရတာတွေကို သက်သာစေမှာဖြစ်ပါတယ်။

- အချိန်ယူရမည်ကို နားလည်ထားပါ

- အချစ်နဲ့ပတ်သက်တဲ့ ခံစားချက်က ဖြည်းဖြည်းချင်းပေါ်ပေါက် ဖြည်းဖြည်းချင်းပျောက်ကွယ်တတ်တာပါ။

- အသည်းကွဲတာကလည်း တသက်လုံးရှိနေမှာမဟုတ်ပါဘူး။

Source: healthline #World_Healthline #Love #တစ်ဘက်သတ်
#YMG #Yangon_Media_Group

#World_Health
Published 22 March 2023

အလုပ်၊ လူမှုဘဝ၊ ကျန်းမာရေးကဏ္ဍတွေမှာ ညီညွတ်မျှတအောင် နေထိုင်နေရတာနဲ့တင် အိပ်ရေးပျက်ရတာမျိုး ကြုံတွေ့ရနိုင်ပါတယ်။

အိပ်ရေးမဝတဲ့အခါ ကျန်းမာရေးပြဿနာအမျိုးမျိုး ဖြစ်ပေါ်နိုင်ပါတယ်။
အိပ်ရေးမဝတဲ့အခါ ဖြစ်ပေါ်တတ်တဲ့ လက္ခဏာ ၅ ရပ်ကို ဖော်ပြပေးလိုက်ပါတယ်။

(၁) မုန့်ပဲသရေစာစားချင်စိတ်ဖြစ်ခြင်း
ရုတ်တရက်ချည်း လမ်းဘေးစာတွေ မုန့်တွေစားချင်လာပြီဆိုရင် အိပ်ရေးမဝတဲ့လက္ခဏာ တစ်မျိုးဖြစ်ပါတယ်။

ဒါဟာ အားအင်ရစေရန်အတွက် ကယ်လိုရီ၊ အချိုဓာတ်၊ အဆီဓာတ်များတဲ့ စားစရာတွေကို စားချင်လာတာဖြစ်ပါတယ်။
အိပ်ရေးပျက်ပြီးတော့ ကျန်းမာရေးနဲ့မညီညွတ်တဲ့ စားစရာတွေကို စားချင်လာတာဟာ အနံ့အာရုံကို အဓိကသက်ရောက်နေပါတယ်။

(၂) မှတ်ဉာဏ်အားနည်းခြင်း
လူတွေက ပင်ပန်းတဲ့အခါ ပိုပြီးမေ့လျော့တတ်ကြပါတယ်။
အိပ်ရေးပျက်တဲ့အခါ ဦးနှောက်ရဲ့ သင်ယူနိုင်စွမ်းနဲ့ မှတ်ဉာဏ်ပြန်ဖော်ခြင်းတို့ကို ထိခိုက်စေပါတယ်။
ဦးနှောက်မှတ်ဉာဏ်သာမက လှုပ်ရှားမှု၊ ကြွက်သားတုန့်ပြန်မှုတို့ကိုပါ သင်ယူနိုင်စွမ်း ယုတ်လျော့သွားတာဖြစ်ပါတယ်။

(၃) ကိုယ်အလေးချိန်တက်ခြင်း
အိပ်ရေးမဝတဲ့အခါ ဗိုက်ဆာပြီး စားချင်စိတ်ဖြစ်စေတဲ့ ဟော်မုန်းတွေ ထွက်ရှိစေပါတယ်။
ဒါကြောင့် အစားပိုစားမိပြီး ဗိုက်ပြည့်တဲ့စိတ်ကို လှုံ့ဆော်ရာမှာ နှေးကွေးသွားတာ ဖြစ်ပါတယ်။
ဒါ့အပြင် သကြားနဲ့အဆီတို့ကို ထိန်းသိမ်းပေးတဲ့ ဟော်မုန်းကိုလည်း ထွက်ရှိစေတာကြောင့် ခန္ဓာကိုယ်ထဲမှာ အဆီပိုများလာတာဖြစ်ပါတယ်။

(၄) ဆုံးဖြတ်ချက်မှားယွင်းတတ်ခြင်း
အိပ်ရေးပျက်တဲ့အခါ မှားယွင်းပြီး အန္တရာယ်များတဲ့ဆုံးဖြတ်ချက်တွေ ချတတ်ကြောင်း ၂၀၂၀ အီတလီလေ့လာမှုမှာ တွေ့ရှိခဲ့ပါတယ်။

ဒါဟာ ဦးနှောက်က တွေးခေါ်မှု၊ လုပ်ကိုင်နိုင်စွမ်း၊ စိတ်ခံစားချက်တို့ကို ထိန်းချုပ်ပေးတဲ့ အစိတ်အပိုင်းက စွမ်းဆောင်ရည်ကျဆင်းတာကြောင့် ဖြစ်ပါတယ်။

(၅) ကိုယ်အပူချိန်တက်ခြင်း
ကိုယ်တွင်းအပူချိန်ကိုထိန်းညှိဖို့အတွက် အိပ်စက်ခြင်းကလည်း အလွန်အရေးကြီးပါတယ်။
အိပ်ရေးပျက်တဲ့အခါ လူတွေက ပိုမိုပင်ပန်းပြီး ဦးနှောက်ကလည်း ပိုပြီးပူထူလာတတ်ကြောင်း ဘော့စ်တွန်တက္ကသိုလ်မှ သိပ္ပံပညာရှင်များက ဆိုပါတယ်။
ဒါကြောင့် ကိုယ်ပူပြီး စိတ်ရှုပ်ထွေးလာတယ်ဆိုရင် အိပ်စက်သင့်တဲ့လက္ခဏာ ဖြစ်ပါတယ်။
Source: Daily Mail
#Yangon_Media_Group

#World_Science
Published 26 February 2023

လူသားတွေနေထိုင်တဲ့ ကမ္ဘာမြေကြီးရဲ့အပေါ်ယံလွှာအောက်မှာ အရည်ပျော်နေတဲ့အူတိုင်ကြီးရှိပြီး အပူချိန်ထောင်ပေါင်းများစွာဒီဂရီရှိတယ်ဆိုတာကို သိရရင် အံ့ဩရမှာဖြစ်ပါတယ်။

ကမ္ဘာကြီးရဲ့ အလယ်တည့်တည့်မှာ သတ္တုအူတိုင်ကြီးရှိတယ်ဆိုတာကို သိပ္ပံပညာရှင်တွေ နှစ်ပေါင်းများစွာ အဖြေရှာနေကြရပါတယ်။

Nature Communications ဂျာနယ်မှာ အင်္ဂါနေ့ကဖော်ပြခဲ့ရာမှာ ကမ္ဘာကြီးရဲ့သတ္တုအူတိုင်အတွင်းမှာ သံလုံးကြီးထူးထူးခြားခြားရှိနေတယ်လို့ ဆိုပါတယ်။

လေ့လာချက်အရ တွေ့ရှိထားတဲ့အလယ်တည့်တည့်မှာ သံ-နီကယ်သတ္တုစပ်ဖြင့် ဖွဲ့စည်းထားတဲ့ ၆၄၄ ကီလိုမီတာအကျယ်ရှိ သတ္တုလုံးကြီးရှိနေပါတယ်။

အရင်က ဒီသံလုံးကိုမတွေ့မိကြတာဟာ အပြင်လွှာမှာ အခြားဒြပ်စင်များနဲ့အတူ အလားတူ သံ-နီကယ်သတ္တုစပ်တွေနဲ့ ဖွဲ့စည်းထားတာကြောင့် ဖြစ်ပါတယ်။

ကမ္ဘာ့အူတိုင်က အလွန်မတန်ပူနိုင်တာကြောင့် သိပ္ပံပညာရှင်တွေဟာ ကမ္ဘာမြေရဲ့အတွင်းပိုင်းမှာ ဘာတွေရှိလဲဆိုတာကိုသိရဖို့ မြေငလျင်သိပ္ပံပညာကို အသုံးပြုခဲ့ပါတယ်။

ကမ္ဘာ့မြေကြောတလျှောက် ငလျင်ကြောရွေ့တဲ့အခါ ဒြပ်ထုအမျိုးမျိုးကိုဖြတ်သန်းပြီး လမ်းကြောင်းဦးတည်ချက် ပြောင်းသွားကြပါတယ်။

ဒီသဘောအတိုင်း လျှို့ဝှက်ဆန်းကြယ်လှတဲ့ ကမ္ဘာ့အူတိုင်မှာ ဘာရှိသလဲဆိုတာကို ပုံဖော်ကြည့်ကြတာဖြစ်ပါတယ်။

အတွင်းအကျဆုံးအလုံးကနေ အပြင်ဘက်အခွံသို့ တဖြည်းဖြည်းပြောင်းလဲပုံရပြီး ဒါကြောင့် ငလျင်လှိုင်းတွေရဲ့ တိုက်ရိုက်ရောင်ပြန်ဟပ်မှုမှတဆင့် သတိမပြုမိတာဖြစ်နိုင်ကြောင်း ဒေါက်တာ'ထန်းဆွမ်ဖမ်'က ပြောပြပါတယ်။

အတွင်းပိုင်းအလွှာကို တွေ့ရှိတာဟာ သိပ္ပံပညာရှင်တွေအနေနဲ့ အဆုံးစွန်အထိ နားလည်သဘောပေါက်စေနိုင်ရန် မျှော်လင့်ရန် ပြီးခဲ့တဲ့ရာစုနှစ်များအတွင်း ဘယ်လိုပြောင်းလဲလာသလဲ၊ အနာဂတ်မှာရော ဘယ်လိုဆက်ဖြစ်မလဲဆိုတာတွေကိုပါ နားလည်လာရန် မျှော်လင့်နိုင်ပါတယ်။

#Source: WION #World_Science #သိပ္ပံပညာရှင် #ကမ္ဘာ့ဗဟိုတည့်တည့်အူတိုင် #YMG #Yangon_Media_Group

#World_Animal
Published 25 February 2023

ဂျပန်နိုင်ငံမှာ ၂၈ နှစ်ကြာအောင်နေထိုင်ခဲ့တဲ့ ပန်ဒါကြီး'အဲမေ'နဲ့ အမွှာသမီး ၂ ကောင်ဟာ ဂျပန်အနောက်ပိုင်း ဝါကာယာမာပန်းခြံကနေ တရုတ်နိုင်ငံအနောက်တောင်ဘက် စီချွမ်ပြည်နယ် ချန်ဒူမြို့သို့ ဗုဒ္ဓဟူးနေ့က ဒေသစံတော်ချိန် ည ၁၁ နာရီ ၁၀ မိနစ်ခန့်မှာ ရောက်ရှိလာပါတယ်။

#World_Animal #ပန်ဒါကြီး #အမွှာသမီး #Japan #YMG
#Yangon_Media_Group

#DailyNews
Published_ 25 February 2023

၁။ ခိုးဆိုးလုနှိုက်များပေါများနေသဖြင့် ကြိုတင်သတိပြုကာကွယ်ရန်လိုဟုဆို

၂။ BUS ကားစောင့်နေစဉ် လုယက်ခံရပြီး ဓားထိုးခံရမှု ဖြစ်ပွား

၃။ ဖေဖော်ဝါရီလနောက်ဆုံးအပတ်မှာ ကမ္ဘာ့ရွှေဆင်းအကျဘက် ဦးတည် လာပြီး ပြည်တွင်းရွှေဈေးဆက်တိုက်ကျဆင်း

၄။ အသက်(၃၀)အရွယ် ပန်ဒါကြီးနှင့်အမွှာသမီး(၂)ကောင်အား ဂျပန်မှတရုတ်သို့ ပြောင်းရွှေ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Politics
Published 25 February 2023

ယူကရိန်းစစ်ပွဲ အဆုံးသတ်ရေးအတွက် အရေးပေါ်ငြိမ်းချမ်းရေးဆွေးနွေးမှုပြုလုပ်ရန် တရုတ်က တောင်းဆိုခဲ့ပြီးနောက်မှာ ယူကရိန်းသမ္မတ'ဗိုလိုဒီမီယာဇယ်လန်စကီ'က တရုတ်သမ္မတ'ရှီကျင့်ဖင်'နဲ့ တွေ့ဆုံဖို့စီစဉ်နေကြောင်း သောကြာနေ့က ပြောကြားလိုက်ပါတယ်။

ရှီကျင့်ဖင်နဲ့ ဘယ်အချိန်ဘယ်နေရာမှာ တွေ့ဆုံဖို့စီစဉ်နေသလဲဆိုတာကို မဖော်ပြခဲ့ပေမယ့် ယူကရိန်းမှာငြိမ်းချမ်းရေးရဖို့အရေးကိုပဲ တရုတ်အနေနဲ့ ထောက်ပံ့သွားမယ်လို့ မျှော်လင့်ထားကြောင်း AFP က ဖော်ပြခဲ့ပါတယ်။

"ကျွန်တော် ရှီကျင့်ဖင်နဲ့တွေ့ဆုံသွားမှာပါ၊ ဒါက ကမ္ဘာ့လုံခြုံရေးအတွက် အရေးကြီးတဲ့ကိစ္စပါ" လို့ သတင်းထောက်တွေကို ပြောကြားခဲ့တာဖြစ်ပါတယ်။

စစ်ပွဲ ၁ နှစ်ပြည့်လာတဲ့အချိန်မှာ တတိယကမ္ဘာစစ်ဖြစ်မလာစေရန် တရုတ်လက်နက်တွေ ရုရှားထံပေးပို့တာမျိုးဖြစ်မလာအောင် တားဆီးဖို့အရေး အစွမ်းကုန်ကြိုးစားနေကြောင်း ဆိုပါတယ်။

တရုတ်က ယူကရိန်းစစ်ပွဲအဆုံးသတ်ရေး အစီအစဉ်ကိုကြေညာခဲ့ကာ အရေးပေါ်ငြိမ်းချမ်းရေးဆွေးနွေးပွဲပြုလုပ်ဖို့ တောင်းဆိုထားပါတယ်။

အနောက်နိုင်ငံအများအပြားက တရုတ်ရဲ့အစီအစဉ်တွေကို ငြင်းပယ်လိုက်ကာ ရုရှားနဲ့ဆက်ဆံရေးနီးကပ်နေတဲ့ တရုတ်ကို သတိပေးလိုက်ပါတယ်။

တရုတ်က ယခုပဋိပက္ခအတွင်း ကြားနေအဖွဲ့အစည်းအဖြစ် ထိန်းသိမ်းနေထိုင်လျက်ရှိသလို ဗျူဟာမြောက်မဟာမိတ်ဖြစ်တဲ့ ရုရှားနဲ့ ဆက်ဆံရေးနီးနီးစပ်စပ် ရှိနေဆဲဖြစ်ပါတယ်။

ကိုယ့်နယ်မြေတိုက်ခိုက်ခံနေရတဲ့ တိုင်းပြည်ကသာ ငြိမ်းချမ်းရေးအစီအစဉ်တွေ စတင်အကောင်အထည်ဖော်နိုင်မယ်လို့ ယုံကြည်ထားကြောင်း ဇယ်လန်စကီက ဆိုပါတယ်။

ထိုနေ့မှာပဲ ရုရှားအနေနဲ့ ယူကရိန်းနယ်မြေတွေကနေ ဆုတ်ခွာပေးဖို့ ကုလသမဂ္ဂက သမိုင်းဝင်မဲခွဲခဲ့ပါတယ်။

အမေရိကန်၊ ဩစတြေးလျ၊ ကနေဒါအပါအဝင် နိုင်ငံအချို့က ရုရှားအပေါ် နောက်ထပ်ဒဏ်ခတ်ပိတ်ဆို့မှုများ ချမှတ်ခဲ့ပါတယ်။

အမေရိကန်ဘဏ္ဍာရေးဌာနနဲ့ နိုင်ငံခြားရေးဌာနတို့က အဓိကဝင်ငွေရရှိစေတဲ့ ကဏ္ဍများကို ကျယ်ကျယ်ပြန့်ပြန့် အရေးယူပိတ်ဆို့မှာဖြစ်တဲ့အပြင် တစ်ပိုင်းလျှပ်ကူးပစ္စည်းအသုံးပြုခွင့်ကိုလည်း ပိတ်ပင်သွားမှာဖြစ်ပါတယ်။

ဩစတြေးလျက ရုရှားဘက်မှ ပုဂ္ဂိုလ်အယောက် ၉၀၊ အဖွဲ့အစည်း ၄၀ကို ဒဏ်ခတ်ပိတ်ဆို့မှုများ ပြုလုပ်ခဲ့သလို ကနေဒါကလည်း ရုရှားဒုဝန်ကြီးချုပ်နဲ့ အရာရှိများအပါအဝင် ပုဂ္ဂိုလ် ၁၂၉ ဦးနဲ့ အဖွဲ့အစည်း ၆၃ ခုတို့ကို နောက်ထပ်ဒဏ်ခတ်ပိတ်ဆို့မှုများ ပြုလုပ်ထားပါတယ်။

#Source: WION #World_Politics #ယူကရိန်းစစ်ပွဲ
#YMG #Yangon_Media_Group