Published 11 Oct 2022

ဂျပန်နိုင်ငံမှာ စတားလင့်ခ် Starlink အင်တာနက်ဝန်ဆောင်မှုလုပ်ငန်းကို စတင်နေပြီလို့  အမေရိကန်လုပ်ငန်းရှင် အီလွန်မတ်စ်ရဲ့ စပေ့ရှ်အိတ်စ် SpaceXကုမ္ပဏီကကြေညာပါတယ်။

စတားလင့်ခ်ဟာ ဂျပန်နိုင်ငံရဲ့ တောင်ထူထပ်တဲ့ဒေသတွေနှင့် အင်တာနက် မရတစ်ချက် ရတစ်ချက်ဖြစ်နေပြီး ဆက်သွယ်ရခက်ခဲတဲ့ ကျွန်းတွေရဲ့ လိုအပ်ချက်တွေကို ဖြည့်ဆည်းပေးပါလိမ့်မယ်။

စပေ့ရှ်အိတ်စ်က ယင်းရဲ့ တွစ်တာစာမျက်နှာကနေ ကြေညာတာဖြစ်ပါတယ်။ တရားဝင်ဝက်ဆိုက်မှာပါတဲ့ အချက်အလက်တွေအရ စပေ့ရှ်အိတ်စ်အင်တာနက်ရဲ့ လစဉ်ကြေးဟာ ၈၄ ဒေါ်လာ ( ၁၂၃၀၀ ယန်း)ဖြစ်ပါတယ်။ အဲဒီအပြင် ဟာ့ဒ်ဝဲကုန်ကျစရိတ်ကလည်း ယန်းငွေ ၇၃၀၀၀ ကုန်ကျမှာဖြစ်ပါတယ်။

စတားလင့်ခ်ဟာ  ဂြိုဟ်တုကနေတစ်ဆင့် မြန်နှုန်းမြင့်ပြီး စောင့်ဆိုင်းချိန်နည်းပါးတဲ့ အင်တာနက်ဝန်ဆောင်မှုလုပ်ငန်း ကို ဆောင်ရွက်ပေးနေပါတယ်။ ရုရှားတိုက်ခိုက်ပြီးကတည်းက ယူကရိန်းမှာ စတားလင့်ခ်ရဲ့ ဂြိုဟ်တုအင်တာနက်ဟာ အရေးကြီးတဲ့ အခန်းကဏ္ဍကနေ ပါဝင်နေတာဖြစ်ပါတယ်။

ဥရောပနှင့် အမေရိကန်အပြင်  အာရှနှင့် အခြားဒေသတွေကိုပါ ဂြိုဟ်တုအင်တာနက်လုပ်ငန်းဝန်ဆောင်မှုပေးဖို့ စတင်းလင့်ခ်က စီစဉ်နေပါတယ်။

ဖိလစ်ပိုင်မှာ အစိုးရဟာ ယင်းရဲ့ အခမဲ့ ဝိုင်ဖိုင်အစီအစဉ်အတွက် စတားလင့်ခ်ကို စာရင်းသွင်းဖို့ စဉ်းစားနေပါတယ်။ စပေ့ရှ်အိတ်ခ်ဟာ ဒီဇင်ဘာနောက်ဆုံးထားပြီး  စီးပွားဖြစ်လုပ်ငန်းဆောင်ရွက်ဖို့ ကြိုးစားနေပါတယ်လို့ ကုမ္ပဏီရဲ့ အစိုးရဆက်ဆံရေး အကြီးတန်းအရာရှိ ရီဘက်ကာဟန်တာကပြောပါတယ်။

Source: Nikkei Asia

#Starlink internet

#Japan_Internet

#Elon_Musk

#World_Health
Published 11 October 2022

ကိုဗစ်ကာကွယ်ဆေးထိုးနှံပြီးနောက် အချို့လူတွေမှာ ခေါင်းကိုက်ခြင်းနဲ့ လက်မောင်းနာကျဉ်ခြင်းများ ဖြစ်လေ့ရှိပါတယ်။

အချို့ကတော့ မူးဝေခြင်း ဒါမှမဟုတ် အဖုအကျိတ်ထွက်ခြင်းတို့ ဖြစ်ပေါ်တတ်ပါတယ်။

အခုဆိုရင် သုတေသနပြုချက်တစ်ခုမှာ ဖော်ပြရာ ကိုဗစ်ကာကွယ်ဆေးတွေရဲ့ နောက်ထပ်ဘေးထွက်ဆိုးကျိုးတစ်ခုက ဓမ္မတာစက်ဝန်းပြောင်းလဲခြင်းပဲ ဖြစ်ပါတယ်။

BMJ Medicine ဂျာနယ်မှာ အင်္ဂါနေ့က ဖော်ပြခဲ့ရာမှာ ကာကွယ်ဆေးထိုးတဲ့အမျိုးသမီးတွေက မထိုးတဲ့သူတွေနဲ့ယှဉ်ရင် ဓမ္မတာတစ်ရက်နောက်ကျတာမျိုး ဖြစ်လေ့ရှိတယ်လို့ သုတေသီများ ဖော်ပြကြပါတယ်။

တစ်ခုရှိတာက ဒီပြောင်းလဲမှုက ယာယီသာဖြစ်တတ်တာပါ။

ကာကွယ်ဆေးထိုးပြီး ဓမ္မတာတစ်ကြိမ်လာပြီးချိန်မှာ ပုံမှန်ပြန်ဖြစ်သွားတတ်ပါတယ်။

လူပေါင်း ၂ သောင်းနီးပါးကို လေ့လာရာ ၁၄,၉၃၆ ဦးက ကာကွယ်ဆေးထိုးထားပြီး ၄,၆၈၆ ဦးကတော့ မထိုးထားပါဘူး။

ဓမ္မတာစက်ဝန်းပြောင်းလဲတာဟာ ပုံမှန်ဖြစ်လေ့ဖြစ်ထရှိတဲ့သဘောပါ။
ဒီအတွက်တာဝန်ရှိတဲ့ ဟော်မုန်းတွေကို စိတ်ဖိစီးမှု၊ ကိုယ်အလေးချိန်၊ ကယ်လိုရီနဲ့ လေ့ကျင့်ခန်းပြုလုပ်ခြင်းတို့က သက်ရောက်မှုရှိနေပါတယ်။

၈ ရက်ထက်မပိုဘဲ ဓမ္မတာအပြောင်းအလဲဖြစ်ခြင်းဟာ ပုံမှန်အခြေအနေအတွင်းရှိကြောင်း နိုင်ငံတကာသားဖွားနဲ့မီးယပ်အဖွဲ့က ပြောကြားထားပါတယ်။

ကိုဗစ်ကာကွယ်ဆေး ပထမအကြိမ်ထိုးအပြီးမှာ ဓမ္မတာကာလက ၀.၇၁ ရက်ပိုရှည်ကြာသွားပြီး ဒုတိယအကြိမ်ထိုးအပြီးမှာတော့ ၀.၅၆ ရက် ပိုကြာလာပါတယ်။

ထိုစမ်းသပ်တဲ့အဖွဲ့ထဲမှာ လူ ၁၀၀ လောက်က ၈ ရက်နဲ့အထက်နောက်ကျခဲ့ပါတယ်။

ကာကွယ်ဆေးထိုးပြီးတစ်လအကြာ ပုံမှန်ပြန်ဖြစ်သွားတာကြောင့် သန္ဓေအောင်ခြင်းကိစ္စမှာ သက်ရောက်ခြင်းမရှိပါဘူး။

ခန္ဓာကိုယ်ရောဂါခုခံအားနဲ့ အခြားအစိတ်အပိုင်းများကြား မှားယွင်းပြီးလှုံ့ဆော်မိတာမျိုးလည်း ဖြစ်နိုင်ပါတယ်။

ကိုဗစ်ကာကွယ်ဆေးအမျိုးမျိုးမှာ ဒီလိုသက်ရောက်မှုမျိုးရှိနေနိုင်ပါတယ်။

ကိုဗစ်ကာကွယ်ဆေးထိုးပြီးနောက် ဓမ္မတာပြောင်းလဲတာမျိုး၊ ခေါင်းကိုက်ဖျားနာတာမျိုးက ကာကွယ်ဆေးဘယ်လောက်အထိ အာနိသင်ရှိလဲဆိုတာကို ပြသတဲ့သဘောမဟုတ်ဘဲ အချို့လူတွေက ဟော်မုန်းအပြောင်းအလဲနဲ့ ရောဂါခုခံအားကို ပိုပြီးတုံ့ပြန်မိလို့ဖြစ်ပါတယ်။

ဓမ္မတာပြောင်းလဲခြင်းက သိသိသာသာပြောင်းလဲပြီး လနဲ့ချီကြာလာရင်တော့ သားဖွားမီးယပ်အထူးကုနဲ့ တိုင်ပင်ဆွေးနွေးသင့်ပါတယ်လို့ ဒေါက်တာ'ကောဝက်စ်'က အသိပေးလိုက်ပါတယ်။

Source: CNA
#Yangon_Media_Group

#Ukraine_Crisis
Published 11 October 2022

ရုရှားက ယူကရိန်းမြို့တော်ကိဗ်နဲ့ အခြားမြို့များကို တိုက်ခိုက်ခဲ့ပြီးနောက်ယခုကဲ့သို့ ရုရှားရဲ့တိုက်ခိုက်မှုတွေကို ခံနေရတဲ့ယူကရိန်းအတွက် လိုအပ်သမျှကာလပတ်လုံး ထောက်ပံ့ကူညီသွားမယ်လို့ ကတိပြုကြောင်း အမေရိကန်သမ္မတ'ဂျိုးဘိုင်ဒင်'က ယူကရိန်းသမ္မတ'ဗိုလိုဒီမီယာဇယ်လန်စကီ'ကို ဖုန်းခေါ်ဆိုပြောကြားခဲ့ပါတယ်။

ရုရှားရဲ့ဒုံးကျည်တိုက်ခိုက်မှုအပြီး အမေရိကန်သမ္မတ ဂျိုးဘိုင်ဒင်က ယူကရိန်းသမ္မတ ဇယ်လန်စကီးကို ဖုန်းဆယ်သွယ်ပြောဆို ကတိပေးခဲ့တာဖြစ်ပါတယ်။

ရုရှားစစ်တပ်က ယူကရိန်းဘက်သို့ ပဲ့ထိန်းဒုံးကျည် ၈၄ စင်းထက်မနည်း ပစ်ခတ်ခဲ့ရာ အနည်းဆုံးလူ ၁၀ ဦးသေဆုံးခဲ့ပြီး အဆောက်အအုံအများအပြား ပျက်စီးခဲ့ကာ မြို့တော်ရှိ ကစားကွင်းတစ်ခုဘေးမှာ ပေါက်ကွဲအရာကြီးကျန်ခဲ့ကြောင်း ယူကရိန်းကာကွယ်ရေးဝန်ကြီးဌာနက ပြောကြားလိုက်ပါတယ်။

"ယနေ့ ကိဗ်မြို့တော်အပါအဝင် ယူကရိန်းနိုင်ငံတလျှောက်ကို ရုရှားတို့ ဒုံးကျည်များဖြင့် ပစ်ခတ်မှုအား အမေရိကန်ပြည်ထောင်စုက အပြင်းအထန်ရှုတ်ချပါတယ်" လို့ 'ဘိုင်ဒင်'က ထုတ်ပြန်လိုက်ပါတယ်။

"သူတို့က စစ်ရေးရည်ရွယ်ချက်မပါဘဲနဲ့ ပစ်မှတ်တွေကို ဖျက်ဆီးခဲ့တာဖြစ်ပြီး အရပ်သားများသေဆုံးဒဏ်ရာရရှိခဲ့ကြပါတယ်။ ရုရှားသမ္မတ'ဗလာဒီမာပူတင်'က ယူကရိန်းပြည်သူများအပေါ် တရားမဝင်စစ်ပွဲအတွင်း ရက်စက်ကြမ်းကြုတ်မှုကို ထပ်မံမြင်တွေ့လိုက်ရပါတယ်"
"ဒီလိုတိုက်ခိုက်မှုတွေကြောင့်ပဲ ယူကရိန်းဘက်ကနေ ရပ်တည်ချက်ပိုမိုခိုင်မာလာဦးမှာဖြစ်ပြီး လိုအပ်သမျှကာလပတ်လုံး ထောက်ပံ့ကူညီသွားပါမယ်" လို့ 'ဘိုင်ဒင်'က ဆိုပါတယ်။

"ရုရှားရဲ့ရန်လိုမှုအတွက် နောက်ထပ်ပိတ်ဆို့မှုတွေ ပြုလုပ်သွားမှာပါ၊ သူတို့ရဲ့ရက်စက်ကြမ်းကြုတ်မှုတွေနဲ့ စစ်ရာဇဝတ်မှုများအတွက် 'ပူတင်'နဲ့ရုရှားကိုပဲ တာဝန်ယူခိုင်းမှာပါ၊ ကိုယ့်တိုင်းပြည်နဲ့ လွတ်လပ်ခွင့်အတွက် တိုက်ပွဲဝင်နေတဲ့ ယူကရိန်းတပ်ဖွဲ့များအတွက်တော့ လိုအပ်တဲ့အကူအညီတွေ ဆက်လက်ထောက်ပံ့သွားမှာပါ"

ဒါ့အပြင် အကျိုးအကြောင်းမရှိဘဲ ကျူးကျော်တိုက်ခိုက်နေတာကိုလည်း ချက်ချင်းအဆုံးသတ်ပြီး ယူကရိန်းကနေ ရုရှားတပ်များချက်ချင်းဆုတ်ခွာပေးဖို့ 'ဘိုင်ဒင်'က ရုရှားကိုတောင်းဆိုလိုက်ပါတယ်။

ဇယ်လန်စကီဘက်က "ကျုပ်တို့ရဲ့ကာကွယ်ရေးမှာ လေကြောင်းကာကွယ်ရေးက နံပါတ်တစ်ဦးစားပေးပါပဲ၊ G7 ရဲ့ခိုင်မာတဲ့ရပ်တည်ချက်၊ ကုလသမဂ္ဂအထွေထွေညီလာခံဆုံးဖြတ်ချက်အတွက် ထောက်ခံမှုနဲ့အတူ အမေရိကန်ရဲ့ဦးဆောင်မှုကိုလည်း လိုအပ်ပါတယ်" လို့ ရေးသားခဲ့ပါတယ်။

လေကြောင်းကာကွယ်ရေးစနစ်များအပါအဝင် ယူကရိန်းတို့ မိမိဘာသာကာကွယ်နိုင်ရေးအတွက် လိုအပ်တဲ့ထောက်ပံ့မှုများကို ဆက်လက်ပေးအပ်သွားမယ်လို့ 'ဘိုင်ဒင်'က ပြောကြားခဲ့ပြီး ရုရှားအပေါ် နောက်ထပ်ပိတ်ဆို့မှုများပြုလုပ်ရန် မဟာမိတ်များနဲ့ ညှိနှိုင်းဖို့ကို ဖော်ပြခဲ့ကြောင်း အိမ်ဖြူတော်က ဖော်ပြခဲ့ပါတယ်။

တနင်္လာနေ့က ရုရှားပဲ့ထိန်းဒုံးကျည် ၈၄ စင်းထဲက ၄၃ စင်း ယူကရိန်းသို့ကျရောက်ခဲ့ပြီး တိုက်ခိုက်ရေးဒရုန်း ၂၄ ခုထဲက ၁၃ ခုကို လိုရာမရောက်ခင် ဖျက်ဆီးပစ်နိုင်ခဲ့ကြောင်း ယူကရိန်းကာကွယ်ရေးဝန်ကြီးဌာနက ဆိုပါတယ်။

ရုရှားဘက်က တံတားပေါက်ကွဲမှုကြောင့် ရထားလမ်းပျက်စီးကာ လူ ၃ ဦးသေဆုံးခဲ့ပြီး ကားလမ်းနှစ်ပိုင်းအနက် တစ်ပိုင်းပြိုကျခဲ့ကြောင်း ရုရှားအာဏာပိုင်များကဆိုပါတယ်။

ယူကရိန်းတောင်ပိုင်းမှာ ယူကရိန်းတို့ တန်ပြန်တိုက်ခိုက်လာစဉ်အတွင်း ရုရှားစစ်တပ်အတွက် အဓိကထောက်ပံ့ရေးလမ်းကြောင်းဖြစ်တဲ့ အဆိုပါတံတားအား ဖြိုခွဲခဲ့ခြင်းအတွက် ရုရှားတို့က အကြမ်းဖက်လုပ်ရပ်လို့ သတ်မှတ်ခဲ့ပါတယ်။

ယူကရိန်းအတွက် ဘီလီယံဒေါ်လာနဲ့ချီပြီး ကူညီရန် အမေရိကန်လွှတ်တော်က ခွင့်ပြုလိုက်ကာ သမ္မတဟောင်း'ဒေါ်နယ်ထရမ့်'ကလည်း "ယူကရိန်းစစ်ပွဲကို အဆုံးသတ်ဖို့ အမြန်ဆုံးညှိနှိုင်းသင့်ပါပြီ၊ မဟုတ်ရင် တတိယကမ္ဘာစစ်ဖြစ်လာနိုင်ပြီး ကမ္ဘာမှာဘာမှကျန်တော့မှာ မဟုတ်ပါဘူး၊ နျူကလီးယားအကြောင်း ဒီလူတွေဘာမှနားမလည်ပါဘူး" လို့ ပြောကြားလိုက်ပါတယ်။

Source: New York Post
#Yangon_Media_Group

#World_Health
Published 11 October 2022

ဆီးချိုရောဂါဒုတိယအမျိုးအစားရှိသူတွေရဲ့ သွေးတွင်းသကြားဓာတ်ကို လျှော့ချပေးနိုင်မယ့် ထိုးဆေးတစ်မျိုးကို ဆေးဝါးကွပ်ကဲရေးမှ အသိအမှတ်ပြုလိုက်ပါပြီ။

ထိုဆေးကို အိမ်မှာကိုယ်တိုင်ထိုးနှံနိုင်ပြီး အပတ်တိုင်းအသုံးပြုနိုင်ပါတယ်။

Tirzepatide ဆေးကို လူပေါင်း ၂,၅၀၀ ကျော်မှာ လေ့လာခဲ့ရာမှာ ဆေးပမာဏအများဆုံး အသုံးပြုသူတွေက ကိုယ်အလေးချိန် ၅၆ ပေါင်ခန့် ကျဆင်းခဲ့ကြောင်း ယခုနှစ်အစောပိုင်းက သတင်းကြီးသွားခဲ့ပါတယ်။

ဆီးချိုရောဂါဒုတိယအမျိုးအစားရှိသူတွေရဲ့ သွေးတွင်းသကြားဓာတ်ကို လျှော့ချနိုင်ရန် အစကတော့ Tirzepatide ကို ဆေးဝါးအဖြစ်ထုတ်လုပ်ခဲ့ပါတယ်။

အခုတော့ ဆီးချိုအခြေအနေမထိန်းနိုင်တဲ့ သူတွေအတွက် ဆေးဝါးနဲ့ကျန်းမာရေးပစ္စည်းကွပ်ကဲရေးဌာန(MHRA)က ထိုးဆေးကိုပါ ခွင့်ပြုလိုက်ပါတယ်။

အဆိုပါထိုးဆေးကို အင်္ဂလန်နဲ့ ဝေးလ်စ်နိုင်ငံတို့မှာ နောက်လဧပြီ စတင်အသုံးပြုမှာလားဆိုတာ ကျန်းမာရေးစောင့်ကြည့်ရေးအဖွဲ့ NICE က ဆုံးဖြတ်သွားမှာဖြစ်ပါတယ်။

ဆေးက သကြားဓာတ်သိသိသာသာ ကျစေရုံသာမက ကိုယ်အလေးချိန်ပါ ကျစေပြီး ဆီးချိုအတွက် အသုံးဝင်မယ့်ဆေးများထဲ ပါဝင်လာမှာဖြစ်ကြောင်း ဂလက်စ်ဂိုတက္ကသိုလ်မှ ပရော်ဖက်ဆာ'နာဗိဆက်တာ'က ကြေညာလိုက်ပါတယ်။

ယူကေမှာ ကိုယ်အလေးချိန်နဲ့ ဆီးချိုပမာဏတက်နေတာကြောင့် Tirzepatide ကို အသိအမှတ်ပြုလိုက်တာက အရေးကြီးပါတယ်။
Tirzepatide ဆေးကိုထိုးတဲ့အခါ အလိုအလျောက်ထိုးပေးပြီး သွေးတွင်းသကြားဓာတ်ကို ထိန်းညှိပေးပါတယ်။

ဒီဆေးက အစာစားချင်စိတ်ကိုလည်း ဖိနှိပ်ပေးထားပါတယ်။
ကိုယ်အလေးချိန်က ၁၀ ပေါင်ခန့်ကျဆင်းကာ အစာအိမ်ကျဉ်းမြောင်းသွားစေပါတယ်။

ဆေးရဲ့ဘေးထွက်ဆိုးကျိုးတွေက မူးဝေအော့အန်ခြင်း၊ ဝမ်းလျှောခြင်းတို့ဖြစ်တတ်ပေမယ့် အနည်းအကျဉ်းမျှသာဖြစ်ပါတယ်။

ကျောက်ကပ်ပြဿနာရှိလို့ မက်ဖော်မင်အသုံးမပြုနိုင်တဲ့ ဆီးချိုဝေဒနာသည်တွေမှာ ကိုယ်တိုင်ထိုးနှံနိုင်မှာဖြစ်ပါတယ်။

Mounjaro (tirzepatide) ကို ဆီးချိုမထိန်းနိုင်တဲ့လူကြီးတွေမှာ အသုံးပြုဖို့ ခွင့်ပြုလိုက်ပြီဖြစ်ကြောင်း ဝမ်းမြောက်စွာအတည်ပြုပါတယ်လို့ MHRA မှ ပြောရေးဆိုခွင့်ရှိသူက ပြောပြခဲ့ပါတယ်။

ဆေးတွေအနေနဲ့ ဘေးကင်းစိတ်ချရမှု၊ အရည်အသွေး၊ ထိရောက်မှုတွေမှာ မျှော်မှန်းချက်များအတိုင်း မပြည့်မီဘဲနဲ့ အသိအမှတ်မပြုပါဘူး။

Source: Daily Mail
#Yangon_Media_Group

Published 10 Oct 2022

အမေရိကန်သမ္မတဟောင်းက တတိယကမ္ဘာစစ်နှင့်အဆုံးသတ်ကြရလိမ့်မယ်လို့ သတိပေးလိုက်ပါတယ်။ အာရီဇွန်နာ ပြည်နယ်၊ မီဆာမြို့က လူထုဟောပြောပွဲတစ်ခုမှာ သူက ပြောကြားခဲ့တာဖြစ်ပါတယ်။ “ယူကရိန်းက စစ်ပွဲကို ငြိမ်းချမ်းစွာအဆုံးသတ်ဖို့ လက်ငင်းစေ့စပ်ညှိနှိုင်းမှုတွေ ကျွန်တော်တို့ တောင်းဆိုရမယ်။ ဒါမှမဟုတ်ရင် ကျွန်တော်တို့ တတိယကမ္ဘာစစ်ပွဲနှင့် အဆုံးသတ်ကြရလိမ့်မယ် “လို့ ထရမ့်က သတိပေးခဲ့ပါတယ်။

Source AFP

#Donald_Trump

#World_War_Three

#Russia_Ukraine

#DailyNews
Published _ 10 October 2022

၁။ ၆ လတာကာလအတွင်း ပြည်ပသို့ပဲတန်ချိန် ၈ သိန်းကျော်တင်ပို့ထား

၂။ Mie Sedaap တံဆိပ်ခေါက်ဆွဲများဘေးမကင်းသည့်နိုင်ငံရပ်ခြားသတင်းများ မြန်မာFDAရရှိထား၍ မြန်မာ့ဈေးကွက်အတွင်းတွေ့ရှိပါကပြန်သိမ်းခိုင်းမည်

၃။ ရောင်းချမည့် မီးလင်းရွှေအတုံးအခဲ (၁၀) ပိဿာကျော်ရောင်းဈေးမှာ ပေါက်ဈေးထက် အနည်းငယ်လျော့မည်ဟု YGEA ပြော

၄။ ၂၀၂၉ အာရှဆောင်းရာသီပြိုင်ပွဲကြီးအား ဆော်ဒီကန္တာရမြို့တော်ကြီးမှ လက်ခံကျင်းပသွားမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group