#World_Auction
Published 31 October 2022

လာမယ့်လ လေလံတင်ပွဲမတိုင်ခင် စင်္ကာပူမှာ တိုင်ရန်နိုဆောရပ်စ်အရိုးစုပြပွဲ ပြုလုပ်သွားမှာဖြစ်ရာ ကျွမ်းကျင်သူများက အခုလိုငွေအင်အားနဲ့ ရှေးဟောင်းအရိုးများကို အရောင်းအဝယ်လုပ်တာဟာ သိပ္ပံပညာအတွက် အန္တရာယ်များတယ်လို့ မြင်နေကြပါတယ်။

 
#Yangon_Media_Group

Published 31 Oct 2022

ဘယ်လ်ဂျီယမ်နိုင်ငံမှာ FiFe  ဖီဖီကမ္ဘာ့ပြပွဲ ပိတ်ပွဲကို ကျင်းပခဲ့ပါတယ်။ ဖီဖီကမ္ဘာ့ပြပွဲဟာ နိုင်ငံတကာ ကြောင်ပြပွဲကြီး တစ်ခုဖြစ်ပြီး နှစ်စဉ်ကျင်းပလေ့ရှိပါတယ်။

ယခုနှစ်မှာ ဘယ်လ်ဂျီယမ်နိုင်ငံက အိမ်ရှင်နိုင်ငံအဖြစ်ကျင်းပတာဖြစ်ပါတယ်။

ကမ္ဘာ့အချောအလှဆုံးကြောင်ပြိုင်ပွဲကို ပိတ်ပွဲနှင့်အတူကျင်းပခဲ့ရာမှာ  အခန်းကဏ္ဍအမျိုးမျိုးအတွက် ကြောင် ၂၆ ကောင်က သရဖူဆောင်းခဲ့ကြပါတယ်။

အဲဒီကြောင်ပြိုင်ပွဲမှာ တစ်ကမ္ဘာလုံးက ကြောင်ပေါင်း ၂၀၀၀ နီးပါး ဝင်ရောက်ယှဉ်ပြိုင်ခဲ့ကြပါတယ်။

ပြိုင်ပွဲကို ဘယ်လ်ဂျီယမ်နိုင်ငံ ဘရပ်ဆဲမြို့ မြောက်ဘက် နက်ကာဟာ ပြပွဲခန်းမကြီးမှာ ကျင်းပခဲ့ကြပြီး တစ်ကမ္ဘာလုံးက  ပြခန်းပေါင်း ၁၅၀၀ ကျော်လာရောက်ခင်းကျင်းခဲ့ကြပါတယ်။ တစ်ရက်တစ်ရက်ကိုလည်း  ကြောင်ချစ်သူ ထောင်ပေါင်းများစွာ လာရောက်လည်ပတ်ခဲ့ကြပါတယ်။

Source: AFP

#DailyNews
Published _ 31 October 2022

၁။ ဆောင်းအဝင်ကာလတွင် ဆောင်းတုပ်ကွေး၊ ဝမ်းပျက်ဝမ်းလျောနှင့် ကိုဗစ်ဖြစ်ပွားမှုများ သတိပြုရန်လို

၂။ တရားမဝင်ကုန်သွယ်မှုအား ထိန်းချုပ်ရန် ယာဉ်ပါ၊ ကုန်ပါ စာရင်းချုပ်ပုံစံပြုလုပ်ရမည်ဟုဆို

၃။ ရွှေဈေးကွက်အတွင်း မှောင်ခိုဈေးကွက်မရှိဘဲ ကြိုက်ရောင်းကြိုက်ဝယ်သာရှိဟုဆို

၄။ ဒိုင်နိုဆောင်အရိုးစုလေလံတင်ရောင်းချခြင်းအပေါ် သိပ္ပံပညာရှင်များစိုးရိမ်လျက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

Published 31 Oct 2022

◉ရုပ်ရှင်သရုပ်ဆောင်နှင့် “Produce 101 Season 2” ပြိုင်ပွဲဝင်ဟောင်း လီဂျီဟန် Lee Ji Han ဟာ တောင်ကိုးရီးယားနိုင်ငံ ဆိုးလ်မြို့တော် အီတေးဝန်ကြေကွဲစရာဖြစ်ရပ်ထဲ သေဆုံးခဲ့ရ

◉အောက်တိုဘာ ၂၉ ရက် အီတေးဝန် မတော်တဆဖြစ်ရပ်တွင် လီဂျီဟန် ကွယ်လွန်ခဲ့သည်မှာ မှန်ကန်ပါတယ်လို့ သူ့ရဲ့ အေဂျင်စီ 935 Entertainmentက အောက်တိုဘာ ၃၀ရက်တွင် အတည်ပြု

◉“ အဲဒီသတင်းမမှန်ပါဘူးလို့ ကျွန်တော်တို့က ယုံထားခဲ့တာ။ အခုတော့ သတင်းကြားရတော့ အတော်တုန်လှုပ်သွားရတယ်။ မိသားစုဟာ အလွန်ထိခိုက်ကြေကွဲနေကြတယ်။ အဲဒါကြောင့် ကျွန်တော်တို့ အထူးသတိထားနေရတယ်။ သူကောင်းမွန်ရာ ငြိမ်းအေးစွာနားခိုနိုင်ပါစေ” လို့ အေဂျင်စီကိုယ်စားလှယ်ကပြော

◉လီဂျီဟန်ဟာ  ၂၀၁၇ခုနှစ်မှာ “Produce 101 Season 2”မှာ သီချင်းဆိုဝင်ရောက်ယှဉ်ပြိုင်ရင်း လူသိများလာသူဖြစ်ပြီး ၂၀၁၉ခုနှစ်ကထုတ်လုပ်သည့် “Today Was Another Nam Hyun Day”ဟုဆိုသည့် ဝက်ဘ်ဒရာမာတွင် သရုပ်ဆောင်မင်းသားဖြစ်ခဲ့

◉သူသေဆုံးချိန်တွင် အသက် ၂၄နှစ်ရှိပြီဖြစ်

◉စနေနေ့ည ဖြစ်ခဲ့သော ဟော်လိုဝင်ပွဲ လူအုပ်ပြိုလဲမှုကြောင့် လူပေါင်း ၁၅၄ ဦးကျော်သေဆုံးခဲ့ပြီး အများစုမှာ ဆယ်ကျော်သက်များဖြစ်ကြ

Source Soompi

#Lee_Ji_Han

#Itaewon_tragedy

#South_Korea_haloween

#World_Health
Published 31 October 2022

စီးကရက်အတု(vape)သောက်သုံးသူတွေဟာ စီးကရက်အစစ်သောက်သုံးသူတွေကဲ့သို့ပင် နှလုံးရောဂါအန္တရာယ်ရှိနိုင်တယ်လို့ သုတေသနတစ်ခုမှာ ဖော်ပြထားပါတယ်။

ကြွက်တွေနဲ့ လူတွေမှာစမ်းသပ်ခဲ့တဲ့ လေ့လာချက်နှစ်ရပ်အရ စီးကရက်အတုသောက်သူတွေမှာ ဆေးလိပ်သောက်သူတွေလိုမျိုး သွေးကြောထိခိုက်မှုရှိနေကြောင်း တွေ့ရှိရပါတယ်။

သွေးကြောတွေထိခိုက်ပြီး အလုပ်မလုပ်နိုင်တဲ့အခါ နှလုံးနဲ့ခန္ဓာကိုယ်တလျှောက် အောက်ဆီဂျင်နဲ့သွေးများ ကောင်းစွာမလည်ပတ်နိုင်တော့ပါဘူး။

ဆေးလိပ်သောက်ခြင်းက အဆုတ်ကင်ဆာနဲ့ အခြားအသက်ရှူလမ်းကြောင်းပြဿနာတွေပါ ဖြစ်နိုင်တာကြောင့် စီးကရက်အတုတွေထက် ပိုမိုဆိုးရွားနေသေးတယ်လို့ ဆိုရမှာပါ။

ဒါပေမဲ့ ကုမ္ပဏီတွေ ကြော်ငြာဆွဲဆောင်နေသလိုမျိုး စီးကရက်အတုတွေက အန္တရာယ်ကင်းတဲ့ပစ္စည်းဆိုတာတော့ မဟုတ်ပါဘူး။

အမေရိကန်အစိုးရက လူငယ်နဲ့လူကြီးတွေကြား စီးကရက်အတုစွဲလမ်းလာတာကို သတိထားလာကြပါတယ်။

စီးကရက်အတုရော ဆေးလိပ်ရောပါ သောက်သုံးရင်တော့ ထိခိုက်မှုက ပေါင်းစုံပြီးပိုဆိုးရွားလာနိုင်ပါတယ်။

သူတို့ရဲ့သက်ရောက်မှုက သွေးကြောမကြီးတွေ ကောင်းစွာမပွင့်တော့ဘဲ နှလုံးနဲ့အခြားတစ်ရှူးများဆီ သွေးလုံလောက်စွာမရရှိတော့တာဖြစ်ပါတယ်။

သွေးကြောနံရံဆဲလ်တွေထိခိုက်တဲ့အခါ သွေးတိုး၊ နှလုံးသွေးကြောရောဂါများ ဖြစ်ပွားလာနိုင်ပါတယ်။

အသက်ရှူလမ်းကြောင်းထဲမှာ တစ်ခုခုရှိနေတဲ့အခါ သွေးကြောလုပ်ငန်းဆောင်တာများ ထိခိုက်ပျက်စီးနိုင်ပါတယ်။

ဆေးလိပ်သောက်သူတွေနဲ့ စီးကရက်အတုသောက်သူတွေမှာ နိုက်ထရစ်အောက်ဆိုဒ်ထုတ်လုပ်မှုလျော့နည်းလာပါတယ်။

စီးကရက်အတုသောက်သူတွေရဲ့ သွေးကြောဆဲလ်စိမ့်ဝင်နိုင်စွမ်းက ဆေးလိပ်သောက်သူတွေထက်ပိုပြီး မြင့်မားနေပါတယ်။

စိမ့်ဝင်မှုများလာတဲ့အခါ တုံ့ပြန်တဲ့ပစ္စည်းတွေပါ ယိုစိမ့်ကုန်တာကြောင့် ဆဲလ်ပျက်စီးခြင်းတွေဖြစ်လာပါတယ်။

တွေ့ရှိချက်များအရ စီးကရက်အတုရော ဆေးလိပ်ပါ သုံးစွဲသူတွေမှာ တစ်မျိုးချင်းသုံးသူတွေထက် ကျန်းမာရေးအန္တရာယ်ပိုရှိနေပါတယ်။

Source: Daily Mail
#Yangon_Media_Group

#World_Innovation
Published 31 October 2022

လမ်းလျှောက်တဲ့အမြန်နှုန်းကို ၂၅၀ ရာခိုင်နှုန်းပိုမိုမြန်ဆန်စေပြီး ဘီးသေးလေး ၈ ဘီးပါတဲ့ ကမ္ဘာ့အမြန်ဆုံးဖိနပ်ကို စက်ရုပ်တီထွင်ထုတ်လုပ်တဲ့ အင်ဂျင်နီယာများက ထုတ်ဖော်ပြသလိုက်ပါတယ်။

မွန်းဝေါ်လ်ကာစ်(Moonwalkers)လို့ အမည်ပေးထားတဲ့ ကိရိယာကို ဖိနပ်မှာပတ်ပြီးစီးရတာဖြစ်ကာ ဘီး ၈ ဘီးကို စွမ်းအားထုတ်ပေးနေတဲ့ လျှပ်စစ်မော်တော်ငယ်များက စီးထားသူကို ရှေ့သို့တွန်းပို့ပေးတာဖြစ်ပြီး စကိတ်ဖိနပ်နဲ့ ဆင်တူနေပါတယ်။

Shift Robotics မှ အင်ဂျင်နီယာအဖွဲ့က ထိုဖိနပ်ကိုထုတ်လုပ်ခဲ့တာဖြစ်ပြီး အဖွဲ့တည်ထောင်သူက အလုပ်ကိုလမ်းလျှောက်သွားတဲ့အခါ သွားရတဲ့အကွာအဝေးကို တဝက်လောက်လျှော့ချနိုင်ရန် တွန်းအားပေးတဲ့ဖိနပ်များထုတ်လုပ်ဖို့ စိတ်ကူးရခဲ့တာဖြစ်ပါတယ်။

ဖိနပ်ရဲ့အမြန်နှုန်းက ပျမ်းမျှအားဖြင့် တစ်နာရီကို ၃ မိုင်နှုန်းမှ ၇ မိုင်နှုန်းအထိ ရှိပါတယ်။

စိတ်ပါဝင်စားတဲ့သူတွေအတွက်တော့ ဖိနပ်ရဲ့တန်ဖိုးက ၁,၃၉၉ ဒေါ်လာလက်လီဈေး ရှိပါတယ်။

ဖိနပ်ရဲ့လျှို့ဝှက်ချက်ကတော့ အသုံးပြုသူရဲ့ခြေလှမ်းအတိုင်း လိုက်လျောညီထွေဖြစ်စေမယ့် အယ်လ်ဂိုရစ်သမ်ကို ဖိနပ်ကလေ့လာသိရှိအောင် တီထွင်ထားတာဖြစ်ပါတယ်။

တည်ထောင်သူ'စွန်ကျီကျန်'က အလုပ်ကို စကူတာဖြင့်သွားစဉ် ကားတိုက်မိတော့မလိုဖြစ်ပြီးတော့ အခုလိုအကြံရသွားတာဖြစ်ပါတယ်။

အဲဒီနောက် ဂျက်လေယာဉ်အင်ဂျင်တွန်းကန်အားစနစ်ကို အသုံးချကာ အင်ဂျင်နီယာအဖွဲ့ဖြင့် အချိန် ၄ နှစ်ကြာအောင် တီထွင်ခဲ့ပါတယ်။

ဖိနပ်ကို ဘက်ထရီဆဲလ်များဖြင့် အလုပ်လုပ်စေကာ အားအပြည့်ရဖို့ ၁ နာရီခွဲအားသွင်းရပြီး အကွာအဝေး ၆ မိုင်ခန့်သွားနိုင်ပါတယ်။

'မွန်းဝေါ်လ်ကာဖိနပ်တွေက စစချင်းမှာ လော့ချထားတဲ့စနစ်ဖြစ်ပြီးတော့ ဘီးတွေကိုလုံးဝရပ်တန့်ထားပါတယ်၊ စနစ်အသက်ဝင်ဖို့အတွက် ညာဖနောင့်ကိုလေထဲမ၊ ခြေမကိုတော့ မြေမှာပဲထိထားကာ ဘယ်ခြေထောက်ဘက်သို့ နာရီလက်တံပုံစံအတိုင်းဝိုက်ရပါတယ်' လို့ ရှင်းပြထားပါတယ်။

'ပြန်ပိတ်ဖို့အတွက် ညာဖနောင့်ကိုကြွကာ မြေကြီးသို့ပြန်ချရပါတယ်၊ ဒီတော့မှ လှေကားအတက်အဆင်း၊ ရထား၊ ဘတ်စ်ကားဆင်းတဲ့တက်တဲ့နေရာမှာ အမြန်နှုန်းကိုထိန်းချုပ်နိုင်မှာဖြစ်ပါတယ်'

လမ်းလျှောက်နေရင်းနဲ့ အေအိုင်အယ်လ်ဂိုရစ်သမ်က လမ်းလျှောက်ပုံသဘာဝအတိုင်း လေ့လာသွားမှာဖြစ်ပါတယ်။

Source: Daily Mail
#Yangon_Media_Group