#World_Health
Published 31 March 2023

၁၉၇၀ ဝန်းကျင်က အမေရိကန် မာဆာချူဆက် နည်းပညာတက္ကသိုလ်မှ 'အိုင်ယွန်နက်စ်ယန်နက်စ်'နဲ့ ဒေါက်တာ'ဂျွန်ဘာ့ခ်'တို့ရဲ့ အရေပြားတုဖန်တီးမှုက အခုအချိန်မှာ အခြားကုသနည်းတွေမှာပါ အသုံးပြုနေပါပြီ။

မီးပူလောင်ပြီး အရေပြားပျက်စီးသွားတဲ့လူတွေမှာ အရေပြားတုကို အဓိကအသုံးပြုကြပါတယ်။

ဒိန်းမတ် ကိုပင်ဟေဂင်တက္ကသိုလ်မှ သုတေသီများက လူ့အရေပြားတုကိုအသုံးပြုပြီး အရေပြားကင်ဆာပုံစံထဲက ကင်ဆာဆဲလ်ကြီးထွားမှုကိုပိတ်ဆို့နိုင်ခဲ့ပါတယ်။

အရေပြားတုထဲမှာ ခန္ဓာကိုယ်နဲ့ အခြားအင်္ဂါများရဲ့ပုံစံကို ထိန်းသိမ်းကာ အတွင်းပိုင်းကိုပံ့ပိုးပေးတဲ့ တွယ်ဆက်တစ်ရှူးများဖွဲ့စည်းခြင်းကို ပံ့ပိုးပေးတဲ့ fibroblast တွေနဲ့ ပေါင်းစပ်မယ့် ကော်လာဂျင်ဂျယ်လ်တွေပါဝင်ကြောင်း ဦးဆောင်သုတေသီပရော်ဖက်ဆာ 'ဟန်စ်ဝမ်ဒေါလ်'က ရှင်းပြသွားပါတယ်။

အရေပြားမျက်နှာပြင်ပေါ်ရှိ keratinocytes တွေကို အဏုကြည့်မှန်ပြောင်းဖြင့် ကြည့်တဲ့အခါ ပုံမှန်လူ့အရေပြားနဲ့ဆင်တူတဲ့ အလွှာပေါင်းစုံအဖုံးတစ်ခုပြုလုပ်ရန် အလွှာထိပ်မှာ ကြီးထွားလာတာဖြစ်ပါတယ်။

ဘာ့ခ်နဲ့ ယန်းနက်စ်တို့ရဲ့တီထွင်မှုကို အင်တီဂရာကုမ္ပဏီက အသုံးပြုထုတ်လုပ်နေပါတယ်။

ထိုကုမ္ပဏီက အရေပြားဆဲလ် ပြန်လည်ဖွံ့ဖြိုးလာစေတဲ့ ထုတ်ကုန်တွေကို ပြုလုပ်နေတာဖြစ်ပြီး သူတို့နှစ်ယောက်ရဲ့နည်းလမ်းက အရေပြားတစ်ရှူးပြန်လည် ဖွံ့ဖြိုးခြင်းနည်းလမ်းအဖြစ် အမေရိကန်အစားအစာနဲ့ ဆေးဝါးကွပ်ကဲရေး (FDA)က အသိအမှတ်ပြုထားပါတယ်။

အခုဆိုရင် အရေပြားတု နောက်ထပ်အမျိုးအစားတွေဖြစ်တဲ့ Episkin နဲ့ Genoskin တို့ပါပေါ်ပေါက်လာပြီး သုတေသနလုပ်ငန်းများနဲ့ မီးလောင်ခံရတဲ့လူနာတွေအတွက် အသုံးပြုနေပါပြီ။

ထိုထုတ်ကုန်တွေကို သုတေသနလုပ်ငန်း၊ ဆေးဝါးစမ်းသပ်ခြင်း၊ အလှကုန်ပစ္စည်းစမ်းသပ်ခြင်းတို့အတွက် ကမ္ဘာတဝှမ်းရှိ ဓာတ်ခွဲခန်းတွေမှာ အသုံးပြုနေပါတယ်။

ကျန်းမာသန်စွမ်းတဲ့ဆဲလ်တွေက ဆဲလ်အသစ်တွေ အလွှာတွေကို လိုအပ်သလိုထုတ်လုပ်ပေးပေမယ့် ကင်ဆာဆဲလ်တွေကတော့ ဒီဖြစ်စဉ်တွေကိုဆန့်ကျင်ပြီး အရေပြားအလွှာအမျိုးမျိုးကြား ဆဲလ်တွေက ကပ်လျက်ရှိမနေတော့ဘဲ ကျူးကျော်ကြီးထွားလာကြတာဖြစ်ပါတယ်။

ကင်ဆာဆဲလ်တွေ ပြုမူပုံကိုသိရှိရန်အတွက် ဝမ်ဒေါလ်က 3D အရေပြားပုံစံနဲ့ မျိုးဗီဇပြုပြင်ပြောင်းလဲမှုပြုလုပ်ပြီး လူ့အရေပြားဆဲလ်တွေကို ပြောင်းလဲဖို့ကြိုးစားခဲ့ပါတယ်။

အဆိုပါနည်းလမ်းက အခြားအရေပြားပြဿနာတွေမှာလည်း ကုသဖို့အတွက် အကူအညီဖြစ်လာစေနိုင်ပါတယ်။

Source: South China Morning Post
#အရေပြားကင်ဆာ # မီးလောင် #အရေပြားတု
#YMG #Yangon_Media_Group

#World_Adventure
Published 29 March 2023

မြင့်မားလှတဲ့ သစ်သားမှင်စာရုပ်ကြီးတွေပြုလုပ်ပြီး နာမည်ကြီးလာတဲ့ ဒိန်းမတ်လက်မှုပညာရှင်က ကမ္ဘာတဝှမ်းမှာရှိတဲ့ ပရိသတ်တွေအနေနဲ့ သူနောက်ဆုံးဖန်တီးထားတဲ့ ရုပ်တုကြီးကိုရှာဖွေဖို့ တနင်္လာနေ့က အသိပေးလိုက်ပါတယ်။

#ဧရာမမှင်စာရုပ်တုကြီး #ဒိန်းမတ်လက်မှုပညာရှင်
#YMG #Yangon_Media_Group

#Daily_News
Published 30 March 2023

၁။သင်္ကြန်တွင်းတွင် အဝေးယာဉ်များ ပြေးဆွဲမည်ဖြစ်သော်လည်း နယ်ကိုပစ္စည်းပို့ဆောင်မှု ယာယီရပ်နားထားမည်ဟုဆို

၂။မဂ်လာဒုံမြို့နယ်တွေ Taxi ယာဉ်မောင်းကိုဓားဖြင့်မွှမ်းပြီး ကားလုယူမှုဖြစ်ပွား

၃။ မြဝတီ ကော့ကရိတ်အာရှလမ်းဖြတ်သန်းခွင့် ခေတ္တခွင့်ပြုလိုက်သော်လည်း နာရီပိုင်းအတွင်းပြန်ပိတ်

၄။သူ၏ ဧရာမမှင်စာရုပ်တုကြီးကို ရှာပုံတော်ဖွင့်ခိုင်းလိုက်သည့် ဒိန်းမတ်လက်မှုပညာရှင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

Published 30 March 2023

အမေရိကန်စစ်တပ်ရဲ့ စစ်ရဟတ်ယာဉ်နှစ်စီး  ကင်တပ်ကီပြည်နယ်မှာ လေ့ကျင့်မှုတွေလုပ်ဆောင်စဉ် တစ်စီးနှင့်တစ်စီး  တိုက်မိပြီး ပျက်ကျခဲ့တဲ့အတွက် အနည်းဆုံးလူ (၉) ဦးသေဆုံးခဲ့တယ်လို့ သတင်းများကဖော်ပြပါတယ်။

စစ်တပ်ပြောရေးဆိုခွင့်ရအမျိုးသမီး နွန်ဒစ်အယ်လ်သာမန်းကတော့ သေဆုံးဒဏ်ရာရသူတွေအကြောင်းမသိရသေးဘူးလို့ပြောကြောင်း နယူးယောက်တိုင်းမစ်သတင်းစာက ရေးသားပါတယ်။ဒါပေမယ့် ဒေသဆိုင်ရာ မီဒီယာတွေက အနည်းဆုံးလူ (၉)ဦးသေဆုံးခဲ့တယ်လို့ရေးသားကြတယ်လို့ ဒေးလီမေးလ်သတင်းစာကဖော်ပြပါတယ်။

ပြည်နယ်အပ်ချုပ်ရေးမှူး အန်ဒီဘက်ရှီရာက တွစ်တာမှာပြောကြားရာမှာ သေဆုံးထိခိုက်မှုတွေရှိလိမ့်မယ်လို့ သူမျှော်လင့်ထားတယ်လို့ဆိုပါတယ်။ ပြည်နယ်ရဲတပ်ဖွဲ့နှင့် ပြည်နယ်အရေးပေါ်စီမံခန့်ခွဲမှုဌာနက တာဝန်ရှိသူတွေဟာ အခင်းဖြစ်ပွားတဲ့နေရာကို သွားရောက်နေကြပြီလို့သိရပါတယ်။

ဗုဒ္ဓဟူးနေ့ (မတ်လ၂၉)ရက် ည ၁၀နာရီခန့်မှာ HH60 Black Hawk ရဟတ်ယာဉ်နှစ်စီးဟာ  ကင်တပ်ကီပြည်နယ်၊ ထရစ်စီရင်စုမှာမှာ လေ့ကျင့်ပျံသန်းနေရင်း တစ်စီးနှင့်တစ်စီးတိုက်မိကြတာဖြစ်ပါတယ်။

တပ်သားတွေနှင့် သူတို့ရဲ့မိသားစုတွေကို စောင့်ရှောက်မှုတွေပေးဖို့ အာရုံစိုက်နေပြီး ပျက်ကျမှုကို စုံစမ်းစစ်ဆေးနေတယ်လို့လည်း ပြောရေးဆိုခွင့်ရအမျိုးသမီး သာမန်းကပြောပါတယ်။

ရဟတ်ယာဉ်တွေပေါ် လူဘယ်နှစ်ဦးလိုက်ပါသွားသလဲဆိုတာလည်း သတင်းထုတ်ပြန်ခြင်းမရှိသေးပါဘူး။

ထရစ်စီရင်စုက ထောင်မှူးတစ်ဦးဖြစ်တဲ့ အမ်းစ် ဟူးချ်က ဒေသဆိုင်ရာ ရေဒီယိုဌာနတစ်ခုကိုပြောကြားရာမှာ သူဟာ ပျက်ကျတဲ့နေရာနှင့် မိုင်ဝက်ခန့်ဝေးကွာတဲ့နေရာမှာရှိနေပြီး တိုက်မိတဲ့အသံကြီးလိုမျိုးကျယ်ကျယ်လောင်လောင် အသံကြီးကြားလိုက်ရတယ်လို့ဆိုပါတယ်။

အဆိုပါရဟတ်ယာဉ်နှစ်စီးဟာ အမှတ်၁၀၁ လေကြောင်းချီတပ်မရဲ့လက်အောက်မှာပျံသန်းနေတာဖြစ်ပါတယ်။

Source: NY Times/Daily Mail

#Blackhawk ရဟတ်ယာဉ်နှစ်စီးတိုက်မိပျက်ကျ

#အမေရိကန်စစ်တပ်ရဟတ်ယာဉ်နှစ်စီးတိုက်မိပျက်ကျ

#YangonMediaGroup

#World_Politics
Published 30 March 2023

ထိုင်ဝမ်သမ္မတ 'ဆိုင်အင်ဝမ်' ဟာ အမေရိကန်မှာ ခရီးတစ်ထောက်ဝင်ရောက်ရန်အတွက် ဗုဒ္ဓဟူးနေ့က နယူးယော့ခ်သို့ရောက်ရှိလာပါတယ်။

အမေရိကန်အောက်လွှတ်တော်ဥက္ကဌ 'ကီဗင်မက်ကာသီ'နဲ့တွေ့ဆုံခဲ့ရင်တရုတ်က လက်တုန့်ပြန်မယ်လို့ ခြိမ်းခြောက်ထားပြီးနောက် ပြင်ပဖိအားတွေက ကမ္ဘာကြီးနှင့်သူတို့ထိတွေ့ဆက်ဆံနေမှုကိုတားဆီးလို့ရမှာမဟုတ်ဘူးလို့ သူမက သန္နိဋ္ဌာန်ချထားတယ်လို့ ပြောပါတယ်။

ဆိုင်အင်ဝမ်နဲ့မတွေ့ဆုံဖို့ အမေရိကန်တာဝန်ရှိသူများကို အကြိမ်ကြိမ်သတိပေးထားသလို အခုလိုတွေ့ဆုံခြင်းဟာ ထိုင်ဝမ်ကျွန်းရဲ့ ကိုယ်ပိုင်သီးသန့် နိုင်ငံဖြစ်ချင်တဲ့ဆန္ဒကို ထောက်ခံအားပေးတယ်လို့ တရုတ်ကမြင်နေပါတယ်။

ဩဂုတ်လက အမေရိကန်အောက်လွှတ်တော်ဥက္ကဌ 'နန်စီပယ်လိုစီ' ထိုင်ပေသို့သွားရောက်စဉ်က တရုတ်ဟာ ထိုင်ဝမ်အနီးမှာ စစ်ရေးပြမှုများပြုလုပ်ခဲ့ပါသေးတယ်။

ဆိုင်အင်ဝမ် နိုင်ငံခြားခရီးသွားနေစဉ် တရုတ်ရဲ့လှုပ်ရှားမှုတွေကို စောင့်ကြည့်နေကြောင်း ထိုင်ဝမ်လက်နက်ကိုင်တပ်ဖွဲ့များက ပြောကြားခဲ့ပါတယ်။

ဆိုင်အင်ဝမ်က ဂွာတီမာလာနဲ့ ဘီလစ်ဇ်တို့ကို ခရီးစဉ်သွားရောက်မှာဖြစ်ပြီး ထိုင်ဝမ်ကို သံတမန်ရေးအရ အသိအမှတ်ပြုတဲ့ နိုင်ငံအနည်းစုထဲက နိုင်ငံတွေဖြစ်ပါတယ်။

စနေနေ့မတိုင်ခင်အထိ နယူးယော့ခ်မှာ ရှိနေမှာဖြစ်ကာ အမေရိကအလယ်ပိုင်းကနေ အပြန်လမ်းမှာ လော့စ်အိန်ဂျလိစ်ကိုလည်း ဝင်ရောက်လည်ပတ်မှာဖြစ်ပါတယ်။

မက်ကာသီနဲ့ ကယ်လီဖိုးနီးယားမှာ တွေ့ဆုံဖို့မျှော်မှန်းထားပေမယ့် တရားဝင်အတည်မပြုရသေးပါဘူး။

ကမ္ဘာကအသိအမှတ်ပြုခံရဖို့အရေးကို ဘယ်လိုပြင်ပဖိအားမျိုးကမှ ဖိနှိပ်မထားနိုင်စေရဘူးလို့ ဆိုင်အင်ဝမ်က ထိုင်ဝမ်ကမထွက်ခွာမီ အပြည်ပြည်ဆိုင်ရာအဓိကလေဆိပ်မှာ ပြောကြားသွားပါတယ်။

ဒီမိုကရေစီအရေးနဲ့ လွတ်လပ်ခွင့်လမ်းကြောင်းပေါ်မှာ မဆုတ်မလျော့လျှောက်လှမ်းသွာပြီး ကမ္ဘာသိအောင်ပြုလုပ်မှာပါ၊ ဒီလမ်းခရီးက ခက်ခဲကြမ်းတမ်းပေမယ့် တစ်ဦးတည်းကျန်မနေပါဘူး" လို့ ဆိုသွားပါတယ်။

အမေရိကန်ရှိ ထိုင်ဝမ်ရဲ့ တရားဝင်လုပ်မထားတဲ့ သံရုံးကတော့ ဆိုင်အင်ဝမ် နယူးယော့ခ်သို့ရောက်ရှိလာတာကို အတည်ပြုလိုက်ပြီး ဒီကိုရောက်ရှိနေစဉ်အတွင်း သတင်းစာရှင်းလင်းပွဲတွေ မိန့်ခွန်းတွေ ပြုလုပ်သွားမှာမဟုတ်ဘူးလို့ ဆိုပါတယ်။

နိုင်ငံအများအပြားက ထိုင်ဝမ်ကို အသိအမှတ်မပြုကြတော့ဘဲ တရုတ်ဘက်ကိုသာ ဦးတည်လာကြပါတယ်။

တရုတ်ကတော့ ထိုင်ဝမ်ကျွန်းဟာ တရုတ်တစ်သွေးသားတည်းမူဝါဒမှာ ပါဝင်တာကြောင့် အခြားနိုင်ငံတွေနဲ့ ဆက်ဆံခွင့်မရှိဘူးလို့ဆိုထားကာ ထိုင်ဝမ်ဘက်က ငြင်းဆိုထားပါတယ်။

ဆိုင်အင်ဝမ်သာ မက်ကာသီနဲ့တွေ့ဆုံမယ်ဆိုရင် တရုတ်ဘက်က ပြန်လည်တုန့်ပြန်ဖို့ အတိုင်းအတာတွေ သေချာပေါက်ချမှတ်သွားမယ်လို့ တရုတ်နိုင်ငံ ထိုင်ဝမ်ရေးရာရုံး ရဲ့ ပြောရေးဆိုခွင့်ရှိသူက ပြောကြားခဲ့ပါတယ်။

Source: Reuters
#ထိုင်ဝမ်သမ္မတ #အမေရိကန် #တရုတ်
#YMG #Yangon_Media_Group

#World_Health
Published 30 March 2023

ကင်ဆာကို စောစီးစွာတွေ့ရှိနိုင်မယ့် ကုသနည်းကို စမ်းသပ်နေကြပြီဖြစ်ပါတယ်။

ကင်ဆာလူနာတွေမှာ အောင်မြင်စွာစမ်းသပ်ခဲ့ပြီးနောက် ကင်ဆာအကျိတ်မဖြစ်ခင် တစ်နှစ်အလိုလောက်ကတည်းက ခန့်မှန်းသိရှိနိုင်မယ့် သွေးစစ်နည်းတစ်ခုကို ယူကေတလျှောက်ရှိ ဆေးရုံတွေမှာ စတင်အသုံးပြုနေပါပြီ။

"အခြားနည်းပညာတွေထက် အကျိတ်ပေါ်မလာခင်မှာပဲ ပိုမိုစောစီးစွာသိရှိနိုင်ပါတယ်" လို့ ဇာဓာတ်ခွဲခန်းတည်ထောင်သူ' အရှစ်ထရစ်ပါသီ'က ပြောပြခဲ့ပါတယ်။

"သွေးစစ်ဆေးနည်းဖြင့် အစောကတည်းက တွေ့ရှိနိုင်ရုံမက ကင်ဆာအမျိုးအစားနဲ့ ဘယ်နေရာမှာဖြစ်မလဲဆိုတာကိုပါ ပြောပြနိုင်ပါတယ်" လို့ ဆိုပါတယ်။

ကင်ဆာမရှိသူအယောက် ၅၀၀ နဲ့ ကင်ဆာရောဂါသည် ၅၀၀ တို့ကိုစမ်းသပ်ခဲ့ရာ အနည်းဆုံး ကင်ဆာ ၂၅ မျိုးကနေ အကျိတ်ဖြစ်ပေါ်နိုင်ချေတွေကို တိကျစွာခန့်မှန်းနိုင်ခဲ့ပါတယ်။

မှားယွင်းပြီး ရောဂါတွေ့ရှိတာမျိုး၊ မတွေ့ရှိတာမျိုး မဖြစ်ခဲ့ပါဘူး။
ကင်ဆာကို အစောပိုင်းအဆင့်ကတည်းက သိရှိတာမျိုးက ကင်ဆာကုသရေးအတွက် အလွန်အထောက်အကူဖြစ်ကြောင်း လန်ဒန်မှ အစာအိမ်အူလမ်းကြောင်းအထူးကု ဒေါက်တာ'ရှရစ်ဖ်ရောက်ဖ်'က ပြောကြားခဲ့ပါတယ်။

၁ ကုဗစင်တီမီတာရှိတဲ့ အကျိတ်ဖြစ်ပေါ်ဖို့ ကင်ဆာဆဲလ်ပေါင်း ၁ ဘီလီယံခန့်လိုအပ်ပါတယ်။

ကင်ဆာရောဂါရှာဖွေခြင်းအတွက် ယခင်က တီထွင်ထုတ်လုပ်ထားတဲ့ သွေးစစ်ဆေးမှုအများစုကို သွေးမှတစ်ဆင့် သွားလာနေတဲ့ အကျိတ်ဆဲလ်များကို တွေ့ရှိရန် ပြုလုပ်ထားတာဖြစ်ပါတယ်။

ထရစ်ပသီရဲ့အဆိုအရ ထိုနည်းလမ်းဟာ မှားယွင်းတဲ့လက္ခဏာများပြနိုင်ပြီး အကြောင်းမှာ သွေးနမူနာတိုင်းက ထိုဆဲလ်များကို ဖြစ်ပေါ်စေမှာမဟုတ်တာကြောင့် ဖြစ်ပါတယ်။

သူတို့အောင်မြင်ခဲ့တဲ့နည်းလမ်းအရ အခြားကုမ္ပဏီတွေက သွေးထဲက အကျိတ်ဆဲလ်အပိုင်းအစတွေကို ရှာဖွေနေတာဖြစ်ပြီး ထိုအကျိတ်ဆဲလ်အများစုက ကင်ဆာအစောပိုင်းအဆင့်တွေမှာ မတွေ့ရသေးကြောင်း ရှင်းပြသွားပါတယ်။

ယခုရှာဖွေနည်းလမ်းကတော့ အစောပိုင်းကင်ဆာအဆင့်တွေကို တွေ့ရှိနိုင်ရုံမက ပင်မစတမ်ဆဲလ်တွေ ကင်ဆာမဖြစ်ခင် ၁၈ လအကြိုကတည်းက သိရှိနိုင်မှာဖြစ်ပါတယ်။

Source: NY Post #ကင်ဆာအကျိတ် #ကင်ဆာရှာဖွေရေးနည်းလမ်းသစ်
#Yangon_Media_Group