#World_Health
Published 31 December 2022

သူငယ်တန်းကျောင်းတွေမှာ အလင်းအားနဲ့ အဝေးမှုန်ဖြစ်နိုင်ချေတို့ကြား ဆက်စပ်မှုရှိနေကြောင်း ဇစ်ဆေးဘက်ဆိုင်ရာစင်တာမှ ဒေါက်တာ'ယူဗယ်ကိုဟင်'က တွေ့ရှိခဲ့ပါတယ်။

ဒေါက်တာ'ကိုဟင်'နဲ့အဖွဲ့က သူငယ်တန်းကျောင်းတွေရဲ့ အလင်းအားက မျက်စိအလင်းယိုင်ခြင်းနဲ့ တိုက်ရိုက်ဆက်စပ်နေတာကို တွေ့ရှိခဲ့ပါတယ်။

အခန်းတွေက ပိုမှောင်တဲ့အခါ မျက်စိအလင်းယိုင်ညွှန်းကိန်း နည်းပါးသွားကာ အဝေးမှုန်ခြင်းဝေဒနာဖြစ်လာနိုင်ချေ ရှိပါတယ်။

ငယ်ရွယ်သေးတဲ့နှစ်တွေမှာ မျက်လုံးပုံမှန်ဖွံ့ဖြိုးဖို့ အရေးကြီးပြီး မျက်လုံးတွင်းအင်္ဂါတွေဖြစ်တဲ့ မှန်ဘီလူး၊ မျက်ကြည်လွှာ၊ မျက်လုံးအရွယ်အစားတို့ ဖွံ့ဖြိုးလာချိန်မှာ တိကျပြတ်သားတဲ့ အမြင်ပုံရိပ်ရရှိစေရန်အတွက် အင်္ဂါအားလုံးပြည့်စုံစွာ ထပ်တူညီနေဖို့လိုပါတယ်။

အသက် ၆ နှစ်ကျော်ရင် အဝေးမှုန်လက္ခဏာ စတင်ဖြစ်ပေါ်လာတတ်ပြီး မျက်လုံးအိမ်ရှည်လျားသွားတာကြောင့် မျက်လုံးထဲကပုံရိပ်က မျက်ကြည်လွှာကို မရောက်ရှိဘဲဖြစ်နေတဲ့ အနေအထားဖြစ်ပါတယ်။
ဒီပြဿနာကနေ ရေတိမ်၊ အတွင်းတိမ်အပြင် မြင်လွှာပျက်စီးခြင်းနဲ့ မျက်စိကွယ်ခြင်းတို့ပင် ဖြစ်ပေါ်နိုင်ပါတယ်။

အခုနောက်ပိုင်းနှစ်တွေမှာ အဝေးမှုန်လက္ခဏာခံစားရတဲ့ ကလေးတွေ ရာခိုင်နှုန်းပိုများလာပါပြီ။

အခုဆိုရင် အဝေးမှုန်ခြင်းကိုကာကွယ်နိုင်မယ့် နည်းလမ်းတွေရှိလာပါပြီ။

အဆောက်အအုံအပြင်ဘက်မှာ ရှိနေခြင်းဟာ ကလေးတွေရဲ့မျက်လုံးပုံမှန်ဖွံ့ဖြိုးမှုအတွက် အရေးကြီးပြီး အဝေးမှုန်လက္ခဏာ ပိုဆိုးမလာအောင် တစ်နေ့ကိုအနည်းဆုံး ၂ နာရီမျှ အပြင်မှာနေပေးဖို့ အကြံပြုထားပါတယ်။

ကလေးတွေက ကျောင်းရောက်တဲ့အခါ စာသင်ခန်းထဲမှာပဲ ရှိနေချိန်ပိုများပြီး အပြင်ထွက်ရတဲ့အချိန်နည်းပါးပါတယ်။

အလင်းအားနည်းတဲ့စာသင်ခန်းတွေမှာ အလင်းပမာဏက အပြင်ကထက် ၃ ပုံ ၁ ပုံသာရှိပြီး ဒီလိုမျိုးမှောင်တဲ့သူငယ်တန်းကျောင်းတွေမှာ နေရတဲ့ကလေးတွေဟာ အဝေးမှုန်ဖြစ်နိုင်ချေရှိနေပါတယ်။

ဒါ့အပြင် အလင်းအားကောင်းတဲ့ သူငယ်တန်းကျောင်းက ကလေးတွေနဲ့ယှဉ်ရင်လည်း အလင်းအား တဝက်မျှသာရှိနေပြီး ဒီကလေးတွေဟာ မျက်မှန်တပ်ရကိန်းများနေပါတယ်။

သူငယ်တန်းကျောင်းတွေကို လေ့လာခဲ့ရာမှာ တစ်နေ့တာအတွင်း အပြင်ဘက်မှာ နာရီဝက်ခန့်သာရှိကြပြီး ကျန်တဲ့အချိန်ကတော့ အခန်းတွေထဲမှာ ရှိနေကြရပါတယ်။

Source: The Jerusalem Post
#Yangon_Media_Group

#DailyNews
Published _ 30 December 2022

၁။ တရုတ်နိုင်ငံဘက်တွင် ကိုဗစ်အဖြစ်များသော်လည်း နယ်စပ်ကုန်သွယ်ရေးကို မထိခိုက်ဟုဆို

၂။ ရွှေအတုံးအခဲအရောင်းအဝယ်မရှိ ဈေးကွက်အေးနေ

၃။ အွန်လိုင်းမှရောင်းသည့် တရားမဝင်အေးခဲအသားငါးများ အစာအဆိပ်သင့်နိုင်ဟုဆို

၄။ နိုင်ငံရပ်ခြားဒေသမှာ အသတ်စားခံရမည့် ဥရုဂွေးမြင်းများကိုကယ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#World_Animal
Published 30 December 2022

သတ်စားခံရတော့မယ့်ဘေးမှ သီသီလေးလွတ်လာတဲ့ မြင်း ၄ ကောင်ဟာ ဥရုဂွေးမြို့တော်မွန် တီဗီဒီယိုအပြင်ဘက်ရှိ ခြံတစ်ခြံမှာ အေးအေးချမ်းချမ်းကျက်စားနေပါတယ်။

#Yangon_Media_Group

#Ukraine_Crisis
Published 30 December 2022

ယူကရိန်းမြို့တော်ကိဗ်မှာ သောကြာနေ့အစောပိုင်းက သတိပေးဥဩဆွဲခဲ့ရကာ အရပ်သားများကို လေကြောင်းတိုက်ခိုက်မှုရန်ခိုလှုံရာနေရာများသို့ ရွှေ့ပြောင်းဖို့ တိုက်တွန်းခဲ့ရပါတယ်။

ဖေဖော်ဝါရီလ စစ်ပွဲစတင်ပြီးကတည်းက ရုရှားတို့ဟာ အကြီးမားဆုံးလေကြောင်းတိုက်ခိုက်မှုကြီး ပြုလုပ်ပြီးနောက်တစ်နေ့မှာပဲ အခုလိုဖြစ်ပွားခဲ့တာဖြစ်ပါတယ်။

မနက်စောစော ၂ နာရီကျော်လောက်မှာ ကိဗ်မြို့တော်အစိုးရက သူတို့ရဲ့ တယ်လီဂရမ်ချန်နယ်မှာ လေကြောင်းတိုက်ခိုက်မှုသတိပေးချက်ထုတ်ပြန်ခဲ့ပြီး ပြည်သူများ အကာအကွယ်နေရာများထံ ပုန်းခိုဖို့ညွှန်ကြားခဲ့ပါတယ်။

ကိဗ်မြို့တော်အုပ်ချုပ်ရေးမှူး 'အိုလက်စကီကူလီဘာ'က တယ်လီဂရမ်မှာပြောကြားခဲ့ရာမှာ ဒရုန်းများဖြင့် တိုက်ခိုက်ရန်လာနေကြပြီလို့ ပြောကြားထားပါတယ်။

ရိုက်တာသတင်းဌာနမှ မျက်မြင်တစ်ဦးရဲ့အဆိုအရ ကိဗ်တောင်ဘက် ၁၂ မိုင်အကွာခန့်မှာ ပေါက်ကွဲသံအများအပြားနဲ့ လေကြောင်းခုခံရေးလက်နက်များ ပစ်ခွင်းသံတွေ ကြားနေရတယ်လို့ သိရပါတယ်။

ကြာသပတေးနေ့က ယူကရိန်းအလယ်ပိုင်း၊ တောင်ပိုင်း၊ အရှေ့ပိုင်း၊ အနောက်ပိုင်းတို့ရှိ လေကြောင်းစစ်ဌာနတွေက ရုရှားဒုံးကျည် ၅၄ စင်းနဲ့ ဒရုန်း ၁၁ စင်းတို့ကို ပစ်ချနိုင်ခဲ့ကြောင်း သမ္မတ'ဇယ်လန်စကီ'က ကြာသပတေးနေ့ညဗီဒီယိုမိန့်ခွန်းမှာ ပြောကြားခဲ့ပါတယ်။

ယူကရိန်းဒေသအများစုမှာ လျှပ်စစ်ဓာတ်အားပြတ်တောက်နေတာကိုလည်း သမ္မတက ပြောကြားခဲ့ပါတယ်။

ဓာတ်အားပြတ်တောက်ပြီး အခက်အခဲဖြစ်နေတဲ့ ဒေသတွေထဲမှာ မြို့တော်ကိဗ်၊ တောင်ပိုင်းနဲ့အနားတဝိုက်ရှိ ခါဆန်၊ အိုဒီဆာ၊ ပိုလန်အနောက်ပိုင်းနယ်စပ်နဲ့ နီးစပ်နေတဲ့ လဗိဗ်နားတဝိုက်ဒေသတို့ ပါဝင်ပါတယ်။

ဒါပေမဲ့ ဒါဟာ လေကြောင်းကာကွယ်ရေးနဲ့ တပ်ဖွဲ့တွေကသာ ရွပ်ရွပ်ချွံ မတိုက်ခိုက်ခဲ့ရင် ဖြစ်လာမယ့်အကျိုးဆက်တွေနဲ့ယှဉ်ရင်တော့ ဘာမှမဟုတ်ကြောင်း ပြောကြားခဲ့ပါတယ်။

ရိုက်တာကရိုက်ကူးထားတဲ့ ဗီဒီယိုထဲမှာ ကောင်းကင်မှာ ဒုံးကျည်မီးခိုးငွေ့တွေနဲ့ ပေါက်ကွဲမှုကြောင့် ပျက်စီးသွားတဲ့ ကိဗ်မြို့လူနေအိမ်အပျက်အစီးတွေကြားမှာ အရေးပေါ်ကယ်ဆယ်ရေးလုပ်သားများ ရှာဖွေနေကြပုံကို တွေ့မြင်ရပါတယ်။

ကြာသပတေးနေ့က တိုက်ခိုက်မှုမှာ ဒုံးကျည် ၁၂၀ ကျော်ပစ်ခတ်ခဲ့တယ်လို့ အရာရှိတွေက အစောပိုင်းမှာကြေညာခဲ့ပါတယ်။
အခုနောက်ဆုံးတိုက်ခိုက်မှုကြောင့် လူနေအဆောက်အအုံ ၁၈ လုံးနဲ့ အရေးကြီးအခြေခံအဆောက်အအုံ ၁၀ လုံး ပျက်စီးခဲ့ကြောင်း ကာကွယ်ရေးဝန်ကြီးဌာနက ထုတ်ပြန်ထားပါတယ်။

လတ်တလောလများအတွင်း ရုရှားတို့က ယူကရိန်းစွမ်းအင်အဆောက်အအုံများကို ပစ်မှတ်ထားပြီး လေကြောင်းတိုက်ခိုက်မှုများ အဆက်မပြတ်ဆောင်ရွက်ခဲ့ရာ လူသန်းပေါင်းစွာ ဓာတ်အားမရရှိဘဲဖြစ်နေပြီး ချမ်းအေးလှတဲ့ရာသီအတွင်း အပူပေးစနစ်မရရှိကြပါဘူး။

Source: Reuters
#Yangon_Media_Group

#World_Health
Published 30 December 2022

မိခင်ဝမ်းဗိုက်ထဲမှာ သန္ဓေသားကန်ရတဲ့အကြောင်းအရင်းကို နောက်ဆုံးမှာတော့ ဖြေရှင်းနိုင်ခဲ့ပြီဖြစ်ကြောင်း သိပ္ပံဂျာနယ်တစ်ခုမှာ ဖော်ပြထားပါတယ်။

ဗိုက်ထဲက ကလေးတွေဟာ ကိုယ်ဝန်သက်တမ်း ၁၆ ပတ်လောက်ကစပြီး လှုပ်လှုပ်ရွရွဖြစ်လာကာ လူးလှိမ့်ကန်ကြောက်တတ်ကြပါတယ်။

ဒီလိုလှုပ်ရှားမှုတွေက ဖြစ်ချင်သလို ဖြစ်နေတာလို့ ထင်ခဲ့ကြပေမယ့် ဒါဟာ ကလေးတွေရဲ့ခန္ဓာကိုယ်ကို လေ့ကျင့်ရာရောက်ကြောင်း သိလာကြပါတယ်။

ဝမ်းဗိုက်ထဲမှာ လှုပ်ရှားမှုက ကိုယ်လက်ထိန်းချုပ်လှုပ်ရှားခြင်းနဲ့ အစောပိုင်းဖွံ့ဖြိုးမှုတို့မှာ အရေးပါတဲ့အပိုင်းဖြစ်ကြောင်း တိုကျိုတက္ကသိုလ်မှ သိပ္ပံပညာရှင်များတွေ့ရှိခဲ့ကြပါတယ်။

ယခုလေ့လာမှုအသစ်မှာ သန္ဓေသားတွေရဲ့ လှုပ်ရှားမှုက ခန္ဓာကိုယ်ကိုဘယ်လိုထိန်းချုပ်ရမလဲဆိုတာကို လေ့လာသင်ယူနေတဲ့သဘောဖြစ်ကြောင်း ဖော်ပြထားပါတယ်။

အသက် ၁၀ ရက်အောက်ကလေး ၁၂ ယောက်နဲ့ ၃ လသားအရွယ် ကလေး ၁၀ ယောက်တို့မှာ လှုပ်ရှားမှုစောင့်ကြည့်ခြင်းနည်းပညာဖြင့် အဆစ်အမြစ်လှုပ်ရှားမှုတွေကို လေ့လာခဲ့ကြပါတယ်။

ကလေးတွေရဲ့ လှုပ်ရှားမှုပေါင်းစုံက နောက်ပိုင်းမှာ ဆက်တိုက်လှုပ်ရှားမှုများအဖြစ် ဆောင်ရွက်လာနိုင်အောင် အကူအညီဖြစ်စေပါတယ်။

အာရုံခံလှုပ်ရှားစောင့်ကြည့်ချက်များအရ လှုပ်ရှားမှုတစ်ခုကို အကြိမ်ရေများများလုပ်လေ ပိုပြီးတော့ မှတ်မိတတ်မြောက်လေဖြစ်ကြောင်း 'ကာနာဇာဝါ'က ရှင်းပြခဲ့ပါတယ်။

ဝမ်းဗိုက်ထဲမှာကတည်းက သန္ဓေသားရဲ့ခန္ဓာကိုယ်နဲ့ ဦးနှောက်ဘယ်လိုဖွံ့ဖြိုးလဲဆိုတာကို အခုနောက်ဆုံးတွေ့ရှိခဲ့ကြတာဖြစ်ပါတယ်။

နောက်ထပ်တွေ့ရှိမှုအရ ကိုယ်ဝန်ဆောင်ကာလအတွင်း မိခင်က အရက်သေစာသောက်သုံးပါက ကလေးရဲ့ဦးနှောက်ကိုထိခိုက်စေပါတယ်။

သန္ဓေသားတွေက အရက်ပမာဏအနည်းငယ်မျှနဲ့ ထိတွေ့မိရင်တောင် ဦးနှောက်ပုံသဏ္ဍာန်ပြောင်းလဲသွားပြီး ဦးနှောက်ဖွံ့ဖြိုးမှုနှေးကွေးသွားပါတယ်။

Source: NY Post
#Yangon_Media_Group

#World_Health
Published 30 December 2022

ယေဘုယျအားဖြင့် အမျိုးသမီးတွေဟာ အမျိုးသားတွေထက် သူများတွေရဲ့နေရာမှာဝင်ပြီး စဉ်းစားပေးတတ်ကြကြောင်း၊ သူတစ်ပါး ဘာတွေတွေးနေလဲ ခံစားနေရလဲဆိုတာကို ပုံဖော်တတ်ကြကြောင်း PNAS ဂျာနယ်မှာ ဖော်ပြထားပါတယ်။

ဘာအီလန်တက္ကသိုလ်မှ ပရော်ဖက်ဆာ'ဒေးဗစ်ဂရင်းဘာ့ဂ်'က ဦးဆောင်ပြီး နိုင်ငံပေါင်း ၅၇ နိုင်ငံက အသက်အရွယ်နဲ့ ကျား/မ ကွာခြားမှုကြား စိတ်ပိုင်းဆိုင်ရာဆုံးဖြတ်မှုတွေကို လေ့လာခဲ့ပါတယ်။

မျက်လုံးကိုကြည့်ပြီး စိတ်အကဲခတ်ခြင်းဆိုင်ရာမှာ အမျိုးသမီးတွေက အမျိုးသားတွေထက် ပိုပြီးအမှတ်များနေခဲ့ပါတယ်။

တွေ့ရှိချက်တွေအရ အမျိုးသမီးတွေက အမျိုးသားတွေထက် စာနာနားလည်တတ်တယ်ဆိုတဲ့ သဘောတရားဟာ ကမ္ဘာတဝှမ်းက နိုင်ငံအတော်များများမှာ ရှိနေတာဖြစ်ကြောင်း၊ အချက်အလက်အများအပြား အသုံးပြုထားတာကြောင့် စိတ်ချရကြောင်း 'ဂရင်းဘာ့ဂ်'က ဆိုပါတယ်။

ဒီလေ့လာချက်က ကျား/မကွဲပြားခြင်း အကြောင်းအရင်းကို ပိုင်းခြားမရပေမယ့် ဇီဝဆိုင်ရာနဲ့ လှုမှုဆိုင်ရာ အချက်နှစ်ချက်စလုံးရဲ့ ရလဒ်ဖြစ်နေနိုင်တယ်လို့ ဆွေးနွေးခဲ့ကြပါတယ်။

မျက်လုံးစစ်ဆေးခြင်းအရ လူအတော်များများဟာ အကြောင်းအမျိုးမျိုးကြောင့် မျက်နှာဖတ်အကဲဖြတ်နိုင်ရန် ခက်ခဲလေ့ရှိပါတယ်။

ယခုကဲ့သို့ အမျိုးသား အမျိုးသမီးကွဲပြားချက်ကြား စိတ်ခံစားမှုကွာခြားခြင်းဟာ နိုင်ငံ၊ ဘာသာစကား၊ အသက်အရွယ်အလိုက် တသမတ်တည်းဖြစ်နေတာကို မြင်တွေ့ရပါတယ်။

စာနာသိရှိမှုမှာ ကျား/မခြားနားခြင်းနဲ့ ပတ်သက်တဲ့ လှုမှုဆိုင်ရာနဲ့ ဇီဝဆိုင်ရာအချက်အလက်များအကြောင်း နောက်ထပ်သုတေသနပြုလုပ်ဖို့ မေးခွန်းထုတ်လာကြပါတယ်။

Source: The Jerusalem Post
#Yangon_Media_Group