Published 25 December 2022

ဒါမျိုးကတော့ အသေအချာကို နစ်နာကြေးပေးရမယ့်ကိစ္စဖြစ်ပါတယ်။

ပြင်သစ်ဆေးရုံတစ်ရုံဟာ အမျိုးသားတစ်ဦးကို ဆက်တိုက်မှားယွင်းမှုတွေပြုလုပ်ခဲ့ပြီးနောက် နောက်ဆုံးမှာ မလိုအပ်ဘဲ သူ့ရဲ့ လိင်အင်္ဂါတစ်ခုလုံးကို ဖြတ်တောက်လိုက်ရတဲ့အခြေအနေဆိုက်ရောက်သွားခဲ့ရကာ သူ့မှာ ဘာတစ်ခုမှ အာရုံ   ခံစားမှုမရှိတော့တဲ့ ဘဝနှင့်ကျန်ရစ်ခဲ့ရတာကြောင့်လို့ ဆိုပါတယ်။

အဲဒါကြောင့် အဲဒီအတွက် နန်တေးစ် အုပ်ချုပ်ရေးခုံရုံးက သူ့လိင်အင်္ဂါအတွက် လျော်ကြေးပေးစေလို့ ဆုံးဖြတ်ခဲ့တာပါ။

“ ဒီဆရာဝန်ကို ကျွန်တော် အတော်မုန်းတယ်ဗျာ။ ကျွန်တော်ပြောစကားကို သူနားမထောင်ဘူး” လို့ အမည်မဖော်ပြလိုတဲ့ အဲဒီအမျိုးသားက ပြည်တွင်းကသတင်းစာ ဖရန့်ဘလူးကို ပြောပါတယ်။ နန်တေးတက္ကသိုလ်ဆေးရုံက လိင်ပိုင်းဆိုင်ရာ ဆက်စပ်တယ်လိုဆိုတဲ့  နည်းစဉ်တစ်ခုကို ၂၀၁၄ခုနှစ်က ပြုလုပ်ခဲ့ပါတယ်။ “ သူက ကျွန်တော်နှင့် ရုရှား ရူလက် (ကိန်းဂဏန်းကစားပွဲ)ကစားလိုက်တာပဲဗျ” လို့ သူကဆက်ပြောပါတယ်။

ကလေး(၃)ယောက်ရဲ့ဖခင်ဖြစ်တဲ့သူဟာ အဲဒီတုန်းက အသက်၃၀ အရွယ်ပါ။ သူ့ဆီမှာ အက်ပီသီလယမ် တစ်သျှူး  တွေ ဖြစ်စေတဲ့ ကင်ဆာအကျိတ် ရှာတွေ့ ခဲ့တာပါ။  အဲဒါက လူတစ်ဦးရဲ့ ကိုယ်တွင်းအင်္ဂါတွေမှာ တည်ရှိတာဖြစ်တယ်လို့ ကလဲဗားလန်းဆေးခန်းကပြောပြပါတယ်။

အဲဒီအခြေအနေကို ပျောက်ကင်းအောင်ကုသဖို့အတွက်ကြိုစားတဲ့အနေနှင့် ဆေးရုံမှာရှိတဲ့ ဆီးစွန့်အင်္ဂါပိုင်းဆိုင်ရာ ဆရာ ဝန်က  သူရဲ့လိင်အင်္ဂါကို ထိခိုက်မှုအနည်းဆုံးဖြစ်စေအောင်ဆောင်ရွက်ပေးရင်း သူ့ရဲ့အကျိတ်ကို လှီးထုတ်လို့ရသ‌လောက် လှီးထုတ်ဖို့ ကြိုးစားလုပ်ဆောင်ခဲ့ပါတယ်။

ဒါပေမယ့် ကံမကောင်းခဲ့ပါဘူး။

ဆက်တိုက်ချို့ယွင်းစွာဆောင်ရွက်ခဲ့တဲ့အတွက် ကင်ဆာဟာ သူ့ရဲ့ လိင်အင်္ဂါဘက်ရွှေ့ပြောင်းသွားပါတယ်လို့ နန်တေး အုပ်ချုပ်ရေးခုံရုံးကပြောပါတယ်။

အဲဒီလိုကင်ဆာရွှေ့သွာတးဲ့အတွက် သူ့မှာ အင်မတန်မှ နာကျင်တဲ့ ဒဏ်ကိုခံစားရပါတယ်။ တစ်ခါတုန်းကဆိုရင် နာကျင်လွန်းလို့ သူ့ပစ္စည်းကို သူကိုယ်တိုင်တောင် ဖြတ်ထုတ်ပစ်ဖို့ စဉ်းစားမိသေးတယ်လို့ သူက ပြောပြပါတယ်။

“ ကျွန်တော့်မိန်းမက မလုပ်ဖို့တားတယ်။ ကျွန်တော့်မှာဖြတ်တဲ့ဓားရှိတယ်။ ဘက်တဒင်း Betadine ရှိတယ်။ ကျွန်တော် ကိုယ်တိုင် ဂိုဒေါင်ထဲမှာ ပြင်ဆင်နေခဲ့တာ” လို့ သူက ပြင်သစ်အနောက်ပိုင်းဒေသလေနှင့်ပြောပါတယ်။

တစ်နှစ်တာပတ်လုံး သူ့ရဲ့ ဖိုအင်္ဂါထဲက ကင်ဆာကျိတ်ဟာ ခဏချင်းကြီးထွားလာပါတယ်။ အဲဒါကြောင့် လိုင်ယွန်မှာနေတဲ့ ဆရာဝန်တစ်ဦးက သူ့အနေနှင့် သူ့ပစ္စည်းကိုဖြတ်ထုတ်ပစ်လိုက်တာကလွဲပြီး အခြားရွေးစရာမရှိတော့ဘူးလို့ သူ့ကိုပြောပါတယ်။အဲသလိုသူအဖြတ်ခံမလား အသက်အသေခံမလားလို့ ဆရာဝန်ကပြောပါတယ်။

အဲဒါကြောင့် သူတို့က သူ့ရဲ့ပစ္စည်းကိုဖြတ်တောက်ဖို့ ဆုံးဖြတ်ခဲ့ကြပါတယ်? “ ဒါပေမယ့် သူ(ဆရာဝန်)က အားလုံးကို ဖြတ်ထုတ်ပစ်လိုက်တာခင်ဗျ” လို့ သူကပြောပါတယ်။သူက အတံအရင်းကနေဖြတ်ပစ်လိုက်ပြီး ဝှေးစေ့တွေပဲ ချန်ထားခဲ့တာ” လို့ သူကပြောပါတယ်။

“အတော့်ကို ကျွန်တော်ဝမ်းနည်းပက်လက်ဖြစ်ရတယ်။ တကယ့်ကိုရှက်မိတယ်” လို့ သူကဖြည့်စွက်ပြောပါတယ်။

“ လိင်တံရဲ့ ခံစားနိုင်စွမ်းကို ဘယ်လိုအာရုံခံကိရိယာ အမျိုးမျိုးနှင့်မှ အစားထိုးလို့မရဘူးခင်ဗျ” လို့ သူကပြောပါတယ်။

လိင်အင်္ဂါတစ်ခုလုံးကို ဖြတ်တောက်ပစ်ရတဲ့အထိ ဦးတည်သွားစေတဲ့  မှားယွင်းစွာဆောင်ရွက်ခဲ့မှုတွေအတွက် နစ်နာကြေး  ယူရို ၆၁၀၀၀ (အမေရိကန်ဒေါ်လာ ၆၄၇၅၄) ကို သူ့အနေနှ၍့် အဲဒီကတည်းက ရရှိခဲ့ပါတယ်လို့ ဖရန့်ဘလူးသတင်းစာကရေးသားပါတယ်။

သူ့ရဲ့ရှေ့နေ မီဂျော့ ပါရာစတက်တစ်က ကနဦးတုန်းက ယူရိုတစ်သန်းအထိ နစ်နာကြေးနှင့်တရားစွဲဆိုခဲ့ပေမယ့် ပြင်သစ် တရားရုံးက အဲဒါကိုပယ်ချခဲ့ပါတယ်။ အဲဒါကြောင့်သူဟာ အောက်ခြေမှာ ပြန်ပြီး နစ်နာမှုအနေနှင့် အယူခံဝင်ခဲ့ပါတယ်။

“ စိတ်ပိုင်းထိခိုက်ပျက်စီးမှုဟာ တွက်ချက်လို့မရနိုင်ဘူး” လို့သူကပြောပါတယ်။

ကံကောင်းတာတစ်ခုကတော့ နှစ်ပေါင်းများစွာ အပြင်းအထန်ကုသမှုခံယူပြီးတဲ့နောက် အဲဒီအမျိုးသားရဲ့ကင်ဆာဟာ  လုံးဝကင်းစင်သွားတာပဲဖြစ်ပါတယ်။

Source: NYTIMES

#Man_awarded_$65K_after_doctor_removes_penis

#Men_health

#Strange_News

Published 25 December 2022

အွန်လိုင်းကနေ သူ့ကို ပေါက်တောက်တောက် trolls လုပ်တာတွေနှင့် ဝေဖန်တာတွေအပေါ် တဲ့တိုးနှင့် တည်ငြိမ်မှုမရှိ တုန့်ပြန်တတ်တဲ့ ဘောလီဝုဒ်မင်းသား အဘီရှက် ဘချန်းဟာ ဘင်္ဂလားဒေ့ရှ်စာရေးဆရာမ တက်ဆလီမာနက်ဆရင်းရဲ့ တွစ်တာပို့အပေါ် လတ်တလော ပြန်လည်တုန့်ပြန်ခဲ့ပါတယ်။ တက်ဆီလီမာက သူနှင့် သူ့ဖခင် ဘောလီဝုဒ်စူပါစတား  အမီတာဘချန်းကို  နှိုင်းယှဉ်ဝေဖန်ရေးသားခဲ့တာပါ။

ကြာသပတေးနေ့မှာ တက်ဆလီမာက “ အာမီတာ ဘချန်းကြီးဟာ သူ့သား အဘီရှက်ဘချန်းကို သိပ်ချစ်မြတ်နိုးပါတယ်။ သူ့သားဟာ သူ့ရဲ့ ပါရမီအရည်အချင်းတွေအားလုံးကို အမွေဆက်ခံပြီး အတော်ဆုံးဖြစ်လိမ့်မယ်လို့ သူကထင်ခဲ့တယ်။ အဘီရှက်က ကောင်းပါတယ်။ ဒါပေမယ့် အဖေလိုတော့ ပါရမီထူးချွန်တယ်လို့ ကျွန်မမထင်ဘူး” လို့ တွစ်တာမှာ ရေးခဲ့ပါတယ်။

အဲဒီ”တွိ” ကို အဘီရှက်က ပြန်လည်တုန့်ပြန်ခဲ့ပါတယ်။

“ သိပ်မှန်တာပေါ့ အမျိုးသမီးကြီးရာ..။ ပါရမီထူးချွန်မှုနှင့် အခြားကိစ္စတွေမှာ ဘယ်သူမှ သူနှင့် တူအောင် ယှဉ်လို့ကို မရပါဘူး။ သူဟာ အမြဲတမ်း အတော်ဆုံးဖြစ်နေမှာပါ။ ကျွန်တော်ကတော့ သူ့သားဖြစ်ရတာ အလွန့်အလွန်ကို ဂုဏ်ယူတယ်” လို့ သူက လက်အုပ်ချီတဲ့အီမိုဂျီပုံကလေနှင့်ပြန်တုန့်ပြန်ခဲ့ပါတယ်။

ဒီနှစ်ယောက်ကို နှိုင်းယှဉ်ပြီး မပြောသင့်ဘူးလို့ ပရိဿတ်တော်တော်များများက တက်ဆလီမာကို ထောက်ပြပြီး တုန့်ပြန်ခဲ့ကြပါတယ်။ လူတစ်ဦးက..

“ ဒါကြောင့် သူဟာ အဆင့်သတ်မှတ်မခံရတာဖြစ်မယ်။ ပြီးတော့ ဒါဟာစိတ်မကောင်းစရာပါ။ သူဟာ လူအများစုထက် ပိုသာတာပဲ။ ဒါပေမယ့် အမြဲတမ်း အဖေဖြစ်သူနှင့် နှိုင်းယှဉ်အပြောခံနေရတာလေ”

“ မဒမ်ရေ..။ အမီတာဘချန်းဟာ ဂန္တဝင်အနုပညာသမားကြီးပါ။ ဘဝမှာတစ်ခါသာကြုံရသလိုမျိုး၊ ဆာချင် တက်ဒူခါ တို့ ဒီလစ်ဆာအတ်တိ့၊ မက်ဂျစ်ဂျွန်ဆန်၊မာလွန်ဘရန်ဒိုတို့လိုပါ။သူ့ဖခင်ထက်သာတဲ့ သားတစ်ယောက်ယောက်များရှိရင် ပြစမ်းပါ။ ဖခင်ဟာ သူ့ပုံစံနှင့်သူသွားနေပါတယ်။ ခင်ဗျားကခင်ဗျား၊အဖေကအဖေပဲ” လို့ နောက်တစ်ဦးက တွစ်တာမှာ ပြန်တုန့်ပြန်ပါတယ်။

မင်းသားဆန်နီယယ်ရှက်တီက အဘီရှက်ရဲ့ တွစ်တာပို့စ်မှာ အနီရောင်အသည်းပုံကလေးပေးပြီး တုန့်ပြန်ပေးခဲ့ပေမယ့်   နောက်ပိုင်းမှာ ပြန်ဖျက်သွားပါတယ်။

အဘီရှက်ဘချန်းကို စိတ္တဇသည်းထိတ်ရင်ဖိုဇာတ်ကား 'Breathe: Into The Shadows Season 3' မှာ နောက်ဆုံးတွေ့ ရပါတယ်။ သူဟာ နက်ဖလစ်ရဲ့'Dasvi' ဇာတ်ကားမှာလည်း Filmfare OTT Awards 2022 ကပေးတဲ့ အကောင်းဆုံးသရုပ်ဆောင်ဆုကို ရရှိခဲ့ပါတယ်။ Dasvi ဇာတ်ကားဟာ Web Original ဆုမှာလည်း အကောင်းဆုံး ဇာတ်ကားဆုရရှိခဲ့ပါတယ်။

Source WION

#Amitabh_Bachchan

#Abhishek_Bachchan

#Taslima_Nasreen

Published 25 December 2022

ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာဟာ အာဝါမီအဖွဲ့ချုပ် ပါတီရဲ့ ဥက္ကဋ္ဌအဖြစ် စနေနေ့က သက်တမ်း (၁၀)ကြိမ် ဆက်တိုက် ရွေးချယ်ခံခဲ့ရပါတယ်။ အဲဒါကြောင့် ဟာဆီနာဟာ အာဝါမီအဖွဲ့ချုပ်မှာ ၁၉၈၁ ခုနှစ်ကတည်းက ဥက္ကဋ္ဌ အဖြစ် တာဝန်ယူခဲ့တဲ့ သက်တမ်းအရှည်ဆုံး ပါတီဥက္ကဋ္ဌဖြစ်လာခဲ့ပါတယ်။

၂၀၂၄ ခုနှစ်စောစောပိုင်းမှာ အာဝါမီအဖွဲ့ချုပ်ဟာ အထွေထွေရွေးကောက်ပွဲကျင်းပပေးဖို့ ပြင်ဆင်နေတဲ့အလျောက် ပါတီဟာ အိုဘိုင်ဒူလ်ကေဒါကို ၂၂ကြိမ်မြောက်အမျိုးသားကောင်စီ အထွေထွေအတွင်းရေးမှူးအဖြစ် တံခါးပိတ်အစည်းအဝေးကနေ ရွေးချယ်ပေးခဲ့ပါတယ်။

ဒါကာမြို့တော်အလယ်က ဇာတ်ရုံကြီးတစ်ခုမှာ ကျင်းပတဲ့ အမျိုးသားကောင်စီကို ဘင်္ဂလားဒေ့ရှ်နိုင်ငံတစ်လွှားက ကောင်စီဝင် ခုနှစ်ထောင်ခန့် တက်ရောက်ခဲ့ကြတယ်လို့ ပြည်တွင်းသတင်းဌာနတွေက သတင်းထုတ်ပြန်ပါတယ်။ အစည်းအဝေးအပြီးမှာ ဇာတ်ရုံနှင့်ကပ်လျက် ဆာဟရာဝါဒီယူဒိုင်ယန်ကွင်းထဲမှာ လူထုချီတက်ပွဲတစ်ခု ကျင်းပခဲ့ပါတယ်။

ဝန်ကြီးချုပ်ဟာ ဆူဟရာဝါဒီယူဒိုင်ယန်ကွင်းထဲကို မနက်၁၀နာရီ၂၀မိနစ်မှာရောက်ရှိလာပြီး နိုင်ငံတော်အလံလွှင့် တင်ခြင်း၊ချိုးဖြူများနှင့်ဘောလုံးများလွှတ်တင်ခြင်းဖြင့် ကောင်စီကိုဖွင့်လှစ်ခဲ့ပါတယ်လို့ ဒေလီစတားသတင်းစာက ရေးသားပါတယ်။

အာဝါမီအဖွဲ့ချုပ်ရဲ့အကြီးတန်းခေါင်းဆောင်တစ်ဦးဖြစ်တဲ့ အာမီယာဟိုစိန်အာမူက ဟာဆီနာကို ပါတီဥက္ကဋ္ဌအဖြစ် အဆိုတင်သွင်းခဲ့တာဖြစ်ပြီး အစည်းအဝေးတက်သူအားလုံးက ကန့်ကွက်သူမရှိ အတည်ပြုပေးခဲ့တာလို့ ပီတီအိုင် သတင်းအေဂျင်စီကပြောပါတယ်။

အချို့ပါတီခေါင်းဆောင်းတွေက ဒီ ကွန်ဖရင့်ကြီးကနေအားကောင်းတဲ့ခေါင်းဆောင်မှုကို သူတို့မျှော်လင့်တယ်လို့ သတင်းဌာနကိုပြောပါတယ်။

လာမယ့်ရွေးကောက်ပွဲမတိုင်ခင် ပါတီကို အားကောင်းကောင်းနှင့် ဦးဆောင်နိုင်မယ့်သူတစ်ဦးလိုတယ်လို့လည်း သူတို့ကပြောပါတယ်။

ပါတီစည်းမျဉ်းအရ အသက် ၇၅နှစ်အရွယ်ရှိပြီဖြစ်တဲ့ ဟာဆီနာဟာ ပါတီဥက္ကဋ္ဌအဖြစ် နောက်ထပ် ၃နှစ်  တာဝန်ထမ်းဆောင်ရမှာဖြစ်ပါတယ်။သူဟာ ၁၉၇၅ခုနှစ်ဩဂုတ်လကတည်းက အိန္ဒိယမှာ အဝေးရောက်ပြည်ပြေးတစ်ဦး အဖြစ်နေထိုင်ခဲ့ရပြီး ဘင်္ဂလားဒေ့ရှ်ပြန်ရောက်ပြီး ၁၉၈၁ခုနှစ်ကတည်းက ပါတီကို ဦးဆောင်ခဲ့တာဖြစ်ပါတယ်?

Source: WION

#Sheikh_Hasina

# Chief_of_Awami_League

#Bangladesh_Politics

#World_Health
Published 25 December 2022

အချိုမုန့်တွေ၊ အငန်မုန့်တွေ ကြိုက်တဲ့သူတွေအတွက်တော့ အာလူးကြော်တစ်ပြား၊ ဒိုးနတ်တစ်ခုလောက်နဲ့ မကျေနပ်နိုင်ပါဘူး။

ဒါဟာ စိတ်ကိုမချုပ်တည်းနိုင်ခြင်းတစ်ခုတည်းကြောင့်တော့ မဟုတ်ပါဘူး၊ မျိုးဗီဇတစ်ခုနဲ့လည်း သက်ဆိုင်နေပါတယ်။

CRTC1 ဆိုတဲ့မျိုးဗီဇဟာ လူသားတွေမှာ အဝလွန်ခြင်းနဲ့ သက်ဆိုင်နေတယ်လို့ လတ်တလောတွေ့ရှိထားပါတယ်။

CRTC1 ကို ကြွက်တွေမှာ ဖျက်ဆီးလိုက်တဲ့အခါ အဝလွန်လာကြတာကြောင့် CRTC1 က အဝလွန်ခြင်းကို တားဆီးပေးတယ်ဆိုတဲ့ သဘောဖြစ်ပါတယ်။

CRTC1 က အဝလွန်ခြင်းကို တားဆီးပေးထားတယ်ဆိုတဲ့ ဖြစ်စဉ်ကို ရှင်းလင်းရန် အိုဆာကာမက်ထရိုပိုလီတန်တက္ကသိုလ်ရှိ တွဲဖက်ပရော်ဖက်ဆာ'ရှီဂျီနိုဘူမက်ဆုမူရာ'ဦးဆောင်တဲ့ သုတေသီအဖွဲ့က MC4R ကိုဖော်ပြတဲ့ အာရုံကြောတွေကို အာရုံစိုက်လေ့လာခဲ့ပါတယ်။

MC4R က ကြွက်တွေနဲ့ လူသားတွေမှာ အစာစားချင်စိတ်နဲ့ စွမ်းအင်သုံးစွဲခြင်းတို့ကို ထိန်းညှိရာမှာ အရေးပါပြီး MC4R ချို့တဲ့ပါက အစားစားချင်စိတ်ကို မထိန်းချုပ်နိုင်ခြင်း၊ စွမ်းအင်သုံးစွဲမှုနည်းပါးခြင်း၊ ဂလူးကို့စ်ဇီဝဖြိုခွဲမှုယိုယွင်းခြင်းတို့ ဖြစ်ပေါ်နိုင်ကြောင်း ဖော်ပြထားပါတယ်။

ဒါကြောင့် CRTC1 နဲ့ MC4R ချို့တဲ့တဲ့အခါ စားချင်စိတ်မထိန်းချုပ်နိုင်ခြင်း၊ အဝလွန်ခြင်း၊ အင်ဆူလင်အလုပ်မလုပ်သဖြင့် ဂလူးကို့စ်မချေဖျက်နိုင်ခြင်းတို့ ဖြစ်ပေါ်နိုင်ပါတယ်။

ပိတ်ဆို့ထားတဲ့ MC4R ဆိုင်ရာ အာရုံကြောများမှလွဲပြီး ပုံမှန်အားဖြင့် CRTC1 ကိုဖော်ပြတဲ့ ကြွက်မျိုးကွဲတစ်မျိုးကိုဖန်တီးကာ အဝလွန်ခြင်းနဲ့ ဆီးချိုရောဂါရှိ အာရုံကြောများမှာ CRTC1 ဆုံးရှုံးခြင်းရဲ့အကျိုးကို စစ်ဆေးခဲ့ကြပါတယ်။

ပုံမှန်အစာကျွေးတဲ့အခါ MC4R မှာ CRTC1 မရှိတဲ့ကြွက်တွေက သာမန်ထက်စာရင် ခန္ဓာကိုယ်အလေးချိန် မပြောင်းလဲသော်လည်း အဆီဓာတ်များတဲ့အစာတွေကျွေးတဲ့အခါ ပိုမိုဝလာခဲ့ပြီး ဆီးချိုဖြစ်လာပါတယ်။

ထိုလေ့လာမှုကြောင့် ဦးနှောက်ထဲက CRTC1 မျိုးဗီဇပါဝင်ပတ်သက်မှုက ကယ်လီရီများတဲ့အစာတွေ၊ အချိုဓာတ်များပြီး အဝလွန်စေတဲ့အစာတွေ အလွန်အကျွံမစားမိအောင် ကူညီပေးကြောင်း၊ ဒါဟာ လူတွေ အစားကျူးရတဲ့ အကြောင်းကို ပိုမိုနားလည်လာဖို့ မျှော်လင့်ရကြောင်း ဖော်ပြသွားပါတယ်။

Source: The Jerusalem Post
#Yangon_Media_Group

#World_Health
Published 25 December 2022

လိင်စိတ်ဆန္ဒနည်းပါးတဲ့ အမျိုးသားတွေဟာ စောစီးစွာအသက်ဆုံးရှုံးနိုင်ချေ ၂ ဆနီးပါးရှိနေကြောင်း PLOS One ဂျာနယ်မှာ ဖော်ပြထားပါတယ်။

လိင်စိတ်ဆန္ဒရှိခြင်းနဲ့ ရောဂါဘယအသက်ဆုံးရှုံးနိုင်ချေတို့ကြား ဆက်စပ်မှုကိုရှာဖွေရန်အတွက် ယာမာဂါတာတက္ကသိုလ်မှ သုတေသီများက အမျိုးသား ၈ ထောင်ကျော်နဲ့ အမျိုးသမီး ၁၂,၀၀၀ ကျော်တို့ကို လေ့လာခဲ့ပါတယ်။

သက်ကြီးရွယ်အိုတွေမှာ လိင်ပိုင်းလှုပ်ရှားမှုနဲ့ ကျေနပ်မှုရခြင်းတို့က စိတ်ကျန်းမာရေးသုခအတွက် အကျိုးရှိစေတယ်လို့ ယူဆထားကြပေမယ့် လိင်စိတ်ဆန္ဒနဲ့ အသက်ရှည်ခြင်းတို့ကြား ပတ်သက်မှုကိုတော့ မလေ့လာမိခဲ့ကြပါဘူး။

စစ်ဆေးမေးမြန်းရာမှာ လိင်မှုစိတ်ဝင်စားခြင်းနဲ့ ပတ်သက်ပြီး အလုံးစုံမေးမြန်းခဲ့ကြပါတယ်။

လိင်ပိုင်းဆိုင်ရာ စိတ်ဝင်စားမှုနည်းသူတွေဟာ အသက်ပိုမိုကြီးရင့်ခြင်း၊ သောက်စားခြင်း၊ ဆီးချိုရှိခြင်း၊ အရယ်အမောနည်းခြင်း၊ စိတ်ဖိစီးမှုများခြင်း၊ ပညာရေးနိမ့်ပါးခြင်းတို့တွေ့ရကြောင်း ဖော်ပြခဲ့ပါတယ်။

ရလဒ်များအရ လိင်စိတ်ဆန္ဒနည်းပါးတဲ့ အသက် ၄၀ ကျော်အမျိုးသားတွေဟာ ကင်ဆာကြောင့်သေဆုံးနိုင်ချေ ၁.၉၄ ဆပိုများပြီး နှလုံးရောဂါကြောင့် သေဆုံးနိုင်ချေ ၁.၃၆ ဆပိုများပါတယ်။

အမျိုးသားများ လိင်စိတ်ဆန္ဒနည်းပါးရခြင်းဟာ ကျန်းမာရေးနဲ့မညီညွတ်တဲ့ စားသောက်နေထိုင်မှုစရိုက်တွေကြောင့် ဖြစ်ပါတယ်။

အမျိုးသမီးတွေလည်း အမျိုးသားတွေထက် စိတ်ဆန္ဒနည်းပါးခြင်း ၂ ဆ ကျော်ပိုများပေမယ့် အသက်အန္တရာယ်ကြားဆက်စပ်မှုတော့ ရှိမနေပါဘူး။

လိင်စိတ်ဆန္ဒနဲ့ အသက်ရှည်ခြင်းတို့ကြား ဆက်စပ်မှုကို မရှင်းပြနိုင်ပေမယ့် ဒါဟာ နာတာရှည်ရောဂါဖြစ်စေတဲ့ မကောင်းတဲ့နေထိုင်စားသောက်မှုပုံစံတွေကြောင့် ဖြစ်နိုင်ပါတယ်။

ခန္ဓာကိုယ်ကျန်းမာရေးကောင်းမွန်ဖို့အတွက် လိင်မှုပိုင်းဆိုင်ရာမှာလည်း ကျန်းမာနေဖို့လိုအပ်တာကိုတော့ ထောက်ခံရမှာဖြစ်ပါတယ်။

ဒီလေ့လာချက်က ဂျပန်တစ်နေရာမှာသာ လူအနည်းစုကိုလေ့လာခဲ့တာဖြစ်ပြီး တစ်ကမ္ဘာလုံးတော့ မဟုတ်သေးပါဘူး။

Source: NY Post
#Yangon_Media_Group

#World_Pet
Published 24 December 2022

ပြင်သစ်မြောက်ပိုင်းရွာအပြင်က စပျစ်ခြံခြေရင်းမှာ 'ဆယ်ဘင်းရူအာစ်'နဲ့ အလေးချိန်ပေါင် ၃ ထောင်ခန့်ရှိ သူမရဲ့နွားထီးကြီး 'အက်စ်တန်'တိုဟာ နာမည်ကြီးနေပါတယ်။

#Yangon_Media_Group