#World_Business
Published_ 16 May 2023

မင်းသားကြီး'ရှာရွတ်ခန်း' သရုပ်ဆောင်ထားတဲ့ 'ပသန်'ရုပ်ရှင်ဇာတ်ကားကြီးကို ကြည့်ရှုရန်အတွက် ဒါကာမှလူပေါင်းထောင်ချီဟာ သောကြာနေ့က ရုပ်ရှင်ရုံတွေကို လာရောက်ခဲ့ကြပါတယ်။

#World_Business #အိန္ဒိယရုပ်ရှင်ကား #ဘင်္ဂလားဒေ့ရှ် #ပထမဆုံးပြသ
#YMG #Yangon_Media_Group

#Daily_News
Published_ 16 May 2023

၁။ စက်သုံးဆီးဈေးနှုန်း ၁၉၀၀ ဖြင့် အကျဘက် ဆက်လက်တည်ရှိ

၂။ ရန်ကုန်မြို့တွင်းပတ် ယာဉ်လိုင်းအချို့ ယာဉ်စီးခတိုးမြှင့်

၃။ ကိုဗစ်လူနာသစ် ၇၂ ဦးထပ်တွေ့ရှိ ပိုးတွေ့လူနာ ကျဆင်း

၄။ နှစ်ပေါင်း(၅၀)ကြာမှ အိန္ဒိယရုပ်ရှင်ကားကို ဘင်္ဂလားဒေ့ရှ်တွင် ပထမဆုံးပြသ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Military
Published_ 16 May 2023

ယူကရိန်းသမ္မတ'ဗိုလိုဒီမီယာဇယ်လန်စကီ'က မေလ ၁၅ ရက်နေ့မှာ ဗြိတိန်ဝန်ကြီးချုပ်'ရီရှီဆူနက်ခ်'နဲ့ တွေ့ဆုံပြီးနောက် ဂျက်လေယာဉ်ပူးပေါင်းအဖွဲ့ထူထောင်ရန် အလွန်ယုံကြည်မှုရှိနေကြောင်း မေလ ၁၅ ရက်နေ့မှာ ပြောကြားလိုက်ပါတယ်။

ဇယ်လန်စကီက တနင်္လာနေ့မှာ ယူကေသို့ရောက်ရှိလာကာ လန်ဒန်မြို့ပြင် ဝန်ကြီးချုပ်အိမ်ရာမှာ ဆူနက်ခ်နဲ့တွေ့ဆုံခဲ့ပါတယ်။

ဆူနက်ခ်နဲ့တွေ့ဆုံရာမှာ ဒုံးကျည်တွေနဲ့ဒရုန်းတွေ ရာနဲ့ချီပံ့ပိုးပေးဖို့ ကတိရရှိခဲ့ပါတယ်။

ပြီးခဲ့တဲ့နှစ်ဖေဖော်ဝါရီက ယူကရိန်းကို ရုရှားကျူးကျော်ပြီးကတည်းက အမေရိကန်အပါအဝင် အနောက်နိုင်ငံတွေဟာ ယူကရိန်းကို လက်နက်တွေ အကူအညီတွေထောက်ပံ့နေခဲ့ပါတယ်။

ထိုလက်နက်တွေထဲမှာ ဒုံးကျည်လောင်ချာများ၊ ခဲယမ်းများ၊ တင့်ကားများနဲ့ အခြားအရာများပါဝင်ပါတယ်။

ယူကရိန်းဘက်က တိုက်လေယာဉ်များလည်း တောင်းဆိုထားပေမယ့် အနောက်နိုင်ငံက တင်းမာမှုမြင့်တက်လာမှာစိုးတဲ့အတွက် ချင့်ချိန်စရာဖြစ်နေပါတယ်။

ယူကရိန်းလေယာဉ်မှူးများကို လေ့ကျင့်သင်ကြားပေးရန် လေယာဉ်မောင်းသင်တန်းကျောင်းဖွင့်ဖို့ ဗြိတိန်ကအဆင်သင့်ဖြစ်နေကြောင်း ဆူနက်ခ်ကဆိုပါတယ်။

ရုရှားမဟာမိတ်ဖြစ်တဲ့တရုတ်က ယခုသီတင်းပတ်အတွင်း ယူကရိန်းသို့အထူးသံတမန်တစ်ဦးစေလွှတ်ကာ ငြိမ်းချမ်းရေးစေ့စပ်ရန် ကြိုးပမ်းနေချိန်မှာ ဇယ်လန်စကီကတော့ ပြင်သစ်နဲ့ဂျာမနီတို့ထံ သွားရောက်လည်ပတ်ကာ စစ်ရေးအကူအညီများ ရယူခဲ့ပါတယ်။

ယူကရိန်းသို့ ဗြိတိန်မှ လက်နက်အသစ်များပေးပို့နေတာကို ရုရှားက အပြင်းအထန်တုန့်ပြန်လိုက်ကာ ဒါဟာ အပျက်အစီးပိုမိုဆိုးရွားစေမှာဖြစ်တယ်လို့ သတိပေးလိုက်ပါတယ်။

ဗြိတိန်ကထောက်ပံ့ပေးတယ်လို့ဆိုတဲ့ စတွန်းမ်ရှဲဒိုးဒုံးကျည်ကို ရုရှားက ပစ်ချလိုက်တယ်လို့ တနင်္လာနေ့ကအခိုင်အမာဆိုလိုက်ပါတယ်။

ဇယ်လန်စကီနဲ့တွေ့ဆုံမှုဟာ အိုက်စ်လန်ရှိ ဥရောပကောင်စီအစည်းအဝေးနဲ့ ဂျပန်မှာပြုလုပ်မယ့် G7 ထိပ်သီးအစည်းအဝေးတို့ရဲ့ အကြိုသဘောအနေနဲ့ဖြစ်ကြောင်း ဆူနက်ခ်ကဆိုပါတယ်။

ပူတင်က ယူကရိန်းကိုကျူးကျော်နေပေမယ့် ကမ္ဘာတဝှမ်းကိုပါထိခိုက်နေတာကြောင့် ယူကရိန်းရှုံးလို့မဖြစ်ဘူးလို့ ပြောကြားခဲ့ပါတယ်။

စစ်ပွဲပဋိပက္ခဟာ ယူကရိန်းလုံခြုံရေးပြဿနာတစ်ခုတည်းသာ မဟုတ်ဘဲ ဥရောပတခွင်လုံးအတွက် အရေးကြီးကြောင်း ဇယ်လန်စကီကဆိုပါတယ်။

ယူကရိန်းဘက်က စွန့်စားရာကျတဲ့ တန်ပြန်ထိုးစစ်အကြောင်း ရေရေရာရာမသိသေးပေမယ့် ဥရောပမြို့တော်တွေထံ ဇယ်လန်စကီလည်ပတ်တာဟာ တိုက်ပွဲမှာဖိအားပေးရန် အနောက်နိုင်ငံလက်နက်ကြီးများနဲ့ ခဲယမ်းများရရှိရေး အရေးကြီးကြောင်း ပြသရာရောက်နေပါတယ်။

ပြင်သစ်က တင့်ကားအသေးစား၊ သံချပ်ကာယာဉ်တစ်ဒါဇင် ကမ်းလှမ်းထားပြီး ဂျာမနီကလည်း အမေရိကန်ဒေါ်လာ ၃ ဘီလီယံတန်ကြေးရှိ စစ်ရေးထောက်ပံ့မှုများပြင်ဆင်နေပါတယ်။
Source: WION
#World_Military #ဗြိတိန်နှင့်ဂျက်လေယာဉ်ပူးပေါင်းရေးဆောင်ရွက် #ယူကရိန်းသမ္မတမျက်စိကျ
#YMG #Yangon_Media_Group

#World_Heatlh
Published_ 16 May 2023

အိပ်ရင်ဟောက်တတ်သူတွေနဲ့ သူတို့နဲ့အတူနေသူတွေဟာ ဦးနှောက်ကျန်းမာရေး ပိုမိုဆိုးရွားစေနိုင်ကာ အယ်လ်ဇိုင်းမားရောဂါနဲ့ လေဖြတ်ခြင်းတို့ ဖြစ်နိုင်ချေပိုများကြောင်း လေ့လာတွေ့ရှိထားပါတယ်။

အိပ်နေစဉ်အသက်ရှူကြပ်တာကြောင့် ကျယ်လောင်တဲ့ဟောက်သံထွက်ပေါ်လာကာ ရောဂါအခြေအနေများနဲ့ ဆက်စပ်နေနိုင်ကြောင်း မင်နီဆိုတာ မိုင်ယိုဆေးခန်းမှ ပြောကြားလိုက်ပါတယ်။

နှစ်ခြိုက်စွာအိပ်စက်မှု ၁၀ ရာခိုင်နှုန်းလျော့ကျသွားတိုင်း ဦးနှောက်ကိုပြောင်းလဲစေပြီး ဦးနှောက်အဖြူသားနေရာက ၂.၃ နှစ်အိုမင်းလာပါတယ်။

နှစ်ခြိုက်စွာအိပ်ပျော်မှု လျော့နည်းလာရင် ဖယ်ရှားရမယ့်အညစ်အကြေးများ စုပြုံလာကာ အယ်လ်ဇိုင်းမားဖြစ်နိုင်ချေမြင့်မားလာကြောင်း အထောက်အထားတွေ့ရှိထားပါတယ်။

လိုအပ်ချက်အတိုင်းမဆောင်ရွက်နိုင်တဲ့ နျူရွန်တွေက သေဆုံးသွားကာ ဦးနှောက်ကျုံ့သွားစေနိုင်ပါတယ်။

ပျမ်းမျှအသက် ၇၃ နှစ်ရှိပြီး အိပ်နေစဉ်အသက်ရှူကြပ်တတ်တဲ့ လူ ၁၄၀ ကိုလေ့လာခဲ့ကာ ဦးနှောက်ဓာတ်မှန်ရိုက်ပြီး အိပ်စက်စမ်းသပ်ခန်းမှာ ညလုံးပေါက်အိပ်စက်စေခဲ့ပါတယ်။

ပါဝင်စမ်းသပ်သူတွေထဲမှာ လေ့လာမှုစတင်ချိန်မှာ သိမြင်မှုဆိုင်ရာပြဿနာမရှိခဲ့ကြသလို ပြီးဆုံးချိန်မှာလည်း မှတ်ဉာဏ်ဆိုင်ရာပြဿနာများ မရှိခဲ့ပါဘူး။

အနည်းငယ်မျှ အသက်ရှူကြပ်သူ ၃၄ ရာခိုင်နှုန်း၊ အတန်အသင့်အသက်ရှူကြပ်သူ ၃၂ ရာခိုင်နှုန်း၊ ပြင်းပြင်းထန်ထန်အသက်ရှူကြပ်သူ ၃၄ ရာခိုင်နှုန်း အသီးသီးရှိခဲ့ပါတယ်။

လက္ခဏာတွေထဲကတစ်ခုကတော့ ဦးနှောက်ဓာတ်မှန်မှာ မြင်နိုင်တဲ့ ဒဏ်ရာငယ်လေးများဖြစ်ပြီး အသက်အရွယ်ကြီးလာတာနဲ့အမျှ သွေးတိုးမထိန်းနိုင်တာနဲ့အမျှ ပိုပြီးအဖြစ်များလာပါတယ်။

ဒီလက္ခဏာတွေကို ကုသရန်မဖြစ်နိုင်တာကြောင့် မဖြစ်ပွားအောင် ပိုဆိုးမလာအောင် ကာကွယ်ရန်နည်းလမ်းများ ရှာဖွေရန်လိုအပ်ကြောင်း မိုင်ယိုဆေးခန်းမှ ဒေါက်တာ'ဒီယေဂိုကာဗယ်လ်ဟို'က ပြောပြခဲ့ပါတယ်။

အိပ်ရေးမဝတဲ့အသက်ရှူကျပ်ခြင်းပြဿနာဟာ ကျန်းမာရေးပြဿနာကြီးဖြစ်ပြီး အန္တရာယ်လျော့ပါးစေတဲ့ ကုသမှုများ အကြံဉာဏ်များပေးနိုင်မှာဖြစ်ပါတယ်။

ဒါပေမဲ့ လူအများစုက ဒီပြဿနာရှိနေတာကို မသိရှိကြပါဘူး။

အိပ်စက်ခြင်းအဆင့် ၅ ဆင့်မှာ အိပ်ချိန်တဝက်လောက်က အပေါ်ယံအိပ်စက်ခြင်းသာဖြစ်ပြီး ထိုအချိန်မှာ ဆူညံသံတွေ ဟောက်သံတွေကြောင့် နိုးလာတတ်ပါတယ်။

လေ့လာချက်များအရ လူ ၂၀.၂ ရာခိုင်နှုန်းဟာ အိပ်နေစဉ်အသက်ရှူကျပ်တတ်ပြီး ၃.၅ ရာခိုင်နှုန်းကသာ ကုသမှုခံယူနေကြကြောင်း ပြင်သစ်တက္ကသိုလ်တစ်ခုမှ ဆိုထားပါတယ်။
Source: Daily Mail
#World_Heatlh #အိပ်နေစဉ်ဟောက်တတ်ခြင်း #အယ်လ်ဇိုင်းမားရောဂါနှင့်လေဖြတ်ခြင်းအန္တရာယ်
#YMG #Yangon_Media_Group

#World_Heatlh
Published_ 16 May 2023

အိန္ဒိယမှာ နာတာရှည်ဆီးချိုရောဂါခံစားနေရသူ သန်းနဲ့ချီရှိနေပြီး ဆီးချိုရောဂါပထမအမျိုးအစားက ကိုယ်ခံအားတုန့်ပြန်မှုဖြစ်ကြောင့် ဖြစ်ပွားတာဖြစ်ကာ ဆီးချိုဒုတိယအမျိုးအစားကတော့ နေထိုင်စားသောက်မှုပုံစံအမျိုးမျိုးကြောင့် ဖြစ်ပွားတတ်ပါတယ်။

ပန်ကရိယမှ အင်ဆူလင်လုံလောက်စွာ မထုတ်လုပ်နိုင်ခြင်း၊ အင်ဆူလင်ကို ကောင်းစွာအသုံးမပြုနိုင်ခြင်းတို့ကြောင့် သွေးထဲရှိသကြားဓာတ်ပမာဏ အလွန်မြင့်မားလာကာ ရောဂါဖြစ်ပွားရပါတယ်။

ရောဂါအများစုမှာ ဆီးချိုသမားတွေက အချိုဓာတ်စားသုံးမှုလျှော့ချရန်နဲ့ သွေးတွင်းသကြားဓာတ် ဆောင့်မတက်စေနိုင်တဲ့ အစားအစာတွေ စားသုံးဖို့လိုပါတယ်။

ဆီးချိုရှိနေရင် သစ်သီးဝလံအများစုကို မစားသုံးသင့်ပါဘူး။

နွေရာသီမှာ သရက်သီးတွေ ပေါပေါများများသီးနေပေမယ့် လူအများစုကတော့ သရက်သီးဟာ အချိုဓာတ်ပါဝင်မှုများတယ်ဆိုပြီး ဆီးချိုသမားတွေ မစားသင့်ဘူးလို့ ယူဆထားကြပါတယ်။
ဒါပေမဲ့ သရက်သီးကို တော်သင့်ရုံစားပေးခြင်းက ခန္ဓာကိုယ်အတွက် အကျိုးရှိစေတယ်လို့ ကျွမ်းကျင်သူများက ဆိုပါတယ်။

သရက်သီးကိုအနည်းငယ်စားပေးခြင်းဟာ သွေးတွင်းသကြားဓာတ်ကို ထိန်းချုပ်ပေးနိုင်တယ်လို့ အပိုလိုဆေးခန်းမှ ဆီးချိုဆရာဝန်ဒေါက်တာ'ပူလဲလာဆရီကာခရစ်ရှ်နာ'က ပြောပြခဲ့ပါတယ်။
သရက်သီးမှာ သကြားပါဝင်မှုမြင့်မားပေမယ့် ကာဗိုဟိုက်ဒရိတ်အနည်းငယ်သာပါဝင်တယ်လို့ ပြောပြသွားပါတယ်။

သရက်သီးမှာ ဗိုက်တာမင်-အီး၊ ကေ၊ ဘီတို့ အများအပြားပါဝင်ကာ ကယ်လ်စီယမ်၊ ပိုတက်ဆီယမ်၊ ကြေးနီအပါအဝင် အမျှင်ဓာတ်ကြွယ်ဝစွာပါဝင်ပါတယ်။

ဇီဝဖြစ်စဉ်နဲ့ပတ်သက်တဲ့ ရောဂါတွေကိုကုသရာမှာလည်း အရေးပါတဲ့ကဏ္ဍကပါဝင်နေပါတယ်။
နေ့စဉ် သရက်သီးတစ်လုံးစားပေးခြင်းဖြင့် ဆီးချိုအပြင် ကိုလက်စ်ထရောလ်များခြင်းကိုလည်း ကာကွယ်နိုင်မှာဖြစ်ကြောင်း ပြောပြပါတယ်။

ဒါပေမဲ့အများအပြားစားသုံးရင်တော့ သွေးတွင်းသကြားဓာတ် မညီမျှခြင်းဖြစ်စေကာ ဖျော်ရည်အနေနဲ့ မသောက်သုံးသင့်ကြောင်း အကြံပေးသွားပါတယ်။

သရက်သီးအစိမ်းကို ဒိန်ချဉ် ထမင်းတို့ဖြင့် စားသုံးခြင်းက ခန္ဓာကိုယ်ထဲက သကြားဓာတ်ကို လျှော့ချရမှာ အထောက်အကူဖြစ်စေပါတယ်။

ဆီးချိုသမားတွေစားသုံးနိုင်တဲ့ အခြားနွေရာသီအသီးများကတော့ မာလကာသီး၊ သင်္ဘောသီး၊ ကီဝီသီး၊ သစ်တော်သီး၊ သခွားမွှေးသီးတို့ဖြစ်ပါတယ်။
Source: India Today.
#World_Heatlh #ဆီးချိုရောဂါရှင် #သရက်သီးစားသုံးသင့်သလား
#YMG #Yangon_Media_Group

#World_Entertainment
Published_ 15 May 2023

နီတန်းဒိုးကုမ္ပဏီက ထွက်ရှိဖိုနှစ်အတော်ကြာစောင့်ခဲ့ရတဲ့ နှစ်ပေါင်း ၄၀ ကြာဂိမ်းဇာတ်လမ်းတွဲ 'ဇယ်လ်ဒါ'ကို ထွက်ရှိလိုက်ပြီဖြစ်ရာ တစ်ကမ္ဘာလုံးကပရိသတ်တွေအတွက်တော့ ၆ နှစ်လောက်စောင့်ဆိုင်းလိုက်ရပါတယ်။

#World_Entertainment #နီတန်းဒိုး #ဇယ်လ်ဒါဂိမ်းစီးရီးအသစ်
#YMG #Yangon_Media_Group