#World_Health
Published 7 May 2023
မကြာသေးမီဆယ်စုနှစ်များအတွင်း အမျိုးသားတွေရဲ့ မျိုးပွားစွမ်းရည်သိသိသာသာ လျော့ကျသွားပြီး ကြိုတင်ကာကွယ်ရန်အရေးကြီးကြောင်း သုတေသနအသစ်တွေ တွေ့ရှိလာပါတယ်။
စုံတွဲတစ်တွဲက မိသားစုစတင်ထူထောင်ရန် ကြိုးပမ်းချိန်မှာ မျိုးပွားခြင်းပြဿနာက အမျိုးသမီးနဲ့ဆိုင်တယ်လို့ပဲ အယူမှားတတ်ကြပါတယ်။
ဒါပေမဲ့ ဒီပြဿနာတွေရဲ့တဝက်လောက်က အမျိုးသားတွေကြောင့်ဖြစ်ကြောင်း ဟန်ဂေရီဘူဒါပက်စ် ဆမ်မယ်ဝစ္စတက္ကသိုလ်မှ တွဲဖက်ပရော်ဖက်ဆာဒေါက်တာ'ဇော့ကိုပါ'က ပြောပြလိုက်ပါတယ်။
ကိုပါနဲ့သူ့အဖွဲ့က သုတ်ပိုးကျန်းမာရေးအပေါ်သက်ရောက်စေတဲ့ အချက်အလက်တွေနဲ့ပတ်သက်ပြီး Reproductive Biology and Endocrinology ဂျာနယ်မှာ ဖော်ပြထားပါတယ်။
အမျိုးသားတစ်ဦးရဲ့ သုတ်ပိုးအရည်အသွေးကို အထိခိုက်စေဆုံးအချက်က နေထိုင်စားသောက်မှုပုံစံနဲ့ ကျန်းမာရေးအခြေအနေတို့ဖြစ်ကြောင်း လေ့လာတွေ့ရှိထားပါတယ်။
အဓိကအကြောင်းအရာတွေကတော့ ဆေးလိပ်သောက်ခြင်း၊ ဆီးချို၊ ဝှေးစေ့အကျိတ်တို့ဖြစ်ကာ ကပ္ပါယ်အိတ်အတွင်း သွေးကြောများကြီးမားရှုပ်ထွေးလာကာ သုတ်ပိုးထုတ်လုပ်ခြင်းကို ထိခိုက်စေပါတယ်။
ဆေးလိပ်သောက်သူတွေဟာ DNA ပြတ်ထွက်ခြင်းဖြစ်စဉ် ၉.၁၉ ရာခိုင်နှုန်းပိုများပါတယ်။
သွေးကြောထုံးသူတွေက ၁၃.၆၂ ရာခိုင်နှုန်း၊ အကျိတ်တွေက ၁၁.၃ ရာခိုင်နှုန်း အသီးသီးပိုများစေပါတယ်။
ယာဉ်ထိန်းရဲများကိုလေ့လာရာမှာ လေထုညစ်ညမ်းခြင်း ဒါမှမဟုတ် အန္တရာယ်ရှိဓာတုပစ္စည်းများနဲ့ ထိတွေ့မိခြင်းကြောင့် DNA ပြတ်ထွက်ခြင်း ၉.၆၈ ရာခိုင်နှုန်းပိုများကြောင်း ဆက်စပ်တွေ့ရှိခဲ့ပါတယ်။
DNA ပြတ်ထွက်ခြင်းဖြစ်စဉ်ဟာ ၂၅ ရာခိုင်နှုန်းအောက်ရောက်ရင် သာမန်လို့သတ်မှတ်ပြီး ဒီထက်များရင်တော့ မျိုးအောင်နိုင်ခြေလျော့နည်းလာပါတယ်။
ဒီပြဿနာတွေကို နေထိုင်စားသောက်မှုပုံစံ၊ ဆေးဘက်ဆိုင်ရာအကူအညီများဖြင့် လျှော့ချနိုင်ပါတယ်။
နေထိုင်စားသောက်မှုပုံစံဆိုးရွားတာရဲ့ သက်ရောက်မှုက အချိန်ကြာလာတာနဲ့အမျှ စုပြုံလာပြီး ပိုမိုထိခိုက်စေပါတယ်။
ကလေးလိုချင်တဲ့လူတွေက မျိုးပွားခြင်းပြဿနာရှိနေတာကို အလွန်နောက်ကျမှ သိတတ်ကြပါတယ်။
မျိုးပွားပြဿနာခံစားရသူအများစုဟာ အလုပ်ကြာရှည်လုပ်ကိုင်ရခြင်း၊ အနားယူချိန်နည်းပါးခြင်း၊ လေ့ကျင့်ခန်းမလုပ်ခြင်းတို့ကို အကြောင်းပြကြသလို လူအများစုက ဆေးလိပ်သောက်၊ အရက်သောက်၊ ကျန်းမာရေးနဲ့မလျော်ညီစွာ နေထိုင်တတ်ကြပါတယ်လို့ ဟောင်ကောင်မှ ဆီးလမ်းကြောင်းဆရာဝန်'အန်ဒရူယစ်'က ပြောပြခဲ့ပါတယ်။
အမျိုးသားများအနေနဲ့ ကျန်းမာရေးနဲ့ညီညွတ်စွာနေထိုင်ပြီး DNA ထိခိုက်ခြင်းကိုလျှော့ချနိုင်ရင် ရေရှည်မှာကလေးရဖို့ ထိရောက်အောင်မြင်နိုင်မှာဖြစ်ပါတယ်။
Source: South China Morning Post #World_Health ##မျိုးမအောင်ခြင်းပြဿနာ
#YMG #Yangon_Media_Group
#Asia_Politics
Published 6 May 2023
ယခုနောက်ပိုင်း ဂျပန်ရဲ့စစ်ရေးလှုပ်ရှားမှုများဟာ နိုင်ငံရဲ့ငြိမ်းချမ်းသောဖွံဖြိုးတိုးတက်မှုကို ထိခိုက်စေပြီး ဖွဲ့စည်းပုံအခြေခံဥပဒေကို ချိုးဖောက်ရာရောက်တယ်လို့ ဂျပန်နိုင်ငံရေးသိပ္ပံပညာရှင်တစ်ဦးက တိုကျိုရှိ တရုတ်ဗဟိုရုပ်မြင်သံကြားနဲ့ အင်တာဗျူးမှာ ပြောကြားခဲ့ပါတယ်။
#Asia_Politics #ဂျပန်နိုင်ငံ #အခြေခံဥပဒေ #ဂျပန်နိုင်ငံရေးသိပ္ပံပညာရှင်တစ်ဦး
#YMG #Yangon_Media_Group
#Daily_News
Published_ 6 May 2023
၁။ ရွှေဈေးသိန်း ၃၀ အထက်ဈေးဖြင့် ရောင်းချပါက အရေးယူမယ်လို့ သတိပေးထားသော်လည်း ပြင်ပရွှေဈေး သိန်း ၃၀ အထက်သို့မြင့်တက်
၂။ ယခုလ(၅)ရက်တာအတွင်း ကိုဗစ်ပိုးတွေ့သူ(၇၈၃)ဦးရှိ၊ ကာကွယ်ဆေးထပ်ထိုးရန်နှင့် Mask တပ်ရန်လိုဟု
၃။ ဆီးဂိမ်းပြိုင်ပွဲတွင် ဗိုဗီနမ်အားကစားဖြင့် မြန်မာမှရွှေ(၂)ဆု၊ ငွေ(၁)ဆု၊ ကြေး(၄)ဆု၊စုစုပေါင်း(၇)ဆုရရှိထား
၄။ ဂျပန်နိုင်ငံ၏ လတ်တလောစစ်ရေးမြှင့်တင်မှု အခြေခံဥပဒေကိုချိုးဖောက်ဟု ဂျပန်နိုင်ငံရေးသိပ္ပံပညာရှင်တစ်ဦးဝေဖန် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#World_Health
Published 7 May 2023
လေထုညစ်ညမ်းမှုသိသိသာသာမြင့်မားတဲ့ မြို့ကြီးတွေမှာ ပန်းနာရင်ကြပ်ခံစားရသူအရေအတွက် ရာခိုင်နှုန်းများကြောင်း မက်ကာဘီ KSM သုတေသနနဲ့ဖန်တီးမှုစင်တာက ဆိုပါတယ်။
ရင်ကြပ်ရောဂါက ကလေးတွေရော လူကြီးတွေမှာပါ ဖြစ်ပွားနိုင်ပြီး ကလေးတွေမှာ အဖြစ်အများဆုံးနာတာရှည်ရောဂါ ဖြစ်ပါတယ်။
အစ္စရေးလ် ဟိုင်ဖာအရှေ့ဘက်မှာ ရင်ကြပ်လူနာအများဆုံးရှိပြီး မက်ကာဘီမှ လူ ၁၅ ရာခိုင်နှုန်းမှာ တွေ့ရှိရပါတယ်။
သတ္တု၊ ဓာတု၊ အမိုးနီးယား၊ ဆာလ်ဖိတ်၊ နိုက်ထရိတ်တို့မှ အမှုန်များဟာ အလွန်သေးငယ်ပြီး အသက်ရှူလမ်းကြောင်းထဲ နက်ရှိုင်းစွာဝင်ရောက်သွားပါတယ်။
လေထုညစ်ညမ်းမှုမြင့်မားတဲ့ အခြားမြို့တွေမှာ ရင်ကြပ်ရှိသူ ၁၁ ရာခိုင်နှုန်းခန့်ရှိနေပါတယ်။
စက်မှုမြို့ဟိုင်ဖာမှာ ညစ်ညမ်းလေတွေက အရှေ့ဘက်သို့ တိုက်ခတ်သွားကာ အိမ်နီးချင်းနိုင်ငံတွေထံ သက်ရောက်စေပါတယ်။
၂၀၁၈ ခုနှစ် ကျန်းမာရေးဝန်ကြီးဌာနရဲ့ ထုတ်ပြန်ချက်အရ ဟိုင်ဖာမှာ ရင်ကြပ်ကြောင့် ဆေးရုံတက်ရတဲ့ကလေးအရေအတွက်ဟာ အခြားလူများထက် ၂ ဆကျော်ပိုများနေပါတယ်။
ဂျေရုဆလမ်နဲ့ ဂိုလန်ဟိုက်စ်တို့လို လေထုညစ်ညမ်းမှုနည်းတဲ့ မြို့တွေမှာတော့ ရင်ကြပ်ဝေဒနာသည်နည်းပါးပါတယ်။
လေထုညစ်ညမ်းမှုဟာ ပန်းနာရင်ကြပ်ဖြစ်စေတဲ့ တစ်ခုတည်းသောအကြောင်းအရင်း မဟုတ်ဘဲ မျိုးရိုးဗီဇ၊ နေထိုင်စားသောက်မှုပုံစံ၊ ပတ်ဝန်းကျင်သက်ရောက်မှုတို့ကလည်း ရင်ကြပ်ရောဂါမှာ ပါဝင်ပတ်သက်နေကြောင်း မက်ကာဘီKSM အကြီးအကဲ ဒေါက်တာ'တယ်လ်ပါတာလွန်'က ရှင်းပြခဲ့ပါတယ်။
"လေထုအရည်အသွေးနဲ့ ရာသီဥတုပြောင်းလဲမှုတို့က လူတွေအားလုံးအပေါ် သက်ရောက်မှုရှိပါတယ်။ ဒါကြောင့် ကမ္ဘာတဝှမ်း ကျန်းမာရေးမြှင့်တင်မှုဗျူဟာများရဲ့ အဓိကအစိတ်အပိုင်းတစ်ခုဖြစ်ရပါမယ်" လို့ ပြောကြားခဲ့ပါတယ်။
ရင်ကြပ်ထဖောက်တဲ့အခါ အသက်ရှူလမ်းကြောင်းကျဉ်းသွားပြီး အချွဲပိုမိုထလာပါတယ်။
ဒီအခြေအနေတွေက လေထုညစ်ညမ်းတဲ့အခါ ပိုမိုဆိုးရွားစေပါတယ်။
WHO ထုတ်ပြန်ချက်အရ ၂၀၁၉ မှာ ရင်ကြပ်ရောဂါကြောင့် လူပေါင်း ၂၆၂ သန်းခံစားရပြီး ၄၅၅,၀၀၀ သေဆုံးထားပါတယ်။
Source: The Jerusalem Post #World_Health #ပန်းနာရင်ကြပ်ခံစားရသူများ
#YMG #Yangon_Media_Group
#World_Military
Published 6 May 2023
ရုရှားဘက်မှ အဓိကကြေးစားတပ်ဖွဲ့ကြီးဟာ ယူကရိန်းအရှေ့ဘက်မြို့ဘက်ခ်မွတ်ကနေ ဆုတ်ခွာမယ့်အကြောင်း သောကြာနေ့က ကြေညာလိုက်ပါတယ်။
ဒါပေမဲ့ လာမယ့်အပတ် ရုရှားမှာ ဒုတိယကမ္ဘာစစ်အောင်ပွဲနေ့အထိမ်းအမှတ် မပြုလုပ်မီ ဘက်ခ်မွတ်ကိုသိမ်းပိုက်ရန် အဆိုပါတပ်ဖွဲ့က နေရာပြန်လည်အားဖြည့်ဆောင်ရွက်နေတာဖြစ်ကြောင်း ယူကရိန်းဘက်က ပြောကြားလိုက်ပါတယ်။
ဝက်ဂ်နာကြေးစားအဖွဲ့ခေါင်းဆောင် 'ယက်ဗ်ဂျနီပရီဂိုဇင်'က သူ့တပ်သားတွေဟာ လက်နက်ခဲယမ်းပြတ်လပ်နေပြီး လာမယ့်ဗုဒ္ဓဟူးနေ့မှာ ဘက်ခ်မွတ်မှာရှိတဲ့ သူတို့နေရာကို ရုရှားစစ်တပ်က လွှဲပြောင်းရယူပေးဖို့မျှော်မှန်းထားကာ ဒါဟာ ဘက်ခ်မွတ်ကို အပြီးသတ်သိမ်းပိုက်ရန်ကြံနေတဲ့ ရုရှားအတွက် အထိနာစေနိုင်ပါတယ်။
"ကျွန်တော့တပ်သားတွေအနေနဲ့ လက်နက်ခဲယမ်းမရှိဘဲနဲ့ အလဟဿသေဆုံးတာမျိုး အဖြစ်မခံနိုင်ပါဘူး" လို့ ပရီဂိုဇင်က ပြောကြားလိုက်ကာ သမ္မတပူတင်နဲ့ စစ်ဘက်ခေါင်းဆောင်များထံ တပ်ဆုတ်ခွာမယ့်အကြောင်း စာရေးသားလိုက်ပါတယ်။
မေလ ၉ ရက်နေ့မှာ မြို့ကိုသိမ်းပိုက်ဖို့ ဝက်ဂ်နာအဖွဲ့ရည်မှန်းထားတာကို သိလျက်နဲ့ အစိုးရအဖွဲ့က လကနက်ထောက်ပံ့မှုတွေကို အချိန်ဆွဲထားတယ်လို့ ကြေညာခဲ့ပါတယ်။
မနာလိုဖြစ်တာနဲ့ပဲ ရုရှားပြည်သူတွေအတွက် ဘက်ခ်မွတ်အောင်ပွဲ မယူချင်ဘူးဆိုရင်လည်း ယင်းတို့ကိစ္စပင်ဖြစ်ကြောင်း ပြောကြားခဲ့ပါတယ်။
ရုရှားပိုင် RIA သတင်းဌာနရဲ့ ဖော်ပြချက်အရ ရုရှားကာကွယ်ရေးဝန်ကြီး 'ဆာဂျီရှိုဂူ'က ဝက်ဂ်နာအဖွဲ့လိုအပ်တဲ့ လက်နက်အားလုံးကို သေချာပေါက်ရရှိစေရန် လက်ထောက်ဝန်ကြီးတစ်ဦးကို ညွှန်ကြားထားပါတယ်။
ယူကရိန်းရဲ့ဒွန်ဘတ်စ်ဒေသရှိ မြို့တွေကိုသိမ်းပိုက်ရန်အတွက် ရုရှားက ဘက်ခ်မွတ်မြို့ကို အရေးကြီးနေရာအဖြစ် သတ်မှတ်ထားပေမယ့် အခုထက်ထိ ထိန်းချုပ်ဖို့ဝေးကွာနေဆဲ ဖြစ်ပါတယ်။
ဘက်ခ်မွတ်တိုက်ပွဲဟာ အပြင်းထန်ဆုံးတိုက်ပွဲဖြစ်နေပြီး နှစ်ဖက်စလုံးမှ အကျအဆုံးထောင်ပေါင်းများစွာ ရှိထားပါတယ်။
Source: Reuters #World_Military #လက်နက်ထောက်ပံ့မှုမရ #ဘက်ခ်မွတ်မြို့မှဆုတ်ခွာ
#YMG #Yangon_Media_Group
#World_Health
Published 6 May 2023
အစားအစာဟာ လူတွေရဲ့နှလုံးကျန်းမာရေးအတွက် အဓိကအခန်းကဏ္ဍမှ ပါဝင်ပေမယ့် သတင်းမှားများကြောင့် လူမှုကွန်ရက်မီဒီယာတွေမှာ အငြင်းပွားစရာများဖြစ်လာကာ မသင့်လျော်တဲ့အစားအစာတွေကို ဦးတည်လာစေပါတယ်။
DASH စားသောက်ပုံစံဟာ နှလုံးကျန်းမာရေးအတွက် အကောင်းဆုံးဖြစ်ကြောင်း အမေရိကန်နှလုံးအဖွဲ့အစည်းက ဆိုပါတယ်။
မက်ဒီတာရေးနီးယန်း၊ DASH စားသောက်ပုံစံ၊ ငါးစားသုံးခြင်းနဲ့ သက်သက်လွတ်စားသုံးခြင်းတို့ဟာ နှလုံးကျန်းမာရေးနဲ့ကိုက်ညီတယ်လို့ ဖော်ပြထားပါတယ်။
မကြာသေးမီကာလတွေမှာ စားသောက်မှုပုံစံ များပြားလာပြီး လူမှုကွန်ရက်ပေါ်က သတင်းမှားတွေဟာ စိုးရိမ်စရာအခြေအနေရောက်နေတယ်လို့ ကယ်လီဖိုးနီးယား စတန်းဖို့ဒ်တက္ကသိုလ်မှ ပရော်ဖက်ဆာ'ခရစ္စတိုဖာဂါ့ဒ်နာ'က ဖော်ပြခဲ့ပါတယ်။
နှလုံးကျန်းမာရေးအတွက် သင့်လျော်တဲ့ စားစရာနဲ့ စားသောက်ပုံစံ ၁၀ မျိုးကို ဖော်ပြပေးလိုက်ပါတယ်။
- အသီးအနှံ ဟင်းသီးဟင်းရွက်အမျိုးမျိုး
- သန့်စင်ပြီးအစေ့အဆန်အစား အကြမ်းစားသုံးခြင်း
- သမားရိုးကျဆီထက် အပင်မှရသည့်ဆီများအသုံးပြုခြင်း
- အပင်၊ ပင်လယ်စာတို့မှရသည့် ကျန်းမာရေးပရိုတိန်းများစားသုံးခြင်း
- သကြားနဲ့ဆား အတတ်နိုင်ဆုံးလျှော့ချခြင်း
- အယ်လ်ကိုဟောကန့်သတ်လျှော့ချခြင်း
- အဆင့်ဆင့်ထုပ်ပိုးထားသောစားစရာများ လျှော့ချခြင်း
စားသောက်ပုံစံအမျိုးမျိုးကို ခွဲခြားလေ့လာခဲ့ရာမှာ DASH (သွေးတိုးရပ်တန်ပေးမည့်စားသောက်ပုံစံ)နည်းလမ်းက အကောင်းဆုံးဖြစ်နေပါတယ်။
DASH စားသောက်ပုံစံက ဆား၊ သကြား၊ ဆီ၊ အရက်၊ အဆင့်ဆင့်ထုပ်ပိုးစာများ နည်းပါးစွာပါဝင်ကာ ဟင်းသီးဟင်းရွက်၊ အသီးအနှံ၊ အစေ့အဆန်၊ ပဲများ မြင့်မားစွာပါဝင်ပါတယ်။
ဒါ့အပြင် ပိုတက်ဆီယမ်၊ ကယ်လ်စီယမ်၊ မဂ္ဂနီဆီယမ်တို့ကြွယ်ဝစွာပါဝင်ကာ သွေးပေါင်ချိန်ကိုထိန်းညှိစေပါတယ်။
Source: India Today #World_Health #DASH #နှလုံးကျန်းမာရေး #အသင့်လျော်ဆုံးအစားအစာ #YMG #Yangon_Media_Group
#World_Science
Published 6 May 2023
ယနေ့ခေတ်မှာ သိပ္ပံပညာထက် ဂြိုဟ်သားအကြောင်းအရာတွေက ပိုပြီးစိတ်လှုပ်ရှားစရာကောင်းနေပါတယ်။
ဒီအကြောင်းအရာဟာ လူ့ယဉ်ကျေးမှုအဆက်ဆက်ရဲ့ စိတ်တွေမှာ ရာစုနှစ်များကြာအောင်ရှိနေခဲ့ပြီး နည်းပညာဖွံ့ဖြိုးတိုးတက်လာတာနဲ့အမျှ ဝေးလံတဲ့အာကာသနေရာများမှာ ဂြိုဟ်သားတည်ရှိမှုကိုရှာဖွေနိုင်ဖို့ အာရုံစိုက်နေကြပါတယ်။
ဒါ့အပြင် ဂြိုဟ်သားတွေဟာလည်း ကျွန်ုပ်တို့ကိုရှာဖွေနေတာဖြစ်နိုင်ပါတယ်။
ဂြိုဟ်သားတွေ ကမ္ဘာမြေပေါ်ရောက်လာရင် ဘယ်လိုဖြစ်လာနိုင်တယ်ဆိုတာလည်း အလွန်စိတ်ကူးယဉ်ဆန်နေကြပါတယ်။
ဂြိုဟ်သားတွေက မိုဘိုင်းတာဝါအချက်ပြမှုများအသုံးပြုပြီး ကျွန်ုပ်တို့ကိုရှာဖွေနိုင်ဖွယ်ရှိတယ်လို့ သိပ္ပံနည်းကျလေ့လာမှုမှာ ဆိုထားပါတယ်။
မိုဘိုင်းဖုန်းများက ကမ္ဘာပေါ်ရှိ သန်းပေါင်းများစွာသောလူတွေရဲ့ ဘဝအစိတ်အပိုင်းဖြစ်နေပါတယ်။
မိုဘိုင်းဖုန်းကွန်ရက်များအတွက် ရေဒီယိုထုတ်လွှင့်မှုတာဝါတိုင်အများအပြား လိုအပ်ပါတယ်။
ကမ္ဘာမြေမှ ရေဒီယိုအချက်ပြချက်အားလုံးရဲ့ တစ်စိတ်တစ်ပိုင်းက အာကာသထဲသို့ပေါက်ကြားတတ်ပါတယ်။
စစ်ဘက်ဆိုင်ရာရေဒါများမှလှိုင်းများဟာ ကမ္ဘာမြေမှ အဓိကရေဒီယိုလှိုင်းစိမ့်ထွက်ရာနေရာ ဖြစ်နေဆဲဖြစ်ပြီး ဆဲလ်စွမ်းအင်ကွန်ရက်တွေက ဒုတိယအများဆုံးနေရာသို့ ရောက်ရှိလာပါတယ်။
ဆဲလ်တာဝါတစ်ခုချင်းစီက ရေဒီယိုထုတ်လွှင့်မှု ၁၀၀ - ၂၀၀ ဝပ်ရှိကာ ကမ္ဘာဂြိုဟ်ပေါ်မှာ မိုဘိုင်းတာဝါပေါင်းများစွာတည်ရှိတာကြောင့် ရေဒီယိုအချက်ပြထုတ်လွှင့်မှု ဂစ်ဂါဝပ်အနည်းငယ်မျှဟာ အာကာသထဲသို့ဖြာထွက်သွားပါတယ်။
ဂြိုဟ်သားတွေမှာ ခေတ်မီဆန်းပြား မနက်ဖန်၁၀တဲ့ စွမ်းရည်တွေရှိပါက လာမယ့်အလင်းနှစ်တစ်ဒါဇင်ခန့်အတွင်း ကမ္ဘာမြေမှ ရေဒီယိုယိုစိမ့်မှုကို သိရှိနိုင်ဖွယ်ရှိပါတယ်။
Source: WION #World_Science #မိုဘိုင်းဖုန်းတာဝါ #ရေဒီယိုလှိုင်း #ဂြိုဟ်သား
#YMG #Yangon_Media_Group
Page 361 of 777