#World_Health
Published 15 May 2023
အခွံမာသီးတွေဟာ စားသမျှထဲမှာ အာဟာရအရှိဆုံးအရာတွေဖြစ်ပါတယ်။
ကျန်းမာရေးနဲ့ညီညွတ်တဲ့ အဆီတွေပါဝင်ကာ နှလုံးအတွက်မရှိမဖြစ်ဖြစ်တဲ့အပြင် မကောင်းတဲ့ကိုလက်စ်ထရောလ်ကိုလျှော့ချပေးပြီး ဆံပင်ဖွံ့ဖြိုးခြင်းနဲ့ အသားအရည်အားဖြည့်ခြင်းတို့အတွက် အထောက်အပံ့ဖြစ်စေပါတယ်။
အားအင်ကုန်ခမ်း ပင်ပန်းနွမ်းနယ်တာဟာ သံဓာတ်နည်းပါးနေတာကြောင့် ဖြစ်နိုင်ပါတယ်။
အာယုဗေဒဆရာဝန် ဒေါက်တာ'ဒီဆာဘက်ဗ်ဆာဆာဗာလီယာ'က ခန္ဓာကိုယ်ထဲက သံဓာတ်ကိုတိုးများစေကာ တစ်နေ့လုံးအားအင်ရှိစေမယ့် အခွံမာသီးတွေအကြောင်း အင်စတာဂရမ်မှာ ဝေမျှခဲ့ပါတယ်။
- ဗာဒံစေ့
ဗာဒံစေ့မှာ ပရိုတိန်း၊ အမျှင်ဓာတ်၊ ဗိုက်တာမင်-အီး၊ ကယ်လ်စီယမ်၊ ကြေးနီ၊ မဂ္ဂနီဆီယမ်၊ ရိုင်ဘိုဖလေဗင်၊ သံဓာတ်၊ ပိုတက်ဆီယမ်၊ ဇင့်၊ ဗိုက်တာမင်-ဘီတို့ ကြွယ်ဝစွာပါဝင်ပါတယ်။
ကိုလက်စ်ထရောလ်လျှော့ချပေးခြင်း၊ သွေးပေါင်ချိန်ထိန်းညှိပေးခြင်း၊ သွေးတွင်းသကြားဓာတ်ကိုထိန်းသိမ်းကာ မှတ်ဉာဏ်တိုးတက်စေခြင်း၊ ကင်ဆာကာကွယ်ပေးခြင်းတို့ ပြုလုပ်ပေးပါတယ်။
- စွန်ပလွံ
စွန်ပလွံတွေက ဆယ်လီနီယမ်၊ မန်ဂန်နိစ်၊ မဂ္ဂနီဆီယမ်၊ ကြေးနီစတဲ့ အာဟာရဓာတ်များကြွယ်ဝပါတယ်။
ချက်ချင်းအားဖြည့်ပေးခြင်း၊ အသားအရည်ကောင်းမွန်စေခြင်း၊ အိပ်မပျော်ခြင်းကိုသက်သာစေခြင်း၊ အရိုးအတွက်ကောင်းစေခြင်းတို့ ပေးစွမ်းနိုင်ပါတယ်။
- အစိမ်းဖျော့ရောင်အခွံမာသီး
ကျန်းမာရေးနဲ့ညီညွတ်တဲ့အဆီ၊ အမျှင်ဓာတ်၊ ပရိုတိန်း၊ ဗိုက်တာမင်-ဘီ၆၊ သိုင်ယာမင်းတို့ ကြွယ်ဝစွာပါဝင်ပါတယ်။
အိပ်စက်ခြင်း၊ မျက်လုံးကျန်းမာရေး၊ အူလမ်းကြောင်းကျန်းမာရေးတို့အတွက် ကောင်းမွန်စေကာ အူမကြီးကင်ဆာဖြစ်နိုင်ချေကို လျှော့ချပေးနိုင်ပါတယ်။
- သစ်ကြားသီး
ဓာတ်တိုးဆန့်ကျင်ပစ္စည်းများကြွယ်ဝကာ ရောင်ရမ်းခြင်းကိုလျှော့ချပေးပြီး အူလမ်းကြောင်းကျန်းမာရေးနဲ့ မှတ်ဉာဏ်ကိုတိုးတက်စေတဲ့ အိုမီဂါ၃ဖက်တီးအက်ဆစ်များစွာ ပါဝင်ပါတယ်။
အမြဲတမ်းလေ့ကျင့်ခန်းပြုလုပ်ပြီး ကျန်းမာသန်စွမ်းနေတဲ့လူဆိုရင် အခွံမာသီးကြေညက်နေစေဖို့အတွက် နေ့စဉ်လက်တစ်ဆုပ်စာ စားပေးသင့်တယ်လို့ ဖော်ပြထားပါတယ်။
အလွန်အကျွံစားသုံးရင်တော့ အစာမကြေဖြစ်နိုင်ပြီး ဝမ်းဗိုက်မအီမသာဖြစ်ခြင်း၊ နှလုံးပြဿနာ၊ ဝမ်းပျက်ခြင်း၊ ကိုယ်အလေးချိန်တက်ခြင်းတို့ ဖြစ်နိုင်ပါတယ်။
Source: India Today #World_Health #သံဓာတ်မြှင့်တင်ပေးနိုင်မည့်အခွံမာသီး(၅)မျိုး
#YMG #Yangon_Media_Group
Published 14 May 2023
ထိုင်းနိုင်ငံရဲ့ အထွေထွေရွေးကောက်ပွဲကို ယနေ့ မေလ ၁၄ ရက် တနင်္ဂနွေနေ့မှာ စတင်ကျင်းပနေပြီဖြစ်ပါတယ်။ ဝေဖန်မှုတွေခံနေရတဲ့ လက်ရှိ ဝန်ကြီးချုပ် ပရာရွတ်ချန်အိုချာဦးဆောင်တဲ့ အစိုးရရဲ့ ကံကြမ္မာကို ယခုရွေးကောက်ပွဲက ဆုံးဖြတ်ပေးပါလိမ့်မယ်။
ဘန်ကောက်စံတော်ချိန်မနက်၈နာရီကစပြီး မဲရုံတွေစတင်ဖွင့်လှစ်ခဲ့တဲ့အခါ ရွေးကောက်ပွဲအရာရှိတွေက မဲလာပေး မယ့်သူတွေ များပြားလိမ့်မယ်လို့ ကြိုတင်ခန့်မှန်းခဲ့ကြပါတယ်။ ထိုင်းနိုင်ငံရဲ့ လွှတ်တော်နှစ်ရပ်စနစ်အတွက် မဲပေးခွင့်ရှိသူ ၅၂သန်းက လွှတ်တော်အမတ် ၅၀၀ကိုရွေးချယ်မဲပေးကြပါလိမ့်မယ်။ မဲပေးသူတစ်ဦးဟာ မဲပြားနှစ်ခုပေးစရာလိုပြီး တစ်ခုက မဲဆန္ဒနယ်အလိုက်ကိုယ်စားလှယ်လောင်းကိုပေးဖို့ဖြစ်ပြီး နောက်တစ်ခုက ပါတီအလိုက်စာရင်းလုပ်ထားတဲ့ လွှတ်တော်အမတ်တွေကိုမဲပေးရွေးချယ်ရမှာဖြစ်ပါတယ်။
ဝန်ကြီးချုပ်ရာထူးအတွက် ကိုယ်စားလှယ်လောင်း (၃)နေရာပြိုင်ထားတဲ့ အတိုက်အခံဖြူထိုင်းပါတီ Pheu Thai က အနည်းဆုံး လုပ်ခလစာတွေတိုးမြှင့်ဖို့၊လူမှုဖူလုံရေးငွေကြေးတွေပံ့ပိုးဖို့၊စစ်တပ်ကို နိုင်ငံရေးကထုတ်ပယ်ဖို့ ဆိုတာတွေတောင်းဆိုထား ပြီး လက်ရှိမှာ ဦးဆောင်နေတယ်လို့ စစ်တမ်းများအရသိရပါတယ်။
အဲဒီဖြူထိုင်းပါတီမှာ ဝန်ကြီးချုပ်ဟောင်း သက်ဆင်ရှင်နာဝါထရာရဲ့ သမီးအငယ်ဆုံး အသက်၃၆နှစ်အရွယ် ပေတွန်တမ်က ဝန်ကြီးချုပ်လောင်းအဖြစ်စာရင်းသွင်းထားပါတယ်။အဲဒီအပြင် အသက်၅၉နှစ်အရွယ် အိမ်ခြံမြေလုပ်ငန်းသူဋ္ဌေးကြီး ဆရက်သာ သာဝီဇင်ကလည်း နောက်ထပ်ဝန်ကြီးချုပ်လောင်းအဖြစ် အတူတူယှဉ်ပြိုင်ကြမှာဖြစ်ပါတယ်။သက်ဆင်ရဲ့ သမီးငယ်က လူငယ်တွေအကြားရေပန်းစားနေပါတယ်။
ထိုင်းနိုင်ငံဟာ စည်းမျဉ်းခံဘုရင်စနစ်နှင့် ပါလီမန်စနစ်ကျင့်သုံးပါတယ်။ ရွေးကောက်ပွဲကိုလေးနှစ်တစ်ကြိမ်ကျင်းပပြီး ၂၀၁၉ခုနှစ်က နောက်ဆုံးရွေးကောက်ပွဲကျင်းပခဲ့တာဖြစ်ပါတယ်။
ဆက်လက်ဖတ်ရှုရန်-
✅Website>>>>
✅Telegram>>>>>
Source WION
#ထိုင်းနိုင်ငံရွေးကောက်ပွဲ
#ဝန်ကြီးချုပ်ပရာရွတ်ချန်အိုချာ
#YangonMediaGroup
#World_Science
Published 14 May 2023
စွန့်ပစ်ပစ္စည်းပြန်လည်အသုံးချခြင်းအတွက် အဖိုးတန်နည်းလမ်းတစ်ခုကို တွေ့ရှိထားပြီဖြစ်ပါတယ်။
လျော့နည်းတဲ့အပူချိန်ထဲမှာ ပလတ်စတစ်တွေကို ဖြိုခွဲချေဖျက်နိုင်တဲ့ အဏုဇီဝဘက်တီးရီးယားတစ်မျိုးကို သိပ္ပံပညာရှင်များ ရှာဖွေတွေ့ရှိခဲ့ပါတယ်။
အဏုဇီဝသက်ရှိအများအပြားက ဒီလိုဖြိုခွဲနိုင်တယ်လို့ တွေ့ရှိပြီးသားဖြစ်ပေမယ့် ၃၀ ဒီဂရီဆဲလ်စီးယပ်စ်ကျော်မှ လုပ်နိုင်ပါတယ်။
ဆွစ်ဖက်ဒရယ်အင်စတီကျုWSLမှ သိပ္ပံပညာရှင်များက အပူချိန် ၁၅ ဒီဂရီဆဲလ်စီးယပ်စ်မှာ ပလတ်စတစ်တွေကို ချေဖျက်နိုင်တဲ့ အဏုဇီဝပိုးမွှားတွေကို တွေ့ရှိခဲ့ကာ စွန့်ပစ်ပစ္စည်းပြန်လည်အသုံးချခြင်းမှာ တိုးတက်နိုင်မယ်လို့ သိရပါတယ်။
ဒေါက်တာ'ဂျိုရယ်ရူသီ'နဲ့အဖွဲ့က ဘက်တီးရီးယား ၁၉ မျိုးနဲ့ မှိုမျိုးကွဲ ၁၅ မျိုးတို့ကို ဂရင်းလန်း၊ ဆဗယ်ဘာ့၊ ဆွစ်ဇာလန်တို့မှာ တစ်နှစ်ကြာအောင် မြေမြှုပ်ထားခဲ့တဲ့ ပလတ်စတစ်တွေပေါ်မှာ ထားရှိခဲ့ပါတယ်။
အဏုဇီဝပိုးမွှားတွေကို ဓာတ်ခွဲခန်းအမှောင်ထဲမှာ ၁၅ ဒီဂရီဆဲလ်စီးယပ်စ်ဖြင့် ကြီးထွားစေခဲ့ကာ ပလတ်စတစ်အမျိုးမျိုးကို ချေဖျက်နိုင်ခြင်းရှိ/မရှိ စမ်းသပ်ခဲ့ကြပါတယ်။
စမ်းသပ်တဲ့ပလတ်စတစ်တွေကတော့ ဇီဝနည်းအရမပြိုကွဲနိုင်တဲ့ ပိုလီအီသလင်း၊ ပြိုကွဲနိုင်တဲ့ ပိုလီအက်စ်တာ-ပိုလီယူရီသိန်းအပြင် ပိုလီဗျူတိုင်လင်းအက်ဒီပိတ်တယ်ရက်သာလိတ်နဲ့ ပိုလီလက်တစ်အက်ဆစ်တို့လည်း ပါဝင်ပါတယ်။
ပလတ်စတစ်တွေပေါ်မှာ ၁၂၆ ရက်ထားပြီးနောက် ဘယ်ပိုးမွှာကမှ ပိုလီအီသလင်းကို မဖြိုခွဲနိုင်ခဲ့ပါဘူး။
မျိုးကွဲ ၁၉ မျိုးကတော့ အချို့သောပလတ်စတစ်တွေကို ၁၅ ဒီဂရီဆဲလ်စီးယပ်စ်မှာ ချေဖျက်နိုင်တာတွေ့ရပါတယ်။
အယ်လ်ပိုင်းနဲ့ အာတိတ်မြေတို့မှ မူလအဏုဇီဝတက်ဆာက ၁၅ ဒီဂရီမှာ ပလတ်စတစ်ကိုဖြိုခွဲနိုင်တာကိုတွေ့ရပါတယ်။
ဒီပိုးမွှားတွေဟာ ပလတ်စတစ်စွန့်ပစ်ပစ္စည်းပြန်လည်အသုံးချခြင်းလုပ်ငန်းစဉ်တွေမှာ အကုန်အကျသက်သာစေမှာဖြစ်ပါတယ်။
စမ်းသပ်မျိုးကွဲအများစုက အနည်းဆုံးတော့ ပလတ်စတစ်တစ်မျိုးကို ဖြိုခွဲနိုင်ခဲ့တာဖြစ်ပါတယ်။
အပင်ဆဲလ်နံရံဖြိုခွဲရာမှာ ပါဝင်တဲ့ ပိုလီမာဖြိုခွဲအင်ဇိုင်းတွေကို အဏုဇီဝပိုးမွှားတွေက ထုတ်လုပ်ပေးကြောင်း ဒေါက်တာ'ဘိဖရေး'က ရှင်းပြခဲ့ပါတယ်။
Source: WION #World_Science #ပလတ်စတစ်များကိုချေဖျက်နိုင် #အဏုဇီဝပိုးမွှား
#YMG #Yangon_Media_Group
Published 14 May 2023
အမေရိကန်ပြည်ထောင်စုရဲ့ နံပါတ်(၂) သံတမန်တစ်ဦးဖြစ်တဲ့ လက်ထောက် နိုင်ငံခြားရေဝန်ကြီး ဝင်ဒီရှာမန်းဟာ ဝါရှင်တန်မှာရှိတဲ့ နိုင်ငံခြားရေးဝန်ကြီးဌာနမှာ ဆယ်စုနှစ်သုံးစုအထိ တာဝန်ထမ်းဆောင်ခဲ့ပြီးနောက် လာမယ့်ဇွန်လကုန် မှာ အနားယူတော့မယ်လို့ ကြေညာလိုက်ပါတယ်။
ရှာမန်းဟာ အမေရိကန်လက်ထောက်နိုင်ငံခြားရေးဝန်ကြီးတာဝန်ကို အမျိုးသမီးတွေထဲမှာ ပထမဆုံးထမ်းဆောင်တာပါ။ သူဟာ ဘိုင်ဒင်အစိုးရနှင့် တရုတ်နှင့်သံတမန်ဆက်ဆံရေးကို ဦးဆောင်ခဲ့ပြီး ရုရှားနှင့် မအောင်မြင်ခဲ့တဲ့ ဆွေးနွေးပွဲကို ဦးဆောင်ခဲ့သူလည်းဖြစ်ပါတယ်။
ရှာမန်းဟာ အမျိုးသမီးတွေအတွက် အတားအဆီးတွေကို ဖောက်ထွက်နိုင်ခဲ့သူဖြစ်ပြီး ကျွန်တော်တို့ရဲ့ခေတ်မှာ အခက်ခဲဆုံး နိုင်ငံခြားရေးမူဝါဒရဲ့ စိန်ခေါ်မှုတွေထဲက အချို့ကို လုပ်ဆောင်ခဲ့သူဖြစ်တယ်လို့ နိုင်ငံခြားရေးဝန်ကြီး အန်တိုနီဘလင်ကန်က ချီးကျူးပြောဆိုပါတယ်။
“ ကျွန်တော်တို့နိုင်ငံဟာ သူမရဲ့ ခေါင်းဆောင်မှုကြောင့်ပိုပြီးလုံခြုုံစိတ်ချလာရတယ်။ မိတ်ဖက်ဖွဲ့စည်းမှုတွေလည်း သန်စွမ်းခဲ့တယ်” လို့ ဘလင်ကန်က ပြောပါတယ်။
၂၀၂၁ခုနှစ်မှာ အစိုးရထဲရောက်ပြီးနောက် သူမရဲ့ နောက်ဆုံးတာဝန်က ပထဝီနိုင်ငံရေးဒီရေတွေကို ရွှေ့ပစ်ခဲ့တာဖြစ်တယ် လို့ သူမက အာဖဂန်ကနေ အမေရိကန်တပ်တွေရုပ်သိမ်းခဲ့တာ၊တရုတ်နှင့်ယှဉ်ပြိုင်မှုမြင့်တက်ခဲ့တာနှင့် ယူကရိန်းစစ်ပွဲတွေကို ထောက်ပြကိုးကားပြီး ရှာမန်းက နိုင်ငံခြားရေးဌာနဝန်ထမ်းတွေကို သူမရဲ့အသိပေးကြေညာ ချက်ထဲမှာ ထည့်သွင်းရေးသားထားပါတယ်။
Source Reuters
#အမေရိကန်လက်ထောက်နိုင်ငံခြားရေးဝန်ကြီးဝင်ဒီရှာမန်း
#ဝင်ဒီရှားမန်းတာဝန်မှအနားယူ
#YangonMediaGroup
#World_Cyber
Published 13 May 2023
အမေရိကန်ရဲ့ ဆိုက်ဘာတိုက်ခိုက်မှုတွေဟာ အခြားနိုင်ငံများရဲ့ အချုပ်အခြာအာဏာကို ချိုးဖောက်ရာကျပြီး ကမ္ဘာကြီးကိုခြိမ်းခြောက်နေတဲ့ အချိုးမညီစစ်ပွဲအရိပ်အယောင်ဖြစ်ကြောင်း ထိုင်းအမျိုးသားကာကွယ်ရေးကောလိပ်ဥက္ကဌဟောင်း 'ဆူရာဆစ်ထနာဒန်'က ပြောကြားလိုက်ပါတယ်။
#World_Cyber #အမေရိကန်ဆိုက်ဘာတိုက်ခိုက်မှု #ထိုင်းပညာရှင်တစ်ဦးထုတ်ဖော်
#YMG #Yangon_Media_Group
#Daily_News
Published_ 13 May 2023
၁။ မုန်တိုင်းသက်ရောက်မှုရှိချိန်များတွင် ရန်ကုန်မြစ်တွင်းရှိသဗ္ဗာန်များ မောင်းနှင်ခြင်းယာယီရပ်နားရန်ရှိဟုဆို
၂။ လေပြင်းတိုက်ခတ်သဖြင့် ပန်းဆိုးတန်း-ဒလ သင်္ဘောများသွားလာမှုခေတ္တရပ်တန့်
၃။ စက်သုံးဆီနှုန်းဈေး 92 တစ်လီတာ ၁၉၁၀ ကျပ်ဖြင့် အကျပိုင်းရောက်နေ
၄။အမေရိကန်ဆိုက်ဘာတိုက်ခိုက်မှုများသည် အခြားနိုင်ငံများ၏ အချုပ်အခြာအာဏာကိုချိုးဖောက်ရာကျကြောင်း ထိုင်းပညာရှင်တစ်ဦးထုတ်ဖော် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
#World_Science
Published 14 May 2023
စထရက်တိုစဖီးယားလို့ခေါ်တဲ့ ကမ္ဘာအပေါ်ပိုင်းလေထုကနေ မူလဇာစ်မြစ်လုံးဝမသိရတဲ့ အသံထူးထူးဆန်းဆန်းတစ်ခုကို သိပ္ပံပညာရှင်တွေ တွေ့ရှိခဲ့ကြပါတယ်။
အမေရိကန် ဆန်ဒီယာအမျိုးသားဓာတ်ခွဲခန်းမှ သုတေသီအဖွဲ့လွှတ်တင်လိုက်တဲ့ မိုက်ခရိုဖုန်းပါဝင်တဲ့ ၆-၇ မီတာရှိ ဆိုလာပူဖောင်းကြီးဖြင့် ထိုအသံကိုမှတ်တမ်းတင်ရရှိခဲ့တာဖြစ်ပါတယ်။
ကမ္ဘာဂြိုဟ်မှအထက် ၃၁ မိုင်ခန့်ရှိ အဆိုပါစထရက်တိုစဖီးယားအလွှာမှာ အတော်လေးငြိမ်သက်နေပြီး မုန်တိုင်းများ၊ လှိုင်းထန်ခြင်းများ၊ လေကြောင်းသွားလာရေးများ ကင်းစင်နေပါတယ်။
ဒါပေမဲ့ တစ်နာရီကို အကြိမ်အနည်းငယ်ခန့်ဖြင့် ထပ်ခါထပ်ခါလွှင့်နေတဲ့ မိုက်ခရိုဖုန်းကနေ လျှို့ဝှက်ဆန်းကြယ်တဲ့အသံတွေကို ကြားလိုက်ရတဲ့အခါမှာတော့ သိပ္ပံပညာရှင်တွေ အံ့ဩခဲ့ရပါတယ်။
ဖမ်းယူရရှိခဲ့တဲ့အသံတွေဟာ ကြိမ်နှုန်းအကွာအဝေး ၂၀ ဟတ်ဇ်နဲ့အောက်မှာရှိပြီး လူတွေမကြားနိုင်တဲ့အသံမျိုးဖြစ်ကာ အရင်းအမြစ်ကို မထုတ်ဖော်နိုင်သေးပါဘူး။
"အချို့သောပျံသန်းမှုတွေမှာ တစ်နာရီကို အကြိမ်အနည်းငယ်ဖြစ်ပေါ်တဲ့ အသံလှိုင်းဆိုင်ရာအချက်ပြမှုများရှိနေပေမယ့် အရင်းအမြစ်ကိုလုံးဝမသိရသေးဘူး" လို့ ဒန်နီယယ်ဘိုးမန်းက ထုတ်ပြန်ခဲ့ပါတယ်။
သုတေသီအဖွဲ့က ကြိမ်နှုန်းနိမ့်အသံများကို ထောက်လှမ်းနိုင်တဲ့ မိုက်ခရိုဘာရိုမီတာလို့ခေါ်တဲ့ အသံစုစည်းကိရိယာကို အသုံးပြုခဲ့တာဖြစ်ပြီး အစပိုင်းက မီးတောင်များကိုစောင့်ကြည့်ရန် ထုတ်လုပ်ထားတာဖြစ်ပါတယ်။
ဒီအာရုံခံကိရိယာတွေကို ဈေးသက်သာပြီးသာမန်ကျတဲ့ပစ္စည်းများဖြင့်တည်ဆောက်ထားတဲ့ မိုးပျံပူဖောင်းများဖြင့် အမြင့်ကိုသယ်ဆောင်သွားတာဖြစ်ပါတယ်။
ထိုဆိုလာပူဖောင်းတွေကို နေရောင်ခြည်ဖြင့် စွမ်းအင်ပေးထားကာ ကမ္ဘာမြေပြင်အထက် ပေ ၇ သောင်းအမြင့်သို့ တက်ရောက်နိုင်စွမ်းရှိပါတယ်။
ယင်းတို့က ကီလိုမီတာရာနဲ့ချီ ပျံသန်းနိုင်ကာ တည်နေရာရှာဖွေရန်ခက်ခဲတဲ့နေရာများသို့ ကျရောက်နိုင်တာကြောင့် GPS များသုံးပြီး ခြေရာခံခဲ့ပါတယ်။
ပူဖောင်းတွေက အလွန်ကြီးမားတဲ့ပူဖောင်းအိတ်ကြီးတွေဖြစ်ပြီး မှောင်မည်းနေစေဖို့ အထဲမှာမီးသွေးမှုန့်များ ထည့်သွင်းထားကြောင်း ဘိုးမန်းရဲ့ထုတ်ပြန်ချက်ကို CNN ကဖော်ပြထားပါတယ်။
နေထွက်လာတဲ့အခါ အထဲကလေက ပူတက်လာကာ လွင့်မြောနေစေမှာဖြစ်ပါတယ်။
ဆိုလာပူဖောင်းတွေက ကြိမ်နှုန်းနိမ့်အသံများကို မှတ်တမ်းတင်နိုင်ပေမယ့် သုတေသီများအတွက် စိန်ခေါ်မှုတွေလည်း ရှိနေပါသေးတယ်။
စထရာတိုစဖီးယားဟာ အပူနဲ့အအေးကြား အပူချိန်အတက်အကျကြမ်းတမ်းတဲ့ အနေအထားမှာရှိပါတယ်။
ဆိုလာပူဖောင်းတွေက နည်းနည်းနှေးကွေးပြီးတော့ အဲဒါတွေကို လွှတ်တင်ဖို့ကြိုးစားတဲ့အခါ ချုံပုတ်တွေပေါ်မှာ ပျက်သွားခဲ့တယ်လို့ ပြောပြခဲ့ပါတယ်။
Source: WION #World_Science #လျှို့ဝှက်ဆန်းကြယ်သည့်အသံ #ကမ္ဘာ့လေထုအပေါ်လွှာ
#YMG #Yangon_Media_Group
Page 356 of 777