#World_Health
Published_ 22 May 2023
နားအပြင်ဘက်နေရာမှာ ဖောက်ခြင်းဖြင့် အစာစားချင်စိတ်ကို လျှော့ချပေးကာ ကိုယ်အလေးချိန်ကျစေပြီး BMI လျော့ကျစေနိုင်ကြောင်း ဂျပန်မှသုတေသီများက ဆိုပါတယ်။
ဒီလေ့လာမှုမှာ နားကိုအပ်ဖြင့်ဖောက်တာမဟုတ်ဘဲ သတ္တုစေ့လေးတွေကို ခွဲစိတ်ရေးတိပ်ဖြင့် နားအပြင်ဘက်မှာ ကပ်ရတာဖြစ်ပါတယ်။
စားချင်စိတ်ကိုထိန်းချုပ်ပေးတဲ့ အာရုံကြောတွေ အင်္ဂါတွေကို လှုံ့ဆော်ပေးတဲ့ နားအပြင်ဘက်ရှိ အမှတ်အသား ၆ နေရာမှာ သတ္တုအစေ့လေးတွေကို ကပ်ရတာဖြစ်ပြီး ထူးထူးခြားခြားကျွမ်းကျင်မှုတွေမလိုအပ်ဘူးလို့ တိုကျိုရှိ Clinic F မှ ဒေါက်တာ'တာကာဟီရိုဖူဂျီမိုတို'က ပြောကြားခဲ့ပါတယ်။
ဂျပန်မှာ ဒီလိုနည်းလမ်းဖြင့် ကိုယ်အလေးချိန်ချလာကြတာ နှစ်ပေါင်း ၃၀ ကျော်လာပြီဖြစ်ပါတယ်။
ကိုယ်အလေးချိန်များလွန်းတဲ့ အမျိုးသား ၈၁ ဦးကို လေ့လာခဲ့ကြရာ နားနှစ်ဖက်စလုံးမှာ သတ္တုအစေ့လေးတွေကပ်ထားရုံမက အစားအသောက်မှတ်တမ်းပြုစုရကာ တဝက်လျှော့ချစားသုံးရပါတယ်။
၃ လကြာပြီးနောက် အမျိုးသားတွေဟာ ခါးအတိုင်း ပျမ်းမျှအားဖြင့် ၄ လက်မလျော့ကျသွားပြီး ခန္ဓာကိုယ်အဆီ ၄ ရာခိုင်နှုန်းလျော့ကျသွားပါတယ်။
ဒါ့အပြင် BMI ကတော့ ပျမ်းမျှအားဖြင့် ၃ မှတ်နီးပါးကျဆင်းသွားခဲ့ပါတယ်။
ဒါဟာ အဆိုပါကုထုံးကြောင့် ကိုယ်အလေးချိန်ကျသွားတယ်ဆိုတာတော့ အတိအကျသက်သေမပြနိုင်ပါဘူး။
စားသောက်မှု၊ လေ့ကျင့်ခန်းပြုလုပ်ခြင်းတို့နဲ့ တွဲလုပ်ပါက နားဖောက်ကုသခြင်းက ကိုယ်အလေးချိန်ကျစေဖို့ အကူအညီဖြစ်စေနိုင်ကြောင်း၊ စားချင်စိတ်ထိန်းချုပ်ခြင်း၊ အစာကြေခြင်း၊ ဇီဝဖြစ်စဉ်မှုမြှင့်တင်ခြင်းတို့ ဖြစ်ပေါ်စေနိုင်ကြောင်း ဖူဂျီမိုတိုကပြောပြခဲ့ပါတယ်။
နားမှာသတ္တုစေ့ကပ်ခြင်းဖြင့် ဟော်မုန်းစနစ်ထိန်းညှိပေးခြင်း၊ စားချင်စိတ်လျှော့ချပေးခြင်း၊ ဇီဝဖြစ်စဉ်ဖြစ်ပျက်မှုနှုန်းထိန်းညှိပေးခြင်းတို့မှာ အကူအညီဖြစ်စေပါတယ်။
အပ်စိုက်ခြင်းနည်းလမ်းကို အာရှမှာ ရာစုနှစ်တွေကြာအောင် အသုံးပြုလာပြီးဖြစ်ကာ အစာခြေရောဂါ၊ လိင်မှုပြဿနာ၊ ဆေးစွဲခြင်း၊ အဆစ်အမြစ်နာခြင်း၊ ခေါင်းကိုက်ခြင်းနဲ့ အခြားပြဿနာများအတွက် အသုံးပြုကြပါတယ်။
ထိုနည်းလမ်းဖြင့် လိင်စွမ်းအင်ကုန်ခန်းနေတဲ့အမျိုးသမီးများ၊ ကိုဗစ်ဝေဒနာခံစားနေရသူများကို သက်သာစေကာ ငိုက်မျဉ်းနေသူများအတွက် အမြန်ဆုံးနိုးကြွမှုပေးနိုင်ပါတယ်။
Source: NY Post.
#World_Health ##နားအပြင်ဘက်နေရာ #သတ္တုအစေ့ငယ်ကပ်ခြင်း #ကိုယ်အလေးချိန်လျှော့ချနိုင်ဖွယ်ရှိ
#YMG #Yangon_Media_Group
Published 21 May 2023
တရုတ်နိုင်ငံ ရှန်စီတီးမှာ ကျင်းပခဲ့တဲ့ တရုတ်နှင့် အလယ်အာရှထိပ်သီးဆွေးနွေးပွဲမှာ တရုတ်နိုင်ငံနှင့် အလယ်အာရှနိုင်ငံ (၅)နိုင်ငံတို့ဟာ ကြေညာစာတမ်းတစ်ခုကိုလက်မှတ်ရေးထိုးလိုက်ကြပြီး ကျယ်ပြန့်တဲ့ဆက်ဆံရေးတွေမြှင့်တင်ကြဖို့ သဘောတူခဲ့ကြတယ်လို့သိရပါတယ်။
တရုတ်သမ္မတရှီကျင့်ဖျင်နှင့် အလယ်အာရှ(၅)နိုင်ငံက သမ္မတတွေဟာ တရုတ်နိုင်ငံအနောက်မြောက်ပိုင်းက ရှန်ရှီပြည်နယ် မြို့တော်မှာ ကျင်းပတဲ့ တရုတ်-အလယ်အာရှထိပ်သီးအစည်းအဝေးအပြီးမှာ ရှန်ကြေညာစာတမ်းကို လက်မှတ် ရေးထိုးခဲ့ကြတာဖြစ်ပါတယ်။
တရုတ်နှင့် အလယ်အာရှနိုင်ငံတွေအကြား ပူးပေါင်းဆောင်ရွက်မှုဟာ ဘက်ပေါင်းစုံအကျိုးဖြစ်ထွန်းမှုရှိတယ်လို့ ကြေညာ စာတမ်းမှာ ဂုဏ်ပြုဖော်ပြထားပါတယ်။ ခေါင်းဆောင်တွေဟာ နှစ်ဘက်အကြား တူညီမျှဝေတဲ့အနာဂတ်တစ်ခုအတွက် အသို်ကအဝန်းတစ်ခုတည်ထောင်ဖို့ သဘောတူခဲ့ကြပါတယ်။
Source CCTV+
#YangonMediaGroup
#တရုတ်-အလယ်အာရှထိပ်သီးအစည်းအဝေး
#တရုတ်နိုင်ငံရေး
Published 21 May 2023
ယူကရိန်းနိုင်ငံအရှေ့ပိုင်း အချက်အချာကြသည့် ဘက်ခ်မွတ်မြို့ကို အပြည့်အဝသိမ်းပိုက်လိုက်ပြီလို့ ရုရှားက မေလ ၂၀ရက်က ကြေညာလိုက်တယ်လို့ ရိုက်တာသတင်းဌာနက သတင်းဖော်ပြပါတယ်။ ဒါဟာ ၁၅လကြာစစ်ပွဲမှာ အရှည်ကြာဆိုးနှင့် သေကြေမှုအများဆုံးစစ်ပွဲတစ်ခု အဆုံးသတ်တော့မယ့် အခြေအနေလည်းဖြစ်ပါတယ်။
ရုရှားရဲ့ ကြေးစားတိုက်ခိုက်ရေးအဖွဲ့ ဝက်ဂ်နာအုပ်စုရဲ့ ခေါင်းဆောင် ယက်ဂင်နီ ပရီဂိုရှင်းက သူ့တပ်တွေဟာ မြို့ထဲမှာ နောက်ဆုံးတပ်စွဲထားတဲ့ ယူကရိန်းစစ်သားတွေကို အပြင်သို့ တွန်းထုတ်လိုက်နိုင်ခဲ့ပြီလို့ ပြောကြားခဲ့ပါတယ်။
“ ယနေ့ မွန်းတည့် ၁၂နရီမှာ ဘက်ခ်မွန်ကို အပြည့်အဝရယူလိုက်ပါပြီ။ မြို့တစ်ခုလုံးကို အပြီးသတ်ရယူလိုက်ပါပြီ၊ အိမ်တစ်ခုချင်းစီအလိုက်” လို့ ပရီဂိုရှင်းက ရုရှားအလံနှင့် ဝက်ဂ်နာအမှတ်တံဆိပ်တွေကိုင်ထားတဲ့ တိုက်ခိုက်ရေး သမားတွေရဲ့ရှေ့ကနေ ရုပ်သံပြောကြားခဲ့ပါတယ်။
ရုရှားသမ္မတ ဗလာဒီမာပူတင်က ဘက်ခ်မွတ်သိမ်းပိုက်နိုင်ခြင်းအတွက် တပ်တွေကို ချီးကျုးလိုက်ပြီး ထူးချွန်တဲ့သူတွေကို ဆုတွေချီးမြှင့်မယ်လို့ ပြောကြောင်း ရုရှားရဲ့ပြည်တွင်းသတင်းဌာနတွေက သတင်းထုတ်ပြန်ပါတယ်။
ဘက်ခ်မွန်ရဲ့ မြောက်ပိုင်းနှင့်တောင်ပိုင်းစစ်နံတွေမှာ ယူကရိန်းတပ်တွေဟာ အလျင်အမြန်ဆုံးအောင်ပွဲတွေရရှိနေတယ်လို့ ယူကရိန်းက ပြောဆိုအပြီး တစ်ပတ်အကြာမှာ ရုရှားတွေသိမ်းပိုက်တယ်ဆိုတဲ့ သတင်းထွက်ပေါ်လာတာပါ။
ရုရှားတွေကြေညာအပြီး တစ်နာရီမပြည့်ခင်မှာ ယူကရိန်းရဲ့ ဒုတိယကာကွယ်ရေးဝန်ကြီး ဟန်နာမာလီယာက ဘက်ခ်မွတ်ရဲ့ အခြေအနေဟာ အတိမ်းအစောင်းမခံဖြစ်နေတယ်။ ဒါပေမယ့် ယူကရိန်းတပ်တွေက ဘက်ခ်မွတ်ရဲ့ အနောက်အစွန်ဆုံးစစ်နံမှာ ခုခံကာကွယ်မှုတွေဆက်လုပ်နေတုန်းဖြစ်တယ်လို့ တယ်လီဂရမ်ကနေ တုန့်ပြန်ခဲ့ပါတယ်လို့ စီအင်န်အင်န်က သတင်းဖော်ပြပါတယ်။
ယူကရိန်းစစ်တပ်ရဲ့ ပြောရေးဆိုခွင့်ရ ဆာဟိုင်ချာရီဗက်ရီက ဒီသတင်းမဟုတ်မမှန်ဘူး။ ကျွန်တော်တို့တပ်တွေဟာ ဘက်ခ်မွတ်ဟာတိုက်ခိုက်နေတုန်းပဲလို့ ရိုက်တာသတင်းဌာနကိုပြောပါတယ်။
Source WION
#ရုရှား_ယူကရိန်းစစ်ပွဲ
#ဘက်ခ်မွတ်မြို့သိမ်းပိုက်ကြောင်ရုရှားကြေညာ
#YangonMediaGroup
#World_Science
Published 21 May 2023
နယူးယော့ခ်မြို့ဟာ ရာသီဥတုပြောင်းလဲမှု၊ ပင်လယ်ရေမျက်နှာပြင်မြင့်တက်လာမှု၊ မိုးမျှော်တိုက်ကြီးများအလေးချိန်တိုးများလာခြင်းတို့ကြောင့် ရေနစ်မြုပ်လာပါတယ်။
ကမ္ဘာကြီးပူနွေးလာမှုနဲ့ ပင်လယ်ရေမျက်နှာပြင်မြင့်တက်ခြင်းတို့ကြောင့် ကမ္ဘာ့ကမ်းရိုးတန်းမြို့ကြီးတွေမှာ အလွန်ဘေးအန္တရာယ်များလာပါတယ်။
ဆောက်လုပ်ရေးလုပ်ငန်းများ ထူထပ်လာခြင်းနဲ့ ပင်လယ်ရေမျက်နှာပြင်မြင့်တက်လာခြင်းတို့ ပေါင်းစပ်ကာ ရေလွှမ်းမိုးမှုအန္တရာယ်တိုးလာကြောင်း သုတေသီများထောက်ပြလာကြပါတယ်။
ဒီလိုအခြေအနေကနေ နစ်မြုပ်ခြင်းဆိုတဲ့ဖြစ်စဉ် ဖြစ်ပွားလာပါတယ်။
အလားတူဖြစ်ရပ်မျိုးက အိန္ဒိယအူတာရက်ခန်ရှိ ဟိုရှီမက်သ်မြို့မှာလည်း ဖြစ်ပွားနေပြီး အဆိုပါအိမ်တွေမှာ အက်ကြောင်းတွေကြီးမားလာပါတယ်။
နယူးယော့ခ်မြို့ဟာ ပင်လယ်ရေမျက်နှာပြင်မြင့်တက်လာခြင်းကြောင့် ရေနစ်မြုပ်နိုင်ချေများလာပြီး သဘာဝအကြောင်းတရားများကြောင့် မုန်တိုင်းပြင်းထန်ခြင်းကို ခံစားလာရကြောင်း သုတေသီများက Advancing Earth and Space Science ဂျာနယ်မှာ ဖော်ပြထားပါတယ်။
နယူးယော့ခ်မြို့ကို နမူနာထားကာ ကမ္ဘာတဝှမ်းရှိ ကမ်းရိုးတန်းမြို့တွေမှာ ပြဿနာတွေဘယ်လိုရင်ဆိုင်နေရလဲဆိုတာကို သုတေသီအဖွဲ့က ပြသသွားပါတယ်။
ရေကြီးရေလျှံမှုအန္တရာယ်လျော့ပါးစေရန် တစ်ကမ္ဘာလုံးအတိုင်းအတာဖြင့် စိန်ခေါ်မှုဖြစ်လာတယ်ဆိုတာကို နယူးယော့ခ်မြို့က ပြသနေကြောင်း ရုတ်ဒ်ကျွန်းတက္ကသိုလ်မှ သုတေသီများက ပြောကြားခဲ့ပါတယ်။
လူဦးရေ ၈ သန်းရှိတဲ့ နယူးယော့ခ်မြို့ကြီးဟာ တစ်နှစ်ကို ၁ - ၂ မီလီမီတာခန့်နစ်မြုပ်လျက်ရှိပြီး အချို့နေရာတွေဆိုရင် အလွန်လျင်မြန်စွာနစ်မြုပ်နေပါတယ်။
နယူးယော့ခ်မြို့ရဲ့ ဘူမိမျက်နှာပြင်ဟာ ရှုပ်ထွေးပြီး နုန်း၊ သဲ၊ ရွှံ့အနည်၊ ရေခဲကျောက်နဲ့ အစအနများဖြင့် ဖွဲ့စည်းထားပါတယ်။
ဒီမြို့ဟာ ရေလျှံမှုအန္တရာယ်နဲ့လည်း ကြုံတွေ့နေရကာ မြောက်အမေရိကအတ္တလန္တိတ်ကမ်းရိုးတန်းတလျှောက်မှာ ပင်လယ်ရေမျက်နှာပြင်မြင့်တက်မှုအန္တရာယ်က တစ်ကမ္ဘာလုံးပျမ်းမျှထက် ၃ - ၄ ဆအထိမြင့်မားနေပါတယ်။
ကမ်းရိုးတန်း၊ မြစ်၊ ကမ်းစပ်တို့မှာ ဆောက်လုပ်တဲ့ အထပ်မြင့်အဆောက်အအုံတိုင်းဟာ အနာဂတ်မှာ ရေလွှမ်းမိုးမှုအန္တရာယ်ကို များစေနိုင်ပြီး အန္တရာယ်လျော့ပါးစေရေးအစီအစဉ်များ လိုအပ်လာနိုင်တယ်လို့ ခန့်မှန်းထားပါတယ်။
ကမ္ဘာ့မြေကြီးအပေါ်ယံလွှာ၊ နစ်မြုပ်ခြင်း၊ ပင်လယ်ရေမျက်နှာပြင်မြင့်တက်လာခြင်း၊ ဟာရီကိန်းမုန်တိုင်းအဖြစ်များလာခြင်းတို့က ကမ်းရိုးတန်းတလျှောက်မှာ ပြဿနာပိုဆိုးလာနိုင်စေပြီး မြို့ပြလူနေမှုက ပိုမိုဆိုးရွားစေနိုင်တယ်လို့ သုတေသီများသတိပေးထားပါတယ်။
Source: India Today.
#World_Science #နယူးယော့ခ်မြို့ #တဖြည်းဖြည်းရေနစ်မြုပ်လာကြောင်းလေ့လာတွေ့ရှိ
#YMG #Yangon_Media_Group
#World_Science
Published_ 21 May 2023
ဂျူပီတာရဲ့လဖြစ်တဲ့ အိုင်အိုဟာ နေအဖွဲ့အစည်းထဲမှာ မီးတောင်အလှုပ်ရှားဆုံးအရာတစ်ခုဖြစ်နေပေမယ့် အသစ်တွေ့ရှိထားတဲ့ဂြိုဟ်တစ်ခုဟာလည်း သူနဲ့အပြိုင်ဖြစ်လာနိုင်ပါတယ်။
ကမ္ဘာမြေလိုမျိုးဂြိုဟ်တစ်ခုကို နေအဖွဲ့အစည်းအပြင်ဘက်မှာ ပထမဆုံးတွေ့ရှိတာကြောင့် စကြဝဠာအပြင်ဘက်မှာလည်း မီးတော်ပေါက်ကွဲခြင်း အကောင်းဆုံးအထောက်အထားတွေ ဖော်ပြနေပါတယ်။
ထိုဂြိုဟ်ဟာ တောင်ဘက်ကြယ်စင်စုမှာ အလင်းနှစ် ၉၀ ခန့်အကွာကနေ အနီရောင်ဂြိုဟ်သိမ်လေးတစ်ခုကို လှည့်ပတ်နေကာ ကမ္ဘာမြေထက် အနည်းငယ်သာပိုကြီးမားပါတယ်။
သုတေသနအဖွဲ့ ထင်သလိုမျိုး ထိုဂြိုဟ်ဟာ ဘူမိဗေဒနည်းအရ လှုပ်ရှားနေပါက လေထုထိန်းသိမ်းတည်ရှိနိုင်ပါတယ်။
နာဆာ(NASA)ကနေ LP 791-18 d လို့ ထိုဂြိုဟ်ကိုအမည်ပေးထားကာ အိုင်အိုလိုမျိုး မီးတောင်ပေါက်ကွဲမှုတွေရှိနေနိုင်ပါတယ်။
ဒီကြယ်ကိုလှည့်ပတ်နေတဲ့ တတိယမြောက်တွေ့ရှိချက်ဖြစ်ကာ မီးတောင်တွေပြည့်နှက်နေနိုင်တယ်လို့ သိပ္ပံပညာရှင်များက ဆိုပါတယ်။
မီးတောင်လှုပ်ရှားမှုကို တိုက်ရိုက်လေ့လာတာမဟုတ်ပေမယ့် ကြယ်မှိန်ကိုလှည့်ပတ်နေတဲ့ အခြားဂြိုဟ်ကြီး ၂ ခုမှ အပြန်အလှန်ဆွဲငင်သက်ရောက်မှုရှိနေတယ်လို့ ကောက်ချက်ချရပါတယ်။
နေ့ဘက်ခြမ်းမှာ ပူလွန်းတဲ့အတွက် မျက်နှာပြင်ပေါ်မှာ ရေတည်ရှိနိုင်မှာမဟုတ်ပါဘူး။
ဒါပေမဲ့ ဂြိုဟ်တစ်ခုလုံးမှာ မီးတောင်လှုပ်ရှားမှုပမာဏကြောင့် လေထုတည်ရှိနေနိုင်ပြီး ညဘက်ခြမ်းမှာ ရေသိပ်သည်းလာနိုင်ပါတယ်။
ဒီဂြိုဟ်ဟာ Crater ကြယ်စင်စုဘက်ဆီသို့ဦးတည်ကာ နေစကြဝဠာအဖွဲ့အစည်းမှ အလင်းနှစ် ၈၆ နှစ်အကွာမှာရှိတဲ့ နဂါးငွေ့တန်းဂလက်ဆီမှာ တည်ရှိနေနိုင်ပါတယ်။
သူ့ရဲ့မျက်နှာပြင်အပူချိန်က ကမ္ဘာမြေထက် အနည်းငယ်ပိုနွေးနိုင်ပါတယ်။
နက္ခတ္တဗေဒပညာရှင်တွေက ဒီမတိုင်ခင်မှာ နေအဖွဲ့အစည်းအတွင်း အခြားကမ္ဘာ ၂ ခုကိုလည်းသိရှိထားပြီးဖြစ်ပြီး ကမ္ဘာအရွယ်အစားထက် ၂.၅ ဆပိုကြီးမားကာ ၇ ဆပိုမိုလေးလံပါတယ်။
Source: India Today
#World_Science #ကမ္ဘာမြေနှင့်ဆင်တူ #ပေါက်ကွဲမီးတောင်များဖြင့်ဖုံးလွှမ်းနေသည့်ဂြိုဟ်တစ်
#YMG #Yangon_Media_Group
#World_Sports
Published_ 20 May 2023
ဆာဟာရအစွန်ဘက် မော်ရိုကို အိုအေစစ်မြို့လေးတစ်ခုမှာ မော်ရိုကိုလူမျိုးတွေက ကုလားအုတ်သိုးမွှေးဘောလုံးကို အသုံးပြုပြီး ရိုးရာအပျော်တမ်းကစားနည်းဖြစ်တဲ့ သဲဟော်ကီကစားနည်းကို ဆော့ကစားနေကြပါတယ်။
#World_Sports #ရှေးဟောင်းရိုးရာသဲဟော်ကီကစားနည်း #မော်ရိုကိုလူမျိုးများ
#YMG #Yangon_Media_Group
#Daily_News
Published_ 20 May 2023
၁။ ဆန်အိတ်(၁ဝဝဝ)နှင့် စပါးတင်း (၅ဝဝဝ)အထက် သိုလှောင်ထားပါက မှတ်ပုံတင်ရမည်
၂။ တရုတ်နိုင်ငံသည် မြန်မာနိုင်ငံဖွံဖြိုးရေးအတွက် စီမံကိန်းများ ကူညီဆောင်ရွက်ပေးနေ ၊မုန်တိုင်းအလွန် ပြန်လည်ထူထောင်ရေးလုပ်ငန်းများ၌လည်း ကူညီပေးရန်ရှိဟုဆို
၃။ မေလ ၁ရက်နေ့မှ ၁၆ရက်နေ့အထိ မူဆယ် (၁၀၅) မိုင် ကုန်သွယ်ရေးဇုန်မှ ကုန်သွယ်မှုပမာဏကန်ဒေါ်လာ ၅၈ သန်းကျော်ကုန်သွယ်ခဲ့
၄။ ရှေးဟောင်းရိုးရာ သဲဟော်ကီကစားနည်းကို မော်ရိုကိုလူမျိုးများ ဆက်လက်ထိန်းသိမ်းထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group #Daily_News #YMG
Page 351 of 777