#Daily_News
Published_ 19 July 2023

၁။ အာဇာနည်နေ့အခမ်းအနားသို့ နစကအဖွဲ့ဝင်များနှင့် အာဇာနည်မိသားစုဝင်များတက် ရောက်ဂါရဝပြု

၂။ မွန်၊ ကရင်၊ တနင်္သာရီဒေသနှင့်ရန်ကုန်တွင် လေပြင်းတိုက်ပြီး မိုးဆက်တိုက်သည်းမည်

၃။ မြန်မာ့ပြောင်း ဂျပန်ဈေးကွက်အထိ ထိုးဖောက်နိုင်ရန်အရည်အသွေးမြှင့်တင်နေ

၄။ ရာသီဥတု အပူချိန်မြင့်မားလွန်းခြင်းနှင့် မိုးခေါင်ရေရှားမှုများကြောင့် အီရတ်မှပျားရည်ထုတ်လုပ်မှုများစွာထိခိုက် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

၁၉ ဇူလိုင်၊၂၀၂၃

ထိုင်းနိုင်ငံက ဖွဲ့စည်းပုံအခြေခံခုံရုံးက ရှေ့သို့ပါတီ Move Forward Party ခေါင်းဆောင်နှင့် ဝန်ကြီးချုပ်လောင်းအဖြစ် စာရင်းတင်သွင်းထားသူ ပီတာလင်မ်ဂျရွန်ရတ်ကို အောက်လွှတ်တော်ကိုယ်စားလှယ်အဖြစ်မှ ဗုဒ္ဓဟူးနေ့(ဇူလိုင်၁၉) ရက်မနက်မှာ ဆိုင်းငံ့လိုက်ပါတယ်။

မစ္စတာပီတာဟာ အိုင်တီဗွီ မီဒီယာကုမ္ပဏီရဲ့ ရှယ်ယာတွေကို ဆက်ခံခဲ့သူအဖြစ်တိုင်တန်းမှုကိုလက်ခံလိုက်ပြီးနောက် ထိုင်းဖွဲ့စည်းပုံ အခြေခံဥပဒေခုံရုံးက သူ့ကို လွှတ်တော်ကိုယ်စားလှယ်အဖြစ်မှ ဆိုင်းငံ့ကြောင်းကြေညာလိုက်  ခြင်းဖြစ်ပါ တယ်။

ထိုင်းအခြေခံဥပဒေအရ ပါလီမာန်အမတ်တွေကို မီဒီယာအဖွဲ့အစည်းတွေမှာ ရှယ်ယာပိုင်ဆိုင်ခွင့် တားမြစ်ထားပါတယ်။ မစ္စတာပီတာဟာ ကွယ်လွန်သူဖခင်ရဲ့ ပိုင်ဆိုင်မှုအစိတ်အပိုင်းအဖြစ် ရှယ်ယာပေါင်း ၄၂၀၀၀ ကိုသေတမ်းစာအရသာ ရရှိခဲ့ခြင်းဖြစ်ပြီးအဲဒါတွေအားလုံးကို ဆွေမျိုးတွေဆီ လွှဲပေးပြီဖြစ်တယ်လို့ စောဒကတက်ထားပါတယ်။

ယခုလိုလွှတ်တော်ကိုယ်စားလှယ်အဖြစ်မှဆိုင်းငံ့ခံရသော်လည်း သူ့ကို ဝန်ကြီးချုပ်အဖြစ်အမည်စာရင်းတင်သွင်းခဲ့မှု အပေါ် ဟန့်တားလို့မရပါဘူး။ ဒီကနေ့မှာ အဲဒီအတွက် လွှတ်တော်ပူးတွဲအစည်းအဝေးကျင်းပပြီး အချေအတင် ပြောဆိုကြမှာဖြစ်ပါတယ်။

အဲဒီအမှုဟာ ဖွဲ့စည်းပုံအခြေခံဥပဒေခုံရုံးထံ ပြီးခဲ့တဲ့အပတ်က ရောက်ရှိခဲ့ပါတယ်။

မစ္စတာပီတာဟာ မီဒီယာအဖွဲ့အစည်းရဲ့ ရှယ်ယာရှင်ဖြစ်လို့ သူ့ကို လွှတ်တော်ကိုယ်စားလှယ်အဖြစ်မှ ပယ်ဖျက်ပေးဖို့ ရွေးကောက်ပွဲကော်မရှင်က အခြေခံဥပဒေခုံရုံးကို ထောက်ခံတင်ပြခဲ့ပါတယ်။

အဲဒါကြောင့် ဒီကနေ့ ဗုဒ္ဓဟူးနေ့မှာ ခုံရုံးက အဲဒီအမှုကို ကန့်ကွက်သူမရှိ သဘောတူလက်ခံခဲ့ကြတာဖြစ်ပါတယ်။အဲဒီအပြင် သူ့ကို လွှတ်တော်ကိုယ်စားလှယ်အဖြစ်မှဆိုင်းငံ့ဖို့ကိုလည်း ထောက်ခံမဲ(၇)မဲ ကန့်ကွက်မဲ(၂)မဲနှင့် ခုံရုံးက အတည်ပြုခဲ့ပါတယ်။

မစ္စတာပီတာဟာ ခုံရုံးစာရရှိပြီး ၁၅ရက်အတွင်းဖြေရှင်းချက်ပေးပို့ရမှာဖြစ်ပါတယ်။

Source-Bangkok Post

#ThailandPolitics

#PitaLimjaroenrat

#Asia_Politics
Published 19 July 2023

ထိုင်းနိုင်ငံ MFP ပါတီခေါင်းဆောင် 'ပီတာလင်မ်ဂျရွန်နရတ်'သာ ဗုဒ္ဓဟူးနေ့မှာ ပါလီမန်အတွင်း ဝန်ကြီးချုပ်ဖြစ်လာရန် လုံလောက်တဲ့ ထောက်ခံမှုမရရှိပါက ဖွေထိုင်းပါတီအနေဖြင့် MFP ပါတီမပါဝင်တဲ့ အခြားသောညွန့်ပေါင်းအဖွဲ့ ဖွဲ့စည်းရန် အသင့်ဖြစ်နေပြီး နှုတ်ထွက်ရန်ပြင်နေတဲ့ အစိုးရမှ ပါတီများကိုခေါ်ယူသွားမှာ ဖြစ်ပါတယ်။

သတင်းရင်းမြစ်များအရ MFP ရဲ့ တစ်ဦးတည်းသော ဝန်ကြီးချုပ်လောင်း မစ္စတာပီတာဟာ ဝန်ကြီးချုပ်ဖြစ်လာရေးမှာ အတားအဆီးများစွာ ကြုံတွေ့နေရပြီး ဗုဒ္ဓဟူးနေ့ ဒုတိယအကြိမ် မဲခွဲမှုမှာလည်း လုံလောက်တဲ့ ထောက်ခံမှု ရရှိဦးမှာမဟုတ်ကြောင်း သိရပါတယ်။

ပထမဆုံးအတားအဆီးကတော့ အထက်လွှတ်တော်အမတ် ၂၅၀ နဲ့ ဝေဖန်ရေးသမားများက ပါလီမန်အစည်းအဝေး စည်းမျဉ်းအမှတ် ၄၁ ကို ကိုးကားကာ ပါလီမန်မှ ပယ်ချထားတဲ့ အဆိုကို ထိုအစည်းအဝေးအတွင်း ပြန်လည်တင်သွင်းခြင်းမပြုရန် တားမြစ်ထားပြီး ရာထူးမှခန့်အပ်ခြင်းကို ပိတ်ပင်ထားပါတယ်။

အကယ်၍ပယ်ချခံရပါက ဝန်ကြီးချုပ်မဲခွဲခြင်းကို ရက်ပြန်လည်ရွှေ့ဆိုင်းမှာဖြစ်ပြီး ဖွေထိုင်းပါတီအနေနဲ့ သူတို့ကိုယ်ပိုင် ကိုယ်စားလှယ်လောင်း အမည်တင်သွင်းခွင့်ရှိမှာ ဖြစ်ကာ ဖွေထိုင်းပါတီမှ ဝန်ကြီးချုပ်လောင်း ၃ ဦးအနက်မှ 'ဆရက်ထာထာဝိုင်ဆင်'က ဝင်ရောက်ရွေးချယ်ခံရန် အခြေအနေကောင်းနေပါတယ်။

MFP နဲ့ ညွန့်ပေါင်းအစိုးရ မဖွဲ့ချင်တဲ့အကြောင်းအရင်းက ဘုရင်မင်းမြတ်စော်ကားခြင်းဆိုင်ရာ ဥပဒေပုဒ်မ ၁၁၂ အပေါ် ပါတီရဲ့သဘောထားကြောင့် ဖြစ်တယ်လို့ လွှတ်တော်အမတ်အများစုက ရှင်းရှင်းလင်းလင်း ပြောကြားထားပါတယ်။

ဒီအခက်အခဲကို ကျော်လွှားရန် ဖွေထိုင်းပါတီက MFP မပါဝင်တဲ့ အစိုးရအသစ်ဖွဲ့စည်းဖို့ ဦးဆောင်သွားမှာဖြစ်ပြီး နှုတ်ထွက်ရန်ပြင်ဆင်နေတဲ့ အစိုးရမှ ပါတီအချို့ကို ညွန့်ပေါင်းအဖွဲ့ထဲ ခေါ်ဆောင်ရန် ကြိုးပမ်းနေပါတယ်။

ပူးတွဲပါလီမန်ကနေ ဗုဒ္ဓဟူးနေ့မှာ မစ္စတာပီတာ ဝန်ကြီးချုပ်ယှဉ်ပြိုင်ခွင့်ကို ပယ်ချလိုက်ပါက မစ္စတာဆရက်ထာကို ဝန်ကြီးချုပ်ရာထူးအတွက် တင်သွင်းသွားမှာဖြစ်ကြောင်း ဖွေထိုင်းပါတီဝန်ကြီးချုပ်လောင်း ၃ ဦးထဲမှ 'ပယ်တုန်ထန်ရှီနာဝါထရာ'က အင်္ဂါနေ့က ပြောကြားခဲ့ပါတယ်။

ထိုအကြောင်းကို ဝန်ကြီးချုပ်ဟောင်း 'သက်ဆင်ရှီနာဝါထရာ'ရဲ့ သမီးဖြစ်သူ မစ္စပယ်တုန်ထန်က ပြောကြားခဲ့ပါတယ်။

မစ္စတာဆရက်ထာကို တင်သွင်းခြင်းမပြုမီ ဖွေထိုင်းပါတီကတော့ မစ္စတာပီတာကို ဝန်ကြီးချုပ်အဖြစ် အပြည့်အဝထောက်ခံသွားမယ်လို့ ဆိုခဲ့ပါတယ်။

မစ္စတာပီတာဟာ အောက်လွှတ်တော်နဲ့ အထက်လွှတ်တော်တို့ ဇူလိုင် ၁၃ ရက်နေ့က ပူးတွဲပြုလုပ်တဲ့ အစည်းအဝေးမှာ လိုအပ်တဲ့မဲအရေအတွက် မရရှိခဲ့ပါဘူး။

မစ္စတာဆရက်ထာရဲ့ စီးပွားရေးအသိပညာကို မစ္စပယ်တုန်ထန်က အသိအမှတ်ပြု ထောက်ခံနေပါတယ်။

နိုင်ငံရေးအခြေအနေ တည်ငြိမ်ပြီး ၃၀ ဦးမြောက်ဝန်ကြီးချုပ်ကို မဲခွဲရွေးချယ်ပြီးခါမှ သက်ဆင်က ထိုင်းနိုင်ငံသို့ ပြန်လာရန် ဆုံးဖြတ်နေကြောင်း မစ္စပယ်တုန်ထန်က ပြောပြသွားပါတယ်။

Source: Bangkok Post #Asia_Politics #ညွန့်ပေါင်းအစိုးရဖွဲ့စည်းရန်ဖွေထိုင်းပါတီပြင်ဆင်
#Yangon_Times

#World_Health
Published 19 July 2023

မျိုးပွားသန္ဓေတည်ခြင်းနဲ့ ပတ်သက်ပြီး ကျွန်ုပ်တို့ထိန်းချုပ်နိုင်တာ မဟုတ်ပေမယ့် စားစရာ သောက်စရာတွေကတော့ ကိုယ်ဝန်ဆောင်ရနိုင်မယ့် အခွင့်အလမ်းကို ကွဲပြားစွာ သက်ရောက်စေနိုင်ကြောင်း ကျွမ်းကျင်သူများက ဆိုပါတယ်။

မိခင်ဖြစ်ချင်သူများအတွက်သာမက ဖခင်ဖြစ်ချင်သူတွေကပါ အစားအသောက်တွေက အရေးပါလာပါတယ်။

ကိုယ်ဝန်ရချင်တယ်ဆိုရင် အဆီဓာတ်အမျိုးမျိုး၊ အသီးအနှံ၊ ဟင်းသီးဟင်းရွက်၊ အစေ့အဆန်၊ ငါးတို့ကို စားသုံးသင့်ကြောင်း ဒေါက်တာ'ဂျိန်းဖရက်ဒရစ်ခ်'က ရှင်းပြခဲ့ပါတယ်။

ဒါ့အပြင် ကိုယ်ဝန်ဆောင်ချင်ရင် ရှောင်ရှားသင့်တဲ့ အစားအစာတွေကိုလည်း ဖော်ပြသွားပါတယ်။

(၁) အရက်သေစာ

ကိုယ်ဝန်ရဖို့ ကြိုးစားနေတယ်ဆိုရင် ရှောင်ရှားရမယ့်အထဲမှာ အရက်သေစာက ထိပ်ဆုံးက ပါဝင်နေပါတယ်။

(၂) ကဖင်းဓာတ်

တစ်နေ့ကို ကော်ဖီ သို့မဟုတ် လက်ဖက်ရည် ၂၀၀ မီလီဂရမ်ထက် ပိုမသောက်သုံးသင့်ကာ ဒီထက်များရင်တော့ သားအိမ်အချွဲအမြှေးပါးလေးတွေကို ထိခိုက်စေနိုင်ပါတယ်။

(၃) ကျန်းမာရေးအတွက်မသင့်လျော်သောအဆီ

အဆင့်ဆင့်ထုပ်ပိုး ထုတ်လုပ်ထားတဲ့ အစားအစာတွေမှာပါဝင်တဲ့ အဆီတွေကို တတ်နိုင်သမျှ ရှောင်ရှားသင့်ပါတယ်။

(၄) သန့်စင်ပြီးသကြား

မုန့်တွေ၊ အချိုရည်တွေမှာပါတဲ့ သကြားတွေကို များများစားမိပါက သွေးတွင်းသကြားဓာတ် မြင့်တက်စေနိုင်ကာ သားဥကြွေခြင်းကို ထိခိုက်နိုင်ချေများပါတယ်။

(၅) သန့်စင်ပြီးကာဗိုဟိုက်ဒရိတ်

ပေါင်မုန့်ဖြူ၊ ကွတ်ကီးတို့မှာပါတဲ့ ကာဗိုဟိုက်ဒရိတ်တွေက အရသာရှိပေမယ့် အနည်းဆုံးပမာဏသာ စားသုံးသင့်ပါတယ်။

(၆) အချိုဓာတ်ပစ္စည်း

သကြားရှောင်ချင်လို့ အချိုဓာတ်ပစ္စည်း အစားထိုးမယ်ဆိုရင်လည်း သူတို့က သားဥကြွေခြင်းကို ထိခိုက်စေနိုင်ပါတယ်။

(၇) ဂလူတင်

ပေါင်မုန့်နဲ့ ခေါက်ဆွဲတို့မှာပါတဲ့ ဂလူတင်ကလည်း ဒီစာရင်းထဲမှာ အံ့အားသင့်ဖွယ် ပါဝင်နေပါတယ်။

အကောင်းဆုံးကတော့ ကိုယ်ဝန်ရသလိုမျိုး ကျင့်ကြံစားသုံးဖို့ ဒေါက်တာဖက်ဒရစ်ခ်က ပြောပြခဲ့ပါတယ်။

ကိုယ်ဝန်ရချင်သူများအတွက် စားသင့်တာတွေကတော့..

- ဟင်းသီးဟင်းရွက်ဆီတွေဖြစ်တဲ့ အခွံမာသီး၊ ထောပတ်သီး၊ သံလွင်ဆီ၊ စပျစ်စေ့ဆီတို့မှာပါတဲ့ အဆီတွေကတော့ ဓာတ်တိုးဆန့်ကျင်ပစ္စည်းများနဲ့ ရောင်ရမ်းခြင်းလျှော့ချပေးတဲ့ ပစ္စည်းများ ပါဝင်ပါတယ်။

- အသီးအနှံနဲ့ ဟင်းသီးဟင်းရွက်အမျိုးမျိုး စားသုံးပေးခြင်းကလည်း ခန္ဓာကိုယ်အတွက် လိုအပ်တဲ့ ဗိုက်တာမင်တွေနဲ့ သတ္တုဓာတ်တွေကို ပေးစွမ်းနိုင်ပါတယ်။

- အသားကြီးငါးကြီးတွေကရတဲ့ ပရိုတိန်းတွေအစား အပင်မှရတဲ့ပရိုတိန်းအစားအစာတွေ စားပေးပါ။

- ဆယ်လ်မွန်၊ ဆာဒင်း၊ တူနာတို့က အိုမီဂါ-၃ ဖက်တီးအက်ဆစ်၊ ရောင်ရမ်းခြင်းဆန့်ကျင်တဲ့ပစ္စည်းတွေ ပါဝင်ကာ သားဥကြွေခြင်း၊ သန္ဓေသားကြီးထွားခြင်း၊ အမျိုးသမီးတွေမှာ မျိုးပွားဟော်မုန်း ထုတ်လုပ်ခြင်းတို့ကို ထောက်ပံ့ပေးပါတယ်။

Source: The Sun #World_Health #ရှောင်ရှားရန်နှင့်စားသုံးရမည့် အစားအစာများ
#Yangon_Times

#World_Science
Published 19 July 2023

အမေရိကန်သုတေသီတွေက အိုမင်းခြင်းနဲ့ အသက်အရွယ်ဆိုင်ရာ ရောဂါများကို တိုက်ဖျက်နိုင်မယ့် နည်းပညာအသစ်ကို ရှာဖွေတွေ့ရှိခဲ့ပါတယ်။

ဟားဗတ်ဆေးဘက်ဆိုင်ရာကျောင်းနဲ့ မာဆာချူဆက်နည်းပညာတက္ကသိုလ်မှ သိပ္ပံပညာရှင်များအဖွဲ့က ပြုလုပ်တဲ့လေ့လာချက်မှာ ဆဲလ်တွေကို ပြန်လည်နုပျိုတဲ့ အခြေအနေသို့ ပုံစံသွင်းနိုင်မယ့် ပထမဆုံးဓာတုနည်းလမ်းကို ဖော်ပြခဲ့ပါတယ်။

ယာမာနာကာမျိုးဗီဇတွေဟာ ရင့်ကျက်နေတဲ့ဆဲလ်တွေကို iPSC ဆဲလ်များအဖြစ် ပြောင်းလဲပေးပါတယ်။

အဆိုပါတွေ့ရှိမှုကြောင့် ၂၀၁၂ ခုနှစ်က နိုဘယ်လ်ဆုရရှိခဲ့ဖူးကာ အဆိုပါဆဲလ်တွေ သိပ်ပြီးငယ်ရွယ်စရာမလိုဘဲ ဆဲလ်အိုမင်းခြင်းကို ဆန့်ကျင်နိုင်မလားဆိုတာကို မေးခွန်းထုတ်လာကြပါတယ်။

လေ့လာချက်အသစ်မှာ သုတေသီတွေက ဆဲလ်အိုမင်းခြင်းကို ဆန့်ကျင်ပြီး လူသားဆဲလ်တွေကို ပြန်လည်နုပျိုစေနိုင်မယ့် မော်လီကျူးများကို လေ့လာခဲ့ကြပါတယ်။

ငယ်ရွယ်နုပျိုတဲ့ဆဲလ်တွေကို အိုမင်းတဲ့ဆဲလ်တွေနဲ့ ကွဲပြားသိမြင်နိုင်အောင် ဆဲလ်အခြေခံစမ်းသပ်မှုတွေကို တီထွင်ခဲ့ပါတယ်။

ငယ်ရွယ်တဲ့အခြေအနေဆီ တစ်ပတ်အတွင်း ပြောင်းလဲပေးနိုင်မယ့် ဓာတုကော့တေးလ် ၆ ခုကို သုတေသီအဖွဲ့က ဖော်ထုတ်တွေ့ရှိခဲ့ပါတယ်။

ဒီမတိုင်ခင်အထိ အိုမင်းခြင်းကို နှောင့်နှေးခြင်းသာ အကောင်းဆုံးပြုလုပ်နိုင်ခဲ့ပေမယ့် အခုတော့ ပြန်ပြောင်းနိုင်တဲ့အထိ ဖြစ်နေပြီလို့ ဟားဗတ်တက္ကသိုလ် မျိုးရိုးဗီဇဌာနပရော်ဖက်ဆာ 'ဒေးဗစ်ဆင်ကလဲယားက ပြောကြားထားပါတယ်။

ယာမာနာကာမျိုးဗီဇများ ဆဲလ်ထဲသို့ဝင်ရောက်ကာ မနိုင်မနင်းဆဲလ်ကြီးထွားခြင်း မဖြစ်စေဘဲနဲ့ ဆဲလ်အိုမင်းခြင်းကို ဆန့်ကျင်နိုင်ကြောင်း ဟားဗတ်သုတေသီတွေ အရင်ကလည်း ဖော်ပြခဲ့ပါတယ်။

အမြင်အာရုံကြော၊ ဦးနှောက်တစ်ရှူး၊ ကျောက်ကပ်၊ ကြွက်သားတို့မှာ လေ့လာရာမှာ ကြွက်တွေကိုလေ့လာပြီးနောက် အမြင်အာရုံနဲ့ ပျမ်းမျှသက်တမ်း ပိုမိုကောင်းမွန်လာကာ မျောက်တွေမှာလည်း အမြင်အာရုံတိုးတက်ခဲ့ကြောင်း တွေ့ရှိခဲ့ပါတယ်။

မျိုးဗီဇကုထုံးအစား ဓာတုနည်းလမ်းလေ့လာ ဖန်တီးခြင်းဖြင့် အိုမင်းရင့်ရော်ခြင်း၊ ဒဏ်ရာရခြင်း၊ အသက်အရွယ်အရ ဖြစ်တဲ့ရောဂါတွေကို ကုသရာမှာ တိုးတက်လာနိုင်ပြီး အကုန်အကျနည်းပါးနိုင်ကာ အချိန်တိုတိုဖြင့် ထုတ်လုပ်လာနိုင်ဖွယ် ရှိနေပါတယ်။

အမြင်အာရုံတိုးတက်မှုကစလို့ အသက်အရွယ်ဆိုင်ရာ ရောဂါအများအပြားအထိ ထိရောက်စွာကုသနိုင်ဖို့အတွက် ဆေးတစ်လုံးတည်းဖြင့် အိုမင်းခြင်းကို ဆန့်ကျင်နိုင်မာဖြစ်တယ်လို့ ဆင်ကလဲယားက ဆိုပါတယ်။

Source: greatandhra #World_Science #အိုမင်းရင့်ရော်ခြင်းကို ဆန့်ကျင်နိုင်မည့်ဓာတုနည်းလမ်း
#Yangon_Times

နာမည်ကျော်ဇာတ်လမ်းများရိုက်ကူးဖူးသည့် တရုတ်နိုင်ငံမှ ရှီအန်းရုပ်ရှင်စတူဒီယိုဟောင်း ခရီးသွားဧည့်သည်များလာရောက်ရာနေရာဖြစ်လာ

တရုတ်နိုင်ငံ အနောက်မြောက်ပိုင်း ရှန်ရှီပြည်နယ် မြို့တော်ရှီအန်းရှိ ရုပ်ရှင်စတူဒီယိုဟောင်းတစ်ခုဟာ တရုတ်နိုင်ငံ ရုပ်ရှင်လုပ်ငန်းသမိုင်းကြောင်းကို လေ့လာချင်တဲ့ ခရီးသွားဧည့်သည်များကို ဆွဲဆောင်နေပါတယ်။

Published 18 July 2023
#Asia_Heritage
#ရှီအန်းရုပ်ရှင်စတူဒီယိုဟောင်း #ခရီးသွားဧည့်သည်များလာရောက်
#Yangon_Times