#World_Science
Published 07 July 2025

▪️ ၂၀၃၂ ခုနှစ်မှာ လကမ္ဘာသို့ ဝင်တိုက်နိုင်မယ်လို့ ခန့်မှန်းထားတဲ့ ဂြိုဟ်မွှားတစ်ခုဟာ ကမ္ဘာဂြိုဟ်ရဲ့ ဂြိုဟ်တုတွေကို ထိခိုက်စေနိုင်ပါတယ်။

▪️ 2024 YR4 ဂြိုဟ်မွှားဟာ ကမ္ဘာဂြိုဟ်ကို ဝင်တိုက်မှာမဟုတ်ပေမယ့် ဂြိုဟ်တုတွေနဲ့ အာကာသစခန်းမှ အာကာသယာဉ်မှူးတွေကိုပါ အန္တရာယ်ဖြစ်နိုင်ဖွယ်ရှိတယ်လို့ သိပ္ပံပညာရှင်များ ဖော်ပြထားပါတယ်။

▪️ တွက်ချက်မှုများအရ ဂြိုဟ်မွှားဟာ ကမ္ဘာကိုဝင်တိုက်ဖို့မရှိပေမယ့် လကိုတော့ ဝင်တိုက်နိုင်ဖို့ ၃.၈ ကနေ ၄.၃ ရာခိုင်နှုန်း ရှိနေပါတယ်။

▪️ လကမ္ဘာအပေါ် ကျရောက်ရာကနေ TNT ၆.၅ မဂ္ဂါတန်ချိန်နဲ့ညီမျှတဲ့ စွမ်းအင်ထွက်နိုင်ကာ လဂြိုဟ်တုတွေကို ထိခိုက်နိုင်မှာဖြစ်ပါတယ်။

▪️ ဒါဟာ ဒုတိယကမ္ဘာစစ်က ဟီရိုရှီးမားကို နျူကလီးယားဗုံးကျဲစဉ်က ထွက်ရှိတဲ့ TNT ၀.၀၁၅ မဂ္ဂတန်ထက် များစွာပိုများနေပါတယ်။

▪️ ဒါ့အပြင် လမျက်နှာပြင်မှာလည်း ၁ ကီလိုမီတာနီးပါးလောက်ရှိတဲ့ ကြွင်းပေါက်ကြီး ဖြစ်စေမှာပါ။

▪️ ထိုကနေ အမှုန်အမွှားပေါင်း သန်းတစ်ရာကီလိုဂရမ်လောက် လွင့်စင်ထွက်လာပြီး ကမ္ဘာကြီးအတွက် ပြဿနာဖြစ်စေနိုင်ပါတယ်။

▪️ ဂြိုဟ်တုတွေ ထိခိုက်တဲ့အခါ ကမ္ဘာကြီးရဲ့ အချိန်အတိုင်းအတာတွေ ပြောင်းလဲစေနိုင်ပြီး လွင့်ထွက်လာတဲ့ အမှုန်အစအနပမာဏက ဂြိုဟ်တုတွေ ဘယ်လောက်ထိခိုက်မလဲဆိုတဲ့အပေါ် များစွာသက်ရောက်နိုင်ပါတယ်။

▪️ ၂၀၃၂ မှာဆိုရင် ကမ္ဘာကနေ ဂြိုဟ်တုလွှတ်တင်တာ ယခုထက်ပိုများလာနိုင်သဖြင့် ဂြိုဟ်မွှားဝင်တိုက်ခြင်းကနေ ဂြိုဟ်တုများထိခိုက်ပျက်စီးနိုင်ခြေ ပိုများလာမှာဖြစ်ပါတယ်။

#Source: WION

#World_Health
Published 07 July 2025

▪️ လူတွေက အိုမင်းရင့်ရော်ခြင်းကို ပြုပြင်ပြီး နုပျိုနေအောင် အသက်ရှည်အောင် နည်းလမ်းရှာနေကြပါတယ်။

▪️ ကမ္ဘာတဝှမ်းမှာ အိုမင်းရင့်ရော်ခြင်းကို ဆန့်ကျင်တဲ့ ထုတ်ကုန်ပစ္စည်းဈေးကွက်က ၂၀၂၄ မှာ ဒေါ်လာ ၅၂.၄၄ ဘီလီယံရှိခဲ့ကာ ၂၀၃၀ မှာ ၈၀.၆၁ ဘီလီယံအထိ မြင့်တက်လာနိုင်ကြောင်း ခန့်မှန်းထားပါတယ်။

▪️ အိုမင်းရင့်ရော်လာခြင်း တကယ့်ဖြစ်စဉ်က ကိုယ်တိုင်းဆဲလ်တွေနဲ့ ဖိစီးမှုအခြေအနေတွေအပေါ် မူတည်နေပါတယ်။

▪️ စတန်းဖို့ဒ်ပရော်ဖက်ဆာ ဒေါက်တာ ဒေးဗစ်ဖာမန်းက နေထိုင်စားသောက်မှုပုံစံကို အပြင်းအထန်ပြောင်းလဲကာ ကိုယ်တွင်းဇီဝသက်တမ်းကို ၁၀ နှစ်လောက် ပိုငယ်စေတဲ့အကြောင်း ဖော်ပြထားပါတယ်။

▪️ ရင့်ရော်ခြင်းရဲ့ အဓိကတရားခံက ဖိစီးမှုအခြေအနေဖြစ်ပြီး ရေရှည်ဖိစီးမှုက ကိုယ်တွင်းဇီဝအိုမင်းခြင်းကို ပိုမြန်စေတယ်လို့ အထောက်အထားတွေ တွေ့ရှိထားပါတယ်။

▪️ အိန္ဒိယမှာတော့ အရေပြားမှာ အရေးကြောင်းပေါ်ခြင်း၊ ဆံပင်ဖြူခြင်းတို့နဲ့ အိုမင်းရင့်ရော်ခြင်းကို တိုင်းတာဆဲဖြစ်ကြောင်း မွမ်ဘိုင်း ကိုကီလာဘင်ဒီရူဘိုင်အမ်ဘာနီဆေးရုံမှ ဒေါက်တာ ချူရေရှာက ပြောပါတယ်။

▪️ ကိုယ်တွင်းဇီဝသက်တမ်းဆိုတာက တကယ့်အသက်နဲ့ ကွဲပြားပြီး အနေအထိုင်၊ စားသောက်မှု၊ လှုပ်ရှားမှုတို့အပေါ် မူတည်နေပါတယ်။

▪️ ကိုယ်တွင်းဇီဝသက်တမ်း နုပျိုစေဖို့ဆိုရင် အခြေခံအားဖြင့် ရောင်ရမ်းခြင်းကို လျှော့ချကာ ဇီဝကမ္မဖြစ်စဉ် အလုပ်လုပ်နိုင်စွမ်း မြှင့်တင်ဖို့လိုအပ်ကြောင်း ဒေါက်တာချူရေရှာက ဆိုပါတယ်။

▪️ ဓာတ်တိုးဆန့်ကျင်ပစ္စည်းများ၊ ပိုလီဖီနော၊ အိုမီဂါ-၃၊ ပရိုတိန်းများစားခြင်း၊ အားထည့်ရတဲ့ လေ့ကျင့်ခန်းများနဲ့ အစားစားပြီးနောက် လမ်းလျှောက်ခြင်း၊ အချိန်အပိုင်းအခြားဖြင့် အစာဖြတ်ခြင်း၊ မိမိမျိုးဗီဇအပေါ်မူတည်ကာ အာဟာရစနစ်တည်ဆောက်ခြင်း၊ အူလမ်းကြောင်းကျန်းမာရေး ထောက်ပံ့ခြင်း၊ ဖိစီးမှုနဲ့ အိပ်စက်မှုထိန်းချုပ်ခြင်းတို့ဖြင့် ကိုယ်တွင်းဇီဝသက်တမ်း နုပျိုစေဖို့ အကူအညီဖြစ်စေမှာပါ။

#Source: India Today

#World_Health
Published 06 July 2025

▪️ အချို့သောစားစရာတွေ သောက်စရာတွေက ကိုယ်ခံအားစနစ်ကို ထောက်ပံ့ကူညီကြတယ်ဆိုပေမယ့် အယ်ကိုဟောနဲ့ ပတ်သက်ပြီး ကျန်းမာရေးအပေါ် ဆိုးကျိုးဖြစ်နိုင်ကြောင်းကို ကျွမ်းကျင်သူများ သတိပေးနေကြသလို အယ်ကိုဟောက ကိုယ်ခံအားစနစ်ကို ဖိနှိပ်တဲ့နေရာမှာ ပါဝင်နေတယ်လို့ သိထားပါတယ်။

▪️ အဓိကကတော့ အယ်ကိုဟောက ဆီးရွှင်စေတဲ့ အာနိသင်ရှိတာကြောင့် ခန္ဓာကိုယ်ကနေ လိုအပ်တာထက်ပိုပြီး အရည်ဆုံးရှုံးကာ ရေဓာတ်ခန်းခြောက်စေပါတယ်။

▪️ ရေဓာတ်ခန်းခြောက်တဲ့အခါ ကိုယ်ခံအားစနစ်က ပုံမှန်အလုပ်မလုပ်နိုင်ဘဲ ပဋိဇီဝပစ္စည်းတွေ ထုတ်လုပ်ဖို့ခက်ခဲပြီး ရောဂါပိုးမွှားတွေကို မတိုက်ထုတ်နိုင်တော့ပါဘူး။

▪️ ဒါကြောင့်မို့လို့ ညဘက်အသောက်များသွားရင် နေမကောင်းသလိုဖြစ်ကာ ရေဓာတ်ဆုံးရှုံးနေတာကြောင့် ဗိုင်းရပ်စ်တွေကို ထိရောက်စွာ မတုံ့ပြန်တော့ပါဘူး။

▪️ နောက်တစ်ချက်က အူလမ်းကြောင်းအခြေအနေကိုပါ ထိခိုက်တာဖြစ်ပါတယ်။

▪️ အယ်ကိုဟောက အူလမ်းကြောင်းပိုးမွှားစနစ်ကို နှောင့်ယှက်ကာ အစာခြေခြင်းနဲ့ ကိုယ်ခံအားစနစ်မှာ အရေးပါတဲ့ အကျိုးပြုဘက်တီးရီးယားများကို ထိခိုက်စေပြီး ကိုယ်ခံအားလုပ်ဆောင်ချက် ကျဆင်းစေတာဖြစ်ပါတယ်။

▪️ ကော့တေးလိုမျိုး ယမကာဆိုရင် သကြားဓာတ်ပါဝင်ပြီး သွေးတွင်းသကြားဓာတ်ကို မြင့်တက်စေကာ ကိုယ်ခံအားဆဲလ်တွေ လုပ်ဆောင်ချက်ကို ယိုယွင်းစေပါတယ်။

▪️ အယ်ကိုဟောရဲ့ ဆိုးကျိုးတွေလျှော့ချနိုင်ဖို့ တစ်နေ့ကို နှစ်ခွက်ထက်ပိုမသောက်ဖို့ အကြံပြုထားကြပါတယ်။

▪️ အယ်ကိုဟောကို သင့်တော်ရုံသောက်သုံးတာက ကိုယ်ခံအားစနစ် မထိခိုက်စေပေမယ့် လျှော့ချသောက်သုံးရင်တော့ ကျန်းမာရေးအတွက် ကောင်းစေမှာပါ။

#Source: Glass Almanac

မွမ်ဘိုင်းမြို့ ရထားလမ်းသွားလာရေးမှာ ခက်ခဲပင်ပန်းခဲ့ရာကနေ အခုဆိုရင် မြေအောက်ရထားလမ်းကွန်ရက်ကို တိုးချဲ့ပြောင်းလဲနေပြီး လျင်မြန်လွယ်ကူပြီး ဈေးချိုသာစွာဖြင့် သက်တောင့်သက်သာ သွားနိုင်ပြီဖြစ်ပါတယ်။
‎#Asia_Development
‎Published 5 July 2025
‎#BRICS #မွမ်ဘိုင်းမြေအောက်ရထားလမ်းသစ်
#YMG #Yangon_Times #Yangon_Media_Group
‎

#Daily_News

Published 5 July 2025

၁။ ‌‎Myanmar_Cyber_Security_Challenge_2025 (အလွတ်တန်းအဆင့်) ပြိုင်ပွဲပြုလုပ်မည်
‎
၂။ ‌‎‎‎‎ရွှေဆိုင်အားလုံး ရွှေတစ်ကျပ်သားအလေးချိန်သစ်ကို တပြေးညီပြောင်းလဲကျင့်သုံးရမည်

၃။ ‎ငလျင်‌ဘေးသင့် အာမခံ အလုပ်သမားတစ်သောင်းကျော်အား ငွေကျပ် သန်းပေါင်း ၁၀၀၀ကျော်ထုတ်ပေး

၄။ ‎‎‎‎‎BRICS ဖွံ့ဖြိုးရေးဘဏ်သစ်၏ထောက်ပံ့မှုဖြင့် မွမ်ဘိုင်းမြေအောက်ရထားလမ်းသစ်တိုးချဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 05 July 2025

▪️ အမေရိကန်သမ္မတ ဒေါ်နယ်ထရမ့်က ဇူလိုင် ၄ ရက်နေ့မှာကျရောက်တဲ့ အမေရိကန်လွတ်လပ်ရေးနေ့ အခမ်းအနားမှာ အခွန်အခနဲ့ အသုံးစရိတ်များ အများအပြားလျှော့ချသွားပြီးနယ်စပ်လုံခြုံရေး အကြီးမားဆုံးပြုလုပ်မယ့် ဥပဒေတစ်ရပ်ကို လက်မှတ်ရေးထိုးလိုက်ပါတယ်။

▪️ စစ်လေယာဉ်များ စစ်ရေးပြပျံသန်းပြခဲ့တဲ့ အခမ်းအနားကို ထောက်ခံအားပေးသူ ရာနဲ့ချီ တက်ရောက်ခဲ့ကြပါတယ်။

▪️ အောက်လွှတ်တော်မှာ ၂၁၈-၂၁၄ မဲဖြင့် ဆုံးဖြတ်ချက်ကျဉ်းမြောင်းစွာ ဒီဥပဒေကြမ်းကို အတည်ပြုခဲ့ပြီး နောက်တစ်နေ့မှာပဲ ထရမ့်က လက်မှတ်ရေးထိုးခဲ့တာ ဖြစ်ပါတယ်။

▪️ ဒီဥပဒေကြမ်းမှာဆိုရင် အခွန်အခများ အပြီးတိုင်လျှော့ချရေးနဲ့ အမေရိကန်ပြည်သူများရဲ့ ကျန်းမာရေးအာမခံဆုံးရှုံးမှုတွေ ရှိလာနိုင်ပါတယ်။

▪️ "ကျွန်တော်တို့တိုင်းပြည်ကလူတွေ ဒီလောက်ထိပျော်ရွှင်နေကြတာ တစ်ခါမှ မမြင်ဖူးပါဘူး။ ဘာလို့လဲဆိုတော့ စစ်ဖက်၊ အရပ်ဖက်အမျိုးမျိုးမှ ကွဲပြားခြားနားကြတဲ့ လူတွေအတွက် ဂရုစိုက်စောင့်ရှောက်မှုတွေ ရှိနေတာကြောင့် ဖြစ်တယ်။ အခွန်အခ အများဆုံးလျှော့ချထားတယ်၊ အသုံးစရိတ်တွေ အများဆုံးလျှော့ချထားတယ်၊ နယ်စပ်လုံခြုံရေး အကြီးမားဆုံးရင်းနှီးမြှုပ်နှံမှု ပြုလုပ်ထားတယ်" လို့ ထရမ့်က ပြောသွားပါတယ်။

▪️ ကျန်းမာရေးစောင့်ရှောက်မှုအစီအစဉ်များ ထိခိုက်လာနိုင်မယ့်အပေါ် ထရမ့်ပါတီမှ လွှတ်တော်အမတ်အချို့ စိုးရိမ်နေကြပါတယ်။

▪️ ဥပဒေကြမ်းဆုံးဖြတ်ရာမှာ အောက်လွှတ်တော် ဒီမိုကရက်တစ်ခေါင်းဆောင် ဟာကီးမ်ဂျက်ဖရီးစ် ၈ နာရီနဲ့ ၄၆ မိနစ်ကြာအောင် ပြောကြားခဲ့ပြီး ဝင်ငွေနည်းပါးတဲ့ အမေရိကန်တွေ ကျန်းမာရေးအာမခံနဲ့ စားနပ်ရိက္ခာခံစားခွင့်များ မရရှိတော့ဘဲ ဖြစ်နိုင်တယ်လို့ ထောက်ပြခဲ့ပါတယ်။

▪️ ဒေါ်နယ်ထရမ့်ရဲ့ ဥပဒေက လူချမ်းသာတွေအတွက်သာဖြစ်ပြီး အခြေခံမိသားစုတွေအတွက် ထိခိုက်မှုတွေဖြစ်လာနိုင်ကာ ရီပတ်ဘလစ်ကန်ပါတီအနေနဲ့ အနာဂတ်မှာ ထောက်ခံမှုကျဆင်းလာနိုင်တယ်လို့ ဒီမိုကရက်တစ်အမျိုးသားကော်မတီ ဥက္ကဌ ကင်မာတင်က ပြောသွားပါတယ်။

#Source: NDTV