#World_Health
Published 4 November 2022

ကိုယ်ဝန်ဆောင်စဉ်ကာလအတွင်း နေ့စဉ်ကော်ဖီခွက်တဝက်ခန့် သောက်သုံးခြင်းဖြင့်ပင် မွေးလာတဲ့ကလေးမှာ အရပ်တစ်လက်မခန့်နီးပါးနိမ့်သွားနိုင်ကြောင်း အမေရိကန်ဆေးဘက်ဆိုင်ရာအဖွဲ့အစည်းဂျာနယ်(JAMA)မှ ဖော်ပြထားပါတယ်။

ဆရာဝန် ၁၀ ဦးခန့်နဲ့ သုတေသီများက အမေရိကန်တဝှမ်းမှ အသက် ၄ နှစ်နဲ့ ၈ နှစ်ကြား ကလေး ၂,၅၀၀ နီးပါးကို စစ်တမ်းကောက်ယူခဲ့ပါတယ်။

အရင်လေ့လာမှုတွေနဲ့မတူဘဲ သွေးထဲက ကဖင်းဓာတ်ပမာဏကို လေ့လာခဲ့တာဖြစ်ပါတယ်။

အဆိုပါလေ့လာချက်အရ ကိုယ်ဝန်ဆောင်စဉ်ကော်ဖီသောက်သုံးလေ့ရှိတဲ့ အမျိုးသမီးတွေက မွေးဖွားလာတဲ့ကလေးတွေဟာ ဆေးလိပ်သောက်တဲ့ကိုယ်ဝန်ဆောင်တွေက မွေးလာတဲ့ကလေးတွေလို အရပ်အမြင့်တူညီနေကြောင်း တွေ့ရှိရပါတယ်။

အရပ်နိမ့်ခြင်းဟာ ကိုယ်ဝန်ဆောင်တွေရော ကျန်တဲ့သူတွေမှာပါ နှလုံးဇီဝဖြစ်စဉ်ရောဂါဖြစ်နိုင်ချေမြင့်မားခြင်းနဲ့ ဆက်စပ်နေပါတယ်။

အဲဒီကနေမှ ဆီးချိုနဲ့ အဝလွန်ခြင်းတို့လည်း ဆက်လက်ဖြစ်ပွားလာနိုင်ပြီး ကော်ဖီသောက်ခြင်းနဲ့ ကိုယ်ဝန်ဆောင်ချိန်အတွင်း ဝန်လျှော့ချနိုင်ဖို့ကြိုးပမ်းကြတာနဲ့ ဆက်စပ်နေပါတယ်။

ကိုယ်ဝန်ဆောင်ကော်ဖီသောက်တာက ကလေးတွေအရပ်နိမ့်စေရတဲ့အကြောင်းအရင်းကို သေချာမသိကြသေးဘဲ ကဖင်းဓာတ်က သန္ဓေသားမှာ လှုံ့ဆော်ပေးတာမဟုတ်ဘဲ တစ်ရှူးတွေထဲမှာ စုပြုံလာတာဖြစ်ပါတယ်။

သားအိမ်မှာကဖင်းဓာတ်ထိတွေ့ခြင်းက မွေးလာတဲ့ကလေးရဲ့ ဖွံ့ဖြိုးကြီးထွားမှုအပေါ် ရေရှည်သက်ရောက်မှုရှိလား/မရှိလား ဆိုတာကို လေ့လာဆုံးဖြတ်ဖို့ အရေးကြီးနေပါတယ်။

Source: New York Post
#Yangon_Media_Group

#World_Health
Published 4 November 2022

ကောင်းစွာမအိပ်ရတဲ့အခါ အကဲဖြတ်နိုင်စွမ်း၊ စိတ်အခြေအနေ၊ သင်ယူနိုင်စွမ်း၊ မှတ်သားနိုင်စွမ်းတို့ကို ထိခိုက်စေတယ်လို့ သိထားကြပေမယ့် သုတေသနအသစ်အရ မျက်စိကွယ်တဲ့အထိ ဖြစ်ပွားနိုင်ကြောင်း တွေ့ရှိလာရပါတယ်။

အိပ်မပျော်ခြင်း၊ ဟောက်ခြင်း၊ နေ့ခင်းဘက်အိပ်စက်ခြင်းအပြင် အိပ်ချိန်များလွန်းခြင်းအခြေအနေမှာပင် ရေတိမ်ဖြစ်နိုင်ချေများစွာရှိနေပြီး အမြင်အာရုံဆုံးရှုံးသည်အထိ ဖြစ်နိုင်ကြောင်း BMJ Open ဂျာနယ်မှာ ဖော်ပြထားပါတယ်။

အသက် ၄၀ မှ ၆၉ နှစ်ကြား လူပေါင်း ၄ သိန်းကျော်ကို သုတေသနပြုခဲ့ရာ ၂၀၄၀ ခုနှစ်အရောက်မှာ ရေတိမ်ကြောင့် မျက်စိဆုံးရှုံးနိုင်ချေရှိသူ ၁၁၂ သန်းခန့်ရှိလာမယ်လို့ ခန့်မှန်းရပါတယ်။

အိပ်စက်ခြင်းနဲ့ ရေတိမ်တို့ကြားဆက်စပ်မှုကို လေ့လာရန် သုတေသီများက အိပ်မပျော်ခြင်း၊ အိပ်ချိန်များလွန်းခြင်း၊ ညဉ့်နက်ခြင်း၊ နေ့ခင်းအိပ်စက်ခြင်းစတဲ့ အလေ့အထတွေကို ခွဲခြမ်းစိတ်ဖြာခဲ့ကြပါတယ်။

ပုံမှန်အားဖြင့် တစ်ညတာအိပ်စက်ချိန်ကို ၇ နာရီမှ ၉ နာရီကြားသတ်မှတ်ထားပြီး ထိုပမာဏအတွင်းမဝင်ပါက အိပ်ချိန်နည်းခြင်း များခြင်းသတ်မှတ်ပါတယ်။

ပါဝင်စမ်းသပ်ခံမယ့်သူတွေကို သူတို့ရဲ့အသက်၊ ကျား/မ၊ လူမျိုး၊ ပညာရေး၊ ဘဝနေထိုင်မှုပုံစံ၊ ကိုယ်အလေးချိန်တို့ကို မေးမြန်းခဲ့ကြပါတယ်။
ဆယ်နှစ်ခွဲကျော်ကြာတဲ့အထိ ပုံမှန်စောင့်ကြည့်လေ့လာခဲ့ရာမှာ ရေတိမ်ဖြစ်ပွားသူ ၈,၆၉၀ ဦးတွေ့ရှိခဲ့ပါတယ်။

အသက်ကြီးသူတွေ၊ အမျိုးသားတွေ၊ သွေးပေါင်ချိန်များသူတွေ၊ ဆီးချိုရောဂါသည်တွေ၊ ဆေးလိပ်သောက်တတ်သူတွေဟာ ရေတိမ်ပိုဖြစ်နိုင်ချေရှိနေပါတယ်။

နေ့ခင်းဘက်အိပ်တတ်သူတွေ၊ ဟောက်တတ်သူတွေဟာ ရေတိမ်ဖြစ်နိုင်ချေ ၁၀ ရာခိုင်နှုန်းပိုများပြီး အိပ်မပျော်တတ်သူတွေနဲ့ အိပ်ချိန်နည်းလွန်းများလွန်းတဲ့သူတွေကတော့ ဖြစ်နိုင်ချေ ၁၃ ရာခိုင်နှုန်းပိုများပါတယ်။

ရေတိမ်ဖြစ်ရတဲ့အကြောင်းအရင်းက မျက်လုံးထဲက ဖိအားများလာလို့ဖြစ်ပြီး လှဲအိပ်နေတဲ့အချိန်၊ ဟော်မုန်းပြောင်းလဲတဲ့အချိန်ဆိုရင် ဖိအားများလာတတ်ပါတယ်။

စိတ်ဓာတ်ကျခြင်း၊ စိုးရိမ်ပူပန်ခြင်းတို့ကလည်း အိပ်မပျော်ခြင်းနဲ့ဆက်စပ်နေပြီး မျက်လုံးတွင်းဖိအားများလာတတ်ကြောင်း သုတေသီအဖွဲ့က ဆိုပါတယ်။

Source: The Jerusalem Post
#Yangon_Media_Group

#World_Culture
Published 3 November 2022

ကိုဗစ်ကပ်ရောဂါကြောင့် ၂ နှစ်ကျော်ကြာပိတ်ပင်ထားခဲ့တဲ့ ပီရူးနိုင်ငံက နွားရိုင်းသတ်ပွဲများ ပြန်လည်ဖွင့်လှစ်လာပြီဖြစ်ပါတယ်။

 
#Yangon_Media_Group

Published 3 Nov 2022

ပါကစ္စတန်ဝန်ကြီးချုပ်ဟောင်း အီမရန်ခန်ဟာ ယနေ့ နိုဝင်ဘာ (၃)ရက်က လူထုစည်းရုံးပွဲတစ်ခုမှာ သေနတ်နှင့် ပစ်ခတ်ခံရပါတယ်။သူဟာ သုံးကြိမ်တိတိအပစ်ခံရဘေးမှ အသက်အန္တရာယ်မှလွတ်မြောက်ခဲ့ပါတယ်။ သူရဲ့ တက်ရိခ် အီ အင်ဆက်ပါတီက သူ့ကိုထောက်ခံသူတွေဟာ ဒါဟာ အမ်ရန်ခန်ကိုလုပ်ကြံမှုဖြစ်တယ်လို့ ပြောကြပါတယ်။

အဲဒီပစ်ခတ်မှုဟာ ပါကစ္စတန် မြို့တော် အစ္စလမ်မာဘက်မှ မိုင် ၁၂၀ ခန့်အကွာရှိ ဝါဇီယာဘက်မှာ ဖြစ်ပွားခဲ့တာ ဖြစ်ပါတယ်။

ကျည်ဆံက သူ့ရဲ့ခြေထောက်ကိုထိမှန်ခဲ့ပါတယ်။ သူ့ကိုလာဟိုးက ဆေးရုံကိုခေါ်ဆောင်သွားပါတယ်။

သူ့ကိုပစ်ခတ်သူနှစ်ဦးအနက် တစ်ဦးကိုအသေဖမ်းဆီမိပြီး အခြားတစ်ဦးကိုလည်း လက်ရ ဖမ်းဆီးမိတယ်လို့ ဆိုပါတယ် ။ ဒါပေမယ့် နောက်ကွယ်က အကြောင်းရင်းတွေကိုတော့ ချက်ခြင်းမသိသေးပါဘူး။

အီမရန်ခန်ဟာ ဒီရက်ပိုင်းတွေမှာ လူထုစည်းရုံးပွဲတွေ ဆက်တိုက်ပြုလုပ်ခဲ့တာဖြစ်ပါတယ်။ သူ့ထောက်ခံသူတွေက ရွေးချယ်ခံအစိုးရလို့ ပြောထားတဲ့ လက်ရှိဝန်ကြီးချုပ် ရှီဘက်ရှာရစ်ရဲ့  အစိုးရကို ဆန့်ကျင်တဲ့ ပွဲတွေလုပ်တာဖြစ်ပါတယ်။

လူတော်တော်များများလည်း ထိခိုက်ဒဏ်ရာတွေရရှိခဲ့ပါတယ်။ အဲဒီအထဲမှာ ပါလီမန်အမတ် ဖိုင်ဆဲလ် ဂျာဗက်လည်းပါ တယ်လို့ သူ့ပါတီဝင်တစ်ဦးကပြောပါတယ်။

Source: Agencies News

#Imran_Khan

#Pakistan_Former_PM

#Imran_Khan_was_shot

Published 3 Nov 2022

နိုင်ငံရေးအကြမ်းဖက်မှုနှင့် မဲပေးသူတွေအပေါ်ခြိမ်းခြောက်မှုတွေကို အမေရိကန်တွေ  ညီညွတ်စွာ ဆန့်ကျင်ကြရမယ်လို့ သမ္မတ ဂျိုးဘိုင်ဒင်က ပြောပါတယ်။  လာမယ့် အပတ်ထဲကျင်းပမယ့် သက်တမ်းဝက်ရွေးကောက်ပွဲမတိုင်ခင် သူက ရုပ်သံ မိန့်ခွန်းပြောကြားရာမှာ ရီပတ်ဘလီကင် အစွန်းရောက်တွေ ထကြွလာတဲ့အပေါ် သူက သတိပေး ပြောဆိုခဲ့တာဖြစ်ပါ တယ်။

အမေရိကန်နိုင်ငံမှာ မတူခြားနားမှုတွေကို အဓိကရုန်းတစ်ခု၊ဆူဆူပူပူလူအုပ်တစ်စု၊ ဒါမှမဟုတ် ကျည်ဆန်တစ်တောင့်၊ ဒါမှမဟုတ် တူတစ်ချောင်း နှင့် မဖြေရှင်းဘဲ ဒီခြားနားမှုတွေကို မဲပုံးနှင့်ပဲ ငြိမ်းချမ်းစွာဖြေရှင်းရမယ်လို့လည်း ဘိုင်ဒင်က ပြောပါတယ်။

Source AFP

#Joe_Biden

#Mid_term_election_U.S

#Warns_Political_violence

#DailyNews
Published _ 3 November 2022

၁။ ပြီးခဲ့နှစ် ဖေဖော်ဝါရီလမှ ယခုနှစ်အောက်တိုဘာလကုန်ထိ ထိုင်းနိုင်ငံအတွင်းအဖမ်းခံရသည့် အထောက်အထားမဲ့မြန်မာ သောင်းနှင့်ချီရှိနေ

၂။ ရခိုင်-ဘင်္ဂလားဒေ့ရှ် နယ်စပ်ကုန်သွယ်ရေး ပုံမှန်မဖြစ်သေးဟုဆို

၃။ ပြည်ပသို့ပဲတန်ချိန် ၈ သိန်း ၇ သောင်းကျော်တင်ပို့ထား

၄။ ကိုဗစ်ကပ်ရောဂါကာလနောက်ပိုင်း ပီရူးတွင်နွားရိုင်းသတ်ပွဲများပြန်လည်ဖွင့်လှစ်ရာ ဆန့်ကျင်သူများမှ ထပ်မံကန့်ကွက်ဆန္ဒပြ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group