#World_Health
Published 22 April 2023

လူတွေဟာ တစ်ပတ်အတွင်း သကြားဓာတ်ပါတဲ့အချိုရည်တစ်ခွက်ပဲ သောက်သုံးသင့်ကြောင်း သုတေသီများကဆိုပါတယ်။

သကြားစားသုံးမှုမြင့်မားခြင်းဖြင့် ကျန်းမာရေးပြဿနာအမျိုးမျိုးဖြစ်နိုင်တယ်လို့ လေ့လာတွေ့ရှိပြီးနောက် အခုလို သတိပေးလိုက်တာဖြစ်ပါတယ်။

တစ်ပတ်အတွင်း အချိုဓာတ်ပါတဲ့ဖျော်ရည်တစ်ခွက် ပိုသောက်တိုင်း ကျန်းမာရေးပြဿနာဖြစ်နိုင်ချေ ပိုများလာပါတယ်။

တရုတ်နဲ့ အမေရိကန်တို့မှ ပညာရှင်များက သကြားစားသုံးမှုနဲ့ပတ်သက်ပြီး ကျန်းမာရေးထိခိုက်မှုများကို ဖော်ထုတ်ခဲ့ကြပါတယ်။

လေ့လာသုံးသပ်ချက်များအရ သကြားစားသုံးမှုမြင့်မားခြင်းဖြင့် ကျန်းမာရေးပြဿနာ ၄၅ မျိုးနဲ့ ဆက်စပ်နေကြောင်း BMJ မှာ ဖော်ပြခဲ့ပါတယ်။

သကြားစားသုံးမှုကြောင့် ဆီးချို၊ လေးဖက်နာ၊ အဝလွန်ခြင်း၊ သွေးတိုး၊ နှလုံးဖောက်ခြင်း၊ လေဖြတ်ခြင်း၊ ရင်ကြပ်၊ သွားပိုးစားခြင်း၊ စိတ်ကျခြင်း၊ အရွယ်မတိုင်ခင်သေဆုံးနိုင်ခြင်း၊ ကင်ဆာရောဂါအမျိုးမျိုးတို့ ဖြစ်နိုင်ချေများကြောင်း တွေ့ရှိခဲ့ကြပါတယ်။

အချိုရည်ကို များများသောက်သူတွေမှာ နည်းနည်းသောက်သူတွေထက် ကိုယ်အလေးချိန်ပိုများတာကိုလည်း တွေ့ရှိခဲ့ပါတယ်။

ဖရပ်တို့စ်ပါဝင်တဲ့အချိုရည်ကို နေ့စဉ် ၂၅ ဂရမ်သောက်သုံးပါက ပန်ကရိယကင်ဆာဖြစ်နိုင်ချေ ၂၂ ရာခိုင်နှုန်းပိုများနေပါတယ်။

တရုတ်နိုင်ငံ စီချွမ်တက္ကသိုလ်မှ ပညာရှင်များက တစ်နေ့ကို သကြားစားသုံးမှု ၂၅ ဂရမ်အောက် (လက်ဖက်ရည်ဇွန်း ၆ ဇွန်း)သာ ရှိဖို့နဲ့ တစ်ပတ်အတွင်း အချိုရည်တစ်ခွက်အောက်သာ ကန့်သတ်သောက်သုံးဖို့ အကြံပြုထားပါတယ်။

သကြားပါတဲ့အရည်တွေ လျှော့သောက်ပြီး ရေ၊ သကြားမပါတဲ့အရည်နဲ့ အစားအစာများ စားသုံးဖို့ အကြံပြုထားပါတယ်။

အချိုဓာတ်ပါတဲ့ဖျော်ရည်တွေကြောင့် အသည်း၊ နှလုံး၊ ပန်ကရိယ၊ ကြွက်သားများမှာ အဆီစုပြုံလာပြီး ဆဲလ်တွေရဲ့ လုပ်ဆောင်ချက်နဲ့ ဇီဝဖြစ်စဉ်တို့ကို နှောင့်ယှက်စေပါတယ်။
သကြားစားသုံးမှုနဲ့ ကင်ဆာဖြစ်ခြင်းတို့ကြား ဆက်စပ်မှုကမလုံလောက်ပေမယ့် နောက်ထပ်လေ့လာမှုတွေ လိုအပ်နေပါသေးတယ်။

အချိုဓာတ်စားသုံးမှုလျော့ကျရန်အတွက် ပြည်သူ့ကျန်းမာရေးအသိပေးပညာနဲ့ မူဝါဒတွေကို အကျယ်တပြန့်ချမှတ်ဖို့ လိုအပ်နေပါတယ်။

Source: South China Morning Post #World_Health #အဝလွန်ခြင်း #အချိုရည် #လျှော့ချသောက်သုံးသင့် #YMG #Yangon_Media_Group

#World_Politics
Published 21 April 2023

အမေရိကန်တောင်ပိုင်းတိုင်းစစ်ဌာနချုပ်အကြီးအကဲ 'လော်ရာရစ်ချတ်ဆန်'က အာဂျင်တီးနားသိုလာရောက်ပြီး အရာရှိတွေနဲ့ဆွေးနွေးခဲ့ကာ လက်တင်အမေရိကမှာ တရုတ်ရဲ့လွှမ်းမိုးမှုအကြောင်း ပြောဆိုခဲ့ပါတယ်။

#World_Politics #တရုတ်-အာဂျင်တီးနား #အမေရိကန်
#YMG #Yangon_Media_Group

#Daily_News
Published_ 21 April 2023

၁။ သင်္ကြန်ကာလအတွင်း တစ်နိုင်ငံလုံးမှာယာဉ်မတော်တဆမှု ၃၄ မှုဖြစ်ပွားပြီး ၁၆ ဦးသေဆုံး

၂။ ပြင်ပရွှေပေါက်ဈေး ၂၉သိန်း ၈ သောင်းကျော်ရှိနေပြီး ရန်ကုန်ရွှေအသင်း သတ်မှတ်ဈေး ၂၃သိန်းကျော် ပေါက်ဈေးရှိနေ

၃။ နေပြင်း၍ အပူကြောင့် ကလေးငယ်များဖျားနာခြင်း၊ တက်ခြင်း၊ သတိလစ်ခြင်း၊ အော့အန်ခြင်းနှင့် ဝမ်းလျှောခြင်းများအဖြစ်များနေ

၄။ တရုတ်-အာဂျင်တီးနားပူးပေါင်းဆောင်ရွက်မှုများတွင် အမေရိကန်ဝင်ရောက်နှောင့်ယှက်နေခြင်းအား အာဂျင်တီးနားမီဒီယာများဝေဖန်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Health
Published 22 April 2023

အိန္ဒိယမှာ ပြီးခဲ့တဲ့ရက်သတ္တပတ်များအတွင်း အပူချိန်အလွန်မြင့်မားလျက်ရှိပြီး အနောက်ဘင်္ဂလားမှာ ကျောင်းများပိတ်ထားရကာ အရှေ့အိန္ဒိယမှာ အပူလှိုင်းက အနည်းဆုံးနောက် ၄ ရက်အထိ ဆက်ရှိနေဦးမယ်လို့ အိန္ဒိယမိုးလေဝသဌာနက ပြောကြားလိုက်ပါတယ်။

ဧပြီ ၁၆ ရက်နေ့က မဟာရက်ရှ်ထရာမှာ ဆုပေးပွဲတက်ရောက်ကြရာ အပူလျှပ်ပြီး လူ ၁၃ ဦးကျော်သေဆုံးခဲ့ပါတယ်။

နိုင်ငံဒေသအသီးသီးမှာ အပူလှိုင်းသတိပေးချက်များ ထုတ်ပြန်ထားပြီး ရေဓာတ်ပြည့်ဝအောင်နေဖို့ အကြံပေးနေကြပါတယ်။

အပူချိန် ၄၀ ဒီဂရီကျော်သွားပြီဆိုရင် ခန္ဓာကိုယ်က အတော်ဆိုးရွားလာပြီး ဂရုစိုက်ဖို့လိုလာပါပြီ။

ကိုယ်အပူချိန်အလွန်အတက်မြန်ပြီး ချွေးထွက်ခြင်းမရှိတော့ကာ ခန္ဓာကိုယ်က သူ့ဘာသာအပူချိန်မချနိုင်တော့ပါဘူး။

ကိုယ်အပူချိန်က ၁၀ မိနစ်မှ ၁၅ မိနစ်အတွင်း အလွန်မြင့်တက်လာကာ အရေးပေါ်ကုသမှုမခံယူရင် အသက်သေဆုံးခြင်း ဒါမှမဟုတ် တသက်တာဒုက္ခိတဖြစ်သွားနိုင်ပါတယ်။

အပူလျှပ်ခြင်းလက္ခဏာတွေကတော့..

- စိတ်အခြေအနေပြောင်းလဲကာ စကားမပီမသဖြစ်ခြင်း

- သတိမလည်ခြင်း

- အရေပြားပူပြင်းခြောက်သွေ့ကာ ချွေးထွက်လွန်ခြင်း

- တက်ခြင်း

- ကုသမှုနောက်ကျရင် သေဆုံးခြင်း

အပူလျှပ်ခြင်းမဖြစ်စေရန်အတွက် ရေများများသောက်ပြီး ရေဓာတ်ပြည့်ဝအောင်နေပါ။

အုန်းရည်၊ သံပရာရည်၊ သစ်သီးဖျော်ရည်၊ ထောပတ်နို့ သောက်သုံးဖို့အကြံပြုထားပါတယ်။

၂ နာရီ ၃ နာရီခြားတစ်ခါ နေရောင်ကာခရင်မ်လိမ်းပေးခြင်းဖြင့် နေမလောင်အောင်ကာကွယ်နိုင်ပါတယ်။

ပေါ့ပါးချောင်ချိတဲ့ ချည်ထည်ဝတ်ဆင်ပြီး နေရောင်တိုက်ရိုက်မထိစေရန် ဦးခေါင်းကိုကာကွယ်ထားပါ။

နေပူထဲထွက်တဲ့အခါ နေရောင်တိုက်ရိုက်မထိစေရန် ထီးဆောင်းပါ။

နေ့ဘက်တွေမှာ အထူးသဖြင့်နေဝင်တဲ့ပြတင်းပေါက်တွေမှာ လိုက်ကာတွေကိုပိတ်ထားသင့်ပြီး ညဘက်လေအေးဝင်တဲ့အချိန်မှာ ဖွင့်ထားပေးပါ။

ပရိုတိန်းအစားအစာတွေက ရာသီဥတုပူတဲ့အချိန်မှာ အစာချေဖို့ကြာရှည်တာကြောင့် လျှော့စားဖို့ဒေါက်တာ'ကိုမယ်မာလစ်'က ပြောပြထားပါတယ်။

အစာချေခြင်းကြာရှည်တဲ့အခါ အပူတက်ပြီး ရေဓာတ်ခန်းခြောက်စေတဲ့အပြင် အစပ်တွေလည်း လျှော့စားသင့်ပါတယ်။

Source: India Today #World_Health #အပူလှိုင်း #အပူလျှပ်ခြင်း #အန္တရာယ်မဖြစ်စေရန်
#YMG #Yangon_Media_Group

#World_Science
Published 21 April 2023

SpaceX မှ Starship အာကာသယာဉ်ဟာ တည်ဆောက်ခဲ့သမျှထဲမှာ စွမ်းအားအကြီးဆုံးဒုံးပျံဖြစ်ပြီး ကြာသပတေးနေ့က ပထမဆုံးစမ်းသပ်ပျံသန်းမှုပြုလုပ်ခဲ့ကာ သမိုင်းတစ်ခုဖန်တီးခဲ့ပါတယ်။

ထိုအာကာသယာဉ်ဟာ အာကာသယာဉ်မှူးတွေကို လဂြိုဟ်၊ အင်္ဂါဂြိုဟ်များသို့ စေလွှတ်ရန်ဆောက်လုပ်ထားတာဖြစ်ပါတယ်။

ဒါပေမဲ့ ဒုံးပျံဟာ ပထမခွဲထွက်အဆင့်မှာပဲ ပေါက်ကွဲသွားခဲ့ပါတယ်။

Starship ထိပ်ဖူးဟာ ပျံသန်းပြီး ၃ မိနစ်အတွင်း ပထမအဆင့်ခွဲထွက်ရန် စီစဉ်ထားပေမယ့် မအောင်မြင်ခဲ့ဘဲ ပေါက်ကွဲသွားခဲ့ပါတယ်။

ဒုံးပျံကြီးဟာ တက္ကဆပ် ဘိုကာချီကာ SpaceX အာကာသဆိပ်ရှိ Starbase ကနေ စံတော်ချိန် မနက် ၈ နာရီ ၃၃ မိနစ်မှာ စတင်ပစ်လွှတ်ခဲ့တာဖြစ်ပါတယ်။

စမ်းသပ်ပျံသန်းမှုက သိပ်ပြီးစိတ်လှုပ်ရှားစရာ မကောင်းခဲ့သလို ခွဲထွက်ခြင်းအဆင့်မတိုင်မီ မမျှော်လင့်ဘဲ ပေါက်ကွဲသွားခဲ့ပါတယ်လို့ SpaceX က တွစ်တာမှာဖော်ပြထားပါတယ်။

စမ်းသပ်ပစ်လွှတ်မှု ပေါက်ကွဲခဲ့ပေမယ့် SpaceX ကတော့ ဒါကိုအောင်မြင်တယ်လို့ ကြေညာခဲ့ပါတယ်။

"ဒီလိုစမ်းသပ်မှုကနေ လေ့လာမှတ်သားပြီး Starship ရဲ့ ယုံကြည်စိတ်ချရမှုကို တိုးတက်အောင် အကူအညီပေးနိုင်လိမ့်မယ်" လို့ ဖော်ပြခဲ့ပါတယ်။

SpaceX စီအီးအို'အီလွန်မက်စ်'က ဒုံးပျံပစ်လွှတ်မှုနဲ့ပတ်သက်ပြီး အဖွဲ့သားအားလုံးကို ဂုဏ်ပြုလိုက်ကာ နောက်ထပ်စမ်းသပ်ပစ်လွှတ်မှုအတွက် အရေးပါတဲ့အချက်အလက်တွေ ရရှိခဲ့ကြောင်း ပြောကြားခဲ့ပါတယ်။

စမ်းသပ်ပစ်လွှတ်မှုကို တနင်္လာနေ့က ပြုလုပ်ဖို့စီစဉ်ခဲ့ပေမယ့် နည်းပညာပိုင်းဆိုင်ရာပြဿနာကြောင့် နောက်ဆုံးမိနစ်ကျမှ ရွှေ့ဆိုင်းခဲ့ရပါတယ်။

အေးခဲနေတဲ့အဆို့ရှင်ကြောင့် ဖိအားပြဿနာပေါ်ပေါက်ခဲ့ရတာ ဖြစ်ပါတယ်။

ကြာသပတေးနေ့က ပစ်လွှတ်မှုမှာ အားလုံးအဆင်ပြေခဲ့ပါက Booster 7 ဟာ လွှတ်တင်ပြီးနောက် ၈ မိနစ်အကြာမှာ မက္ကဆီကိုပင်လယ်ကွေ့သို့ ပြုတ်ကျမှာဖြစ်ပါတယ်။

Ship 24 က အာကာသထဲဝင်ရောက်ကာ ကမ္ဘာဂြိုဟ်ပတ်လမ်းကြောင်းတစ်ခုမှာ လည်ပတ်ရမှာဖြစ်ပါတယ်။

ပစ်လွှတ်ပြီး မိနစ် ၉၀ အကြာမှာတော့ ဟာဝိုင်အီအနီး ပစိဖိတ်သမုဒ္ဒရာအတွင်း ပြုတ်ကျရမှာဖြစ်ပါတယ်။

ပေ ၂၃၀ မြင့်တဲ့ Super Heavy booster ဒုံးပျံပေါ်မှာ ၁၆၄ ပေမြင့်တဲ့ Starship အာကာသယာဉ်ရှိပြီး အာကာသယာဉ်မှူးများနဲ့ ကုန်များတင်ဆောင်ရန် ဖန်တီးထားတာဖြစ်ပါတယ်။

ထိုနှစ်ဆင့်ပေါင်း အာကာသယာဉ်ကြီးဟာ ၃၉၄ ပေဖြင့် လွတ်လပ်ရေးလစ်ဘာတီကျောက်တိုင်ကြီးထက် ပိုမြင့်ပါတယ်။

ပစ်လွှတ်မှုက အလွန်အန္တရာယ်များပြီး ဧရာမဒုံးပျံကို ပထမဆုံးပစ်လွှတ်ဖို့ အခက်အခဲများရှိခဲ့ကာ ပျက်ကျဖို့အခွင့်အရေးအလွန်များခဲ့ပါတယ်လို့ အီလွန်မက်စ်ကဆိုပါတယ်။

Starship ဟာ နာဆာရဲ့အာကာသယာဉ်ထက် ပိုမိုကြီးမားပြီး ပတ်လမ်းကြောင်းထဲမှာ ၁၀၀ မက်ထရစ်တန်ချိန်ကို သယ်ဆောင်ထားနိုင်မှာဖြစ်ပါတယ်။

Source: WION #World_Science #SpaceX #အာကာသဒုံးပျံယာဉ် #မိနစ်ပိုင်းအတွင်းပေါက်ကွဲ #YMG #Yangon_Media_Group

#World_Health
Published 21 April 2023

မတ်လအတွင်း အပူချိန်အတက်အကျဖြစ်တတ်ပြီး နှာရည်ယိုခြင်း၊ လည်ချောင်းနာခြင်း၊ ချောင်းဆိုးခြင်း၊ ဝမ်းလျှောခြင်းတို့ ဖြစ်ပျက်တတ်ကြပါတယ်။

အဖျားမရှိဘဲနဲ့ နှာရည်ယိုခြင်း၊ ချောင်းခြောက်ဆိုးခြင်းတို့ အချိန်ကြာမြင့်သည့်တိုင်အောင် ခံစားရတတ်ပါတယ်။

အပူချိန်ရုတ်တရက်ပြောင်းလဲခြင်းကြောင့် နှာပိတ်ခြင်းခံစားရတတ်ကြောင်း BLK Max Super Speciality ဆေးရုံမှ ဒေါက်တာ'အတ်တူလ်ဘေဆင်'က ပြောပြခဲ့ပါတယ်။

ဒါဟာ နှာခေါင်းတစ်ရှူးက ရောင်ရမ်းလာပြီး သွေးကြောများဖောရောင်လာခြင်းကြောင့် ဖြစ်ပါတယ်။

ပြဿနာကတော့ နှာခေါင်းမှအရည်ထွက်လာပြီး ပိုလျှံလာတဲ့အချွဲတွေက နှာခေါင်းအနောက်ဘက်မှကျဆင်းလာကာ ချောင်းဆိုးခြင်း လည်ချောင်းနာခြင်းတို့ ဖြစ်လာစေပါတယ်။

ဒါ့အပြင် ဖျားနာခြင်း၊ နှာရည်ယိုခြင်း၊ ခေါင်းကိုက်ခြင်း၊ မျိုချရခက်ခဲခြင်းတို့လည်း ခံစားရတတ်ပါတယ်။

ယခုလိုရာသီဥတုမျိုးမှာ ဗိုင်းရပ်စ်တွေရှင်သန်ပေါက်ဖွားနိုင်ချေ အများဆုံးဖြစ်နေပြီး ပတ်ဝန်းကျင်မှာ ဗိုင်းရပ်စ်အများအပြားလည်ပတ်နေကြကြောင်း C K Birla ဆေးရုံမှ ဒေါက်တာ'တူရှာတာယယ်'က ပြောပြသွားပါတယ်။

ဗိုင်းရပ်စ်အတော်များများက ဖျားနာခြင်း၊ လည်ချောင်းနာခြင်း၊ ချောင်းဆိုးခြင်း၊ နှာရည်ယိုခြင်း၊ အော့အန်ခြင်း၊ ဝမ်းပျက်ခြင်းတို့ ဖြစ်တတ်ပါတယ်။

ရာသီအကူးအပြောင်းဖျားနာခြင်းတွေက ဆေးဝါးများဖြင့် သက်သာပျောက်ကင်းတတ်ကြပါတယ်။

နှာခေါင်းစည်းတပ်ဆင်ခြင်း၊ မကြာခဏလက်ဆေးခြင်း၊ ခပ်ခွာခွာနေထိုင်ခြင်းတို့အပြင် အဖျားဝေဒနာ ၁၀၀ ဒီဂရီဖာရင်ဟိုက်ကျော်နေရင် ပါရာစီတမောလ်သောက်သုံးနိုင်ကြောင်း ဒေါက်တာ'တာယယ်'ကဆိုပါတယ်။

နှာရည်ယို၊ နှာပိတ်ခြင်းတို့အတွက် အန်တီဟစ္စတမင်းဆေးအသုံးပြုနိုင်သလို ချောင်းဆိုးခြင်းအတွက် ငုံဆေးသောက်သုံးနိုင်ပါတယ်။

လည်ချောင်းနာခြင်းအတွက်တော့ ဆားရည်ဖြင့်အာလုတ်ကျင်းခြင်း၊ ဘီတာဒိုင်း၊ ရေနွေးငွေ့ရှူခြင်းတို့ ပြုလုပ်နိုင်ပါတယ်။

ကိုယ်ခံအားမြှင့်တင်ရန်အတွက် ဗိုက်တာမင်စီဆေးပြားများသောက်သုံးနိုင်ပါတယ်။

ပဋိဇီဝဆေးတွေက ဗိုင်းရပ်စ်တွေကို မသက်ရောက်စေနိုင်တာကြောင့် လုံးဝရှောင်ရှားသင့်ပါတယ်။

ရောဂါလက္ခဏာတွေက ၅ ရက်ကျော်လာရင်တော့ ဆရာဝန်နဲ့တိုင်ပင်ပြသသင့်ပါတယ်။

အာဟာရဓာတ်မျှတတဲ့ ရာသီစာများ၊ ရေအလုံအလောက်သောက်ခြင်းတို့ဖြင့် သက်သာစေနိုင်ပါတယ်။

#Source: India Today #World_Health #နွေရာသီ #လည်ချောင်းနာ #နှာပိတ်
#YMG #Yangon_Media_Group