တရုတ်သမ္မတရှီကျင့်ဖျင်က အမေရိကန်သမ္မတ ဒေါ်နယ်ထရမ့်နဲ့ တောင်ကိုရီးယား ဘူဆန်မှာ တွေ့ဆုံစဉ် နှစ်နိုင်ငံဆက်ဆံရေး ပုံမှန်ရှေ့ဆက်နိုင်အောင် အားထုတ်သင့်တယ်လို့ ကြာသပတေးနေ့က‌ပြောသွားပါတယ်။

#World_Politics
Published 1 November 2025
#ဒေါ်နယ်ထရမ့် #ရှီကျင့်ဖျင်
#YMG #Yangon_Times #Yangon_Media_Group

#World_News
Published 01 November 2025

■ တရုတ်ဟာ ရှန်ကျိုး-၂၁ အာကာသယာဉ်ကို သောကြာနေ့က အောင်မြင်စွာ လွှတ်တင်နိုင်ခဲ့ပြီး အာကာသယာဉ်မှူး ၃ ဦးကို ၆ လတာ အာကာသမစ်ရှင်ထမ်းဆောင်ရန် အာကာသစခန်းသို့ စေလွှတ်ခဲ့ပါတယ်။

■ တရုတ်အနောက်မြောက်ပိုင်း ကျူကွမ်ဂြိုဟ်တုလွှတ်တင်ရေးဌာနကနေ ပေကျင်းစံတော်ချိန် ည ၁၁ နာရီ ၄၄ မိနစ်မှာ Long March-2F ဒုံးပျံဖြင့် အာကာသယာဉ်ကို လွှတ်တင်ခဲ့တာ ဖြစ်ပါတယ်။

■ နောက် ၁၀ မိနစ်အကြာမှာ အာကာသယာဉ်က ဒုံးပျံကနေ ခွဲထွက်သွားပြီး သတ်မှတ်ထားတဲ့ ပတ်လမ်းကြောင်းသို့ ဝင်ရောက်နိုင်ခဲ့ပါတယ်။

■ အာကာသယာဉ်မှူးတွေ အခြေအနေကောင်းမွန်ပြီး အာကာသယာဉ်လွှတ်တင်မှု အောင်မြင်ပြီးစီးခဲ့ကြောင်း တရုတ်အာကာသထိန်းချုပ်ရေးအေဂျင်စီ (CMSA)က ပြောပါတယ်။

■ ထို့နောက် အာကာသစခန်းရဲ့ အဓိကဗဟိုမိုဂျူး တီယန်ဟီမှာ ဆင်းသက်နိုင်ခဲ့ပြီး လုပ်ငန်းစဉ်တစ်ခုလုံး ၃ နာရီခွဲခန့် ကြာမြင့်ခဲ့ပါတယ်။

■ ရှန်ကျိုး-၂၀ အာကာသအဖွဲ့ဝင်တွေက ရှန်ကျိုး-၂၁ အဖွဲ့သားတွေ ရောက်ရှိလာတာကို ကြိုဆိုဖို့အသင့်ရှိနေပါတယ်။

■ ရှန်ကျိုး-၂၁ အာကာသခရီးစဉ်မှူး ကျန်းလူနဲ့ ယာဉ်မှူး ဝူဖေ၊ ကျန်းဟောင်ကျန်းတို့ဟာ အာကာသယာဉ်မောင်းနှင်သူ၊ ပျံသန်းရေးအင်ဂျင်နီယာတို့အဖြစ် တာဝန်ထမ်းဆောင်ခဲ့ဖူးသူတွေ ဖြစ်ပါတယ်။

■ အာကာသယာဉ်မှူးသစ်တွေက စနေနေ့နံနက်ပိုင်းမှာ ယခင်ရောက်ရှိနေသူတွေနဲ့ တွေ့ဆုံပြီး ပတ်လမ်းကြောင်းလက်လွှဲခြင်း စတင်ခဲ့ပါတယ်။

■ ၆ ဦးစလုံးက တရုတ်အာကာသယာဉ်သမိုင်းကြောင်းမှာ ၇ ကြိမ်မြောက် အာကာသထဲအတူဆုံတွေ့ခြင်းအတွက် ဓာတ်ပုံရိုက်ကူးခဲ့ကြပါတယ်။

■ တာဝန်များလက်လွှဲရေးနဲ့ လုပ်ငန်းတာဝန်များ လုပ်ဆောင်ဖို့အတွက် သူတို့ဟာ ၅ ရက်လောက် အတူတကွ နေထိုင်လုပ်ကိုင်သွားကြမှာ ဖြစ်ပါတယ်။

Source: Xinhua

#World_Health
Published 1 Nov 2025

■ ဟော်မုန်းတွေက ခန္ဓာကိုယ်ပုံမှန်အလုပ်လုပ်နိုင်ဖို့အတွက် အရေးပါတဲ့ကဏ္ဍက ပါဝင်ပါတယ်။

■ ဒါပေမဲ့ တစ်ခါတလေမှာ စိတ်အခြေအနေနဲ့ စိတ်ကျန်းမာရေးတို့အပေါ် ဆိုးကျိုးသက်ရောက်စေနိုင်ပါတယ်။

■ ဟော်မုန်းတွေဆိုတာက ဂလင်းတွေ၊ အင်္ဂါတွေ၊ တစ်ရှူးတွေကနေ ထုတ်လွှတ်တဲ့ ဓာတုသတင်းပို့ပစ္စည်းများဖြစ်ပြီး သွေးထဲဝင်ရောက်ကာ ခန္ဓာကိုယ်အနှံ့ သွားလာကြပါတယ်။

■ လူတစ်ယောက်ရဲ့ ဖွံ့ဖြိုးမှု၊ လိင်ပိုင်းဆိုင်ရာ လုပ်ဆောင်ချက်၊ မျိုးပွားခြင်း၊ အိပ်စက်ခြင်း၊ စိတ်ကျန်းမာရေး စတဲ့ဖြစ်စဉ်ပေါင်းများစွာမှာ ထိန်းချုပ်ပေးပါတယ်။

■ ဟော်မုန်းအပြောင်းအလဲများ ဖြစ်တဲ့အခါမှာ စိတ်ဓာတ်ကျခြင်း၊ စိုးရိမ်ပူပန်ခြင်း၊ စိတ်ထိခိုက်ဖိစီးခြင်း စတဲ့စိတ်ကျန်းမာရေးပြဿနာများ ဖြစ်နိုင်ပါတယ်။

■ အထူးသဖြင့် အမျိုးသမီးတွေမှာ ဟော်မုန်းအပြောင်းအလဲဖြစ်ခြင်းက စိတ်ပြဿနာဖြစ်နိုင်ခြေနဲ့ ဆက်စပ်နေပါတယ်။

■ ကော်တီဆောလိုမျိုး ဖိစီးမှုဟော်မုန်းတွေက ဦးနှောက်နေရာတွေကို ဘေးအန္တရာယ်ဖြစ်စေပြီး အောက်ဆီတိုဆင်ကတော့ ဖိစီးမှုတွေကို တန်ပြန်ပေးပါတယ်။

■ အောက်ဆီတိုဆင်နှာခေါင်းဖျန်းဆေး ရှူရှိုက်ခြင်းဖြင့် စိတ်အခြေအနေ ကောင်းမွန်စေတာကို တွေ့ရှိထားပါတယ်။

■ သိုင်းရွိုက်ဟော်မုန်းတွေက စိတ်အခြေအနေကို သက်ရောက်ပြီး ညီမျှမှုမရှိပါက စိတ်ဓာတ်ကျခြင်း၊ စိုးရိမ်ပူပန်ခြင်းတို့ ဖြစ်လာစေနိုင်ပါတယ်။

■ ဟော်မုန်းသက်ရောက်မှုကို ပစ်မှတ်ထားကုသပေးတဲ့ Brexanolone နဲ့ HRT တို့က ထိရောက်မှုရှိကြောင်း တွေ့ရှိထားပါတယ်။

Source: BBC

#World_Health
Published 1 Nov 2025

■ လူအများစုဟာ နံနက်ခင်းမှာ ဝမ်းချုပ်တဲ့ပြဿနာ ဖြစ်တတ်ကြပါတယ်။
အစာခြေခြင်းက ခန္ဓာကိုယ်ရဲ့ သဘာဝစည်းချက်လမ်းစဉ်နဲ့ အတော်လေးပတ်သက်နေတာကို မသိရှိကြပါဘူး။

■ စားပုံ၊ နေထိုင်ပုံ၊ အိပ်စက်ပုံတို့မှာ အနည်းငယ်ပြောင်းလဲရုံဖြင့် အစာခြေစနစ်ကို များစွာသက်ရောက်စေပြီး အူလမ်းကြောင်းလှုပ်ရှားမှု ကောင်းမွန်စေမှာ ဖြစ်ပါတယ်။

■ (၁) နေ့စဉ် အိပ်ရာဝင်ချိန် အိပ်ရာထချိန်ကို အမြဲတမ်းအချိန်မှန်အောင် နေထိုင်ခြင်းဖြင့် ဝမ်းတွင်းလှုပ်ရှားမှု ပုံမှန်ဖြစ်စေပါတယ်။

■ (၂) ညနောက်ကျမှ အများအပြားစားခြင်းက အစာခြေခြင်းနဲ့ အိပ်စက်မှုကို နှောင့်ယှက်နိုင်တာကြောင့် အိပ်ချိန်နဲ့ အနည်းဆုံး ၃ နာရီလောက်ခွာပြီး ပေါ့ပေါ့ပါးပါးသာ စားသောက်သင့်ပါတယ်။

■ (၃) အမျှင်ဓာတ်က အူလမ်းကြောင်းအတွက် အထူးကောင်းမွန်စေတာကြောင့် ညနေစာစားတဲ့အခါ ဂျုံအုတ်၊ ပဲ၊ ဟင်းရွက်တို့ကို ထည့်သွင်းစားသုံးခြင်းဖြင့် အမျှင်ဓာတ်ရစေပြီး ဝမ်းချုပ်ခြင်းကို ကာကွယ်ပေးပါတယ်။

■ (၄) ဆီကြော်တွေ၊ အဆင့်ဆင့်ထုတ်လုပ် စားစရာတွေက အစာခြေခြင်းကို နှောင့်နှေးစေပြီး ဝမ်းကျစ်စေတာကြောင့် ဝမ်းချုပ်စေတဲ့ အစားအစာတွေ ရှောင်ရှားသင့်ပါတယ်။

■ (၅) ရေဓာတ်က အစာခြေခြင်းမှာ အရေးပါပြီး ဝမ်းပျော့စေတာကြောင့် တစ်နေ့ကို ရေ ၁၁ - ၁၅ ခွက်ခန့် သောက်သုံးသင့်ပါတယ်။

■ (၆) ရေနွေးလိုအရာက အစာအိမ်ကို ငြိမ်သက်စေပြီး အူလမ်းကြောင်းကြွက်သားတွေ ပြေလျော့စေတာကြောင့် အိပ်ရာမဝင်ခင် ရေနွေးသောက်သင့်ပါတယ်။

■ (၇) ညစာစားပြီးနောက် ညင်သာစွာလမ်းလျှောက်ခြင်းက အူလမ်းကြောင်းလှုပ်ရှားစေရန် လှုံ့ဆော်ပေးပြီး လေပွခြင်းကို ကာကွယ်ပေးပါတယ်။

■ (၈) ဝမ်းဗိုက်ကို ညင်သာစွာ နှိပ်နယ်ခြင်းက အူလမ်းကြောင်းလှုပ်ရှားမှု ကောင်းမွန်စေကာ မအီမသာဖြစ်ခြင်းကို သက်သာစေတာကြောင့် ပုံမှန်လုပ်ပေးခြင်းဖြင့် အူလမ်းကြောင်းပုံမှန်ထောက်ပံ့ပေးပါတယ်။

■ (၉) ကော်တီဆောဟော်မုန်းများပြီး စိတ်ဖိစီးမှုမြင့်တက်နေရင် အစာခြေစနစ်ကို ပြဿနာဖြစ်စေတာကြောင့် ညနေပိုင်းမှာ တရားထိုင်ခြင်း၊ အသက်ပြင်းပြင်းရှူခြင်း၊ ယောဂကျင့်ခြင်းတို့ဖြင့် ဖိစီးမှုဖြေလျှော့သင့်ပါတယ်။

■ (၁၀) ဆီးသီးဖျော်ရည်က ဝမ်းချုပ်ခြင်းအတွက် သဘာဝကျကျ ထိရောက်တဲ့နည်းလမ်းဖြစ်ပြီး ညနေခင်းမှာ တစ်ခွက်သောက်သုံးခြင်းဖြင့် နံနက်ပိုင်းမှာ ဝမ်းသွားရန် ထောက်ကူပေးနိုင်ပါတယ်။

Source: India Today

အမေရိကန် e-commerce ကုမ္ပဏီကြီး Amazon က အင်္ဂါနေ့မှစတင်ကာ ဝန်ထမ်း (၃)သောင်းခန့် လျှော့ချသွားဖို့စီစဉ်ထားကြောင်းဒေသတွင်းမီဒီယာတစ်ခုက ဖော်ပြခဲ့ပါတယ်။

#World_Business
Published 31 October 2025
#အမေရိကန် #Amazon
#YMG #Yangon_Times #Yangon_Media_Group

၃၁ အောက်တိုဘာ ၂၀၂၅-

၁။ ထရမ့်တက်ရောက်ခဲ့သည်များနှင့် မတက်လိုက်သည်များ။

◾️APEC ထိပ်သီးအစည်းအဝေးသည် နေ့ရက်ပေါင်းများစွာ ကြာမြင့်ပြီး အစည်းအဝေးအမျိုးမျိုး ပါဝင် သည့် အစီအစဉ်တစ်ခုဖြစ်သည်။

◾️တက်ရောက်ခဲ့သည်များ သမ္မတထရန့်ပ်သည် APEC အစည်းအဝေးအတွက် တောင်ကိုရီးယားနိုင်ငံ၊ ဂျီယွန်ဂျူ (Gyeongju) သို့ သွားရောက်ခဲ့သည်။ သူသည် အောက်တိုဘာ ၂၉ ရက်နေ့တွင် ကျင်းပသော APEC စီအီးအိုများ ထိပ်သီးအစည်းအဝေး သို့ တက်ရောက်ခဲ့ပြီး၊ အလွန်အရေးပါ၍ အားလုံးက မျှော်လင့် နေကြသည့် တရုတ်သမ္မတ ရှီကျင့်ဖျင်နှင့် နှစ်နိုင်ငံအဆင့်  တွေ့ဆုံဆွေးနွေးပွဲ ကို ကျင်းပခဲ့သည်။

◾️မတက်ရောက်ခဲ့သည်များ သူသည် အောက်တိုဘာ ၃၁ ရက်နေ့တွင် စတင်သည့် အဓိကအခမ်းအနား  ဖြစ်သည့် APEC စီးပွားရေးခေါင်းဆောင်များ ထိပ်သီး အစည်းအဝေးအတွက် ဆက်လက်မနေခဲ့ပါ။ သူ သည် ရှီကျင့်ဖျင်နှင့် တွေ့ဆုံဆွေးနွေးပြီးနောက် အောက်တိုဘာ ၃၀ ရက်နေ့တွင် တောင်ကိုရီးယားမှ ထွက်ခွာခဲ့သည်။

◾️အဖွဲ့ဝင်စီးပွားရေးခေါင်းဆောင် ၂၁ ဦး တရားဝင်တွေ့ဆုံသည့် ဤအဓိက ခေါင်းဆောင်များ  ထိပ်သီး  အစည်းအဝေးသို့ "မတက်ရောက်ခြင်း" ကို လူအများက "အရေးမလုပ်ဘဲ လစ်လျူရှုခြင်း" သို့မဟုတ် "ကျော်လွှားပစ်ခြင်း" အဖြစ် ကျယ်ကျယ်ပြန့်ပြန့် သတင်းထုတ်ပြန်လျက်ရှိနေသည်။

၂။ အဓိက ထိပ်သီးအစည်းအဝေးကို အဘယ်ကြောင့် ထရမ့်ဘာကြောင့် မတက်သလဲ။

◾️အဆိုပါဆုံးဖြတ်ချက်သည် သူ၏နိုင်ငံခြားရေးမူဝါဒဖြစ်သည့် "အမေရိကန်ပထမ" ချဉ်းကပ်မှုအပေါ် အခြေခံသည်ဟု သတင်းများက ဖော်ပြသည်။

        ▪️အဓိကရည်မှန်းချက်ပြီးမြောက်- သူ့ခရီးစဉ်၏ အဓိက ရည်ရွယ်ချက်မှာ တိုးမြင့်လာနေသည့် ကုန်သွယ်ရေးစစ်ပွဲကို ဖြေရှင်းရန်အတွက် သမ္မတ ရှီကျင့်ဖျင်နှင့် တိုက်ရိုက်တွေ့ဆုံဆွေးနွေးရန်ဖြစ်သည်။ အခွန်များ၊ မြေရှားဓာတ်သတ္တုများနှင့် ဖန်တန်နိုင်းလ် (fentanyl) ဆိုင်ရာ ကိစ္စများတွင် "ကုန်သွယ်ရေး အပစ်အခတ်ရပ်စဲရေး" ရရှိခဲ့သည့် "အောင်မြင်မှုကြီး" ဟု ထရမ့်က ဖော်ပြခဲ့သောအဆိုပါ တွေ့ဆုံဆွေးနွေးပွဲအပြီးတွင် သူ၏ အဓိကရည်မှန်းချက်  ပြီမြောက်ခဲ့ပြီး ထွက်ခွာသွားခဲ့သည်။

         ▪️နှစ်နိုင်ငံအဆင့် သဘောတူညီချက်များကို ဦးစားပေး- သမ္မတထရမ့်နှင့်ပတ်သက်၍ သူသည် ကြီးမားသော ဘက်ပေါင်းစုံပါဝင်သည့် ဖိုရမ်များထက် တိုက်ရိုက် တစ်ဦးချင်း ဆွေးနွေးမှုများ ကို ပို၍ နှစ်သက်သည့်သူအဖြစ် လူသိများသည်။ ဤကြီးမားသော ထိပ်သီးအစည်းအဝေးများသည် တိုက်ရိုက်  သဘောတူညီချက်များထက် ထိရောက်မှု နည်းသည် ဟုသူ၏အစိုးရအဖွဲ့က  မကြာခဏ ရှုမြင်လေ့ရှိ  သည်။

၃။ ဘယ်လိုအဓိပ္ပာယ် (သက်ရောက်မှုများ)ရှိသလဲ။

သုံးသပ်သူများက ဤလုပ်ရပ်ကို ပုံစံအမျိုးမျိုးဖြင့် အဓိပ္ပာယ်ဖွင့်ဆိုကြသည်။

        ▪️ ခေါင်းဆောင်မှု ကွက်လပ်ကိုဖန်တီး- အဓိက ထိပ်သီးအစည်းအဝေးကို ကျော်လွှားခြင်းဖြင့် အမေရိကန်သည် အခြားနိုင်ငံများအတွက် "ကြီးမားသော အခွင့်အရေး" ကို ချန်ထားခဲ့သည်။ ထရမ့် မရှိချိန်တွင် သမ္မတ ရှီကျင့်ဖျင်သည် ကျန်ရှိနေခဲ့ပြီး တရုတ်နိုင်ငံကို လွတ်လပ်သော ကုန်သွယ်ရေးနှင့် ဘက်ပေါင်းစုံပါဝင်ရေးကို ကာကွယ်သူ အဖြစ် နေရာယူသည့် မိန့်ခွန်းကို ရှီကပြောကြားခဲ့သည်။

        ▪️ "အမေရိကန် ပထမ" မူဝါဒကို ပိုမိုခိုင်မာစေ- ဤဆုံးဖြတ်ချက်သည် အမေရိကန်နိုင်ငံသည် APEC ၏ ရည်ရွယ်ထားသည့် ဒီဇိုင်းပုံစံဖြစ်သည့် ကျယ်ပြန့်သော၊ တူညီဆန္ဒအခြေခံ ပူးပေါင်းဆောင်ရွက်မှုထက် အမေရိကန်က ယင်း၏ ကိုယ်ပိုင် အရောင်းအဝယ်ဆန်သော အကျိုးစီးပွားများကို ဦးစားပေးနေကြောင်း အချက်ပြနေသည်။

        ▪️အမေရိကန်၏ ဂုဏ်သတင်းကို ထိခိုက်စေနိုင်- ဤလုပ်ရပ်ကို အိမ်ရှင်နိုင်ငံ တောင်ကိုရီးယားနှင့် အခြား APEC ခေါင်းဆောင် ၁၉ ဦးအပေါ် "အရေးမလုပ်ဘဲ လစ်လျူရှုခြင်း" အဖြစ် များစွာသောသူတို့က ရှုမြင်ကြသည်။ ကမ္ဘာ့လူဦးရေ၏ ၄၀% နီးပါးနှင့် ကမ္ဘာ့ကုန်သွယ်ရေး၏ တစ်ဝက်ကျော်ကို ကိုယ်စား ပြုသော အာရှ-ပစိဖိတ်ဒေသတွင် ဤအပြုအမူသည် အမေရိကန်၏ ဂုဏ်သတင်းနှင့် သြဇာလွှမ်းမိုးမှုကို ထိခိုက်ပျက်စီးစေနိုင်သည် ဟု သုံးသပ်သူအတော်များများက ဆိုသည်။

Ref: Reuters နှင့်အခြားသတင်းများကို အခြေခံ၍ သုံးသပ်သည်။