၂၁ ဩဂုတ် ၂၀၂၄

မြန်မာနိုင်ငံအရေးကိစ္စ၏ဖြစ်ကြောင်းကုန်စင်ကို နက်ရှိုင်းစွာလေ့လာပြီး တရားမျှတ၍ ပကတိဖြစ်သည့်ရပ်တည်ချက်ကို  အရင်းခံဆောင်ရွက်ပေးဖို့ တရုတ်ပြည်သူ့သမ္မတ နိုင်ငံ တရုတ်ကွန်မြူနစ်ပါတီဗဟိုကော်မတီ နိုင်ငံရေးရာဗျူရိုအဖွဲ့ဝင်၊ နိုင်ငံခြားရေးဝန်ကြီး Mr. Wang Yi မစ္စတာဝမ်ယိက ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံ    ဆိုင်ရာအထူးသံတမန် Ms. Julie Bishop မစ္စ ဂျူလီဘစ်ရှော့ကို တိုက်တွန်းပြောဆိုလိုက်တယ်လို့သိရပါတယ်။

တရုတ်နိုင်ငံခြားရေးဝန်ကြီးမစ္စတာဝမ်ယိဟာ ကုလသမဂ္ဂ မြန်မာအထူးသံတမန်  မစ္စ ဂျူလီဘစ်ရှော့ကို ယမန်နေ့ဩဂုတ် ၂၀ရက် က တရုတ်နိုင်ငံ ဘေဂျင်းမြို့တွင် လက်ခံတွေ့ဆုံစဉ် ယင်းကိုပြောကြားခဲ့တာဖြစ်တယ်လို့  မြန်မာနိုင်ငံဆိုင်ရာ တရုတ်ပြည်သူ့    သမ္မတနိုင်ငံ သံရုံးရဲ့ သတင်းထုတ်ပြန်ချက်မှာ ဖော်ပြထားတာဖြစ်ပါတယ်။

“ အထူးသံတမန်အနေဖြင့် မြန်မာနိုင်ငံ၏ထူးခြားသော နိုင်ငံအခြေအနေနှင့် မြန်မာနိုင်ငံအရေးကိစ္စ၏ ဖြစ်ကြောင်းကုန်စင်ကို နက်ရှိုင်းစွာလေ့လာပြီး တရားမျှတ၍ ပကတိဖြစ်သည့်ရပ်တည်ချက်ကိုအရင်းခံကာ ဘက်အသီးသီးနှင့်ဆက်ဆံရေးကို ဟန်ချက်ညီစွာဖြေရှင်း၍ မြန်မာနိုင်ငံပြည်သူများ၏ ရေရှည်အကျိုးစီးပွားအတွက် မြန်မာနိုင်ငံက သဘောထားကွဲလွဲမှုကို ပေါင်းစပ်နိုင်မည့် ထိရောက်သည့်နည်းလမ်းကို ကူညီရှာဖွေပေးရန် မျှော်လင့်ပါတယ်” လို့ မစ္စတာဝမ်ယီက ပြောကြားခဲ့ ပါတယ်။

မစ္စတာဝမ်ယိက က တရုတ်နိုင်ငံသည် မြန်မာနိုင်ငံ၏ အကြီးဆုံး အိမ်နီးချင်းနိုင်ငံဖြစ်ကြောင်း၊ မြန်မာနိုင်ငံ ပြန်လည်     တည်ငြိမ်ဖွံ့ဖြိုးတိုးတက်ရန် တရုတ်နိုင်ငံထက် ပိုလိုလားသောနိုင်ငံမရှိဘူးလို့ မစ္စ ဂျူလီဘစ်ရှော့ကို ပြောကြားပါတယ်။

ယင်းအပြင်မြန်မာနိုင်ငံအရေးကိစ္စတွင် တရုတ်နိုင်ငံက မြန်မာနိုင်ငံ၏ အချုပ်အခြာအာဏာ၊ လွတ်လပ်ရေး၊ နိုင်ငံတစ်သား  တည်းဖြစ်မှုနှင့် နယ်မြေတည်တံ့မှုကို ခိုင်မာစွာလေးစားကြောင်း၊ ပြည်တွင်းရေးကို မစွက်ဖက်ခြင်းနှင့် မြန်မာပြည်သူ    များကပိုင်ဆိုင်၍ မြန်မာပြည်သူများဦးဆောင်သော ငြိမ်းချမ်းရေးလုပ်ငန်းစဉ်ကို အခိုင်အမာလိုက်နာတယ်လို့လည်း တရုတ် နိုင်ငံခြားရေးဝန်ကြီးက ကုလ အထူးသံတမန်ကို ဆက်လက်ပြောကြားခဲ့တယ်လို့သတင်းထုတ်ပြန်ချက်မှာဖော်ပြထားပါတယ်။

မစ္စတာဝမ်ယိက အာဆီယံက အဓိကလမ်းကြောင်းအဖြစ် အခန်းကဏ္ဍမှပါဝင်မှုကို ထောက်ခံအားပေးကြောင်း၊ အာဆီယံ၏ မြန်မာနိုင်ငံဆိုင်ရာ ဘုံသေဘာတူညီချက် ၅ ရပ်နှင့် မြန်မာနိုင်ငံ၏ ရှေ့လုပ်ငန်းစဉ် ၅ ရပ်အသစ်တို့ အပြန်အလှန်  ကူညီမြှင့်တင်၍ ထိရောက်စွာဖော်ဆောင်နိုင်ရန် မျှော်လင့်ကြောင်းလည်းပြောကြားခဲ့ပါတယ်။

အထူးသံတမန် တာဝန်ထမ်းဆောင်ရန်အတွက် တရုတ်နိုင်ငံမှ ကူညီထောက်ပံ့ပေးရန်ဆန္ဒရှိကာ မြန်မာနိုင်ငံ နိုင်ငံရေး    ပြန်လည်သင့်မြတ်မှုနှင့် ရေရှည်တည်ငြိမ်အေးချမ်းရေး ဖော်ဆောင်ရန်အတွက် အပြုသဘောဆောင်သော အခန်းကဏ္ဍမှ ပါဝင်သွားလိုကြောင်းလည်း မစ္စတာဝမ်ယိကဆက်လက်ပြောကြားပါတယ်။

မစ္စ ဂျူလီဘစ်ရှော့က တရုတ်နိုင်ငံက မိမိတာဝန်စတင်ထမ်းဆောင်ချိန်တွင် တရုတ်နိုင်ငံခရီးစဉ်အတွင်း မိမိအားဧည့်ခံမှုကို ကျေးဇူးတင်ရှိပါကြောင်းစတင်ပြောဆိုပါတယ်။

အဲဒီနောက် မြန်မာနိုင်ငံအရေးကိစ္စသည် ရှုပ်ထွေး၍ စိန်ခေါ်မှုရှိကြောင်း၊ တရုတ်နိုင်ငံသည် မြန်မာနိုင်ငံ၏ အရေးကြီး အိမ်နီးချင်းနိုင်ငံနှင့် ကုလသမဂ္ဂ လုံခြုံရေးကောင်စီ၏ အမြဲတမ်းအဖွဲ့ဝင်နိုင်ငံဖြစ်သည့်အတွက် တမူထူးခြားသော အကျိုးသက်ရောက်မှုရှိတယ်လို့လည်း အထူးသံတမန်ကဆက်လက်ပြောဆိုတဲ့အကြောင်း သတင်းထုတ်ပြန်ချက်မှာ ဖော်ပြ  ထားပါတယ်။

မစ္စ ဂျုလီဘစ်ရှော့က တရုတ်နိုင်ငံ၊ အာဆီယံတို့နှင့်အတူ နီးကပ်စွာဆက်ဆံကာ ပူးပေါင်းဆောင်ရွက်မှုကိုမြှင့်တင်၍ မြန်မာ  နိုင်ငံအရေးကိစ္စကို ကောင်းမွန်စွာဖြေရှင်းနိုင်မည့် သဘောတူညီချက်ကို ကြိုးပမ်းဖော်ဆောင်ပြီး ပဋိပက္ခကို ဆောလျင်    စွာအဆုံးသတ်ကာ လူသားချင်းစာနာထောက်ထားမှုအခြေအနေကို ပြေလျော့စေခြင်းဖြင့် မြန်မာပြည်သူများက ဦးဆောင်သည့် ရေရှည်ငြိမ်းချမ်းရေးနှင့် သာယာဝပြောရေးကို ဖော်ဆောင်သွားရန်လိုကြောင်း  မစ္စတာဝမ်ယိကို ပြန်လည် ပြောကြားခဲ့တယ်လို့ သိရပါတယ်။

@ymg/knl

၂၀ ဩဂုတ် ၂၀၂၄

တောင်ကိုရီးယားတပ်တွေက အမေရိကန်တပ်တွေနှင့် ပူးတွဲစစ်ရေးလေ့ကျင့်နေတဲ့အပေါ် တောင်ကိုရီးယားတွေက ကန့်ကွက်  ခဲ့ကြပါတယ်။

ဒီလိုလုပ်တာဟာ ကိုရီးယားကျွန်းဆွယ်ကို ပဋိပက္ခနှင့်ပိုနီးလာအောင်လုပ်တာ လို့ သူတို့ကပြောကြပါတယ်။

Source CCTV

၁၉ ဩဂုတ် ၂၀၂၄

ဖိလစ်ပိုင် ကမ်းခြေစောင့်တပ်ရေယာဉ်နှင့် တရုတ်ကမ်းခြေစောင့်တပ်သင်္ဘောတို့ ယနေ့ ဩဂုတ် ၁၉ ရက် မနက် ၃ နာရီ ၂၃    မိနစ်က  တရုတ်ရေပိုင်နက်ထဲမှာ တိုက်မိတယ်လို့ တရုတ်အစိုးရ စီစီတီဗွီက သတင်းထုတ်ပြန်ပါတယ်။ ဖိလစ်ပိုင်   ကမ်းခြေစောင့် ရေယာဉ်ဟာ တရုတ်နိုင်ငံပိုင် နန်ရှာကျွန်းစုတွေရဲ့အစိတ်ပိုင်းတစ်ခုဖြစ်တဲ့ ရှန်ပင်းကျောင် ကျောက်တန်း     နှင့်ကပ်လျက် ရေပြင် ထဲ ကျူးကျော်ဝင်ရောက်ရင်း တိုက်မိကြတာဖြစ်တယ်လို့သတင်းကဆိုပါတယ်။

ထုတ်ပြန်တဲ့ ရုပ်သံထဲမှာ ဖိလစ်ပိုင်ကမ်းခြေစောင့်တပ်ရေယာဉ် ၄၄၁၀ ဟာ ရုတ်တရက်လှည့်လိုက်ပြီး တရုတ်ကမ်းခြေစော့် ယာဉ် ၂၁၅၅၁ ကို တိုက်လိုက်တာတွေ့ရပါတယ်။

အဲဒီရေယာဉ်ဟာ တရုတ်ကမ်းခြေစောင့်တပ်က အကြိမ်ကြိမ်သတိပေးချက်ကို မလိုက်နာဘဲ တရုတ်ရေပိုင်နက်ထဲ ကျူးကျော် ဝင်ရောက်ကာ တမင်ပင် တရုတ်သင်္ဘောကို ဝင်တိုက်တာဖြစ်တယ်လို့ သတင်းမှာဖော်ပြထားပါတယ်။

Source CCTV

၁၈ ဩဂုတ် ၂၀၂၄

ထိုင်းဘုရင်မင်းမြတ်က  ပါလီမန်က ရွေးကောက်လိုက်တဲ့ ပါအေတုံတန်ရှင်နာဝတ်တရာကို  ထိုင်းဝန်ကြီးချုပ်အဖြစ် ဩဂုတ် ၁၈ ရက် တနင်္ဂနွေနေ့က အတည်ပြု ပေးလိုက်ပါတယ်။ အဲဒါကြောင့် သူမဟာ လာမယ့်ရက်သတ္တပတ်တွေမှာ ဝန်ကြီးအဖွဲ့ကို ပြန်လည်ဖွဲ့စည်းဖို့ လမ်းပွင့်သွားပြီဖြစ်တယ်လို့ရိုက်တာကရေးပါတယ်။

ထိုင်းနိုင်ငံရဲ့ အသက်အငယ်ဆုံးဝန်ကြီးချုပ်ဖြစ်လာတဲ့ အသက် ၃၇နှစ်အရွယ် ပါအေတုံတန်ဟာ  ယခင်ဝန်ကြီးချုပ်ဟောင်း သက်ဆင်ရှင်နာဝတ်တရာရဲ့ သမီးထွေးနှင့် ဝန်ကြီးချုပ်ဟောင်း ယင်လတ်ရှင်တာဝတ်တရာရဲ့ တူမလည်းဖြစ်ပါတယ်။

ယနေ့ ဘန်ကောက်မှာပြုလုပ်တဲ့ အခမ်းအနားမှာ ပါအေတုံတန်ဟာ တရားဝင် အခမ်းအနား ဝတ်စုံကို ဆင်မြန်းထားပါတယ်။ သူမဟာ ဘရင်မင်းမြတ်ရဲ့ ရုပ်ပုံရှေ့မှာ ဒူးထောက်ပြီး အလေးအမြတ်ပြုပါတယ်။ အောက်လွှတ်တော်အတွင်းရေးမှူး အာပက် ဆူခန်နန်က ဘုရင်မင်းမြတ်ရဲ့ အတည်ပြုစာလွှာကို ဖတ်ကြားပါတယ်။

“ အုပ်ချုပ်ရေးမဏ္ဏိုင်ရဲ့ အကြီးအကဲတစ်ဦးအနေနှင့် ကျွန်မဟာ ကျွန်မရဲ့တာဝန်တွေကို အမတ်တွေနှင့်အတူ ပွင့်လင်းတဲ့ နှလုံးသားနှင့် အတူတကွဆောင်ရွက်ပါမယ်” လို့ ဝန်ကြီးချုပ်သစ် ပါအေတုံတန်ကမိန့်ခွန်းထဲမှာ ထည့်ပြောသွားပါတယ်။ ကျွန်မတို့နိုင်ငံကို တည်တည်ငြိမ်ငြိမ်နှင့် ရှေ့ဆက်သွားနိုင်အောင် ထင်မြင်ယူဆချက်တွေအားလုံးကို ကျွန်မနားထောင်ပါမယ် လို့လည်း သူမကဆက်ပြောပါတယ်။

အစိုးရအလုပ်မလုပ်ဖူးတဲ့ ပါအေတုံတန်အနေနှင့် မျက်နှာစာအစုံရဲ့ စိန်ခေါ်မှုတွေကို ရင်ဆိုင်ရပါလိမ့်မယ်။ စီးပွားရေးတွေ အယောင်ယောင်အမှားမှားဖြစ်နေတာတွေ ၊ ဖွေထိုင်းပါတီအပေါ်လူကြိုက်များမှုကျဆင်းလာနေတာတွေနှင့် ပါတီရဲ့ အထင် ကရလုပ်ငန်းတစ်ခုဖြစ်တဲ့  ဘတ်ဘီလျံ ၅၀၀ တန် ဒစ်ဂျစ်တယ်ပိုက်ဆံအိတ်အစီအစဉ် မစတင်နိုင်တာတွေစသဖြင့် အများကြီး ဖြစ်ပါတယ်။

ဘုရင်မင်းမြတ်ရဲ့ အတည်ပြုခန့်အပ်မှုခံယူပြီးတဲ့နောက် ပါအေတုံတန်ဟာ ဖခင်ဖြစ်သူ သက်ဆင်နှင့် မိသားစုကို ပွေ့ဖက် လိုက်ပါတယ်။ သူမအနေနှင့် ယခင်ဝန်ကြီးချုပ် ဆာရက်သာရဲ့ မူဝါဒအားလုံးကို ဆက်လုပ်မယ်လို့လည်းပြောပါတယ်။  အစိုးရအနေနှင့် ဒစ်ဂျစ်တယ်ပိုက်ဆံအိတ်အစီအစဉ်ကို လက်မလွှတ်သေးကြောင်းနှင့် နောက်ထပ်‌ရွေးချယ်လုပ်ဆောင်စရာ တွေကို လေ့လာနားထောင်ဦးမယ်လို့လည်း ဆိုပါတယ်။ သူမအနေနှင့် ဖခင်သက်ဆင်ကို ဘယ်အစိုးရ ရာထူးနေရာမှ ပေးမှာ မဟုတ်ကြောင်း ဒါပေမယ့် ဖခင်ရဲ့အကြံဉာဏ်ကိုတော့ ယူမှာဖြစ်ကြောင်း ပါအေတုံတန်ကဆက်ပြောပါတယ်။

လာမယ့်လမှာ သူ့အစိုးရရဲ့ အသေးစိတ်မူဝါဒကို ထုတ်ပြန်ကြေညာပေးမယ်လို့လည်း သူမကပြောပါတယ်။

Ref: Reuters

၁၇ ဩဂုတ် ၂၀၂၄

အမေရိကန်နိုင်ငံခြားရေးဝန်ကြီးဌာန အကြံပေး တွမ်ဆူလီဗန်၊ USAID လက်ထောက်အုပ်ချုပ်ရေးမှူး မိုက်ကယ်ရှစ်ဖာတို့ဟာ NUG နှင့် NUCC ၊အဓိကခုခံရေးအဖွဲ့တွေ၊ KNU ၊ KNPP နှင့်  CNFတို့မှ ဦးဆောင်သူတွေနှင့် ဩဂုတ် ၁၆ ရက်သောကြာနေ့က အွန်လိုင်းပေါ်ကနေ တွေ့ဆုံခဲ့တယ်လို့ အမေရိကန် နိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်ကို ကိုးကားပြီး ရိုက်တာ သတင်းက ဖော်ပြရေးသားပါတယ်။

အွန်လိုင်းအစည်းအဝေးမှာ အရပ်သားအစိုးရ အသွင်ကူးပြောင်းရေးကို ကူညီဖို့နှင့် လက်ရှိ နစက ကို ဖိအား ဆက်လက်ပေးနေဖို့ သဘောတူခဲ့ကြတယ်လို့လည်း အဆိုပါသတင်းအရသိရပါတယ်။

တရုတ်နိုင်ငံခြားရေးဝန်ကြီး ဝမ်ယိ မြန်မာနိုင်ငံလာရောက်ပြီးဗိုလ်ချုပ်မှူးကြီးမင်းအောင်လှိုင်နှင့်တွေ့ဆုံကာ နောက်တစ်ရက် မှာ လာအို၊မြန်မာနှင့်ထိုင်းနိုင်ငံခြားရေးဝန်ကြီးတွေနှင့်အတူ ထိုင်းနိုင်ငံ ချင်းမိုင်မြို့မှာ မြန်မာနိုင်ငံကိုအကူအညီပေးဖို့  ဝမ်ယိ  က တိုက်တွန်းခဲ့အပြီးမှာ အမေရိကန်အရာရှိများနှင့် အတိုက်အခံတွေ အွန်လိုင်း အစည်းအဝေးလုပ်ခဲ့ကြတာဖြစ်ပါတယ်။

အစည်းအဝေးမှာ နစကကို ဖိအားဆက်ပေးနေဖို့ အရေးကြီးတယ်လို့ သဘောတူခဲ့ကြပါတယ်။

“ အမေရိကန်အနေနှင့် သူတို့ပေါင်းစည်းညီညွတ်မှုကို တည်ဆောက်ရာမှာ ကူညီနိုင်ဖို့အတွက် ဒီမိုကရေစီလိုလားသူတွေကို တိုက်ရိုက်အကူအညီတွေတိုးချဲ့ပေးသွားမှာဖြစ်ပါတယ်။ပြည်သူဝန်ဆောင်မှုအလုပ်တွေနှင့် လိုအပ်နေတဲ့နေရာတွေမှာ လူသားချင်းစာနာထောက်ထား မှု အကူအညီတွေကို ပေးအပ်နိုင်ဖို့ သူတို့ရဲ့လုပ်နိုင်စွမ်းတွေတိုးတက်အောင်ကူညီမှာပါ” လို့ အမေရိကန်အရာရှိတွေက ပြောတယ်လို့ ရိုက်တာကရေးပါတယ်။

နှစ်ဘက်စလုံးက မြန်မာနိုင်ငံရဲ့ အကျပ်အတည်း အဆုံးသတ်စေဖို့အတွက်   ကုလသမဂ္ဂရဲ့ မြန်မာနိုင်ငံဆိုင်ရာ   အထူး   ကိုယ်စားလှယ်တွေနှင့် အာဆီယံတို့အပါအဝင် နိုင်ငံတကာ အသိုက်အဝန်းနှင့် လက်တွဲလုပ်ဆောင်ဖို့လည်း သဘောတူခဲ့  ကြတယ်လို့ဆိုပါတယ်။

ခပ်စောစောပိုင်းကလည်း တရုတ်နိုင်ငံခြားရေးဝန်ကြီးဝမ်ယိက မြန်မာနိုင်ငံအခြေအနေဟာ စိတ်ပူစရာဖြစ်ပြီး အိမ်နီးချင်း နိုင်ငံတွေအနေနှင့်   ပဋိပက္ခတွေတားဆီးဖို့အတွက် စီးပွားရေးနှင့်လူမှုအခြေအနေတွေဖန်တီးရေးကူညီရာမှာ မြန်မာ နိုင်ငံနှင့် ပူးပေါင်းဆောင်ရွက်မှုတွေတိုးမြှင့်လုပ်ဆောင်ကြဖို့ တိုက်တွန်းခဲ့ပါတယ်လို့ ရိုက်တာက သတင်းဖော်ပြပါတယ်။

မြန်မာနိုင်ငံရဲ့ ဒီမိုကရေစီအတွင်းကူပြောင်းရေးကို အားပေးထောက်ခံပြီး လက်ရှိအကျပ်အတည်းကိုဖြေရှင်းမယ့်နည်းလမ်း ရှာဖွေနေတဲ့ ဒေသဆိုင်ရာ အစီအစဉ်ကိုလည်း ထောက်ခံတယ်လို့ ဝမ်ယိကပြောထားတာဖြစ်ပါတယ်။

Ref: Reuters

၁၆ ဩဂုတ် ၂၀၂၄

မြန်မာနိုင်ငံတွင် ပြည်တွင်း မတည်မငြိမ်ဖြစ်မှုနှင့်ပြည်တွင်းစစ် ဖြစ်ပွား၍ မရကြောင်း တရုတ် ကွန်မြူနစ်ပါတီ ဗဟို  ကော်မတီ နိုင်ငံရေးရာဗျူရိုအဖွဲ့ဝင်နှင့် နိုင်ငံခြားရေးဝန်ကြီး မစ္စတာဝမ်ယိက ထိုင်း၊လာအိုနှင့် မြန်မာနိုင်ငံခြားရေးဝန်ကြီး     များနှင့် လေးပွင့်ဆိုင် အလွတ်သဘောဆွေးနွေးရာတွင် တိုက်တွန်းပြောကြားခဲ့တယ်လို့သိရပါတယ်။

လက်ရှိတွင် မြန်မာနိုင်ငံအခြေအနေသည် စိတ်ပူပန်ရစေကြောင်းနှင့် မြန်မာနိုင်ငံအရေးကိစ္စတွင် ကျော်လွန်၍မရတဲ့ စည်း   သုံးခုကို ခိုင်မာစွာထိန်းသိမ်းရမှာဖြစ်ပြီး ယင်းတို့မှာ မြန်မာနိုင်ငံတွင် ပြည်တွင်း မတည်မငြိမ်ဖြစ်မှုနှင့် ပြည်တွင်းစစ်  ဖြစ်ပွား   ၍မရခြင်း၊ အာဆီယံမိသားစု၏ လမ်းကြောင်းမှ ကင်းကွာသွား၍မရခြင်း၊ ပြင်ပအင်အားစုများ ထင်သလိုစိမ့်ဝင်၍ ဝင်ရောက်   စွက်ဖက်မှုကို ခွင့်မပြုခြင်းတို့ပင်ဖြစ်တယ်လို့ ဝမ်ယိကပြောကြားခဲ့တာဖြစ်ကြောင်း မြန်မာနိုင်ငံဆိုင်ရာ တရုတ်ပြည်သူ့သမ္မတ နိုင်ငံသံရုံးရဲ့ သတင်းထုတ်ပြန်ချက်မှာဖော်ပြထားပါတယ်။

ဩဂုတ်လ ၁၆ ရက် ယနေ့တွင် တရုတ်၊ လာအို၊ မြန်မာ၊ ထိုင်းနိုင်ငံ လေးနိုင်ငံမှ နိုင်ငံခြားရေးဝန်ကြီးများသည် ထိုင်းနိုင်ငံ ချင်းမိုင်မြို့၌ အလွတ်သဘော တွေ့ဆုံဆွေးနွေးမှုကျင်းပခဲ့ရာမှာ တရုတ်နိုင်ငံခြားရေးဝန်ကြီးက ယခုလို ဆွေးနွေး တိုက်တွန်း     လိုက်တာ ဖြစ်ပါတယ်။

တရုတ်၊ လာအို၊ မြန်မာ၊ ထိုင်းသည် အိမ်နီးချင်းနိုင်ငံများဖြစ်ကြပြီး “တစ်လှေတည်းစီးကာ တစ်မြစ်တွင်းရေအတူသောက်သုံး” ကြကြောင်း၊ မိမိတို့အကြားတွင် ရှည်လျားလှသော နယ်စပ်မျဉ်းနှင့် သမိုင်းကြောင်းကြာရှည်သည့် ဆက်ဆံရေးသမိုင်း  ရှိသဖြင့် အခြားနိုင်ငံများထက် မြန်မာနိုင်ငံ၏ ထူးခြားသောနိုင်ငံအခြေအနေကို ပိုမိုနားလည်ကာ မြန်မာနိုင်ငံအား ကူညီပေးရန် စွမ်းရည် နှင့်ဆန္ဒပိုမိုရှိကြကြောင်းလည်း မစ္စတာဝမ်ယိကဆက်လက်ပြောကြားပါတယ်။

မြန်မာနိုင်ငံ ပြန်လည်တည်ငြိမ် ဖွံ့ဖြိုးတိုးတက်ရန် မြန်မာနိုင်ငံ၏ အိမ်နီးချင်းထက်ပိုလိုလားသောသူ မရှိပါကြောင်း၊ မိမိတို့  သည် စိတ်ရင်းအမှန်စေတနာဖြင့် မြန်မာနိုင်ငံ၏ အခြေအနေအရှိန်လျော့ ပြန်လည်တည်ငြိမ်လာရေးကို ကူညီဆောင်ရွက်   ပေး   ရန် မျှော်လင့်ပါတယ်လို့လည်း သူက ပြောပါတယ်။

တရုတ်နိုင်ငံ၏ မြန်မာနိုင်ငံအပေါ်ထားရှိသည့် ချစ်ကြည်ရေးမူဝါဒသည် မြန်မာနိုင်ငံ ပြည်သူတစ်ရပ်လုံးကိုမျက်နှာမူကြောင်း၊ မိမိတို့သည် ပြည်တွင်းရေးကိုဝင်ရောက်မစွက်ဖက်ခြင်း အခြေခံမူကို အမြဲတစေလက်ကိုင်ထားပြီး မြန်မာနိုင်ငံက အချုပ်    အခြာအာဏာနှင့် နိုင်ငံတစ်သားတည်းဖြစ်မှုအား ကာကွယ်ထိန်းသိမ်းရေးကို ထောက်ခံအားပေးပါကြောင်း မစ္စတာ  ဝမ်ယိက    ပြောကြားတယ်လို့ သတင်းထုတ်ပြန်ချက်မှာဖော်ပြထားပါတယ်။

ယင်းအပြင် မြန်မာနိုင်ငံက တွေ့ဆုံဆွေးနွေးမှုဖြင့် ပြည်တွင်းပြန်လည်သင့်မြတ်မှုဖော်ဆောင်ရန် ထောက်ခံအားပေးပါ ကြောင်း၊ မြန်မာနိုင်ငံက မိမိနိုင်ငံအခြေအနေနှင့်ကိုက်ညီသည့် ဖွံ့ဖြိုးတိုးတက်မှု လမ်းကြောင်းရှာဖွေတွေ့ရှိမှုကို အားပေးပါ    ကြောင်းလည်း တရုတ်နိုင်ငံခြားရေးဝန်ကြီးက ဆွေးနွေးပါတယ်။

တရုတ်နိုင်ငံခြားရေးဝန်ကြီးက မြန်မာအရေးကိစ္စနှင့်ပတ်သက်၍ အဆိုပြုချက်အချို့ကို ဆွေးနွေးပွဲတွင် တင်ပြခဲ့တယ်လို့လည်း သိရပါတယ်။ ယင်းတို့မှာ-

၁။ မြန်မာနိုင်ငံက ပြည်တွင်းငြိမ်းချမ်းရေးနှင့် ပြန်လည်သင့်မြတ်ရေးလုပ်ငန်းစဉ်ကို တရားဥပဒေနှင့်အညီ စနစ်တကျ ပြန်လည်  ဖော်ဆောင်ရန် အတူတကွထောက်ခံအားပေးခြင်း

မြန်မာနိုင်ငံဘက်က အဆိုပြုသည့် “ရှေ့လုပ်ငန်းစဉ်ငါးရပ်” တတိယဗားရှင်းသည် အဆိုပါရည်မှန်းချက်ကို ဖော်ဆောင်ရန် အထောက်အကူပြုသဖြင့် နားလည်လေးစားပေးသင့်သည်။ တစ်ချိန်တည်းတွင် “ရှေ့လုပ်ငန်းစဉ်ငါးရပ်”အသစ်နှင့် အာဆီယံ ၏ “ဘုံသဘောတူညီချက်ငါးရပ်” ၏ ကိုက်ညီသည့်အချက်ကို တက်တက်ကြွကြွဆွေးနွေးကာ အပြန်အလှန်မြှင့်တင်၍ စုပေါင်းအင်အားအဖြစ်ဖော်ဆောင်ရမည်။

၂။ မြန်မာပြည်သူများ လက်ရှိအခက်အခဲကျော်ဖြတ်နိုင်ရန် အတူတကွထောက်ခံအားပေးခြင်း

ဘက်အသီးသီးက မြန်မာနိုင်ငံထံ လူသားချင်းစာနာထောက်ထားမှုအကူအညီများ ပေးအပ်ရန် ကြိုဆိုပြီး မည်သည့်ကူညီမှုမဆို မြန်မာနိုင်ငံအစိုးရနှင့် ပြည်သူများ၏ဆန္ဒကို လေးစားသင့်သည်။ ကူညီမှုများကို အတိုက်အခံပဋိပက္ခပြုလုပ်ရာတွင် အသုံး   မပြုဘဲ ပြည်သူလူနေမှုဘဝကို အာမခံရာတွင် အမှန်တကယ်အသုံးပြုရမည်ဖြစ်သည်။ မြန်မာနိုင်ငံနှင့် လက်တွေ့ကျ ပူးပေါင်း   ဆောင်ရွက်မှုကိုမြှင့်တင်ကာ မြန်မာနိုင်ငံက မိမိစွမ်းရည်မြှင့်တင်ရန် ကူညီပေး၍ ပဋိပက္ခများဖြစ်ပွားမှုကို တားဆီးရန်အတွက် အကျိုးရှိသော လူမှုရေးနှင့်စီးပွားရေး အခြေအနေဖန်တီးပေးရမည်။

၃။ အာဆီယံပုံစံဖြင့် မြန်မာနိုင်ငံ အရေးကိစ္စကို ကောင်းမွန်စွာဖြေရှင်းရန် အတူတကွထောက်ခံအားပေးခြင်း၊

အာဆီယံက စည်းလုံးညီညွတ်မှု ထိန်းသိမ်းထားမှုနှင့် အာဆီယံ၏ဗဟိုတည်နေရာကို ထောက်ခံအားပေးခြင်းနှင့် ဒေသတွင်း   ပြင်ပအင်အား  များက အခြေအနေပျက်အောင် နှောင့်ယှက်ခြင်းကြောင့် ပဋိပက္ခပိုမိုဆိုးရွားလာမှုကို သတိထားရမည်ဖြစ်သည် လို့  သတင်း  ထုတ်ပြန်ချက်အရသိရပါတယ်။

မြန်မာနိုင်ငံကဆွေးနွေးရာတွင်-

လက်ရှိအခြေအနေနှင့် မြန်မာနိုင်ငံအစိုးရက ပြည်တွင်းတည်ငြိမ်မှု ကာကွယ်ထိန်းသိမ်းရန်အတွက် ကြိုးပမ်းမှုများကို မြန်မာ   ဘက်ကမိတ်ဆက်ပေးခဲ့ပြီး သုံးနိုင်ငံက ချစ်ကြည်ရင်းနှီးသော အိမ်နီးချင်းနိုင်ငံအနေဖြင့် မြန်မာနိုင်ငံ အခက်အခဲ   ကြုံတွေ့   ချိန်တွင် ကူညီသောလက်ကမ်းပေးမှုကို ကျေးဇူးတင်ရှိပါကြောင်း၊ အလွတ်သဘောတွေ့ဆုံဆွေးနွေးမှုကို ကောင်းမွန်စွာအသုံး    ပြု၍ ပူးပေါင်းဆောင်ရွက်မှုကိုမြှင့်တင်ကာ နားလည်မှုတိုးမြှင့်ပြီး ပြည်တွင်းတည်ငြိမ်မှုနှင့် နိုင်ငံရေးပြန်လည်သင့်မြတ်မှုကို ဆောလျင်စွာဖော်ဆောင်ရန် ဆန္ဒရှိကြောင်း ပြောကြားခဲ့ပါတယ်။

ထိုင်းနိုင်ငံဆွေးနွေးရာတွင်-

မြန်မာနိုင်ငံသည် ငြိမ်းချမ်းမှု၊ တစ်သားတည်းဖြစ်မှုနှင့် တည်ငြိမ်မှုကို ထိန်းသိမ်းထားရန် တွေ့မြင်လိုပါကြောင်း၊ မြန်မာနိုင်ငံက မိမိနည်းလမ်းဖြင့် ပြည်တွင်းရေးပြဿနာအား ဖြေရှင်းမှုကိုလေးစားပါကြောင်း၊ မြန်မာပြည်သူများကဦးဆောင်၍ မြန်မာ ပြည်သူများကပိုင်ဆိုင်မှုကို လိုက်နာပါကြောင်း၊ ဘက်အသီးသီးနှင့်ချိတ်ဆက်မှုကို ထိန်းသိမ်းကာ မြန်မာနိုင်ငံကို အတတ် နိုင်ဆုံးကူညီပေး၍ အာဆီယံလုပ်ငန်းစဉ်နှင့်အတူ အပြန်အလှန်ဖြည့်စွက်မှုဖြစ်လာပြီး ကောင်းမွန်စွာဖြေရှင်းသည့်    နည်းလမ်း  ကို ရှာဖွေတွေ့ရှိရန် ကြိုးပမ်းသွားလိုသည့် ဆန္ဒရှိကြောင်း ပြောကြားခဲ့ပါတယ်။

လာအိုနိုင်ငံကဆွေးနွေးရာတွင်-

လေးနိုင်ငံသည်ဘုံနယ်စပ်များရှိကြပြီး အေးအတူပူအမျှဖြစ်ကြကြောင်း၊ မြန်မာနိုင်ငံ၏အိမ်နီးချင်းနှင့် မိတ်ဆွေအနေဖြင့် မြန်မာနိုင်ငံက တည်ငြိမ်မှုနှင့် ဖွံ့ဖြိုးတိုးတက်မှုကို ထိန်းသိမ်းထားရန် မျှော်လင့်ပြီး မြန်မာနိုင်ငံကို ကူညီပေးရန် ဆန္ဒ   ရှိပါကြောင်း၊ လေးနိုင်ငံမှ အလွတ်သဘောတွေ့ဆုံဆွေးနွေးမှုသည် မြန်မာနိုင်ငံအခြေအနေကို ပိုမိုနားလည်ပြီး ကောင်းမွန်    စွာဖြေရှင်းရန်နည်းလမ်း အတူတကွရှာဖွေရန် အထောက်အကူပြုပါကြောင်း၊ တရုတ်နိုင်ငံက ပြည်တွင်းရေးကို မစွက်ဖက်သည့် အခြေခံမူအား လိုက်နာသည့် သဘောထားကို လုံးဝသဘောတူပါကြောင်း၊ မြန်မာနိုင်ငံပြဿနာကို မြန်မာပြည်သူများကသာ ဖြေရှင်းနိုင်ကြောင်း၊ ပြင်ပအင်အားများက စွက်ဖက်မှုကို ကာကွယ်ရမည်ဖြစ်ကြောင်း ပြောကြားခဲ့ပါတယ်။

ဆွေးနွေးပွဲသို့ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်  နိုင်ငံခြားရေးဝန်ကြီး Mr. Wang Yi၊ လာအိုနိုင်ငံ ဒုတိယဝန်ကြီးချုပ်၊ နိုင်ငံခြားရေးဝန်ကြီး Mr. Saleumxay Kommasith ၊ မြန်မာနိုင်ငံ ဒုတိယဝန်ကြီးချုပ်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေ၊ ထိုင်းနိုင်ငံခြားရေးဝန်ကြီးဌာန အမြဲတမ်းအတွင်းဝန် Ms. Eksiri Pintaruchi တို့တက်ရောက်ခဲ့ကြပါတယ်။

@ymg/knl