၂၃ အောက်တိုဘာ ၂၀၂၄
ပြည်ပမှယဉ်ကျေးမှုများ ထိုးဖောက်ဝင်ရောက်လာနေမှုများကို အမျိုးသားရေးအမြင်ဖြင့် ရှုမြင်ကြပြီး အန္တရာယ်ရှိသည်ကို သတိထားကြဖို့ နစက ဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က တိုက်တွန်းပြောကြားလိုက်ပါတယ်။
ယနေ့ အောက်တိုဘာ ၂၃ ရက်မနက်က နေပြည်တော်ရှိ အပြည်ပြည်ဆိုင်ရာကွန်ဗင်းရှင်းဗဟိုဌာန(၂) တွင်ကျင်းပတဲ့ (၂၅)ကြိမ်မြောက် ငွေရတုအထိမ်းအမှတ် မြန်မာ့ရိုးရာယဉ်ကျေးမှု အဆို၊ အက၊ အရေး၊အတီးပြိုင်ပွဲ ဆုချီးမြှင့်ပွဲ အခမ်းအနားတွင် ဗိုလ်ချုပ်မှူးကြီးမင်းအောင်လှိုင်က ပြောကြားခဲ့တာဖြစ်ပါတယ်။
အဆိုပါအန္တရာယ်များကို ထိထိရောက်ရောက် ခုခံတွန်းလှန်နိုင်မည့်မျက်နှာစာတစ်ခုဖြစ်သည့် ယဉ်ကျေးမှုနှင့် အနုပညာနယ်ပယ်မှ မြန်မာ့မူ၊ မြန်မာ့ဟန်၊မြန်မာ့ယဉ်ကျေးမှု ၊ အနုပညာရပ်များကို ဆက်လက်ပြီး ရှင်သန် ဖွံ့ဖြိုးတိုးတက်စေရေးအတွက် ကြိုးပမ်းဆောင်ရွက်သွားကြရန် လိုအပ်တယ်လို့လည်း ဗိုလ်ချုပ်မှူးကြီးက ပြောပါ တယ်။
တိုင်းတစ်ပါးယဉ်ကျေးမှု ထိုးဖောက်ဝင်ရောက်မှုအန္တရာယ်ကို တားဆီးကာကွယ်နိုင်စေရန် မြန်မာလူမျိုးတို့၏ သမိုင်းအစဉ်အလာ ကြီးမားမှု၊ မျိုးရိုးဂုဏ်ရှိန်ထည်ဝါမှု၊ ယဉ်ကျေးမှုအဆင့်အတန်း မြင့်မားမှုနှင့်ယဉ်ကျေးသိမ်မွေ့ သည့် မြန်မာ့ဂုဏ်ရည်များကို မျိုးဆက်သစ်လူငယ်များအတွင်းစိမ့်ဝင်ပျံ့နှံ့နေပြီး အမျိုးသားရေး ကိုယ်ခံစွမ်းအားများ မြင့်မားလာအောင် အနုပညာစွမ်းပကားဖြင့် ဆောင်ရွက်ပေးကြရန်လည်း ဗိုလ်ချုပ်မှူးကြီးက တိုက်တွန်းခဲ့ပါတယ်။
အခမ်းအနားတွင် ကဏ္ဍအလိုက်ဆုရရှိကြသူများကို နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်နှင့်ဇနီး၊ ဒုတိယ ဥက္ကဋ္ဌ ဒုတိယဗိုလ်ချုပ်မှူးကြီးစိုးဝင်းနှင့်ဇနီးအပါအဝင် တက်ရောက်လာကြသည့် ကောင်စီဝင်များ၊ပြည်ထောင်စု ဝန်ကြီးများနှင့်ပြည်ထောင်စုအဆင့်ပုဂ္ဂိုလ်များ၊အဆင့်မြင့်တပ်မတော်အရာရှိကြီးများနှင့် တာဝန်ရှိသူများက ဆုများ ပေးအပ် ချီးမြှင့်ခဲ့ကြပါတယ်။
ညနေပိုင်းတွင်လည်း ဂုဏ်ပြုမှတ်တမ်းလွှာများပေးအပ်ပွဲနှင့် ဂုဏ်ပြုညစာစားပွဲတစ်ရပ်ကိုပါ ဆက်လက်ကျင်းပခဲ့ ပြီး အဆိုပါအခမ်းအနားသို့ နစကဥက္ကဋ္ဌဗိုလ်ချုပ်မှူးကြီး၊ ဒုတိယဥက္ကဋ္ဌ ဒုတိယဗိုလ်ချုပ်မှူးကြီးနှင့် ကောင်စီဝင်များ၊ ပြည်ထောင်စုဝန်ကြီးများ၊ပြည်ထောင်စုအဆင့်ပုဂ္ဂိုလ်များနှင့် အဆင့်မြင့်တပ်မတော်အရာရှိကြီးများတက်ရောက် ချီးမြှင့်ပြီး ပြိုင်ပွဲကျင်းပရေးဆိုင်ရာ ကော်မတီများမှပုဂ္ဂိုလ်များ၊ အကဲဖြတ်ပညာရှင်ကြီးများ၊ တိုင်းဒေသကြီးနှင့် ပြည်နယ်အသီးသီးမှ အုပ်ချုပ်သူများ၊နည်းပြများနှင့် ပြိုင်ပွဲဝင်များတက်ရောက်ခဲ့ကြကြောင်းသိရှိရပါတယ်။
#ymg/knl
၂၃ အောက်တိုဘာ ၂၀၂၄
မြန်မာနိုင်ငံနှင့်လာအိုနိုင်ငံတို့ဟာ နှစ်နိုင်ငံအကြား ရွှေ့ပြောင်းအလုပ်သမားကိစ္စ ပူးပေါင်းဆောင်ရွက်ရေးဆိုင်ရာ သဘောတူညီချက်တစ်ရပ်ကို တနင်္လာနေ့က လက်မှတ်ရေးထိုးခဲ့ကြတယ်လို့ လာအိုနိုင်ငံပိုင်သတင်းဌာနများက သတင်းထုတ်ပြန်ပါတယ်။
လာအိုကိုရောက်ရှိနေတဲ့ မြန်မာအလုပ်သမားဝန်ကြီး ဦးမြင့်နောင်နှင့် လာအို အလုပ်သမားနှင့်လူမှုဝန်ထမ်းဝန်ကြီး မစ္စ ဘေခမ်ခတ္တိယတို့ မြို့တော်ဘီယန်ကျင်းမှာ နားလည်မှုစာချွန်လွှာကို လက်မှတ်ရေးထိုးခဲ့ကြတာဖြစ်ပါတယ်။
ရွှေ့ပြောင်းအလုပ်သမားများနှင့်ပတ်သက်၍ နှစ်နိုင်ငံဟာ အစီအစဉ်များကို ပိုမိုနီးကပ်စွာ ရေးဆွဲဆောင်ရွက်ကြမှာ ဖြစ်ပြီး ယင်းသို့လုပ်ဆောင်ခြင်းနှင့်အတူ နှစ်နိုင်ငံအကြား ချစ်ကြည်စွာဆက်ဆံရေးနှင့်အိမ်နီးချင်းပူးပေါင်း ဆောင် ရွက်မှုတို့ကို မြှင့်တင်ကြမှာဖြစ်တယ်လို့လည်း လာအိုသတင်းများမှာဖော်ပြထားပါတယ်။’
သဘောတူညီချက်များအရ နှစ်နိုင်ငံသည် သက်ဆိုင်ရာ အလုပ်သမားများနှင့်ပတ်သက်ပြီး ပူးပေါင်းဆောင်ရွက်မှု နယ်ပယ်တွေကို အကောင်အထည်ဖော်ကြမှာဖြစ်ပြီး နယ်ပယ်အလိုက်ပူးပေါင်းဆောင်ရွက်ရာမှာ နားလည်မှုစာချွန် လွှာတွေလက်မှတ်ရေးထိုးဆောင်ရွက်ကြမှာဖြစ်ပါတယ်။
နှစ်နိုင်ငံအစိုးရများက သဘောတူထားတဲ့ ပူးပေါင်းဆောင်ရွက်ရေးအစီအစဉ်တွေ အကောင်အထည်ဖော်ရာမှာ ယခုသဘောတူညီချက်က ပံ့ပိုးပေးလိမ့်မယ်လို့ လာအိုအလုပ်သမားဝန်ကြီး မစ္စ ဘေလမ်ခန္တိယက ပြောပါတယ်။
စီစဉ်ထားတဲ့ နယ်ပယ်အလိုက် ပူးပေါင်းဆောင်ရွက်မှု သဘောတူညီချက်တွေလုပ်ဆောင်မှာဖြစ်ပြီး အဲဒီအထဲမှာ လာအိုနိုင်ငံ အထူးသဖြင့် ရွှေတြိဂံ အထူးစီးပွားရေးဇုန်မှာ တရာမးဝင်အလုပ်လုပ်နေကြသူတွေကိစ္စဖြေရှင်းဖို့လည်း ပါဝင်တယ်လို့ သိရပါတယ်။
အဲသလိုဆောင်ရွက်ရာမှာ နှစ်နိုင်ငံအစိုးရတွေဟာ အလုပ်သမားတွေကို မှတ်ပုံတင်ခြင်း၊အသိအမှတ်ပြုခြင်းနှင့် သူတို့ရဲ့ တရားဝင်အခွင့်အရေးများနှင့်အကျိုးစီးပွားတွေကို ကာကွယ်ပေးခြင်းတို့လုပ်ဆောင်ကြဖို့လိုအပ်မှာ ဖြစ်ပါတယ်။
နားလည်မှုစာချွန်လွှာပါအချက်အလက်များလုပ်ဆောင်နိုင်ဖို့ နှစ်ဘက်ကော်မတီတစ်ရပ်ကိုလည်း ဖွဲ့စည်းသွားမယ် လို့ဆိုပါတယ်။
လက်မှတ်ရေးထိုးပွဲမှာ မြန်မာဝန်ကြီးဦးမြင့်နောင်ကလည်း ရွှေ့ပြောင်းအလုပ်သမားများရဲ့ အခန်းကဏ္ဍကို လုပ်သားအင်အားအရင်းအနှီးအဖြစ် အသားပေးပြောဆိုသွားပြီး သူတို့ဟာ လက်ခံတဲ့နိုင်ငံနှင့် မူရင်းနိုင်ငံနှစ်နိုင်ငံ လုံးရဲ့ လူမှုစီးပွားအခြေအနေတွေကိုမြှင့်တင်ရာမှာ ပါဝင်နေသူတွေဖြစ်တယ်လို့ပြောပါတယ်။
စာချွန်လွှာအရ လာအိုနှင့်မြန်မာနှစ်နိုင်ငံတို့ဟာ အလုပ်သမားများရဲ့ ကျွမ်းကျင်မှု၊ အလုပ်ရရှိမှုအဆင့်အတန်း၊ လူမှုဖူလုံရေး၊အကာအကွယ်ပေးရေးနှင့်နည်းပညာတို့ကို တိုးတက်အောင် ပူးပေါင်းဆောင်ရွက်ကြမယ်လို့လည်း ဦးမြင့်နောင်ကပြောပါတယ်။
နှစ်နိုင်ငံအလုပ်သမားဝန်ကြီးတွေဟာ ပူးပေါင်းဆောင်ရွက်နိုင်မယ့် အခြားနယ်ပယ်တွေအကြောင်းလည်း ဆွေးနွေး ခဲ့ကြတယ်လို့သိရှိရပါတယ်။
@ymg/knl
၂၃ အောက်တိုဘာ ၂၀၂၄
တက္ကဆပ်ပြည်နယ်ရဲ့ ရှေ့နေချုပ် ကင်ပက်တွန်က အချို့သော မှတ်ပုံတင်ထားတဲ့မဲဆန္ဒရှင်တွေရဲ့ နိုင်ငံ သားဖြစ်မှုအခြေအနေကို ကူညီပံ့ပိုးမှုမလုပ်လို့ဆိုပြီး သမ္မတဂျိုးဘိုင်ဒင်ရဲ့ အစိုးရကို အင်္ဂါနေ့က တရားစွဲဆိုလိုက် ပါတယ်။
တက္ကဆပ်ပြည်နယ် အနောက်ပိုင်းဒိစတြိတ် တရားရုံးမှာ တရားစွဲခဲ့တာဖြစ်ပြီး ဘိုင်ဒင်အစိုးရ အထူးသဖြင့် ပြည်တွင်းလုံခြုံရေးဌာနဟာ အချို့သော မှတ်ပုံတင်ထားတဲ့ မဲဆန္ဒရှင်တွေရဲ့ နိုင်ငံသားဖြစ်မှုအခြေ အနေသတင်းအချက်အလက်တွေပေးဖို့ ပြည်နယ်က တောင်းဆိုထားတဲ့အပေါ် ဘာမှမတုန့်ပြန် မကူညီတဲ့ အတွက် ယခုလိုတရားစွဲလိုက်တာလို့ဆိုပါတယ်။
တက္ကဆပ်ပြည်နယ်မှာ မှတ်ပုံတင်ထားတဲ့ မဲဆန္ဒရှင် ၁၇.၉ သန်းထဲမှာ လူပေါင်း လေးသိန်းခွဲရဲ့ နိုင်ငံသား ဖြစ်မှုအခြေအနေကို ပြည်နယ်ကသိလိုတာဖြစ်ပါတယ်။
အမေရိကန်နိုင်ငံရဲ့ ဖက်ဒရယ် ရွေးကောက်ပွဲတွေမှာ နိုင်ငံသားမဟုတ်သည့်သူတွေ မဲပေးခြင်းဟာ တရား မဝင်ပါဘူး။ အဲသလို တရားမဝင်မဲပေးမှုအချို့ကို ပြည်နယ်နှင့် ပုဂ္ဂလိက သုံးသပ်လေ့လာသူတွေက တွေ့ရှိ ထားခဲ့ပါတယ်။ လာမယ့် နိုဝင်ဘာလ ၅ ရက်ရွေးကောက်ပွဲမှာ နိုင်ငံသားမဟုတ်တဲ့သူတွေ အများကြီး မဲလာပေးနိုင်တယ်လို့ ရီပတ်ဘလီကန်သမ္မတလောင်း ဒေါ်နယ်ထရမ့်နှင့် သူ့ရဲ့ မဟာမိတ်တွေက စောဒက တက်ထားကြပါတယ်။
ရိုက်တာသတင်းဌာနရဲ့ မေးမြန်းချက်အပေါ် ပြည်တွင်းလုံခြုံရေးဝန်ကြီးဌာနက ဘာမှမတုန့်ပြန်သေးဘူး လို့သတင်းကရေးသားပါတယ်။
၂၀၂၀ ရွေးကောက်ပွဲမှာ သူရှုံးနိမ့်ရတာဟာ ဘိုင်ဒင်တို့က မဲမသမာမှုအများအပြားလုပ်ခဲ့တာကြောင့်လို့ ထရမ့်က အမြဲပြောနေခဲ့ပါတယ်။
တက္ကဆပ်ပြည်နယ် ရှေ့နေချုပ် ပက်တွန်ရဲ့ရုံးက အောက်တိုဘာ ၁၉ရက်အထိနောက်ဆုံးထား မှတ်ပုံတင် ရမယ့် မဲဆန္ဒရှင်စာရင်းထဲမှာ တရားမဝင်မှတ်ပုံတင်ထားသူတွေရှိကောင်းရှိလိမ့်မယ်ဆိုပြီး အဲဒီလူပေါင်း လေးသိန်းခွဲဟာ အမေရိကန်နိုင်ငံသားဟုတ်မဟုတ် အကြောင်းပြန်ပေးဖို့ အမေရိကန်အစိုးရကို ယခု လစောစောပိုင်းက စာပို့ခဲ့ပါတယ်။ ဒါပေမယ့် ဘိုင်ဒင်အစိုးရက ဘာတစ်ခုမှမတုန့်ပြန်ခဲ့ပါဘူး။
“ စာရင်းမှာပါတဲ့ မဲဆန္ဒရှင်အများစုဟာ မဲပေးခွင့်ရှိတဲ့ အမေရိကန်နိုင်ငံသားတွေဖြစ်ဖို့များပါတယ်။ ဘာ သတင်းအချက်အလက်မှထပ်မရဘဲနှင့် တက္ကဆပ်ပြည်နယ်အနေနှင့် စာရင်းပါတွေထဲမှာ ဘယ်သူတွေ ဟာ မဲပေးခွင့်မရှိကြတဲ့ နိုင်ငံသားမဟုတ်သူတွေဆိုတာကို ဘယ်လိုမှသိနိုင်မှာမဟုတ်ဘူး” လို့ ရှေ့နေချုပ် ရုံးက သတင်းထုတ်ပြန်ထားပါတယ်။
Ref: Reuters
၂၁ အောက်တိုဘာ ၂၀၂၄
မန္တလေးမြို့ရှိ တရုတ်ကောင်စစ်ဝန်ချုပ်ရုံး ဖောက်ခွဲတိုက်ခိုက်မှုခံရသည့်အတွက် အဆိုပါတိုက်ခိုက်မှု လုပ်ရပ်ကို ပြင်းထန်စွာရှုတ်ချတယ်လို့ တရုတ်အစိုးရကပြောပါတယ်။
အောက်တိုဘာ ၂၁ ရက် ယနေ့တွင် ဘေဂျင်းရှိ နိုင်ငံခြားရေးဝန်ကြီးဌာန၌ ပုံမှန်ကျင်းပတဲ့ သတင်းစာရှင်း လင်းပွဲမှာ သတင်းထောက်တစ်ဦး၏အမေးအပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရ ပုဂ္ဂိုလ် မစ္စတာလင်းကျန့်က ပြောဆိုခဲ့ခြင်းဖြစ်ပါတယ်။
“မြန်မာစံတော်ချိန် အောက်တိုဘာလ ၁၈ ရက်နေ့ ၅ နာရီဝန်းကျင်တွင် မန္တလေးမြို့ရှိ တရုတ်ကောင် စစ် ဝန်ချုပ်ရုံး၏ လမ်းမဘက်ခြမ်းရှိ ရုံးအဆောင်တစ်ခုသည် ဖောက်ခွဲရေးတိုက်ခိုက်မှုခံခဲ့ရပြီး လူထိခိုက် သေဆုံးမှုမရှိခဲ့သော်လည်း ရုံးဆောင်အချို့တဝက်ပျက်စီးမှုဖြစ်ပွားခဲ့သည်။ တရုတ်ဘက်က အဆိုပါတိုက် ခိုက်မှုလုပ်ရပ်ကို အလွန်တုန်လှုပ်မိ၍ ပြင်းထန်စွာရှုတ်ချပါတယ်” လို့ မစ္စတာလင်ကျန့်က ပြောဆိုခဲ့ တာပါ။
တရုတ်နိုင်ငံခြားရေးဝန်ကြီးဌာနနှင့် မြန်မာနိုင်ငံဆိုင်ရာ တရုတ်သံရုံးနှင့် ကောင်စစ်ဝန်ချုပ်ရုံးတို့က အရေး ပေါ်တုံ့ပြန်မှုယန္တရားကိုလျင်မြန်စွာစတင်တုန့်ပြန်လုပ်ဆောင်ခဲ့တယ်လို့လည်းသူကပြောပါတယ်။ယင်းအပြင် တိုက်ခိုက်မှုကိစ္စရပ်ကို သေချာစုံစမ်းစစ်ဆေး၍ ကျူးလွန်သူကို အစွမ်းကုန် ကြိုးပမ်းဖမ်းဆီးကာ တရားဥပဒေနှင့်အညီ ပြင်းထန်စွာပြစ်ဒဏ်ပေးရန် မြန်မာနိုင်ငံဘက်သို့ တရုတ်နိုင်ငံဘက်က လေးနက် စွာ အရေးဆို တိုက်တွန်းထားပြီးဖြစ်တယ်လို့လည်း ဆိုပါတယ်။
မြန်မာဘက်ကလည်း အဆိုပါကိစ္စရပ်အပေါ် အလွန်တုန်လှုပ်ဝမ်းနည်းဖြစ်ရပြီး လိုအပ်သောအစီအမံများ ကို လုပ်ဆောင်ပြီးဖြစ်ကာ နိုင်ငံတကာဥပဒေအရ ကတိကဝတ်နှင့် တာဝန်ဝတ္တရားများကို ဆောင် ရွက်မှာဖြစ်ပြီး မြန်မာနိုင်ငံရှိ တရုတ်ဝန်ထမ်းများနှင့် အဖွဲ့အစည်များ၏ လုံခြုံရေး ပဓာန တာဝန်ကို လက် တွေ့ကျကျတာဝန်ယူသွားမည်ဖြစ်တယ်လို့ပြောဆိုထားကြောင်း မစ္စတာ လင်ကျန့်က သတင်းထောက် တွေကိုပြောပါတယ်။
မန္တလေးမြို့ရှိ တရုတ်ကောင်စစ်ဝန်ချုပ်ရုံးကလည်း မကြာသေးမီက လုံခြုံရေးသတိပေးချက် ထုတ်ပြန်ခဲ့ ပြီးဖြစ်ကာ မြန်မာနိုင်ငံရှိ တရုတ်နိုင်ငံသား၊ ကုမ္ပဏီများနှင့် အဖွဲ့အစည်းများက ဒေသအတွင်းလုံခြုံ ရေး အခြေအနေကို ဆက်လက်ဂရုပြုကြ၍ လုံခြုံရေးအစီအမံများ မြှင့်တင်လုပ်ဆောင်ကာ ဘေးကင်းလုံခြုံ ရေးအတွက် ကြိုတင်ကာကွယ်မှုများ လုပ်ဆောင်ထားရန် တိုက်တွန်းထားတယ်လို့လည်း တရုတ် နိုင်ငံခြားရေးဝန်ကြီးဌာနပြောခွင့်ရပုဂ္ဂိုလ်ကပြောကြားခဲ့ပါတယ်။
#ymg/knl
၂၁ အောက်တိုဘာ ၂၀၂၄
အင်ဒိုနီးရှားနိုင်ငံမှာ ပရာဘိုဝိုဆူဘီယန်တို သမ္မတသစ်အဖြစ် စတင်တာဝန်ယူပြီးနောက်မှာ အရေးကြီးတဲ့ အစိုးရဝန်ကြီးတစ်နေရာဖြစ်တဲ့ နိုင်ငံခြားရေးဝန်ကြီးနေရာကို ဂါရင်ဒရာပါတီဒုတိယ ဥက္ကဋ္ဌဖြစ်တဲ့ ဆူဂီယိုနိုကို ခန့်အပ်လိုက်ပါတယ်။ ဆူဂီယိုနိုဟာ ဟောဟောဒိုင်းဒိုင်းပြောတတ်တဲ့ ယခင်အစိုးရ နိုင်ငံ ခြားရေးဝန်ကြီး ရက်တနို မာဆူဒီ ရဲ့ နေရာကို အစားထိုးတာဝန်ယူမှာဖြစ်ပါတယ်။
အင်ဒိုနီးရှားနိုင်ငံ မြို့တော်ဂျာကာတာမှာ တနင်္ဂနွေညနေခင်းမှာ ပြုလုပ်တဲ့ ဝန်ကြီးအဖွဲ့အသစ် ဖွဲ့စည်းမှု မှာ အရေးကြီးဝန်ကြီးဌာနနေရာတော်တော်များများမှာ အသစ်တွေခန့်အပ်ထားတာတွေ့ရပါတယ်။
အဲဒီအပြင် ဂီလိုရာပါတီက နိုင်ငံရေးသမား အန်နစ်မက်တာ၊က ကုလသမဂ္ဂဆိုင်ရာ အင်ဒိုနီးရှားနိုင်ငံ အမြဲတမ်းကိုယ်စားလှယ် အာမန်နန်သာနာဆီယာနှင့် ဂျာမနီနိုင်ငံဆိုင်ရာ အင်ဒိုနီးရှားသံအမတ်ကြီး အာရစ် ဟာဗက်စ်အိုဂအီဂရိုဆီနိုတို့ကိုလည်း ဒုတိယနိုင်ငံခြားရေးဝန်ကြီးများအဖြစ်ခန့်အပ်လိုက်ပါတယ်။
နိုင်ငံခြားရေးဝန်ကြီးအသစ်ဖြစ်တဲ့ အသက် ၄၅နှစ်အရွယ် ဆူဂီယိုနိုဟာ အင်ဒိုနီးရှားစစ်တပ် အထူးတပ်ဖွဲ့ ဝင်ဟောင်းတစ်ဦးဖြစ်ပါတယ်။ သူဟာ စစ်တပ်ကထွက်ပြီးနောက် ယခုသမ္မတသစ်ဖြစ်လာတဲ့ ပရာဘိုဝိုရဲ့ ဂါရင်ဒရာပါတီကို ဝင်ရောက်ခဲ့ပါတယ်။သူဟာ အင်ဒိုနီးရှားပါလီမန်ရဲ့ နိုင်ငံခြားရေးရာ၊ကာကွယ်ရေးနှင့် လုံခြုံရေးကော်မရှင် အဖွဲ့ဝင်လည်းလုပ်ခဲ့ပါတယ်။
သူဟာ ပါရာဘိုဝိုရဲ့ ပုဂ္ဂိုလ်ရေးအတွင်းရေးမှူးလည်းလုပ်ခဲ့ဖူးပြီး နော်ဝစ်တက္ကသိုလ်ကျောင်းဆင်းဖြစ်ကာ သိုသိသိပ်သိပ်နေတတ်သူတစ်ဦးဖြစ်ပါတယ်။ သူဟာ သမ္မတသစ်ပရာဘိုဝိုရဲ့ အယုံအကြည်ရဆုံး အတွင်း လူတွေထဲကတစ်ဦးဖြစ်ပြီး ပရာဘိုဝိုရဲ့ အတွေးအခေါ်ခံယူသူလို့ အင်ဒိုနီးရှားနိုင်ငံရဲ့ နိုင်ငံပိုင်မီဒီယာ အန်တာရာကရေးသားပါတယ်။
“ ကျွန်တော်ဟာစစ်သားတစ်ယောက်ပါ။ ဘာတာဝန်ပေးပေး၊ အပြည့်အဝေတာဝန်ယူပြီး အကောင်းဆုံး လုပ်မှာပါ” လို့ ပရာဘိုဝိုနှင့် အောက်တိုဘာ ၁၄ရက်က ပရာဘိုဝိုအိမ်မှာ တွေ့ဆုံခဲ့အပြီးမှာ သတင်း ထောက်တွေကိုပြောခဲ့ပါတယ်။
အနားယူသွားတဲ့ အင်ဒိုနီးရှားနိုင်ငံခြားရေးဝန်ကြီးဟောင်း ရက်တနို မာဆူဒီဟာ သမ္မတဟောင်း ဂျိုကိုဝီဒိုဒိုရဲ့ အစိုးရအဖွဲ့မှာ နိုင်ငံခြားရေးဝန်ကြီးအဖြစ် ၂၀၁၄ မှ ၂၀၂၄ အထိ ဆယ်နှစ်တိတိလုပ်ခဲ့သူ ဖြစ်ပါတယ်။ သူမဟာ နိုင်ငံခြားရေးဝန်ကြီးမဖြစ်ခင် နယ်သာလန်၊အိုက်စ်လန်နှင့် နော်ဝေတို့မှာ အင်ဒိုနီးရှားသံအမတ်ကြီးလုပ်ခဲ့ပြီး အင်ဒိုနီးရှားနိုင်ငံခြားရေးဝန်ကြီးဌာနဝန်ထမ်းဘဝကနေ ရာထူး အဆင့်ဆင့်ရယူခဲ့သူဖြစ်ပါတယ်။
Ref: News Wires
MANDALAY, Myanmar – October 19th, 2024: An explosion occurred at the Chinese Consulate in Mandalay on the evening of October 18th, causing some damage to the building. The explosion took place around 4:30 PM at the consulate located in Chanmyathazi Township, Mandalay, the cultural capital of Myanmar.
Security personnel who responded to the incident found that the blast had occurred on the roof of the two-story consulate building, causing approximately 2 feet of damage to the roof tiles. Fortunately, there were no reported injuries or other significant damages.
The Information Team of the ruling State Administration Council released a statement on October 19th, confirming that security forces are working closely with consulate officials to investigate the cause of the explosion and apprehend those responsible. Additional security measures have been implemented in the area to ensure safety and prevent further incidents.
#ymg/knl
၁၇ အောက်တိုဘာ ၂၀၂၄
မြန်မာနိုင်ငံအပါအဝင် ကမ္ဘာမှာဖြစ်ပေါ်နေတဲ့ ပဋိပက္ခတွေနှင့်စစ်ပွဲတွေမှာ ဗြိတိန်နိုင်ငံဟာ မျိုးစေ့ချခဲ့တယ်လို့ ကုလသမဂ္ဂအစည်းအဝေးတစ်ခုမှာ တရုတ်သံတမန်က ပြောဆိုခဲ့တဲ့အကြောင်း CCTV သတင်းတစ်ရပ်အရ သိရပါတယ်။
ပြီးခဲ့တဲ့ ဗုဒ္ဓဟူးနေ့က ကျင်းပခဲ့တဲ့ ကုလသမဂ္ဂရဲ့ လူ့အခွင့်အရေးကော်မရှင် တတိယကော်မတီ ဆွေးနွေးပွဲမှာ တရုတ်သံတမန်ဖြစ်တဲ့ ကုလသမဂ္ဂဆိုင်ရာ တရုတ်နိုင်ငံ ဒုတိယအမြဲတမ်းကိုယ်စားလှယ် တိုင်းပင်း Dai Bing က တရုတ်နိုင်ငံအပေါ် အမေရိကန်နှင့်ဗြိတိန်ကိုယ်စားလှယ်တွေရဲ့ လူ့အခွင့်အရေးဆိုင်ရာစွပ်စွဲချက်ကို ပြန်လည် တုန့်ပြန် ပြောဆိုခဲ့တာဖြစ်ပါတယ်။
"အမေရိကန် နှင့် ဗြိတိန် တို့တွင် လူ့အခွင့်အရေးအခြေအနေများသည် နိုင်ငံတကာလူ့အသိုက်အဝန်း၏ အာရုံစိုက် စရာ ဖြစ်ပါတယ်။ အမေရိကန်ဟာ ဂါဇာတွင် အရပ်သားပြည်သူ ၄၀,၀၀၀ ကျော်သေဆုံးခြင်းကို မျက်ကွယ် ပြုမမြင်ချင်ယောင်ဆောင်ခဲ့ကာ ပြည်တွင်း၌ ကျောင်းသားများ၏ ငြိမ်းချမ်းစွာ ဆန္ဒပြမှုများကို အကြမ်းဖက် ဖိနှိပ်ခဲ့ ပါတယ်၊ ပြည်ပသို့လည်း လက်နက်များပေးပို့ကာ ပဋိပက္ခများ ပိုမိုဆိုးရွားအောင် လုပ်ခဲ့ပါ တယ်။အရှေ့အလယ် ပိုင်းတွင် လူသားချင်း စာနာမှုဆိုင်ရာ ကပ်ဘေးဆိုးကြီးအတွက်လည်း အမေရိကန်နိုင်ငံတွင် အသေအချာတာဝန် ရှိနေပါတယ်။ဗြိတိန်ဟာ နှစ်ပေါင်းရာကျော် ကိုလိုနီပြုအုပ်စိုးခဲ့စဉ်အတွင်း ကမ္ဘာတစ်လွှားမှာ အားလုံးသော ရာဇဝတ်မှုအမျိုးမျိုးကိုကျူးလွန်ခဲ့တယ်။ ပါလက်စတိုင်းနှင့်အစ္စရေးတွေအကြား၊ပြီးတော့ ဆူဒန်နှင့်မြန်မာနိုင်ငံ တွေ အပါအဝင် စစ်ပွဲတွေနှင့် ပဋိပက္ခတွေအများစုကို ဗြိတိန်က မျိုးစေ့ချခဲ့တာဖြစ်တယ်။ ဒီကနေ့မှာလည်း အဲဒီမီးတောက်ကိုထပ်ပြီးမီးလောင်ရာလေပင့်နေတယ်။ဒီပြဿနာတွေအားလုံးအတွက်အပြည့်အဝတာဝန်ရှိတယ်။ အမေရိကန်၊ဗြိတိန်နှင့် အနောက်နိုင်ငံအချို့ဟာ အစ္စလမ်ကြောက်ရောဂါနှင့် အာရှမုန်းတီးရေးတွေကိုပျံ့နှံ့သွား အောင်လုပ်နေတယ်။ လူနည်းစုတိုင်းရင်းသားတွေကို ခွဲခြားဆက်ဆံတာ ကန့်သတ်တာတွေဆက်လုပ်နေတယ်။ သူတို့ကိုယ်သူတို့ လူ့အခွင့်အရေးချန်ပီယံလို့ပြောနေတာတွေဟာ တကယ့်ကို ကြောင်သူတော်တွေပဲဖြစ်တယ်"လို့ သူကပြောခဲ့ပါတယ်။
Page 4 of 201
