Published 20 November 2023

အိန္ဒိယဝယ်လိုအားလျော့ကျ၍ ပဲစင်းငုံဈေးနှုန်းများကျဆင်းနေကြောင်း ပဲနှမ်းဈေးကွက်အတွင်းမှသိရသည်။ ထိုသို့ကျဆင်းရာတွင် ပြီးခဲ့သည့်အပတ်ကထက်တစ်တန်ကို ကျပ်ခြောက်သိန်းခွဲ အထိကျဆင်းလာကြောင်းသိရသည်။

'ပဲစင်းငုံကထွက်ချိန်နီးနေပြီ၊လက်ကျန်ကလည်းရှိသေးတယ်၊ဒီအချိန်မှာအိန္ဒိယကလည်းပဲဝယ်လိုအားလျော့သွားတဲ့အတွက် ဈေးကျလာတာ၊ဒီလဆန်းထဲကကျနေတာပါ' ဟု ပဲနှမ်းကုန်သည် ဦးဇော်လွင်ကပြောသည်။

ပဲစင်းငုံကို အိန္ဒိယသို့အဓိက နှင့် တရုတ်နိုင်ငံသို့ တင်ပို့မှုရှိသော်လည်း လတ်တလောတွင်ဝယ်လက်ပျောက်နေကြောင်းသိရသည်။

ပဲစင်းငုံကို မန္တလေးတိုင်း၊စစ်ကိုင်းတိုင်း၊မကွေးတိုင်းတို့၌အဓိကစိုက်ပျိုးကြပြီးအများအားဖြင့်သက်ကြီးမျိုးများအားသီးညှပ်စိုက်ပျိုးလေ့ရှိကြောင်းသိရသည်။

ထို့အပြင် အပင်သက်တမ်းအားဖြင့်သက်လျင်မျိုးမှာရက်ပေါင်း၁၆၀အောက်၊သက်လတ်မျိုးမှာရက်ပေါင်း၁၆၀မှ၂၀၀ရက်အတွင်းနှင့်သက်ကြီးမျိုးမှာရက်ပေါင်း၂၀၀ရက်အထက်ရှိ‌ကြောင်း
သိရသည်။
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published_ 20 November 2023

ယခုတစ်ပတ်တွင် စားအုန်းဆီလက်ကားရည်ညွှန်းဈေးရာဂဏာန်းမြင့်တက်လာပြီး တစ်ပိဿကျပ် ၄၉၉၀သတ် မှတ်ထားကြောင်း စားသုံးသူရေးရာဦးစီးဌာနမှသိရသည်။

ပြီးခဲ့သည့်အပတ်တွင် စားအုန်းဆီတစ်ပိဿကျပ်၄၆၈၀သာ ရှိခဲ့ပြီး အခုအပတ်တွင် စားအုန်းဆီ တစ်ပိဿာ လျှင် ၄၉၉၀ ကျပ်ဖြစ်သွားသည့်အတွက် ကျပ်၃၁၀တက်သွားခဲ့ခြင်းဖြစ်သည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးဆီတင်သွင်းသိုလှောင်ဖြန့်ဖြူးရေး လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ်ပြောင်းလဲမှုနှင့်အညီပြည်တွင်း၌ဖြစ်သင့်သောဈေးနှုန်းများ ဖြစ်ပေါ်စေရေးထိန်းကျောင်းဆောင်ရွက်လျက်ရှိပြီးစားအုန်းဆီထုတ်လုပ်သည့် မလေးရှားနိုင်ငံတွင်ဖြစ်ပေါ်နေ သည့် FOBဈေးနှုန်းများကိုစောင့်ကြည့်ပြီး သယ်ယူပို့ ဆောင်ခ၊ဘဏ်စရိတ်နှင့်အခွန်အခများထည့်သွင်းတွက် ချက်ပြီး ပြည်တွင်းဈေးကွက်၌ ရောင်းဝယ်ရမည့် အခြေခံ လက်ကားရည်ညွှန်းဈေးများကို သတ်မှတ်ထုတ်ပြန် ပေးခြင်းဖြစ်သည်ဟုဆိုသည်။

ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ၂၀၂၃ ခုနှစ်၊ နိုဝင်ဘာလ (၂၀) ရက်နေ့ မှ နိုဝင်ဘာလ (၂၇) ရက်နေ့အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄၉၉၀ ကျပ် ဖြစ်ကြောင်းထုတ်ပြန်ကြေညာထားသည်။

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။
#Yangon_Times/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

‌ရွှေဘိုပေါ်ဆန်းဆန်များအား စစ်မှန်ကြောင်းကုန်အမှတ်တံဆိပ်လိုဂို‌များဖြင့် ဒီရက်ပိုင်းထဲဖြန့်ချီမယ်

' ရွှေဘိုပေါ်ဆန်း စိုက်ပျိုးထုတ်လုပ်နေတဲ့ GI ဧရိယာအတွင်းမှာ ပါဝင်တဲ့ရွှေဘို၊ ဒီပဲယင်းမြို့နယ်အပါအဝင် မြို့နယ်ခုနှစ်ခုက ထွက်ရှိတဲ့ ရွှေဘိုပေါ်ဆန်းဆန်အိတ်တွေကို စစ်မှန်ကြောင်းကုန်အမှတ်တံဆိပ်လိုဂို‌တွေ တပ်ဆင်နိုင်ဖို့ ဆောင်ရွက်နေတာဖြစ်ပါတယ်
#Yangon_Times/NN
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

   ထိုင်းနိုင်ငံအတွင်း အကြောင်းအမျိုးမျိုးကြောင့် ပြစ်ဒဏ်ချခံပြီး ပြစ်ဒဏ်သတ်မှတ်ရက် ပြည်သည့် မြန်မ၇၅ဦးကို နိုဝင်ဘာလ၂၀ရက် တွင် ထိုင်းနိုင်ငံ ရနောင်းမြို့မှ မြန်မာနိုင်ငံ ကော့သောင်းမြို့သို့ ပို့ဆောင်ပေးခဲ့ကြောင်း ထိုင်းသတင်းဌာန များမှသိရသည်။

    အဆိုပါ မြန်မာနိုင်ငံသားများသည် ထိုင်းနိုင်ငံတောင်ပိုင်းရှိ အချုပ်နှင့်ထောင်များတွင်  ပြစ်ဒဏ်ကျခံပြီးသောကြောင့် ထိုင်းအာဏာပိုင်များ က မြန်မာနိုင်ငံဘက်ကို ပြန်ပို့ခဲ့ခြင်းဖြစ်သည်။

ယင်းမြန်မာနိုင်ငံသားများကို ရနောင်းမြို့ကနေ စက်လှေနှင့် ကော့သောင်းမြို့ကို ပြန်ပို့ခဲ့ခြင်းဖြစ်ပြီး နေရပ်ပြန်ပို့ခံရသူများထဲတွင်  မြန်မာနိုင်ငံသား ၁၈ နှစ်အောက် အမျိုးသမီး ၂ ဦး၊အမျိုးသား ၁ ဦး ၊၁၈နှစ်အထက် အမျိုးသမီး ၁၇ ဦးနှင့် အမျိုးသား ၅၅ ဦး ပါဝင်ကြောင်းသိရသည်။

   ကော့သောင်းမြို့သို့ ရောက်လာသည့် ယင်းမြန်မာနိုင်ငံသားများကို ဒေသအာဏာပိုင်တွေက ကိုဗစ်-၁၉ စစ်ဆေးပြီး ကိုယ်ရေးအချက်အလက်စစ်ဆေးကာ ကိုဗစ်- ၁၉ ရောဂါ ကာကွယ်ဆေး မထိုးရသေးသော သူများကို သတ်မှတ်ထားသည့် အသွားအလာစောင့်ကြည့်ရေး စင်တာတွေမှာ ထားရှိမည်ဖြစ်ကြောင်း သိရသည်။
#Yangon_Times/LW
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

အမှန်တကယ် လိုတဲ့အပ်သူကိုသာ ရောင်းချပေးတော့မယ်လို့ဆို

ရှမ်းပြည်မြောက်ပိုင်းမှာ ဖြစ်ပေါ်နေတဲ့ တိုက်ပွဲတွေကြောင့် ပြည်သူများ စားနပ်ရိက္ခာအခက်ခဲ မဖြစ်စေရန် ပရဟိတအသင်းမှ အခြေခံစားသောက်ကုန်တွေကို ဈေးလျော့ရောင်းပေးခဲ့ပေမယ့် အချို့ ပြည်သူတွေက ဈေးတင်ပြီး တစ်ဆင့်ပြန်လည် ရောင်းချတာတွေ ရှိနေတယ်လို့ သိရပါတယ်။
#Yangon_Times/LW
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

၂၀ စက်တင်ဘာ ၂၀၂၃

ကိုလံဘီယာ စူပါစတားအဆိုတော် ရှာကီးယားသည် အခွန်လိမ်လည်မှုနှင့် စပိန်နိုင်ငံ ဘာစီလိုနာမှာ တနင်္လာနေ့ နိုဝင်ဘာ ၂၀ရက်က တရားရင်ဆိုင်နေရပါတယ်။ စပိန်တရားလိုရှေ့နေတွေက ဂရမ်မီဆုရှင်ဖြစ်တဲ့ သူမကို ထောင်(၈)နှစ်ကျော် ကျခံရအောင် ကြိုးစားနေကြပါတယ်။ အသက် ၄၆နှစ်အရွယ်ရှိပြီဖြစ်တဲ့ ရှာကီးယားဟာ ၂၀၁၂ခုနှစ်မှ ၂၀၁၄ခုနှစ်အထိ ရရှိခဲ့တဲ့ဝင်ငွေအပေါ် လိမ်လည်ခဲ့တယ်လို့ သူတို့က စွပ်စွဲထားပါတယ်။ ဒါပေမယ့် ရှာကီးယားက အဲဒါတွေကို ငြင်းဆိုလိုက်ပြီး သူမအနေနှင့် စပိန်ကို ၂၀၁၅ခုနှစ်ရောက်မှသာ လုံးဝရွှေ့ပြောင်းခဲ့တာ ဖြစ်တယ်လို့ချေပပြောဆိုထားပါတယ်။

ယခုအမှုမှာ “Hips Don't Lie"၊"Whenever, Wherever" နှင့် ၂၀၁၀ ကမ္ဘာ့ဖလားသီချင်း "Waka Waka"တို့နှင့် အကြီး အကျယ်ပေါက်ခဲ့တဲ့ အဆိုတော်ရှာကီးယားအနေနှင့် ၂၀၁၂ခုနှစ်မှ  ၂၀၁၄ ခုနှစ် အတွင်း စပိန်မှာ အချိန်ဘယ်လောက် နေခဲ့သလဲဆိုတဲ့အပေါ် မူတည်နေပါတယ်။

စပိန်အာဏာပိုင်တွေကတော့ သူမဟာ အဲဒီကာလအတွင်းမှာ အချိန်တစ်ဝက်ကျော် စပိန်မှာနေခဲ့တာဖြစ်လို့ စပိန်ကို အခွန်ဆောင်ရမယ်လို့ စွပ်စွဲပြောဆိုထားပါတယ်။သူမဟာ အက်စီဘာစီလိုနာက နောက်တန်းကစားသမား Gerard Pique နှင့် ဇာတ်လမ်း လူသိရှင်ကြား ဖြစ်ပြီးနောက် စပိန်ကို ၂၀၁၁ မှာ ပြောင်းလာတယ်လို့ စပိန်အာဏာပိုင်တွေက ပြောထားပါတယ်။ ဒါပေမယ့် ၂၀၁၅ခုနှစ်အထိ ဘာဟာမားမှာ တရားဝင်အခွန်ဆောင်ရာနေရပ်အဖြစ်သူမက ဆက်လက်ထားရှိခဲ့ပါတယ်တဲ့။ သူမဟာ ဝင်ငွေခွန်သက်သာတဲ့နိုင်ငံတွေမှာရှိတဲ့ ကုမ္ပဏီအတွဲကြီးလိုက် အသုံးပြုခဲ့ပြီး စပိန်မှာ အခွန်မပေးရအောင်ရည်ရွယ်လုပ်ဆောင်ခဲ့တယ်လို့လည်း တရားစွဲရှေ့နေတွေက ပြောကြပါတယ်။

သူတို့က ရှာကီးယားအပေါ် ထောင်ဒဏ် (၈)နှစ်နှင့် (၂)လ ၊ ဒဏ်ကြေးငွေ ယူရို ၂၄သန်း ခန့် (အမေရိကန်ဒေါ်လာ ၂၄သန်း) ဆောင်ရအောင် ကြိုးစားနေကြတာဖြစ်ပါတယ်။

ရှာကီယားရဲ့ရှေ့နေတွေကတော့ သူမဟာ ၂၀၁၄ခုနှအထိ နေရာအတည်တကျမနေဘဲ လှည့်လည်သွားလာနေတဲ့ အချိန်ဖြစ်ပြီး သူမရဲ့ ဝင်ငွေအများစုဟာ နိုင်ငံတကာခရီးလှည့်ဖျော်ဖြေရေးတွေက ရရှိခဲ့တာဖြစ်တယ်လို့ ပြောကြပါတယ်။ ၂၀၁၅ ဇန်နဝါရီလကျမှသာ သူမရဲ့ ဒုတိယကလေးမမွေးခင်ကလေးမှာ ဘာစီလိုနာကို အပြီးရွှေ့ခဲ့တာဖြစ်တယ်လို့လည်း သူတို့ကဆိုပါတယ်။

“  သူတို့ တရားမစွဲခင်အထိ ကျွန်မပေးစရာရှိတာ အကုန်ပေးပြီးပြီ။အဲဒါကြောင့် ဒီကနေ့မှာ သူတို့ကိုပေးစရာ သုညပဲ” လို့ အဆိုတော်ရှာကီးယားက အယ်လ်မဂ္ဂဇင်းကို ၂၀၂၂မှာ အင်တာဗျူးဖြေခဲ့ပါတယ်။

သူမဟာ ၂၀၂၂ ဇွန်မှာ Pique နှင့် ကွဲခဲ့ပြီး ကမ္ဘာ့ လူသိအများဆုံးဆယ်လီစုံတွဲတွေထဲက တစ်တွဲရဲ့ ဆယ်စုနှစ်တစ်စု ကြာ ဇာတ်လမ်းအဆုံးသတ်ခဲ့ပါတယ်။ အဲဒီနောက်သူမဟာ သားနှစ်ဦးဖြစ်တဲ့ မီလန်နှင့်ဆာရှာနှင့်အတူ မီယာမီကို ဧပြီလာမှာ ပြောင်းရွှေ့ခဲ့တာဖြစ်ပါတယ်။

Source: NDTV

ရန်ကုန်နှင့် နေ့ပူညချမ်းသည့် ဒေသများတွင် နှာစေး၊ ချောင်းဆိုးနှင့် လေမဖြတ်အောင် နေရန်လို

‘ရန်ကုန်အပါအဝင် ဒေသအချို့မှာ ညဦးပိုင်းပူချိန်မှာ ပန်ကာ၊ အဲကွန်းတွေဖွင့်မိပြီး ပြန်မပိတ်မိတဲ့အတွက် ညအပူချိန် ကျဆင်းလာပြီး အေးလာချိန်မှာ အအေးမိတာ၊ နှာစေးတာ၊ ချောင်းဆိုးတာတွေနဲ့ အဆိုးဆုံး လေဖြတ်တာတွေဖြစ်နိုင်တဲ့အတွက် သတိထားဖို့လိုတယ်။နေ့ရောညပါအေးသည့်ဒေသများ နွေးနွေးထွေးထွေးနေဖို့နဲ့ ကိုဗစ်၊ ရာသီတုပ်ကွေးမကူးအောင် နှာခေါင်းစည်းတပ်ဖို့လိုပါတယ်’ ကျန်းမာရေးဝန်ကြီးဌာန၊ မကွေးတိုင်းပြည်သူ့ကျန်းမာရေးဦးစီးဌာနမှူးဒေါက်တာနန္ဒဝင်း
#Yangon_Times/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published_ 20 November 2023

ရန်ကုန်မြို့ရှိ အသက်(၇၀)အထက်သက်ကြီးဆရာဝန်ကြီး (၁၇၂)ဦးကို ရန်ကုန်ပြည်သူ့ဆေးရုံကြီးတွင် ကျန်းမာရေးစစ်ဆေးပေးခြင်းနှင့်ကျန်းမာရေးစောင့်ရှောက်မှုများပေးခဲ့ပြီးဆီးချိုသွေးချိုရှိသည့်သက်ကြီးဆရာဝန် (၁၅၀)ဦးကိုဆီးချိုသွေးချိုတိုင်းစက်များပေးအပ်ခဲ့ကြောင်း ကျန်းမာရေးဝန်ကြီးဌာနမှသိရသည်။

သက်ကြီးဆရာဝန်ကြီးများကို ဓာတ်ခွဲစမ်းသပ်စစ်ဆေးခြင်း၊ Ultrasound ရိုက်ကူးခြင်း၊ ဓာတ်မှန်ရိုက်ခြင်း၊ နှလုံး စက်ဖြင့် စစ်ဆေးခြင်း (ECG)၊ သက်ကြီးရွယ်အိုဆိုင်ရာ ကျန်းမာရေးစစ်ဆေးမှု (Geriatric assessment) ပြုလုပ်ခြင်းတို့ကို ဆောင်ရွက်ပေးခဲ့သည်ဟုဆိုသည်။

အဆိုပါကျန်းမာရေးစစ်ဆေးမှုတွင် သက်ကြီးဆရာဝန်ကြီး (၁၇၂)ဦးအား ကျန်းမာရေးစစ်ဆေး ကုသမှုပေးခဲ့ကာ ဆီးချိုသွေးချိုရောဂါရှိသူ သက်ကြီးဆရာဝန်ကြီးများ အသုံးပြုရန် သွေးချိုတိုင်းစက် (Glucometer) (၁၅၀)ခု ထောက်ပံ့ပေးခဲ့သည်။

ယင်းကဲ့သို့ကျန်းမာရေးစောင့်ရှောက်မှုများကို ကျန်းမာရေးဝန်ကြီးဌာန၏ လမ်းညွှန်မှုဖြင့် ရန်ကုန်ပြည်သူ့ ဆေးရုံကြီးမှ ပါမောက္ခချုပ်(ဆေးရုံအုပ်ကြီး/ ကုသရေး) နှင့်ဆေးရုံအုပ်ချုပ်မှုအဖွဲ့၏စီစဉ်မှု၊ ရန်ကုန်တိုင်းဒေသကြီး ပြည်သူ့ကျန်းမာရေးနှင့် ကုသရေးဦးစီးဌာန၏ ပူးပေါင်းပါဝင်မှု၊ သက်ကြီးဆရာဝန်များ အထောက်အကူပြုအဖွဲ့၏ ပူးပေါင်းပါဝင်စီစဉ်မှုတို့ဖြင့်ဆောင်ရွက်ပေးခဲ့ခြင်းဖြစ်ပြီး၊ရန်ကုန်မြို့ပေါ်ရှိ ပြည်သူ့ဆေးရုံကြီးများမှ သက်ကြီးရွယ်အိုဆေးပညာနှင့် ဓာတ်မှန်ပညာဌာန ပါမောက္ခ/ ဌာနမှူးများ၊ ဘာသာရပ်ဆိုင်ရာ အထူးကုဆရာဝန်ကြီးများ၊ သူနာပြုအုပ်ကြီးနှင့်သူနာပြုများ၊ ဆေးဘက် ကျွမ်းကျင်ဝန်ထမ်းများနှင့် အမျိုးသားကျန်းမာရေးဓာတ်ခွဲမှုဆိုင်ရာဌာနနှင့် ရန်ကုန်ပြည်သူ့ဆေးရုံကြီး ရောဂါဗေဒဌာနမှ ပါမောက္ခ ဦးဆောင်သော အဖွဲ့တို့ကဆောင်ရွက်ပေးခဲ့ခြင်းဖြစ်ကြောင်းသိရသည်။
Yangon Time/tthl
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

ရန်ကုန်တိုင်းဒေသကြီး၊ တောင်ဥက္ကလာပမြို့နယ် အမှတ်(၃)ရပ်ကွက်၊ သစ္စာလမ်း၊ ဗဟိုဈေးမှတ်တိုင်အနီး ရှိ အဆောက်အဦးတစ်ခုတွင် မီးလောင်မှု ဖြစ်ပွားခဲ့ကြောင်း မြန်မာ နိုင်ငံ မီးသတ်တပ်ဖွဲ​့၏ သတင်းထုတ်ပြန်ချက်အရ သိရသည်။

   နိုဝင်ဘာ ၂၀ ရက် နံနက် ၉ နာရီ ၆ မိနစ်အချိန်ခန့်က  မီးလောင်မှုဖြစ်ပွားကြောင်း သတင်းအရ တောင်ဥက္ကလာပမြို့နယ် မီးသတ်စခန်း မီးသတ်ယာဉ်(၂)စီး၊ ရန်ကင်းမြို့နယ် မီးသတ်စခန်းမှ မီးသတ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရသည်။

ထိုသို့ ငြှိမ်းသတ်ရာ နံနက် ၉ နာရီ ၁၂ မိနစ်အချိန်တွင် မီးထိန်းနိုင်ခဲ့ပြီး ၉ နာရီ ၂၂ မိနစ်အချိန်တွင် မီးငြှိမ်းသတ်နိုင်ခဲ့ကြောင်း မီးသတ်တပ်ဖွဲ့ ထံ မှ  သိရသည်။

   မီးလောင်ကျွမ်းမှု ဖြစ်စဉ် အသေးစိတ်နှင့်  ပျက်စီးဆုံးရှုံးမှု၊ ထိခိုက်ဒဏ်ရာ ရရှိမှု  အခြေနေတို့ ကို မီးသတ်တပ်ဖွဲ့မှ စစ်ဆေးစုံစမ်းလျက်ရှိကြောင်း သိရသည်။
Yangon Time/LW
#Local_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

အိန္ဒိယနိုင်ငံ အရှေ့မြောက်ပိုင်း မဏိပူပြည်နယ် မြို့တော်အမ်ဖာလေဆိပ် ပြေးလမ်းအနီးမှာ အမည်မသိယာဥ်ပျံတစ်ခုကို နိုဝင်ဘာ ၁၉ ရက်နေ့က တွေ့ရှိခဲ့တာကြောင့် သတိပေးချက် ထုတ်ပြန်ခဲ့ရပါတယ်။

ဗဟိုစက်မှုလုံခြုံရေးတပ်(CISF) စစ်မှုထမ်းတစ်ဦးက ဒေသစံတော်ချိန် မွန်းလွဲ ၂ နာရီမှာ အမည်မသိယာဥ်ပျံတစ်ခုကို တွေ့ရှိခဲ့တာဖြစ်ကြောင်း သတင်းရင်းမြစ်မှ ရရှိတဲ့သတင်းကို Times of India သတင်းဌာနက ဖော်ပြခဲ့ပြီး ထိုနောက်မှာ လေဆိပ်ဝန်ဆောင်မှုများ ရပ်ဆိုင်းခဲ့ကာ ခရီးစဥ် ၃ ခုမှ ခရီးသည်ပေါင်း ငါးရာခန့် မထွက်ခွာရဘဲ ဖြစ်နေခဲ့ပါတယ်။

လေဆိပ်အာဏာပိုင်များက အိန္ဒိယပိုင် လေပိုင်နက်ကို ပိတ်ချခဲ့ပြီး လေယာဥ်ခရီးစဥ်အားလုံးကို ချက်ချင်းရပ်ဆိုင်းလိုက်ပါတယ်။

ခရီးစဥ် ၂ ခုကို လမ်းကြောင်းလွှဲခဲ့ပြီး ၃ ခုကတော့ နှောင့်နှေးကြန့်ကြာခဲ့ပါတယ်။

လေကြောင်းလမ်းထိန်းသိမ်းရေးနဲ့ မြေပြင်မှလူတွေရဲ့ ပြောကြားချက်အရ ထိုနောက်မှာ ဒရုန်းတွေ ပျံသန်းနေတာကို တွေခဲ့ကြပါတယ်။

အာဏာပိုင်များမှ လေကြောင်းရှင်းလင်းကြောင်း ထောက်ခံခဲ့ပြီးနောက်မှာတော့ လေကြောင်းလုပ်ငန်းစဥ်များ ပြန်လည်စတင်ခဲ့တယ်လို့ လေဆိပ်ညွှန်ကြားရေးမှူးက ထုတ်ပြန်ခဲ့ပါတယ်။

မွန်းလွဲ ၄ နာရီအထိ အမည်မသိယာဥ်ပျံဟာ လေဆိပ်အနောက်ဘက်ခြမ်းသို့ ရွေ့လျားနေပုံကို သာမန်မျက်စိဖြင့်ပင် မြင်နိုင်တယ်လို့ လေကြောင်းလမ်းထိန်းသိမ်းရေး အရာရှိတစ်ဦးက ပြောကြားခဲ့ပါတယ်။

လေကြောင်းပိုင်နက်ကို အိန္ဒိယလေတပ်ထံ လွှဲပြောင်းခဲ့ကာ ရှင်းလင်းကြောင်း အချက်ပြခဲ့ပြီးနောက် လေကြောင်းခရီးစဥ်များ ပြန်လည်ပြေးဆွဲခဲ့ပါတယ်။

အရပ်ဘက် အထွေထွေ လေကြောင်းညွှန်ကြားရေးမှူးအဖွဲ့နဲ့ အိန္ဒိယလေကြောင်းတပ်ဖွဲ့တို့ ပူးပေါင်းပြီး ထိုဖြစ်ရပ်ကို စူးစမ်းဖော်ထုတ်သွားမှာ ဖြစ်ပါတယ်။
Source: WION
#Asia_News
#Published_ 20 November 2023
#YMG #Yangon_Times #Yangon_Media_Group #YMG_News

Published 20 November 2023

နေ့စဥ်စားသောက်နေတဲ့ အရာတွေက ဦးနှောက်ကျန်းမာရေးကို ထိခိုက်စေပုံနဲ့ ဒီမန်ရှာရောဂါ ဖြစ်နိုင်ပုံတို့ကို သုတေသီများ ရှာဖွေနေကြပါတယ်။

အချို့သော အစားအသောက်များက အသက်ကြီးလာတဲ့အချိန်မှာ ဦးနှောက်အသိဉာဏ်စွမ်းရည်ကို ထိန်းသိမ်းစေနိုင်မှာဖြစ်ပြီး ဒီမန်ရှာရောဂါ ဖြစ်နိုင်ခြေကို လျှော့ချပေးနိုင်မှာဖြစ်ကြောင်း အမေရိကန် အာရုံကြောအကယ်ဒမီမှ ဒေါက်တာ နီကိုလော့စ်စကာမီယတ်စ်က ပြောပြလိုက်ပါတယ်။

စမ်းသပ်မှုပြုလုပ်တဲ့အခါမှာ လူတွေရဲ့ စားသောက်နေထိုင်ပုံတွေကို စစ်တမ်းကောက်ယူခဲ့ကြပြီး ရောင်ရမ်းခြင်းကို ဘယ်လောက်အထိ ဆန့်ကျင်ပေးတဲ့ အစားအစာတွေ ပါဝင်လဲဆိုတာကို သတ်မှတ်ခဲ့ကြပါတယ်။

နောက် ၃ နှစ်အကြာမှာ လူတစ်ထောင်ကျော်ထဲက ၆၂ ဦးဟာ ဒီမန်ရှာဖြစ်ပွားခဲ့ပြီး သူတို့ဟာ ရောဂါမဖြစ်ပွားသူတွေ စားတဲ့ ကောက်ပဲသီးနှံတွေရဲ့ တဝက်လောက်သာ စားခဲ့ကြတာ ဖြစ်ပါတယ်။

ထိုအစားအစာတွေက..
-        ပဲအမျိုးမျိုး
-        လက်ဖက်ကြမ်းရည်နဲ့ကော်ဖီ
-        အသီးအနှံများ
-        ဟင်းသီးဟင်းရွက်များ ဖြစ်ပါတယ်။
 
ဒါ့အပြင် ဖလေဗိုနောလ် ပါဝင်တဲ့ အစားအစာများ စားသုံးသူတွေဟာ မှတ်ဉာဏ်ပိုင်းမှာ ကောင်းမွန်ကြောင်း တွေ့ရှိထားပါတယ်။
ဖလေဗိုနောလ် ကြွယ်ဝတဲ့ အစားအစာများက..
-        ဝိုင်နီ
-        လက်ဖက်စိမ်းနဲ့ လက်ဖက်နက်အကြမ်းရည်
-        ချောကလက်မည်း
-        ပဲများ
-        ကိုက်လန်
-        ကန်စွန်းရွက်
-        ကြက်သွန်နီ
-        ချယ်ရီသီးများ
-        ဘလက်ဘယ်ရီ
-        စပျစ်နက်
-        ပန်းသီးတို့ ဖြစ်ပါတယ်။
 
အဆင့်ဆင့်ထုပ်ပိုးထားတဲ့ အစားအစာတွေနဲ့ အသင့်စား အစားအစာတွေကတော့ ဒီမန်ရှာရောဂါ ဖြစ်နိုင်ခြေ များစေပါတယ်။

အဆင့်ဆင့်ထုတ်လုပ် ထုပ်ပိုးထားတဲ့ အစားအစာတွေကို ၁၀ ရာခိုင်နှုန်း ပိုမိုစားသောက်လေ ဒီမန်ရှာဖြစ်နိုင်ခြေ ၂၅ ရာခိုင်နှုန်းများလာလေ ဖြစ်တယ်လို့ လေ့လာတွေ့ရှိထားပါတယ်။

အယ်ဇိုင်းမား၊ ဒီမန်ရှာရောဂါတို့ မဖြစ်ပွားဘဲ ယူကေမှာနေထိုင်တဲ့ အသက် ၅၅ နှစ်နဲ့အထက် လူပေါင်း ၇၂,၀၀၀ ကျော်ကို လေ့လာခဲ့ကြပါတယ်။

ယင်းတို့ကို ၁၀ နှစ်လေ့လာမှုလုပ်ခဲ့ရာမှာ ၅၁၈ ယောက်က ဒီမန်ရှာနဲ့ အယ်ဇိုင်းမားရောဂါတို့ ဖြစ်ပွားခဲ့ပြီး ထိုသူတွေဟာ အဆင့်ဆင့်ထုပ်ပိုးထားတဲ့ စားစရာတွေကို အများဆုံးစားသူတွေ ဖြစ်ပါတယ်။

ထိုစားစရာတွေဟာ အရသာရှိပြီး တာရှည်ခံစေဖို့အတွက် ဖန်တီးထားတာကြောင့် ဦးနှောက်ကျန်းမာရေးကို ထိခိုက်စေပါတယ်။

တစ်နေ့ကို ပန်းသီးတစ်လုံးစားပေးခြင်းဖြင့် ဆရာဝန်တွေထံ သွားစရာမလိုလောက်အောင် ကျန်းမာစေနိုင်ပါတယ်။
Source: New York Post
#World_Health
#Published_ 20 November 2023
#YMG #Yangon_Times #Yangon_Media_Group #YMG_News

Published_ 20 November 2023

မြန်မာနိုင်ငံတွင် ၂၀၂၃ ခုနှစ်၌ လျှပ်စစ်ဓာတ်အား ထုတ်လုပ်ရန် စုစုပေါင်း တပ်ဆင်စက်အင်အားမှာ ၇၃၂၉ မဂ္ဂါဝပ်ဖြစ်ကြောင်း လျှပ်စစ်စွမ်းအားဝန်ကြီးဌာန ဝန်ကြီး ဦးဉာဏ်ထွန်း ပြောကြားခဲ့ပါတယ်။

ထို့ပြင် စွမ်းအင်အမျိုးအစားပါဝင်မှုမှာ ရေအားလျှပ်စစ်မှ ၄၅ ရာခိုင်နှုန်း၊ သဘာဝဓာတ်ငွေ့မှ ၅၀ ရာခိုင်နှုန်း၊ ကျောက်မီးသွေးမှ ၂ ရာခိုင်နှုန်း၊ ဆိုလာမှ ၂ ရာခိုင်နှုန်းနှင့် ဒီဇယ်မှ ၁ ရာခိုင်နှုန်းဖြစ်တို့ ဖြစ်ကြပါတယ်။

(၆) ကြိမ်မြောက် အာရှ-ပစိဖိတ်ဒေသ စွမ်းအင်ကြီးကြပ်မှုဆိုင်ရာဖိုရမ် တက်ရောက် ရန်နှင့် လေအားလျှပ်စစ် ဓာတ်အားထုတ်လုပ်နေမှု များကို လေ့လာနိုင်ရန် လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးဉာဏ်ထွန်း ဦးဆောင်သော ကိုယ်စားလှယ် အဖွဲ့သည် နိုဝင်ဘာ ၁၅ ရက်မှ ၁၉ ရက်အထိ တရုတ်ပြည်သူ့သမ္မတနိုင်ငံ ရှန်းကျန်းမြို့နှင့် ကူမင်းမြို့တို့သို့ သွားရောက်ခဲ့ပါတယ်။

ခရီးစဉ်အတွင်း ဝန်ကြီးဦးဆောင်သော ကိုယ်စားလှယ်အဖွဲ့သည် နိုဝင်ဘာ ၁၆ ရက် တွင် တရုတ်အမျိုးသားစွမ်းအင်စီမံခန့်ခွဲမှုဌာနနှင့် ကွမ်တုံး ပြည်နယ် ရှန်းကျန်းမြို့ မြူနီစီပယ် အစိုးရတို့ကကြီးမှူးကျင်းပသော (၆) ကြိမ်မြောက် အာရှ-ပစိဖိတ်ဒေသ စွမ်းအင်ကြီးကြပ်မှုဆိုင်ရာဖိုရမ်သို့ တက်ရောက်ခဲ့ကြောင်း သိရပါတယ်။

ဖိုရမ်တွင် ဝန်ကြီး ဦးဉာဏ်ထွန်းက ကြိုဆိုနှုတ်ခွန်းဆက်စကား ပြောကြား ရာတွင် (၆)ကြိမ် မြောက်အာရှ-ပစိဖိတ်ဒေသ စွမ်းအင်ကြီးကြပ်မှုဆိုင်ရာဖိုရမ်၏ ရည်ရွယ်ချက်မှာ “စွမ်းအင်ဈေးကွက် တည်ထောင်ခြင်းနှင့် အစိမ်းရောင်စီးပွားရေးသို့ ကူးပြောင်းခြင်း” ဖြစ်ကြောင်း၊ လက်ရှိကမ္ဘာ့ နိုင်ငံတိုင်းကြုံတွေ့နေရသည့် စွမ်းအင်ဖူလုံရေး ဆောင်ရွက်ရာ၌ စိန်ခေါ်မှုများကို ဖြေရှင်းနိုင်မည့် နည်းလမ်းများကို ရရှိကြမည်ဟု ယုံကြည်ကြောင်းပြောဆိုခဲ့ပါတယ်။

အာဆီယံဒေသတွင်း နိုင်ငံများအနေဖြင့် ၂၀၂၅ ခုနှစ်၌ ပြန်ပြည့်မြဲစွမ်းအင်ကို ပင်မစွမ်းအင်အရင်း အမြစ်အတွက် ၂၃ ရာခိုင်နှုန်းနှင့် ဓာတ်အားထုတ်လုပ်မှုအတွက် တပ်ဆင်စက်အင်အား၏ ၃၅ ရာခိုင်နှုန်းပါဝင်ရရှိရေး ရည်မှန်းချက်ကို အကောင်အထည်ဖော်ဆောင်ရွက်ကြမည်ဟု အဖွဲ့ဝင်နိုင်ငံများက သဘောတူထား သော်လည်း ရည်မှန်းချက်ပြည့်မီရန် စိန်ခေါ်မှု အချို့ရှိနေပါကြောင်း၊ ယင်းနောက် ဝန်ကြီးနှင့်အဖွဲ့သည် အမျိုးသားစွမ်းအင်စီမံ အုပ်ချုပ်ရေး အဖွဲ့ဥက္ကဋ္ဌ မစ္စတာကျန်း ကျင့်ဟွားနှင့်အဖွဲ့အားတွေ့ဆုံပြီး လျှပ်စစ်စွမ်းအား ကဏ္ဍဖွံ့ဖြိုး တိုးတက်ရေးဆိုင်ရာ ပူးပေါင်းဆောင်ရွက်သွားနိုင်ရေး ဆွေးနွေးကြပါတယ်။

နိုဝင်ဘာ ၁၇ ရက်တွင် ရှန်းကျန်းမြို့ Huawei Digital Power Edison Exhibition Hall နှင့် Optical Storage and Charging & Vehicle -Grid Interaction EV ကားများ အားသွင်းရာနေရာသို့လည်းကောင်း၊ နိုဝင်ဘာ ၁၈ ရက်တွင် ယူနန်ပြည်နယ် ချီကျင့်မြို့ရှိ State Power Investment Corporation မှ တည်ဆောက်ထားသော တပ်ဆင်အား ၈၀၀ မဂ္ဂါဝပ် ရှိသည့် ဖူးရန်းရှီး လေအားလျှပ်စစ် ဓာတ်အားပေးစက်ရုံသို့ သွားရောက် ကြည့်ရှုလေ့လာခဲ့ကြောင်း သတင်းရရှိပါတယ်။
ymg_mnn
#Local_News
#Published_ 20 November 2023
#YMG #Yangon_Times #Yangon_Media_Group #YMG_News