ဩဂုတ်လ (၁၈)ရက် ကနေ (၂၀) ရက်နေ့အထိ သုံးရက်ကြာဖွင့်လှစ်ပြသမည်

Published_ 18 August 2023
#EVကား #ပြည့်ဖြိုးမြဲစွမ်းအင်ဆိုင်ရာပြပွဲ
#YMG/my
#Yangon_Times

လေဖိအားနည်းရပ်ဝန်းအရှိန်‌‌ကြောင့် မြန်မာနိုင်ငံတောင်ပိုင်းဒေသတွေဖြစ်တဲ့မွန်၊ကရင်၊ တနင်္သာရီဒေသတွေ၊ ရန်ကုန်၊ ပဲခူး၊ ဧရာဝတီစတဲ့ မြစ်၀ကျွန်းပေါ်ဒေသတွေမှာ အခုရက်ပိုင်းအတွင်း မိုးပြန်သည်းထန်ဦးမှာ ဖြစ်ပါတယ်။

Published_ 18 August 2023
#ဒေသအချို့တွင်မိုးထပ်သည်း #မြစ်ရေကြီးနိုင်
#tthl #Yangon_Times

သူ့ရဲ့နောက်ဆုံးပွဲလည်းဖြစ်ပြီး၊   မြန်မာ-ကမ္ဘောဒီးယားနှစ်နိုင်ငံကြား ဆက်ဆံရေးကို မြှင့်တင်နိုင်မယ်လို့မျှော့်လင့်

Published_ 18 August 2023
#မြန်မာ - က‌မ္ဘောဒီးယား #Prom Somnang
#YMG/my
#Yangon_Times

နိုင်ငံတကာပြိုင်ပွဲတွေ သွားရောက်ယှဉ်ပြိုင်ပြီး သတ်မှတ်အဆင့်ရရှိရန် ကြိုးစားနေ

Published_ 18 August 2023
#သက်ထားသူဇာ #နိုင်ငံတကာပြိုင်ပွဲ #ပဲရစ်အိုလံပစ်ပွဲ

#YMG/my
#Yangon_Times

18 August 2023

အမေရိကန်ဒေါ်လာသည် ယိုင်နဲ့လာနေပြီး ကမ္ဘာ့အရန်ငွေကြေးသည် ရှုံးခဲ့သမျှတွေထက်  ပိုကြီးမားစွာဆုံးရှုံးနေတယ်လို့ သမ္မတဟောင်း ဒေါ်နယ်ထရမ့်က ပြောပါတယ်။

ထရမ့်က ဖောက်စ်ရုပ်သံ တင်ဆက်သူ  Larry Kudlow စီးပွားရေးဆွေးနွေးခန်းမှာ အဲသလိုပြောကြားခဲ့တာဖြစ်တယ်လို့ ဖောက်စ်သတင်းဌာနက သတင်းရေးသားပါတယ်။

“ ကျွန်တော်တို့နိုင်ငံဟာ ဒုက္ခအကြီးအကျယ် ရောက်တော့မယ်။ ကျွန်တော်တို့မှာ ဩဇာအာဏာ ရှိတယ်။ ဒါပေမယ့် အခုအဲဒါက ယိုင်နဲ့နဲ့ဖြစ်နေပြီ။ငွေကြေးအရပြောရရင်ပေါ့။  ကျွန်တော်တို့ငွေကြေးရဲ့တန်ဖိုးအရတစ်ခုတည်းပြောတာ မဟုတ်ဘူးနော်။  တစ်ကမ္ဘာလုံးမှာ ကျွန်တော်တို့ငွေကြေးကို သုံးနေကြတဲ့ကိစ္စကိုပြောတာ” လို့ သူကပြောပါတယ်။

“ လေဆိပ်တွေကိုကြည့်၊ တာမင်နယ်တွေကိုကြည့်၊ ကျွန်တော်တို့ရဲ့ ညစ်ပေနေတဲ့လမ်းတွေ၊ကျိုးပဲ့နေတဲ့လမ်းတွေ နေရာ အနှံ့ကိုကြည့်.. တတိယနိုင်ငံတစ်နိုင်ငံနှင့် တူနေပြီ” လို့ ထရမ့်က မှတ်ချက်ပေးပါတယ်။

“ ကျွန်တော်တို့မှာ အင်မတန်အားကောင်းတဲ့ ကျွန်တော်တို့ရဲ့ ဒေါ်လာရှိတယ်။ အခုကြည့်လိုက်ပါ။ အခြားနိုင်ငံတွေက ဒေါ်လာကိုမသုံးကြတော့ဘူး။ တရုတ်က ဒေါ်လာအစား ယွမ်ကို အစားထိုးချင်နေတယ်။ စဉ်းစားလို့ကိုမရတော့တာ။ ဒါမျိုး မဖြစ်ဖူးဘူး။ အခုလူတွေက ဒါကိုစဉ်းစားနေကြပြီ” လို့ ထရမ့်ကဆက်ပြောပါတယ်။

Source FoxNews

#Local_News
Published_ 18 August 2023

တရုတ်နိုင်ငံနှင့် အာဆီယံနိုင်ငံများအနေဖြင့် မြန်မာနိုင်ငံရှိ ကဏ္ဍများစွာတွင် ကုန်သွယ်မှုနှင့်ရင်းနှီးမြှုပ်နှံမှုများတိုးချဲ့ရန် အလားအလာများစွာရှိနေကြောင်း ကူမင်းမြို့၌ ကျင်းပသည့် (၅) ကြိမ်မြောက် တရုတ်-အရှေ့တောင်အာရှ စီးပွားရေးဖိုရမ်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနဝန်ကြီး ဦးအောင်နိုင်ဦးက အမှာစကား ပြောကြားရာ၌ ထည့်သွင်းပြောကြားခဲ့ပါတယ်။

ဩဂုတ် ၁၇ ရက် ဖိုရမ်ဖွင့်ပွဲအခမ်းအနားတွင် တရုတ်နိုင်ငံ ယူနန်ပြည်နယ်အစိုးရ ဒုတိယပြည်နယ် အုပ်ချုပ်ရေးမှူး Mr. Na Yunde ၊ အာဆီယံ-တရုတ်စင်တာမှ အထွေထွေအတွင်းရေးမှူး၊ တရုတ်နိုင်ငံ အပြည်ပြည်ဆိုင်ရာကုန်သည်များအသင်း ဥက္ကဋ္ဌတို့က အဖွင့်အမှာစကား ပြောကြားခဲ့ကြပါတယ်။

မြန်မာနိုင်ငံအနေဖြင့် တရုတ်နိုင်ငံနှင့်တကွ အရှေ့တောင်အာရှနိုင်ငံများနှင့် ကုန်သွယ်မှု၊ ရင်းနှီးမြှုပ်နှံမှုနှင့် အခြားသောနယ်ပယ်များတွင် ပိုမိုနီးကပ်စွာ ပူးပေါင်း ဆောင်ရွက်သွားမည်ဖြစ်ကြောင်း၊ တရုတ်နိုင်ငံနှင့် အရှေ့တောင်အာရှနိုင်ငံများအနေဖြင့် အနာဂတ်အလားအလာနှင့် အခွင့်အလမ်းကောင်းများကို ဖေါ်ထုတ်နိုင်ရန်အတွက် စီးပွားရေးအသိုက်အဝန်းများအကြား ပူးပေါင်းဆောင်ရွက်မှု ပိုမိုမြှင့်တင်ရန်လိုအပ်တယ်လို့ ဝန်ကြီးက ပြောပါတယ်။

(၅) ကြိမ်မြောက် တရုတ်-အရှေ့တောင်အာရှစီးပွားရေးဖိုရမ်၏ အလှည့်ကျ သဘာပတိအဖြစ် မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် ဥက္ကဋ္ဌ ဦးအေးဝင်း က ဆောင်ရွက်ပြီး စီးပွားရေးပူးပေါင်းဆောင်ရွက်မှုဆိုင်ရာများကို ဆွေးနွေးပြောကြားခဲ့ပါတယ်။

ထို့ပြင် အရှေ့တောင်အာရှနိုင်ငံများမှ ကုန်သည်များနှင့် စက်မှုလက်မှုလုပ်ငန်းရှင်များ အသင်းများမှ ဥက္ကဋ္ဌများနှင့် တရုတ်နိုင်ငံယူနန်ပြည်နယ်ရှိ ပြည်နယ်ခွဲများမှ အစိုးရ ကိုယ်စားလှယ်များကလည်း ပါဝင်ဆွေးနွေးကြကြောင်း သိရပါတယ်။

#ygm_mnn #Local_News #တရုတ်နိုင်ငံ #အာဆီယံနိုင်ငံ #ရင်းနှီးမြှုပ်နှံမှုများတိုးချဲ့ #စီးပွားကူးသန်းဝန်ကြီးဆို #Yangon_Media_Group

#Local_Sport
Published-18-8-2023

၂၀၂၃ အာဆီယံ ယူ-၂၃ ချန်ပီယံရှစ်ပြိုင်ပွဲ အုပ်စု (က) အဖွင့်ပွဲစဉ်တွင် မြန်မာအသင်းနှင့် အိမ်ရှင် ထိုင်းအသင်းတို့ ယှဉ်ပြိုင်ကစားကြရာတွင် ထိုင်းအသင်းအား မြန်မာအသင်းက ဂိုးပြတ်ဖြင့်ရှုံးနိမ့်ခဲ့ခြင်းဖြစ်သည်။

ပွဲစဉ်တွင် ထိုင်းအသင်းက ပထမပွဲချိန်အတွင်း နှစ်ဂိုး သွင်းယူခဲ့ပြီး၊ ဒုတိယပွဲချိန်တွင်နောက်ထပ် တစ်ဂိုးထပ်မံသွင်းယူခဲ့သည်။

မြန်မာအသင်းအနေဖြင့် ခြေပဂိုးပြန်လည်သွင်းယူနိုင်ခြင်းမရှိသောကြောင့် ပွဲချိန်အပြီးတွင် ထိုင်းအသင်းက သုံးဂိုး ဂိုးမရှိဖြင့်အနိုင်ရရှိခဲ့ခြင်းဖြစ်ကြောင်း သိရသည်။

မြန်မာအသင်းအနေဖြင့် အင်ဒိုနီးရှား၊ ဗီယက်နမ်၊ မလေးရှား အသင်းတို့ဖြင့်  ထပ်မံ ယှဉ်ပြိုင်ကစားကြရမည်ဖြစ်ပြီး၊ အဆိုပါ အသင်းများသည်  အင်အားတောင့်တင်းသည့် အသင်းများဖြစ်ခြင်းကြောင့် မြန်မာအသင်းအနေဖြင့် အကြိုတ်အနယ် ယှဉ်ပြိုင်ကစားရမည်ဖြစ်သည်။

#YMG/my #Local_Sport #မြန်မာယူ(၂၃)အသင်း #ဂိုးပြတ်ဖြင့်ရှုံးနိမ့်
#Yangon_Times

#Local_News
Published- 18-8-2023

ထိုင်းနိုင်ငံတွင် အလုပ်လုပ်ကိုင်လျက်ရှိသော MoU လေးနှစ်ပြည့် မြန်မာအလုပ်သမားများနှင့် PJ အမျိုးအစား နိုင်ငံကူးလက်မှတ် ကိုင်ဆောင်ထားသူများအနေဖြင့် OWIC ကတ်ကျသင့်ငွေကို ကောက်ခံတော့မည်မဟုတ်ကြောင်း ထိုင်းနိုင်ငံဆိုင်ရာ မြန်မာသံရုံးက အသိပေးထားသည်။

ထိုင်းရောက် မြန်မာအလုပ်သမားအနေ ဖြင့် နိုင်ငံကူးလက်မှတ်သက်တမ်းတိုးရာတွင် OWIC ကတ်တန်ဖိုး ဘတ်၂၅၀ အား  ယခုလ (၁၈) ရက်‌နေ့မှစ၍ ကောက်ခံခြင်းမပြုတော့ကြောင်း ကြေညာထားခြင်းဖြစ်သည်။

သို့သော် သက်တမ်းတိုးရာတွင် နိုင်ငံကူးလက်မှတ်စာအုပ်ဖိုး ဘတ် ၁,၂၅၀ ကိုသာကောက်ခံသွားမည်ဖြစ်ကြောင်း သိရသည်။

အလုပ်သမားများအနေဖြင့် OWIC ကတ်ကို မြန်မာနိုင်ငံသို့ ပြန်လည်ရောက်ရှိ၍ ပြည်ပသို့ ထပ်မံထွက်ခွာမည့် အချိန်မှသာ သက်ဆိုင်ရာ အလုပ်သမားရုံးများ၌ လျှောက်ထားရန်  အသိပေးထားခြင်းဖြစ်သည်။

#YMG/my #Local_News #OWIC ကတ် #သံရုံး အသိပေး
#Yangon_Times

#World_News
Published 18 August 2023

ဩဂုတ် ၁၇ ရက်နေ့က မလေးရှားနိုင်ငံ ဆီလန်ဂေါပြည်နယ် ရှာအလမ်အနီးရှိ အဝေးပြေးလမ်းမပေါ်သို့ လေယာဉ်ငယ်တစ်စီး ပျက်ကျခဲ့ရာ ဥပဒေပြုလွှတ်တော်အဖွဲ့ဝင်တစ်ဦး အပါအဝင် လူ ၁၀ ဦးသေဆုံးခဲ့ပါတယ်။

"လေယာဉ်ပျက်ကျမှုကြောင့် အခုအချိန်ထိတော့ အနည်းဆုံး လူ ၁၀ ဦးသေဆုံးထားပါတယ်။ လေယာဉ်ပေါ်မှ လူ ၈ ဦး၊ မော်တော်ကားထဲမှ လူ ၁ ဦး၊ မော်တော်ဆိုင်ကယ်မှ လူ ၁ ဦးတို့ ပါဝင်ပါတယ်" လို့ ရှာအလမ်ခရိုင်ရဲမှူးချုပ် 'မိုဟာမက် အစ်ဘယ်အီဘရာဟင်'က AFP ကို ပြောကြားခဲ့ပါတယ်။

ခရီးသည် ၆ ဦး၊ လေယာဉ်ဝန်ထမ်း ၂ ဦးပါဝင်တဲ့ ကိုယ်ပိုင်ဂျက်လေယာဉ်ဟာ မွန်းလွဲ ၂ နာရီ ၁၀ နာရီခန့် ပျက်ကျချိန်မှာ လန်ကာဝီအပန်းဖြေကျွန်းမှ ဆီလန်ဂေါ်ရှိ ဆူဘန်လေဆိပ်သို့ ထွက်ခွာလာတာဖြစ်ပြီး မဆင်းသက်မီ အချိန်လေးမှာပဲ ပျက်ကျခဲ့တာ ဖြစ်ပါတယ်။

အဆိုပါလေယာဉ်ဟာ လေကြောင်းထိန်းမျှော်စင်နဲ့ အဆက်အသွယ်ပြတ်တောက်ခဲ့ကာ အဝေးပြေးလမ်းမပေါ်ရှိ ဆိုင်ကယ်တစ်စီးနဲ့ ကားတစ်စီးတို့အပေါ် ပျက်ကျခဲ့တာဖြစ်ကြောင်း ဆီလန်ဂေါ်ရဲမှူးချုပ် 'ဟူစိန်အိုမာခန်း'က သတင်းထောက်တွေကို ပြောကြားခဲ့ပါတယ်။

အရေးပေါ်တောင်းဆိုချက် မရှိခဲ့ဘဲ လေယာဉ်ဟာ မြေပြင်သို့ဆင်းသက်ရန် ခွင့်ပြုချက်ရခဲ့ပါတယ်လို့ ဆိုပါတယ်။

ဆိုရှယ်မီဒီယာတစ်ခုက ဓာတ်ပုံတွေ၊ ဗီဒီယိုတွေမှာတော့ အဝေးပြေးလမ်းမမှာ မီးလောင်ကျွမ်းပြီး မီးခိုးတွေ ထွက်နေခဲ့ပါတယ်။

လေယာဉ်က မြေပြင်ပေါ်သို့ပြုတ်ကျကာ ပေါက်ကွဲသွားတာဖြစ်ကြောင်း Free Malaysia Today မှ တင်ပြချက်ကိုကိုးကားကာ China Press မှ ဖော်ပြခဲ့ပါတယ်။

ပါဟန် ပီလန်ဂိုင်ဥပဒေပြုလွှတ်တော်အဖွဲ့ဝင် 'ယိုဟာရီဟာရန်'လည်း သေဆုံးသူစာရင်းထဲ ပါဝင်ခဲ့ပါတယ်။

ဒေသတွင်းနိုင်ငံရေးသမားတွေကတော့ သူ့အတွက် ဝမ်းနည်းပူဆွေးမိကြောင်း ဆိုရှယ်မီဒီယာတွေထက်မှာ ဖော်ပြခဲ့ကြပါတယ်။

လေယာဉ်ဟာ ဆူဘန်လေကြောင်းထိန်းတာဝါနဲ့ မွန်းလွဲ ၂ နာရီ ၄၇ မိနစ်မှာ ပထမဆုံးဆက်သွယ်ခဲ့ပြီး ၄၈ မိနစ်မှာ ဆင်းသက်ခွင့်ရခဲ့တယ်လို့ မလေးရှားအရပ်ဘက် လေကြောင်းအာဏာပိုင် (CAAM)က ပြောကြားခဲ့ပါတယ်။

ထိုလေယာဉ်ခရီးစဉ်ကို မလေးရှား ကိုယ်ပိုင်ဂျက်လေယာဉ် ဝန်ဆောင်မှုကုမ္ပဏီ Jet Valet မှ ပြေးဆွဲခဲ့တာဖြစ်ပါတယ်။

ကနဦးတွေ့ရှိချက်များအရ လေယာဉ်ဟာ ပျံသန်းရန်ဘေးကင်းစိတ်ချရပြီး သက်ဆိုင်ရာ မှတ်ပုံတင်နဲ့လိုင်စင်များအားလုံး ပါရှိကြောင်း မစ္စတာနိုရက်ဇ်မန်းက သတင်းစာရှင်းလင်းပွဲတစ်ခုမှာ ပြောကြားခဲ့ပါတယ်။

လေယာဉ်ပေါ်မှ လေယာဉ်မှူး ၂ ယောက်ဟာလည်း အတွေ့အကြုံရှိ ဝန်ထမ်းများဖြစ်ကြောင်း ပြောပြခဲ့ပါတယ်။

အာဏာပိုင်များက လေယာဉ်ရဲ့ မှတ်တမ်းတင်စက်ကို ရှာဖွေနေဆဲဖြစ်တယ်လို့ ပို့ဆောင်ရေးဝန်ကြီး 'အန်သိုနီလိုကီ'က ပြောပြခဲ့ပါတယ်။

#World_News #မလေးရှားနိုင်ငံဆီလန်ဂေါ် #လေယာဉ်ငယ်တစ်စင်းပျက်ကျ #လူ(၁၀)ဦးသေဆုံး #Source: CNA

#World_Health
Published 18 August 2023

အမေရိကန်မှ သာမန်အသက်အရွယ် လူတွေဟာ ဆိုရှယ်မီဒီယာတွေကို နေ့စဉ် ၂ နာရီခွဲခန့်နီးပါး အသုံးပြုနေကြပြီး ဆယ်ကျော်သက်တွေမှာ ဒီထက်နှစ်ဆကျော် ပိုများကြောင်း လေ့လာတွေ့ရှိထားပါတယ်။

လူအတော်များများ ဆိုရှယ်မီဒီယာအပေါ် မှီခိုလာခြင်းဟာ စွဲလမ်းမှုတစ်ခုဖြစ်လာကြောင်း မီချီဂန် ဒက်ထရွိုက်ရှိ စိတ်ကျန်းမာရေးပညာရှင် 'လင်ဆေးအိုဘာလိတ်နာ'က Fox News Digital ကို ပြောကြားခဲ့ပါတယ်။

Reddit ဆိုရှယ်မီဒီယာ အသုံးပြုသူတစ်ဦးဆိုရင် ဖုန်းကို အလွန်အမင်းစွဲလမ်းနေပြီး တစ်နေ့ကို ၅ နာရီလောက် သုံးစွဲကြောင်း၊ ဦးနှောက်ထဲမှာ ဆိုးဆိုးရွားရွား ပူပန်သောကများနေရပြီး အတွေးလွန်နေရကြောင်း ဖော်ပြခဲ့ပါတယ်။

ဒီလိုစွဲလမ်းတာနဲ့ ပတ်သက်ပြီး အစိုးရိမ်ရဆုံးက ဆိုရှယ်မီဒီယာ အလွန်အကျွံသုံးစွဲခြင်းကြောင့် နေ့စဉ်လှုပ်ရှားလုပ်ကိုင်ချက်တွေမှာ ထိခိုက်လာတာပဲ ဖြစ်ပါတယ်။

ဆိုရှယ်မီဒီယာကို အသုံးမပြုရရင် ထိုလူဟာ စိတ်ပျက်စရာ အနေအထားဖြစ်လာပြီး မကောင်းတာသိပေမယ့် မသုံးဘဲ မနေနိုင်တော့ကြောင်း ဆိုပါတယ်။

တစ်ဦးတစ်ယောက်က ဆိုရှယ်မီဒီယာသုံးစွဲနေတာကို မိသားစုဝင်တွေ၊ မိတ်ဆွေသူငယ်ချင်းတွေဘက်က စိတ်ပျက်စရာဖြစ်လာပြီး ရင်းနှီးမှုကို တင်းမာစေနိုင်ပါတယ်။

စွဲလမ်းမှုလက္ခဏာတွေထဲမှာ မိမိကိုယ်ကို ထိန်းချုပ်နိုင်စွမ်းလျော့နည်းခြင်း၊ လူမှုဆက်ဆံရေး ဆိုးကျိုးများ၊ စိတ်ဓာတ်ကျခြင်း၊ ပူပန်သောကရောက်ခြင်းတို့ ကြုံလာရနိုင်ပါတယ်။

အလွန်အကျွံသုံးစွဲမိခြင်းက အထူးသဖြင့် ငယ်ရွယ်သူများအတွက် ဆိုးကျိုးဖြစ်စေနိုင်ကာ ဘေးအန္တရာယ်များကို နားမလည်တတ်ကြတာကြောင့် စွဲလမ်းမှုကို ဖြတ်တောက်ဖို့ ပိုမိုခက်ခဲစေပါတယ်။

စိုးရိမ်ပူပန်ခြင်းနဲ့ အထီးကျန်ခြင်းတို့က ဆိုရှယ်မီဒီယာ ပိုမိုအသုံးပြုဖို့ အားပေးနေသလို ဖြစ်နေပါတယ်။

စွဲလမ်းခြင်းမဖြစ်စေရန် နည်းလမ်းတစ်ခုက သုံးစွဲချိန်ကို အချိန်သတ်မှတ်ဖို့ဖြစ်ပါတယ်။

တစ်ရက်၊ တစ်ပတ်၊ တစ်လစသဖြင့် ဖြည်းဖြည်းချင်း လျှော့သုံးသွားနိုင်ပါတယ်။

လုံးဝရပ်တန့်ဖို့ဆိုရင်တော့ ကွန်ပျူတာတွေ၊ ဖုန်းတွေကို သိမ်းထားသင့်ပြီး ဆိုရှယ်မီဒီယာအက်ပ်တွေကို ဖျက်ထားဖို့ပဲ ဖြစ်ပါတယ်။

ပြန်လည်သုံးစွဲချင်တယ်ဆိုရင်လည်း တစ်နေ့အတွင်း အချိန်ဘယ်လောက်အသုံးပြုမလဲဆိုတာကို သတ်မှတ်ထားသင့်ပါတယ်။

ဘေးအန္တရာယ်များရှိသလို ကောင်းကျိုးတွေလည်း ရှိနေပါသေးတယ်။

ဆိုရှယ်မီဒီယာကနေ ဝါသနာတူ အပေါင်းအသင်းတွေ ရနိုင်တာကြောင့် အထီးကျန်ခြင်းကို သက်သာစေနိုင်ပါတယ်။

အလွန်ဝေးကွာတဲ့အရပ်ကနေလည်း ဆက်သွယ်ချင်တဲ့လူကို ချက်ချင်းပြောဆိုနိုင်ပါတယ်။

#World_Health #စွဲလမ်းမှုတစ်မျိုး #ဆိုရှယ်မီဒီယာအလွန်အကျွံသုံးစွဲခြင်း
Source: NY Post

#Local_Sport
Published_ 18 August 2023

ဂျပန်လက်ရွေးစင် ကွင်းလယ်လူ ဝါတာရူအန်ဒိုသည်လီဗာပူးအသင်းသို့ ပြောင်းရွှေ့ရန် သဘောတူညီမှုရရှိခဲ့ပြီး မကြာမီ ဆေးစစ်မှုခံယူသွားမည်ဖြစ်သည်ဟု သိရသည်။၎င်းအား ယူရို ၁၉ သန်းဝန်းကျင်ဖြင့်ခေါ်ယူနိုင်ခဲ့ခြင်းဖြစ်ပြီးဆေးစစ်မှု အောင်မြင်ပါက ဘုန်းမောက်နှင့် သြဂုတ် ၁၉ ရက်တွင် ကစားမည့် ပရီးမီးယားလိဂ်ပွဲစဉ်လူစာရင်းတွင်ပါဝင်လာနိုင်မည်ဖြစ်သည်။

ကိုင်စီဒိုနှင့်လာဗီယာတို့ကို ခေါ်ယူရန်ကြိုးပမ်းခဲ့သော်လည်း ချယ်လ်ဆီးအသင်းကခေါ်ယူသွားခဲ့ပြီးနောက် အသက် ၃၀နှစ် ရှိ ဂျပန်လက်ရွေးစင် ကွင်းလယ်လူအန်ဒိုကိုယခုကဲ့သို့ခေါ်ယူနိုင်ခဲ့ခြင်းဖြစ်သည်။လီဗာပူးအသင်းသည်နောက်ထပ် ဒုတိယမြောက် ကွင်းလယ်လူတစ်ဦးကို ထပ်မံခေါ်ယူရန် စောင့်ကြည့်နေပြီး ဖီအိုရင်တီးနားမှ မော်ရိုကို လက်ရွေးစင် ကွင်းလယ်လူ အမ်မရာဘက်ကိုခေါ်ယူရန် စောင့်ကြည့်လျက်ရှိသည်။

အမ်မရာဘက်သည် မူလက မန်ယူအသင်းနှင့် သဘောတူညီမှု ရရှိထားသော်လည်း မန်ယူဘက်မှ ခေါ်ယူရန်နှောင့်နှေးနေမှုများ ကြောင့်စိတ်ပျက်နေသည်ဟုသိရသည်။ကာလရှည် ပစ်မှတ်ထားနေသော ဘိုင်ယန်မြူးနစ်ကွင်းလယ်လူ ဂရာဗန်ဗတ်နှင့်ပဲလေ့စ်ကွင်းလယ်လူဒိုကိုရီတို့ကိုလည်း လီဗာပူးကဆက်လက်စောင့်ကြည့်လျက်ရှိသည်။

#Local_Sport #လူအန်ဒိုလီဗာပူး
This is Anfield

#World_Health
Published 18 August 2023

နွေရာသီရောက်တဲ့အခါ အရသာရှိပြီး လူကြိုက်များတဲ့ အသီးတွေထဲမှာ သခွားမွှေးသီးလည်း ပါဝင်ပါတယ်။

အရည်လည်းရွှမ်းပြီး ကျန်းမာရေးအကျိုးကျေးဇူး များစွာရှိပါတယ်။

သခွားသီး၊ ဖရဲသီး၊ ဖရုံသီး၊ တို့နဲ့ မျိုးနွယ်တူပြီး အရောင်နဲ့ ပုံစံကွဲပြားကာ ကမ္ဘာတဝှမ်းမှာ အမျိုးအစားအမျိုးမျိုးဖြင့် ရှိကြပါတယ်။

ရေပမာဏ ၉၀ ရာခိုင်နှုန်းပါဝင်ကာ အဆီဓာတ်နဲ့ ပရိုတိန်းဓာတ်တို့ မပါဝင်ဘဲ သခွားမွှေးသီး ၁၀၀ ဂရမ်မှာ ၃၅ ကီလိုကယ်လိုရီ ဖြည့်တင်းပေးပါတယ်။

ဆိုဒီယမ် နည်းပါးကာ ဗိုက်တာမင်-အေ၊ စီ၊ ဖောလစ်အက်ဆစ်၊ ဗိုက်တာမင်-ဘီအမျိုးမျိုး လည်း ပါဝင်ပါတယ်။

ဒါ့အပြင် ပိုတက်ဆီယမ်၊ ဖော့စ်ဖရပ်စ်၊ မဂ္ဂနီဆီယမ်၊ ကယ်လ်စီယမ်တို့ ကြွယ်ဝစွာပါဝင်ပါတယ်။

သခွားမွှေးသီးရဲ့ အာဟာရအကျိုးကျေးဇူးတွေထဲမှာ..

- ရေဓာတ်ဖြည့်ပေးခြင်း

ပိုတက်ဆီယမ်၊ မဂ္ဂနီဆီယမ်တို့ပါဝင်ပြီး ရေဓာတ်ထိန်းညှိပေးကာာ ရေဓာတ်ခန်းခြောက်ခြင်းမှ ကာကွယ်ပေးပါတယ်။

- ဗိုက်တာမင် ကြွယ်ဝခြင်း

ဗိုက်တာမင်-စီ၊ အေ၊ ဘီတို့ ကြွယ်ဝစွာပါဝင်တာကြောင့် ကိုယ်ခံအားမြှင့်တင်ပေးခြင်း၊ အရေပြား ဆံကေသာ ကောင်းမွန်စေခြင်း၊ မျက်လုံး ဦးနှောက်လုပ်ဆောင်ချက်များ မြှင့်တင်ပေးခြင်းတို့ ပေးစွမ်းနိုင်ပါတယ်။

- အမျှင်ဓာတ်ပေါများခြင်း

သခွားမွှေးသီး ပုံမှန်စားသုံးခြင်းဖြင့် အစာကြေစေကာ ဝမ်းချုပ်ခြင်းကို ကာကွယ်ပေးပါတယ်။

- ဓာတ်တိုးဆန့်ကျင်ပစ္စည်းကြွယ်ဝခြင်း

ဘီတာကယ်ရိုတင်းနဲ့ ဗိုက်တာမင်-စီတို့ ကြွယ်ဝတာကြောင့် နှလုံးရောဂါ၊ ကင်ဆာရောဂါတို့လို နာတာရှည်ရောဂါများ ကင်းဝေးစေပါတယ်။

- ကိုယ်အလေးချိန် ထိန်းသိမ်းပေးခြင်း

ကယ်လိုရီနဲ့ အဆီဓာတ်ပါဝင်မှု နည်းပါးတာကြောင့် ကိုယ်အလေးချိန် ထိန်းသိမ်းရာမှာ အထောက်အကူဖြစ်စေပါတယ်။

#World_Health #သခွားမွှေးသီးစားသုံးခြင်း #ကျန်းမာရေးအကျိုးကျေးဇူးများ
Source: The Jerusalem Post