#Local_News
Published_ 16 January 2024

မန္တလေး၊ မိုးကုတ်နှင့် ပြင်ဦးလွင်မြို့များတွင် အခြေချနေထိုင်သည့် ကိုးကန့်တိုင်းရင်းသား မိသားစုများကဘုရားစေတီပုထိုးနှင့် ဘာသာရေးဆိုင်ရာ အဆောက်အအုံများကို ဖျက်ဆီးသည့်လုပ်ရပ်များအပေါ်ကန့်ကွက်ရှုတ်ချကြောင်း ဇန်နဝါရီ ၁၅ ရက်တွင် မန္တလေးမြို့ရှိ ဗုဒ္ဓဘာသာကိုးကန့်ဓမ္မာရုံမှ ထုတ်ပြန်သည်။

အဆိုပါ ထုတ်ပြန်ချက်တွင် ရှမ်းပြည်နယ်(မြောက်ပိုင်း) ကိုးကန့်ဒေသရှိ အများပြည်သူ ကြည်ညိုကိုးကွယ်နေသည့် ဗုဒ္ဓဘာသာဝင်များ အထွတ် အမြတ်ထားရာ ဘုရားစေတီအား MNDAA အဖွဲ့ ဝင်တစ်ဦးက သံတူဖြင့်ထု၍ ဖျက်ဆီးနေသည့် ဓာတ်ပုံနှင့် ဗွီဒီယိုဖိုင်များ စိတ်မချမ်းမြေ့ဖွယ်ရာတွေ့ရှိရသဖြင့် ဘုရားစေတီပုထိုးနှင့် ဘာသာရေးဆိုင်ရာအဆောက်အအုံများကို ဖျက်ဆီးသည့် လုပ်ရပ်များသည် အမျိုးဘာသာသာသနာညှိုးနွမ်းထိခိုက်စေရန် ဆောင်ရွက်ခြင်းဖြစ်၍ မန္တလေး၊ မိုးကုတ်၊ ပြင်ဦးလွင်မြို့များတွင် အခြေချနေထိုင်လျက်ရှိသော ဗုဒ္ဓဘာသာ ကိုးကန့်တိုင်းရင်းသား မိသားစုအားလုံးက ပြင်းထန်စွာကန့်ကွက်ရှုတ်ချကြောင်း ဖော်ပြထားသည်။

လောက်ကိုင်တွင် စေတီတစ်ဆူကို MNDAA အဖွဲ့ဝင်တစ်ဦးက ဖျက်ဆီးနေသော ဗီဒီယိုဖိုင်အွန်လိုင်းတွင် ပျံ့နှံ့နေမှုနှင့်ပတ်သက်၍ MNDAA အဖွဲ့က လွန်စွာတောင်းပန်ကြောင်း ဇန်နဝါရီ ၉ ရက်တွင် ထုတ်ပြန်ထားကြောင်းလည်း သိရသည်။

ရှမ်းပြည်နယ်(မြောက်ပိုင်း) လောက်ကိုင်မြို့ရှိ ဆင်ဦးကင်းတောင်ကုန်း (ပွိုင့် ၂၂၀၂)တွင် တည်ထားကိုးကွယ်သည့် စေတီတစ်ဆူအား MNDAA အဖွဲ့ဝင်တစ်ဦးက သံတူဖြင့် ရိုက်နှက်ဖြိုဖျက်နေသည့် ရုပ်သံဖိုင်လူမှုကွန်ရက်တွင် ဇန်နဝါရီ ၈ ရက်က ပျံ့နှံ့ထွက်ပေါ်လာပြီးနောက် မြန်မာနိုင်ငံအနှံ့ မြို့ကြီးများတွင် ကန့်ကွက်ဆန္ဒပြပွဲများရှိခဲ့ကြောင်း သိရသည်။

#Local_News #ဘုရားစေတီပုထိုးဖျက်ဆီး #ရှုတ်ချကြောင်းထုတ်ပြန် #Yangon_Times #Yangon_Media_Group

Published 16 January 2024

နွားတွေ ကိုယ်ဝန်မွေးဖွားတော့မလားဆိုတာကို မွေးမြူသူများ သိရှိစေနိုင်မယ့် လူလုပ်အသိဉာဏ်တု AI နည်းပညာသုံးထားတဲ့ စနစ်တစ်ခုကို Nikon ကော်ပိုရေးရှင်းက ထုတ်လုပ်လိုက်ပါတယ်။

မွေးမြူရေးခြံတွေမှာ ကင်မရာများ တပ်ဆင်ပြီး နွားတွေရဲ့ လှုပ်ရှားမှုကို စောင့်ကြည့်သုံးသပ်နေတဲ့ စနစ်ဖြစ်ပါတယ်။

ဒီနည်းပညာကို ဂျပန်မှာ ယခုလအတွင်း ရောင်းချသွားမှာဖြစ်ပြီး မွေးဖွားခါနီး နွားမတွေကို ပုံမှန်စစ်ဆေးရေး လုပ်ဖို့လိုအပ်တဲ့ မွေးမြူသူများအတွက် အလုပ်တာဝန် လျှော့ချသွားနိုင်မှာဖြစ်ကာ ပိုမိုထိရောက်မှု ရှိစေမှာ ဖြစ်ပါတယ်။

နွားအကောင်ရေ ၁၀၀ ရှိတဲ့ခြံအတွက် တစ်နှစ်ကို ဒေါ်လာ ၆၂၀၀ ခန့် ကျသင့်မှာဖြစ်ပါတယ်။

နွားပေါက်လေး မွေးခါနီးပြီဆိုရင် သက်ဆိုင်ရာ စမတ်ဖုန်းအက်ပ်လီကေးရှင်းကနေ မွေးမြူသူကို အချက်ပေးသွားမှာ ဖြစ်ပါတယ်။

ကိုယ်ဝန်ဆောင်ထားတဲ့ နွားမတစ်ကောင်ဟာ မမွေးခင် ၅ နာရီလောက်အလိုမှာ သိသိသာသာ လက္ခဏာတွေ ပြလာပါတယ်။

AI အတွက် အချက်အလက်များ စုဆောင်းရေးကို ၂၀၂၁ ကတည်းက လုပ်ဆောင်နေခဲ့ကာ ၂၀၂၃ ဖေဖော်ဝါရီကစပြီး ကူမာမိုတိုစီရင်စုပြည်နယ်ရှိ ခြံ ၄ ခြံမှာ စမ်းသပ်မှုများ ပြုလုပ်ခဲ့ပါတယ်။

နွားမတစ်ကောင် အခြားအပြုအမူမျိုး ပြုလုပ်နေတာကိုလည်း သိရှိနိုင်စေမယ့် နည်းပညာကို အနာဂတ်မှာ ပြုလုပ်သွားဖွယ်ရှိတယ်လို့ Nikon အရာရှိ ကာဇူဟီရိုဟီရာနိုက စာနယ်ဇင်းရှင်းလင်းပွဲမှာ ပြောကြားလိုက်ပါတယ်။

မွေးမြူရေးသမားတစ်ဦးဖြစ်တဲ့ ကီတာဟီဂူချီက ဒီနည်းပညာရဲ့ အသုံးဝင်မှုကို သဘောကျနေပါတယ်။

တစ်နှစ်အတွင်း နွားအကောင်ရေ ၆၀ လောက် မွေးနေရကြောင်း၊ မမွေးခင် တစ်လအလိုလောက်ကတည်းက မကြာမကြာ စစ်ဆေးနေရကြောင်း၊ ဒီနည်းပညာက အလွန်အသုံးဝင်ကြောင်း ပြောပြသွားပါတယ်။
Source: Kyodo News.
#World_Technology
#Published_ 16 January 2024
#YMG #Yangon_Times #Yangon_Media_Group #YMG_News

Published 16 January 2024

လုံလောက်စွာ အိပ်စက်ဖို့က အလုံးစုံကျန်းမာရေးအတွက် အရေးကြီးပါတယ်။

ခန္ဓာကိုယ် အနားယူ ပြုပြင် သက်သာလာစေရန် အိပ်စက်ခြင်းလိုအပ်သလို ခန္ဓာကိုယ်တွင်း စနစ်များစွာအတွက် အကျိုးကျေးဇူးများ ရှိနေပါတယ်။

သာမန်အရွယ်ရောက်ပြီးသူတွေဟာ တစ်နေ့ကို အိပ်ချိန် ၇ နာရီမှ ၉ နာရီရှိရန် လိုအပ်ပြီး အိပ်ရေးပျက်တာများလာပါက ကျန်းမာရေး ဆိုးရွားစွာ ထိခိုက်လာစေပါတယ်။

အိပ်ချိန်မလုံလောက်ခြင်းကြောင့် ဖြစ်လာနိုင်တဲ့ ကျန်းမာရေးဆိုးကျိုးတွေကတော့ …
 
(၁) မှတ်ဉာဏ်ပိုင်း၊ အသိဉာဏ်ပိုင်းမှာ ထိခိုက်လာကာ အာရုံစူးစိုက်ရ ခက်ခဲခြင်း၊ လုပ်ကိုင်နိုင်စွမ်း မရှိခြင်းတို့ ဖြစ်လာစေပါတယ်။
 
(၂) စိတ်နဲ့ကိုယ်မကပ်ခြင်း၊ တုန့်ပြန်မှု အားနည်းခြင်းတို့ဖြစ်ကာ ယာဥ်မောင်းနေစဥ် စက်ပစ္စည်းများမောင်းနှင်နေစဥ် အခြားအန္တရာယ်ရှိ အလုပ်များလုပ်နေစဥ်မှာ မတော်တဆဖြစ်နိုင်ခြေ များပါတယ်။
 
(၃) အိပ်ရေးပျက်တာများလာပါက ကိုယ်ခံအားစနစ် ကျဆင်းစေပြီး ရောဂါပိုး ကူးစက်ဝင်ရောက်တတ်ပါတယ်။
 
(၄) စိတ်အပြောင်းအလဲ ဖြစ်တတ်ကာ ဆတ်ဆတ်ထိမခံခြင်း၊ ပူပန်သောကဖြစ်ခြင်း၊ စိတ်ကျန်းမာရေး အခြေအနေတို့ ဖြစ်နိုင်ခြေ များပါတယ်။
 
(၅) အိပ်ရေးပျက်ခြင်းကြောင့် ဆာလောင်စိတ်နဲ့ ဟော်မုန်းမျှခြေကို ထိခိုက်စေကာ မကျန်းမာစေတဲ့ အစားအစာများ ပိုစားမိပြီး ကိုယ်အလေးချိန် တက်လာစေပါတယ်။
 
(၆) နှလုံးသွေးကြောရောဂါများ၊ ဆီးချို၊ ကင်ဆာတို့လို နာတာရှည်ရောဂါတွေ ဖြစ်လာနိုင်ပါတယ်။
 
(၇) သွေးတွင်းသကြားဓာတ် ထိန်းညှိနိုင်စွမ်းကို ထိခိုက်စေကာ အင်ဆူလင်မတိုးခြင်းနဲ့ ဆီးချိုရောဂါတို့ ဖြစ်လာနိုင်ပါတယ်။
 
(၈) ဆာလောင်စိတ်ကို ထိန်းချုပ်ခြင်း၊ ဖိစီးမှုတုန့်ပြန်ခြင်း၊ လိင်ပိုင်းဆိုင်ရာ ကျန်းမာရေးတို့နဲ့ သက်ဆိုင်တဲ့ ဟော်မုန်းများ ပုံမှန်ထိန်းညှိခြင်းကို ထိခိုက်စေပါတယ်။
 
(၉) ခန္ဓာကိုယ်တွင်း ရောင်ရမ်းခြင်းများ ဖြစ်ပေါ်စေကာ ကျန်းမာရေးပြဿနာ အမျိုးမျိုး ဖြစ်စေပါတယ်။
 
(၁၀) အမျိုးသားတွေမှာ လိင်စိတ်ဆန္ဒ လျော့နည်းခြင်း၊ ထောင်မတ်နိုင်စွမ်း လျော့နည်းခြင်းတို့ ဖြစ်နိုင်ကာ အမျိုးသမီးတွေမှာ လိင်ကိစ္စပြီးမြောက်ရန် ခက်ခဲတာမျိုး ဖြစ်တတ်ပါတယ်။
 
(၁၁) အရေပြားပြုပြင်ထိန်းသိမ်းနိုင်စွမ်း ထိခိုက်တာကြောင့် အရေပြားမွဲခြောက်ခြင်း၊ တွန့်ခြင်း၊ ဝက်ခြံ နှင်းခူတို့လို အရေပြားပြဿနာများ ဖြစ်တတ်ပါတယ်။
 
(၁၂) အိပ်ရေးပျက်ခြင်းကြောင့် စိတ်သွားတိုင်း ကိုယ်မပါဖြစ်ကာ နေအိမ် အလုပ်ခွင်တို့လို နေရာတွေမှာ မတော်တဆထိခိုက်မှုတွေ ဖြစ်တတ်ပါတယ်။
 
တစ်ဦးချင်းစီရဲ့ အသက်အရွယ်၊ နေထိုင်စားသောက်မှုပုံစံ စတဲ့အချက်တွေကြောင့် အိပ်ချိန်လိုအပ်ချက် အနည်းငယ် အပြောင်းအလဲရှိတတ်ပါတယ်။
Source: DoctorNDTV
#World_Health
#Published 15 January 2024
#YMG #Yangon_Times #Yangon_Media_Group

Date: January 15, 2024

Myanmar's ruling State Administration Council (SAC) has affirmed its unwavering commitment to the "One China Policy" and has restated that Taiwan (Chinese-Taipei) is an integral part of the People’s Republic of China.

Following the Taiwan Election held on Saturday, January 13, the Myanmar Foreign Ministry issued a statement expressing Myanmar’s stance on the development of Taiwan.

The statement declares Myanmar's opposition to any separatist activities aiming "Taiwan independence" and foreign interference in the internal affairs of other states. Additionally, Myanmar fully supports China’s efforts to achieve peaceful reunification, as stated in the official statement.

The statement highlights Myanmar's maintenance of good neighborly Pauk-Phaw relations with China, emphasizing the consistent support for the "One China Policy".

-ymg/knl

တရုတ်ပြည်မှ စွမ်းအင်သစ်သုံးယာဥ် ထုတ်လုပ်သူတွေဟာ ပြည်ပဈေးကွက်မှာ တိုးချဲ့ရန် ပြည်တွင်းစက်ရုံတွေ တည်ဆောက်သွားမယ့် ဗျူဟာချမှတ်နေကြပါတယ်။
#World_Industry
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

   ဂန္ထဝင်မြန်မာ တေးသံရှင်ကြီး ဦးမောင်မောင်ကြီး အသက် (၉၂) နှစ် ဟာ ယနေ့  ဇန်နဝါရီ ၁၅ ရက်၊ ညနေ ၃ နာရီခွဲဝန်းကျင်က ကွယ်လွန်သွားခဲ့ပြီဖြစ်ကြောင်း ၎င်းနှင့်နီးစပ်သူများထံ က သိရသည်။

    ဦးမောင်မောင်ကြီးသည် ရေဒီယိုရောင်းတမ်း ဓာတ်ပြားများ၊ ရုပ်ရှင် နောက်ခံတေးပေါင်းများစွာ သီဆိုအောင်မြင်ခဲ့သော အဆိုတော်ကြီး တစ်ဦး ဖြစ်ကာ ၂၀၀၄ ခုနှစ်တွင် နိုင်ငံတော် မှ ချီးမြှင့်သည့် လူမူထူးချွန်တံဆိပ် (ပထမဆင့်) ချီးမြှင့်ခြင်း ခံရသူတယောက်ဖြစ်ကြောင်းသိရသည်။

 ပြီးခဲ့သည့် ဇန်နဝါရီ  ၉ရက်နေ့ ကလည်း ဂန္တဝင် အဆိုတော်ကြီး ဒေါ်မာမာအေးကွယ်လွန်သွားခဲ့တာဖြစ်ပြီး တိုက်ဆိုင်မှုတစမခု အဖြစ် ယနေ့ ဒေါ်မာမာအေး၏  ရက်လည်နေ့တွင်ဂန္ထဝင်တေးသံရှင်ကြီးတယောက်ဖြစ်သည့် ဦးမောင်မောင်ကြီး ကွယ်လွန်ခဲ့ခြင်း ဖြစ်သည်။

  ဦးမောင်မောင်ကြီး - သူကလေ နဂိုတည်းကိုက ဆီးချိုအခံရှိထားခဲ့တယ်။ နားတွေဘာတွေလည်းမကောင်း မီမိုရီလည်းမကောင်းတော့ဘူး.. လူကြီးရောဂါဆုံးတာ “ ကျွန်တော်တို့ ဦးမောင်မောင်ကြီးကိုငယ်စဉ်ကတည်းက အားကျအလေးထားခဲ့တာပါ သီဆိုဟန်ထူးခြားသလို ရုပ်ရှင်မင်းသားကြီးရဲ့ ခင်မောင်ရင်ရဲ့သီချင်းတွေကိုစံထားလောက်အောင်ဆိုနိုင်တယ် ညာသံသမား သီချင်းဆိုတာ သိပ်ကိုကောင်းပြီး စနစ်ကျတယ်။ သူဆိုမယ့်သီချင်းကိုအလေးအနက်ထား။ ဘာသီချင်းဆိုဆို ရီဟာဇယ်လုပ်ပြီးဆိုတယ်။ သူ့ရဲ့ သီချင်းတွေကို လေ့လာဆန်းစစ်ခဲ့တယ်။ ချိုတေးဆက်ကိုအောင်ကိုးရေးပေးခဲ့တဲ့သီချင်းတွေထဲက သူ့ဆိုဟန်နှင့်စွဲသွားစေတဲ့ သီချင်းက စိမ်းလဲ့ညိုသီချင်းကိုသိပ်ကြိုက်တယ်။ သူ့ညီကိုလေးညွန့်ရေးခဲ့တဲ့ ရွှေညာဆီသွားမယ် ဆိုတဲ့သီချင်းသိပ်ကောင်းတယ်။ မာမာအေးရဲ့ရက်လည်မှာ ဆုံးသွားတော့ အဲဒီသီချင်းကို အမှတ်ရမိတယ်။ အဲဒီသီချင်းကို သူနှင့်မာမာအေး အတူဆိုခဲ့ကြတာလေ။ကိုမောင်မောင်ကြီးနှင့်မြန်မာ့အသံခေတ်ပေါ်တေးဂီတအဖွဲ့ တေးဂီတစိစစ်ရေးဘုတ်အဖွဲ့မှာ မကြာသေးခင်ကမှအနားယူထားတယ်။ ဘုတ်အထဲ ဝင်တာနှင့်သူ့ကိုသတိရနေတာပါ။မမျှော်လင့်ဘဲ ကွယ်လွန်သွားလို့ ရင်နှင့် အမျှ ခံစားရပါတယ်။ သူကောင်းရာသုဂတိလားပါစေလို့ ဆုတောင်းပါတယ်ဟုအဆိုတော်ကြီးသန်းမြတ်စိုးက ဝမ်းနည်းကြောင်းပြောကြားသည်။

 ဦးမောင်မောင်ကြီးကို ဖခင် ဦးခင်စိန်နဲ့  မိခင် ဒေါ်ခင်ညွှန့်ရင်တို့မှ ၁၉၃၁ ခုနှစ်မှာ ရန်ကုန်မြို့မှာ မွေးဖွားခဲ့ပြီး ငယ်မည်မှာ မောင်မောင် ဖြစ်ကြောင်းသိရသည်။

 ဂီတနယ်သို့ ၁၉၄၇ ခုနှစ်တွင် စတင်ဝင်ရောက်ခဲ့သည်။ မောင်မောင်ကြီး၏ ဂီတဆရာများမှာ ဆရာကြီး ဦးလှဖေနှင့် ဆရာကြီး ဦးအလီတို့ဖြစ်ကြသည်။ ဆရာကြီးများထံတွင် မဟာဂီတကို လေ့လာ ဆည်းပူးခဲ့သည်။ ၁၉၅၃ခုနှစ်တွင် ကျင်းပသည့် ယဉ်ကျေးမှုအနုပညာ ပြိုင်ပွဲတွင် ဝင်ရောက်ယှဉ်ပြိုင်ခဲ့ရာ မဟာဂီတ အဆိုပထမ ရွှေတံဆိပ်ဆု ရရှိခဲ့သည်။

    မောင်မောင်ကြီး ပထမဆုံး သီဆိုခဲ့သော သီချင်းမှာ ၁၉၅၀ ခု BSC ကောလိပ်ကျောင်း သင်္ကြန်အဖွဲ့အတွက် ဆရာရွှေပြည်အေး ရေးစပ်ပေးသည့် သီချင်းတစ်ပုဒ်ကို အေဝမ်းခင်မောင်အဖွဲ့နှင့် တပ်မတော် အသံလွှင့်ရုံမှ အသံလွှင့်ခဲ့သည်။ ၁၉၅၁ ခုနှစ်တွင် ဂီတလုလင်အပျော်တမ်း တူရိယာအဖွဲ့တွင် ပင်တိုင် အဆိုတော်အဖြစ် မြန်မာ့ အသံမှ အသံလွှင့်ခဲ့သည်။

မဟာဂီတသီချင်းကြီးများကို စောင်းဦးခင်မြင့်၊ ရွာစား စိန်ဗိုလ်တင့် အဖွဲ့တွင် သီဆို အသံလွှင့်ခဲ့သည်။ ကာလပေါ်သီချင်းများကို ဂီတလုလင် အဖွဲ့၊ ဂီတလုလင် မောင်ကိုကိုအဖွဲ့၊ ချိုတေးဆက်၊ စစ်ရုံးအဖွဲ့၊ ကေသီပန်၊ စန္ဒရားနီနီ၊ စန္ဒာ၊ စန္ဒရားချစ်ဆွေ၊ ပျဉ်းမနားမြင့်လှိုင်အဖွဲ့များတွင် သီဆို အသံလွှင့်ခဲ့သည်။
အဆိုတော်ဦးမောင်မောင်ကြီး အောင်မြင်ကျော်ကြား လူကြိုက်များသော တေးသီးချင်းအချို့မှာ “တစ်ခုတည်းသော ရည်မှန်းချက်” “နှစ်ဆင့်မေတ္တာ” “နွဲ့နှောင်း” “ရွှေညာဆီသွားမယ်” “အကျည်းတန်ချစ်သူ” “ကွမ်းတောင်ကိုင်” “အိပ်မက်နိုင်ငံ” “မေတ္တာဇာတ်လမ်း” “ပင်တိုင်ကျော့မှူး” “ဝေးပြီမွှေးရယ်” “တန်ပါ့မဖုရား” “မေတ္တာနုနုစေလာရင်ကွယ်” “စိမ်းလဲ့ညို” “အချစ်ကို ဘယ်လိုပြောရမယ် ” “ကျမျက်ရည် မကြေညာစတမ်း” “အမိုက်မလေး ငှက်ငယ်” “သစ်ခြောက်ပင်အောက် ပန်းကောက်သူ” “လွမ်းအိပ်မက်က သံသရာရှည် ” “ကျိုက္ခမီသောင်ယံမှ မောင်းမကန်အိပ်မက် ” စသည်တို့ ဖြစ်ကြောင်း သိရသည်။
Yangon Times/LW
#Local_News
#Published 15 January 2024
#YMG #Yangon_Times #Yangon_Media_Group

#Daily_News
Published_ 15 January 2024

၁။ ရွှေတိဂုံစေတီတွင် Digital Directory စနစ် Touch Screen(၁၀)ခု တပ်ဆင်ရန်နှင့် နေပူခံကျောက်ပြားအရောင်တင်ခြင်များ ဆောင်ရွက်နေ

၂။ နှစ်ပေါင်း၁၆၀ခန့် က ကျွန်းပင်များကို လေ့လာနိုင်မည့် ပြည်ကျွှန်းတောဆင်စခန်း ဇန်န၀ါရီ ၁၆ ရက်မှစပြီး ပြန်လည် ဖွင့်လှစ်မည်

၃။ နယ်ဒေသများအပြင် ရန်ကုန်တိုင်းအတွင်း၌ပါ မြင်းမွေးသူများရှိနေပြီး ပွင့်လင်းရာသီဖြစ်သောကြောင့် အလုပ်အကိုင် ကောင်းလာ

၄။ ပြည်ပနိုင်ငံများတွင် စက်ရုံများဆောက်လုပ်ကာ လျှပ်စစ်ကားထုတ်လုပ်ရေးလုပ်ငန်းများအား တရုတ်နိုင်ငံက
ကမ္ဘာ့ဈေးကွက်သို့ ချဲ့ထွင်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၁၅ ဇန်နဝါရီ ၂၀၂၄

မြန်မာနိုင်ငံအနေထဖြင့် ထိုင်ဝမ်(တရုတ်-တိုင်ပေ)ကို တရုတ်ပြည်သူ့သမ္မတနိုင်ငံ၏ ခွဲထွက်၍မရသော အစိတ်အပိုင်း တစ်ခုအဖြစ်မှတ်ယူထားပြီး တရုတ်တစ်နိုင်ငံတည်းမူဝါဒကို အစဉ်ထောက်ခံကြောင်း နစက နိုင်ငံခြားရေးဝန်ကြီးဌာနက ယနေ့ ဇန်နဝါရီ ၁၅ ရက်မှာ သတင်းထုတ်ပြန်ပါတယ်။

ဇန်နဝါရီ (၁၃)ရက်တွင် ထိုင်ဝမ်ကျွန်းတွင်ကျင်းပသည့် သမ္မတနှင့်လွှတ်တော်ရွေးကောက်ပွဲအပြီးတွင်  ထိုင်ဝမ်)တရုတ်-တိုင်ပေ)ဒေသ ဖြစ်ပေါ်တိုးတက်မှုနှင့်ပတ်သက်၍ မြန်မာနိုင်ငံ၏ သဘောထားအမြင်ကို မြန်မာနိုင်ငံခြားရေးဝန်ကြီးဌာနက ယခုလိုထုတ်ပြန်ခဲ့ခြင်းဖြစ်ပါတယ်။

မြန်မာနိုင်ငံအနေဖြင့် ထိုင်ဝမ်ဒေသ လွတ်လပ်ရေးအတွက် ခွဲထွက်ရေးဆောင်ရွက်ချက်များနှင့် အခြားနိုင်ငံများ၏ ပြည်တွင်းရေးကို ဝင်ရောက်စွက်ဖက်ရန် ရည်ရွယ် သော ဆောင်ရွက်ချက်များအား ဆန့်ကျင်ကြောင်းနှင့် တရုတ် ပြည်သူ့ သမ္မတနိုင်ငံနှင့် ထိုင်ဝမ်(တရုတ်-တိုင်ပေ)တို့ ငြိမ်းချမ်းစွာ ပြန်လည်ပေါင်းစည်းရေးကို အားပေးထောက်ခံကြောင်းဖြင့်လည်း နစကရဲ့ သဘောထားအမြင်ထုတ်ပြန်ချက်မှာဖော်ပြထားပါတယ်။

ယင်းအပြင် မြန်မာနိုင်ငံအနေဖြင့် တရုတ်နိုင်ငံနှင့် အိမ်နီးချင်းကောင်း ဆွေမျိုးပေါက်ဖော် ဆက်ဆံရေးကိုဆက်လက် ထိန်းသိမ်းလျက် တရုတ်တစ်နိုင်ငံတည်းမူဝါဒ (One China Policy)ကို တစ်စိုက်မတ်မတ် ထောက်ခံလျက်ရှိကြောင်း ထပ်လောင်း အတည်ပြုအပ်ပါသည်လို့လည်း ဖော်ပြပါရှိပါတယ်။

Ymg/knl

" သက်ကြီးနဲ့နာမကျန်းဖြစ်နေတဲ့ ရုပ်ရှင်အနုပညာရှင်(၄၀)လောက်ရှိတယ်။ သူတို့ထဲကမှ အကယ်ဒမီပေးပွဲ တက်လိုသူတွေအတွက် အကယ်ဒမီပေးပွဲတက်နိုင်အောင် လေယာဉ်စီစဉ်ပေးထားတယ်။"ရုပ်ရှင်ထူးချွန်ဆုချီးမြှင့်ရေး စိစစ်အကဲဖြတ်ရွေးချယ်ရေးအဖွဲ့ဥက္ကဋ္ဌ  ထပ်ဆင့်အကယ်ဒမီ ဦးဇော်မြင့်ဦး
 Yangon Times/tthl
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

အခုလိုဈေးကျလာပေမယ့် အရောင်းဝယ်က အေးနေတဲ့အတွက် လာမယ့်လတွေမှာ ကြက်သွန်ဖြူ အသစ်တွေဈေးကွက်ထဲ ရောက်ရှိလာတော့မှာ ဖြစ်တဲ့အတွက် အခုထက်ပို ဈေးကျလာမယ့် အနေထားရှိတယ်လို့ ဆိုပါတယ်။
Yangon Times/LW
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published 15 January 2024

  ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများ၏ ဈေးကွက်နှင့် ဈေးနှုန်းဖြစ်ပေါ်မှုတွေအရ ဇန်နဝါရီ ၁၅ ရက် မှ ဇန်နဝါရီ ၂၁ ရက်အထိ စားအုန်းဆီ ရန်ကုန်အထိုင်ဈေး လက်ကားရည်ညွှန်းဈေးအဖြစ် တစ်ပိဿာကို ၅၂၅၀ ကျပ် သတ်မှတ်ထားကြောင်း စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော် မတီက ထုတ်ပြန်လိုက်သည်။

  ပြီးခဲ့သည့် တစ်ပတ်က ရန်ကုန်အထိုင်ဈေး လက်ကားရည်ညွှန်းဈေးမှာ တစ်ပိဿာကို ကျပ် ၄၉၅၅ ကျပ် သတ်မှတ်ခဲ့သည့် အတွက်  ယခုတစ်ပတ် တွင် တစ်ပိဿာကို ၂၉၅ ကျပ်ခန့် ဈေးမြင့်တက်လာကြောင်း သိရသည်။

  စားအုန်းဆီရည်ညွှန်းဈေးများ ကို စားအုန်းဆီအဓိကထုတ်လုပ်တင်ပို့သည့် မလေးရှားနိုင်ငံမှာဖြစ်ပေါ်နေသော ဈေးနှုန်း မျာူကို နေ့စဉ်စောင့်ကြည့်ကာ သယ်ယူပို့ဆောင်ခကုန်ကျစရိတ်၊ ဘဏ်စရိတ်နှင့် အခွန်အခများ ထည့်သွင်း တွက်ချက်ပြီး ပြည်တွင်းဈေးကွက်တွင် ရောင်းဝယ်ရမည့် အခြေခံလက်ကားရည်ညွှန်းဈေးတွေကို ထုတ်ပြန်ပေးခြင်း ဖြစ်ကြောင်း သိရသည်။

   ပြည်တွင်းဈေးကွက်ထဲတွင်  စားအုန်းဆီကို ဈေးကစားဖို့ရည်ရွယ်ချက်ဖြင့် သိုလှောင်ခြင်း၊ ဈေးနှုန်းမြှင့်တင် ရောင်းချခြင်းနှင့် မသမာသည့် လုပ်ဆောင်မှုတွေပြုလုပ်ပါက  အရေးကြီးကုန်စည်နှင့်ဝန်ဆောင်မှုဥပဒေအရ အရေးယူ မည်ဖြစ်ကြောင်းထုတ်ပြန်ချက်တွင်ဖော်ပြထားသည်။
Yangon Times/LW
#Local_News
#Published_ 15 January 2024
#YMG #Yangon_Times #Yangon_Media_Group #YMG_News

Published-15 January 2024

သွင်းကုန်လုပ်ငန်းများ အဆင်ပြေစေရန် နိုင်ငံခြားငွေကြေးဈေးကွက်သို့ ဗဟိုဘဏ်က ဒေါ်လာ ၁၅ သန်း ယနေ့ ထပ်မံထုတ်ရောင်းချပေးခဲ့ကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားသည်။

အဆိုပါကဲ့သို့ ရောင်းချခြင်းသည် တတိယအကြိမ်မြောက်အဖြစ် ဈေးကွက်အတွင်းသို့ ဒေါ်လာရောင်းချပေးခြင်းဖြစ်သည်။

ဇန်နဝါရီ ၂ ရက်တွင် ပထမအကြိမ် ၁၂ ဒသမ ၉၃ သန်း ရောင်းချပေးခဲ့ပြီး ဇန်နဝါရီ ၅ ရက်တွင် ဒေါ်လာ ၁၆ သန်း ရောင်းပေးထားကာ ယနေ့တွင် ဒေါ်လာ ၁၅ သန်း ထပ်မံထုတ်ရောင်းပေးခဲ့ကာယနေ့ တွင် သုံးကြိမ်မြောက်အဖြစ်ရောင်းချပေးခြင်းဖြစ်ပြီး သုံးကြိမ်အတွင်း စုစုပေါင်းဒေါ်လာ ၄၃ ဒသမ ၉၃ သန်း ရောင်းချပေးထားခြင်းဖြစ်ကြောင်းသိရသည်။

ထို့အပြင် ဗဟိုဘဏ်အနေဖြင့် စက်သုံးဆီတင်သွင်းသော ကုမ္ပဏီများအတွက် လိုအပ်သည့် ဒေါ်လာများကို ဒီဇင်ဘာ ၁၈ ရက်တွင် ပထမဆုံးအကြိမ် ဒေါ်လာ ၉ ဒသမ ၇၂ သန်း ရောင်းချပေးခဲ့ပြီး ဒီဇင်ဘာ ၂၁ ရက်တွင် ဒေါ်လာ ၁၂ ဒသမ ၄၃ သန်း ထပ်မံရောင်းချပေးခဲ့၍ ရောင်းချပေးခဲ့သည့် နှစ်ကြိမ်အတွင်း စုစု‌ပေါင်း ဒေါ်လာ ၂၂ ဒသမ ၁၅ သန်းအထိ ရောင်းချပေးထားပြီးလည်းဖြစ်ကြောင်းသိရသည်။
Yangon-Times/NN
#Local_News
#Published_ 15 January 2024
#YMG #Yangon_Times #Yangon_Media_Group #YMG_News