၁၃ ဩဂုတ် ၂၀၂၃

ကမ္ဘောဒီးယားနိုင်ငံ ကရက်တိုင်းပြည်နယ်မှာရှိတဲ့ ကျောင်းတစ်ကျောင်းရဲ့ မြေကြီးထဲမြှပ်ထားတဲ့ မပေါက်ကွဲသေးသော ဗုံးများရာနှင့်ချီပြီးတွေ့ရလို့ အဆိုပါကျောင်းကိုပိတ်လိုက်ရတယ်လို့ ခမာတိုင်းမ်သတင်းစာ သတင်းအရသိရပါတယ်။

အဆိုပါပြည်နယ် ကရက်တိုင်းမြို့မှာရှိတဲ့ ကွင်းကိုဆိုမက် အထက်တန်းကျောင်းဝင်းထဲမှာ စနေနေ့က ကြိုတင်စီစဉ်ထားတဲ့ ကျောင်းပြုပြင်မှုတွေပြုလုပ်စဉ်အတွင်း မြေကြီးထဲမှာမြှပ်ထားတဲ့ မပေါက်ကွဲသေးတဲ့ ဗုံးတွေကို ရာနှင့်ချီတွေ့ကြရတာြဖစ်တယ်လို့ ကျောင်းအုပ်ကြီး မစ္စတာ ဘန်းချီက ပြောပါတယ်။

တွေ့ရတဲ့အထဲမှာ အမျိုးအစားလေးမျိုးပါဝင်ပြီး M79s က ၂၅၀၊ DK75s က ၁၆ခု၊ M48 warheads က ၁၇ခု၊ B40s က ၁၇ခု စုစုပေါင်း ၂၈၄ခုဖြစ်ပြီး ထပ်ပြီးရှာတွေ့ဖို့လည်းရှိတယ်လို့ ပညာရေးဌာန၊ လူငယ်နှင့်အားကစား ညွှန်ကြားရေးမှူး မစ္စတာ လေဘိုရာကပြောတယ်လို့ သတင်းမှာဖော်ပြထားပါတယ်။

အဲဒါကြောင့်  အဆိုပါပေါက်ကွဲပစ္ညည်းတွေ အားလုံးဖယ်ရှားပြီးသည်အထိ ကျောင်းတွေပိတ်ဖို့ သူက အမိန့်ထုတ်ပြန်ခဲ့တာ ဖြစ်ပါတယ်။

မိုင်းလုပ်ငန်းအမှတ်(၅)တပ်က အဲဒီဗုံးတွေဟာ ပေါက်ကွဲနိုင်ပြီး အသက်အန္တရာယ်ရှိနေတယ်။ပြီးတော့ တွေ့ရတာကလည်း စစ်သလင်းလိုပဲလို့ ပြောပါတယ်။ အဲဒါတွေအားလုံးဘေးကင်းရာ ဖယ်ထုတ်ဖို့ အချိန်နှစ်ရက်ခန့်ကြာမယ်လို့သိရပါတယ်။

Source: Khmer Times

Published 13 August 2023

လူသားတွေရဲ့ မျက်နှာရုပ်ရည်တွေက ပိုပိုပြီးနိမ့်ကျလာကာ ဒါတွေဟာ ယနေ့ခေတ် စားသောက်ပုံစံတွေ၊ အိပ်စက်ခြင်းပုံစံတွေ၊ အလင်းရောင်ထိတွေ့ခြင်းတွေကြောင့်လို့ ဩစတြေးလျမနုဿပညာရှင်တစ်ဦးက အဆိုပြုလိုက်ပါတယ်။

မျိုးဆက်တစ်ခုပြီးတစ်ခု လူတွေဟာ ပိုပြီးဆွဲဆောင်မှု နည်းလာကာ ရုပ်ဆိုးလာရတဲ့ အကြောင်းအရင်းက အသက်အရွယ် ကြီးရင့်တာနဲ့မဆိုင်ဘူးလို့ ပလတ်စတစ်ခွဲစိတ်ဆရာဝန်နဲ့ မျက်နှာခွဲစိတ်ကျွမ်းကျင်ပညာရှင်တို့က ရှင်းပြခဲ့ပါတယ်။

ဒီလိုဖြစ်ရတဲ့ အကြောင်းအရင်းတွေက ယနေ့ခေတ် အစားအသောက်တွေနဲ့ အိပ်စက်မှုပုံစံများကြောင့် ဖြစ်တယ်လို့ ခွဲစိတ်ဆရာဝန်များက ဆိုပါတယ်။

သီအိုရီအရ အပေါ်မေးရိုးနဲ့ အောက်မေးရိုးတို့အပေါ် သက်ရောက်နေတဲ့ အားကို မူတည်နေပြီး ဒါကပဲ မျက်နှာတစ်ခု ဆွဲဆောင်မှုရှိ/မရှိ ဆုံးဖြတ်သွားတာ ဖြစ်ပါတယ်။

မိန်းကလေးငယ်တစ်ဦးရဲ့ နှာခေါင်းတွင်းပိုင်းမှာ ရောဂါကူးစက်မှုကြောင့် အောက်မေးရိုးဖွံ့ဖြိုးမှုကို ထိခိုက်နေပြီး ပါးစပ်က အသက်ရှူနေရကာ ကောင်းစွာဖွံ့ဖြိုးရန် လုံလောက်စွာ မပိတ်နိုင်ပါဘူး။

အနောက်နိုင်ငံတွေက ၇၀ ရာခိုင်နှုန်းလောက်မှာ သွားပုံစံမညီခြင်းလိုမျိုး ခံစားနေရကာ မျက်နှာတွေ ဆွဲဆောင်မှုမရှိလာရတဲ့ အကြောင်းအရင်း ဖြစ်နေပါတယ်။

တစ်ကမ္ဘာလုံးက လူဦးရေ ၂၂ ရာခိုင်နှုန်းဟာ သွားမညီညာခြင်းအဆင့် ၂ ခံစားနေရကြောင်း ကိုးလ်ဂိတ်ကုမ္ပဏီက ဖော်ပြခဲ့ပါတယ်။

လူတွေ ပါးစပ်ကိုအသုံးပြုပုံ အစာထည့်ပုံတို့က မေးရိုးဖွံ့ဖြိုးမှုကို သက်ရောက်နေတယ်လို့ မှတ်ချက်ပြုခဲ့ပါတယ်။

လူတွေက မိုဘိုင်းဖုန်းကင်မရာနဲ့ ရိုက်တာထက်စာရင် ဖလင်ကင်မရာနဲ့ ရိုက်တဲ့အခါ ပိုပြီးကြည့်ကောင်းပြီး မျက်နှာကို ပိုမိုသေသပ်စေတယ်လို့ လူတစ်ဦးက တုန့်ပြန်ရေးသားထားပါတယ်။

လူတွေက ပိုပြီးရုပ်ဆိုးလာတာမဟုတ်ဘဲ ပုံအဟောင်းတွေကို သေချာလုံလောက်စွာ မမြင်ရတာကြောင့်ပါလို့ ယူကျူ့ဘ်အသုံးပြုသူတစ်ဦးက ဖော်ပြသွားပါတယ်။

နောက်တစ်ဦးကတော့ အရင်ကလေးတွေရဲ့ ပုံတွေက ယနေ့ခေတ်ထက် ပိုပြီး ကြီးရင့်တဲ့ပုံပေါက်နေကြောင်း၊ ကလေးမျက်နှာဆိုပေမယ့် ဆံပင်ပုံစံက ခေတ်နောက်ကျနေတာဖြစ်ကြောင်း ပြောပြခဲ့ပါတယ်။

နောက်ထပ်တစ်ဦးကတော့ အသားတွေ၊ ဟင်းသီးဟင်းရွက်တွေ၊ အသီးလိုက် စားသုံးတာတွေက မေးရိုးကိုသန်မာစေတယ်လို့ ဆိုပါတယ်။
Source: The Jerusalem Post
#World_Science
#YMG #Yangon_Times

 Published_ 13 August 2023

ဗန်ကောက်မြို့ရှိ မြန်မာသံရုံးမှ သံရုံးဒုတိယအကြီးအကဲ ဦးဆောင်သည့် မြန်မာကိုယ်စားလှယ်အဖွဲ့သည် ထိုင်းနိုင်ငံ၊ ဖူးခက်မြို့တွင် ဩဂုတ် ၈ ရက်မှ ၁၁ ရက်အထိ ကျင်းပခဲ့တဲ့ (၂၆) ကြိမ်မြောက် အာဆီယံလူဝင်မှုကြီးကြပ်ရေး ညွှန်ကြားရေးမှူးချုပ်များ နှင့် နိုင်ငံခြားရေးဝန်ကြီးဌာန ကောင်စစ်ရေးရာအကြီးအကဲများ အစည်းအဝေးနှင့် ဆက်စပ်အစည်းအဝေးများကို တက်ရောက်ခဲ့ကြောင်း သိရပါတယ်။

(၂၆) ကြိမ်မြောက် အာဆီယံလူဝင်မှုကြီးကြပ်ရေး ညွှန်ကြားရေးမှူးချုပ်များနှင့် နိုင်ငံခြားရေးဝန်ကြီးဌာန ကောင်စစ်ရေးရာ အကြီးအကဲများ အစည်းအဝေးနှင့် ဆက်စပ် အစည်းအဝေးများ၌ မြန်မာသံရုံးသံရုံး ဒုတိယအကြီးအကဲ ဦးသန်းထွေး က လူဝင်မှု ကြီးကြပ်ရေး၊ ကောင်စစ်နှင့်နယ်စပ်ရေးရာ စီမံခန့်ခွဲမှုကိစ္စရပ်များတွင် ပူးပေါင်းဆောင်ရွက် မှု၊ Intelligence Data Sharing Protocol (IDSP) အကောင်အထည်ဖော်ဆောင်ရွက်မှု၊ နည်းပညာအခြေခံ လူဝင်မှုကြီးကြပ်ရေးစနစ်များနှင့် လူမှောင်ခိုကူးမှု တိုက်ဖျက်ရေး (TIP) ဆိုင်ရာကိစ္စရပ်များတွင် ပူးပေါင်းဆောင်ရွက်မှု မြှင့်တင်နိုင်ဖို့ ဆွေးနွေးခဲ့ပါတယ်။

ထို့ပြင် ဗီဇာကင်းလွတ်ခွင့်၊ အီလက်ထရွန်းနစ်ဗီဇာနှင့် ဆိုက်ရောက်ဗီဇာ၊ အပြည်ပြည်ဆိုင်ရာ လေဆိပ်များ၊ ဆိပ်ကမ်းနှင့်နယ်စပ်စစ်ဆေးရေးဂိတ်များ ဖွံ့ဖြိုး တိုးတက်ရေးနှင့် မြန်မာနိုင်ငံ၏ Integrated Database Control Reporting System (IDCRS) ဆိုင်ရာ ကိစ္စရပ်များကိုလည်း ဆွေးနွေးခဲ့ကြောင်း သိရပါတယ်။

(၁၈) ကြိမ်မြောက် DGICM နှင့် သြစတြေးလျနိုင်ငံ ဆွေးနွေးမှု၊ (၂) ကြိမ်မြောက် DGICM နှင့် တရုတ်နိုင်ငံ၊ ဂျပန်နိုင်ငံ၊ ကိုရီးယားသမ္မတနိုင်ငံ (DGICM+3) ဆွေးနွေးမှုများ တွင် အရှေ့အာရှဒေသနှင့်ဒေသအလွန် လူဝင်မှုကြီးကြပ်ရေးဆိုင်ရာ ပူးပေါင်းဆောင်ရွက် မှု၏ အနာဂတ်ဦးတည်ချက်များကို ဆွေးနွေးခဲ့ကြောင်း သတင်းရရှိပါတယ်။
ygm_mnn
#YMG #Yangon_Times
#Local_News
#Yangon_Media_Group

Published_ 13 August 2023

မိုခါ မုန်တိုင်းဘေးသင့်ဒေသများမှ ပြည်သူများအတွက် ပြန်လည်ထူထောင်ရေး လုပ်ငန်းများတွင် အထောက်အကူပြုစေရန်ရည်ရွယ်၍ လာအိုနိုင်ငံအစိုးရမှ အမေရိကန် ဒေါ်လာ ၅ သောင်း လှူဒါန်းခဲ့ကြောင်း သိရပါတယ်။

ထိုသို့လှူဒါန်းမှုကို လာအိုနိုင်ငံခြားရေးဝန်ကြီးဌာန၊ ဒုတိယဝန်ကြီး H.E. Mr. Phoxay Khaykhamphithoune မှ ဩဂုတ် ၁၁ ရက်တွင် လာအိုနိုင်ငံခြားရေးဝန်ကြီးဌာန ၌ ပေးအပ်လှူဒါန်းခဲ့ရာ မြန်မာသံအမတ်ကြီး ဦးမြတ်သက်ဦး က လက်ခံရယူခဲ့ပါတယ်။

သံအမတ်ကြီးက လာအိုနိုင်ငံအစိုးရနှင့် ပြည်သူများ၏ အိမ်နီးချင်းကောင်း ပီသစွာ ပံ့ပိုးကူညီမှုများအပေါ် မုန်တိုင်းဒဏ်သင့် ပြည်သူများနှင့် မြန်မာနိုင်ငံအစိုးရ ကိုယ်စား ကျေးဇူးတင်ရှိပါကြောင်းနှင့် လှူဒါန်းငွေများကို မြန်မာနိုင်ငံသို့ ဆက်လက်လွှဲပြောင်း ပေးအပ်သွားမည်ဖြစ်ကြောင်း ပြောကြားခဲ့တယ်လို့ သိရပါတယ်။
ygm_mnn
#YMG #Yangon_Times
#Local_News
#Yangon_Media_Group

Published_ 13 August 2023

မြန်မာယူ-၂၃ အသင်းသည် ၂၀၂၃ အာဆီယံ ယူ-၂၃ ပြိုင်ပွဲ ဝင်ရောက်ယှဉ်ပြိုင်ရန် အတွက် ပဏာမ ကစားသမား ၂၅ ဦးဖြင့် ထိုင်းနိုင်ငံ ဘန်ကောက်မြို့သို့ ဩဂုတ် ၁၂ ရက် ညပိုင်းက ရောက်ရှိခဲ့ကြောင်း သိရပါတယ်။

နည်းပြချုပ် Mr Michael Feichtenbeiner သည် ယမန်နေ့က ရန်ကုန်ယူနိုက်တက် အသင်းနှင့် ခြေစမ်းကစားပြီးနောက် ပဏာမ ကစားသမား ၃၇ ဦးမှ ၂၅ ဦးရွေးချယ်၍ ထိုင်းနိုင်ငံသို့ ထွက်ခွာခဲ့ခြင်းဖြစ်ပါတယ်။

မြန်မာ ယူ-၂၃ အသင်းသည် အာဆီယံချန်ပီယံရှစ် အုပ်စု(က)တွင် ထိုင်း၊ ကမ္ဘော ဒီးယား၊ ဘရူနိုင်း အသင်းတို့နှင့် ကျရောက်လျက်ရှိပြီး ဩဂုတ် ၁၇ ရက်တွင် ထိုင်း၊ ၁၉ ရက် တွင် ကမ္ဘောဒီးယား၊ ၂၁ ရက်တွင် ဘရူနိုင်း အသင်းတို့နှင့် ယှဉ်ပြိုင်ကစားရမှာ ဖြစ်ပါတယ်။

မြန်မာယူ-၂၃ ကစားသမား ၂၅ ဦးစာရင်း

ဂိုး- ဟိန်းထက်စိုး(ဧရာဝတီ ယူနိုက်တက်) ၊ နေလင်းထက် (မဟာယူနိုက်တက်)၊ ပြည့်ဖြိုးသူ (ရတနာပုံ)၊

နောက်တန်း- ရှင်းသန့်အောင် (ဟံသာဝတီ ယူနိုက်တက်)၊ မိုးဆွေအောင် (ISPE)၊ မင်းခန့်(ရခိုင် ယူနိုက်တက်)၊ ထူးမြတ်ခန့် (ကချင်ယူနိုက်တက်)၊ လတ်ဝေဘုန်း (ဧရာဝတီ ယူနိုက်တက်)၊ နောင်နောင်စိုး (ရတနာပုံ)၊ လန်းဆန်းအောင် (ISPE)၊ သက်ဟိန်းစိုး(ရတနာပုံ)၊ ဉာဏ်လင်းထက် (ရန်ကုန်)

အလယ်တန်း - မင်းမော်ဦး (သစ္စာအားမာန်)၊ စိုးမင်းဦး (မြဝတီ)၊ ၊ ဟိန်းဇေယျာမင်း(မြဝတီ)၊၊ အာကာကျော် (မဟာယူနိုက်တက်) ၊ ပီတာအောင်ဝေထူး (ဧရာဝတီ ယူနိုက်တက်)၊ ချစ်အေး (ရတနာပုံ) ၊ ညီညီ (ကချင် ယူနိုက်တက်)၊ ခွန်ကျော်ဇင်ဟိန်း (ဟံသာဝတီ)၊ အောင်မျိုးခန့် (ရတနာပုံ)၊ ၊ မိုးဆွေ (ရတနာပုံ)၊ သန်းတိုးအောင် (ကချင်)၊

ရှေ့တန်း - သန်းတိုးအောင် (GFA)၊ စွမ်းထက် (ရတနာပုံ)၊
ygm_mnn
#Local_News
#Yangon_Media_Group

Published_ 13 August 2023

လီဗာပူးအသင်းသည်ဘရိုက်တန် ကွင်းလယ်လူ ကိုင်စီဒို အားဗြိတိသျှစံချိန်တင်ပြောင်းရွှေ့ကြေးပေါင်သဖြင့် ခေါ်ယူနိုင်ခဲ့ကြောင်း သိရသည်။

လီဗာပူးသည်ဆောက်သမ်တန်ကွင်းလယ်လူ လာဗီယာအား ခေါ်ယူရန်ကြိုးပမ်းလျက်ရှိရာမှ သြဂုတ် ၁၀ ရက်ကကိုင်စီဒိုအား ကမ်းလှမ်းခဲ့ခြင်းဖြစ်ပြီး ယခုအခါအသင်း ၂သင်း အကြားသဘောတူညီမှုရရှိ သွားပြီဖြစ်သည်။

ကိုင်စီဒိုအား ချယ်လ်ဆီးက နွေရာသီ တလျှောက်လုံး ခေါ်ယူရန်ကြိုးပမ်းခဲ့ပြီး ဘရိုက်တန်က ပေါင်သန်း၁၀၀ သတ်မှတ်ထားပြီး ချယ်လ်ဆီးကကမ်းလှမ်းမှုများအကြိမ်ကြိမ် ပြုလုပ်နေချိန်တွင်လီဗာပူးက ယခုကဲ့သို့ ကမ်းလှမ်းမှုကို ဘရိုက်တန်က လက်ခံခဲ့ခြင်းဖြစ်သည်။

ယခုပြောင်းရွှေ့ကြေးမှာ ချယ်လ်ဆီးသို့ ဇန်နဝါရီလကပြောင်းရွှေ့လာသော ကွင်းလယ်လူ အန်ဇိုဖာနန်ဒက်ကို ခေါ်ယူခဲ့သည့် ပြောင်းရွှေ့ကြေးပေါင် ၁၀၆ သန်းကို ကျော်လွန်၍စံချိန်သစ် ဖြစ်လာခဲ့သည်။

ကိုင်စီဒို သည် မာဆေးဆိုဒ်သို့သွားရောက်၍ ဆေးစစ်မှုခံယူမည်ဖြစ်ပြီး ယခုတစ်ပတ် ယှဉ်ပြိုင်ကစားမည့် ချယ်လ်ဆီးနှင့် လီဗာပူးတို့၏ ပရီးမီးယားလိဂ် အဖွင့်ပွဲဝင် မတိုင်မီ အသင်းနှင့်အပြီးသတ်လက်မှတ်ရေးထိုးဖွယ်ရှိနေသည်။

ယခု စံချိန်မှာ လီဗာပူးအတွက်လည်း ကလပ်စံချိန်ဖြစ်ခဲ့ပြီး
ယခင်စံချိန်ဖြစ်သည့် နောက်ခံလူဗန်ဒိုက်၏ ပြောင်းရွှေ့ကြေး ပေါင်း၇၅သန်းကို ကျော်ဖြတ်နိုင်ခဲ့သည်။

ကိုင်စီဒိုသည် လီဗာပူးကွင်းလယ်တွင်ယခုရာသီတွင်ပြောင်းရွှေ့လာခဲ့သည့်ဆဘို့ ဇာလိုင်၊ ဘရိုက်တန်အသင်းဖော်ဟောင်းမက်အယ်လစ်စတာတို့ နှင့် အတူယှဉ်ပြိုင်ကစားရမည်ဖြစ်သည်။

ထပ်မံရရှိသော သတင်းများအရ ကိုင်စီဒိုကို ချယ်လ်ဆီးအသင်းကပေါင် ၁၁၅သန်းအထိ တိုးမြှင့် ကမ်းလှမ်းနေ၍ ကိုင်စီဒို၏ အပြောင်းအရွှေ့မှာ အပြီးမသတ်နိုင်သေးကြောင်း သိရသည်။
ref;fotmob.
#World_Sport
#YMG #Yangon_Times

Published 13 August 2023

အခွံမာသီးများ စားပေးခြင်းဖြင့် ကျန်းမာရေးအကျိုးကျေးဇူးများ ရရှိနိုင်ကြောင်း မကြာသေးမီက လေ့လာတွေ့ရှိထားပါတယ်။

နေ့စဉ် အခွံမာသီး ၃၀ ဂရမ်စားသုံးခြင်းဖြင့် စိတ်ဓာတ်ကျခြင်းဝေဒနာ ဖြစ်နိုင်ချေလျော့ကျနိုင်ကြောင်း Clinical Nutrition ဂျာနယ်မှာ ဖော်ပြထားပါတယ်။

အခွံမာသီး စားသုံးခြင်းဖြင့် စိတ်ဓာတ်ကျခြင်းကို ၁၇ ရာခိုင်နှုန်းလျှော့ချပေးနိုင်ကြောင်း၊ ဒီလေ့လာချက်ကြောင့် အခွံမာသီးစားသုံးချင်စိတ် ဖြစ်ပေါ်လာစေနိုင်ကြောင်း စိပန် ကက်စတီလာ လာမန်ချာတက္ကသိုလ်မှ 'ဘရူနိုဘီဇိုဇီရိုပယ်ရိုနီ'က ပြောပြခဲ့ပါတယ်။

ဗြိတိန်မှ အသက် ၃၇ နှစ်မှ ၇၃ နှစ်ကြား လူပေါင်း ၁၃,၅၀၀ ကို လေ့လာစမ်းသပ်ခဲ့ပါတယ်။

ဆားမပါတဲ့ ဗာဒံသီး၊ သီဟိုဠ်စေ့၊ ဆားလှော်ထားတဲ့ အခွံမာသီးတွေဖြစ်တဲ့ မြေပဲများစတဲ့ စားသုံးသမျှ အခွံမာသီးတွေကို မှတ်တမ်းတင်ခဲ့ပါတယ်။

ဒီလေ့လာမှုက ဗြိတိန်ရှိ သက်လတ်ပိုင်းနဲ့ သက်ကြီးပိုင်းတွေမှာ အခွံမာသီးစားသုံးမှုနဲ့ စိတ်ကျရောဂါဖြစ်နိုင်ချေတို့ကြား ဆက်စပ်မှုကို ခွဲခြမ်းစိတ်ဖြာထားတာဖြစ်တယ်လို့ ဖော်ပြထားပါတယ်။

စမ်းသပ်ပါဝင်သူတွေကို ၅ နှစ်တိုင်အောင် အချက်အလက်များ လေ့လာခဲ့ရာမှာ ၈ ရာခိုင်နှုန်းလောက်က စိတ်ကျဝေဒနာ တွေ့ရှိခဲ့တယ်လို့ သိရပါတယ်။

အခွံမာသီး ၃၀ ဂရမ်ဆိုတာဟာ ဗာဒံစေ့ ၂၀ ၊ ဘရာဇီးလ်အခွံမာသီး ၁၀ ၊ သီဟိုဠ်စေ့ ၁၅ ၊ မြေပဲ ၄၀ နဲ့ ညီမျှနေပါတယ်။

နေထိုင်စားသောက်မှုပုံစံ၊ ကျန်းမာရေးအကြောင်းအရာများကိုပါ ထည့်သွင်းရင်တောင် ထိုတွေ့ရှိချက်တွေက မှန်ကန်နေဆဲဖြစ်ပြီး အခွံမာသီးတွေရဲ့ ရောင်ရမ်းဆန့်ကျင်ဓာတ်နဲ့ ဓာတ်တိုးဆန့်ကျင်ခြင်းတို့က ဦးနှောက်အပေါ် သက်ရောက်နေတယ်လို့ မှတ်ချက်ပြုခဲ့ပါတယ်။

စိတ်ကျခြင်းကို ကာကွယ်ခြင်းအပြင် အဝလွန်ခြင်း၊ ကျန်းမာရေးနဲ့ မညီညွတ်တဲ့ ပုံစံ၊ အထီးကျန်ခြင်း၊ ကျန်းမာရေးပြဿနာတွေကို ကာကွယ်ရာမှာလည်း အခွံမာသီးစားသုံးခြင်းက အရေးပါနေပါတယ်။

စကန်ဒီနေဗီယန်သုတေသီများ ရှာဖွေတွေ့ရှိရာမှာလည်း အခွံမာသီးနဲ့ အစေ့အဆန်အနည်းငယ်ကို နေ့စဉ်စားသုံးခြင်းဖြင့် နှလုံးဖောက်ခြင်းနဲ့ လေဖြတ်ခြင်းအန္တရာယ်ကို လျှော့ချပေးနိုင်ကြောင်း Food Nutrition Research ဂျာနယ်မှဦ ဖော်ပြခဲ့ပါတယ်။

များများစားလေ ပိုကောင်းလေဖြစ်ပြီး လုံးဝမစားတာထက်စာရင် အနည်းငယ်စားသုံးတာကလည်း နှလုံးကျန်းမာရေးကို သိသိသာသာ ကောင်းမွန်စေကြောင်း သိပ္ပံပညာရှင်များအဖွဲ့က ဖော်ပြခဲ့ပါတယ်။
Source: NY Post.
#World_Health
#YMG #Yangon_Times

Published_ 12 August 2023

ကိုရီးယားနိုင်ငံတွင် ၃ နှစ်အထက်တရားဝင် အလုပ်လုပ်ကိုင်ခဲ့ပြီး မြန်မာနိုင်ငံသို့ ပြန်လည်ရောက်ရှိသော လုပ်သား များအတွက် CBT စာမေးပွဲ(ကိုးရီးယားဘာသာအရည်အချင်းစစ် အထူးသီးသန့်စာမေးပွဲ Special EPS Topik) ကျင်းပပြုလုပ်သွားမည်ဖြစ်ကြောင်း POEA-EPS က အသိပေးထားသည်။

စာမေးပွဲလျှောက်လွှာတင်သွင်းခြင်းကို အွန်လိုင်းစနစ်ဖြင့် စက်တင်ဘာ လ လဆန်းပိုင်းတွင် ဆောင်ရွက်ရန် လျာထားကြောင်း၊ စာမေးပွဲဖြေဆိုခွင့်နှင့်ပတ်သက်၍ အသက် ၁၈နှစ်မှ ၃၉နှစ်အတွင်း( ၁၉၈၃ခု နှစ်၊ စက်တင်ဘာလ ၄ရက် မှ ၂၀၀၅ခု နှစ်၊ စက်တင်ဘာလ ၃ရက်အတွင်း မွေးဖွားသူများ) ဖြစ်ရန်လိုကြောင်း သိရသည်။

ဖြေဆိုမည့်သူများအနေဖြင့် ကိုရီးယားသမ္မတနိုင်ငံမှ နှင်ထုတ်ခြင်း သို့မဟုတ် ပြန်ပို့ခြင်း မခံရသူ (တရားမဝင် နေထိုင်ခဲ့ဖူးခြင်း မရှိသူ) ၊ ထောင်ဒဏ် အပြစ်ဒဏ် ကျခံဖူးခြင်းမရှိသူ သို့မဟုတ် မိခင်နိုင်ငံမှ ပြည်ပသို့ထွက်ခွာ ရန်တားမြစ်ခြင်း မခံရသူ ဖြစ်ရန်လိုကြောင်း သိရသည်။

E-9 , E-10 ဗီဇာဖြင့် ကိုရီးယားသမ္မတနိုင်ငံတွင် ငါးနှစ်နှင့်အထက် နေထိုင်ခဲ့သူများမှာ စာမေးပွဲဖြေဆိုခွင့်မရှိ ကြောင်းလည်းသိရသည်။
#Yangon-Times/PP
#Local_News
#YMG #Yangon_Times

၁၂ ဩဂုတ် ၂၀၂၃

သတင်းစာများသည် သမိုင်းကို ဖော်ပြနေခြင်းဖြစ် သဖြင့် သတင်းစာစက္ကူ လိုအပ်ချက်သည်လည်း အမြဲမပြတ် ရှိနေမှာဖြစ်တယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်က ပြောပါတယ်။

ဩဂုတ်လ ၁၂ ရက် စနေနေ့က ဧရာဝတီတိုင်းဒေသကြီး သတင်းစာစက္ကူစက်ရုံ(သာပေါင်း) စတင်ဖွင့်လှစ် လည်ပတ်ခြင်းအခမ်းအနားမှာ ဗိုလ်ချူပ်မှူးကြီးက ယင်းကဲ့သို့ထည့်သွင်းပြောကြားခဲ့တာဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

ခေတ်ကာလ၏အခြေအနေအရ Online မီဒီယာအသုံးပြုမှုပိုမိုများပြားလာပြီး Printed မီဒီယာပိုင်း အားနည်းချက်ရှိလာသည်ကို တွေ့ရှိရပေမယ့် သတင်းစာတွေကတော့ သမိုင်းကိုဖော်ပြနေလို့ ဆက်လက်ထုတ်ဝေနေကြဦးမှာပဲဖြစ်တယ်လို့လည်း ဗိုလ်ချုပ်မှူကြီးကပြောပါတယ်။

စက်ရုံစုတွင် သတင်းစာထုတ်လုပ်ခြင်း၌သာမက ကျောင်းသုံးစာအုပ်များ ရိုက်နှိပ်မှုများအတွက်လည်း အထောက်အကူပြုနိုင်မည်ဖြစ်လို့ ၊စက္ကူလိုအပ်ချက်ကို ပြည်တွင်း၌ လုံလောက်စွာ ထုတ်လုပ်နိုင်မည်ဆိုပါက နိုင်ငံခြားငွေသုံးစွဲနေရမှုကို များစွာလျော့နည်းသွားစေမယ်လို့လည်း နစက ဥက္ကဋ္ဌကပြောပါတယ်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ စွမ်းအင်ဝန်ကြီးဌာန၊ စက်မှုဝန်ကြီးဌာနပြည်ထောင်စုဝန်ကြီးတွေနှင့် နစကဥက္ကဋ္ဌ၏ အကြံပေးပုဂ္ဂိုလ် မြန်မာစီးပွားရေးကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီး ညိုစောတို့က စက်ရုံလည်ပတ်နိုင်ရေးအတွက် သက်ဆိုင်ရာ လုပ်ငန်းကဏ္ဍအလိုက်ဆောင်ရွက်ခဲ့မှုတွေကို ရှင်းလင်းတင်ပြခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

စာပေသည် လူ့ဘဝတိုးတက်ရေးအတွက် အရေးကြီးသည် အခန်းကဏ္ဍတွင် ပါဝင်နေတဲ့အတွက်  စာပေများကို ဖတ်ရှုနိုင်ရေးအတွက် စာများပုံနှိပ်ထုတ်ဝေရန် စက္ကူများသည် မဖြစ်မနေလိုအပ်ကြောင်း၊ အဲဒါကြောင့် မြန်မာနိုင်ငံတွင် စက္ကူထုတ်လုပ်နိုင်သည့် ကုန်ကြမ်းပစ္စည်းများစွာရှိပြီးဖြစ်သည့်အတွက် စက္ကူထုတ်လုပ်ခြင်းကို ဆောင်ရွက်နိုင်ရေးယခုစက်ရုံကိုပြန်လည်လည်ပတ်နိုင်ရန်ကြိုးပမ်း ဆောင်ရွက်ခဲ့ခြင်းဖြစ်ကြောင်း ဗိုလ်ချုပ်မှူးကြီးက ပြောကြားခဲ့ပါတယ်။

နစက ဥက္ကဋ္ဌသည် စက်ရုံကို ဖွင့်လှစ်ပေးပြီးနောက် ပြန်လည်လည်ပတ်နိုင်ရေးတွင် ပါဝင်ခဲ့ကြသည့်ပြည်ပနည်းပညာရှင်များအား ဂုဏ်ပြုသစ်သီးခြင်းလက်ဆောင်ကို ပေးအပ်ခဲ့တယ်လို့လည်းသိရှိရပါတယ်။

သတင်းစာစက္ကူစက်ရုံ(သာပေါင်း)ကို အကြောင်းအမျိုးမျိုးကြောင့်ရပ်နားထားခဲ့ရပြီး ယခုအခါ ပြန်လည်လည်ပတ်နိုင်ရေး ဆောင်ရွက်ခဲ့တာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

-ymg/knl

#ဗိုလ်ချူပ်မှူးကြီးမင်းအောင်လှိုင်

ကမ္ဘာ့ပထမဆုံး မော်ဂျူလာဓာတ်ပေါင်းဖို လင်လောင်ဝမ်းအား တရုတ်ပြည်ဟိုင်နန်တွင် တပ်ဆင်ပြီးစီး

ကမ္ဘာ့ပထမဆုံး စီးပွားဖြစ် အသေးစားမော်ဂျူလာဓာတ်ပေါင်းဖို (SMR)ဖြစ်တဲ့ လင်လောင်ဝမ်းကို ကြာသပတေးနေ့မှာ ပင်မမိုဂျူးလ်တပ်ဆင် ပြီးစီးခဲ့ပြီး တရုတ်နိုင်ငံရဲ့ ကာဗွန်ဒိုင်အောက်ဆိုဒ်လျှော့ချရေး ကြိုးပမ်းမှုတွေကို မြှင့်တင်ပေးနိုင်တော့မှာ ဖြစ်ပါတယ်။
#Asia_Development
#Published_ 12 August 2023
#YMG #Yangon_Times

#Health_Matters
Published_ 12 August 2023

- အင်္ဂလန်ကကိုဗစ် အာရှဖက်ပျံ့လာနိုင်သလား ဘယ်လိုကာကွယ်သင့်သလဲဆရာ...??
#Health_Matters #ဗီဇပြောင်းကိုဗစ် #အင်္ဂလန်
#Dr.KML #YMG #Yangon_Media_Group

#Health_Matters
Published_ 12 August 2023

- အင်္ဂလန်ကကိုဗစ်အကြောင်း ပြောပြပါဦးဆရာ...??
#Health_Matters #ဗီဇပြောင်းကိုဗစ် #အင်္ဂလန်
#Dr.KML #YMG #Yangon_Media_Group