#Local_News
Published 22 August 2024
▪️ မိုးရာသီကာလဖြစ်သည့် ဇွန်လမှ သြဂုတ်လအတွင်း မြေပြိုမှုဘေးအန္တရာယ်များ အဖြစ်များ၍ ကြိုတင်သတိပြုနေထိုင်ရန် လိုအပ်ကြောင်း ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ သတိပေးထားသည်။
▪️ ထို့အပြင် ကျန်ကာလများတွင်လည်း ရံဖန်ရံခါဖြစ်ပွားတတ်သည့်အတွက် ကြိုတင်သတိပြုနေထိုင်ရန် လိုအပ်ကြောင်း သိရသည်။
▪️ ပြီးခဲ့သည့် ၂၀၂၃-၂၀၂၄ ခုနှစ်အတွင်း တစ်နိုင်ငံလုံးအတိုင်းအတာဖြင့် မြေပြိုမှု(၂၆)ကြိမ် ဖြစ်ပွားခဲ့ပြီး လူေ-သဆုံးထိခိုက်ဒဏ်ရာရမှုနှင့်အတူ ဆုံးရှုံးမှုအဖြစ် နေအိမ်အဆောက်အဦစုစုပေါင်း (၃၆) လုံးထိခိုက်ပျက်စီးခဲ့ကြောင်း၊ မြေပြိုမှုဖြစ်စဉ်သည် ပစ္စည်းဥစ္စာဆုံးရှုံးမှုအလွန်နည်းပါးသည့် ဘေးတစ်ခုဖြစ်သော်လည်း လူေ-သဆုံးမှုနှင့် ထိခိုက်ဒဏ်ရာရရှိသူများပြားသည့် ဘေးအန္တရာယ်တစ်ခုဖြစ်ခြင်းကြောင့် မပေါ့ဆဘဲ သတိပြုသင့်ကြောင်း သိရသည်။
▪️ မိုးသည်းထန်စွာ ရွာသွန်းမှုကြောင့် ရေကြီးရေလျှံခြင်းနှင့် မြေပြိုခြင်းတို့ဖြစ်ပွားနိုင်ပြီး ကချင်ပြည်နယ်၊ တနင်္သာရီတိုင်းဒေသကြီး၊ မွန်ပြည်နယ်၊ ရခိုင်ရိုးမနှင့် ရှမ်းပြည်နယ်တို့တွင် မြေပြိုမှုအများဆုံးဖြစ်ပွားလေ့ရှိကြောင်း၊ ထို့ကြောင့် ယခုကဲ့သို့ မိုးရာသီတွင် မိုးသည်းထန်စွာရွာသွန်းရာမှ ရေကြီးရေလျှံမှု၊ မြေပြိုမှုနှင့် တောင်ပြိုမှုများ ဖြစ်ပွားနိုင်သဖြင့်သတိထားရန်လိုအပ်ကြောင်း သိရသည်။
#YMG/NN #Yangon_Times
