Published 12 January 2024

လာမည့် ပြည်ထောင်စုနေ့တွင်ကျင်းပမည့် မြန်မာ့ရိုးရာနှင့် နိုင်ငံတကာမြင်းစီးအား ကစားပြိုင်ပွဲအတွက်စည်းကမ်းချက်များကို မြန်မာနိုင်ငံမြင်းစီးအားကစားအဖွဲ့ချုပ်မှ ထုတ်ပြန်ထားသည်။

"(၇၇) ကြိမ်မြောက်ပြည်ထောင်စုနေ့အထိမ်းအမှတ် တိုင်းဒေသကြီးနှင့်ပြည်နယ်များ ပြည်ထောင်စုတံခွန် စိုက်ဖလား မြန်မာ့ရိုးရာနှင့် နိုင်ငံတကာမြင်းစီးအား ကစားပြိုင်ပွဲ”ကြီးကိုဖေဖော်ဝါရီ၅ရက်မှ ၁၂ရက်အတွင်း ရန်ကုန်မြို့မြောက်ဒဂုံမြို့နယ်ရှိ မြန်မာနိုင်ငံမြင်းစီးအားကစားအဖွဲ့ချုပ်၌ ကျင်းပသွားမည်ဖြစ်ရာ ယင်းပြိုင်ပွဲတွင်ဝင်ရောက်ယှဉ်ပြိုင်သူများအတွက် စည်းကမ်းချက်များထုတ်ပြန်ခြင်းဖြစ်သည်။

အဆိုပါစည်းကမ်းချက်များတွင် မြန်မာ့ရိုးရာဒုန်း ပြိုင်ပွဲအမျိုးအစား တစ်မျိုးမျိုးတွင် ပါဝင် ယှဉ်ပြိုင်သော မြင်းအား အခြားမည်သည့် ပြိုင်ပွဲအမျိုးအစားတွင်မျှ ထပ်မံယှဉ်ပြိုင်ခွင့်မပြုကြောင်း၊အခြားသောပြိုင်ပွဲအမျိုးအစား (ဥပမာ - အသား ကျ၊ စက်ထိုး၊ ဓါးရေး) တစ်ခုခုတွင် ပါဝင်သော ပြိုင်ပွဲဝင်မြင်း တကောင်အား နောက်ထပ် အခြားပြိုင်ပွဲ အ မျိုးအစား (၂) မျိုး စုစုပေါင်း (၃)မျိုးအထိ ယှဉ်ပြိုင်ခွင့်ပြုကြောင်း၊သို့သော် ပြိုင်ပွဲ တစ်ကြိမ်နှင့် တစ်ကြိမ်အကြား အဖွဲ့ ချုပ် တိ/ကုဆေးအဖွဲ့က စစ်ဆေးပြီး ခွင့်ပြုမှသာ ယှဉ်ပြိုင်ရမည်ဖြစ်ကြောင်းသိရသည်။

Show Jumping ( တန်းခုန်ပြိုင်ပွဲ )၌ပါဝင်ယှဉ်ပြိုင် သောမြင်းကို Dressage ပြိုင်ပွဲမှလွဲ၍ အခြားမည်သည့် ပြိုင်ပွဲအမျိုးအစားတွင်မျှ ယှဉ်ပြိုင်ခွင့်မပြုပါကြောင်း၊ကနဦး ပြိုင်ပွဲတစ်မျိုးတွင် မတူသောအသင်းများက အနည်းဆုံး ပြိုင်ပွဲဝင် အတွဲ (၄) တွဲရှိမှသာလျှင် ပြိုင်ပွဲဖြစ်မည်ဖြစ်ပြီး (ဥပမာ - အသားကျပြိုင်ပွဲတွင် ပြိုင်ပွဲဝင်ရန် စာရင်းသွင်းသော အတွဲ (၄)တွဲသာရှိပြီး (၄)တွဲစလုံးသည် ပဲခူးတိုင်းဒေသကြီးမှ ဖြစ်ပါက ပြိုင်ပွဲမဖြစ်ကြောင်း၊ အလားတူ မတူသောအသင်းများမှ ပြိုင်ပွဲဝင် အတွဲ (၃)တွဲသာ ရှိလျင်လည်း ပြိုင်ပွဲ မဖြစ်ကြောင်းသိရသည်။
Yangon Times/NN
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

၁၂ ဇန်နဝါရီ ၂၀၂၄

-မြောက်ပိုင်းသုံးဖွဲ့နှင့် ယာယီပစ်ခတ်တိုက်ခိုက်မှုရပ်စဲရေးသဘောတူညီမှုရရှိခဲ့ကြောင်း

_ပစ်ခတ်တိုက်ခိုက်မှုရပ်စဲရေးခိုင်မာစေရေး မြောက်ပိုင်းသုံးဖွဲ့နှင့် ဆက်လက်ဆွေးနွေးမှုတွေလုပ်ဆောင်သွားမည်ဖြစ်ကြောင်း

-နယ်စပ်ကုန်သွယ်ရေးဂိတ်များပြန်လည်ဖွင့်လှစ်နိုင်ရေး တရုတ်-မြန်မာနှစ်နိုင်ငံဆက်လက်ဆောင်ရွက်သွားမည်ဖြစ်ကြောင်း

ဗိုလ်ချုပ်ဇော်မင်းထွန်းပြောကြားချက်များကို ဖော်ပြပေးအပ်ပါတယ်။

ငွေကြေးလိမ်လည်မှုနဲ့ တရားရင်ဆိုင်နေရတဲ့ သရုပ်ဆောင်အကယ်ဒမီမိုမိုမြင့်အောင်တို့ ဇနီးမောင်နှံက ပြီးခဲ့တဲ့ ဇန်နဝါရီလ ၉ ရက်နေ့ ရုံးချိန်းကို မလာဘဲ ဆေးခွင့်တိုင်တယ်လို့ သိရပါတယ်။ မနေ့က ဇန်နဝါရီလ ၁၁ ရက်နေ့မှာ တရားလို ဖြစ်တဲ့ ငွေကျပ်သိန်း ၅၀၀၀ ထုတ်ချေးပေးခဲ့သူ ဦးစိုးလှိုင်ကို သရုပ်ဆောင်အကယ်ဒမီမိုမိုမြင့်အောင်ရဲ့ ခင်ပွန်း ဦးမောင်မောင်ကျော်က ဖုန်းဆက်လာပြီးတော့ ဇန်နဝါရီလ ၂၄ ရက်နေ့မှာ ငွေပေးချေမယ့်အကြောင်း ဖုန်းနဲ့ ပြောလာသေးတယ်လို့ တရားလို ဦးစိုးလှိုင်က အခုလို ပြောပါတယ်။
Yangon Times/PP
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

" အကယ်ဒမီပွဲတက်မယ့် အကယ်ဒမီဆုရှင်‌ တွေကို ရွှေစင်ရုပ်တု‌ ရွှေရင်ထိုးများ ပေးအပ်မယ်။ မနှစ်က (၁၂၀)ကျော် အကယ်ဒမီပေးပွဲတက်ရောက်ခဲ့ကြောင်းနဲ့ အခုနှစ်မှာတော့ ဖိတ်စာတွေဖိတ်ထားပြီဖြစ်တယ်" ရုပ်ရှင်ထူးချွန်ဆုချီးမြှင့်ရေး စီစစ်အကဲဖြတ်ရွေးချယ်ရေးအဖွဲ့ ဥက္ကဋ္ဌ  ထပ်ဆင့်အကယ်ဒမီ ဦးဇော်မြင့်ဦး
Yangon Times/tthl
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

၁၂ ဇန်နဝါရီ ၂၀၂၄

မြန်မာတပ်မတော်နှင့် မြန်မာပြည်မြောက်ပိုင်းမှ လက်နက်ကိုင်အဖွဲ့များ အပစ်အခတ်ချက်ခြင်းရပ်စဲရန် သဘောတူညီချက် ရရှိခဲ့ကြပြီဖြစ်တယ်လို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရရှိသူ မောင်နင်းက ယနေ့ ဇန်နဝါရီ ၁၂ ရက်က အတည်ပြုပြောဆိုပါတယ်။

တရုတ်နိုင်ငံ ဘေဂျင်းတွင်ပြုလုပ်တဲ့ တရုတ်နိုင်ငံခြားရေးဝန်ကြီးဌာနရဲ့ နေ့စဉ်ပုံမှန်သတင်းစာရှင်းလင်းပွဲမှာ သတင်းထောက် တစ်ဦးရဲ့ အမေးအပေါ် ပြောရေးဆိုခွင့်ရသူ မောင်နင်းက ယင်းကဲ့သို့အတည်ပြုပြောကြားခဲ့ခြင်းဖြစ်တယ်လို့ တရုတ် နိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်အရသိရပါတယ်။

တရုတ်နိုင်ငံ ယူနန်ပြည်နယ်ကူမင်းမြို့မှာဇန်နဝါရီ ၁၀ရက်မှ ၁၁ရက်အထိ တရုတ်နိုင်ငံရဲ့ ကြားဝင်စေ့စပ်မှုဖြင့် ပြုလုပ်ခဲ့တဲ့ ငြိမ်းချမ်းရေးဆွေးနွေးပွဲမှာ မြန်မာ့တပ်မတော်နှင့် လက်နက်ကိုင်(၃)ဖွဲ့ဖြစ်တဲ့ MNDAA၊TNLA နှင့် AA တို့ရဲ့ ကိုယ်စားလှယ်များအကြား တရားဝင်အပစ်အခတ်ရပ်စဲရေးသဘောတူညီမှုရရှိခဲ့ကြတာဖြစ်တယ်လို့ မောင်နင်းကပြောပါတယ်။

နှစ်ဘက်ဟာ ချက်ခြင်းအပစ်အခတ်ရပ်စဲဖို့နှင့် တိုက်ပွဲတွေရပ်တန့်ဖို့ အငြင်းပွားမှုတွေကို ငြိမ်းချမ်းစွာညှိနှိုင်းဖြေရှင်းကြဖို့ သဘောတူခဲ့ကြတယ်လို့ တရုတ်နိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်မှာဖော်ပြထားပါတယ်။အဲဒီအပြင် နယ်စပ်မှာနေထိုင်ကြတဲ့တရုတ်နိုင်ငံသားတွေ၊တရုတ်စီမံကိန်းတွေနှင့် မြန်မာနိုင်ငံအတွင်းက တရုတ်နိုင်ငံသားတွေကို အန္တရာယ်မဖြစ်စေဖို့ နှစ်ဘက်လုံးက ကတိပြုခဲ့ကြတဲ့အပြင် အပစ်အခတ်ရပ်ရေးသဘောတူညီချက်  နှင့်အခြားအရေးကိစ္စတွေကိုလည်း ညိနှိုင်းတိုင်ပင်ခဲ့ကြတယ်လို မောင်နင်းက ဆက်လက်ပြောဆိုပါတယ်။

မြန်မာနိုင်ငံမြောက်ပိုင်းမှာအပစ်အခတ်ရပ်ရေးနှင့်ငြိမ်းချမ်းရေးဆွေးနွေးမှုအရှိန်အဟုန်ကိုဆက်လက်ထိန်းသိမ်းခြင်းဟာ မြန်မာနိုင်ငံမှာရှိတဲ့အဖွဲ့အားလုံးရဲ့အကျိုးစီးပွားဖြစ်တယ်လို့သူမကပြောပါတယ်။ တရုတ်-မြန်မာနယ်စပ်ဒေသမှာ ငြိမ်းချမ်းရေးနှင့်တည်ငြိမ်ရေးထိန်းသိမ်းရာလည်းရောက်တယ်လို့သူမကပြောပါတယ်။

သဘောတူညီမှုရရှိခဲ့တဲ့ အပစ်အခတ်ရပ်စဲရေးကို မြန်မာနိုင်ငံမှာရှိတဲ့ သက်ဆိုင်တဲ့အဖွဲ့တွေက စိတ်ထက်သန်စွာနှင့် အကောင်အထည်ဖော်ကာ တစ်ဖက်နှင့်တစ်ဖက် အစွမ်းကုန်သည်းခံကြပြီး ပြဿနာတွေကို ငြိမ်းချမ်းစွာစေ့စပ်ဆွေးနွေးခြင်းဖြင့်ဖြေရှင်းလျက် မြန်မာပြည်မြောက်ပိုင်း ငြိမ်းချမ်းရေးတိုးတက်မှုကို အတူတကွမြှင့်တင်ကြလိမ့်မယ်လို့ တရုတ်နိုင်ငံက ယုံကြည်မျှော်လင့်တယ်လို့လည်း မောနင်းကပြောပါတယ်။

တရုတ်နိုင်ငံအနေနှင့်လည်း ယခုကိစ္စတွေမှာ တတ်စွမ်းသမျှကူညီပံ့ပို့းမှုတွေပြုလုပ်ပေးသွားမှာဖြစ်ပြီး အပြုသဘောဆောင်တဲ့ အခန်းကဏ္ဍကနေပါဝင်သွားမယ်လို့လည်း သူမကပြောဆိုတဲ့အကြောင်းသတင်းထုတ်ပြန်ချက်အရသိရပါတယ်။

-ymg/knl

Published 12 January 2024

  ချင်းပြည်နယ် ဂန့်ဂေါမြို့တွင် အင်အားအသင့်တင့်ရှိသည့်  မြေငလျင် လှုပ်ခတ်ခဲ့ကြောင်းမိုးလေဝသနှင့်ဇလဗေဒညွန်ကြားမှုဦးစီးဌာန က  ထုတ်ပြန်ထားသည်။

 ယနေ့   ဇန်နဝါရီလ ၁၂ ရက်နေ့၊ မြန်မာစံတော်ချိန် (၀၈)နာရီ၊ (၂၃)မိနစ်၊ (၂၀)စက္ကန့် အချိန်တွင် ဟားခါးမြေငလျင်စခန်းမှ အရှေ့ဘက် (၂၈) မိုင် ခန့်အကွာ၊ မြန်မာနိုင်ငံပြည်တွင်း (ဂန့်‌ဂေါမြို့၏ မြောက်-အနောက်မြောက်ဘက် (၃၄)မိုင် ခန့်အကွာ)၊ မြောက်လတ္တီတွဒ် (၂၂.၆၇) ဒီဂရီ၊ အရှေ့လောင်ဂျီ တွဒ် (၉၄.၀၄) ဒီဂရီ၊ အနက် (၇၆)ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၂) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း သိရသည်။
Yangon Times/LW
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

ကန်ထရိုက်လယ်ယာအတွက် သွင်းအားစုတွေ နှစ်သိန်းဖိုးပေးသလို အရှည်သဖြင့် တောင်သူတွေစိုက်ပျိုးရေးကို လုပ်နိုင်အောင် စိုက်ဧကတစ်ဧကကို အလွယ်တကူ သင့်တင့်ရာအစိုးရဖြတ်တဲ့ဈေးနှုန်းနဲ့ပဲ အလွယ်တကူဝယ်ယူနိုင်မယ့်ဈေးနှုန်းနဲ့ ပဲတစ်ဧကကို အနည်းဆုံး လေးဂါလံထုတ်ပေးနိုင်ရင် နွေနဲ့မိုးစပါးစိုက်တောင်သူတွေ စိုက်ပျိုးရိတ်သိမ်းရာမှာ အထောက်အကူပြုပါမယ်
Yangon Times/NN
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

တံတားများ ပျက်စီးသွားတဲ့အတွက် လမ်းပန်းဆက်သွယ်ရေး ယခင်ထက် ပိုခက်ခဲလာ

နိုဝင်ဘာ ၂၂ရက်ကစပြီး တိုက်ပွဲတွေ ပြင်းထန်လာတဲ့အတွက် ဒေသခံများအနေနဲ့ ဘေးကင်းရာ စစ်ရှောင်စခန်းမှာ လာရောက် နေထိုင်ခဲ့ရာ လက်ရှိအချိန်အထိ မြေပြင်အခြေနေ မအေးချမ်းသေးတဲ့အတွက် စစ်ရှောင်စခန်းမှာပဲ နေထိုင်နေကျရတယ်လို့ ဆိုပါတယ်။ Yangon Times/LW #Local_News #Published_ 12 January 2024 #YMG #Yangon_Times #Yangon_Media_Group #YMG_News

၁၂ ဇန်နဝါရီ ၂၀၂၄

မြန်မာ့တပ်မတော်နှင့် ရှမ်း(မြောက်)မဟာမိတ်(၃)ဖွဲ့တို့ ယာယီအပစ်အခတ်ရပ်စဲရေးသဘောတူညီခဲ့ကြတယ်လို့ သိရပါတယ်။

တရုတ်နိုင်ငံကူမင်းမြို့မှာ ရှမ်းပြည်နယ်(မြောက်ပိုင်း) ငြိမ်းချမ်းရေးအတွက် မြန်မာ့တပ်မတော်ကိုယ်စားလှယ်များနှင့် ရှမ်း(မြောက်) ညီနောင်မဟာမိတ်အဖွဲ့(၃)ဖွဲ့ဖြစ်တဲ့ MNDAA၊ TNLA နှင့် AA ကိုယ်စားလှယ်တွေ ဆွေးနွေးခဲ့ကြရာမှာ ယာယီအပစ်အခတ်ရပ်စဲရေးသဘောတူညီခဲ့ကြတာဖြစ်တယ်လို့ အဆိုပါဆွေးနွေးပွဲနှင့် နီးစပ်တဲ့ သတင်းအရင်းအမြစ်များက YMGကိုအတည်ပြုပြောဆိုပါတယ်။

တရုတ်နိုင်ငံအစိုးရဲ့ ကြားဝင်စေ့စပ်မှုနှင့် ပြုလုပ်တဲ့ ကူမင်းဆွေးနွေးပွဲမှာ အဆိုပါသဘောတူညီချက်ကို ဇန်နဝါရီ (၁၁)ရက် ဒေသစံတော်ချိန် ည(၁၀)နာရီမှာ ရရှိလက်မှတ်ရေးထိုးခဲ့ကြတာဖြစ်တယ်လို့လည်း သတင်းများကဆိုပါတယ်။

သဘောတူညီချက်များကို နှစ်ဘက်စလုံးက အသေးစိတ်ထုတ်ပြန်ခြင်းမရှိသေးသောလည်း လက်ရှိရောက်ရှိနေတဲ့နေရာကနေ နှစ်ဘက်တပ်တွေ ရှေ့ဆက်မတိုးဘဲ အပစ်ရပ်ထားရန်၊ ညီနောင်(၃)ဖွဲ့ မြို့သိမ်းတိုက်ပွဲတွေမလုပ်ရန်နှင့် တပ်မတော်မှလည်း လေကြောင်းတိုက်ခိုက်မှု၊လက်နက်ကြီးများဖြင့်ပစ်ခတ်မှုများမလုပ်ရန်မူအားဖြင့် သဘောတူခဲ့ကြတယ်လို့သိရပါတယ်။

အဲဒီ့အပြင် နယ်စပ်ကုန်သွယ်ရေးတွေပြန်လည်ဖွင့်လှစ်ဖို့လည်း နှစ်ဘက်သဘောတူခဲ့ကြတယ်လို့ဆိုပါတယ်။

အဲဒီအတွက် အပစ်အခတ်တွေရပ်စဲသွားပြီးမှ တရုတ်နိုင်ငံ၊မြန်မာအစိုးရနှင့် ညီနောင်(၃)ဖွဲ့တို့ အသေးစိတ်ပြန်လည်ဆွေးနွေးဖွင့်လှစ်သွားဖို့ သဘောတူခဲ့ကြတာလို့ သတင်းအရင်းအမြစ်တွေကပြောပါတယ်။

ယခုဆွေးနွေးပွဲနှင့်ဆက်စက်ပြီး ရခိုင်ပြည်နယ်မှာ ဖြစ်ပွားနေတဲ့ တိုက်ပွဲများကိစ္စလည်း ဆက်လက်ဆွေးနွေးညှိနှိုင်းသွားဖွယ်ရှိတယ်လို့လည်းသတင်းများထွက်ပေါ်နေပါတယ်။

ယခုဆွေးနွေးပွဲကို မြန်မာဘက်မှ MNSPC ဒုတိယဗိုလ်ချုပ်ကြီးမင်းနိုင်၊ MNDAAမှ ဖုန်ခွန်း၊ကျင်းရှင်နှင့် အဖွဲ့ဝင်(၅)ဦး၊ TNLA မှ ဗိုလ်မှူးချုပ်တာဘုန်းကျော်နှင့်အဖွဲ့၊  ULA/AA.  မှဒေါက်တာညိုထွန်းအောင်နှင့်အဖွဲ့ဝင်(၇)ဦးတို့တက်ရောက်ကြပြီး တရုတ်နိုင်ငံမှ အထူးကိုယ်စားလှယ် Mr. Deng Xin Junတို့တက်ရောက်ခဲ့ကြတယ်လို့ သတင်းရရှိပါတယ်။

-ymg/knl

" ပြည်တွင်းကူးစက်မှုအနေနဲ့ ကိုဗစ်ပိုးသစ်‌တွေဖြစ်တဲ့ အိုမီခရွန် HV .1 ကူးစက်ခံရသူ (၁၁) ဦးနဲ့ XBB.1.16.17 ကူးစက်ခံရသူ (၂)ဦးကို ထပ်မံတွေ့ရှိခဲ့တယ်။" ကျန်းမာရေးဝန်ကြီးဌာန
Yangon Times/tthl
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

Published_12 January 2024

ပြည်တွင်းဆန်ဈေးနှုန်း တည်ငြိမ်ရေးနှင့် ဈေးကစားမှုများ မဖြစ်ပေါ်စေရန် ဈေးဝယ်စင်တာများနှင့် လက်လီ/လက်ကား ဆန်အရောင်းဆိုင်များအတွက် သိုလှောင်ထားသည့် ဆန်သိုလှောင်ရုံများ မှတ်ပုံတင်ရန် မြန်မာနိုင်ငံဆန်စပါးအသင်းချုပ်က ယနေ့တွင် အသိပေးကြေညာထားသည်။

ဈေးဝယ်စင်တာ (Supermarket) များနှင့် လက်လီ လက်ကား ဆန်အရောင်းဆိုင်များတွင် ခင်းကျင်းရောင်းချမှုအတွက် သိုလှောင်မှုများကို စနစ်တကျရှိစေရန်၊ စီးပွားဖြစ် ရောင်းဝယ်ရန် အလို့ငှာ ဆန်တန်ချိန် ၅၀ (သို့မဟုတ်) စပါးတင်း ၅၀၀၀ နှင့်အထက် သိုလှောင်ထားရှိမှုများကို မြန်မာနိုင်ငံဆန်စပါးအွန်လိုင်း (Myanmar Rice Online-MyRO) စနစ်တွင် မှတ်ပုံတင်ရန် ၂၀၂၃ ခုနှစ် နိုဝင်ဘာ ၄ ရက်တွင် အသိပေးကြေညာထားပြီးဖြစ်ကာ ဈေးဝယ်စင်တာများတွင် ခင်းကျင်းပြသရောင်းချသော ဆန်အိတ်များ သိုလှောင်သည့် သိုလှောင်ရုံများမှတ်ပုံတင်နိုင်ရေးကို အထူးကြပ်မတ်ဆောင်ရွက်ပေးရန် စားသုံးသူရေးရာဦးစီးဌာနမှ ဇန်နဝါရီ ၃ ရက်တွင် စာဖြင့်ပေးပို့အကြောင်းကြားလာ၍ မြန်မာနိုင်ငံနိုင်ငံဆန်စပါးအသင်းချုပ်မှ ယနေ့တွင် ထပ်မံအသိပေး ထုတ်ပြန်ခဲ့ခြင်းဖြစ်သည်။

မြန်မာနိုင်ငံဆန်စပါးအွန်လိုင်း (Myanmar Rice Online-MyRO) စနစ်တွင် မှတ်ပုံတင်ရာတွင် လွယ်ကူမြန်ဆန်ရေးအတွက် စက်မှအလိုအလျောက် ဆန်သိုလှောင်ရုံ၏ အကျယ်အဝန်းနှင့် လိုအပ်သည့် အချက်အလက်များ ထည့်သွင်းလိုက်ပါက မှတ်ပုံတင်ကြေး ကျသင့်ငွေအား တစ်ခါတည်းတွက်ချက်ပေးပြီး မှတ်တင်ကြေးသည် တစ်နှစ်စာအတွက် အများဆုံး ကျပ် ၁၅၀,၀၀၀ သာ ကျသင့်မည်ဖြစ်၍ အမြန်ဆုံးလျှောက်ထားစေလိုကြောင်း မြန်မာနိုင်ငံဆန်စပါးအသင်းချုပ်မှ သိရသည်။

လက်ရှိအချိန်တွင် ဆန်စပါးအသင်းချုပ် ညီနောင်အဖွဲ့အစည်းများအောက်ရှိ ဆန်သိုလှောင်ရုံများ အဓိကမှတ်ပုံတင်ထားခြင်းဖြစ်ကာ ၂၀၂၃ ခုနှစ်၊ ဒီဇင်ဘာလကုန်အထိ ရန်ကုန်တိုင်းမှ သိုလှောင်ရုံ ၈၇ လုံး၊ ဧရာဝတီတိုင်းမှ သိုလှောင်ရုံ ၅၂ လုံး၊ ပဲခူးတိုင်းမှ သိုလှောင်ရုံ ၁၀ လုံး၊ မန္တလေးတိုင်းမှ သိုလှောင်ရုံ ၄ လုံး၊ စစ်ကိုင်းတိုင်းမှ သိုလှောင်ရုံ ၁ လုံး၊ နေပြည်တော်ကောင်စီနယ်မြေမှ သိုလှောင်ရုံ ၁၉ လုံးနှင့် ရခိုင်ပြည်နယ်မှ သိုလှောင်ရုံ ၁ လုံး စုစုပေါင်း သိုလှောင်ရုံ ၁၇၄ လုံးအား မှတ်ပုံတင်ဆောင်ရွက်ထားပြီးဖြစ်သည်။
Yangon Times/NN
#Local_News
#Published_ 12 January 2024
#YMG #Yangon_Times #Yangon_Media_Group #YMG_News

Published 12 January 2024

ရှေ့နေများက နိုင်ငံတကာတရားရုံး(ICJ)မှာ အစ္စရေးလ်တို့ လူမျိုးသုဥ်းသတ်ဖြတ်နေတယ်ဆိုပြီး အမှုတင်သွင်းခဲ့ရာ တောင်အာဖရိကကို ဟားမတ်စ်စစ်သွေးကြွတို့ရဲ့ တရားဝင်အသိအမှတ်ပြု လက်ခွဲအဖွဲ့လို့ အစ္စရေးလ်က ဇန်နဝါရီ ၁၁ ရက်နေ့မှာ ခေါ်ဆိုလိုက်ပါတယ်။

နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ လီယာဟိုင်ယက်က ဂါဇာကမ်းမြောင်မှာ အစ္စရေးလ်တို့ စစ်ဆင်ရေးဆင်နွှဲနေတဲ့အပေါ် တောင်အာဖရိကမှ တရားစွဲဆိုခြင်းနဲ့ ပတ်သက်ပြီး သမိုင်းမှာ သူတော်ကောင်းယောင် အဆောင်ဆုံးဖြစ်ရပ်လို့ သတ်မှတ်လိုက်ပါတယ်။

တောင်အာဖရိကရဲ့ တရားစွဲချက်မှာ အစ္စရေးလ်တို့က ဂါဇာကမ်းမြောင်ဒေသမှာ ပါလက်စ်တိုင်းလူမျိုးများအပေါ် လူမျိုးသုဥ်းသတ်ဖြတ်မှု ကျူးလွန်နေပြီး ဂါဇာမှာ စစ်ပွဲတိုက်ခိုက်မှုတွေ အရေးပေါ်ရပ်ဆိုင်းပေးရန် အလိုရှိနေတာ ဖြစ်ပါတယ်။

အစ္စရေးလ်က ထိုစွပ်စွဲချက်ဟာ ယုတ္တိမရှိ ရယ်စရာကောင်းတယ်ဆိုပြီး ငြင်းဆိုလိုက်ကာ အခိုင်အမာ ကာကွယ်သွားမယ်လို့ သောကြာနေ့က ဆိုလိုက်ပါတယ်။

တောင်အာဖရိက တရားရေးဝန်ကြီး ရော်နယ်လာမိုလာက ဘယ်လောက်ပဲ ဆိုးရွားသည်ဖြစ်စေ တိုင်းတစ်ပါးကို ပစ်ခတ်တိုက်ခိုက်တာမျိုး မပြုလုပ်သင့်ကြောင်း၊ ဒါမှသာ ကာကွယ်ပိုင်ခွင့် လုပ်ရိုးလုပ်စဥ်အတိုင်း ကာကွယ်ခွင့်ရမှာ ဖြစ်ကြောင်း၊ အစ္စရေးလ်တို့ တုန့်ပြန်တိုက်ခိုက်တာက စည်းကျော်သွားပြီး ထိုလုပ်ရိုးလုပ်စဥ်ကို ဖောက်ဖျက်ရာကျကြောင်း ပြောကြားသွားပါတယ်။

အမှုကြားနာတဲ့နေ့မှာ အစ္စရေးလ်လိုလားသူ ထောင်နဲ့ချီပြီး ကုလသမဂ္ဂ အထက်တရားရုံးရှေ့မှာ အလံကိုင်ဆန္ဒပြကြကာ ဟားမတ်စ်တို့ဖမ်းဆီးသွားတဲ့ ဓားစာခံရဲ့ပုံတွေကိုလည်း ကိုင်ဆောင်ထားကြပါတယ်။

ဒါ့အပြင် ပါလက်စ်တိုင်းလိုလားသူတွေကလည်း ချီတက်လာကြရာ နှစ်ဖက်ခိုက်ရန် မဖြစ်ပွားစေရန် ရဲအင်အားအများအပြား နေရာချထားခဲ့ရပါတယ်။

ကမ္ဘာ့တရားရုံးက တောင်အာဖရိက စွပ်စွဲချက်ကို ကြာသပတေးနေ့မှာ ကြားနာမှာဖြစ်ပြီး အစ္စရေးလ်ရဲ့ တုန့်ပြန်ဖြေကြားချက်ကို သောကြာနေ့မှာ ကြားနာမှာ ဖြစ်ပါတယ်။

တိုင်းပြည်တစ်ခုခု ဒါမှမဟုတ် လူမျိုးစုတစ်ခုမှ လူအများအပြားကို ရည်ရွယ်ချက်ရှိရှိ သတ်ဖြတ်ခြင်းဟာ လူမျိုးသုဥ်းသတ်ဖြတ်မှု မြောက်ပါတယ်။
Source: WION
#World_News
#Published_ 10 January 2024
#YMG #Yangon_Times #Yangon_Media_Group #YMG_News