ဘိုင်အိုနစ်ရော်ဘာတုဖြင့်လေယာဥ်တာယာထုတ်လုပ်သည့်နည်းပညာကို တရုတ်ပညာရှင်များ အောင်မြင်စွာဖန်တီးနိုင်ကြောင်းကြေညာ

တရုတ်သုတေသီများဟာ ဘိုင်အိုနစ်ရော်ဘာတုဖြင့် လေယာဥ်တာယာထုတ်လုပ်ခြင်း၊ သက်ဆိုင်ရာ ဒီဂျစ်တယ်တာယာ စက်မှုလုပ်ငန်းဆော့ဝဲ ထုတ်လုပ်ခြင်း နည်းပညာတိုမှာ ဆန်းသစ်တီထွင်မှုများ အောင်မြင်ခဲ့ပါတယ်။
#Asia_Development
Published 28 December 2023
#ဘိုင်အိုနစ်ရော်ဘာတု #အောင်မြင်စွာဖန်တီး
#Yangon_Times #YMG_News #Yangon_Media_Group

#Daily_News
Published 28 December 2023

၁။ ယခုလအတွင်း ကိုဗစ်ပိုးတွေ့သူ(၈၅)ဦးအထိရှိလာ၊ မျိုးကွဲကိုဗစ်ပိုးကိုကာကွယ်နိုင်သည့် ဖိုင်ဇာကာကွယ်ဆေးများရောက်ရှိလာတော့မည်

၂။ ပို့ကုန်မူဝါဒအပြောင်းအလဲကြောင့် နိုင်ငံခြားငွေလဲလှယ်နှုန်းထားပြင်ပ ပေါက်ဈေးဖြင့် ၉၀%ခန့်အထိရရှိသောကြောင့် တွက်ခြေကိုက်ဟုဆို

၃။ ရောဂါ ဖြစ်ပွားခဲ့ခြင်းနှင့်ဆောင်းတွင်းကာလ ရောက်ရှိလာတာကြောင့် ဆိတ်မွေးမြူရေးဈေးကွက် အရောင်းဝယ်အေးနေ

၄။ ဘိုင်အိုနစ်ရော်ဘာတုဖြင့် လေယာဥ်တာယာထုတ်လုပ်သည့်နည်းပညာကို တရုတ်ပညာရှင်များ အောင်မြင်စွာဖန်တီးနိုင်ကြောင်းကြေညာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

#Local_News
Published_ 28 December 2023

မြန်မာ-အိန္ဒိယနှစ်နိုင်ငံ သံတမန်ဆက်ဆံရေး (၇၅)နှစ်ပြည့် အထိမ်းအမှတ်အခမ်းအနားကို ဒီဇင်ဘာ ၂၃ ရက်တွင် အိန္ဒိယနိုင်ငံ၊ နယူးဒေလီမြို့၊ မြန်မာသံရုံး၌ ကျင်းပခဲ့ပါတယ်။

အခမ်းအနားသို့ အိန္ဒိယပြည်ပရေးရာဝန်ကြီးဌာနမှ Minister of State ဖြစ်သူ H.E. Smt Meenakashi Lekhi က ဂုဏ်ထူးဆောင်ဧည့်သည်တော်အဖြစ် တက်ရောက်ခဲ့ပြီး အာဆီယံနိုင်ငံနှင့် မိတ်ဖက်နိုင်ငံများမှ သံအမတ်ကြီးများနှင့်ဇနီးများ၊ မြန်မာနိုင်ငံမှ စီးပွားရေးလုပ်ငန်းရှင်များ၊ အိန္ဒိယစီးပွားရေး လုပ်ငန်းရှင်များနှင့် ဖိတ်ကြားထားသည့် ဧည့်သည်တော်များဖြင့် စည်ကားသိုက်မြိုက်စွာ ကျင်းပခဲ့ပါတယ်။

မြန်မာသံအမတ်ကြီး ဦးမိုးကျော်အောင်က မြန်မာနှင့် အိန္ဒိယ နှစ်နိုင်ငံ ဆက်ဆံရေး ပိုမိုခိုင်မာလာစေရန်နှင့် နှစ်နိုင်ငံ ပြည်သူများ၊ စီးပွားရေးလုပ်ငန်းရှင်များ ဆက်သွယ်ဆောင်ရွက်မှု ပိုမိုတိုးတက်လာစေဖို့ ရည်ရွယ်ကျင်းပခြင်းဖြစ်တယ်လို့ ပြောကြားခဲ့ပါတယ်။ ထို့နောက်ဂုဏ်ထူးဆောင်ဧည့်သည်တော် H.E. Smt Meenakashi Lekhi က မြန်မာ-အိန္ဒိယ နှစ်နိုင်ငံ ချစ်ကြည်ရင်းနှီးခဲ့တဲ့သာဓကများ၊ အိန္ဒိယနိုင်ငံ အနေဖြင့် မြန်မာနိုင်ငံ၏ အိမ်နီးချင်းကောင်းပီသစွာ ဆက်လက်ရပ်တည်သွားမယ်လို့ ဆိုပါတယ်။

ထို့နောက် မြန်မာ့ယဉ်ကျေးမှု အနုပညာ၊ ယွန်းထည်များအပြင် မြန်မာထွက်ကုန်များဖြစ်သည့် ပဲအမျိုးမျိုး၊ ထောပတ်သီး၊ မြန်မာ့ကျောက်မျက်ရတနာများနှင့် အိန္ဒိယ ထွက်ကုန်များကို မြန်မာသံရုံးအတွင်း၌ ဆိုင်ခန်းပေါင်း (၂၀)ခန့်ဖြင့် ခင်းကျင်းပြသသည့် ကုန်စည်ပြပွဲ ဖွင့်လှစ်ပေးခဲ့ပါတယ်။

ထို့ပြင် မြန်မာ-အိန္ဒိယနှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှုဆိုင်ရာ ဆွေးနွေးပွဲနှင့် နှစ်နိုင်ငံအကြား ခရီးသွားလုပ်ငန်း၊ ယဉ်ကျေးမှုနှင့် ပြည်သူ အချင်းအချင်း ကူးလူးဆက်ဆံမှုဆိုင်ရာ ဆွေးနွေးပွဲများ ကျင်းပခဲ့ပြီး မြန်မာနိုင်ငံနှင့် အိန္ဒိယနိုင်ငံမှ ကိုယ်စားလှယ် စုစုပေါင်း (၁၂) ဦးမှ တက်ရောက်ဆွေးနွေးခဲ့ပါတယ်။ ထို့နောက် မြန်မာ-အိန္ဒိယ ယဉ်ကျေးမှုဖလှယ်ရေး မြှင့်တင်ရန်ရည်ရွယ်၍ မြန်မာတိုင်းရင်းသားဝတ်စုံ၊ အိန္ဒိယ ရိုးရာဝတ်စုံများ ဝတ်ဆင်ပြသခဲ့တဲ့အပြင် အိန္ဒိယအကအဖွဲ့များမှ အဆို၊ အကများဖြင့် ဖျော်ဖြေခဲ့ကြောင်း သတင်းရရှိပါတယ်။

#Local_News #မြန်မာ-အိန္ဒိယ #(၇၅)နှစ်ပြည့် အခမ်းအနား # နယူးဒေလီမှာပြုလုပ် #ymg_mnn #Yangon_Media_Group

အရင်နှစ်တွေက လှိုင်ချိန်ဆိုဈေးကျတတ်တယ်၊ ဒီနှစ်မကျတာကတစ်ခြားထွက်နေလို ၊ဖိလစ်ပိုင်၊ ဗီယက်နမ်စတဲ့နိုင်ငံ‌တွေကဝယ်ယူနေတာကြောင့်ဈေးကောင်းရနေတယ်
#Local_News
Published 28 December 2023
#ကြက်သွန်နီဈေးကောင်း #သယ်ယူစရိတ်များပြား
#YMG/NN #Yangon_Times

‘၂၀၂၃ခုနှစ်အတွက်ရွှေကြိုရွေးချယ်ပွဲနောက်ဆုံးအဆင့်ဆက်လက်ကျင်းပနေပြီး ရုပ်ရှင်ထူးချွန်ဆု ရွှေကြို အမျိုးသား(၁၀)ဦး၊ အမျိုးသမီး ၁၀ ဦးအပြင် သရုပ်ဆောင်ဖြစ်နိုင်သူတွေကိုပါ ရွေးချယ်သွားမှာဖြစ်တယ်’
မြန်မာနိုင်ငံရုပ်ရှင်အစည်းအရုံး၊ ဒုဥက္ကဌဦးအေးကြူလေး
#Local_News
Published 28 December 2023
#ရွှေကြိုမောင်မယ် #ရုပ်ရှင်ထူးချွန်ဆု
#tthl #Yangon_Times

#Local_News
Published 28 December 2023

နှမ်းအဝင်နည်းသော်လည်းဝယ်လိုအားကျဆင်းနေသောကြောင့် ဈေးကွက်အေးနေကြောင်း မန္တလေးပဲနှမ်းဈေးကွက်မှသိရသည်။

နှမ်းဖြူကို ဆီထုတ်လုပ်ရာတွင်အသုံးပြုလေ့ရှိပြီး လတ်‌တလောတွင် ပြည်တွင်းဆီစက်သမားများ၏ဝယ်လိုအားလျော့ကျနေခြင်းးကြောင့် ဈေးကွက်အေးနေခြင်းဖြစ်ကြောင်းသိရသည်။

'ဒီရက်ပိုင်းထဲ နှမ်းမျိုးစုံဈေးကွက်ထဲ ဝင်တာ နည်းလာတယ်၊နည်းလာ ပေမယ့်ပြည်တွင်းဈေးကွက် ဝယ်ယူမှုအေးတာ ကြောင့်နှမ်းညို ဈေးအေးနေတယ်၊နှမ်းဖြူရိုးရိုးဈေးကျတယ်၊ နှမ်းနက် (စမုံ) ဈေး ကတော့ ဝယ်လက်လေးရှိတော့ အနည်းငယ်မြင့်တက်နေတယ်' ဟု မန္တလေးမှ ပဲနှမ်းကုန်သည် ဦးမိုးကျော်ကပြောသည်။

နှမ်းနက်(စမုံ) ၄၅ပိဿာဝင်သုံးတင်းတစ်အိတ်လျှင်ယခုတစ်ပတ် ကျပ် ၃၁၀၀၀၀ မှ ၃၅၅၀၀၀ အထိဈေးနှုန်းရှိနေပြီး ယခင်တစ်ပတ် အတိုင်းဈေးငြိမ်နေကာ ယခင်လထက် ၁၅၀၀၀ မှ၂၅၀၀၀ မြင့်တက်လာကြောင်းသိရသည်။

နှမ်းဖြူ(ရိုးရိုး) ၄၅ပိဿာဝင်သုံးတင်းတစ်အိတ်လျှင် ယခုတစ်ပတ်ကျပ် ၃၂၀၀၀၀ မှ ၃၄၀၀၀၀ ဈေးနှုန်းရှိနေပြီး ယခင်တစ်ပတ်ထက်ကျပ် ၁၀၀၀၀ မှ ၂၀၀၀၀ အထိလည်းကောင်း၊ ယခင်လထက်ကျပ် ၅၀၀၀လည်းကောင်း ဈေးနှုန်းများကျဆင်းလာကြောင်း သိရသည်။

နှမ်းဖြူ(ဂျပန်) ၄၅ပိဿာဝင်သုံးတင်းတစ်အိတ်လျှင် ယခုတစ်ပတ်ကျပ် ၃၆၀၀၀၀ မှ ၃၆၅၀၀၀ အထိဈေးနှုန်းရှိလာပြီး ယခင်တစ်ပတ် အတိုင်းဈေးငြိမ်နေပြီး၊ ယခင်လထက်ကျပ် ၅၀၀၀ အထိမြင့်တက်လာကြောင်းသိရသည်။

ထို့အပြင် နှမ်းညို ၄၅ပိဿာဝင်သုံးတင်းတစ်အိတ်လျှင် ယခုတစ်ပတ်ကျပ် ၂၇၀၀၀၀ မှ ၂၇၅၀၀၀ အထိဈေးနှုန်းရှိနေပြီး ယခင်တစ်ပတ်က ထက်ကျပ် ၅၀၀၀ နှင့် ယခင်လထက်ကျပ် ၁၀၀၀၀ နိမ့်ဈေးနှုန်းကျဆင်းလာကြောင်းသိရသည်။

#Local_News #နှမ်းအဝင်နည်း #ပြည်တွင်းဝယ်လိုအားကျဆင်း #YMG/ NN #Yangon-Times

#Local_News
Published 28  December 2023

ထိုင်းနိုင်ငံ၊ ပထုံဌာနီခရိုင်၊ ထန်ဘူရီမြို့နယ်၊ ပချာထိပတ်ကျေးရွာတွင် ဖွင့်လှစ်ထားသည့် ရွှေဆိုင်ထဲသို့ ရွှေဝယ်မဲ့သူဟန်ဆောင်ဝင်လာကာ လုယူထွက်ပြေးသွားသဖြင့်  မြန်မာရွှေ့ပြောင်းလုပ်သား ၁ ဦး အဖမ်းခံရကြောင်း ထိုင်းသတင်းဌာန များ၏ဖေါ်ပြချက်အရသိရသည်။

ပြီးခဲ့သည့် ဒီဇင်ဘာ ၂၄ ရက်နေ့က ဖြစ်ပွားခဲ့ခြင်းဖြစ်ပြီး ရွှေဆိုင်အတွင်းသို့ မြန်မာရွှေ့ပြောင်းလုပ်သား ၁ ဦး ဝင်ရောက်လာပြီး (၃) ကျပ်သားရှိသည့် ရွှေဆွဲကြိုးကို ဝယ်ယူရန်အတွက် အရောင်းဝန်ထမ်းကို ပြသခိုင်းကာ  ဆွဲကြိုး ထုတ်ပြစဉ် လုယူထွက်ပြေးသွားခြင်းဖြစ်ကြောင်း သိရသည်။

ဖြစ်စဉ်နှင့် ပတ်သက်ပြီး ရွှေဆိုင်ပိုင်ရှင်က အရေးယူပေးဖို့ နယ်မြေခံရဲစခန်းကို တိုင်ကြားခဲ့တာကြောင့် စစ်ဆေးမှုတွေပြုလုပ်ခဲ့ရာမှာ ပြစ်မှုကျူးလွန်သူ မြန်မာလုပ်သား၏ မျက်နှာကို CCTV မှတ်တမ်းမှတဆင့် တွေ့မြင်သိရှိခဲ့ပြီး စုံစမ်းစစ်ဆေးမှုများပြုလုပ်ခဲ့ရာ ဒီဇင်ဘာလ ၂၆ ရက် တွင် ပြစ်မှုကျူးလွန်သူနေထိုင်သည့် ပထုံဌာနီခရိုင်၊ ခေါင်လွမ်မြို့နယ်၊ ခေါင်နိမ်ကျေးရွာရှိ အိမ်တန်းလျားတွင် အခင်းဖြစ်ပွားသည့်​ေန့က ဝတ်ဆင်ခဲ့သည့် အဝတ်အ စားနှင့်အတူ ဖမ်းဆီးရမိခဲ့ကြောင်းသိရသည်။

ပြစ်မှုကျူးလွန်သူဟုဆိုသည့် မြန်မာအလုပ်သမားကို စစ်ဆေးရာတွင် မြန်မာနိုင်ငံရှိ ဖခင်ကျန်းမာရေးအတွက် ခွဲစိတ်ကုသမှုပြုလုပ်ရန်  ငွေကြေးလိုအပ်သောကြောင့် ယခုကဲ့သို့ပြုလုပ်ရခြင်းဖြစ်ကာ လုယူခဲ့သည့် ရွှေဆွဲကြိုးကိုလည်း အခင်းဖြစ်သည့်နေ့ကတည်းက ရောင်းချပြီး မြန်မာနိုင်ငံသို့ ဖခင်ကျန်းမာရေးအတွက်ငွေလွှဲပေးခဲ့ကြောင်း ဝန်ခံထွက်ဆိုခဲ့သည်ဟု သိရသည်။

အဆိုပါ ပြစ်မှုကျူးလွန်သူ မြန်မာနိုင်ငံသားကို နယ်မြေခံရဲစခန်းတွင် ထိန်းသိမ်းထားပြီး လုယက်မှုဖြင့် အမှုဖွင့်လှစ်ထားကာ ဥပဒေအရ အရေးယူဆောင်ရွက်သွားမည်ဖြစ်ကြောင်း သိရသည်။

#Local_News #ရွှေဆိုင်မှရွှေဆွဲကြိုးလုယူမှုဖြစ် #YMG/LW #Yangon_Times

#Local_News
Published 28 December 2023

လာမည့်၂၀၂၄ ခုနှစ်၊ ဇန်နဝါရီလနှင့် ဖေဖော်ဝါရီလအတွင်း ဖြစ်ပေါ်လာနိုင်သည့် အယ်လ်နီညို အခြေအနေကို မိုးလေဝ်နှင့်ဇလဗေဒညွှန်ကြားမှုဦးစီးဌာနမှထုတ်ပြန်လိုက်ပြီးလာမည့်ဇန်နဝါရီလတွင်အယ်နီညိုအားကောင်းပြီး ဖေဖော်ဝါရီလတွင်တဖြည်းဖြည်းအားပြန်လျော့ကျလာနိုင်ကြောင်းသိရသည်။

အယ်နီညိုသက်ရောက်မှုအားကောင်းချိန်တွင် အကျိုးသက်ရောက်မှုအဖြစ် မိုးရွာသွန်းမှုမူမမှန်ခြင်း၊ နေ့အပူ ချိန်များ မြင့်မားခြင်း၊ မုန်တိုင်းဖြစ်ပေါ်မှုများ မူမမှန်ခြင်း၊ မိုးခေါင်ရေရှားခြင်းစသည့် အစွန်းရောက် မိုးလေဝသ ဖြစ်စဉ်များဖြစ်နိုင်သည်ဟုသတိပေးထားသည်။

ထုတ်ပြန်ချက်တွင် အီကွေတာအနီးရှိ အပူပိုင်းပစိဖိတ်သမုဒ္ဒရာ (Tropical Pacific Ocean)၏ ပင်လယ်ရေ မျက်နှာပြင်အပူချိန်နှင့် လေထုဖြစ်စဉ်များမှာ အားကောင်းသော အယ်လ်နီညိုအခြေအနေတွင် ရှိနေသည်။

နိုင်ငံတကာမိုးလေဝသဌာနများ၏ သင်္ချာပုံစံပြုမော်ဒယ်များ ခန့်မှန်းချက်အရ ၂၀၂၄ ခုနှစ်၊ ဇန်နဝါရီလအတွင်း အားကောင်းသော အယ်လ်နီညို အခြေအနေတွင် ဆက်လက်တည်ရှိနိုင်ပြီး၊ ဖေဖော်ဝါရီလမှ စတင်၍ အယ်နီညိုအခြေ အနေမှာ တဖြည်းဖြည်း ပြန်လည်လျော့ကျလာနိုင်သည်ဟု ခန့်မှန်းရသည်ဟုဆိုသည်။

အယ်လ်နီညိုဖြစ်စဉ်သည် ပစိဖိတ်သမုဒ္ဒရာတွင် ဖြစ်ပေါ်သည့်ဖြစ်စဉ် ဖြစ်သော်လည်း အဆိုပါ အယ်လ်နီညိုဖြစ်စဉ် ကြောင့် အကျိုးသက်ရောက်မှုမှာ ယေဘုယျအားဖြင့် မိုးရွာသွန်းမှု မူမမှန်ခြင်း၊ နေ့အပူချိန်များမြင့်မားခြင်း၊ မုန်တိုင်းဖြစ်ပေါ်မှုများ မူမမှန်ခြင်း၊ မိုးခေါင်ရေရှားခြင်းစသည့် အစွန်းရောက် မိုးလေဝသဖြစ်စဉ်များ ဖြစ်ပေါ်နိုင် မည်ဖြစ်သည်။

သို့ဖြစ်ပါ၍ မိမိတို့သက်ဆိုင်ရာ ကဏ္ဍများအလိုက် ကြိုတင်ပြင်ဆင်နိုင်ကြပါရန် အသိပေးအပ်ကြောင်းနှင့် အယ်လ်နီညိုဖြစ်ပေါ်မှုနှင့် ပတ်သက်သည့် အခြေအနေများအား အချိန်နှင့် တစ်ပြေးညီ ဆက်လက်ထုတ်ပြန်ပေးပို့သွား မည် ဖြစ်ကြောင်း သိရသည်။

#Local_News#အယ်နီညိုအားကောင်း #ပူပြင်းခြင်း #tthl #Yangon_Times

"ရောဂါဖြစ်တဲ့ ဆိတ်ကိုဝယ်မိမှာစိုးတဲ့အတွက် ဆိတ်မွေးမြူသူတွေဟာ ထပ်တိုးမွေးမြူတာမျိုး မလုပ်တာရယ် ဆောင်းတွင်ကာလမှာ အအေးဒဏ်ကြောင့် ပိုဂရုစိုက်ရတဲ့အတွက် ဆိတ်မွေးမြူရေးဈေးကွက်ကတော့အေးနေအုံးမှာပါ"လို့ ဝမ်းတွင်းမြို့နယ်က ဆိတ်မွေးမြူရေးပြုလုပ်သူ ကိုထူးကပြောပါတယ်။
#Local_News
Published 28 December 2023
#ဆိတ်မွေးမြူရေးဈေးကွက် #အရောင်းဝယ်အေးနေ
#YMG/LW #Yangon_Times

#Local_News
Published 28 December 2023

အပြည်ပြည်ဆိုင်ရာကြက်ခြေနီနှင့် လခြမ်းနီအသင်းများဖက်ဒရေးရှင်း၊ ဂျာမနီနိုင်ငံကြက်ခြေနီအသင်းနှင့် ဒိန်းမတ် နိုင်ငံကြက်ခြေနီအသင်းတို့၏ ပံ့ပိုးကူညီမှုဖြင့် မကွေးတိုင်းအတွင်းရှိ ရေဘေးသင့်ပြည်သူများကိုငွေသားထောက်ပံ့ နိုင်ခဲ့ကြောင်း မြန်မာနိုင်ငံကြက်ခြေနီအသင်းမှ သိရသည်။

မကွေးတိုင်း၊ ဆင်ဖြူကျွန်းမြို့အတွင်းရှိ ပြည်တော်သာကျေးရွာမှ အိမ်ထောင်စုပေါင်း (၁၂၆)စု၊ မြောက်ရှားတော ကျေးရွာမှ အိမ်ထောင်စုပေါင်း(၁၂၅)စုနှင့် မြို့ပေါ်ရပ်ကွက်များဖြစ်သည့် အမှတ်(၁)ရပ်ကွက်မှ အိမ်ထောင်စုပေါင်း (၁၀၁)စု၊ အမှတ်(၂)ရပ်ကွက်မှ အိမ်ထောင်စုပေါင်း(၇၇)စု၊ အမှတ်(၃)ရပ်ကွက်မှ အိမ်ထောင်စုပေါင်း(၁၆၈)စုဖြင့် စုစုပေါင်းအိမ်ထောင်စု(၅၉၇)စုအတွက် အိမ်ထောင်စု(၁)စုလျှင် ငွေသားကျပ် (၂)သိန်းစီဖြင့် စုစုပေါင်းငွေသား (၆၉,၂၀၀,၀၀၀)ကျပ် ကို ထောက်ပံ့ကူညီခဲ့ခြင်းဖြစ်သည်။

မကွေးတိုင်းဒေသကြီး ကြက်ခြေနီကြီးကြပ်မှုကော်မတီ ဥက္ကဌပါမောက္ခဒေါက်တာဒေါ်ချောခင်နှင့်စီမံချက်လုပ်ငန်းများ စီမံခန့်ခွဲမှု ယူနစ်ညွှန်ကြားရေးမှူး ဒေါ်အေးအေးငြိမ်းတို့ ဦးဆောင်မှုဖြင့် ဒေသခံကြက်ခြေနီစေတနာ လုပ်အားရှင်များနှင့် စီမံချက်လုပ်ငန်းများ စီမံခန့်ခွဲမှုယူနစ်မှ ဝန်ထမ်းများက သွားရောက်ကူညီဆောင်ရွက်ခဲ့သည် ဟုဆိုသည်။

အသင်းအနေဖြင့် ဆင်ဖြူကျွန်းမြို့နှင့်ကျေးရွာများအတွင်း ရေကြီးရေလျှံမှုများကြောင့် ထိခိုက်ခံစားခဲ့ရသည့် အိမ်ထောင်စုများ ‘ကန်သတ်ချက်မဲ့ငွေသားထောက်ပံ့ခြင်းအစီအစဉ်’ကိုဆောင်ရွက်ခဲ့ရာ နိုဝင်ဘာလ (၂၂)ရက်မှ ဒီဇင်ဘာလ (၂၃)ရက်နေ့အတွင်း အိမ်ထောင်စုပေါင်း(၁,၉၇၀)စုအတွက် စုစုပေါင်း ငွေသား (၃၉၄,၀၀၀,၀၀၀)ကျပ် ကို ထောက်ပံ့ပေးအပ်ခဲ့ပြီးဖြစ်ကြောင်း သိရသည်။

#Local_News #နိုင်ငံတကာကြက်ခြေနီအသင်း #ကျပ်သိန်း(၃၉၀၀)ကျော်ထောက်ပံ့ #tthl #Yangon_Times

လက်ရှိပို့ကုန်ရငွေ မူဝါဒအရ ဆန်၊ ပဲ၊ ပြောင်းကရရှိတဲ့ ပို့ကုန်ရငွေကို စက်သုံးဆီနဲ့ စားသုံးဆီတင်သွင်းတဲ့ ကုမ္ပဏီတွေကို ရောင်းချရင် ၇၀ ရာခိုင်နှုန်းကို အရင်သတ်မှတ်ထားတဲ့ တစ်ဒေါ်လာ ၂၁၀၀ ကျပ် မဟုတ်ဘဲ နေ့စဉ်ပေါက်ဈေး တစ်ဒေါ်လာ ၃၀၀၀ ကျော်နဲ့ရမယ်၊ ကျန်တဲ့ ၃၀ ရာခိုင်နှုန်းထဲကမှ ၃၅ရာခိုင်နှုန်းကို တစ်ဒေါ်လာ ၂၁၀၀ ကျပ် နှုန်းနဲ့ ရာခိုင်နှုန်း ၆၅ နှုန်းကိုတော့ နေ့စဉ်ပေါက်ဈေးနဲ့ ရောင်းချရမှာဖြစ်လို့ နိုင်ငံခြားငွေ ၉၀ရာခိုင်နှုန်း‌
လောက်ပြင်ပ‌ပေါက်ဈေးနဲ့ ရတယ်
#Local_News
Published 28 December 2023
#နိုင်ငံခြားငွေလဲလှယ်နှုန်း #ပို့ကုန်မူဝါဒအပြောင်းအလဲ
#YMG/NN #Yangon_Times

#Local_News
Published 28 December 2023

မြန်မာနိုင်ငံ၏လျှပ်စစ်လိုအပ်ချက်ကိုဖြည့်ဆည်းရန်အတွက် လာအိုနိုင်ငံနှင့်ပူးပေါင်းပြီး မြန်မာ-လာအို နယ်စပ် ဖြတ်ကျော် ဓာတ်အားလိုင်းစီမံကိန်းအမြန်ဆုံးအကောင်အထည်ဖော်ရန်ရှိသလို မဲခေါင်မြစ်ဝှမ်းတွင် ရေအားလျှပ် စစ်စီမံကိန်းများ အကောင်အထည်ဖော်နိုင်ရေးလည်း ပူးပေါင်းဆောင်ရွက်သွားမည်ဖြစ်ကြောင်း လျှပ်စစ်စွမ်းအား ဝန်ကြီးဌာနမှ သိရသည်။

ယင်းကဲ့သို့စီမံကိန်းများဆောင်ရွက်ရန်ရှိခြင်းကို လာအိုနိုင်ငံ၊ ဗီယင်ကျင်းမြို့တွင် ကျင်းပသည့် မြန်မာ-လာအို လျှပ်စစ်ကဏ္ဍပူးပေါင်းဆောင်ရွက်မှုဆိုင်ရာ နှစ်နိုင်ငံဝန်ကြီးအဆင့်အစည်းအဝေး၌နှစ်နိုင်ငံဝန်ကြီးများ၏ထည့် သွင်းပြောကြားချက်အရ သိရခြင်းဖြစ်သည်။

လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးဉာဏ်ထွန်းက ‘‘မြန်မာနိုင်ငံအနေဖြင့် ၂၀၃၀ ပြည့်နှစ်တွင် ၁၄,၅၄၂ မဂ္ဂါဝပ်လိုအပ်မည်ဖြစ်ကြောင်း၊ အဆိုပါ ဓာတ်အားလိုအပ်ချက်ကို ပြည့်မီစေရန် နိုင်ငံအတွင်း ဓာတ် အားထုတ်လုပ်မှုများသာမက နယ်စပ်ဖြတ်ကျော်ဓာတ်အား ဝယ်ယူမှုများ တိုးတက်ဆောင်ရွက်နိုင်ရန် မိမိတို့ ဝန်ကြီးဌာန၏ အဓိကအရေးကြီးသော ဦးစားပေးလုပ်ငန်းတစ်ရပ်ဖြစ်ကြောင်း၊ တရုတ်နိုင်ငံ၊ ထိုင်းနိုင်ငံတို့နှင့် လည်း နယ်စပ်ဖြတ်ကျော် ဓာတ်အားလိုင်း စီမံကိန်းများ တည်ဆောက်၍ လျှပ်စစ်ဓာတ်အားဝယ်ယူ ဖြည့်ဆည်း နိုင်ရန် ဆောင်ရွက်လျက်ရှိကြောင်း၊ ထိုကြောင့် စီမံကိန်းအား လျင်မြန်စွာ အကောင်အထည်ဖော်နိုင်ရေးကို အထူး အလေးထားကြောင်း၊

မြန်မာ-လာအို နယ်စပ်ဖြတ်ကျော်ဓာတ်အားလိုင်းစီမံကိန်းကို ကာလတိုအတွင်း အကောင်အထည်ဖော် ဆောင် ရွက်လိုကြောင်း၊ နယ်စပ်ဖြတ်ကျော် ဓာတ်အားလိုင်းစီမံကိန်း၏ FSR ပြီးစီးမှုနှင့် FSR အပေါ် စိစစ် သုံးသပ်ချက် များအရ နည်းပညာနှင့် စီးပွားရေးတွက်ချေကိုက်မှုရှိသည့် အပေါ်မူတည်၍ စီမံကိန်းအကောင် အထည်ဖော်နိုင်ရေး ကို နှစ်နိုင်ငံအစိုးရများထံ တင်ပြလမ်းညွှန်မှု ခံယူနိုင်မည်ဖြစ်၍ သက်ဆိုင်ရာ ကုမ္ပဏီများက FSR မြန်ဆန်စွာ ပြီးစီးအောင်ဆောင်ရွက်ပေးကြရန် တိုက်တွန်းပြောကြားလိုကြောင်း၊ လာအိုနိုင်ငံအစိုးရ၏ ခိုင်မာသော ထောက်ခံ အားပေးမှုများကို အပြည့်အဝအသိအမှတ်ပြုကြောင်း၊

နှစ်နိုင်ငံနယ်စပ်ဖြတ်ကျော်ဓာတ်အားလိုင်းစီမံကိန်းနှင့် မဲခေါင်မြစ်ဝှမ်းတွင် ရေအားလျှပ်စစ်စီမံကိန်းများ အကောင်အထည်ဖော်နိုင်ရေးအတွက် ပူးတွဲလေ့လာမှုလုပ်ငန်းများ ဆောင်ရွက်ကြရန် လိုအပ်သည်များအား ကူညီပံ့ပိုးပေးသွားမည်ဖြစ်ပါကြောင်း’’ ပြောကြားခဲ့သည်။

ထို့နောက် လာအိုနိုင်ငံစွမ်းအင်နှင့် သတ္ထုတွင်းဝန်ကြီးဌာနဝန်ကြီး မစ္စတာ ဖိုစေးစရာစုံကလည်း’ မြန်မာ-လာအို နယ်စပ်ဖြတ်ကျော် ဓာတ်အားလိုင်းစီမံကိန်းနှင့် မဲခေါင်မြစ်ဝှမ်းတွင် ရေအားလျှပ်စစ်စီမံ ကိန်းများ ဖြစ်မြောက် နိုင်စွမ်း လေ့လာမှုတို့ကို တွန်းအားပေးဆောင်ရွက်လိုကြောင်း၊ နှစ်နိုင်ငံအကြား Power Supply Framework Agreement လက်မှတ်ရေးထိုးနိုင်ရေးဆောင်ရွက်ရန်၊ နှစ်နိုင်ငံ ဓာတ်အား စနစ်ချိတ်ဆက်ရေး နည်းပညာဆိုင်ရာ လိုအပ်ချက်များနှင့် ရယူမည့် ဓာတ်အားပမာဏများကို လေ့လာသုံးသပ်မည့် အကြံပေးပညာရှင်အဖွဲ့နှင့်ဆောင်ရွက်ရန်နှင့် မဲခေါင်မြစ်ဝှမ်း ရေအားလျှပ်စစ်စီမံကိန်းများဖြစ်မြောက်နိုင်စွမ်း လေ့လာမှုကို လာအိုကုမ္ပဏီနှင့်မြန်မာ ကုမ္ပဏီတို့ပူးပေါင်းဆောင်ရွက်နိုင်ရန်တို့အပေါ်နှစ်နိုင်ငံဝန်ကြီးဌာနများမှ လိုအပ်သော အကူအညီများပေးအပ် သွားမည် ဖြစ်ကြောင်း ထည့်သွင်းပြောကြားခဲ့သည်။

ပြည်ထောင်စုဝန်ကြီးနှင့်အဖွဲ့များသည် ဒီဇင်ဘာ ၂၆ ရက်တွင် မဲခေါင်မြစ်ပေါ်တွင် ၁၄၆၀ မဂ္ဂါဝပ် ထုတ်လုပ်မည့် Navigation Lock ပါ ထည့်သွင်းတည်ဆောက်လျက်ရှိသည့် ရေအားလျှပ်စစ်စီမံကိန်းလုပ်ငန်းခွင်သို့ သွားရောက် ကြည့်ရှုလေ့လာကြပြီး စီမံကိန်းလုပ်ငန်း အကောင်အထည်ဖော် တည်ဆောက်နေမှု အခြေအနေများအားကြည့်ရှု လေ့လာခဲ့ကြကြောင်းသိရသည်။

#Local_News #မြန်မာ-လာအိုဓာတ်အားလိုင်း #စီမံကိန်းအကောင်အထည်ဖော် #tthl #Yangon_Times